رواية شقائق النعمان -37
ملاك:ناظرت جهة الغرفه محمد مهو فيه : بدي افتح الباب و انتظر لا تدخل على طول منشان اروح وشيل معك العشاء
العامل : حاضر
ملاك: فتحت الباب ودخلت الغرفه وسكرت الباب وتلف وتشوف محمد بوجها خارج من الحمام ولاف المنشفه على جسمه من اسفل وصدره عاري وشعره مبلل على وجهه ويجفف فيه بمنشفه صغيره وتصد عنه وهي مهي قادره تاخذ نفس و تغطي وجها بيدينها..و مرتبكه يشوفها انها انتبهت له ..
محمد:لمحها من يوم خرج بس سوى عمره ينشف شعره ومهو منتبه لوجودها ويقرب منها
ملاك:بلعت ريقها بخوف : و تشد بيدها على عيونها : بليز محمد روح البس لا تبرد
محمد: ويقرب منها اكثر : خايفه علي
ملاك: تبعد عنه وهي تلوم نفسها الي دخلت هنا كان انتظرت بحمام الصاله لين يخرج العامل : خلااااص روح
محمد:ماحب يحرجها اكثر : آآآآه منك ومن حركاتك ... ويبعد عنها يروح يلبس
ملاك : هي واقفه مكانها معطيته ظهرها ..ورجلها صايره كانها واقفه على هزه ارضيه من اهتزازها
محمد: وهو يلبس : حبيبتي وش فيك واقفه كذا
ملاك:ردت بصعوبه و ظهر صوتها مكتوم لانها بعدها ما شالت يدها عن وجها : العامل برا تجلس على السرير وتعطيه ظهرها
محمد: خلص لبس لبس بنطلون رمادي برموده وتيشيرت اسود وشاف السجاده و جلال مكانها والقران مفتوح قرب منها... حبيبتي بك شي
ملاك: لا
محمد: يوقف قدامها ويمسك يدها ينزلها عن وجها وكان يبي يضحك كانها طفله متخبيه من شي يخوفها : حبيبتي وش فيك شكلك تعبانه
ملاك: نزل يدها وفتحت عيونها خايفه من قربه اكثر من كذا : روح صلي
محمد: تصرفيني هاه ويبوس يدها ويروح ويرفع الجلال والقران ويصلي
ملاك: تمسح دموعها الي نزلت وتدخل الحمام غسلت وجها و جددت وضوئها و جلست تعانق كلمات ربها وتتلو القران وتتامل بكلماته هي الملجأ الوحيد لها لتجد الراحه بعد ما تجددت الاحداثها عليها البارح و بأحلامها
محمد: خلص صلاه وشافها جالسه قام وشال السجاده وخرج وهو عند الباب : حبيبتي تعالي افطرى
ملاك: حطت القران وقامت وخرجت شافته جالس جلست واخذت النسكافه بتشربها
محمد: مسك يدها كلي شي قبل وجهك مصفر راح تخليك ترجعين لو اخذتيها على الجوع
ملاك: راح اكل بس بدي اشرب شوي
محمد: خذى هذي قبل
ملاك: اخذتها منه واكلتها وعينها على الكوب الي قدامها وشربت شي بسيط
محمد: شرب قهوته واكل وهو ساكت و عينه عليها ولاحظ ضعف جسمها و لونها الشاحب ..
ملاك: خلصت اكلها وقامت واخذت الكوب بيدها
محمد: ما كلتي شي
ملاك: شبعت وجلست عند التلفزيون
محمد: خلص وقام جلس عندها واخذ من الحبوب الصداع الي على الطاوله حبتين وشربها وحط الكاسه الي بيده ودق جواله تافف مافيه يرد ....الو
فيصل: السلام عليكم
محمد: وعليكم السلام
فيصل: صح النوم يالمعرس توك صاحي لا يا معود بدري
محمد:مافيه لتعليق العيال : ايه وش عندك ما فيني لك
فيصل : ههههههههه وش فيك تعبان كذا
محمد: انت وين شذى عنك
فيصل: آآآآه يالقهر تعرف لو اني معرف حريمكم كان طقيت
محمد: ابتسم : هي وينها عنك تفكني منك
فيصل : عند اهلها رايح اجيبها هذا حالنا يوم نرجع هنا مشوير بس ودي وجيب ..بس قلت اتطمن عليك وش علومك
محمد: الحمد لله
فيصل: وش فيك
محمد: مصدع شوي ما نمت زين
فيصل : ههههههههههههه أكيد مهي عندك وشلون بتنام
محمد: فيصل والله ما فيني لغلا ستك اقول اشوفك باليلل ولا تنسى تعال انت والاهل كلهم بروح انام سلام
فيصل: ههههههههههههه سلام
محمد: قفل جواله وحطه على الطاوله ورجع راسه على ورى وغمض عيونه
ملاك: تشوفه و حابسه دموعها واخذت رشفه من الكوفي ...: روح نام
محمد: وهو على وضعه : ...الحين شوى بيأذن العصر
ملاك: تحط المخده على رجولها :..اذا اذن اصحيك
محمد: بنام هنا وينسدح ويحط راسه على المخده الي على رجولها
ملاك:اربكتها حركته وردت عليه بنفعال: روح نام جوه
محمد: ششش راسي مصدع بنام هنا ويرفع رجوله على طرف الكنب ويغطي وجهه بذرعه
ملاك:محمد ارفع راسك بقوم
محمد: وش عندك حبيبتي سكتي شوى راسي بينفجر خليني انام
ملاك: دمعت عينها ومسحتها بسرعه عشان ماينتبه لها وسكتت و فضلت عينها على التلفزيون و شوى حست انه نام نزلت عينها عليه تشوفه .. قربت يدها من شعره كان ودها تلمسه وشدت قبضتها لصابعها وبعدتها وهى ترتعش اطرافها وتكلم نفسها والله مهو بيدي انا تعبت اكثر منك وتمسح دموعها وترجع راسها وعينها عليه تخاف يغدر فيها و يقوم
غرفة مها
راشد: مها لا تزعليني منك من وش خايفه
مها: حياتي صعب الي تطلبه
راشد: مهو بصعب انتي مثل ما قلت لك خبريهم ولا بزعل عليك صدقيني
مها: حبيبي تعال البيت والله صعبه اخرج معك اهلي محد راح يوافق منهم
راشد:بحده بصوته : انا ما طلبت منك تأخذين رأيهم وبعدين خلاص انا مسئول عنك
مها: حياتي والله عارفه
راشد:زين انك مفتكره هـ الشي خلاص بعد المغرب امر عليك اخذك
مها: افتكرت انه يبي ياخذ أذن من ابوها : تأخذني من البيت
راشد:وهو يضحك : وش فيك انتي روحي عند صديقتك و امر اخذك من هناك واذا احد سأل عنك نبهي عليها تقول انك عندها
مها: زين بس ما نطول
راشد: انتي متي ترجعين من عندها دايم
مها: احياً الساعه 12
راشد: خلاص وعلى وش تبين ترجعين بدري اجل نبي نروح اول شي نشوف بعض محلات الاثاث وبعدين نتعشاء
مها: اوكي بس ابي عشره اكون بالبيت اذا غير كذا ما ابي اخرج
راشد: زين حبيبتي امري لله اهم شي تكونين معي واشوفك
*.*.*.*.*.*.*
في الفندق :
محمد: توه فتح عيونه وشافها نايمه وناظر ساعة يده و جلس ويحط يده على كتفها : حبيبتي قومي
ملاك: تحاول تفتح عيونها
محمد: حبيبتي قومي اذن المغرب
ملاك: شو
محمد: حياتي ليه ما قلتي انك تعبانه وتبين تنامين و قومتيني ورحتي رتحتي قومي راحت علينا صلاة العصر يالله صليه مع المغرب..اعوذ بالله ولا فرض بوقته مصليه اليوم ..و تاخرنا على ابوي
ملاك: حركت رجلها ومسكت بالمخده الي على رجلها وضغطت عليها وبان تاثير الالم على وجها
محمد: وش فيك
ملاك: رجلي نملت (نامت – تشنجت )
محمد: يمسك يدها ويشيل المخده وحط يده عليها : حركيها بشويش
ملاك:لا ..شالت يده عن فخذها ودمعت عينها من الالم
محمد : جلس قدامها أي وحده فيهم
ملاك:لا تلمسها
محمد: أي وحده
ملاك : الاثنين لا شيل يدك شوي و تروح لا تلمسني
محمد: شاف اطرافها كيف مزرقه : وين و انتي نايمه كم ساعه كذا توقف عنها الدم تحملي بحركها على مهلك ويحركها ويضغط على اطراف الاصابع
ملاك: تصرخ :لا دخيلك لا تحركها
محمد:ذكرته بحركات نذالت العيال الي يسونها اذا واحد نملت رجله يستلونه لين تروح ابتسم : تحملي شوي خذي شهيق وزفير عشان يساعد تنشيط جريان الدم بسرعه
ملاك:غمضت عيونها بقوه من المها : ايييييييي دخيلك انا بحركها
محمد: تحملي شوي ...يضغط على اطراف الاصابع ويحركها.... وبعد دقائق ..كيف الحين
ملاك: احسن
محمد: حاولي توقفين هاتي يدك ويمسكها
ملاك: لا ما بقدر..
محمد : يمسكها مع وسطها : حاولي تحركينها امشي معي شوي..لا يصيبك شد عضلي .
ملاك: آه خلص بدي اجلس
محمد: امشي شوي لغايه المطبخ وبيفك التشنج
ملاك: ما سكه بيده وتمشي وهي مغمضه عيونها قربه منها يزيد من توترها وتشنج الي فيها
محمد: وشلون الحين احسن
ملاك: شوي خلاص بجلس انا بحركها
محمد: ويشيلها
ملاك: صرخت وفتحت عيونها برعب : لااااااا نزلني
محمد: صرخ : بس فضحتيني ..
ملاك : عيونها تعلقت بعيونه نظرته غير مثل ابوها ايه هذى الي تبيها النظره الاخويه وبس سكتت ما نطقت بحرف ولا رمشت بعيونها و ما سمعت وش قال ..
محمد: تعالي تبين أتطيحين لسى بعدها رجلك ويدخلها الغرفه ويحطها على السرير ..حركيها و انتي مستلقيه على ظهرك واذا خف الالم حركيها مثل ما تلعبين رياضه الدراجه (السيكل)..شافها سرحانه فيه ابتسم ومسكها مع انفها ..سامعه وش قلت حركيها ..
ملاك: قرصته لانفها وعتها للي هي تسويه و نزلت نظرها ..و ترفع وتنزل رجلها على مهل وهي تحس الالم بظهرها
محمد: حركيها انا بروح اتوضأ ودخل الحمام وخرج ..وشلون الحين..؟
ملاك:ردت وهي منحرجه : منيحه .....
محمد: اخذ السجاده وصلي
ملاك : بعد ما حست ان الالم خف نزلت رجلها ومسكت بطرف السرير وراحت تمشي بشويش للحمام غسلت رجولها بمويه دفيه لغايه ما شعرت ان الدم رجع طبيعي وتوضت وخرجت
صلت يوم خلصت صلاه .....شافته واقف عند التسريحه ولابس ثوبه والثوب معطيه شكل يبهر متناسق مع جسمه ورزته
محمد: يالله حبيبتي البسي عشان نروح البيت وش تحبين تاكلين قبل ما نخرج
ملاك:ما بدي اكل ودق جوالها وكان على التسريحه
محمد: وشافه هذى منى ..الو
منى: بصوت عالي : يا سلام بدينا ترد عنها كمان
محمد: هههههههه سلمي بالاول
منى: السلام عليكم وينها عطني هي
محمد: ويتكلم بحزم : وعليكم السلام وش تبين فيها ويناظرها
منى: حمود على بالك بخاف الحين اذا تكلمت كذا ..حرام عليك للحين ما جيتو بياذن العشاء
محمد: محنا بجاين عندك مانع
منى: محمد الله يخليك عطني هي قبل ما تجي امي وتذبحني من اول اقلها بتصل تقلي ياويلك خليهم بحالهم
محمد: تستاهلين عشانك ملقوفه الله يعين خالد عليك
منى: هو يطول ما خذ منى ناصرال... محمد سلملي عليه
محمد: هههههههههههههههههههههههههههههههه خبله انتى
منى: عطني مرتك هي الخبله الي متحمله غلاستك
محمد: ههههههههههههه انا غلس ولا انتي الي منكده علينا بتصالك
ملاك: تاخذه منه..... الو
محمد: هههههههههه
منى: وينك فيه للحين لقيتي حضنه و نسيتينا
ملاك: حمر وجها بعصبيه وصرخت فيها :منى وجع
منى: ههههههههههههه كيف الجو عندك
ملاك: منو بدي روح البس منشان ما اتاخر
منى:بضحكه بصوتها : وييييييييي يالفضيحه هو انتي ما عليك لبس
ملاك: وقفت قلبها الكلمه وصرخت باسمها : مننننننننى ......وقفلت بوجها
منى: تمددت على الكنب وهي ميته ضحك تتخيل وجها الحين اكيد اشارة مرور
محمد: هههههههه وش فيك... وش قالت.. الي نقلب لونك كذا..وتصرخين
ملاك: تبعد تروح للدولاب ردت وهي معطيته ظهرها : ولا شي اطلع بدي البس
محمد: ياحليلهم مخبل يعلقون على بعض : لا تتأخري ويخرج عنها
ملاك: اخذت الجلابيه الي امها شرتها لها و راحت عند التسريحه وعدلت شعرها ولفته بالفافات المكر الساخن وجهزت اغراضهم بسرعه قبل يدخل عليها بالشنطه ولبست جلابيه فخمه لونها فيروزي ومشغوله بحجار ملونه وهي عباره عن قطعتين على شكل فستان مفتوحه من اسفل ومعها سروال ماسك على الساق مشغول بالخيط وفكت شعرها ورفعته و صار كل الخصل ملفوفه ونازله وعدلت قصتها على الجنب ثابته مغطيه نص جبينها ولبست الدبله الالماس والاحلاق
محمد: مل وهو ينتظرها :دق الباب
ملاك: ادخل
محمد: وقف عند الباب يتاملها
ملاك: راحت تاخذ الصندل وشنطتها وترتب اغراضها
محمد: خلصتي
ملاك: ايه
محمد: قرب منها ومسك يدها حياتي ناظريني
ملاك: رفعت راسها بدون ما تحط عينها بعيونه تخاف تشوف نظره ثانيه ما تبيها
محمد: باس جبينها : حياتي الجمال نعمه حتي بدون مكياج بس وشلون تبين تروحين كذا.... خالتي راح تشك ان فيك شي
ملاك: ترجع على ورى عنه: مابدي حط شي بيكفي لبست وعملت شعري
محمد: حبيبتي مقدر الي تمرين فيه بس الحزن بالقلب مهو بالبس او بالمكياج ياما ناس تشوفينها تقولين وش هـ الناس الي الضحكه ما تفارق وجهم وتتمنين انك مثلهم وهم من داخل بيتقطعون من الهموم والاحزن بس ما يحبون يبينون حزنهم وهمومهم لأحد و انتى ياعمري اذا تبين تشوفين الفرحه على وجه خالتي لا تروحين كذا بس حطيه اليوم وبعدين احنا مسافرين ما بيك تحطين شي ورميه اذا ما تبينه
ملاك: عينها بالارض وتجمعت الدموع فيها وسحبت يدها وراحت عند التسريحه ومسحت دموعها و فتحت شنطت المكياج وحطت شي خفيف كريم اساس مسمر غير لون بشرتها وحددت عينها بالقلم فيروزي غامق وحطت المسكره واحمر الخدود وقلوس
محمد: وقف خلفها يشوف سرعتها بحط المكياج دليل عندها خبره بس ستغرب انها سمرت بشرتها شوي بس شكلها صار حلو قرب منها ..باس راسها و فتح الدرج وخرج منه طقم الماس ولبسها هو : اتمني يعجبك وباس جبينها
ملاك : خدرتها يده وهي على رقبتها..ورجعت للخلف وماتدري سمعها ولا لا : شكرا... غيرت الحلق بعدت عنه وراحت لبست عباتها
محمد: شافها حركت شفتها بس ماسمع وش قالت راح اخذ غترته من على السرير ولبسها وتعطر : يالله حياتي
ملاك : وعينا بالارض وبصوت خايف خايفه انه يعصب عليها : محمد ..شيل الشنط
محمد: لف يواجها : وشهو شنطته..!!؟
ملاك:بانام هناك اليوم
محمد:بعصبيه : زين ليش ؟
ملاك:ردت برتباك : بدي كون مع ماما بكره رحلتنا الصباح
محمد: تضايق وبان على وجهه و تنهد : اوووف ويشيل الشنطه خلصيني امشي ويمشي
ملاك: شافت وجه كيف تغير ونقلب ...: محمد
محمد: وهو معطيها ظهره وبصوت مرتفع : خير وش عندك بعد امشي خلصيني تأخرت ويروح
*.*.*.*.*.*.*
بيت يزيد
يزيد : صاير أي شي يعصب عليه : هند يالله ماصارت
هند: خلاص البس عباتي وهي تلبس انت على وش مستعجل
يزيد: الحين ماخذ موعد بعد المغرب وحضرتك بياذن العشاء وبعدك ما نتهيتي
هند: حبيبي الاسبوع الماضي مراجعه والله ما يحتاج
يزيد:وو متوتر ما يدري وش السبب : يا سلام والي مهو بقادره ينام البارح انا ولا انتي امشي اشوف خلينا نتطمن عليك وعلى الصغيرون الي متعبك
هند: تبوسه على خده لا تعصب يا حلو وانت لسى ما شفت شي من تعب الحمل نوره تقول الشهور الاخيره متعبه
يزيد: هذى نوره بذبحها هي وش عندها كل مره تقلي ما شفت شي لسى
هند:بطريقه مسرحيه تبي ضحكه شهقت : امش تبي عامر يخلص عليك
يزيد: بجديه لا ضحك ولا شي : بعدين نبي نتعش برا
هند: ليه ناسي العشاء اليوم عند أهل زوج ملاك
يزيد: لا ماني برايح ولا ابيك تخرجين بعد اليوم عند احد
هند : طيب بس هدي عمرك يا قلبي ليه تعصب ..امر امر انت
*.*.*.*.*.*.*
في الفندق
ملاك: تجمع الي باقي على التسريحه بشنطه صغيره وتخرج وراه وتتغطي وتخرج معه وبالسياره ساكتين طول الطريق
محمد: لما وصل البيت تكلم بحده : انتظري ....يكلمها بدون ما يلف لها ..... اذا سألتك خالتي عن أي شي قليلها انك بخير .....هي أكيد تظن ان صاير شي البارح.... انتي فاهمه قصدى ...ولا تجبين سيره لو عند البنات ولا شذى ......انه ما صار شي بينا ......و على النوم لا تجيبين سيره بعد خليها علي يالله نزلي ونزل
ملاك: تمسح دموعها وتنزل
مي: اول من استقبلهم : كلوووووووووووووووووووووش
ام احمد:حطت المبخره الي بيدها وهي مهي سايعتها الدنيا من الفرحه : هلا والله بعرسانا
محمد: كان قدامها سلم على راس خالته : هلا خالتي
ملاك: ترفع الغطا وتروح لأمها وتحضنها
ام احمد: هلا يمه وتحضنها بقوه وشوق ولهفه : مبرك حبيبتي وش فيك تبكين
ملاك : حضنتها اكثر
مي : ههههههههه ليه الدموع الحين يا قمر وتسلم على محمد
منى : نازله مع الدرج جري وتصرخ و من خبالها جات تتعثر ومسكت عمرها : لا والله توك جايه وبعد بحضن امي بعدي عنها ما يكفيك محمد
محمد: ههههههه
ام احمد: بلوم وهي تحضن ملاك اكثر : وبعدين معك وش هـ الكلام عيب
منى: تمسكها وتبعدها : اشوف وجهك ..هههههههههه ابي اعرس شوفي وشلون العرس حلاها يااااااااويلي على هـ الخدود المورده
محمد: هههههههههههههههه يالله خالد فيه الحين نخليه ياخذك
منى: حضنت ملاك وخجلت ..نسيت محمد وهي تتكلم من رجتها ..
ام احمد: هههههههههههههههه تستاهلين اخيرا خجلتي كله من السانك الطويل
منى: تبعد عن ملاك : امي خلاص وتبوس خدها مبروك حبيبتي
مي : دق جوالها
ام احمد: وش فيك ما تردين
مي: عينها بالارض ومنحرجه منهم بصوت واطي : خالتي هذا سعد وصل
ام احمد: بهدوء : وش فيك روحي ستقبليه بتخلينه عند الباب
مي : وهي محمره من خجلها : خلي محمد يروح
محمد: من جد البنات تحف واشكال : هههههههههههههه هو يبيك انتي روحي و انا بعدين اجي
منى: تضربها على كتفها : ياخبله روحي قبل ما يجون الرجال
ام احمد: وهي ماسكه يد ملاك : روح محمد الله يرضي عليك خله يدخل بالمجلس الي هنا وهي بعدين تجيك
محمد: والله هذى البلشه رجالك وانا استقبله
ام احمد: محمد لا تحرجها وبعدين معك ...روحي يمه خليهم يودون القهوه بالمجلس قبل ما يدخل
مي :انسحبت بسرعه متدري كيف بتقابله مره ثانيه ..وهي مفتشله منه لمن جات تكب عليه العصير لو ما بعد كان تعدم ثوبه لانه نقط على الارض ومحد انتبه له ..وهو بعدين شربه كله يقلها ياليت تكب عليه كان حطيته تذكار ..
ام احمد: انا كم مره اخبركم مي لحد يتكلم معها كذا مهي مثلكم هي تخجل
منى: بدلع : ياسلاااام ..امي حرام عليك الحين احنا ما نستحي هي مزودتها شوي
محمد:بحزم ما يبيها تتمادي : سكتي لا اناديلك خالد واشوف تخجلين ولا.. لا
ام احمد: محمد وبعدين معك الرجال عند الباب
محمد: يقرب من ملاك ويهمس : ياويلك احد يعرف عن شي ويخرج
منى : وش قال الي قلب وجهك
ملاك : ردت بارتباك : مادخلك
منى: هههههههههه تعالى نطلع فوق
وطلعوا جلسوا فوق وبعد شوي دخلت عليهم شذى
شذى: وتحضنها: وشلونك عساك بخير
ملاك: ههههههه شوبك منيحه
شذى : اكلتي قلبي الله يسامحك البارح خفت عليك من صياحك
ملاك : تنهدت : سلامة قلبك
شذى : تجلس بعد ما سلمت على منى : كنتي تجننين البارح
منى: و خذت على شذى بسرعه خلال الاسبوع الي تجيهم فيه : وش اخبارك
شذى : حمد الله ..انتي وش مسويه بعد رقصك البارح
منى: بشكل مسرحي : يوووه لا تقولين نمت مثل القتيله من التعب ... تعالي شوفي شريط الزفه توني كنت بشغله
شذى: تعرفينن البارح الكل محد عنده سيره غيرك
منى: حتي الشله تخبلوا عليهم وعلى حركاتها الحلوه
شذى: تقرصها بيدها : ههههههههههه هذا الي ما تبي سوت كذا وشلون لو تبين
ملاك : اييييي وبعدين معكم انتو
مي : تدخل وتسلم على شذى : يالله خالتي تبينا ننزل الحريم وصلوا
منى: حرم جتا وش علومه ولد عمي..وتغمز
مي : حمر وجها و خبطتها على راسها : جتا بعينك ..
وضحكوا البنات على منى طارت الورده الصغيره الي بشعرها من الخبطه ..نزلوا اسفل عند الحريم والكل كان موجود من اهلهم و اهل فيصل واهل خالد وام ابراهيم ونوره ومريم و ما عدا عمتها رفضت تجي ورفضت ان مها بعد تحضر
و ستا نسوا البنات جلسوا لوحدهم في الصاله وشغلوا اغاني ورقصوا
*.*.*.*.*.*.*
في السياره :
مها :راح عنها خجلها منه : الحين وين الي يبي يروح المحلات الاثاث
راشد: بضحكه : خليها مره ثانيه لو ما قلت كذا ما كان خرجتي معي الحين صار شي وانتى معى شوفي وش زينها من خرجه بدون مراقبه امك
مها: راشد
راشد : زين
مها : حبيبي لا تزعل من امي هي تبي مصلحتنا
راشد: خلينا منها الحين وين تبين أي مطعم
مها: انت شوف الي تحب من الي عازم الثاني انا ولا انت
راشد: ماشي يعيوني
مها: تسلم عيونك ياقلبي
راشد: لا خلاص ما عد اقدر على كذا متى تكونين معي على طول ويدخل المحطه بيعبي بنزين
مها : بكل خوف : لاااا راشد روح لا توقف بسرعه
راشد: اربكته بصراخها :وش فيك بعبي بنزين
مها : الله يخليك حرك بسرعه هذى سيارة يزيد الي قدام ارجع لا يشوفني
راشد : ارتبك اخص منها و يرجع للخلف بسرعه و يخرج من المحطه وهو مرتبك ماقدر يتكلم وعينه على المرايه يراقب السياره في المحطه
مها : بخوف ومقصها بطنها : راشد الله يخليك رجعني ابي اروح البيت
راشد:بلع ريقه و تكلم بهدوء : خلاص مها ما شافك لا تكبرين الموضوع عاد
مها: لا رجعني بيت منيره بكلمها وبدق على السواق يجيني
راشد: مها خلاص وبعدين معك
مها: حبيبي الله يخليك ودق جوالها
راشد: يناظرها : مين الي يدق عليك
مها : تفتح الشنطه بكل هلع و يا دوب خرجت الحروف من حلقها جف : امي
الفصل السابع والعشـــــــــ 27 ــــــــــرون
*.*.*.*.*.*.*
راشد: يقفل االمسجل : وش تنتظرين ردي عليها
مها : ضغطت على الزر وهي تبلع ريقها وردت برتباك : الو هلا
ام عامر : السلام عليكم
مها: وعليكم السلام
ام عامر :نازله مع الدرج : اجهزى الحين بمرك ونروح السوق
مها : بتموت من الخوف : ليه ؟؟؟
ام عامر : تصارخ تقهرها بغبائها : وشهو الي ليه ..اجهزى وشوفي اذا منيره تبي تروح معك ولا لا
مها: ناظرت راشد وهي مرتبكه : انتى وين الحين
ام عامر : بعدني بالبيت الحين بخرج بس مهو اوصل وتخليني انطر ما فيني انزل اسلم ادق عليك تنزلين على طول
مها: زين يمه
ام عامر: مع السلامه
مها : مع السلامه ... تمسك يده بخوف ...راشد بسرعه رجعني امي بتمر تاخذني
راشد: بعصبيه : وشهو ليه وش عندها
مها : تتكلم بسرعه وبخوف : بسرعه تبي تروح السوق و بتاخذني معها بسرعه لا توصل وانا بعدي ما وصلت هناك
راشد: اووووووووف وبعدين يعني الواحد ما يعرف يجلس معك مثل العالم
مها : مقهوره منه هي بهم امها الحين وهو يتافف و صرخت : راشد
راشد:حقد على ام عامر و تكلم بصوت مرتفع عكس الي قبل شوي يهمس : خلاص لا تعصبيني سكتي الحين اوصلك ويسوق بسرعه ..و يتجاوز السيارات
مها : اخذت جوالها من حجرها و فتحته تقلب فيه
راشد : لف عليها بشك : تبين تكلمين مين؟؟
مها : وش فيك بكلم منيره اخبرها تجهز عشان تروح معي السوق
راشد: هي أي سوق تبي؟؟؟
مها : مدري ما سالتها ..هلا منيره اسمعي بسرعه كلمي خالتي و استاذني منها عشان تروحين معي السوق الحين امي بتمر تاخذنا ...لا تخافين جايتك بالطريق ..انتي خلصي والبسي عباتك انا عشر دقائق وكون عندك زين..ورمت جوالها في الشنطه ..
راشد : شوفي أي سوق رايحين و كلميني اقابلك هناك ما ابيك تكونين لوحدك
مها : بس انا مانى لوحدى معي امي
راشد: امك تلف معك بالمحلات ولا تلفين انتي و صديقتك لوحدكم
مها : تمسك يده : لا تلف معنا وبعدين ليه تتكلم كذا ما كنك واثق فيني
راشد: لا يعمري بس تعرفين السوق والشباب الي فيه المهم انا راح اكون معك اذا قابلتكم ...و يمسك يدها وتكلم بصوت عالي ..انتي وشلون تبين تروحين السوق كذا
مها : وش فيه ؟؟
راشد : المنكير الي بيدك وشلون تبين تخرجين بها عساك دوم تخرجين كذا
مها: ضايقها كلامه وردت بزعل : لا عمري ما رحت بها
راشد : الحين اذا رجعتي عند صديقتك تمسحينها لا شوفك خارجه فيها حتى لو معي
*.*.*.*.*.*.*
بيت ابو محمد
عند الرجاجيل بالمجلس
بعد العشاء..اكثر المعازيم راحوا ..
خالد : جالس وهو كل شوي يفكر كيف يخبره : محمد ابيك بموضوع
محمد: خير وش فيك
خالد : تعال خلنا نخرج برا ابيك
فيصل: وش عندكم ..على وين
خالد : الحين نجي .. وقام وخرجوا برا
محمد: تعال نجلس هنا وش عندك
خالد :يتكلم بهدوء ويحاول يركز بلي يقوله : محمد مدري وش اقول بس بطلب منك طلب وما تزعل
محمد: خير وش هذا الطلب الي يبي يزعلني منك
خالد : محمد بعد اذنك ابي اكلم منى
محمد: كانه ضربه كف على اذنه رد بعدم تصديق : نععععععععم
خالد : محمد افهمني ابي اتعرف عليها... انت مجرب وعارف هـ الشي وخالتك ما راح توافق وصدقني انا ابي مصلحتها مثلكم وبعدين الكل يعرف اني خاطبها وش فيها لا كلمتها
محمد: يتكل بعقل ومنطق : بس يا خالد ما يصير الي تطلبه مهي محرم لك تكلمها
خالد : محمد افهمني الزاج أساسه الإشهار والاعلان صح ولا لا
محمد: صح وش تبي توصل له انت شكلك منت معديها على بر اذا حطيت الشي براسك
خالد : يبتسم : هم زمان ما كان عندهم اوراق ومحاكم تثبت زواجهم و الكلمه هي الاساس والرابط ..
محمد: ناظره بحده
خالد: لا تناظرني كذا ليه انت منت واثق فيني انا سالت اليوم واحد من المشايخ و قال لي جائز اكلمها قبل الملكه بس بحدود
محمد: كيف جائز ؟؟
خالد : ايه هو قال كذا.. ليه انت شاك فيني ..؟؟
محمد: خالد مهو هذا القصد انا ماعلي بهـ الشي وعارفك زين بس انت حط نفسك مكاني
خالد: محمد مهو بلازم اهلنا يعرفون بس انت صدقني ما راح كلمها كثير لو مره بالأسبوع تكفي
محمد: لا والله وش فيك تخبلت
خالد: ايه انتم خبلتوني
محمد:زين خلني افكر بالموضوع واسأل انا بعد
خالد: محمد لا ترفعلي ضغطي اليوم انا سال عن الموضوع
محمد: زين خلني اشوف اهي تبي تكلمك ولا ...لا
خالد: محمد وبعدين معك البنت من متى تقول ابي اكلمه تكفي محمد خليني كلمها اليوم دق عليها من جوالك ابي اسمع صوتها على الاقل
محمد:لا حشى استخفيت انت الظاهر
خالد : وش قلت عادي هذى زوجتي
محمد: ما بعد صارت زوجتك
خالد : بنظرت تحدي : لا زوجتى والرجال عند كلمته وشهوده وانا الكل الي بجماعتنا شاهدين انها زوجتى
محمد : طلع جواله انتظر و اتصل وفتح سبكر.. الو
منى : هلا والله لا تقلي انك اشتقت لي يا شبيهي
محمد: عينه عليه : هههههههههههه لا مشتقت لك اشتقت للي عندك
منى: هههههه تبي تكلمها ليش داق علي عشان تحرق لي اعصابي
خالد: تخبل على صوتها طريقه كلامها كلها رجه ودلع
محمد: ههههههههه لا ابيك انتي .... فيه واحد عندي اليوم شكله طايح من ناطحة سحاب على راسه يبي يكلمك خذى
خالد: ويحول السماعه عادى : هلا والله وش اخبارك
منى: قلبها صار بسرعة صاروخ و يالله ظهر صوتها بصدمه : خالد
خالد: ههههههههههه ايه وش فيك
منى: بخوف و برجه : يمممه ياويلي خبرت محمد
خالد : ههههههههه ايه
محمد: هات اشوف مابقى غير تتغزل فيها قدامي بعد
منى: قفلت بخوف فضيع مهي مصدقه كيف عرف محمد وتقبل الكلام ولا بس عشان قدام خالد وبعدين بيحط حرته فيها ..
خالد: هههههههههههه خذ قفلت بوجهي مالت عليك ارعبتها بصوتك
محمد: هههههههههههههههههههههه ودي اشوف وجها الحين
خالد: محمد احسلك اترك مرتي بحالها خلك بمرتك
محمد: بجديه : انت مدري وش صابك من يوم خطبت الله يعينا عليك لين تعرس
خالد: قوم لا تقهرني هات عطيني بسجل الرقم
محمد: هههههه توك مكلمها وش تبي بالرقم
خالد: محمد انا بكلم بشورك مهو من وراك
محمد: زين خذ والله يعينك على ما بلاك بتجننك
خالد: ههههههههههه راضي بجنانها اهم شي اكلمها مهو معقول ما عرفها الا قبل العرس بأسبوعين مراح يمديها تتعود علي
محمد:و يكلم نفسه ..ايه والله و انت الصادق .. شوف انا وش كثر لي معها بعدها تخجل مني : قوم خلنا ندخل عند العيال
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك