رواية ان جيتي عالعناد ترى محد فيه مثلي -1
رواية و إن جيتي عالعناد ترى فيه محد مثلي
الكاتبه : صــاحــيــة لــهــم
منتديات غرام | أقلام لا تتوقف عن الإبداع
حبايبي الغراميين .. والحلوين المتابعين هذي روايتي الثانية بين ايديكم
كالعادة قبل ابدأ اتمنى من اي شخص بينقلها يكتب اسمي ... ( صـــاحية لهم )
احب اوضح ان الشخصيات من نسج الخيال لا وجود لها بأرض الواقع نهائيا
الفكرة لــ...... نونـــــــــي وخـــوخة وريمي وأنــــــــا
الأحداث بقلمي ........... نبدأ بسم الله
روايـتــــي الثــــــــانية
<< وان جيتي عالعنـــــــــاد ترى فيه محد مثلي >>
مدخـــــــــــــــل
أبــيــــــــــــــك تقول لكـــل << مغرور >> يجافيــــــــــــــــــك
علّم غرورك << عزتـــــــــــــــي >> مــــــــا لها حـــــــــــــــــــد
.......................................
في قصر الراسي ....الساعة 8 الصبح على طاولة الفطور
جوانا وخزامى يتسابقوا على الكرسي اللي جنب الوالد جايين يركضوووون>> مصلحة
جوانا : احم احم سبقتك .. ههههه كالعادة
خزامى : يمممممممممممة شوفيها كل يوم تجلس هنا ما تمل؟؟
جوانا :ههههههههههه ( وعلى جية الوالد ) وفي احد يمل وهو جالس جنب هالزييين كله وهالوجه الحلو فدييييييته
ابتسم ابو طلال كعادته لما يشوف بناته وزوجته حبيبة قلبه
ابوطلال : صباح الخير يا حلوات
جوانا : صباااااااااااااح النور شوي شوي في ناس تستحي هههههه>> تقصد امها
خزامى : هههههه صباح الوررد ايه والله يبة خف شوي الوالدة استحت هع يااااا العشاق عليكم انا ما اقدر هههههه
دخل طلال بهيبته المعروفة المعتادة .. وهو سمع الجملة الاخيرة
طلال : بس يا بنت استحي على وجهك
قالها بنبرة جدية ونظرة حادة لخزامى
خزامى وهي تبلع ريقها : آسفة
طلال : صباح الخير ابو طلال شخباارك؟ ( وحط ايديه على كتف امه ) وام طلال الحلوة شخبارها
ابو طلال : احنا بخير يا ابو عبدالعزيز انت شلونك ؟
طلال : تمام بشوفتكم ... قالها وهو يجلس
طالعته امه بابتسامة حب حنان هالولد عندها ولا كل عيالها
طلال : وش قال نويصر عالاتفاق يبة ؟ >> مسوي مهتم بالشغل
غطت جوانا وجهها بايديها وهي تتأفف
طالعها طلال وهو رافع حاجبه بعصبية: وش عنك تتأففين من صباح الله خير؟
خزامى بداخلها : بدت الحرب كالعااادة ...
خزامى بتصريف : ما عندها شي بس ما نامت امس زين
طلال : انتي ما تبطلين لقافة ؟؟ الحين انا سألتك ولاّ سألتها ؟
خزامى : سألتها
طلال : وبعد تردين
ام طلال : بس يا طلال شوي شوي على اخواتك
جوانا : الحين هي وش قالت لك ؟؟ ما قالت شي بعدين وش فيها لو ردت بدالي؟
طلال : انتي ولا كلمة
جوانا: انا مو اصغر عيالك عشان تسكتني... يبة شوووف ولدك
ابوطلال اللي مع الجريدة : طلال احترم ابوك وامك اللي جالسين معك
طلال : حاضر يبة .. وما جاوبتني وش قال نويصر الزفت؟
ام طلال : طلال يمة احنا وش قلنا ؟
طلال : وشو يمة ؟
ام طلال : انا ما قلت لك الشغل ما ينحكى فيه عالاكل؟
طلال : حاااضر يمة... عالعموم انا اليوم بسافر سويسرا
رفعت جوانا حاجبها وطالعت خزامى وهي تزم شفايفها
ضحكت خزامى عالخفيف انتبه لها طلال بغى يهزأها بس امه حكت
ام طلال : وليه يا ولدي ؟؟ توك راجع من امريكا وش عندك بسويسرا
طلال : شغل يمة شغل ... بعدين فرع شركتنا بسويسرا يبغى له مراقبة وهذا المدير جون مدري وش اسمه موو داخل مزاجي.. لازم اروح كم اسبوع
خزامى : يمة فيصل وينه ؟؟
ام طلال : بالبر مع اصحابه
جوانا : يااا حظه
دخلت الجوري وهي تتمطط من النوم
جوري : صبااااح الورد الجوووري هع .. ( وهي تناظر طلال ) هلا والله بالزين عاش من شااافك .. وش عندي كاااشخ طلال؟؟
طلال : ههههه يا هلا والله باحلى بنوتة بهالبيت ... ( وهو يطالع جوانا وخزامى ) شوفوا الدلع تعلمووووا .. اختكم واصغر منكم وشوفوا شلوون يا حلوها
جوانا : شوي شوي .. صدق نفسه يوم قالت زين ههههه على بالك حلو من صدق انت ووجهك... تكفى ميتة عليك انا
طلال بتكشير : وعععع تكفين .. مين قال ابغاك تموتين علي
جوري لفت ايديها على رقبة طلال وهو يطالعها مبتسم عشان يقهر جوانا
جوري : سمعت انك بتسافر؟
طلال : ايه يالغلا بسافر
فلبت وجهها ومدت بوزها بدلع
جوري : ليش .. ليش .. ليش ؟؟؟ انا كذا زعلانة منك
وشالت ايدها عنه.. ما امداني اشبع منك يالظااالم توك اربع ايام بس جاي من امريكا حرااام عليك طلوول
ام طلال : قولي له يمكن يسمع منك ..
طلال :يوووووووه قلنا لكم شغل وبعدين يعني ؟؟؟ مو بيدي ما تفهموون
جوانا : خلاص سااافر .. سافر فكنا منك
لا تسوي لنا مناحة هنا اوووف ... الحمدلله شبعت
طلال : اصلا مين قال اني ابغى اقعد مقابل وجهك ؟
جوانا : يووه يااااا شينك .. انت واحد غثيث انقلع بس
طلال : وشووووو؟؟ وقام لها مسرع قبل لا تطلع من الصالة ووقف قدام وجهها
جوانا بخوف داخلي وقوة مصطنعة : خير ؟؟وش عندك جاي تركض؟
طلال وهو منقهر : وشوو؟؟ ما سمعت عيديها؟
جوانا : اقووول وش عندك ؟؟ وش فيك صاير ما تسمع ؟
جات خزامى تركض عشان تلحق على جوانا اللي واضح انها بتتصفق اليوم
خزامى : جوانا خلاص امشي معاي فوق
طلال : لالا خليها .. عيدي كلمتك؟
جوانا : انا كلامي ما يتكرر
طيّر طلال عيونه العسلية فيها يمممة بغى ياكلها
وجوانا متخصرة يعني اني قوية وخزامى ميييتة من الخوف
خزامى اللي ما استحملت : انتي وشووو؟؟ ناوية تتصفقين؟
جوانا : ليه ؟؟ وش عندك خايفة منه .. هذا اللي ناقص اخاف من طلوول
ولّع طلال وانقهر رفع ايده بيضربها
جات الجوري تركض وقفت قدام وجهه ووراها جوانا
جوري : خلاص يا اخوي طلبتك امسحها بوجهي
طلال وهو منقهر وضام ايده بقوووة : طيب .. عشانك هالمرة , المرة الجاية منتي رايحة من ايدي يا جوانا
سحبت خزامى جوانا وطلعت معاها لغرفتها
خزامى : انتي ما تتوبين ؟ ما تتوبين جااااوبيني؟
جوانا : ايه وما راح اتوب الى ان يعرف انه مثل ما هو طلال ولد عبدالعزيز الراسي
انا بعد جوانا بنت عبدالعزيز الراسي
قالتها بوقفة شموخ وثقة
دخلت عليهم الجوري : ليش تحبين تعاندينه ليييش؟
جوانا : كذاااا مزاجي .. اذا هو عنيد انا اعند منه
( طلال الراسي 28 سنة لون بشرته حنطي عيونه وسااع عسلية خشمه حد السيف شفايفه مرتبة طويل وكتوفه عريضة شعره ناعم اسوود يوصل لتحت اذنه شوي جسمه رياضي عنيد ومغرووووور .. متحمل مسؤولية الشركات مع ابوه
فيصل 27 سنة مملووووح مومثل طلال لكنه حلو حنطي خشمه طويل شفايفه عادية طويل وانحف من طلال شعره قصير مررة من قدام مثل كريستيانو رونالدو
يشتغل مع اخوه بالشركة مرح حبوووب عكس طلال بس انه مهايطي وفيه عربجة
خزامى 25 سنة فيها لمحة من طلال شعرها بني غاامق عيونها عسلية وكبار طولها حلو نحيفة ومملوحة خوافة درجة اوولى اكبر مخاوفها طلال مررة حبوبة تحب تلعب كوورة عشقها هاللعبة
جوانا 24 سنة بيضاء حلوة ملامحها هادية عيونها سوداء نعسانة شعرها اسود ايمو قصير
جسمها نحييف وصغيرون ما تشبه احد من اخوانها شخصيتها قوية عنيييدة مثل طلال فيها شوية غرور لما تتعامل مع طلال والناس اللي ما تطيقهم
جوري 17 سنة بيضاء ملامحها نعووومة صغيرة عيونها كبار عسلية شعرها بني مايل للاشقر نحيييييفة وصغيرونة ودلوعة مرررة وفيها شوية غباء بس حبوبة
ابوطلال انسان منطقي حبوووب بنته المفضلة جوانا عنده هي غير عنهم كلهم
يراعي عياله وشخصيته شديدة شوي
ام طلال عادية ام زي باقي الامهات بس عندها طلال بالدنيا
البـــــــــــــــــارت الثــــــــــــاني
دخلت الجوري عليهم ..
جوري :انتي ليه تحبين تعاندينه ؟؟
جوانا : كذااااااا مزاجي .. واذا هو عنيد انا اعند منه
جوري : والله طلال حبوب للي يعرف له
جوانا وهي تكش بوجه الجوري : وععععع قال وشو ( حبوب ) قالتها وهي تقلد وقفة وصوت جوري الدلوعة
وجع يوووجعه جعله يسافر و.....
صرخت الجوري وحطت ايدها على فم جوانا تسكتها
جوري والعيون بدت تدمع : لا جوانا حرااام عليك لا تدعي عليه ... حرااام عليك هذا اخونا مهما يكون
جوانا وهي تشيل ايد الجوري : وليه حرام ؟
الجوري : هذا اخونا يا جوانا اخووونا حرااااام >> يااا دلعها هالبنت
جوانا : مالت عليه من اخو .. بذمتك هذا اخو هذا؟
تصدقين لو انه يوسف اخونا كان احسن ؟
( يوسف ولد عمهم عمره 22 سنة فيه طيبة مو طبيعية مررة حبوب وذوووق
ابيض عيونه خضر >> امه فرنسية بس انها من تزوجت وهي بالسعودية
خشمه حد السيف وهذي ميزة بعيال العايلة اغلبهم كذا ... شفايفه وردية صغييرونة
شعره بني كستنائي ناااعم لحد اذنه )
ابتسمت الجوري ببلاهة وهي تتذكر ملامح يوسف يوووه من زمان ما شافته
لدقايق تذكرت سواليفهم وضحكاتهم وحشها موت
خزامى لجوانا : هييييه وش فيها اختنا انهبلت
جوانا بصراخ : جوووووووري
انتبهت لهم الجوري وصحت من احلام اليقظة تبعها
جوري وهي تغير السالفة : لا مابي يصير يوسف اخوي
جوانا بضيق : ليه عاجبك هالخاااايس؟
جوري : حراااام جوانا حراااااااام عليك
جوانا بملل : اووووف خلاص حرام درينا حرام اسفين بس اسكتي
سافر طلال لسويسرا طبعا بعد دلع الجوري وصياح امه وفرحة خزامى وجوانا
العصر الساعة 4 .... خزامى متواعدة مع صديقاتها دانا وروبي انهم يطلعوا سوا للمول
هالثلاث صديقات وبقوووووة ما يفرقهم شي ابدا ياما صارت بينهم مشاكل
لكن على كل مشكلة تقوى صداقتهم اكثر واكثر
<< روبي امها لبنانية بيضاء شعرها اشقر خشمها صغنووون وشفايفها بعد عيونها واسعة ومكحلة رموشها كثيفة
نحيفة وناعمة مررة ومتواضعة عكس ملامحها ..>> تمشي وتسدح عشرة ههههه تراها داااهية هالبنت
دانا : بيضاء طويلة عيونها نعسانة شعرها اسود ناعم مو مرة طويل >> المهم نرجع للرواية
ركبت دانا مع اخوها خالد لانه هو اللي بيوديها لبيت خزامى ياخذوها ويروحوا للمول وتقابلهم هناك روبي
في بيت خزامى الراسي .. جايبين حارس جديد مشكلته فاااااااااااااااااااهي
الدلخ بدال ما يفتح لخالد بوابة الضيوف اللي تودي للمجالس
فتح له بوابة العائلة اللي تدخل للحديقة اللي قدام البيت
كانت خزامى جالسة بالحديقة عند النافورة وسرحاااااااااااااانة لابسة برمودا ابيض وتوب احمر
نزل خالد من السيارة عشان يروح المجلس ودانا حايسة جوة السيارة تدور مرايتها الصغيرة اللي طاحت بين المراتب
خالد بس لمح خزامى خق وبقووووة ( في نفسه : يوووه يا خزوووم من زمان عنك الله يلعنك يا سعود دمرتني يالخاين)
طلعت دانا وشافت اخوها مفهي ويطالع بخزامى : خلّووووود وجع شتسوي؟
خالد اللي انتبه لاخته : هاه؟ ما اسوي شي يللا يللا روحي لها ولا تتاخرين وراي مشاوير
راح خالد للمجلس ...
راحت دانا لخزوم اللي توها تلاحظ ان دانا موجودة
خزامى : هلا دانا
دانا : بدري؟؟ توك تلاحظين وجودنا؟
خزامى : وجودكم ؟؟ ليه روبي معك؟
دانا : روبي؟؟؟؟ وش فيك مضيعة انا اقصد اخوي خالد اللي له سااااعة يناظر فيك
بذمتك وش اللي كنتي تفكرين فيه؟؟
تنهدت خزامى بألم : ولا شي
دانا بحزن : لا تقولين نفس السالفة ؟؟!!!!
بدت خزامى تبكي بحرقة وقهر ودانا ضامتها وتهديها
بداخل المجلس خالد لسة يفكر بخزامى قد ايش ساحرته هالبنت
نروح لمكان بعيد عن المملكة ..... في سويسرا
عند بوابة المطعم السويسري الفخم Bistro Sternen
تقابلوا الثنتين توليب وتالا ( خلوني اعرفكم ... توليب الصقر >> يا رب يطلع الاسم محد استخدمه ياا رب
المهم .. هالبنت مغرووووووورة درجة اولى تنرررررررررفز , حلوة خقة شعرها اسود طويييييييل لاخر ظهرها بيضاء عيونها واسعة رمادية خشمها صغيرووون شفايفها نفس الشي حمراااء ,,,
تالا صديقتها من زمااااان عايشة بسويسرا هي سعودية بس نادر ما تجي للملكة .. عربجية شعرها سبايكي اسود بخصل موف عيونها صغيرة دايم تحط عدسات موف خشمها حلو صغير شفتيفها مررة صغيرة كتوفها عريضة جسمها مرررة نحيف
لبسها تقريبا كله واسع وسبورت زي الاولاد صوتها فيه بحة رجالية مميزة اظافرها دايما اسود الوضع عندها فري ومررة ايزي
ما تلبس عباية وان جات السعودية العباية عالكتف وما تلبس طرحة ابوها متزوج من وحدة ثانية بعد ما ماتت ام تالا ومشغول مع هالمرة وما يسأل على تالا ابدا وهي عايشة لحالها )
توليب : وينه هذا خويك؟؟
تالا : تولييييب .. قلت لك مو خويي هذا لك انتي
توليب شهقت بقوووة : وشو؟؟؟ ومين قال لك ابغى اتعرف على عيال؟
تالا : نو ون .. لكن هو معجب فيك كسر خاطري قلت يللا .. بعدين ايش بيضرك عطيه على كيفه
توليب : لالالا انتي مجنووووونة ... , عيووني انا اللي يبغاني يموووت عشان ياخذ مني بس نظرة
والشباب هم اللي يلحقون وراي مو انا اللي اجيهم
تالا : هههههههههه مغروورة
توليب بدلع : صفتي المفضلة هههه
جاهم جاك
جاك : good evening ( مساء الخير )
توليب ما اعطته وجهولا ردت عليه
تالا : hello jak .. good evening( هلا جاك مساء الخير )
توليب : toto ,, come on we have to go
( يللا توتو .. لازم نمشي )
جاك : but why
( بس ليه ؟؟ )
توليب : and who are you... قالتها وهي تأشر بطرف صبعها
( ومين انت ؟ )
جاك : Im jakson ( انا جاكسون )
توليب : i mean who are you to ask
( هه انا اقصد مين انت عشان تسـأل ؟ )
جاك لاحظ اسلوب توليب المغرور وكشر بوجهه
جاك : ok , there is a thing tou shold to know
( اوكي هناك شي لازم تعرفيه )
توليب وهي متخصرة : and what is it
( وايش هو ؟ )
جاك : that you are a shit and nothing
( انك حثااالة وولا شي )
ابتسم جاك بانتصار لما شاف معالم وجه توليب المنصدمة من الكلمة اللي انقالت لها
أشر بايده لتالا بمعنى مع السلامة ومشى
تالا : هههههههههههههههههه oh my god
( يا الهي )
توليب : shut up tala
( انطمي تاااالا )
دخلوا البنات للمطعم
تالا : ايش حابة تاكلي ؟
توليب : ولا شي
تالا : هههههههههه نرفزك؟؟
توليب : لا والله؟
تالا : اسلووووبك كان wrong >> غلط
توليب بتسليك : اوكي اوكي اطلبي لك وكلي وانتي ساااكتة
تالا : هه براااحتك
نرجع للرياض تحديدا بكشتة الشباب في البر
فيصل الطربان يغني ( طيب تعال ,, لعبدالمجيد عبدالله )
ومحمد وفهد داخلين جو ... توه خالد وصل
خالد : السلام عليكم دار قوم مؤمنين
مسك فيصل النعال ورماها عليه
خالد : وجع وش عندك فصوول ؟
فيصل : داخل مقبرة انت ؟؟
خالد : هههههه ياللي تأثر .. يااااا حساااس ( قالها بتريقة )
محمد : وش دخل حساس بالموضوع ؟
خالد : مووو شغلك
فهد : اقوول وين باقي الشباب؟ ما كأنهم سحبوا علينا؟
فيصل : بكيفهم .. هم قالوا جايين
فهد : فصيل .. انت ما عندك ولد عم ؟؟
فيصل : اول شي فصيل بعييينك .. ثاني شي الا عندي ليه تسأل ؟
فهد : ههههه طيب .. بس كذا سالت .. فيه مشكلة؟
فيصل : لا مافي .. بس الحين بتصير
محمد : هه هه هه مااااا تضحك
فيصل : انت انطم .. مافي شي عاجبك
محمد : ما تعرفون تنكتووون وتبوني اضحك
خالد : فيصل .. ولد عمك ذاك ابو شعر طايح؟
فيصل : ههههههههههههه حلوة ابو شعر طاايح . اي واحد فيهم تقصد؟
خالد : ذاك اللي شفته في بيتكم قبل كم سنة
محمد : ايييه صح ذاك ابو العيون الخضر مدري الزرق
فيصل : يؤ يؤ .. قولوا ما شاء الله وجع
فهد : ما شاء الله .. بس ياخي اشك انه ولد ... زييييييييين ابن اللذين
فيصل : ههههههههههههه وش عليك منه يلعن ابليييسك
فهد : هههههه ,, شباب تتخيلون معي لو ان عيوني زرق ؟
فيصل ومحمد وخالد : هههههههههههههههههههههههههه هههههههههههههههههههههههههههههه
فهد : هههههه .. كلوووا تبن
نهاية البارت الثاااااااااااااااااني سي يو
البـــــــــــــــارت الــثــــــــــــــالث
في قصر الراسي ... جوانا بغرفتها لابسة بيجاما سوداء عليها جماجم بالابيض صغيرة
كانت منسدحة عالسرير وجاء على بالها ذكريات عرس ياسر اخو يوسف الكبير...
صاحت كثير ذاك اليوم ....., قهرها ياسر لعب بمشاعرها وكذب عليها
وطلال لما درى بحبها لياسر كانت مصيبة .... ساءت علاقتهم في بعض من ذاك اليوم
تكره طلال .. تكرهه مووووت كان اول سبب خلّى ياسر يتركها ليش ؟؟ .. ليش كذا صار ؟
تنهدت بقوة والم ... رفضت ان دموعها تطلع على شبيه الرجال هه ياسر عنده ولد الحين ليش افكر فيه؟؟؟
قطع سرحانها دقة الباب
جوانا : هااااااااااااه ؟؟؟ نعم ؟
فتحت الخدامة الباب : ميس جوانا مستر عبدالعزيز يبغى انتي تحت
قامت جوانا متأففة : الله يستر
بالصالة ..................
جوانا : هلا يبة ؟؟؟
ابو طلال : يا هلا ببنتي .. تعالي حبيبتي تعالي
جات جوانا لحضن ابوها اكثر مكان تحبه
جوانا : هلا يبة ؟؟ امر وش بغيت ؟؟؟
ابو طلال : بغيت اطلب منك طلب
جوانا : انت تامر يالغالي ما تطلب
ابو طلال : هههه الله يسلمك يا بنيتي .. والله مشتهي اكل من يدك جوعان
جوانا : يخسى الجوووع يبة .. الحين اسويلك احلى عشاء ولا يهمك
ابو طلال : مابيه من الطباخ .. ابيه منك
جوانا وهي تأشر لعيونها : افاااا عليك بس .. من عيوووني,, بس شلون تبيه ؟
خفيف ولاّ ثقيل ؟
ابو طلال : لا يا عيوني خفيف ,, انتي ما شفتك تاكلين اليوم
جوانا : مالي نفس يالغالي .. انا رايحة اسوي العشاء
وراحت قبل اي كلمة منه ....
بعد ما خلصت كل شي قالت للخدامة تجيب الزيتون من الثلاجة ,, راحت الخدامة وهي سرحت
بيوم خطوبتها من ياسر ... حبيبها وكل شي بالنسبة لها ( سااابقا )
كان كااااشخ يهبل . وكانت هي حورية بالفستان الفيروزي المخصر على جسمها وشعرها الطوييييييييييييييل اللي كانت تعشقه
كان شعرها مطلعها نعووومة مرة لان ملامحها صغنونة مرة
كان ياسر يتغزل بشعرها كل ما يشوفها يعشقها ويعشق شعرها اكثر شي كان دااايم يحذرها لا تقصه
آآآآآآآآآآآه يا ياسر ,, كنت تقول لي دايم انك تعشقني .. ليه كذا تخليت عني
الله يلعن قلبك القاسي يا طلال .. هدمت حياتي يالنذل اسئلة كثير دارت في بالها انتبهت على صوت سوزي الخدامة
سوزي : ميس جوانا .. كولو جاهز
جوانا بضيق : ايه ادري ادري ..
شالت الصينية لابوها ..
جوانا : تفضل يالغالي
ابو طلال : اجلسي معاي افتحي نفسي
جلست جوانا : وهاه هذا احنا جلسنا .. كل يبة
ابو طلال : انتي كلي اول بعدين انا اكل .. ولا ما ني بماكل ولا شي
ابتسمت جوانا : هههه كليت .. يللا كل
ابوها دايم يفهمها ... ابو طلال تكسر خاطره جوانا من بد اخوانها بالذات بعد فسخ خطوبتها من ياسر
جوانا هي الاقرب لقلبه غير عن اخواتها شخصيتها قوية مرة وحبوبة وطبخها خطير مو مثل اخواتها
تقريبا بيرفكت والكامل الله ...
جوانا : يبة ؟
ابو طلال : هلا ؟
جوانا : فيصل متى يرجع ؟
ابو طلال : هههههه ليه مشتاقة له؟
جوانا : لا مو كذا بس انه طوّل 4 ايام ما شاء الله
ابو طلال : هههههههههههههههههه ودك تكشتين معه؟؟
جوانا : اي والله يبة بهالجو حرام نقعد في البيت
ابو طلال : خلاص بس يرجع طلال من سفرته نتصل عالاهل ونطلع سوا
كشرت جوانا من طاري طلال
جوانا : لايبة خلاص مابي
ابو طلال : خلاص يا بنتي بس احنا واخوك طلال وش رايك؟؟
جوانا : لا يبة خلاص مابي
ابو طلال : وش السبب ؟
جوانا : يبة خلاص ولا شي .. بس ما عاد ودي اكشت بالبر .. الحمدلله شبعت , تصبح على خير يبة
ابوطلال : وانتي من اهله
طلعت جوانا لغرفتها صاحت صاحت لين تقريبا غفت عينها كل ماتتذكر هالسالفة يتلخبط جوها
جات خزامى للبيت وراحت طايرة لغرفة جوانا تدق الباب وتدق اكثر فتحت الباب وهي مستانسة
شافت جوانا نايمة قربت منها شافت عيونها مبللة وعلى وجهها دموع والمخدة بعد مبللة
تذكرت البوم اللي رجع فيه طلال من السفر و اكتشف ان ابوه خاطب له يارا بنت عمه اخت ياسر ويوسف
ابو طلال خطبها له بدون ما يشاوره ولما اكتشف هالشي كان هو وابوه بالمكتب اللي بالبيت يتناقشون
وشوي تعلى اصواتهم
طلع طلال من المكتب وهو يصارخ : ما رااااح اخذها .. ما علي من احد هذي حياتي انا .. اسمح لي يبة
عرفت خزامى وش اللي براس طلال من ذيك اللحظة .. وان اللي راح يصير اكيد بيسبب مشكلة
طلع ابوه وراه : طلال .. لا تتسرع .. اذا انت ما خذيت بنت عمك مين ياخذها لا تنسى ان هذي عوايدنا
والبنت حلوة وتغليك وش اللي يمنعك تاخذها؟
طلال : انا قلت ما ني بماخذها لو تنطبق السماء عالارض .. بحياتي انا اللي اقرر من اخذ ابي وحدة تناسب طريقة تفكيري
مو تعطوني هالبزر .. بنت عمي عالعين والراس خلّوا فيصل ياخذها هو بعد ولد عمها
راح طلال لبيت عمه وفسخ خطوبته من يارا اللي تحبه ... كان ياسر توه راجع البيت وشاف اللي صار
ياسر : ليه يا ولد العم؟ وش شايف على اختي؟
طلال : مالك دخل يا ياسر خليك بعيد
ياسر : وش خلك بعيييد ؟؟ هذي اختي
طلال : طيب .. اختك ما تناسبني ( قالها بقرف )
ياسر وهومفتح عيونه : ما تناااااسبك؟؟؟
طلال : ايه ما تناسبني .. اللي راح تشاركني بحياتي انا اللي اختارها مو انغصب عليها
وانا طلال يا ياسر وانت تعرفني زين ما احب احد يحطني امام الامر الواقع واقعي انا اللي احدده
ياسر بضيق : طيب .. طيب ماهي مشكلة
رجع ياسر ركب سيارته وراح لبيت عمه
دخل المجلس و طلب يشوف جوانا
دخلت جوانا وهي بطرحتها مع ابوها
فسخ خطويته منها وقال بصوت عالي :وحدة بوحدة ياعم
والتفت على جوانا المصدومة : والله يوفقك يا بنت عمي
دخل طلال البيت وشاف ياسر : ايش جاي تسوي هنا ؟؟
وكمل بتريقة : جاي تشتكي ههههه
ياسر ابتسم بخبث : لا حبيبي .. جاي ارمي اختك مثل ما رميت اختي
ابو طلال : تعوّذ من ابليس يا ياسر .. انت وش قاعد تقول؟
ياسر طالع بطلال بحقد وبعدها لف عيونه لجوانا : بنتكم ما تناسب مقامي
جوانا بقوتها حتى باصعب الاوقات : حتى انت بعد ما تناسبني
وصرخت فيه بقوووة : اطلع بررررررررررة ياااا حقيييييييييير
انفجع ياسر من قوتها اول مرة يشوف جوانا كذا وطلال مبسوط من ردة فعل اخته
طلال : سمعت يا ... ياسر .. ورينا عرض اكتافك
ياسر اللي حس باهانة : هه انت واختك ما هميتوووني كلكم تحت نعاااالي يا طلال
مسكه طلال وتطاق هو وياه وطلعه برة البيت كان اسبوع فظيع ومن وقتها وهم متقاطعين بس بعدها بسنة تصالحوا ابوها وعمها
وصارت علاقتهم ببعض رسمية جدا ؛؛؛؛ صحيت خزامى على صوت جوانا
جوانا : خزوم وش تسوين هنا؟
خزامى : هلا؟ ايه كنت جاية اسولف معك بس خلاص.. تصبحي على خيير
طلعت خزامى وراحت على غرفتها ونامت .........................................
اليوم الثاني في بيت مو مرة بعيد عن بيت الراسي
تولين جالسة بغرفتها وهي تسمع صياح امها بالغرفة اللي جنبها كالعادة لا جات تتكلم عن ابوها لازم تصيح
>> تولين بنت حلوة شعرها اسود ناااعم خفيف لنص ظهرها نحييفة مرررة وصغيرووونة بيضاء عيونها رمادية خشمها صغيرون
وشفايفها مرتبة وحمراء ابوها متزوج امها بالسر من 25 سنة وهو يجيهم من فترة لفترة ويعطيهم كل اللي يطلبونه لكنهم
محتاجين حنانه ووجوده بالبيت مو المادة .. تولين تشتغل وتدرس تشتغل في الريسبشن في مستشفى كبير ومعروف
وتدرس ادارة اعمال بالمستوى الثامن عمرها 24 سنة )
<< البــــــــــــــــــارت الرابـــــــــــــــع >>
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك