رواية ان جيتي عالعناد ترى محد فيه مثلي -2
تولين بنت حلوة شعرها اسود ناااعم خفيف لنص ظهرها نحييفة مرررة وصغيرووونة بيضاء عيونها رمادية خشمها صغيرون
وشفايفها مرتبة وحمراء ابوها متزوج امها بالسر من 25 سنة وهو يجيهم من فترة لفترة ويعطيهم كل اللي يطلبونه لكنهم
محتاجين حنانه ووجوده بالبيت مو المادة .. تولين تشتغل وتدرس تشتغل في الريسبشن في مستشفى كبير ومعروف
وتدرس ادارة اعمال بالمستوى الثامن عمرها 24 سنة )
<< البــــــــــــــــــارت الرابـــــــــــــــع >>
في سويسرا ..... طلال بشقته سهران مع اصحابه سهرة خرابيط × خرابيط
طبعا طلال ما يشرب ولا عمره لمس بنت لكنه يسهر مع اصحابه هذولي ويوفر لهم كل اللي يحتاجونه
بس يجي ويستانس على الحركات ورقص البنات الــ................. >> بدينا نغلط هع
عالعموم طلال ربي معطيه صوت حلو موووو مررة لكن حلو هو واخوه فيصل واثنينهم يحبون عبدالمجيد عبدالله
.............. بعد السهرة بشقة طلال الفخمة الكبيرة الساعة 3 بالليل توّه الأخ ينام
وصحى الساعة 9 الصباح وراه اجتماع بالشركة وطبعا بالقووووووة صحى من نومه وغصب عنه
دخل الشركة بمشيته الوااااثقة مع انه بالقوة يفتح عيونه كل ما مشى جنب واحد من الموظفين يوقف هالموظف ويحييه
وهو يمشي مطنننننننش >> مغرووور
دخل غرفة الاجتماعات لقى الكل موجود وهو الوحيد المتأخر .. دخل وأشر لـ ( جون ) يبدأ
خلّص الاجتماع اللي استمر 3 ساعات بعدها فصل جون من الادارة وحط بداله واحد يعرفه
راح البيت وسييييييييييدا عالفراش نوووووووووم للساعة 5 العصر بعدها طلع هو واعز اصحابه ( عزام )
>> اسمراني حبوب عنده غمازة قوووية على خده اليسار عيونه حلوة عادية جسمه رياضي كتوفه عريضة طيب وعلى نياته
يعز طلال بقوووة وهذا صاحبه من ايام الابتدائية ),,,,,,,,,,,,,
طلع معاه للمطعم السويسري Bistro Sternen
وهم جالسين هناك شوي الا ويدخلون توليب وتالا للمطعم ويجلسوا قبالهم >> ملاحظة توليب تلبس عباية عالكتف وطرحة بس تالا هي الفري
عزام يعرف تالا بجامعة بازل هنا بسويسرا كلهم يدرسوا قانون دراسات عليا
عزام : اقول طلال وش رايك نسلم عليهم
طلال : مين هم؟
عزام : وش فيك مفهي؟؟ البنتين
طلال : واللهِ ... انا ما اعرفهم .. انت قصدك تتعرف عليهم ؟
عزام : وش اتعرف يالخبل؟؟ لا حبيبي هالبنت انا اعرفها بالجامعة
طلال : اوكي اوكي لا تحكي قصة حياتك .. يللا
وقف عزام ومعه طلال وراحوا لتوليب وتالا
عزام : نايس تو سي يو تالا
التفتت له تالا : هلا عزام
انفجع طلال يوم هي حكت عربي توقعها اوروبية من ستايلها
طلال : مرحبا
تالا : مرحبتين .. ( التفتت لعزام ) هذا صديقك ؟
عزام : يب هذا اعز اصحابي طلال الراسي
توليب كانت مطنشة وتكمل الكوفي بس يوم قال الراسي طالعت بعزام
توليب : هه .. ولد الراسي؟؟!!
استغرب طلال طريقتها الساخرة بالحكي : ايه الراسي ليه تنطقينها كذا ؟
رجعت توليب طالعت بالكوفي وهي ما تناظر طلال ولا التفتت له
توليب : انت ولد راشد؟
طلال بقرف : لا انا ولد عبدالعزيز لكن راشد عمي
توليب : اها .. اوكي
طلال : انتي تعرفينه؟
توليب : اكيد اعرفه .. شغله كله مع ابوي
طلال : وانتي؟؟ بنت مين
توليب بغرور : بنت الصقر
طلال : اهاااا ... بنت عبدالرحمن ولاّ؟
توليب : ايوة .. عبدالرحمن الصقر .. انا بنته
عزام : والنعم
توليب بنظرة مغرورة لعزام : ينعم عليك
ورفعت راسها لطلال .. انبهرت بشكله .. ويطالع بعزام ومو معبرها
توليب وعيونها على طلال : ما تشبه ولد عمك ابدا
طلال طالع بجزمته : مين قصدك ؟
توليب : ولد عمك راشد .. اتوقع اسمه ياسر او شي زي كذا
طلال بقرف وضيق : ايه .. ايه عرفته , ياسر .. هههه لا انا احلى منه طبعا ولاّ شايفة شي ثاني؟
توليب برفعة حاجب : احلى ؟؟ هههههه شكلك مرة مصدق نفسك
طلال : ليه ؟ ياسر احلى مني ؟؟ يخسى الا هو
توليب : هههه شكلك ما تطيقه .. مع انه ولد عمك
طلال : ادري انه ولد عمي .. وبعدين اطيقه ما اطيقه مو شغلك خلي اللقافة
توليب : شوي شوي .. اعصااابك انت ولد عمك وعائلتكم البايخة
هنا وصلت مع طلال منها كل شي ولا عائلته ينجاب طاريها
طلال : اعرفي عن مين قاااعدة تتكلمين .. وهالعائلة اللي مو عاجبتك انتي وطواااااااااااايفك كلهم ما تجيبون طرف من ربع ظفر
فرد منها .. ويكوووون في علمك انا اذا حطيت احد براسي انهيه ,, فلا تخليني احطك براسي احسن لك ولابوك
تدخلت تالا : هيييييييه لو سمحت .. احترم نفسك وعن الغلط
طلال : الاحترام تعلمينه اللي قدامك مو تعلميني اياه انا, والبادي بالغلط صديقتك مدري حبيبتك >> يقصد ان تالا بوية وتوليب ناعمة وفهمكم كفاية
وقفت تالا بضيق وسطرت طلال كف جاااااااااااااااااااامد اللي بالمطعم التفتوا للصوت الي طلع
طلال : انتي عاااااااااارفة يدك هذي اكسرها بضغطة اصبع مني ؟؟.......
ومسك مفصل يدها بقووووووووة وضغطه ... وتالا صار وجهها احمر من الالم لكنها كابتة الالم وما بينت بس مغمضة عيونها
عزام : بس طلال ايدها بتنكسر حرام عليك
طلال : خليها تنكسر عشان تتعلم ما تمدها على عمها مرة ثانية
تفلت تالا بوجهه : هه تخسى تصير نعااااااااااااالي شلون تصير عمي ههههههههه وضحكت بهستيرية خلت طلال يتنرفز زيادة ويزيد بالضغط على يدها
سحب عزام يد طلال من تالا وطلع وياه برة المطعم
طلال فااااااااااااااااااير دمه من تالا وده يذبحها
عزام : بس يا طلال .. انت غلطت عليها اول
طلال : بنت الكللللللب ... هين انا اوريييييها انا .. انا تهينني ؟!!!
عزام : طلال اهجد تراها بنت ماجد
طلال اللي هدى تنفسه شوي : بنت ماااااااااااااااااااجد؟؟؟
عزام : ايه بنت ماجد اللي ابوك كان يتعامل معه اول
طلال : هههههههههههههههههه الحين هذا شكلها بنت ماااجد ههههههههه وش عليه ابوها محشش شلون هي بتطلع
عزام : بس خلاص لا تورط نفسك معها
مشى طلال مع عزام وراحوا
..... توليب : ههههههههه عجبتيني
تالا : هه والله بجد ... يخسى يصير عمي هالـ.......,, هذا اللي ناقص الحين ابوي اللي هو ابوي ما يراددني
يجيني هالكلب على اخر عمري ويعلي صوته علي
توليب : تصدقين انه حلو ؟
تالا : وعععععععع والله ان عزام عندي احلى منه
توليب : اكيد بيصير احلى بعينك دامه ما غلط عليك
تالا : صدق انتي شلون عرفتي عائلته ؟
توليب : ولد عمه متزوج بنت خالتي وعمه يصير صديق ابوي ويشتغل معاه بينهم شراكة
تالا : اها .. وولد عمه كذا مثله رافع خشمه؟
توليب : هههههههههه لا مو مرة .. بس مبين عليه داهية
بالرياض ........
الجوري وجوانا وخزامى بالصالة مع امهم فجأة وهم يسولفون امهم صايرة تتنفس بصعوبة ( معها الربو )
وفجأة انقطع نفسها بس البنات ما انتبهوا لهالشي
بعد دقايق ....
الجوري : يمة؟؟؟ يمة وش فيييك ؟؟؟؟؟
وبدت تدق امها بقوووووة وصرخت وخزامى بعد تهز امها قامت جوانا بسرررعة عالجوال
واتصلت عالسواق عشان يوديهم للمستشفى وهناك ............................................
طلع الدكتور ... وخزامى تصيح مع الجوري وتهديها
وقفت جوانا : هاه بشّر دكتور؟
استغرب الدكتور طريقتها القوية مع ان حالة امها صعبة ومبين خطيرة
الدكتور : عفوا بس المريضة وش تصير لك؟
جوانا : تصير امي
انصدم الدكتور اكثر : عفوا بس.....
جوانا بقوة : بس اييييش؟؟
الدكتور : حالتها صعبة شوي .. عندك اب او اخ
جوانا : اكيد .. وبيجون بعد شوي .. المهم وش صاير عليها؟
الدكتور : هي معها ربو؟
جوانا : ايه .. وانت شايف الجو مغبر اليوم
الدكتور : ايه داري .. يمكن هالشي أثّر عليها .. عندها ازمة تنفس حادة ونقص بالاكسجين لازم تجلس شوي
جوانا : ما يصير ناخذها للبيت ونهتم فيها هناك؟
الدكتور : لا مو الحين هي الافضل لها هنا
جوانا : اوكي .. يعطيك الف عافية
جاء ابو طلال ومعاه فيصل بسرررررررعة
ابو طلال بخوف : وشو ؟؟ وش صاااير
فيصل وراه ومو داري وش القصة
طارت الجوري لحضن ابوها تبكي وخزامى عالكرسي وحاطة ايديها على وجهها وتبكي جات جوانا لابوها بكل هدوء
جوانا : لا تخاف يبة .. ما صار شي كلها كتمة بسيطة وبتجلس هنا بحسب كلام الدكتور
الدكتور كل شوي تزيد صدمته من اسلوب جوانا الهادي توقع اول ما يجي ابوها بتصيح وبتضعف بالعكس زاد هدوئها
الدكتور : ان شاء الله بسيطة
ابو طلال : وشلوون بسيطة وهي بتتنوم عندكم
فيصل لجوانا : وش حصل بالضبط
جوانا : ما حصل شي خطير هدّوا اعصابكم .. بهالحركات ما راح يتغير شي
فيصل لاخواته : صح كلام جوانا .. خلاص يبة انا بودي البنات للبيت
جوانا : روحوا انتوا وانا بجلس عندها .. يبة ارتااح خلاص وتطمن انا هنا
تطمن ابوها ....
ابو طلال : الله يحفظك يا بنتي ,,, بس يالجوري بس
فيصل بمحاولة لتغيير الجو : يـــــــــا ليل الدلوووعين .. اخلصي وروحي صيحي ببيتكم
ضحكت خزامى وسط دموعها
جوري : ماااااااااالك دخل اهئ اهئ وكملت صياح
جوانا بضيق : جووووري الزفت .. امي بسم الله عليها مافيها شي .. كلها ازمة ربو وبتعدي ليش كل هالصياح تراها ما ماتت عشان تسوين كذا
جوري : انتي اصلا ما عندك احسااااااس .. من تركك ياسر ومشاعرك متبلدة
جات الكلمة مثل الكف لجوانا .... جاااااااااااااابتها عالجرح
وقفت خزامى بسرعة وضغطت بايدها على يد جوانا بمعنى معليش هدّي اعصابك
جوانا اللي زاد هدوئها : يبة .. خذ البنات وروحوا للبيت وامي انا عندها .. الدمعة بطرف عينها حتى انتي يالجوووري
حتى انتي بعد ؟؟؟ مو ناقصني والله .. كافيني همي وطلال حتى انتي تصيرين معهم؟
خزامى بصوت واطي : ليش قلتي لها كذا؟
جوري : مدري .. بس احسن خليها تصحى وتفوق على دمها وتحس انها تغيرت كثير من تركها الزفت ياسر وهذا معناه انها ضعيفة
خزامى : انتي عارفة ان جوانا قوية مو ضعيفة ليش تقولين كذا؟ حرااام عليك جرحتيها
جوري : معليش .. جوانا بتنسى , هي طيبة بتنسى
فيصل : معليش جوانا .. جوري بزر وانتي عارفتها
جوانا : طيب فيصل .. روح معاهم
فيصل : جوانا .. انتي عارفة اني داايم جنبك ومعك .. وراح تلقيني دايم قلبي مفتوح لك لكن اعرفي انك اذا غلطتي راح اصير ضدك
جوانا : ليه تقول لي هالكلام الحين ؟
فيصل : احذرك بس عشان تحطين هالقاعدة براسك
جوانا : فيصل .. راحوا عليك
فيصل باستهبال : امااااااااااا عاااااااد .. مالها داعي تكرشيني كذا
جوانا : هههههههه روح خلاص ما عليك انا بخير
فيصل باس اخته على خدها : يللا يا حلوة باااي ديري بالك على نفسك
جوانا : اوووكي بايات
دخلت لغرفة امها وجلست جنبها ..آآآآآآآآآآآآىخ يا يمة ياليتني مكانك
صحيح انتي كثير قهرتيني ووقفتي ضدي لكن ما يهون علي اشوفك كذا
سي يوووووووووووووو بالبارت الجاااااااااااااي تحيااتي
وكل سنة وانتوا طيبين ياااااااااااا حبايب
<< البـــــــــــارت الخـــــــــــامس >>
بعد 3 ساعات لكن في بيت تولين وامها
ام تولين : يعني شلوون ؟؟ تعصين كلمتي يا بنت بطني؟؟
تولين : يا يمة الله يهديك مووو كذا افهميني
ام تولين : وشلوووون افهمك شلووون ؟
تولين : يمة انا مقدر اقول لابوي هالشي
ام تولين : انا ابي مصلحتك .. ابي احفظ لك حقك لازم تتكلمين
تولين : هه اتكلم ؟؟ ما انا طوووول عمري ساكتة يمة
ام تولين : يعني ما راح تتكلمين معه؟
تولين : لا يا يمة مقدر ... والله ما اقوى اقول له
مشت امها معصبة وتولين توها ممسحة الدرج بالموية زلقت وطاحت براسها على زاوية حادة بالدرج
صرخت تولين بالحارس وشالوها المستشفى
جوانا كانت بالممر ولمحت تولين تبكي عند باب الغرفة اللي جنبهم
جوانا : سلامات ؟
رفعت تولين راسها وطالعت بملامح جوانا الهادية : امي .. طاحت وانا السبب
جوانا : انا بعد امي تعبانة هنا
تولين : بس موو انتي السبب في طيحتها
جوانا : يااا بنت الحلال خليها على الله ... قومي
مدت ايدها لتولين
تولين وجوانا بالممر يسولفون شوي بعد ما هدت تولين
الا وجاء ابوها ........ عبدالرحمن الصقر بهيبته بقوته ماشي بثقة وخشمه فوووووق
ابو راكان : تولين وش صاير؟
لفت تولين وشافت ابوها لاول مرة بحياتها تركض لحضنه
تولين : يبة .. امي طايحة بقوووة اخاف ما تقوم لنا مرة ثانية
ابو راكان : بس يا بنتي بس .. ومسح بايده على راسها
تركتهم جوانا ودخلت غرفة امها
ابو راكان : وش السبب؟
تولين : امي كانت تبيك تعترف اني بنتك قدام الناس عشان تضمن حقي وانا قلت لها اني ما اقدر اطلبك هالطلب مشت مني معصبة وطاحت
ابو راكان : لا حول ولا قوة الا بالله ... هذا انتي حاملة اسمي وش تبين بعد؟
تولين : مووو انا اللي ابي امي هي اللي تبي
في هالليلة تةفت ام تولين الساعة 2 بالليل طلعت جوانا على صوت البكاء وشافت تولين منهارة قربت منها وضمتها تهديها.......
جوانا : خلاص تولين خلاص ... استهدي بالله
تولين : انا السبب جوانا انا السبب
جوانا مسكتها وصرخت فيها : لا هذا قضاااااء وقدر .. بس يللا اسكتي
بدت تولين شوي شوي تهدى وجوانا تاخذ و تعطي معها بالكلام
اليوم الثاني بالصبح جوانا مع امها بالغرفة .............
انفتح الباب عليها ودخل منه شخص ... هالشخص اخر انسان توقعت جوانا شوفته
ياسر : صباح الخير
آآآخ منك وش ناوي تسوي فيني بالضبط؟؟؟؟
جوانا : صباح الخير قالتها ببرود
ياسر : شخبارها امك؟
جوانا : مثل منت شايف .. بخير الحمدلله
ياسر : وانتي؟
جوانا : هه .. ما ظني انك مهتم
ياسر : ليش كذا يا جوانا؟؟ معقولة قلبك يقسى علي؟؟
جوانا : لا يا بعد عمري بأبتسم لك واقول لك الف الف مبروك يا ابو معاذ .... وانت ماا قسيت علي بكلامك بتركك لي بذيك الطريقة؟؟؟ تكلم ليه سااااااااكت؟
قرب منها ياسر وضمها له : احبك .. جوانا احبك
صحت جوانا منفجعة على صوت الجهاز المعلق بقلب امها جاء الدكتور بسرعة ولحقوه البقية كل شي بسرعة مر ... كل شي بثواني
ام طلال توفت ..........
بسويسرا .... طلال سهران مع الدشير اخويانه بشقته رن جواله وشاف المتصل فيصل
راح طلال برة الشقةورد: الووو؟
فيصل بصوت باكي : طلال تعاال السعوودية بسرعة
طلال : وش صااير؟
فيصل : انت تعال بعدين يصير خير
بسرعة رتب طلال اغراضه ورجع للسعودية
في بيت الراسي يوم الجمعة الساعة 10 الصباح جوانا وخزامى وجوري بغرفة امهم
يطالعون بالصور والاوراق لان امهم تكتب مذكرات
شافوا صورة لجوانا وطلال وهم يضحكون مع بعض على مزحة قبل يحصل سالفة ياسر وطلال
بس في نفس اليوم تصوروا هالصورة
رمت جوانا الصورة على جوري وقفت جوانا عند الدرج وشافت ظرف مكتوب عليه ( جميلة ) فتحته ,,,, وانصدمت بالكلام الموجود والوثائق ياااااااااااااااااا الله ما تنلامين وقفتي ضدي ماااااا تنلامين يمة ..... بنفس الظرف هذا في ورقة صغيرة مكتوب عليها جوانا ... : بنتي جوانا ..... اذا قريتي هالظرف ما راح اكون حية .. ولا راح اكون حولك هذا سبب معاملتي القاسية لك لكن اعذريني لانه ما كان بيدي ,,, غلاتك من غلاة اخواتك لكن ........... سامحيني امك )
صااااحت جوانا وانهااارت بعد ما شافت هالظرف صاحت بقوووة وكان صياحها على دخلة طلال
ركض لها ووخر خزامى وجوري عنها ومسكها بقووة : جوانا اهدي .. تكفين عشاني اهدي
وجوانا تبكي من قلب وقفت وسطرت طلال كف
جوانا : وخر عني ؟؟؟ انت اخر واحد يفكر بسعادتي يا طلال انت انسان ظاااااالم وما يهمك احد عايش لنفسك وبس
طلعت جوانا من الغرفة وطلال هدته هالكلمة وتذكر كلام امه قبل لا يسافر
: يمة طلال لا تطول علينا .. نبي نشوفك ونشبع منك
صرخ طلال : اطلعووووووووا برة
بعد ما طلعوا صاح طلال بقهر اه يا يمة ما شافتني ولا شبعت مني سااامحيني يمة سااامحيني ... تم الدفن بعد الصلاة .................
ذيك الليلة تسحبت جوانا لغرفة امها وهي عارفة ان ابوها بغرفة فيصل نايم عنده
انسدحت على سرير امها وصاااحت تعدلت بجلستها ومسكت المخدة وحضنتها وبوسط دموعها لمحت مجموعة من الصور تحت المخدة ... خذتها وشافتها
صور لطلال بسويسرا .. بشقته وحوله بنات يرقصون وملابسهم اذا كانت عليهم ملابس مررة عارية وهو مستانس ويضحك
شهقت بقوة وحطت ايها على فمها .. اخر شي توقعته منك يااا طلال
هنا عرفت جوانا سبب ازمة التنفس تبع امها
انفتح باب الغرفة بشويش ودخل طلال ..
طلال باستغراب : جوانا؟
جوانا نزلت راسها وما ردت عليه خبت الصور ورى ظهرها
جلس طلال قدامها: جوانا ... سامحيني
جوانا : شلوون اقدر؟ بعد اللي سويته فيني
بدت عيون طلال تدمع لاول مرة تشوف طلال بهالمنظر
طلال : جوانا طلبتك .. سامحيني .. عشان ايامنا
( هذي الكلمة اثنينهم كانوا يقولوها لبعض زمان لا زعل واحد فيهم من الثاني وبغى يراضيه )
انصدمت جوانا توقعته نساها .. قال عشان ايامنا
جوانا : لسة تذكرها ايامنا يا طلال؟
طلال : عمرها ما غابت عني يا جوانا
مسح دموعه و... امي ماتت ؟؟ شلون كذا صار؟
هنا انقهرت جوانا ومسكت الصور وحطتها قدام وجهه
جوانا : قصدك شلوون صار كذا؟؟؟ واشرت عالصورة
طلال منفجع : شلوون جبتيها؟؟
جوانا : كانت تحت مخدة امي يا طلال
مسك طلال راسه وعيونه تلف بالغرفة انا سبب موووتها انا قتلت امي خيبت ظنك يا يمة
جوانا : اخر شي اتوقعه منك يا طلال
وقف طلال بقوة : لا يا جوانا لا تظلميني انا ما اشرب ولا سويت شي غلط انا بس حاضر
جوانا : بس هذي شقتك يااا طلال
طلال : ادري انا لاكنت اعزمهم هنا بس ما اسوي مثلهم وربي
جوانا : حرااام عليك يا طلال .. دمرت حياتي وقتلت امي وش بعد ناوي تسوي؟
هنا طلال تبعثر جلس عالارض وحط راسه بحضنه : لا يا جوانا تكفييييين انا ابي اتوووب يا جوان ابي اتوووووووووووب تكفين لا تتركيني
مسكته جوانا وحضنته لها : بس يا طلال انا اسفة الله يرحمها وانا معك للاخير
وقف طلال : لاانا السبب يا جوانا اذكرها قبل لا اروح كانت تقول لي انتبه لنفسك ولا توطي راسي يا ولدي
انااااا ذبحتها يا جوانا ذبحتهااااا
جوانا : خلاص يرحم وااااالديك خلاص الله يرحمها طلال
( مصيبتهم رجعت جمعتهم مرة ثانية ) >> و كل امر المؤمن خير
عدّت الليلة بعذاب ودموع واخوة صارت اقوى
اليوم الثاني بسويسرا
حمد : هذا اللي صار يا آنسة
توليب : انت وش قاعد تقووول؟؟ انهبلت انت
حمد : انتي طلبتي مني اعلمك بكل تحركات ابوك وهذا اللي صار وانا سويت اللي علي
...........
وهذا البارت بمناسبة العيد لعيووونكم وعيون مجنونة توتي خصووووصا ....
يللا اشوووف توقعااتكم
<< البــــــــــــــــــــارت الســــــــــــادس >>
اليوم الثاني بسويسرا ...........................
حمد : هذا اللي صار يا انسة
توليب : انت ايش قاعد تقوول؟؟ انت اهبلت ولاّ ايش؟
حمد : انتي طلبتي مني اعلمك بكل تحركات ابوك وانا سويت اللي علي
توليب مصدومة : ابوي متزوج على امي؟؟؟؟؟؟؟؟؟؟
حمد : ايه نعم .. واسمها عذاري الرائد
توليب : والله لاوريها بنت الكللللللللب... تاخذ ابووووي ومين هي هذي
طلعت توليب من مكتبها معصبة وقابلتها تالا
تالا : وش فيك ؟
توليب : تالا مووو ناقصتك .. وخري عني انا مسافرة للرياض تجين معي؟
تالا بقرف : نو نو نو ... وععع وش عندي للقرف روحي لحالك سويسرا احلى
سافرت توليب للرياض وعلى طوووول راحت المستشفى لانه اخر مكان انشافت فيه عذاري
دخلت للريسبشن
توليب : عفوا .. ابس غرفة عذاري الرائد
تولين ناظرتها ببلاهة هالبنت كأنها مرايتي فيها مني شبه عجيييب يممممة بسم الله
توليب بضيق : هيييييه انتي ما تسمعين ؟؟
تولين : عفوا .. انا اسفة , تفضلي وش بغيتي؟
توليب : غرفة عذاري الرائد
تولين بوجه منقلب : ومين انتي عشان تسألين عنها؟
توليب : انا توليب عبدالرحمن الصقر
شهقت تولين بقوووة : وش اسم جدك؟
توليب بنظرة مغرورة : هه .. طيب , اسمه سعد
فتحت تولين عيونها على اخر شي وهي لسة حاطة ايدها على فمها
توليب : ايه .. ايه .. انا بنت عبدالرحمن الصقر رجل الاعمال المعروووف .. اووف صدق ناس غريبة
رفعت تولين حاجبها
تولين : عذاري ماتت الله يرحمها .. وش سوّت لك؟
توليب : انتي تعرفينها ؟
تولين : ايه
توليب بقهر : هذي خاطفة ابوووي من امي من 25 سنة
تولين بقهر : هي ما خطفته من امك ابوك هو اللي اخذها بعد ما مات اخوها
توليب : وايش السبب اللي يخليه يطالعها والقمر عنده >> تقصد امها
تولين : احترمي نفسك .. وبعدين الحرمة ماتت .. روحي اسألي ابووك
توليب : بما انك تدافعين عنها بهالشكل ... هي وش تصير لك؟
تولين : امي
فتحت توليب عيونها بقوووة : يعني انتي؟؟؟؟
تولين : ايه انا تولين عبدالرحمن الصقر مثلي مثلك يا توليب
توليب : تخسيييييين تصيرين مثلي يا بنت عذاري
تولين : معليش .. الله يسامحك يا اختي , مقبولة منك
توليب : هه .. غصب تنقبل
جوانا : تولين ..... لفّت تولين عليها ولفّت توليب بعد
فتحت جوانا عيونها بصدمة لانها لاحظت الشبه بينهم
جوانا باستهبال : مين فيكم تولين؟
تولين : ههههه انا
جوانا : يممممة بجد تشبهون بعض
وكان طلال معها طالع بتوليب وكشّر : هذا انتي
توليب : انت ؟؟؟ وش عندك تلاحقني بكل مكان؟
طلال بغرور : اما عااد الاحقك ؟؟ وش ابي فيك مثلا؟
توليب : صدق انك وقح ومغروووور
طلال : يحق لي .. ولد الراسي ميين قدي؟
توليب : اعصاااااااااابك .. اذا انت ولد الراسي تراني بنت الصقر
جوانا تغير الموضوع : شخبارك تولين؟
تولين : تمام الحمدلله .. شلونك انتي بعد وفاة امك؟
طالعت توليب بطلال اللي وطى راسه بحزن ولف وجهه عنهم بقهر
جوانا : الحمدلله على كل حال ,,, شخبارك بعد العزاء ان شاء الله كويسة؟
وطالعت بتوليب : انتي اكيد اختها التوام
توليب : انا؟؟؟ هه
تولين : ههههه لا هذي اختي اكبر مني بسنتين انا مثلك جوانا عمري 24 سنة وهي 26
توليب : وانتي وش دراك ؟
تولين : انتي اختي .. يحق لي اعرف عنك , انا دايم اسأل ابوي عنك ويحكي لي
جوانا : ليه تسألي ابوك عنها وهي اختك؟
تولين : هي اختي من ابوي
جوانا : سبحااانك يا رب .. تشبهوون بعض كأنكم اخوات من ام واب
توليب : عالعمووم .. وطالعت شوي بتولين اللي بجد تشبهها
انا ماشية .. الله يرحم امك مع السلامة
ومشت بغرور كعادتها
طلال : زين انها ترحمت على امك بعد هالمغروووورة
جوانا : انت تعرفها؟؟
طلال : هه وشلون ما اعرفها ..بنت عبدالرحمن الصقر ( قالها باستهبال على اسلوب توليب بالكلام ) هي وصديقتها البوووية الزفت بنت ماجد
اللي ترفع الضغط بس هييين ما يربيهم الا انا
تولين : لو سمحت لا تغلط تراها اختي
طلال : ليتها تعاملك مثل ما تعاملينها عالعمووم .. جوانا انا انتظرك بالسيارة اذا خلصتي
مشى عنهم وتركهم
جوانا : علاقتك فيها مو زينة ؟
تولين : هذا اول اتقابل معها فيه
جوانا : يؤ وشلون كذا؟
تولين : ابوي متزوج امي بالسر من 25 سنة يا جوانا
جوانا : يا بعد عمري يا تووولين
تولين : ههههه يللا عاد هذا وانا ما بعد شكيت لك قصتي
جوانا : ههههههههههه
تولين : انتي الوحيدة اللي شفتها ودخلت قلبي بسرعة ,
جوانا : ههههه والله انا بعد ارتحت لك ودي نصير صديقات على طووول تصدقين كل اخواتي عندهم صديقات عزيزات الا انا ما ارتحت لاحد غيرك
تولين : يا بعد عمري انتي .. نصير اخوات مو بس صديقات وش تامرين بعد ؟؟
جوانا : يااااااااااااا لبى عمرك انتي بس يالذوووووق ,, يللا سلام انا ماشية
تولين : لا خليك .. ولاّ اقول لك روووحي لا تتأخرين على اخوك العصبي
جوانا : ههههه وش دراك ؟
تولين : مبين عليه
جوانا : هههههههههه يللا سي يووو
تولين : في بيتي يالبطة
جوانا : اوووكي يصير خير
وراحت للسيارة ... >> كنت بوقف هنا لكن المقطع الجاي يعجبني مووووت واتمنى يعجبكم مررة حماسي ولعيوووون ريووم بزود البارت هالمرة فديتها هي اللي جالسة تقرأ بيووم العيد وطفشانة مثلي هع ... نرجع للرواية قطعتكم سووري >>>>>
طلال : انتي شلون تعرفتي على اخت المغرورة بنت الصقر؟
جوانا : امها وامي ماتوا بنفس اليوم تعرفت عليها بالمستشفى يا بعد عمري
طلال : مبين عليها مووو مثل اختها ذيك ابدا
جوانا : لالا مرررة مو مثلها
طلال : جوانا؟
جوانا : لبيه ؟
طلال : لبى عمرك ... وحشتني سواليفك
جوانا : انت السبب
طلال : لا تظلميني !!
جوانا : اظلمك ؟!!! انت اللي ظلمتني يا طلال
طلال : انا وش ذنبي اذا هو كللللب
جوانا : طلال عن الغلط لوووو سمحت
وقف طلال عند الاشارة ولف عليها بسرعة باستغراب
طلال : لسة تحبينه ياااا جوااااااااااانا؟
جوانا وطت راسها : لا .... بس طلعت الكلمة كذا تلقائية
طلال بعصبية : هذا معناااااااه انك لسة تحبي الحيواااااااان ياسر ؟
جوانا وهي تصيح : مووو بيدي طلال موبيدي .. انا اكرهه وقلبي يحبه ... عجز مخي الا يفكر فيه ,,
كاااان يعشقني يا طلال عيشني احلى احسااااس واحلى ايامي كانت معاه كااااان يعشقني
طلال بصرااخ : كاااااااااان يا جوانا .. كاااااااااااااااان ماضي
جوانا : هذا الحين مو موضوعنا يا طلال
طلال : لا تصرفييييييين
جوانا : طيب ... تبغى تتكلم يعني ؟؟ انت تركت اخته بطريقة اهااانة له ولها اكيد راح يتركني هو بعد عشان يردها لك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك