رواية ان جيتي عالعناد ترى محد فيه مثلي -12
جلس ابو احمد جنب سعود
ابو احمد : انت اول مرة اشوفك هنا
ابتسم سعود بوجهه الشاحب : لا انا اجي اصلي وامشي هالمرة ما عندي شي جلست اقرأ قرآن
ابو احمد وهو يضحك : مبين عليك رجل اعمال ومشغول مرة
ضحك سعود : لا والله ... انشغل بس بمواعيد المستشفى ولاّ ما عندي شي ثاني
ابو احمد : اها .. الأخ دكتور ؟
وطى سعود راسه بحزن وألم وسكت لفترة ورفع راسه : لا والله .. مريض
اختفت الابتسامة عن وجه ابو احمد وبعدها حط ايده على كتف سعود وضغط عليه
ابو احمد ابتسم مرة ثانية بمواساة : لا تخاف ... ربك يحبك عشان كذا ابتلاك
سعود وهو يضحك بسخرية : لا والله يا عم .. ربي ابتلاني عقاب لي عالاذى اللي سببته للناس
فرك ايديه ببعض ونظراته جدية .. بس قريب الناس بتفتك من اللي أذّاهم
ابو احمد حسبه يتكلم عن نفسه : لا يا ابني لا تقول كذا ... الله كريم ويسامح اهم شي تتوب
مدامك تبت بصدق ربي ان شاء الله بيسامحك وبيغفر لك ربي غفور كريم ولازم انت ما ترجع للأشياء الغلط بس
ابتسم سعود برضا وتعب : مشكور يا عم ما تقصر .. رفعت معنوياتي ههههه الله يخليك لعيالك
ابو احمد ابتسم بضيق : كان عندي ولدين بس ربي اخذ امانته
ضاق وجه سعود ودمعت عينه : انا اسف يا عم ما كنت اقصد
ابو احمد ضحك على خفيف : هههههه ايش فيك ؟ انا راضي بقضاء ربي وقدره ومعليش انا انبسط لما اتذكرهم
لاني ببساطة ما نسيتهم ,, باقي عندي بنت عمرها 24 سنة هي اللي تهتم فيني بعد وفاة امها بالسرطان
سعود : الباقي بعمرك يا عم ,, الله يخلي بنتك لك
ابو احمد : ويخليك لاهلك وحبايبك
سعود : هههه ما عندي اهل ... ابوي ما ادري عنه وامي عند اهلها مع اخواتي الثنتين ومقاطعيني واخوي يشتغل مع عمي في اشغاله الوسخة
مالي الا صاحب واحد اعزه كثير لكني جرحته واذيته .... ااااخ يا عمي حياتي بلاوي الله لا يوريك منها شي
ابو احمد : معليش يا ابني ... الله اذا احب عبد ابتلاه ,, لازم تصبر وتحتسب وحاول ترجع علاقتك مع امك لانها جنتك ونارك
سعود ودموعه تتجمع : ما اقدر احط عيني بعينها يا عمي بعد ما خذلتها وضيعت تعبها ,,, بعد ما انكشفت باللي اسويه قدامها وهي اللي كانت تشوفني غير
حتى اخواتي يكرهوني .... وريان منشغل ما يدري عني ولا ايش فيني ,,, حتى البنت اللي عشقتها الحين بتصير لاعز اصحابي وانا بقيت وحيد
بعد ما جرحتها وغدرتها ,,, بعد ما خنت ثقة صاحبي فيني ... بعد ما اذيت بنات خلق الله وضيعت تعب رجال وهم يدورون عن لقمة عيشهم
انا مصيبة ... ما انصحك تعرفني يا عمي
ضحك ابو احمد : اهدى ... انت شوقتني اعرف عنك اكثر... وبنجلس سوا اكثر ان شاء الله الحين قوم نطلع مع بعض نتعشى برة وانا اللي عازمك لا تقول لا
سعود : ما اقدر يا عم عندي موعد .. كيماوي بالمستشفى الحين ... والله اني تعبت منه لكن امري لله
ابو احمد كشّر : سرطان ؟
بدى سعود يكح وطلّع منديله وحطه على فمه .. طوّل يكح بعدين شال المنديل اللي صار فيه دم
سعود وهو يتألم : ايه .. سرطان الرئة
ابو احمد : اعوذ بالله .. الله يكفيك شره ويعافيك
سعود : الدكتور قال مافي امل
ابو احمد يبتسم : خلي املك بالله كبير ... ياما قالوا هالكلام وبعدين تلقى المريض تعافى .. ولاّ ؟
سعود ابتسم على اسلوب ابو احمد الراقي بالتعامل : صح ... الله يسمع منك ,,, يللا بالاذن انا ماشي
ابو احمد : الله معك ..
طلع سعود من المسجد وركب سيارته ... ومشى باتجاه المستشفى
رن جواله لقى رقم ماجد
سعود : الو ؟
ماجد : هلا بحبيب قلبي ... الولد المفضل هههههه
سعود : ايه ايه .. وش تبي ؟
ماجد : وش فيك سعووود ؟ صاير عليك شي ولا هبلت بك بنوتة ؟
سعود وهو يصارخ : انت عاااااااااارف ما بعد خزامى بنات بحياتي
ماجد : طيب طيب ... اهدى ,, ايه على فكرة خزومتك قريب عرسها على خالد
سعود وهو شوي ويبكي : ادري ... وباركت له سابقا
ماجد : اووووهو تطوراااات .. هههههههه صاير ذوق وش عندك ؟
سعود بضيق : اخلص ليه متصل وراي شغلات اهم من السواليف الفاضية
وقف سعود السيارة عند باب المستشفى ونزل
ماجد : عندي لك مهمة جديدة وعلى كيف كيفك .. بنت ولا البدر بنوره لكن ابوها تحداني وانت عارف وش مصير اللي يتحداني
سعود وهو يفرك ذقنه : ايه طيب يصير خير ... لما ارجع الرياض اشوف صرفة للموضوع
ماجد : لا تتاخر اهم شي ...
سعود : طيب طيب ,, يللا مع السلامة
ماجد : الا تعال وش عندك بألمانيا ؟؟ اشوف طوّلت
سعود : اغيّر جو لا اكثر ,, يللا باي
ماجد : طيب طيب .. باي حبيبي
قفل الخط وقام يشتم ماجد جوة نفسه بقهررررر
دخل للمستشفى بممراتها البيضاء والناس اللي تتألم واصوات ونّاتهم
بدى يكح وغطّى فمه بالمنديل تنهد بألم وهو يتخيل منظر خزامى بالفستان الابيض مع خالد
وطى عيونه بالارض كله منك يا ماجد ...................................
........................................
عند طلال الراسي بالمكتب
عزام جالس يتفرج بالملفات ومتملل
طلال قفل الجوال وهو يضحك من قلب
عزام : وش عندك ؟
طلال : هههههههههههههه بتزوجها ههههههههههههههههههه
عزام : مين هي ؟
طلال هدى شوي : توليب بنت عبدالرحمن
عزام : قصدك هذيك صديقة تالا ؟
طلال برفعة حاجب : ايه ... هههههه بتشووووف شغلها قريب ,, تصدق انا اساسا ما ابيها
لكن باخذها عشان اعلمها الادب بس
عزام : يااااخي سيبها بحالها وعيش حياتك ... ان كانت مؤدبة لنفسها وان كانت العكس الله يخلف ع ابوها
طلال : هههههههههههههههه تدري شلون ؟ انت بااااارد جدا لكن انا عكسك انت تعرف تطنش
لكن انا ما اعرف .... وهي بدت عناد وبالعناد محد مثلي
................................................
البارت هنا يوقف اشوفكم على خير بالخميس لا تنسووووا توقعاتكم ولا ازعل
<< البــــــــارت الــ 29 >>
راكان ينتظر جميلة بالمجلس في بيتها ,,,,,,,,,,,
دخلت جميلة بمشيتها الواثقة اللي تثبت وجودها للكل وتلفت الانتباه لها
وقف راكان كعادته احتراما لها
راكان : هلا خالتي
جميلة وهي تبتسم وتتقدم لتجلس عالكنبة : هلا فيك ريكو
ضحك راكان بقوة : ههههههه ريكو ايام زمان .. الحين راكان
جميلة : ههههههه لا ريكو الحين وزمان ,, عندي لسة صغير
راكان : ياحليلك يا خالة ... طيب لعيووونك اللي تبين تسميني حلالك
ايه وش صار على جوانا ؟ كلمتك ؟
وطت جميلة راسها بحزن : لا يا راكان ما كلمتني
كملت بصوت متألم وحزين يكسر الخاطر : ودي لو تكلمني ... ودي اسمعها تقول امي
راكان بمواساة : معليش يا خالة .. انتي عارفة الحين هي بحالة صدمة
اصبري عليها شوي بتعرف انها غلطانة وبتكلمك ,, انا اللي خايف منه انها تعلم احد باللي صار ويوصل لك ماجد
جميلة بصوت حاد وبجدية : ودي لو اشووووووفه ماجد لاقطعه باسناني
راكان : ماعليك منه .. ماجد علي انا
الحين خلينا بسالفة بنتك .. تبغيني احاول فيها شوي ؟؟
جميلة بحيرة : ما ادري يا ريكو ما ادري .. محتارة
كيف اخليها تحن علي وتكلمني ؟
راكان بابتسامة : خليها علي .. اوعدك قريب تكلمك وتسولف معاك وتناديك امي ,, شي ثااااني يالغلا ؟
جميلة بابتسامة حنونة : الله لا يحرمني منك يالغالي
راكان باختفاء ابتسامته : طلع ابوي متزوج اختك عذاري يا خالة
جميلة : ايه ادري
راكان : اللي قاهرني انه اخذ تولين لها واوهمها انها بنتها وتولين بنت امي ( المها ) شلون يقول لها انها بنت عذاري
ويوم كشفته رماني بالشارع عشان لا اعلم امي .... مسكينة تولين ودي اشوفها واحضنها واعوضها عن السنين اللي راحت هي وتوليب
اليوم ... اليوم بروح له ... وباخذ اخواتي منه
جميلة : بأي حق بتاخذهم ؟؟ هو ابوهم انت بس اخوهم
راكان وعيونه مركزة بالارض : ما علينا اول شي اهده بالسوق ولما يخسر باخذ اخواتي عندي
وقف راكان : بالاذن يا خالة انا ماشي
جميلة : اذنك معاك عيوني
طلع راكان وهو شااااايل هموم الدنيا على اكتافه
يحس انه مايل لجوانا ويحب يسمع اخبارها
يبي يرجع جوانا لأمها ويريح جميلة
يبي ينهي ماجد ,, يبي يدمر ابوه عاللي سواه فيه ااااااااااااااااخ يا ربي ساعدني
....................................
يوسف وياسر سافروا الشرقية ...
كانوا جالسين عالبحر اثنينهم بصمت
ياسر مكتف ايدينه ويوسف شبه نايم مغمض عيونه ومسترخي عالاخر
ياسر : اقول يوسف
يوسف : همممم؟
ياسر : متى بفتك من غثاها ؟
يوسف : هع مين ؟
ياسر : منار
يوسف : ههههههههههههه انت بلشت نفسك .. تصرف
ياسر : ايه ادري بتصرف ,, تدري وش بسوي
يوسف : وشو ؟
ياسر : بصارخ عليها
يوسف : لاه ؟؟ قوي ما شاء الله ..
ياسر: عمري ما رفعت صوتي عليها احتراما لها لكنها ما تستاااااهل الذوق وياها ما ينفع
يوسف : خليتها تستخف فيك من غبااااااااائك
ياسر : اااااخ يا قلبي
يوسف : وش فيه قلبك ؟
ياسر : قلبي اسير بنت عمي وللحين ما افرجت عنه
يوسف : انت متزوج يا ياسر ,, استحي على وجهك
ياسر : ايه بس هي مو متزوجة
يوسف : شلون يعني ؟
ياسر : بتزوجها
يوسف تعدل بجلسته ولف بقوووة لجهة ياسر : يللا عاااااد .. يعني انه طلال بيوااافق عليك
بعد اللي صار بينكم
ياسر : ما علي من احد ,, اقولك احبها
مسك يوسف من ياقة بلوزته وصرخ فيه . تدري شلووون احيها ؟؟ تفهم انت ولا ما تفهم
وخر يوسف ايد ياسر اللي مسك راسه : اهدى يا ياسر .. حركتك هذي بتزيد المشاكل وما راح ترتاح
بتتمشكل مع منار واهلها
ياسر : بالطقاااااااااق .. ما احبها ما اطيقها
كرهتني بعيشتي .... ليه سمعت كلام ابوي وتزوجت ؟؟ لو جلست شوي ورجعت بعدها لجوانا وش كان بيصير
يوسف : اللي فات مات ... بتفقد ولدك معاذ
سكت ياسر وعيونه بالارض وماسك راسه بايدينه
ياسر : جوانا بتعوضني
يوسف وقف وصرخ فيه : جوانا وجوانا .. انطم بس
انت واحد اناااااني يا ياسر شلون تتخلى عن ولدك ؟؟ شلووون ترضاها له يعيش بدون اب ؟
ياسر انا ماعدت اعرفك .. تغيرت كثير وربي
ياسر وقف : مافي احد يفهمني ... يوسف احبها .. تدري ايش معنى كلمة حب ؟ عشق ؟ مااا تعرفها ماقد حسيت بهالاحساس انت
يوسف وهو يدف ياسر : مييين قال لك ماحسيت ؟ شفت انك اناني وما كنت مهتم غير لنفسك ؟
انا احب يا حلوو ,, احب الجووري بنت عمي اللي بسبتك انت الى الان انا مو قادر اتقدم لها شفت كيييف ؟
بسبتك انت ساءت علاقتنا ببيت عمي , بسبتك انت تعذبت جوانا ,, بسبتك انت يا ياااااسر انا مو قادر اخذ اللي احبها
بسبتك انت ...
ياسر صرخ : بـــــــــس ,, بس يرحم امك بس .. كااااااااااااااافي طلبتك يوووسف كفااية مو قادر اتحمل
يوسف بعصبية ونظرات حادة : بسبتك انت عصبت انا ,, وانا اللي طووول عمري هادي كل شي تغير والسبة انت وطلال
حتى جوانا ,, على بالك بس انت التعبان والمسكين ؟؟؟ جوانا صايرة جاااااااااامدة انسانة بدون مشاعر
يوم امها ماتت ما بكت الا مرة وحدة بس قبل الدفن قولتك لو كانت جوانا الاولية وش كانت بتسوي ؟
كانت بتنهار عليهم وبتبكي بحرررقة جوانا طول عمرها كانت مراعية للي حولها مهما اذوها بس بعد اذيتك انت شوووف وش صارت ؟
كل اللي احنا الحين عايشينه بسبتكم
مشى يوسف وترك ياسر اللي شوي ويبكي حالته حاااااااااااالة
جلس ياسر عالتراب ودفن راسه بين رجوله بصمممممت >> هدوء ما قبل العااصفة
......................................
في بيت الراسي
جوانا تلبس عبايتها بالغرفة
دخلت الجوري بسررررعة : هااااه جوانا ؟؟ ماخلصتي
جوانا : وش عندك مستعجلة ؟
الجوري : ابدا بس ناخذ السواق قبل لا تاخذه خزوم
جوانا : ههههههه طيب
جوري : بسرررعة بسررررعة
ونزلت تركض بالدرج ... ووراها جوانا نازلة عادي
خزامى لمحتهم وهي طالعة من المطبخ
خزامى : هيييييييييييييييه الجووووري ... لا تاخذوون السواق بيوديني عند روبي اليوم
جوانا وهي تضحك بمكر : عند روووبي ؟؟؟ ليش مو عند دانا ؟
خزامى وهي تطلع الدرج جنب جوانا : كلي تبن يا قليلة الادب
جوانا ضحكت بقوووة : هههههههههههههههههه وش قلنا ؟؟ قلنا عند دانا انتي اللي تفكيرك ذاااك الشي
ضربتها خزامى ورى راسها : انقلعي
الجوري عند الباب : يللا جواااااااااااااااانا
مشت جوانا وهي تضحك وركبت بسيارة السواق ................
وراهم سيارة تراقبهم بس ما لاحظوها
: قولتك وين بيروحون ؟
: مدري .. خلينا وراهم وبس
.....................
حركت السيارة الكحلية المرسيدس وراهم
عند الاشارة .......
بالسيارة الصفراء الرينج روفر
: هيييييه شوف شوف هذي جوانا
: ايه هذي هي اخت طلال ,,,, خليك وراهم بس
: طيب طيب
.................
الجوري : محمد اسمع اذا قالت لك خزامى اختي ارجع لا ترجع
خذنا اول للبيت بعدين وصلها .. يعني طنشها فااهم
محمد : بس مدام انا ما اقدر طنش
الجوري : الا طنش .. وبتطنش ورجلك فووق رقبتك
جوانا : بس يالجوووري خفي عالرجّال .. ما عليك منها محمد بس اهم شي ودينا للسوبر ماركت ولا تمشي من دوننا
الجوري وهي معصبة : وبعدين انا مو مداام وش شايفني عمري 40 سنة مثلا ؟؟ انا ااااااااانسة كم مرة اعلمك
محمد المرتفع ضغطه من تحكم الجوري : حاااضر انسة .. انسة طيب انسة
الجوري : لا تعيدها الف مرة تراني اسمع من اول شي
جوانا بملل : جووووري بس انطمي خلي الرجّال بحاله .. سوق محمد ما عليك منها
جوري : اوووف ,, رجعت عالمرتبة بقووة
نزلو البنات للسوبر ماركت .... ووراهم اثنين
وهم يتسوقون ...
الجوري : جوانا .. شووفي هذا تتوقعين طعمه حلو ؟
جوانا بملل : مدري عنك .. اذا عجبك خذيه لا تزعجيني ادري فيك مثل كل مرة تسألين وتقلقيني وان قلت ايه رجعتيه وان قلت لا اخذتيه
والحل معاااااااك مدري
الجوري وهي تسكتها : بس بس مووو منك من اللي يسألك
جوانا : ليه تسأليني مدامك ما بتسمعين كلامي ؟
الجوري : شسوووي يعني دايم ما عندك ذوق بالاكل
سرحت جوانا وهي تتذكر .......
هي وياسر كانوا بالغرفة اللي فيها البوفيه دخلوها قبل العزيمة بدون محد يحس عليهم
ياسر بهمس : شلون قدرتي تجين ؟
جوانا بهمس : تسحبت وما حسوا فيني هههههه
ياسر : ما شاء الله امداك تلبسين عبايتك والطرحة ومحد حاس فيك ؟
جوانا : ههههههه ايه .. بس هين الحين بيفقدوني
ياسر ارتفع صوته شوي : طيب وش رااايك ورق العنب هذا ولاّ هذا ؟
جوانا بسررعة : اوووووش وطي صووووتك لاحد يسمعنا
ياسر حط يده على فمه : اووبس سوري , عالعموم وش رااايك
جوانا : امممم هذا اكبر
ياسر : دايم ما عندك ذووق بالاكل ,, كم مرة اعلمك ؟؟ شووفي
ورق العنب .....
جوانا تحرك فمها بالكلمات اللي يقولها ياسر لانها حافظتهم
ياسر : ورق العنب احلى شي فيه يصير طري ومليان زيت زيتون وحبوب الرز طرية مررة
ويصير متوسط الحجم موو كبير ولا ضعيف لان العصاقيل مو حلوة والكبير شلون بيدخل فمك ؟
طقها براسها .. لا تستهبلين علي ولا على ورق العنب تراه قطعة مني
ضحكت جوانا بقوووة : هههههههه قطعة منك اجل .. باااكلك
ياسر : اوووص وطي صووتك .. يللا كليني تراني ماالح
جوانا : وانا حلوووو
ياسر : قصدك حلوة
استحت جوانا ..... صحت والجوري تهزها
الجوري بخوف ومعالم وجهها مرعوبة : جوااااااااااااانا شوفي وراك
لفّت جوانا بقوووة وشافت ريان
ريان : هلا بحبي
جوانا : حبّك بررررررررررررررص ... وش تبي ؟
ريان : ابيك
جوانا : تخسى
ريان : من عيوووني ... امووت على ثقلك وربي بس ودي اجرب خفتك بعد كم شهر
جاء راكان من ورى الجوري وريان بلّم يوم شافه
سحب راكان الجوري من كتفها لوراه واشر لها تسكت جوانا ما لاحظت راكان اللي واقف وراها وقالت بصوت حاد واثق
جوانا : هههههه تجرب خفتي يااااااا حشرة ؟؟ انت ابن ابووك تقرب لي وتشووف وش بيجيك يا واااااااااطي
راكان بهمس جنب اذنها : هدي اعصابك انا جيت ... خليه علي وروحي كملي تسوقك عادي كأن مافي شي حصل
بس لا تطلعين من هنا قبل لا تقابليني عندي كلام لازم تسمعينه
طبعا جوانا متجمدة شوي وش هذا مين هو اللي قاعد يتكلم
لفت بشويش وشافت راكان
جوانا كانت مجمعة كلام بس كله ضااااااااع طاحت عينها بعيونه الذبلانة السووود
البنت ضيعت ...
لاحظ راكان انها تطالع بعيونه ابتسم عالمايل هو يدري ان عيونه حلوة يذكر ان توليب دايم تقول له
بس نمشي جنب بعض باي مكان اسمع البنات يهمسون يا لبى عيووونه النعسانة
انتبهت جوانا لابتسامته
جوانا بملامح جادة : وش جابك هنا ؟
راكان رجع يخفي ابتسامته : كنت ماشي وراك بالسيارة ... عندي لك كلام ضروري
توها بتتكلم ... سكتها ,, بس مو الحين وخري اشووووف مسكها من كتفها وقربها للجوري
طالع في ريان بحدة ورجع طالع عالبنات وابتسم
روحوا كملو تسوقكم وما عليكم من اللي صار
جوانا تناظره بحدة بمعنى ليش تلاحقني ومين تكووون عشان تسوي كذا
اما الجوري ابتسمت : شكرا .. هذي ثاني مرة تساعدنا فيها
راكان حط عينه بعين جوانا لين شالت عيونها ورجع ابتسم للجوري : ماسويت الا الواجب ,, يللا روحوا من هنا
لف على ريان : وانت امشي نتكلم برة
طلع ريان معه بس واحد ثاني ما طلع
ريان وراكان برة السوبر ماركت عند المواقف
راكان : وش تبي من البنت ؟
ريان : ابيها هي
راكان : مووو لك
ريان : الا لي
راكان : تحلم .. اللي افضل منك حط عينه عليها ابن ابوووك تقربها
ريان : وان قربت لها ؟
راكان : آخر يوم بحياتك
ريان : هههههههههههههه دايم تهدد وما يصير من تهديداتك شي
جاه بووووكس قوي لف وجهه على جنب
راكان : هاااه كيف البوكس ؟؟ ان شاء الله طعمه حلو
ريان نزل من فمه دم بسيط : هه .. طيب ,, سوى نفسه ماشي واعطى راكان ظهره ورجع لف بقوووة
عشان يرد البوكس
لكن طلع فواز بوجهه ومسك يده وسدحوه على وجهه بالارض
راكان : لا تلعب مع الكباااار يا وررررع ,, شيله يا فواز ووده المكان اللي بالي بالك
وبجيك بعدين ,,, خلك عنده ,, وانا بروح اشوف البنت واجيك
ابتسم فواز بخبث : وش بتقوول لها ؟
راكان ضوق عيونه : يصير خيييير استاذ فواز اللي مخقق عالعربجية هذيك
فواز : كل تبن تدري اني اكرهها
ضحك راكان بقووة : هههههههههههه اهم شي اني ترفزتك
مشى عنه ودخل السوبر ماركت
..............
جوانا : وش تبي ياخسيييييييييس ؟
وهو مااسكها من كتفها على جنب ووجهه مقابل وجهها
ناصر : انتي لو تدرين وش ابغى قتلتيني ,, بس انا احب البنت القوية
جوانا وهي تحاول تحرر نفسها منه : والله لأورييييييييييييك .. بتندم على لمسك لي يالكللللب بتشوووف ماني بنت ابوي ان ما طلعتها من عيونك
راكان كان يدور عليها ولمح ناصر جااااء يركض
راكان بمنظر المنصدم الرافض يصدق الواقع : ناصر وخر عنها
التفت ناصر بقوووة
ناصر ترك جوانا اللي بدت تضرب فيه بس هو ما حس بضربها
ناصر منصدم : راكان ؟؟؟
راكان : ما هقيتها منك
قرب ناصر منه ودف جوانا : راكان ؟؟؟ وطى راسه شوي ,, مو مصدق اللي اشوفه
راكان : الحين انت بنظري مثلك مثلهم ,,, شغلك بتشووفه معهم كنت شي وصرت شي ثاني اخر شي توقعته منك
ناصر : الدنيا يا راكان
راكان : لا تتعذّر ... ما يغفر لك بنظري ولا شي
ناصر : راكان .. وشلوون بتنسى ايامنا سوا ؟ شلوون .. وذكريات الطفووولة
راكان : كنا ورعان يالحبيب ... وكبرنا وتغيرنا بس شووف الفرق بيني وبينك
انت مثل الكلاب ريان وعمه وسعود ... وانا شووف مثل مين
تمنيت اشوفك مرة ثانية واتطمن على احوالك وكنت خايف تكون ميت او شي .. لكن الحين تمنيت لو انك صدق ميت
ولا اشوفك بهالمنظر ومع هالكلاب
جوانا مبلمة من اللي تسمعه ... تحاول تفهم >> مثلكم خخخخ
راكان التفت على جوانا ... وطلعت الجوري من دورة المياه وشافتهم وشافت جوانا واقفة قربهم
الجوري : جوانا .. يللا عشان لا نتأخر
راكان وخر ناصر المنصدم من قدامه بايده بدون اي اهتمام له : لا .. لا تروحين .. اصبري
التفتت عليه جوانا وجوري حيرانة وش يبي من جوانا
جوانا : نعم ؟
راكان : في موضوع لازم تسمعينه
طالعته بضيق بمعنى مو قدام الجوري
فهمها راكان
راكان سوّى نفسه غلطان : انتي جميلة ؟ مالقى غير هالاسم
جوانا بضيق : لا
راكان : اسف .. كنت مشبه عليك
جوانا : مو مشكلة
مشت واعطته ظهرها وراحوا للكوفي شوب
جلسوا عالطاولة ومعهم الكوفي والشكولاتة
جوانا لمحت راكان من بعيد يأشر لها
جوانا : جوري .. بروح اكلّم جوال شوي وارجع
الجوري بخوف: ليه ؟؟ لا تتركيني لحالي يمكن يطلع لي ريان
جوانا : لا تخافين .... ما راح اروح بعيد ..
وقفت جوانا وبيدها الكوفي ومشت شوي بعيد عن مكان طاولتهم بحيث ما تشوفها جوري
جوانا بضيق : نعم ؟؟
تو راكان بيتكلم
جوانا : لحظة .. اذا كان عن جميلة ,, لا تتعب نفسك وتتكلم ما راح اسامحها مهما كان عذرها كان بالامكان تاخذني معها
ما اقدر اسامحها يا ....
راكان ابتسم : راكان .. اسمي راكان
جوانا ببرود : what ever >> أياً كان ,, المهم الحين تبي شي ثاني ؟
راكان : ايه ... شوفي ابسألك انتي ......
جوانا : انا وشو ؟
راكان : امممم .. انتي خبرتي احد باللي صار ؟ او ان امك حية
جوانا : لا .. لاتخااف انا عند كلمتي ما راح اعلم احد
راكان : ليه ؟
جوانا : وشلون ليه ؟
راكان : اقصد ليه ما علمتي دامك تكرهين امك ؟
جوانا بحيرة : ما ادري ,, رجعت بصوتها الجاد ,, بس مهما كان السبب ماودي اعرفه
راكان : انتي انسانة طيبة ... لكن تحاولين تخفين هالشي وهو واضح وضوح الشمس
جوانا لا تضيعين الوقت اللي يمشي من عمرك ,,, امك الحين فيه وتتعذب من سنين وهي بعيدة عنك
عالأقل عشان خاطر أغلى انسان عندك روحي زوريها وجامليها هي تحبك وتغليك انتي عندها بالدنيا
ما تشوفينها وهي تتكلم عنك شلون كانت قبل لا تشوفك .. ويوم شافتك ومن حركتك الاخيرة
تأثرت كثير وحتى الاكل ما تاكل .... لا تظلمينها
جوانا : اظلمها ؟؟؟ بحدة وعصبية .. اظلمها ؟؟ هي اللي ظلمتني
راكان باستعطاف : طيب معليييش ,, اعطيها فرصة
لا تصيرين قاسية .. ادري ورى ملامحك هذي في قلب دافي يحن ويحس باللي حوله
طلبتك ... لا ترديني هذا اول وآخر طلب يا بنت الناس عشان خاطر اغلى انسان عندك لا تتركينها وهي بهالحالة
جوانا بدت تتأثر : وانت وش دخلك بيننا ؟؟ ليه تدافع عنها وتساعدها ؟؟ هي دافعة لك
ضحك راكان بسخرية : ههههه .. مو كل شي بالفلوس يا بنت
جوانا .. انا امك ربتني
جوانا : مااااااااا شاء الله .. فيها الخييير والله تربي عيال الناس وتاركة بنتها
انت عمرك ما بتحس بهالشي اللي انا الحين احس فيه ,,, امي تخلت عني تدري وش معنى هالاحساس ؟
راكان بضيق : ايه ادري ..
جوانا : لا ماتدري
راكان : انا امك ربتني بعد ما طردني ابووووي من البيت فهمتي ؟
انصدمت جوانا وهي تشوف آثار الحزن اللي وضح بقووووة على وجه راكان وهو معصب
راكان : ابووووي .. ابوي طردني بالشاااااااارع الساعة 1 بالليل تتخيلين ؟؟
عالاقل امك شاريتك وما راحت الا بسبب وخلتك عند ابوك نايمة في بيت داافي يسترك وكله كان لمصلحتك انتي وابووك
ضحّت بمصلحتها عشاااااانكم وهذا جزاها من بنتها اللي كانت طووول عمرها تحلم تقابلها وتضمها
انتي ابوك ما طردك عشان مصلحته الشخصية وحياته وشغله ....انتي اللي عمرك ما راح تحسين بالاحساااس اللي انا احس فيه
وضرب صدره بقوة
بضيق ومسح عيونه اللي بدت تدمع وجوانا دموعها على خدها تنزل بصمت
رفع راسه وشاف دموعها
راكان وهو يتنفس بسررعة : آسف .. ما كان المفروض اتكلم عن نفسي ,, او عنك بهالشكل اعذريني
انا ماشي
جوانا : لا وهي تمسح دموعها ,, خذني لأمي
لف عليها بابتسامة : والله ؟
جوانا : طلبتك .. ابيها
وكملت تصيح ...
راكان : اهدي شوي .... الحين ما تقدرين اختك معاك
سجلي العنوان عندك ومتى ما قدرتي روحي لها
جوانا : طيب
طلعت دفتر صغير من شنطتها
جوانا : معك قلم ؟
راكان بابتسامة : وهذا القلم يا آنسة .. طلع القلم من جيبه وعطاها اياه
اخذته وكتبت العنوان ورقم جميلة
جوانا وهي ترجع القلم بابتسامة ناعمة : شكرا ,, يعطيك العافية ما قصرت
راكان وهو يدخل القلم بجيبه : ما سوينا شي والله ,, عالعموم اشوفك على خير
جوانا : اوكي
مشت بسرعة لجهة الجوري : يللا يللا قوومي بروح البيت
جوري بملل : لسة ما خلصت قهوتي
جوانا : يللا عالبيت بس
جوري رفعت عيونها لوجه جوانا عقدت حواجبها : وش هذا ؟؟ ليش باين على وجهك دموع ؟
جوانا وهي تمسح وجهها : لا ابدا بس الظاهر بدورة المياه جات على وجهي نقط موية ... يللا مشينا
طلعوا وراحوا للبيت ................
راكان راح لبيته وهو طااااااااااااير من الوناسة
دخل البيت وهو مبسووووووط شغل اللمبة ورفع الكاب عن راسه ووقف قدام المراية ولعب بشعره وهو مبتسم
دخل المطبخ واخذ له تسالي وبيبسي مايحبهم بس جاء على باله اليوم ياكلهم
نط عالكنبة وشغل التي في واسترخى بجلسته
رن جواله بعد نص ساعة وهو منسجم عالفيلم
اخذ الجوال
راكان : الوو ؟
فواز : سلاااااااام ... وينك انت مو قايل بتجيني؟ وبتتصرف مع ولد الرائد ؟
راكان عقد حواجبه ومسك شعره : يؤ ... والله اني نسيت
فواز وهو يضحك : هههههه اكيد بتنسى مدام بنت جميلة موجودة
راكان : طيب ضف وجهك ,, وش سويت عالزفت ؟
فواز : ماعليك حبسته عندنا وخليت رشيد يحرسه وانت وينك الحين ؟
راكان : بالبيت
فواز : جااااااااااااايك الحين
راكان : الله يعيننا على غثااااك بس ... هههههههههههه اوكي يللا بانتظارك
فواز : قااااااااااعد على قلبك هههههههههههههه
بتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك