رواية حبيبي مغرور واعشقه لحد الجنون -22
صوتها ماكان عاجبني انا رايح لها
فواز طمني لا تنسى
زياد اوكيه
طلع وراح جاب لها دكتور
ولما كشف عليها كتب لها
ادويه وكمدات وابره
ليال ارفضت تاخذ الأبره
بس زياد طلب من الدكتور
اهو بنفسه يضربها الأبره
بعد ماطلع الدكتور
ليان انا بجيب الأدويه
من الصيدليه واذا ممكن
اخوي زياد ابقي اروح
محل اشتري هدايا لأخواني
عشان لما انزل في الأجازه
زياد صعبه اخليك في هالوقت
تروحين خليني اكلم فواز يكون
معاك على الأقل
ليان لا لا فواز مايصلح
خله جالس ومرتاح والله
ماأتأخر بسرعه بجي
زياد طيب لا طولين
بعد ماطلعت
وانتي خليني اعطيك الأبره
حرارتك مرتفعه
ليال لا محبها خلني
على الكمدات احسن
زياد لا تنسين يادكتوره ان
الأبره بتساعدك وتنزل حرارتك
ليال زين
مدت يدها
زياد يبتسم
لا ياعمري هذي تنعطى
في الورك خلك شاطره
وبدون كلمه
شكل ليال كان ماينوصف
وجها قلب احمر
زياد شفتي يدي خفيفه
حسيتي فيها
ليال بصراحه لأ
زياد يغطيها
الحين حاولي تنامين عشان
تنزل حرارتك واذا
احتجتي شي انا جالس في الصاله
طلع وجلس
سعده تحب اسوي لك شي
استاذ زياد
زياد لا مشكور
سعده اذا احتجتني انا في غرفتي
بعد نص ساعه رجع
الغرفه عند ليال
ولمس خدها حس بالحراره
بدت تنزل
جلس جنبها وصار يتأمل شكلها
الناعم حتى وهي تعبانه
تزيد حلا طبع بوسه
على خدها ونزل لشفايف
^________^
نوره ترتب الأغراض في
المطبخ بعد مامشت مروه واهلها
واهل فارس
واسمعت تسكيرت الباب بقوه
اطلعت الصاله
هلا حبيبي ليتك جاي قبل
اشوي كان لحقت على خالتي وحصه
فارس شكله معصب
ليه ماعزمتي مرت محمد تجي معاكم
نوره من قالك اني ماعزمتها
فارس عرفت من خلود
نوره بصراحه فارس
انا منيره مارتحت لها ومن امس وهي
قاهرتني مع الي سوته فيني
وانا احترام لكم كان برد عليها
واعرفها كيف تحترمني
فارس سمعي الكلام هذا مااحبه
ولا يعجبني مسألة مرت اخوك
سوت ولا قالت انا عندي
اثنين من اخواني ولا ابي
احد يزعل بسبب كلام حريم
تافه وهذي اخر مره
اسمع انك ماتعزمينها
نوره اسمح لي ماكنت ادري
ان مرت اخوك غاليه عندك
بس ولا يهمك اذا عزمت احد
اول وحده تجلس اهي وبتحملها
فارس ومن انتي عشان تتحملينها
سمعي اهلي لا تغلطين عليهم او حتى تفكرين
سامعه
نوره ماله داعي ترفع صوتك وتصرخ
والي يريحك بسويه
بس تأكد اذا اغلطت علي ماني ساكته
لها ترا انا عندي كرامه مثلكم
وبنت ناس ولا ارضى احد يهيني
فارس نوير مابي مشاكل
مع حريم اخواني ولا امي
اختي وبناتها
فاهمه ولا تخليني اعيد الكلام
نوره انا الحين تأكدت
ليه حريمك طلقتهم لأنهم
مارضو بالظلم والمهزله
الي تصير اكيد مرت اخوك
ماقصرت معاهم بكم
لدغه ونحزه ولا تحملو
فارس رفع يده بيضربها
بس تراجع
انتو يالحريم كلكم من صنف
واحد ولا راح تتغيرون
وطلع من الشقه
@@@
ليال زياد الي
سويناه الحين صح ولا غلط
زياد لاتخافين الي سويناه
عادي ويصير بين المتزوجين
ليال لا احنا للحين
زياد كيف للحين اجيب
عقد الزواج عشان تصدقين
يحضنها
حبيبتي لمتى وانا انتظر خلاص
انا زوجك
ليال بس المفروض مو الحين
يصير لما نرجع وبعد الحفله
زياد بنرجع ان شالله
وبنسوي حفله وبنكون مع
بعض طول العمر ولا احد
يفرقنا
^__@$%^&%$_________^
مر الوقت وصارت الساعه
1اليل ونوره تنتظر فارس
وتكلمه جوال ولا يرد
نوره شكله بينام بيت اهله
ولا معبرني
راحت الغرفه وظلت تنتظر
لحد ماغفت عينها
الساعه 6الصباح
اسمعت صوت جرس الباب
قامت تشوف منهو وشافت ماجد
افتحت الباب له وعلى ماصعد
ماجد هلا نوره صباح الخير
نوره صباح النور
ماجد خير فيكم شي امي ابوي
فيهم شي
ماجد كلهم بخير بس وين
جوالك اتصل ولا تردين
نوره خليته في الصاله من امس
ماجد كلمتك 5الفجر وقلت
يمكن نايمه
نوره ماجد مافيني اتحمل
صاير الله يخليك
ماجد سمعي فارس صدم
سياره امس
نوره اشهقت
صار فيه شي
ماجد لا الحمدلله بس
كسر في رجله وجبروها له
نوره وينه الحين ابي اشوفه
ماجد قومي اوديك المستشفى
اجهزت بسرعه
وراحت مع ماجد
وادخلت الغرفه وظل ماجد برا
نوره ادخلت وكل نظرها
على فارس
كان جالس على السرير
ورجله اليسار مجبره لربع الساق
نوره اول ماشفته
راحت له بسرعه واحضنته
وهي تصيح ولا همها احد
فارس خلاص حبيبتي
شوفيني انا بخير
نوره تمسح دموعها
تدري لو صار فيك
شي كان موت نفسي
ليلى لا تقولين هالكلام
يابنتي ماله الا العافيه
ان شالله اهم شي
حمدلله على سلامته
حصه وسحر
حمدلله على سلامته يا نوره
نوره الله يسلمكم
تعدلت وانتبهت للموجودين
ليلى وسحر جالسين
على كنب وحصه على كرسي
اما خلود كانت جالسه
جنب فارس وماسكه يده اليسار
ولا عبرت نوره بكلمه
نوره ناظرتها
ولا اهتمت وامسكت يد فارس اليمين
ليلى زين فارس مثل
ماقلت لك بس يكتب
الدكتور لك طلعه
تجي البيت عندنا انت شقتك
فيها درج ولا تقدر تصعد
وتنزل منها
فارس ماله داعي يمه
كلها كم اسبوع وافتح الجبيره
ليلى لو يوم واحد تجي
عندنا وانتي نوره تعالي
مع زوجك لا تخلينه
نوره ان شالله خالتي
حصه اجل نروح يمه
نجهز غرفة الضيوف
لفارس
ليلى يالله نخليكم
فارس خفتي علي صحيح
نوره انت شرايك لو
صار فيك شي كان لحقتك
فارس ياعمري انا مقدر
اعيش بدونك ولا اتخيل
حياتي وانتي مو فيها
ويحضنها بقوه
نوره كيف صار الحادث
فارس ابد كنت اسوق
في الشوارع لحد ماصارت
الساعه 2ونص قلت ارجع
الشقه بس وانا مار في
الطريق اطلعت سياره
في وجهي وصدمت فيها
واهم شي الله سلم
الرجال الثاني
نوره والله سلمك لي نور عيني
فارس انتي السبب
لازم تزعليني وتخليني اطلع معصب
نوره لا اذكرك من الي
غلط على الثاني وياليت
السبب يستاهل
فارس كلامك كله يزعل
وخلاص سكري على الموضوع
نوره بعد ماتعدلت في
جلستها
بصراحه انا ماشفت واحد يحب
مرت اخوه مثلك ولا يرضى عليها
ماخلصت نوره من كلمتها
ألا وطررررررررررخ
على وجها
فارس ذلفي عن وجهي
ولا تخليني اشوفك سامعه
نوره حاطه يدها على خدها
قامت بكبرياء وسط دموع
ماليه عيونها
اطلعت من الغرفه
شافت ماجد يكلم دكتور
بعد ماخلص
ماجد الدكتور الحين بيكتب
خروج لفارس
نوره ماجد ودني البيت
ماجد طيب مره وحده
ناخذ فارس
وشافو عبد المنعم ومحمد
جاين
عبد المنعم ومحمد
خطاكم الاش
ماجد ونوره
خطاكم السو
محمد شلونه الحين
ماجد بخير والدكتور رخصه
عبد المنعم
بندخل نشوفه
ماجد زين نوره خليني
اوصلك وارجع لفارس
وصلها شقتها
خذت لها اغراض
وانتظرت ماجد يرجع ياخذها
نوره ماجد ودني بيتنا
ماجد ماتبين اوديك بيت اهل
فارس زوجك هناك
نوره لا مابي اروح بيتهم
ماجد زين الي يريحك
وداها بيتهم
مر اول يوم البعض
استغرب ان نوره ماراحت
مع فارس بيت اهله
وثاني يوم صارو الجيران
يروحون يتحمدون السلامه
مريم داخله الصاله
يالله نوره وليه ماجهزتي
نوره وين بروح عشان اجهز
مريم هالبنت هاذي
بتذبحني الحين امس
مارحتي وسكتنا واليوم بعد
نوره مالي خلق اروح
مريم واهله شبيقولون والناس
اذا اسألو عنج وين حرمته
يابنتي اذا بينكم مشكله
حليها معاه بس لا تخلين احد
يدري عنكم
نوره انزلت دموعها غصب
يمه سبب مشكلتنا مرت اخوه
مريم وشفيها حرمت اخوه
نوره اهي الي باديه تعاملني
كأني بنت فقر ولا اعرف البس
ولا اعرف السنع ولما ماعزمتها
سوا لي مشكله عشانها
والحادث الي صار له بسببها
مريم استغفر الله لا يابنتي
هذا الشي الله كاتيه وبعدين
اذا على حريم الحما
لازم تصير بينهم مشاكل
وانتي اذا شاطره صيري
مثل امج شوفيني لما
خذيت ابوج في البدايه
ماكان حد متقبلني
وصارت لي مشاكل مع ابوج
بس سويت المستحيل
وخليت الكل يحبني والحمدلله
هذا انا عايشه مع ابوج للحين
بسعاده
نوره ابوي مافي مثله
مريم وفارس بعد مافي مثله
اشتري رضى رجلج
وبتشوفين كيف اهو من
نفسه ماراح يخلي حرمت اخوه
تضايقج
والحين تعوذي من ابليس
وقومي معاي
راحت نوره مع امها
واجلست في مجلس الحريم
لأنه كان مليان
حصه جالسه جنب نوره
وتهمس لها
وينك امس واليوم ماشفناك
نوره مافيني شي هذا جيت
حصه مانتي نايمه هنا
نوره لا صعبه كثير
زي منتي شايفه ناس رايحه
وجايه
حصه براحتك بس على الأقل
تعالي كل يوم
نوره ان شالله
كان ودها تسأل حصه
عن فارس كيف صار اليوم
مرت ساعه واطلعت نوره
الصاله بعد ماراحت امها
وشافت سحر وخلود
وعيال سعاد سلمت واجلست
سحر كيفك مرت خالي
اليوم بالطريقه السوريه
نوره بخير يوم شفتك
سحر خير شو بيك وشك
تعبان شوي
نوره مانمت عدل افكر فيك
سحر كزابيه بتفكري
بحبيب الئلب وبدك تشوفيه
نوره ممكن اعرف ليه قالبه سوري
سعاد بنت سعاد عمرها 13 سنه
توها شايفه باب الحاره وتقلدهم
نوره والله مو لايق على وجهك
منيره توها داخله
هلا بنات شلونكم
هلا نوره حمدلله على سلامت فارس
نوره الله يسلمك
منيره والله لما قال لي
محمد ضاق صدري مايستاهل فارس
نوره "وهو ضاق صدره عليك
وتذكرت الكف "
منيره في السياره ولا فيه
سياره بدالها عشر المهم سلامته
نوره اكيد
سعاد نوره تعالي
حريم يبون يسلمون عليك
منيره فيه حريم كثير
سعاد من العصر حريم ورجال
منيره يالله ندخل الا مروه ماجات
سحر هلئ بدا تيجي ماراح تتأخر
منيره بسم الله شفيك
الحمد لله والشكر
؟؟؟؟
الساعه 9اليل كان اخر الي
مشو نوره2 وام زوجها ورياض
نوره زين بكره اشوفكم
حصه تو الناس خلك معانا تعشي
نوره معليه ماجد الحين ينتظرني
بره
سعاد قولي ماتبين تجلسين معانا
مليتي منا
نوره لا والله بس مابي ااخر اخوي
حصه كلميه يروح واحنا نوصلك
نوره طيب
كلمته عشان يرجع البيت
وسمعت سحر جايه من بعيد
مرت الخال طلبيه من
خالتك وزوجك الكريم
روحي المجلس يبونك
نوره "الله يستر ليكون قال لأمه
والحين بتستلمني "
راحت المجلس وادخلت
حست بدقات قلبها كأنها
تشوف فارس اول مره
السلام عليكم
ليلى وفارس
وعليكم السلام
ليلى وهذا حرمتك جات
تعالي نوره اكلي زوجك
يمكن ياكل من ايدينك
فارس ماراح القى احلى من ايدينك
بس والله شبعان ماابقى
ليلى من غداك وللحين شبعان
اقول ماعندك سالفه
قامت وخلت نوره تجلس محلها
غصبيه على الأكل
واطلعت
نوره ناظرت فارس وكانت
عيونها كلها شوق له
شلونك اليوم
فارس زين
نوره طيب تبي اعطيك
الشوربه قبل ولا
فارس عندي ايدين واعرف اكل فيها
نوره وتضرب فيها بعد
فارس ..
نوره طيب اذا ماتبي تاكل
برجع البيت احسن لي
قامت وشالت الصينيه
وحطتها على الطاوله
فارس عطيني العصير
نوره خذته ومدته له
فارس مسك العصير بيد
وبيد مسك نوره من يدها
حط العصير على الطاوله الي
جنبه
وسحب نوره لحضنه
طبعا نوره استانست لأنها
كانت مشتاقه له كثير
بس حبت تتغلى عليه اشوي
فارس اعرف اضرب واعرف
اراضي بعد
باس جبهتها وخدها وشفايفها
سلام العشق واعناقه يضم القلب واشواقه
تجيك الروح مشتاقه وتجيك القصيد الوان
على كيف الهوا جينا وتجدد الحب فينا
ألا ياحبي السامي لقيتك بأول ايامي
تعال وجدد احلامي ترا انا في الهوا سهران
حبيبي كان ماتدري ترا حبك بدا يسري
كنك وانت ياعمري سكنت داخل الشريان
قطعنا الحب ودروبه وصغنا روعة اسلويه
حكاية عشق مكتوبه وصرنا للهوى عنوان
وللحديث بقيه مع
الجزء الخامس عشر
؟؟؟؟
الجزء الخامس عشر
<حبيبي مغرور واعشقه
لحد الجنون >
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك