رواية love to be loved by you -5
مخنووووووقهْ~
عند اول مريض
مااخفيكم كان قلبي يرقع لدرجة ان احشائي صارت تتراقص من كثر ماكنت مخنوقه....ولكني بمجرد اني تذكرت ان حلمي على مشآرف التحقيق يوم مسكت اللاب كوت بيدي ولبسته نزلت دمعه يتيمه من عيني مسحتها وسميت بالله ودخلت عالمريض
حلا :السلام عليكم
المريض (عبدالرحمن ) :وعليكم السلام
حلا: شلونك اخوي حسب مااشوف بملفك كل يوم عن اللي قبله في تحسن
المريض :الاخت سعوديه ؟؟
حلا:ايه نعم ...عموما هالشي مايفرق ان كنت سعوديه او غيره ...انا جيت اتطمن على حالك واخذ ضغطك واشوف النبض
عبدالرحمن :اريحك من الحين .. البلا مو بالجسد ولا بالضغط البلا باءحساس قلبي اللي انجرح ..الحين الدكاتره بكل هالعالم مستانسين على الادويه اللي مخترعينها قوليلي وين دوا اوجاع القلب والهموم اذا عندكم له دوا عطوني
حلا:بالفعل اخوي جيت لنقطه حساسه ...يااخوي لو كل انسان بهالدنيا مبسوط ولاعنده هموم ماكان عرف قيمة الفرح... كل انسان بهالدنيا مبتلى والله يبليه يبي يعرف العبد الصبور والشكور من غيره بس الشاطر اللي يفهمها ..الظاهر انك يااخوي حدك بائس والدنيا بآليه بعينك ...وش مشكلتك <<صراحه ذبحني الفضول ابي اعرف وش مشكلته لاني ادري بمدى تأثير الضيق عالنفسيه والحاله الصحيه
عبدالرحمن :حبيبتي ....تخيلي 4 سنوات وانا كل يوم احبها اكثر عن اليوم اللي قبله ويوم جيت ابي اخطبها خذت ....خذت
غيري
حلا ابتسمت مشآكل هالمتهم الي هو الحب ماتخلص
حلا :اسمع وانا اختك
لوكان الحب انسان ماخلا هذا وذاك يلعبوا به ...للاسف يااخ عبدالرحمن الحب ماعرفت تهديه للشخص اللي يستحقه..فعشآن كذا انت مضطر تستحمل كل شي يجيك من ورا هالحب ..بس تدري وشلون تنسى؟هذا هو الحل ولا لك غيره
عبدالرحمن :ايه اصير انسان ثاني ...اعاملهم بالقسى مثل ماعاملوني واستخدم اسلوبهم اللي يجرح ولااهتم لااحد
حلا:لا انا ماقصدت كذا ..انت اذا صرت مثل ماتقول غيرك ترى مومهتم لك ..فكرلاصرت تحت التراب واعمل لذاك اليوم خلي حتى اللئيم اللي اكرمته وتمرد يذكرك بالخير...اناكان قصدي انك تجرب تكون اقرب لربك انا ياعبدالرحمن امر بمرحلتك تماما فقدت انسان عزيز على قلبي وانتظر عوض ربي ....الهم جبل مايكسر الا الابتسامه والامل هادم هالصروح..<<خذت الضغط والنبض
حلا:انا مضطره اطلع معافى يااخوي
عبدالرحمن :اا لوسمحتي <<وطاحت عينه على الكرت
عبدالرحمن :انسه حلا الف شكر لك ليت كل الناس بتفكيرك واخلاقياتك العاليه
حلا باءبتسامه:هذا الواجب ماسويت شي<<طلعت وانا مبسوطه فرحت قلب وعسى ربي يفرح قلبي ويقدرني اسعد قلوب وقلوب ويسعد قلب ضاعت افراحه
..............................................
لو ابي انثر الضيق
على من بنثره؟؟ْ~
بالممر الخارجي
ابرار:عهود اوف مقدر ادخل عليه معصب واقشر شيين حده
عهود :تدرين مالك الا تتميلحين عند محمد يحولها عالبنت الجديده
ابرار:صدق في بنت جديده ماشفتها
عهود:الا انا شفتها اليوم وانا جايه
ابرار تفكر :قوود جبتيهااا
<<الا محمد قدامهم مر
ابرار:محمد
محمد :عيونه سمي
ابرار:اششش لحد يسمع قصر حسك .....محمد طلبتك المريض اللي داخل اقشر شراني مقدر اتفاهم معه..يقولون في موظفه جديده
محمد :هههههههه مسرع مايآصلكم الخبر الا ماتعرفتوا عليها شكلها بزر خ خ خ
ابرار:هههههه صدق لاوالله باقي ماتعرفنا عليها
محمد :خلاص ابشري لك اللي تبينه ...صار شراني المريض هاا
ابرار:ايه اخاف ياكلها المسكينه
محمد بضحكه عاليه:هههههااي خل نفتك منه وهي المسكينه الله يكون بعونها ماتدري انه كذا اقشر هههههههه<<كثير من هالنفسيات يتلذذون برمي البلا على الغير الغافلين على امل الصعود للقمه بابخس الاثمان
.................................................. ......
عبدالعزيز بالشغل يفكر
ثامر :عزوز شفيك موعلى بعضك اليوم ؟؟
عبدالعزيز صحى :هاا لاابد بس الاهل اليوم مداومين <<أبشركم اخت وحده صارت الاهل عند العيال اجل اذا كنا اختين وش بنصير قوم
ثامر :ايه الله يكون بعونهم
عبدالعزيز اللي دقه جواله:امين ....الووو
طلال:هلا عزوز كيف الحال
عبدالعزيز :ايه شفته اول فلم سعودي
طلال:كاااااااك بايخه ...الزبده وش كنت بقول ترى عندي خبر شين
عبدالعزيز :وصوتك هذا مااسمعه الابالشينه ..قول وشو
طلال:اخوي راكان عندكم بالمستشفى
عبدالعزيز:تمزززح!!
طلال:واعرفك امزح انا
عبدالعزيز :خير وش به مايشوف شر
طلال:الشر مايجيك ابد حادث
عبدالعزيز :الحين مااظنه وقت زياره متى ماخلصت زرته قول لخالتي مايشوف شر انشاء الله ياخي لا ابوهم هالمعازيم عين ماصلت عالنبي ..الله يكون بعونه
طلال:ايه صدقت ياتنكه ...اجل طلعت اجودي ياولد مهيره
عبدالعزيز :ممكن تضب لسانك ياولد منى
طلال:لاتجيب طاري منى على لسانك
عبدالعزيز:اقول يالسملّق نسيت اني بدوام
طلال:ايه اكشخوا علينا حنا الله يرزقنا يللا فمان الله ياولد الخاله
عبدالعزيز :ههههه الله يرزقك ياملحم زين مع السلامه
.....................................
التقينآ صدفه وافترقنا صدفه~
ويوم التقينا شهقنا
ونادتنا من اللهفه يدينآ
عند حلا
محمد :حلا وشلون كانت اول حاله
حلا:الحمدلله زينه وفي تحسن يمر به المريض
محمد غمز لها:كويس طمنتينا ...بغيتك تروحين لغرفه رقم 114 اذا ماعندك مانع
حلا ضاق صدرها ماتدري ليش حست محمد من الذئا ب البشريه قطعت الشر واتجهت لغرفه رقم 114 وكان ضربات قلبي كل مالها تزداد اكثر واكثر كلما قربت من الغرفه وحسيت بدوخه بسيطه اللي غالبا ماتصاحب ربكتي وضغطت على مقبض الباب ...وطيت راسي لان المريض كان رجل وصعبه احط عيني بعينه رميت السلام :السلام عليكم
المريض:اوووف وعليكم السلام
هنا بالفعل حسيت بالخوف ماابي مشاكل وهذا اول يوم لي ...تجاهلت حركته السخيفه واستجمعت قواي :عفوا اخوي ممكن اقيس الضغط
المريض تافف :اخلصي
حلا مازالت تتجاهل وجوده وعصبيته اللي اربكتها :ارفع كمك لوسمحت
حلا فتحت جهاز الضغط لتقيس ضغطه ومع الربكه والخوف اللي تمالكني هالمره خصوصا من حركاته طاح الجهاز اللي اقيس فيه من يدي ونزلت اجيبه وهو نزل يجيبه حسيت بدفا ذيك الكفوف واستنكرت موقفي ...وهالمره رفعت راسي وغصب جت عيني بعينه .....يآآآآآه كم تتعمد الصدف تجريحنا احسنت يوم جمعتنا بالاحبه وقست يوم فرقتنا ...والحين تجمعنا وكانها ترش الملح على جرح سببته لنا
حلا :...............................................
خلـــــــــــص البـــــــــــــــــــآرت
ياترى من هو المريض؟؟<<عادر ممكن يطلع السواق <<تهقون؟؟
راكان وشلون ممكن يقنع ابوه ؟السر راح يدوم ولابيتفشّى؟؟
ابطآل روايتنا وش جديدهم
اكيد كل هالتطورات بالبارتات الجايه
وديــــــــــّ~
Part 4
لابنت ابوك ...كل الي سوته اتعبت قلبي ْ~
بيت ابوراكان
ابوراكان بصراخ:حلووووه ياام راكان ماتفقوا ...حلوه وينه هذاك الوقت يوم انه متلهف على بنت عمه ويحلف يمين انه يحطها بعيوونه ولايخلي عليها شي وينه اللي تدهورت حالته وهو ينتظر يوم زواااجه ...ام راكان انا موخايف من شي انا خايف على مستقبل بنت اخوي اللي لوكان عايش ماراح يسامحني لاانا ولا ولدك قوليلي وش السواة الحين
ام راكان:تعوذ من ابليس يابوراكان خل نتفاهم
ابوراكان :ناديني ابوطلال خلاص ماعادني ابوه هذاك الولد
ام راكان:يابوراكان اصحك تغلط غلطة ولدك ...انا عارفه ان بنت اخوك ادب واخلاق بس يمكن بالفعل ماناسبته بكرا يجيه نصيبه وهي نصيبها بيجيها
ابوراكان :هذا كلام يدخل الراس ماتفقوا عشان يطلقها وهم توهم معرسين
ام راكان :يابوراكان انا اعرف ولدي عاقل اسم الله عليه مايسويها اكيد السالفه اكبر انشاء الله الامور تزين وحنا مومستعجلين وبنعرف وشو السبب الحقيقي لطلاقهم <يقولك دايما قلب الام دليلها<<وانا اشهد اصدق دليلJ
ابوراكان :خله ينبسط بكلام الناس على بنت عمه هو ولد موضاره بس هي المسكينه اللي بتضرر
ام راكان :هذا هو هنا اللي مضيق صدري بس قلتلك كل مشكله ولها حل الله كريم
ابوراكان :حسبي الله ونعم الوكيل
.................................................. ..
يدري إناسباب ضعفينظرته.. يدري إني ما أقاومضحكته
يدري إنالروحماتغلى عليه.. لو دعاها جت تلبيدعوته
عند المريض
المريض:خير اختي في شي؟
حلا :...........................
المريض:هيييه انتي اكلمك
حلا والدمعه بعينها:
رآكـــــــــــــــــــــــــان!!
راكان انصدم شفيها هذي:ايه راكان خير تعرفيني؟؟من انتي؟؟<<قوويه ياراكان معقووله تسالني من انتي وانا اللي ضاعت سنين عمري فيك قويه ياراكان ..تدري من انا ؟؟انا اللي لاصرت ملك غيري صارت الدنيا بعيني ظلام ...لااستغفر الله ابشرك صرت ضريره ..انهدمت بعيني احلام ورديه كنت اعيشها وياك ..تدري ياقلبي انفض غبار الاسى ماراح تلاقي من احد اي اهتمام دام اغلى البشر ناسيك
حلا وطت راسها :انا حلا بنت خالتك
راكان اللي اعتدل:انا اسف ياحلا اربكتك صح صدقيني نفسيتي حيل تعبانه
حلا بقلبها ليت الشر خطاني ولااخطاك ..وينها زوجته ياقو قلبها معقوله تخليه ولاهي صوبه وين خالتي وخواته واخوانه غريبه!! وبلهفه:سلامات ماتششوف شر شصار عليك وش اللي وصلك لهالمرحله
راكان :الشر ما يجيك ..مثل ماانتي شايفه حادث ومرقديني عندكم
حلا:......................
راكان يقطع الصمت:توك توظفتي ولا؟؟
حلا:ايه واليوم كان اول يوم وعلى فكره انت ثاني حاله امسكها
راكان :صدق !....الله يوفقك
حلا :آمين ...ممكن اقيس الضغط لوسمحت
راكان :طيب بس لاتتعبين نفسك الظاهر بينفجر جهازكم من ضغطي المرتفع
حلا:<<
وزادني فضول اعرف ليه محد عنده :انت احد جاك اليوم ..خالتي وخواتك والاهل؟؟<<لوزدت كلمه كان قلت اسمها اللي مااطيق انطقه بلساني
راكان :مواقولك ضغطي مرتفع يعني الكل زارني
حلا مافهمت قصده :اهاا ..طيب انشاء الله يكون سليم بس انت خذ نفس واممم تقرى المعوذات وبعدها بقيسه حلوو
راكان ابتسم نص ابتسامه:وانتوا متعودين تسوون كذا مع المرضى
حلا:انا بتعود على كذا يللا
راكان <<طبق اللي قالتله عليه
حلا:هاا تراهن ان ضغطك سليم ومافيك الا العافيه
راكان بقلبه صدق بزر :ههههههههه طيب اجل بتخسرين
حلا بقلبها وقته يضحك مايدري بانه ضحكته تضيّع علوم :يللا بسم الله<<ومع محاولاتي باني مالامس يديه الا بالصدفه لمست ايده كانت بارده حيل رفعت عيني عليه لقيته مغمض عينه ومرجع راسه لورى وكان شكله يتالم ....كنت اقول ليت الالم ساهي جاني ولاجاه انا الآلام خاوتني ولااظن عاد لها تأثير
طالعت بضغطه وابتسمت بقلبي لان قلبي تطمن على قلبي اقصد عليه وبرسميه :اخ راكان <<قلتها وماكانت طالعه من قلب وداخلي مشاعر تتضارب ماكانت ملكي تعوذت من ابليس:ضغطك سليم مثل ماقلتلك
راكان ماصدق:احلفي صدق ولاتمزحين!!
حلا:لاصدق الحمدلله
راكان اللي لاحظ لهجتها المتغير فجاه:الحمدلله
حلا:طيب اخ راكان انا مضطره امشي تآمري بشي؟
راكان بضيق:ايه
حلا رفعت حاجبها:اللي هو ؟؟
راكان :تبطلين رسميتك هذي اللي مالها داعي
حلا:انا بمقر عمل يتطلب مني هالشي خدمه ثانيه
راكان :شكرآ
وجت تبي تطلع
راكان :حلا
حلا من غير شعور :آمر
راكان :يوم جيتي كان في احد من اهلي
حلا فهمت قصده وفسرته انه كان يقصد حنان<<حريم!:اذا كان قصدك حنان لا موموعد زياره
راكان بعصبيه:ومن جاب طاريها ولاعلموك تفسرين كل شي على كيفك<<كان مجرد اسمها يستفزه ذيك اللحظه
حلا وطت راسها:اسفه اخ راكان
راكان حس بالذنب:لا حلا انا اللي آسف ..بس طلبتك لاتجيبين هالطاري
حلا:اي طاري؟؟
راكان:خلاص انسي الموضوع<<وغير الموضوع :ايه وابيك تبطلين رسميه مولايق عليك
حلا:طيب ياا............
راكان يقاطعها :راكان حاف
حلا :راكان <<وطلعت
حلا اللي كانت تمشي بالممر وتحاول تتذكر:ياربي شقلتله انا وقالي لاتجيبين الطاري معقوله يقصد حنان ؟! لالالا مااتوقع يارب موقادره اتذكر وش قلتله انا ..اووف مااظن بتذكر
وبالطريق قابلت وحده من البنات
ابرار:السلام ياحلوه انتي الموظفه الجديده صح
حلا :وعليكم السلام ايه
ابرار:كنتي ماسكه مريض غرفه 114 صح
حلا :ايه
ابرار:يقولون شراني واقشر عسى بس ماضايقك ولا شي؟؟
حلا بقلبها محد اقشر الا انتي مع هالدرابيل :لا الحمدلله زين سويت شغلي وطلعت
ابرار:الحمدلله اجل انا استاذن وفرصه سعيد
حلا :انا اسعد
.
..................................................
بيت ابوراكان
صبا :اوووف ياربي ضايق خلقي
لجين :شكشوكه واكلتي وش تبين بعد؟؟
صبا :انطمي ايه شعليك بعد شآيفه الحب مو حنا لنا الله
لجين ترمي عليها المخده :صدق قليلة حيا ماينقالك شي عنبوك مابقا غير تنشرين غسيلي بالجرايد
صبآ :لجين وش بتلبسين عند لموي؟؟
لجين :الفستان الاصفر ليش؟
صبآ:هذا يخقق عليك كنت بقترح تلبسينه ذووق حده
لجين ترفع خشتها:لاني راقيه ذوقي يجي مثلي بعد رآقي
صبا:طيب <<تسمع بالتسليك
صبا:ياختي كان ودي اداوم اليوم
لجين |:الله الله من وين مشرقه امنا الشمس اليوم؟؟
صبا:اسكتي عاد ماتدرين وش السالفه وربي خايفه من بكرا
لجين:خير وش صاير
صبا :وحده مثل مايقولون بويه مأذيتني
لجين بفهاوه :اي بويه؟؟ متى صبغوا البيت ؟؟طيب اذا بيصبغون الغرفه نامي بالصاله الله لايعوق بشر ..بس غريبه امي ماقالت لي وبعدين شدخل روحة بالمدرسه بهذا كله
صبا :آآآه قلبي بمووت سويتيها سالفه ..بويه يعني البنت المسترجله
لجين تطق راسها :ايييييييييييه توني استوعب على بالك مدري لحقنا على هالخمبقات بس كانوا يستحون اما الحين لاحيا ولامستحى كانو بالكثير بالمدرسه وحده اثنين وتحسين هم كذا يعني خلقه عندهم مشاكل هرمونيه اما الحين ابد حتى اللي ماعندها مشكله مكمله الطقه تبي تصير من ضمنهم
صبا:المهم اني كنت بتهاوش معها اليوم تقول تهاني انها جت اليوم وصارت تتوعد فيني ومدري وشو
لجين تشمر :نعم نعم ؟؟ هذي لعبت الدور صح والله ..وش قصدها يعني
صبا :تبي تتهاوش اقولك
لجين :وانتي ماتعرفين اقرب زاويه تحشرين بوزها فيها
صبا:المشكله بنيتها تقول رجال صدق لوقي تخرع
لجين:عشتوا هي بنيه رجال وانتي بنية فيل انتي بس تمغطي البنت تغدي من ضحايا سيول جده
صبا:سخيييييفه
لجين :مزوووح والله مزوووح يؤبر البي الزعلان والله خلاص مااعيدها
صبا :طيب وش الدبره
لجين ماسكه خط السماجه :مالكش غير دابر املا ..<<وصارت تغني اللي بالاعلان شفتوا وشافني ولماطلبني وافئت عليه J
صبا اللي توقعتها تضحك على هبالها الا انها دفنت راسها بالمخده وصار تبكي
لجين انصدمت :صباااااا ...افا من جدك هذا كله خوف؟؟
صبا:ايه واكثر اقولك والله رجال
لجين رفعت راسها :امسحي دموعك وشغل هالمويه علي
صبا:بويه مهوب مويه
لجين :اللي هو شغلها عندي وانا ام مطلق
صباباءبتسامه:من مطلق
لجين :واحد من عيالي خ خ خ خ ايه كذا الناس يازينها من ضحكه اربكنننن <<اربكن وهو مايقال عند الاعجاب بشدددددده
صبا:لوقي وش ناويه تسوين؟؟
لجين :انتي مالك دخل وخل الباقي علي انا اعرف اتصرف
...............................................
عند اسيل &رزان
رزان :تدرين عاد اليوم قابلت تهاني وذيك بنت اللقيطه ماجت
اسيل :ايه اكيد مرتعبه هالدجاجه وش عليها
رزان :انا بالي طويل ومتى ماداومت بنت اللقيطه عرفت اربيها عدل
اسيل:حرام رشود تقول عنها كذا ...اخر مره يوم البنات دروا
عن هالسالفه كسرت خاطري
رزان :مشكلتك طيبة قلبك..لازم يصير قلبك ميت عشان تعيشين
المهم عندي الكلام يوصل لبنت ال.... بنت اللي مانيب قايل
اسيل:والله متحمسه اشوف وجهها بعد ماتتسطر عشان الحره اللي بقلبي تبرد
رزان :صدق اسيل يعني ماترضين علي؟؟
اسيل :شدعوه رشود حنا مع بعض من انولدنا نسيت؟؟<<طبعا تلاحظون ان كلامها لها كأنها رجل ..بالفعل هي كانت كذا تفضل معاملتها بزعم انها بتصير انسان له كيان بدل ان تكون انسانه بلا كيآن مخلوقه ضعيفه
رزان:آآآ اسيل بقولك شي
اسيل :هممم قول وشو
رزان :لا تدرين مولازم بعدين اقولك
اسيل :ياربي من هالبعدين طيب براحتك
.............................................
<<رهيب
عند المتهم طلال<<عجبتني متهم ..لان كل سعودي مواطن مكافح درس يدور عن وظيفه ويصدموه براتب تقل وجيهم 2000 <<باللهي من وين يعرس الرجال الحين البزر يبيله 300 مدري كم حق حفايظه من وين يعني هذا بيعيش المهم نرجع لنطآق حديثنا
طلال من غير نفس:سلام
ابوراكان :وعليكم السلام ....ها بشّر وش صار
طلال:يبا عندك فيتامين؟؟
ابوراكان :وشو له؟.
طلال:يمكن يوظفون ولدك
ابوراكان :لاحول ولاقوة الا بالله تقصد الواسطه
طلال:ايه نعم
ابوراكان :المشكله مااعرف احد بهالمجال ولا ماتأخرت
طلال:تدري السكرتير عطاني اياها كاش يقول عندك واسطه ابشر بعزك تدخل عالمدير ودوامك بكرآ مانقول غير الشكوى لله
ابوراكان ابتسم سخره لمفاهيم شوهت حقوق وافضليآت بالمجتمع:والله ياولدي ربنا هو اللي خالقك وهو وحد اللي بيدبرك بكرا انشاء الله لاخذت اللغه هالمستشفى بيطلبونك طلب وقل ابوك قالها
طلال:الله كريم يبا الله كريم
..............................................
بيت ابوعبدالعزيز
عبدالعزيز وحلا توهم طلعوا من الدوام
عبدالعزيزبهمس:شوي شوي لايحس فينا ابوي
حلا <<ماكانت حوله هي وعقلها وكلها نسته بالمستشفى عند ذاك الرجل اللي صممت الصدف تجمعها فيه...ذاك الرجل اللي سلا بغيرها وتركها وحدها بالقفص سجينه بتهمة حبه مؤبد
عبدالعزيز :حلاا وجع اكلمك
حلا بفهاوه :هااااا
عبدالعزيز:اقولك شوي شوي لايحس ابوي
حلا:زين زين
شوي الا سمعوا صوت قدم متوجهه لمكانهم وبدى يظهر ظل هالشخص وقلوبهم كانت على ايدهم
.........................................
عند الشباب
مشعل:ها ابوالريون اليوم وش جوكم ؟؟
ريان :شآمي بحت من النوع اللي يحبه قلبك
مشعل :حلو حلو صح عليك يالذيب
ريآن :اذا انا ذيب انت وش تكون؟؟
مشعل :ذيب مهجن
ريآن :وش معنى مهجن
مشعل :يعني كلب ولد ذيب هههههههههههههههههه...تبي تعرف السبب
ريان :قول ياابو التهجين
مشعل:ذيب لاني اكل اللي ابيه وآخذ اللي خاطري فيه وكلب لاني وفي ومخلص اكل حتى العظم
ريآن :واي نوع عظم اللي يعجبك
مشعل:العظآم اللينه ....تدري اكتشفت ان البنات عقولهم مهيب معهم
ريان رفع حاجبه :شلون يعني
مشعل :يعني مثل مااسوي اكشخ واروح المجمع واصيد لك احلى صيده وبسرعه تصدق وتطيح بيدك تخيل حتى اهلها اقدر انسيها
ريان :كفوو كفوو اقولك ذيب
<<هذي الاشكآل اللي غالبا ماتتظاهر بالكمال حتى توقع غيرها بمصيبه صعب الفرار منها في نظر هذي الفئه الفتاه غبيه وتم هالحكم عليها من خلال عينات جربوها صراحه مجتمع يحزن له القلب من هوايله...والمصيبه ان الوحده تطيح بفخ ووراها الف عنبو بليسهم مافي مخ ....انا اشو فان العاطفه تنسونها وتحكمون عقلكم اصرف وتحطون ربي بين عيونكم الدنيا راح تصير تمام التمام<<مجرد وجهة نظر
امسي على هم والم
واصبح على تشويشْ~
بيت ابونايف
نايف بعصبيه:بالاول قوليلي يما وش تبين فيها ..امس سحبت يما حرام هالتبذير
ام نايف:انت مالك دخل وسو اللي اقولك عليه
نايف:طيب بالاول قوليلي وش تبين فيها ؟؟
ام نايف تمسك خذودها :ابي اضبط خدودي البوتكس ماعجبني اخر مره
نايف:اسف يما لوغير هالسبب ممكن ارووح
ام نايف بصراخ:حلوه هذي ولد بطني يحاسبني..انا كلمتي بهالبيت وحدها المسموعه فهمت وطاعتك لي واجبه
نايف :اظنك تعرفين متى تكون واجبه ومتى ماتكون واجبه مايحتاج اقول
ام نايف:الظاهر ماعرفت اربيك ياولد عبدالله ابوك الي هو ابوك ماعارضني
نايف يرفع صوته:وهو يدري وشو له ماخذه هالدراهم؟؟
ام نايف:احترم نفسك ولاتنسى اني امك ..وحسك هذا ان ماقصرته ياويلك
نايف:تدرين يما ليه حسي عآلي؟؟ لانك عمرك ماربيتينا على كذا هالشي عرفته للاسف من انسانه ربتني وهي اللي تستحق مني كلمة امي مواانسانه جابتني ورمتني<<يقصد المربيه (هيفا)<<طبعا هذي المربيه لعائلة ابونايف ربتهم من المهد حتى كبروا قدام عينها انحرمت من العيال والله عوضها فيهم كانت اول ماجت عندهم في وقت ولادة نايف كانت جايه من السودان وولدها ابن الشهر توفى وكانت ترضعه حتى صار ولدها بالرضاعه طبعا فقط نايف ويوم درت ام نايف بهالشي غضبت وطلبت تسفيرها ولكن وش عقبه عقب ما العيال تعودوا عليها..طبعا المربيه هيفا سودانيه الاصل ..سمرا اللون قصيره القامه وحنونة القلب ترغب بالارتباط لمن يرغب نرجو التواصل عبر ....<<اوت J<<لاالمح احد يتميلح
ام نايف :صدق والله هي امك رح لها خل تنفعك انا عايشه فيك وبلياك
<<كلمات قوويه لمن يعي بانها صادره من ام تجردت من معاني الامومه ...رمت عيالها على مربيه وتركت لها الجمل بما حمل ..حرمت عيالها من الحنان اللي سمعوا فيه بالمدرسه ولكن لقوه من مراه ثانيه
نايف بصراخ :يووووه ترى العيشه معك تقصر العمر
ابونايف اللي سمع الصراخ:خير انشاء الله وش صاير
نايف:اسأل مرتك
ابونايف:خير يام نايف
ام نايف:عبدالله موانت قلتلي خل ولدك يجيب الفلوس لك ولا ماقلته
ابونايف:الا قلت ليه وش صاير
ام نايف:ابد ولدك المسعد موناوي يجيب لي الفلوس
نايف:وانت تدري ووش له الفلوس يبا
ابونايف:ايه قالت بقضي بها حاجه
نايف:لاموكذا
ام نايف:ايه ابيها بغير ستايلي انا بفهم اللي يبي يغير لوكه يصير مرتكب جريمه
نايف :واكبر جريمه اذا انتي يما هذا كبرك وهذي سواتك اجل ماأشره على ريم ولا ديم لاسووها ..وانت يبا تارك الحابل والنابل شف وش قاعد يصير من وراك تروح لدكاتره الله العالم وش اصلهم وعمليات ومدري وشو
ابونايف:الزم حدودك ولاتنسى مين قاعد تكلم
ام نايف:ايه اقولك من جالس جده وهو صاير ملسون
ابونايف خزها :شقلتي؟؟
ام نايف ترفع حاجبها :اللي سمعته وانا صادقه
ابونايف:دام هذا رايك احلمي باللي تبينه
ام نايف :دام ولدك بيغيرك علي انا مالي جلسه بهالبيت
نايف:لاالعذر والسموحه يما انتي الداشه وحنا اللي نطلع ..انا اللي مالي قعده بهالبيت <<وطلع من البيت ..طبعا النقاش كان مسموع من قبل ديم وريم اللي بغرفهم خايفين
ريم :ديم احس الدوخه جتني <<ريم فيها فقر دم
ديم :تبينا نروح المستشفى؟؟
ريم :لالا شوي اطيب
ديم :ريوم انا خايفه
ريم تضمها:لاتخافين حبيبتي انشاء الله الامور بتهدى
ديم :الحق نايف مايصير يطلع معصب كذا
ريم :لا الحين هو معصب وبيثور عليك
ام نايف:روحه بلا رده باللي مايحفظك
ابونايف :لاحول ولاقوة الا بالله <<طلع وترك زوجته اللي ما من وراها رجا
ام نايف:الحين وش اقول للحريم زوجي مارضى اسويها اووف حسبي الله عليك يانايف
ديم :يمااا
ام نايف:هااااا وصمّه وش تبين
ديم:ريم تعبانه و...
ام نايف تقاطعها:لاوالله تبيني يعني انومها ولااوكلها سيريلاك ..عطيها دوا وخل تنام بلادلع ولاروحو مع السواق للمستشفى لاتموت علينا
ديم :بس نايف مايرضى
ام نايف:اووووف وكل شي تدخلونلي نايف لاابوكم لاابو ابوكم انتوا عيال مايجي وراكم الا الهم<<وتركت وراها ابنتها بالاسم تبكي كان بالفعل حساسه هالبنت بزياده ..فقدت احاسيس الامومه اللي الكل ينشد عنها
المربيه هيفا ضمتها :خلاص يابنتي لاتبكي
ديم تضمها :هذي مو ام مو ام
المربيه هيفا:لايابنتي ماتقولي كديه عن امك بكرا الله يلين قلبها عليكوم
ديم :وانا خايفه على نايف اخوي
المربيه هيفا:ماتخافي دام ربك انشاء الله معاه ..من طلع وانا فكري وقلبي مشغوله عليه
ديم :دادا هيفا ريم تعبانه عطيتها بندول ونامت
المربيه هيفا حطت يدها على قلبها :وليه ماقلتيلي عليها امشي خل نشوف اوختك <<فرق في ردة الفعل الملموسه بين ام جابت وام ربت
.................................................. ...
كلي ملآمح بآهته ْ~
بيت ابوعبدالعزيز
حلا&عبدالعزيز واياديهم على قلوبهم ومبققين عيونهم
طلع صاحب الظل قدامهم حتى اكملت صورته قدام اعينهم
كـــــــــــــــــــــــآن
عفوآ كانت ام عبدالعزيز
ام عبدالعزيز:وينكم تاخرتوا خفت عليكم؟؟
خذوا نفس عميق كلهم ....عبدالعزيز:يللا خل ندخل لايصحى ابوي
ام عبدالعزيز:هايابنيتي شلون كان اول يوم معك؟؟
حلا:الحمدلله زين <<وبقلبهاماتدرين يما مين شفت ؟؟غصب يشقيني الحظ
عبدالعزيز :افا يالغاليه وحنا مالنا وش مسويين؟؟
ام عبدالعزيز:ههههههههههه بالهون علي ياولدي جايك الدور وانت وش مسوي؟؟
عبدالعزيز اللي تذكر :يوه نسيت اقولك
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك