رواية شقائق النعمان -21

رواية شقائق النعمان -21

محمد: الحمد لله خالتي كلنا بخير

ام احمد: يا ولدي لا تكذب علي قلبي ما كلني ملاك وش فيها كل ما دقيت قلتلي نايمه

محمد: خالتي قلت لك ما فيها شي بس من تعب الرحله وهي صحيت ورجعت نامت انتظري شوي الحين اناديها تكلمك

ام احمد: اهي صاحيه الحين

محمد: ايه الحين اناديها ............وطلع مع الدرج ودق الباب.......... انجي

ملاك : يوووووه شو بده بعد

شذى: قومي شوفيه

ملاك : تروح تفتح الباب وبقرف : خير

محمد : يطالع فيها من تحت لفوق وبحب : شتقت لك

ملاك: شوو

محمد: اوه حبيبتي خالتي تبيك ...ويمد يده بالجوال

ملاك : تاخذه منه

محمد : يقرب من اذنها واخذ نفس يستنشق ريحه شعرها الي بعده اثر المويه فيه : حبيبتي لا تخبرينها انك تعبتي انا خبرتها انك تعبانه من الرحله و نايمه ويمسك يدها ولا تعلمينها انك هنا بالبيت

ملاك : تبعد عنه : اهلين ماما

ام احمد: بكيت :حبيبتي انتي بخير

ملاك: شو بكي ماما لا تبكي انا منيحه بس تعبت من الرحله لاني كنت صاحيه بدري و مانمت طول الرحله

ام احمد: الحمد لله لك يارب كنت خايفه عليك

ملاك : تفك يدها منه... ماما حبيبتي لا تخافي انا كنت بدي كلمك بس قلت يمكن نايمه الوقت متاخر عندكم

ام احمد: وشلون تبينه يجيني نوم وانا ما سمعت صوتك

ملاك:بحب وشوق : ماما حبيبتي روحي نامي ورتاحي انا منيحه وبكره رايحه الجامعه

ام احمد: الله يحميك ويحفظك مع السلامه حبيبتي وعطيني محمد

ملاك: تصبحي على خير ماما باي..وتمد الجوال له ....ماما بدها اياك

محمد: هلا خالتي ارتحتي خلاص ....وشافها بتروح مسكها مع يدها

ام احمد: الحمدلله ما وصيك عليها انتبه لها

محمد: بحطها بعيوني.. ويغمز لها.. بس ارتاحي انتي و لا ينشغل بالك علينا

ملاك: تكلم نفسها عساك العماء بعيونك قليل ادب وتاحول تسحب يدها

ام احمد: تسلم يا ولدي انتبه النفسك مع السلامه

محمد: مع السلامه

ملاك: شو بدك اترك ايدي

محمد: وش اخبارك لسى مصداعه

ملاك: تصد عنه : لا

محمد: وش تبين عشاء

ملاك: ما بدي شي

محمد: هذا وانتي عندك ضيوف متبين تعشينهم

ملاك: خلص اطلب أي شي اترك ايدي

محمد: يرفع يدها ويبوسها

ملاك: تسحب يدها منه وتدخل الغرفه وتسكر الباب بقوه: اوفففففففف منه

محمد:يضحك على وجها الي صاير احمر و عصبيتها

شذى: وش فيك

ملاك:تروح وتجلس على السرير :هذا العله بده يجننى

شذى: وش يبي منك

ملاك : ماما تصلت

شذى : وش سوالك تتاففين

ملاك: حمر وجهها : هو شو مفكر حالة ما سك ايدي وبعدين باسها ومره يبوس راسي

شذى: هههههههههههه ياعيني على الحب وتحضنها تعرفين وش كثر فرحانه عمرنا ما راح نفترق لانه ما خذين اصحاب

ملاك: اوووووووه انا في ايش و انتي في ايش

شذى: تتثاوب آآآه تعبانه ابي أنام

ملاك: شو تنامي لا خلك معي انا ما فيني نوم

شذى: حبيبتي انا صاحيه من بدري

ملاك : اوكي انتظري صلي العشاء وتعشي اول الحين يطلبونه

، * ،

بيت ابو محمد

منى : نازله مع الدرج وتنادى :امي.... امي

ام احمد : جالسه فالصاله : خير وش فيك خفضي صوتك لا تصحين اخوك توه نايم

مني : تجلس جنبها : وهو وش عنده ما ينام بغرفته على طول لا زم ينام هنا وبعدين تشيلينه

ابو محمد : جاى من المكتب وسمعها : مثل بعض ناس زمان ينامون ونشيلهم

منى : يبه حرام عليك انا ما كنت مثله

ام احمد : ههههه يا حليلك نسيتى خلصتي الابتدائي و انتي اذا ما نمتي عندي ما تنامين والحين ما تبين اخوك ينام

ابو محمد : الحين تلومينها و اول اقول لك خليها تنام مع اختها تقولين حرام تخاف

ام احمد: وش فيك على عيالي

منى: ههههههه امي الظاهر ابوي يغار مني انا وحماده

ام احمد: بنت استحي هذا ابوك

منى: اوكي امي خلاص ما راح اقول ولا كلمه

ام احمد: الحين وش عندك وش تبين نازله تصارخين

منى: وييييييييي نسيتيني بكلامك الحلو وتبوس خدها بكره يا حلوه عندي مجلس امهات وفيه تكريم ابيك تجين

ابو محمد : خلاص كبرتي وبعدك تبين امك تجيك المدرسه

ام احمد: وش فيك على البنت ايه بروح لها حتي بالجامعه اذا يبون يسون مجلس امهات بروح لها

منى: تحضنها :ههههههههههه الله يخليك لي يا احلي ام انتي بس عاد الجامعه امي كبيره شوي ما اتخيل شكلي وانتي رايحه تسألين عني وتبوسها

ابومحمد: يكلم نفسه رحمة الله عليك يا ام محمد هذى دعوتك قبل ما تموتين ان الله يعوض اعيالك بام تخاف عليهم والله ستجابلك وعوضهم بلي مثلك : ايه الحين تتهزين على امك وتوها امك تحط علي والسبه انتي

منى : يبه والله من جد صرت اشك انك تغار

ابو محمد: انا اغار منك انتي هو الي باقي

منى : تقوم وتروح عنده وتبوسه على راسه : لا يحلو ما تغار امزح معك بس امي تستاهل صح

ام محمد: مي فينها ما نزلت

منى: الحين تجي و يا حلوه لا تغيرين الموضوع

ابومحمد:هههههههههههههه

ام احمد: زين يا منى شوفي الي يجيك بكره

منى: لا امي ولي يعافيك البرنامج فيه فقره عن الام اهون عليك

ام احمد: حز بنفسها خافت انها تكون افتكرت ان امها متوفيه و لمعه الدموع بعينها : لا حبيبتي هو انا اقدر ما روح لبنتي حبيبتي

مي: ياسلام هي حبيبتك وانا لا

ام احمد: لا يا بعد عمري انتي حبك غير انتي الكبيره

منى : ياسلام والله امى ملاك ما راحت بعيد عنك اثرها ماخذه الكلام الحلو و التصريف منك

ام احمد: آآآآه ياقلبي عليها انتم عندي لكن هي ومحمد الي مدري عنهم كيف بيكون حالهم باغربه

ابومحمد: توك مكلمتهم و ادعيلهم الله يوفقهم ويستر عليهم و انها تقدر تنسى و تعيش حياتها

...امين

مي : كيف حسيتي من صوتها مرتاحه

ام احمد: مدري قلبي مهو مطمنى لكن محمد يقول انها طيبه

ابومحمد: ان شاء الله هي فتره وتعديها اذا قدرت بايمانها احنا مالنا الا انا ندعيلها بكل وقت ان الله يصبرها ويوقف ويشيل احمد يطلعه غرفته

، * ،

الساعه عشره

ملاك: (خرجت وراحت غرفه ابوها وحطت يدها على الباب تحاول تفتحه مهو راضي يفتح معها مقفول).. من قفله فين المفتاح (وتتلفت حولها مافي احد و دور على المفتاح ما حصلته ) فين محمد المرض ما في احد غيره سواها وتمشي تجاه غرفه الضيوف اووووه فيصل هون وترجع وتنزل اسفل واول ما شافته .....تصرخ بعصبيه

فين المفتاح...؟؟ انت بي حق تقفل الغرفه ... من بتكن منشان تعمل هيك.. اعطيني المفتاح بسرعه

محمد: جالس يتفرج فلم و شافها نازله وقف وجا ينجلط ويصرخ فيها :هيه انتي وشلون نازله كذا وفيصل في البيت ...ويروح ويسحبها مع يدها

الفصل الثالث عشر

هل الصوت المرتفع ما يرعبنا...؟ ام الشخص نفسه الذي يتحدث بصوت مرتفع يكن الرعب بداخلنا ....ام الخوف مكنون داخل نفوسنا ..فكم من.. امرأة وطفل... يخاف من الصوت العالي و هناك الكثير فمنهم من يشعر ان الصوت المرتفع هو أهانه له وهذا حال الكثير من الرجال...

ملاك: خافت من صرخته عليها و هي ترجف و بعصبيه تنفض يده :ابعد عني و اعطيني المفتاح ما دخلك فيني محدا قلك تخليه ينام هون

محمد:يحط يده على فمها ويكلمها وهو مسكر على اسنانه من عصبيته و مقهوره منها و بحركاتها المتهوره بتذبحه : اسكتي لأحد يسمعك ..ما يكفي نازله كذا وفيصل في البيت... الشرهه عليه الحين.. الي طالبه من مرته تنام عندك... احمدي ربك الي وافق انها تضل معك تبيني اقطه برا البيت ...ويلفها قدامه وهو مسكر فمها وتحاول تفك نفسها منه ويسحبها لأقرب باب منه يفتحه ويدخلها و يدفها داخل الغرفه و يفتح الأنوار ويسكر الباب

ملاك: مقهوره و حاسه بمهانه من حركته معها وحابسه دمعتها بداخل عيونها و بصوت مرتفع و يرجف : اطلع برا ما الك حق تكون هون في بيتي ما بدي شوفك روح من هون

محمد: بصوت ثابت وقوي وعيونه كلها تهديد : وطي صوتك لا احد يصحي على صراخك وتكلمي معي بأدب ..انا ماني ابوك الي مدلعك..... و احسبي حسابك من بكره بتتركين البيت و ترحين معي على بيتي

ملاك :تصرخ ودمعتها نزلت وكل جسمها يرجف وبتنفس مضطرب :لاااااا ماراح اخرج من هون.. هنا روحي هنا حياتي ...وتلف حولين نفسها مثل الغريق الي يدور طوق النجاه و تأشر على المكان وبصراخ...هون كان يجلس اكثر الوقت ...و تأشر على المكتب ....وهون على هذي الكنبه كنت احكيله كل شي يصير معي طول اليوم..

محمد : توه ينتبه انه مدخلها غرفة المكتب وشاف هي كيف صايره و يلوم نفسه بدل ما يهديها يزيدها.. بس هي تخليني اخرج عن صبري معها... ويقرب منها

ملاك: شافته جاي جهتها وعيونه مسلطه عليها و ملامح وجهه تدل على غضبه تصرخ وبخوف :لا تضربني ...ابعد عني لا تضربني ... وترجع على ورا وهي خايفه منه و غطت وجها بيديها وهي تبكي بصوت

محمد : وقف مكانه مصدوم من كلامها لهذى الدرجه تخاف منه وسود وجهه ..و يقرب منها وهو يكلم نفسه.. استأهل انا الي جبته لنفسي ولا فيه واحد يمد يده على مرته اول يوم يشوفها فيه وش بيجني بعد كذا غير خوفها منه وكرهها له....ويمسك يدها... انجي لا تخافين ما راح اسويلك شي

ملاك : بعدت يده بقوه وخوف ورجعت خلف المكتب صار فاصل بينهم وجها كله دموع و صاير اصفر وبصوت كله خوف : اطلع من البيت لا تجلس هون ما بدي شوفك

محمد: يتنفس بعمق ويحاول يهدي اعصابه وبصوت هادي : اسمعيني زين خرجتي من هنا يعني انتي راح تكونين معي ما راح اتركك لوحدك وحطي هـالشي في بالك

ملاك : تمسح دموعها و تحط يدينها على المكتب و تميل على قدام وبصوت كله خوف بس تحاول تبينه قوي و متماسك :لا راح تخرج من هون وراح تطلقني انا ما بدي اياك

محمد: يحس الكلمه شلت دماغه و قفت قلبه و صرخ فيها: وشهووووووووووووو

ملاك : بخوف من صرخته وبلعت ريقها بس تحاول تبين قويه معه : ايه ما بدي اياك طلقني انا بس وافقت عليك عشان اخرج من هناك مثل ما قلت...و ما الك دخل فيني و تنزل الدبله وتحطها على المكتب

محمد : بخطوه وحده وهو قدامها و ماسكها مع زنودها وبصوت مثل الرعد : انتي منتي بعقلك اكيد ..و اياني و اياك اسمع الكلمه على السانك ....(ما قدر ينطقها)

ملاك : بعصبيه وخوف من قربه منها الي يشل جسمها صايره مثل العصفور قدامه : لا راح اطلقني غصبن عنك ولا راح ارفع عليك قضيه وطالب بالطلاق

محمد: عيونه بتطلع من عصبيته وكلامها الي يرفع الضغط بس ضحكته لمن تقول ترفع قضيه : حلوه ترفعين قضيه و انتي هنا

ملاك : بكل اصرار ترفع راسها و تحط عيونها الذابله وكلها خوف ودموع بعيونه : ايه راح طالب في الطلاق وما راح احد يمنعني وعيش هون طول حياتي ما حدا اله حكم فيني انا معي الجنسيه و شوف شو راح اعمل

محمد: راسه ينبض بالم وصداع وعيونه بتطلع من كلامها وبصوت عالي ومتعجب : وش جنسيته الي معك...؟؟؟!!

ملاك : وبكل ثقه لمن شافته مهو مصدق : ايه معي الجنسيه هنا... طلقني الحين احسن الك

محمد: كل عرق بجسمه ينبض بقوه ويهزها مقهور منها كل شوي تعيد كلمة الطلاق :فوقي يا مجنونه وبطلي اكاذيب ابوك ما معه الجنسيه..

ملاك : ردت بسرعه وهي حاسه يدها بتخلع من ضغطه عليها وهزه لها :ماني بمجنونه بابا ما معه بس انا معي اخذتها لان خالتو معها اخذتها بكل سهوله وما تقدر تسوي شي انا هلآ في بلدي وغصبن عنك راح تطلقني

محمد: ثبتها على الجدار الي خلفها و حط يده على فمها وضغط عليها من قهره منها ويده الثانيه تضغط على يدها وده يخرج الغضب الي فيه كله على جسمها وجهه قدام وجها ما يفصل بينهم غير كم سانتي وبصوت واطي و كله تهديد : سمعيني زين يا بنت خالد ...معك الجنسيه او ما معك ما يهمني والطلاق لا اسمعه على السانك و لو سمعت انك رافعه قضيه لا تلومين الا عمرك انتى ما فكرتي كيف راح يكون رد فعل خالتي ممكن تروح فيها بسبتك

ملاك :تسحب في يده الي على فمها ...رفع يده عنها وهو ما زال مكانه ما تحرك : ..انا بكرهك عمري ما كرهت احد بحياتي مثلك

محمد: جرحه كلامها و بصوت عميق يجرح قلبه قبل ما يجرحها : عاد انا الي ميت عليك و على عيونك الزرق و اذا ضأنه الكلام الي قلته لك قبل صدق بتكونين غلطانه كله عشان امك ولا انا وش ابي بوحده كانها اجنبيه

ملاك : كلامه جا على الجرح العميق الي دافنته من سنين وتحاول تنساه بكل عصبيه وبصوت عالي : ابعد عني بكرهك ليه اخذتني وانت تعرفني

محمد: بس لا ترفعين صوتك و انتي تتكلمين معي انا اخذتك عشان امك وبس وحطيها حلقه باذونك عـ.شـ .ا.ن امـ .ك ...وقال الكلمتين الاخيره وهو يتكي على كل حرف فيها

ملاك : بصوت باكي وكسير زاد كرهه في قلبها و ايدينها على صدره تدفه عنها:ابعد عني ما بدى اياك ولا بدي أي حدا خلاص اتركوني بحالي اعطيني المفتاح

محمد : مسك يدها بقوه وده يضمها لصدره بس هذا ما ينفع معها بتهينه وتجرحه و عيونه تخترق عيونها الي كلها دموع وبصوت هادي : ما راح تدخلينها و انتي بهذي الحاله خليني اعطيك علاجك احسن

ملاك :بعدت عنه وجلست على الارض وتبكي وبصوت انكسار معد فيها تقاومه : لا ما بدي علاج ما بدي نام خلاص اعطيني هو الله يخليك

جلس على ركبه قدامها : انجي انتي لازم تستوعبين انه مات خلاص

ملاك : تبكي بصوت جرح روحها :والله بعرف انه مــــات ...مـــات خلاص هو و خالتو وتركوني ونزلت راسها على ركبها وتبكي

محمد: حاس كنه يتعامل مع طفله وهي بشكلها هذا وكلامها يحط يده على راسها : زين خلاص احمدي ربك انك و دعتيه وشفتيه قبل يدفنونه

ملاك : رفعت راسها و جها احمر وتشهق : انا لو ماشفته... كان لفيت.. عليه العالم ..ادوره بس تعبت من بعده عني ..بدي اطلع غرفته احس انه موجود معي بدي شم ريحته فيها .......والله العظيم تعبت ....تعبت من دونه يارب اموت وارتاح

محمد: بكل حنيه : حياتي هو موجود معك فيك انتي بنته الي حامله اسمه الي تسوينه حرام يعذبه بقبره انتي خلي ايمانك بالله اقوى راح تقدرين تتغلبين على الي انتي فيه وهوه محتاج لدعائك مهو دموعك ابكي بس بدون اصراخ انتي ما تشوفين الي تسوينه لو تشوفينه ما عتقد ترضين عنه لانه حرام

ملاك: صوتها متهدج وتتكلم بصوت واطى: انتم كلكم منتم بحاسين شو خسرت انا ...كل و احد يقول الكلام وهو ما بيعرف شو يعني وبدون احساس ..انا خسرت كل شي حياتي كلها راحت كل خليه بجسمي تصرخ تبيه معد لي حدا بعده ...وتبكي اكثر

محمد: وده يضمها لصدره ويقاوم نفسه ...و يمسكها مع يدها ويده الثانيه على شعره : ليه تقولين كذا وحنا وين رحنا عنك و امك وين راحت

ملاك:تشهق: ماما طول عمرها بعيده عني ما شوفها بس اسمع صوتها ...ليه راح و ما خذني معه

محمد: يمسح على شعرها ....اششششش قولي لا اله الا الله و انتي حتى لو كنتي معه وربي ما كان كاتب لك الموت بتخرجين من الحادث مثل الشعره من العجين ...و شافها بترد حط يده بشويش على فمها ....ششش خليني اكمل ..واذا اشتقتيله قومي صلي و دعيله وهو راح يكون معاك بكل مكان بقلبك ...انتي فقدتي جسده لكن هو موجود بكل شي حولك موجود فيك انتي بنته الي حامله اسمه وما عنده احد غيرها اذا انتي تدعين على نفسك بالموت من راح يدعيله اذا تبين تعوضينه عن كل شي سواه لك ادعيله الله يغفرله ويوسعله وينورله بقبره ويكون قبره روضه من رياض الجنه ويريحه بتربته

ملاك:غمضت عيونها وتبكي وشفتها ترجف : بليز بدي نام بغرفته

محمد: يتأمل وجهها المرهق : توعديني ما تنهارين

ملاك: تهز راسها بمعني ايه

محمد: تدخلينها بس بشرط ما تنامين فيها تصلين ركعتين و تدعين له و ما تصرخين

ملاك : تحرك راسها وهي ماتناظره وعينها على يدينها الي بحظنها .. اعطيني هوه

محمد: نبض الصداع يزيد وهو شايفها كيف منكسره مثل الطفل الضايع : يوقف تعالي ويمد يده لها راح كون معك ما راح خليك لوحدك

ملاك : توقف وطنشت يده الممدوده

محمد: مسكها مع يدها: لحظه ويلبسها الدبله لا شوفك تنزلينها من يدك هي مهي مهمه عندي اثبات انك معرسه بس هنا لازم عندهم

ملاك :غمضت عيونها وقلبها محروق على كل شي

محمد: وصل لين الباب لف لها بصوت واطي : انتظري هنا لا تخرجين اشوف الطريق ..خرج الصاله ورجع وهي مكانها وراسها منكس على الارض ...خذى البسي هذا

ملاك: ناظرت بيده وبصدمه وتمسح دموعها وبهدوء:شو

محمد: وش فيك ما حصلت غيره لفيه زين بسرعه

ملاك : بصدمه وعيونها على الي بيده : البس شرشف السفره ....؟؟؟؟؟؟

محمد: يقرص عيونه فيها : ايه يمكن نقابل فيصل وهو خارج ..ويحطه على شعرها ...

ملاك لفته بسرعه وتحجبت فيه..مافيها تجادله وراسها يوجعها

محمد : ماشي قدامها مع الدرج وده يضحك على شكل الشرشف وهو عليها ويسحب خلفها صد عنها وطلعها فوق : روحي توضي على بال ما جيب المفتاح

ملاك :دخلت الغرفه بشويش عشان ما تصحي شذى ورمت المفرش بقرف و توضأت بسرعه خايفه انه يكذب عليها و اخذت شرشف الصلاه وخرجت شافت محمد عند الباب مفتوح دخلت والغرفه مرتبه (محمد حط كل الملابس في الدولاب...وناوي بس يجون الخدم يجمعها كلها ويرسلها للجمعيه الخيريه )

محمد : تعالى صلي ..وبعد ما كبرت و بدات بصلاتها صلي ركعتين وصلي الوتر وفضل ينتظرها تخلص

ملاك : فضلت تصلي وتدعي وجها كله دموع ومهي شايفه من الصداع وبعد ما انهت صلاتها رفعت رجولها ولفت ايدينها حولها وسندت راسها على ركبتها

محمد: قرب منها : انجي فيك شي

ملاك : وهي منكسه راسها وصوت يادوب سمعه : رأسي بيوجعني

محمد: الحين اجيبلك حبوب الصداع.. وخرج عنها والمفتاح معه وراح جابها و حصلها مثل ما هي حط يده على ظهرها: خذي اشربي

ملاك: اخذت الحبوب والكاسه وشربتها ورجعت راسها مثل ما كان

محمد: قومي رتاحي بغرفتك ويمسكها مع يدها يقومها

ملاك: ما ردت عليه و تروح على السرير وهي بشرشف الصلاه وتاخذ مخده ابوها وتحضنها وتغطت

محمد: ما يبيها تنام بالغرفه بس اذا هي هاديه الحين مهو مشكله ..ضعف اضأة الغرفه وترك الباب مردود و جلس على الكنب عندها والافكار تاخذه وتجيبه كيف بيتعامل معها وهي مره مثل الطفل ومره بس تصرخ وتعاند و قام اخذ من الحبوب يمكن تسكن الم راسه و قلبه وش بيسكنه و هي ماتبيه وتكرهه ورجع على الكنب تمدد و بعد فتره نام وصحي متروع على الساعه ثنين ونص وقف وراح عندها شافها على وضعها و نايمه اخذله غطأ ورجع مكانه على الكنبه ونام

،.*.،

الرياض

الصباح

في المدرسه

وقت الفسحه كل مجموعه من المعلمات لوحدهم وهم مكاتبهم الثلاثه متقاربه ومقربين الكراسي و مخلينها حول مكتب واحد يفطرون تميس و جبنه بلدي مع كاسات الشاهي على المكتب وريحة النعناع تفوح منها

مريم : تاخذ رشفه من الشاهي : ايه انا هذى المره اذا حملت باخذ استثنائي

جواهر : الله يعوضك ان شاء الله بالضنى الصالح

مريم: امين

العنود: الدكتوره متي قالت لك ممكن تحملين

مريم : انا الحين بفتره راحه بعد مرتين الاجهاض اخر مراجعه تقول ان الرحم سليم و ما فيه أي مانع

جواهر : وتاخذ قطعه من الجبن وتدهنها : وما حددت سبب إجهاضك كل مره

مريم: لا على قولة ابراهيم الله ما كتب لنا بعد

العنود: الله يخليكم البعض ولا يغيره عليك شوفي بنت خالتي ما كملت سنتين زوجها تزوج عليها بس عشان أجهضت مرتين

جواهر: تضرب العنود على رجلها: لا مهو بفالها... رجالها يحبها من يوم ما كانوا صغار

العنود: أي ما قلت شي

مريم : ايه بس بعد هذا ما يمنع تصدقين لو امي هي عمتي كان يمكن جنيت مهي مخليه اخوي براحه وتبيه يعرس ليش مرته جابت بنات يا ويلي لون عمتي مثلها كان نهبلت من زمان

العنود: تحط الاكل من يدها : يعرس على نوره؟!!(تعرفها بالاسم من كثر ما تتكلم عنها )

مريم : ايه تبيه عشان يجيب الولد

العنود : وش يعني بنت ولا ولد

جواهر: شوفوا انا بحكم حياتي الي مهي مستقره افضل الولد على البنت لانه بياخذ حقه لكن البنت الي بتنظلم

مريم : جواهر لا تفرقين بين عيالك انتي عندك بنت

جواهر : لا والله مافرق بينها وبين اخوانها بس البنت ضعيفه

مريم : ربك يقويها ويصلح ابوها لكم بس احنا المشكله امي الله يهديها ما تعرف هـ الكلام وعندها الولد هو العزوه بس تحلم هي ان عامر ياخذ غير نوره

العنود : والله صادقه هههههههه انا كل ما فتكر لما تحكيني عنكم و انتم صغار اجلس اضحك حتي لما اكون لوحدي

مريم : آآآآه كانت ايام حلوه

جواهر: تصدقين كنت اتوقع حمد ياخذ مها ويكنون عايشين مثل قصتكم

مريم: لا يا معوده هذول الاثنين من يومهم وهم بس مشاكل كانت مها تفتن على يزيد وحمد وهم يضربونها الي تعلم عليهم

العنود: امك للحين ما تعرف انك كنتي تكلمين ابرهيم من صغرك

مريم : تبينها تذبحنا هذا سر بينا احنا الاربعه بس

العنود: بس ما اتخيل واحد من اخواني يعطيني التلفون ويقول لي كلمي

مريم :بضحكه وهي تفتكر ايامهم اول : يا حبيبتي عامر كان يخليني اكلمه عشان يقدر يكلم نوره و احنا مكنا نكلم بعض الا بعد ما خالي كلم ابوي وخطبني وابوي بنفس اليوم خطب نوره

جواهر: هههههههههه والله إنكم نكته بكل شي مثل بعض

مريم : لا بس خطبه اما العرس فكل واحد لوحده

جواهر: وشلون رضي رجالك ان اخوك يعرس وهو لا

مريم: هههههههه بهذلني ليه قلت لهم ابي اكمل دراسه و ابوي اجل العرس وبحكم ان نوره مخلصه دراستها عرست قبلي ...وعينها على العنود الي سرحت شوي ...يالله يارب يا العنود ربي يرزقك بالرجال الي يشيلك ويصونك ويحافظ عليك مثل عيونه

جواهر: امين يارب

العنود: تحط الاكل من يدها وبصوت هادي : اقول سكتي انتي وهي والي يعافيكم لا تدعون و لا تجيبين سيرة العرس انا خلاص راح على ...وبضحكه مصطنعه ....وبعدين انتم جبتولي عقده من كثر مشاكلكم وغير مشاكل اخواني مع حريمهم الي قاط عياله عندنا و مرته مهي راضيه ترد بيتها وتبوني اقط عمري في النار بيدي لا خليني عند اهلي ارعاهم و اتحفا بشيباني مثل مارعوني وانا صغيره

مريم : وهي شايفه كيف وجه العنود متغير و حاسه بلي تخبيه بقلبها : يعني انتي الحين لو احد تقدملك بتردينه

العنود: ويا حسرتي من الي بيتقدم لوحده بمثل عمري (عمرها 29وعلى وشك دخول الثلاثين ) غير شايب يعرج ... ولا يدور مره ثانيه ...وحاط كل عيوب الدنيه بحرمته الي قبل ...ياحرمه خليني من وجع الراس ودوخه ريحة اهلي الطيبه و لا نار العرس ...ودق الجرس توقف تهرب من نفسها قبل ما تهرب من الناس .... انا عندي حصه سلام

،.*.،

بيت ابو ملاك

محمد: صحي الساعه سبعه و اول ما فتح عيونه وما شاف احد على السرير قام بسرعه راح يدور عليها دق على باب الغرفه

فيصل : خارج من الغرفه : محمد انت وين نمت صحيت ما حصلتك

شذى: فتحت الباب وهي لابسه عبايتها شافتهم واقفين : صباح الخير

فيصل: صباح النور يالله مشينا

محمد: بقلق وهو صاد وجهه على فيصل : فين انجي

شذى: بهدوء وهي تسكر الباب : صحيت ما لقيتها وحصلتها كاتبه ورقه تقول بتروح المستشفي

محمد: بروعه يصد عليها : وش فيها أي مستشفي

شذى: وهي شايفه خوفه عليها : تطمن مافيها شي بس تبي تروح تاخذ اوراق الاجازه الي من هنا عشان تقدمها اليوم

محمد: هي بأي مستشفى

شذى: مستشفي .... (خاص) مدير المستشفي صاحب ابوها

محمد: يتكلم وهو رايح على الغرفه اوكي انا بروح لها (ويكلم نفسه وهو متوتر ...انا رويها هذى ما بتعديها لبر الحين خارجه وبدون ما تعطيني خبر كاني طوفه عندها )

فيصل: لا تتاخر المحاضره الساعه ثمانيه ...يالله حبيبتي ما فيه وقت بروح البيت ابدل

شذى: تبوسه على خده وعينها على الباب الي دخل منه محمد تخاف يخرج ويشوفها : صباح الفل يا عسل ...وتحرك حواجبها..كيف النوم بعيد عني اريح صح ؟

فيصل : يمسك بيدها : ايه والله يازينه من نوم يرد العافيه

شذى : تلف عليه: وشهو احلف انت بس

فيصل : وهو فيه ضحكه بصوته : يالله اصبحنا واصبح الملك لله...وش عندك يامره مع هالصبح امشي بس خلينا نروح بيتنا ولا ردينا نتفاهم

،.*.،

ملاك: صحت الساعه خمسه وهي حاسه براحه بس خوفها من الايام وش راح تخبيلها وكيف بتعيش وراحت الحمام اخذت شور وصلت الفجر و لبست و أخذت مفتاح السياره وخرجت وفضلت تلف بالشوارع تحاول تهدي غربت روحها قبل غربة المكان والساعه سبعه ونص دخلت المستشفي بعد ما كلمت الدكتور من جوال ابوها و خذت الاوراق من عنده وطلعت على طول

محمد : دخل المستشفي وسأل عنها وعرف ان توها خارجه خرج وراح على الجامعه ..دق جواله ..الو

فيصل: ياخي وينك فيه كلها ربع ساعه و تبدأ المحاضره

محمد: جاي بالطريق تكفي فيصل اتصل على مرتك و سألها اذا انجي وصلت ولا لا.. اتصل على جوالها مقفل

فيصل: اوكي بس لا تتأخر سلاااام

محمد: سلااااام (مصدع وماله خلق لدلعها وحركاتها ويضرب على الدركسون ويتوعد فيها اذا شافها )

بعد ما وصل

محمد: السلام عليكم

فيصل: وعليكم السلام

محمد: هاه كلمتها وصلت

فيصل: لا.. انت وش فيك خايف مهو قلت تبي تروح لها

محمد: بقلق ويدور بعيونه : ما حصلتها كانت خارجه

فيصل: اوكي تعال خلنا ندخل

محمد: لا اول شي ارجع دق عليها

فيصل: ياذا البلشه شتغلنا سنترال انا ومرتي عندكم

محمد: يضربه على كتفه :يا اخي كلمها بلا غلاسه ماني بناقصك انت بعد

فيصل: زين اركد وش صاير فيك

محمد: يا اخي خايف عليها يكون صاير معها شي خلصني دق ..والله راسي يبي ينفجر

فيصل: زين روق ...ويتصل الو

شذى: جالسه على الطاوله ومعها ريم :هلا حبيبي

فيصل: يلف عنه : حياتي هذا محمد عندي راح يجن انجي وصلت ولا.. لا

شذى: حبيبي كاهى توها جات.... شافتها جايه تمشي .... قل لمحمد يرتاح راح انتبه لها

فيصل:يرفع صوته ويسمع محمد : زين قولي لها تفتح جوالها محنا جالسين سنترال عندهم

شذى: هههههههههه ياعمري تقول معد تبيه

فيصل : مهو بكيفها نشتغل عندهم سنترال حبيبتي مع السلامه انا دخلت الكلاس

شذى: ههههههه مع السلامه يا قلبي

ريم: وش فيك من محمد الي تتكلمين عنه وشله علاقه بانجي

شذى: ترددت شوي وهي تناظر فيها وانجي تقترب منهم : محمد صديق فيصل تزوج انجي

ريم: وشهوووووو..؟! متى؟

شذى: عمها رافض انها تجي تكمل ومحمد طلع ولد زوج امها و كتبوا كتابهم وجابها اقول بعدين هي تعلمك وش صار معها

ملاك: كل الي حولها بالجامعه تشوفه غير عن اول كنها اول مره تدخلها كل شي فيها كئيب و كاتم على نفسها و بكل هدوء : السلام عليكم

..وعليكم السلام

ريم : تسلم عليها: وش اخبارك عظم الله اجرك

ملاك: ببرود حتى ملامح وجها بارده ما تدل على أي معالم والهلات السود حول عيونها : جزاك الله خير

شذى: تسلم عليها وهي عند اذنها: كيف تخرجين و ما تصحيني

ملاك: بصوت واطي : ما حبيت ازعجك و صحيك بدري

جوهم البنات

امل : بيدها كوب نسكافه وتسلم عليها : البوقى براسك حبيبتي

ملاك: وراسك تسلمين

جود: تسلم : عظم الله اجرك الله يعوضك خير

ملاك: جزاك الله خير

شذى : يالله بنات راح نتأخر ...وهم ما شين مسكت يد انجي ولفت لها وهي تمشي ...افتحي جوالك محمد يبي يتطمن عليك دق علي فيصل يسأل عنك

ملاك: بعدين نحكي تعالي الحين

بعد ما انتهت المحاضره الساعه عشرة ونص البنات جالسين

شذى: انجي كُلي شي لا تشربي النسكافه لوحده

ملاك : لا ما بدي أكل

ريم : عينها على جود لازم تعرف وتنهي الموضوع الي براسها : انجي مبروك الله يوفقك ويسعدك

جود: تناظر فيهم وبضحكه : على وش تباركين لها فاتني شي من سوليفكم

ريم : بصوت حازم : انجي ملكت

امل :كيف ؟ متى ؟..ما شاء الله...منتبهت عشانك منتي لابسه الدبله

شذى :تناظر بانجي وهي تحرك كوبها بتوتر ..وعينها على يدها وفعلا منزله الدبله

ريم : تضغط على كل كلمه تقولها وعينها على جود : محمد صديق فيصل

جود: وشوووووووو ...وترمي الكرسي وتوقف وتصرخ ...ما حصلتي الا هو تاخذينه مني و انتي تعرفين اني احبه ...وترش عليها من المويه الي بالكاس الي قدامها ....ضاقت بك الدنيا و خلصوا الرجال الي تبينه

البنات : صرخه وحده : جـــــــود

شذى توقف وتصرخ في جود : وجع وش سويتي

ملاك: تدفها وهي جالسه قريب منها بعصبيه : ... مدخلك انا حره اخذ الي بدي

جود: تعطيها كف وهي تبكي : الله يحرق قلبك

ملاك : تردلها الكف وتبعدها عن طريقها وتصرخ : تحرق خلاص و مات ....تأخذ شنطتها و اغراضها وتروح تجري

شذى: تنادي.. انجي انتظري ...وتلم اشيائها وتصرخ على جود ... حسبي الله عليك ..وتروح خلفها وما لحقتها شغلت سيارتها وراحت اتصلت على فيصل ما رد عليها رجعت تتصل خمس مرات خلف بعض

فيصل : كان في المحاضر تفاجئ من اتصالاتها و اول ما خرج دق عليها ..الو خير حبيبتي وش فيك

شذى: وهي متوتره : فيصل انت فين تعال بسرعه

فيصل : حبيبتي وش فيك

شذى: تعال بسرعه جود تمشكلت مع انجي وراحت بالسياره معرف فينها

فيصل: بهدوء : انتى فين الحين نجيك

شذى: انا عند ..... بسرعه أكيد راحت البيت

فيصل : خليك مكانك الحين اجيك

محمد: شاف فيصل يكلم بطريقه غريبه ومهو سامعه بس يشوف ملامحه ان فيه شي : وش فيه

فيصل: تعال معي انجي راحت بالسياره وهي زعلانه خلنا نروح ندورها

محمد: وجهه مصفر: وشهووو... فين راحت

فيصل: مدري خلنا نروح البيت ونشوف

محمد: الحقني ...يجري بسرعه ويروح لسيارته ...الله يسامحك يبه كان خليتوها عندكم هذي تبي تضيعني عن دراستي بجنانهاكاني فاضي لدلعها

فيصل: راح اخذ شذى ولحقه

شذى : قالت له كل الي صار

يتبع ,,,,

👇👇👇

تعديل المقال