رواية حبيبي مغرور واعشقه لحد الجنون -3
يدق باب غرفتها تدخل نوره ماصدق لما قالت أمك منتي رايحه جيت اتاكد 0تسكر باب الغرفة
نوير ليه ملبستي مبقى شي ونروح
نوره2 مالي خلق أروح متضايقة
نوره بطنز متضايقة أمس متفقين على ألروحه ليه غيرتي رأيك 0صار شي في المستشفى
نوره2خافت تقول وعارفه إن نوره بتعاتبها لأنها ماغطت وجها ذاك اليوم 0خلاص بروح بس بشرط تشوين شعري وماكياجي
نوره غالي واطلب رخيص قومي أسوي وجهك لوحه فنيه .
الساعة 9ونص في مقهى جالسين الشباب
ماجد صارت تسع ونص ولا شرف حضرته
فارس مع انه قال يقدر يطلع قبل لا ينتهي الدوام بس فيه شي أخره
وعلى دخلت رياض السلام عليكم يسلم عليهم ويجلس وينادي حاتم ياحاتم
حاتم يشتغل في المقهى هلا بالشيخ توا اسأل الشباب عنك
رياض أسالت عنك العافية عطني اقو شيشة عندكم
حاتم تامر أمر دقايق
ماجد لحضه حاتم افا عليك يعني من يلقى أحبابه نسى أصحابه
حاتم يضحك معاش من نساكم تفضل
ماجد شرايك فارس تفاح
فارس لا ماابقى مليت من التفاح وصرت مأكل تفاح في البيت
حاتم واصلنا نوع جديد اليوم تجربونه
فارس جيبه نجرب
ماجد وإنا بجرب تبقى رياض
رياض كان في عالم ثاني وكل متذكر الكف فار دمه
فارس شكله راقي برج ألمملكه مراح يسمع خلاص حاتم جيب الطلبات
ماجد يحرك يده في وجه رياض هي نحنو هنا وين سرحان
رياض ينتبه معاكم وين بروح
فارس باين انك معانا مو على فارس أعرفك وجلستك هذي فيها بندوره حمرا
ماجد لا تقول خوينا شبك من جديد على أي قناة هذي المرة
رياض تكفون مالي مزاج لكم الحين
فارس رياض قول لي أعرفك ألمساله فيها بنت وجديدة وتوها صايره
رياض بنرفزه والله لأجيب خشمها في الأرض وأخليها تحب رجولي وأنا ولد أبوي
فارس راحت البنت من كيس أهلها
ماجد يا أبن الحلال أنساها وروق
رياض صدقوني مراح أروق لما أسوي ألي أبقاه فيها .
في ألحفله الطقاقه شاليه المكان والرقص قايم
سحر ها بنات أعجبتكم ألحفله
نوره جنان سحر هذا عيد ميلاد وكل شي صار فيه أجل كيف عروسكم
تضحك سحر أزيد من كذا
مشاعل مشاله تهبل شهد بنت خالك ألا هذي أمها شيالتها
سحر أيه هذي منيرة مرت خالي محمد وألي جالسه جنب أمي مروه مرت خالي عبد المنعم وبنتها جود عندها
مشاعل لا هذي أحلى بكثير جودي نسلكم حلو سحر
سحر بغرور أكيد حبيبتي أحنا منجيب ألا حلوين بنات ورجال ألا نوره شفيها نوره2
كانت نوره2 جالسه على الطاولة وتفكيرها بعيد
نوره مدري عنها طول اليوم وهي كذا
سحر تعالوا معاي أعرفكم على حريم خوالي .
أوووه علينا مع خلود
مشاعل شفيك
سحر ذبحتني مع صديقتها تبقى جدتي وأمي يشفونها عشان يوصفونها لخالي فارس
نوره" تدخل سريع" ليه ناوي يتزوج
في المقهى
رياض تروحون معي البحرين بكره
فارس بكره ألأربعاء بتكون زحمه كثير
رياض يبن الحلال نروح بالطيارة وعلى حسابي شقلتو
ماجد أنا معاندي مانع طالما على حسابك
فارس سكنا وأكلنا وتمشيتنا عليك
رياض يبتسم كل شي على حتى أذا بقيت توسع صدرك بلي خبرك علي
فارس صدق أنك حمار تعرفني ماني راعي سوالف وخرابيط
رياض أقول ماجد خلك معي ولا عليك منه
ماجد لا أنا معرف ولا مشيت في هذا الطريق
خلنا تمشيه بس
في الحفلة
منبره سمعي نوف أذا بدت مسيرة شهد لجدتها عشان تعطيها ألهدية خلك معها خليها تشوفك يمكن يخطبونك
نوف تتعبين نفسك مخطبوني من قبل تبقين ألحين
منيرة أنتي سوي ألي وصيناك عليه أنا وأمي وبس سامعه
سحر بنات طلبت لنا أغنيه نرقص عليها قوموا
نوره2 أنا عذريني
سحر أول وحده بترقص أنتي وقامت غصب عنها وبعدين أرقصوا مصري رقص
حصه شفتيهم يمه ماهم صاحين وتضحك
ليلى خليهم يستانسون
سعاد أقول حصه من هذيلي
حصه ربع سحر في ألجامعه
سعاد يحللهم بروح أتعرف عليهم شكلهم وسيعين صدر
منيره نوف شقا عده تسوين روحي رقصي مثلهم
نوف معرف أرقص مثلهم مصري
منيره هزي مثلهم لا تخلينهم يغطون عليك
الله يغربل شرك يسحر مدري من وين جبتيهم لنا
في ألمقهى ألساعه 2أليل
رياض شباب أنا رايح وبكره موعدنا وطلع ركب سيارته وكلم جوال بعد رنتين وثلاث ترد
؟؟؟ألو نعم
رياض عبير صار وقت تردين لي ألجميل
عبير تامر وأن شاله أقدر عليه
رياض سجلي ألاسم هذا نوره سعد السعد موجودة عندكم في ألجامعه أبقى رقم جوالها يجيني وبأي طريقه
عبير أمهلني يومين ثلاثته ونرجع لدوام وأعطيك إياه
رياض يومين بس ولا تحملي ألي راح يصير لك
عبير بخوف خلاص يومين ويصير عندك.
في بيت الحمدان
فارس أن شاله أنبسطو في ألحفله يمه
ليلى كانت حلوه كثير وأستانسنه
فارس أجل وين ألبنات نامو
ليلى مدري بس توهم قايمين
فارس أجل طالع لهم .راح لغرفة سحر يدق ألباب.ممكن أدخل
سحر هلا خالي
فارس هلا منمتي
سحر تعبانه من صوت ألطبول في راسي
فارس وخلود
سحر حطت رأسها ونامت على طول
فارس وألحفله طلعت حلوه
سحر تجنن خبرك رقص في رقص
فارس أعرفك أنتي بدون أغنيه وترقصين فما بالك مع أغاني ألا ربعك جاو
سحر أيه كلهم وبصراحه أحنا مسوين جو
فارس كيف
سحر كله نرقص
فارس يبتسم يعني مجانين
سحر حرام عليك والله كنا مسوين جو حتى أسال أمي وجدتي عن أذنك بسوي أسناني وأدخلت لدورة ألمياه في غرفتها
فارس كان جالس على سريرها مسك جوالها وحطه على ألا سامي يتفحص
سحر تكلمه من داخل دورة ألمياه ماقلت لك خالي رقصت أنا ونونو رقصه حلوه بالمرة
فارس من هي نونو
سحر أنا مسميه نوره أخت صديقك نونو1 ونوره سعد نونو 2
فارس كان حاط على حرف ألنون وشاف رقم نونو 1 ابتسم وأرسل لجواله ألرقم
قام أحلام حلوه ياسحر وطلع .
خلص أسبوع ألاجا زه بسرعة وأول يوم في الدر اسه كان ملل وأكتئاب ويا لله صباح مع وجيه الدكاترة
رياض كان في غرفته يتعدل في المرايه بغرفته ويتعطر .يدق جواله هلا وغلا
عبير هلا فيك سجل الرقم عندك وعلى كذا أعتقد صرنا خالصين
رياض خالصين ياحلوه بس أتأكد أنه رقمها
عبير لا تخاف رقمها
في الجامعة في الكفتريا نوره2 جالسه تنتظر نوره تجيب لهم قهوة يدق جوال نوره2 برقم غريب وماردت يرجع يدق وردت ويا ليتها ماردت
نوره2نعم
رياض هلا بها لصوت
نوره2شكلك غلطان وتوها بتسكر
رياض معتقد ينوره سعد
نوره2تبلع ريقها وبكل خوف من أنت
رياض أنا ألي يدينك ألحلوة عطته كف
نوره2كيف جبت رقمي
رياض كيف خليها علي أنا جوالك وجبته واتني جايبك يحلوه جايبك
سكرت نوره2ألجوال مصدومة لأنها أفتحت لعمرها باب في غنى عنه
نوره جلست هذي القهوة جبناها هذي لك سكر زيادة .رسالة في جوال نوره تخذه وتقراها
<يسعد لي صباحك ألي أنت فيه أثريه ينقط عسل لأنه أسمك فيه > تبتسم نوره رسالة جايه غلط مراح توصل لرعيها
خذته نوره2وقرت الرسالة وضحكت ...
الجوال وما إدراك ما الجوال وإحداثنا راح تبدي من هلحظه ؟؟
انتهى نهار أول يوم دراسي على الطلاب كان ملل تعب ترقب متى ينتهي ونأخذ شهادة التخرج وعلى المسا الكل كان في بيته يرتاح
فارس نازل من الدرج وكاشخ يوقف عند اقرب مرايه ويعدل غترته ويدندن لعمره
احبك ليه أنا مدري وليه أهواك أنا مدري
ولو مرت علي ذكراك يفز النبض في صدري
خلود يسلام على الخال وكاشخ
فارس صدق والله وأنا من متى ماكنت كاشخ
خلود لا بس اليوم صاير غير وجهك مورد وشكلك حلو ألي يشوفك يقول رايح تخطب
فارس الله يسمع منك أن شالهق
خلود بفرح صدق خالي يعني راح تفتح باب الزواج مره ثانيه أجل عندي لك صديقتي قمه روعه وأدب وو.يسد فارس فمها بيده
فارس خلاص هونت مبقى سكري الموضوع نهائي
خلود توك تقول الله يسمع منك
فارس ناس من جهتكم مبقى بالمره وين أمي
خلود عندها حريم
فارس زين قولي لها بطلع مع الشباب ويمكن أتأخر
خلود تامر بس والله خالي لاتفوتك ريمه جمال ماهو طبيعي حتى يوم شفتها جدتي وأمي أسالو عنها حرام لاتضيع البنت
فارس كان ماشي وهي تتكلم وسد أذانه كأنه يقول لها مسمعت شي وطلع ....
في المقهى عند الشباب مجتمعين
ناصر يكلم فارس من غير لحد يسمع أقول فارس
فارس سم
ناصر سم الله عدوك بقيت أعرف إذا ماجد عنده خوات للزواج أنا نويت أتزوج وبصراحه أنا مرتاح له كثير ولأخلاقه وأنت أقرب له أكيد تعرف عنه
فارس بثقه كلهم متزوجات
ناصر كأني سمعت فيه وحده
فارس أكذب عليك معنده شوف رياض أكيد عنده خوات
ناصر لا يحوشك أنت شفته من جى وهو ماسك جواله ويكلم بعيد عنا أذا الولد كذا فما بالك البنت
يقاطعهم ماجد أقول متلاحظون رياض على الجوال ماهو صاحي
فارس قلت لكم المسالة فيها بنت وشكلها عطته العين الحمرا
ناصر ماراح يهدا ألا لما يكسر رأسها
على مسافه بعيده عن الشباب
رياض سمعي حياتي ثاني مره أذا دقيت عليك ردي بسرعه محب الانتظار كثير
نوره2بعصبيه أنت وبعدين معاك تظن نفسك انك خوفتني ترى ماجبته أمه للحين ألي يدوس على طرف لي
رياض لا يالشيخه جابته وهو يكلمك الحين وأنا تعجبني البنت ألي تتحدا ألا أموت فيها المهم ياحلو انتظري اتصالي اليوم الساعه 3الفجر نكمل سالفتنا
نوره2 سكرت في وجهه
في هالحظه فارس استقل انشغال الشباب بالسوالف طلع جواله وأرسل رساله لنوره
نوره تكلم مشاعل تلفون يا مشاعل أنا محب بنات عمك ثقال دم
مشاعل عشان كذا أقولك تعالي مبقى اجلس معاهم بختنق منهم
نوره زين الله يعيني على يوم الخميس وبتجي جدتك
مشاعل أكيد بتجي متبقى شي يفوتها من مرت ولدها المستقبليه
نوره مالت عليك وعليها أنا اخذ عمك ملتزم مثل أبوك ومعنده حريه
مشاعل حرام عمي أحسن من أبوي بكثير وبعدين ألف بنت تتمناه
نوره وأنا مش وحده من الألف لوعتي كبدي انقلعي . سكرت
مريم شعندها مشاعل مخلصنا من العزيمه ألي بيسويها أبوها لهله
نوره تقولين محد سوا عزيمه ألا أهم وليه إصرارهم نحضر
مريم لازم نحضر أحنا أهل حرمته
نوره أنا محب حركات عجوز أختي أذا شفتني للحين تبقيني لولدها
مريم وشفيه ولدهم معليه كلام مؤدب ومحترم
نوره في نفسها أحد يجيب فارس ألي كل البنات يتمنونه على ماهر وع
مريم أخوك ماجد ماكلم
نوره لأ
مريم أن شالله مينسى الدوى حقي الله يذكرك بالخير يابو ماجد لو أنت هنا كان محتجت لحد
نوره ولهتي عليه هذا أول يوم له في ألدوره بالشر قيه
مريم أكيد ولهت عليه المهم كلمي أخوك اذكره مينسى ألدوى
خذت نوره التلفون ودقت على أخوها ولا رد أرجعت دقت مره ثانيه
فارس كان يشوف اتصال على جوال ماجد البيت يتصل بك رفع الجوال ورد
فارس نعم
نوره صوت غريب العفو هذا جوال ماجد
فارس أيه نعم
نورع بعصبيه صدق كذاب وحيوان سكرت
مريم شفيك سكرتي
نوره مصدق يسمع صوت بنت ويكذب أقوله جوال ماجد ويقول أيه
مريم طلبي الرقم عدل يحظي
نوره أرجعت اتصلت
فارس نعم
نوره ساكته نفس الصوت
فارس يبه هذا جوال ماجد بس أهو في دورة المياه
نوره وخضرتك من عشان ترد
فارس يبتسم صديقه فارس
نوره أول ما سمعت الاسم رمت ألسماعه في حضن أمها كلمي أنتي واصعدت غرفتها
مريم صج خبله الو
فارس هلا خالتي
مريم هلا فيك منو معايه
فارس معك فارس
مريم حياك الله ماجد وينه
فارس رايح تكرمين دورة المياه
مريم زين يولدي الله يعافيك ذكره لا ينسى يجيب الدوى وهو جاي
فارس تأمرين بذكره تأمرين على شي ثاني
مريم يعطيك العافية مع السلامه
نوره في الغرفه صوته عذاب وأنا بقره راده بدفاشه عليه خذت جوالها وشافت رساله قرتها <مساء الخير والإحساس والطيبة مساء ما يليق ألا بأصحابه >
نوره مسكين رسالتك ماهي واصله لأحبابك
الساعه 2الفجر نوره 2بتحط رأسها تنام وشافت جوالها يدق ولما شافت الرقم لا حول هذا متى بيفكني من شره حطته صامت ونامت
رياض يتصل أكثر من مره ولا أحد يرد
طيب تلعبين لعبة كبار معندي مانع كتب رساله وأرسلها لنوره2
طبعا نوره2 نامت ولا انتبهت للرسالة
في الصباح نوره2تستعد للجامعه وخذت جوالها
وشافت الرساله ألي كلها تهديد
<نوره دمرتي نفسك بنفسك واستعدي للي جاي> أنتابها خوف وقررت تقول لنوره يمكن تلقى لها حل
في ألجامعه
نوره2وهذا كل ألي صار وأنا خايفه مدري ليه
نوره بنرفزه وليه مقلتي لي من البداية
نوره2صدقيني سالفة ملقيتها بال بس شكلها مراح تعدي عنده نوره الله يخليك مبقى فضايح مع أهلي خالد أذا عرف والله ليحرقني بالنار ولا عنده في أحد
نوره زين سمعيني عدل اليوم تخلين أبوك يطلع لك رقم جديد ويسجله باسمه وأنتي لا تعطين أحد رقمك ألا الموثوق فيهم والحين غفلي جوالك
نوره2أرتاحت للفكره ونفذتها على طول وغيرت رقمها في نفس اليوم
رياض يومين يدق والرقم غير موجود في الخدمة ومن ألعصبيه كسر غرشة عطر عنده
بنت الكلب أكيد غيرت رقمها بس على مين على رياض التاجر ؟؟؟؟؟؟؟؟؟؟؟؟
بعد أسبوع أحضرت نوره عزيمة أختها
عشان أهل زوجها وكانت طفشانه من تلميحات
أم زوج أختها أنها تبقاها لولدها طبعا نوره حطت كل حرتها في مشاعل بكم قرصه وضربه على الراس ....
في الجامعه ...........
نوره2خلاص يانوير فكيها مصار شي كله كلام في كلام
نوره أي كلام أقولك أتصلت على أمي تخطبني رسمى وزوج أختي كلم أبوي وطبعا أمي ماعندها مانع خاصه أن الرجال في نظرها كامل ومايعيبه شي وانا مبقى واحد ملتزم بس محد يفهم
تقاطعهم سحر ياجماعه فهموني السالفه كأني اطرش في الزفه يعني اهلك بيغصبونك على الزواج
نوره2اكيد لأ بس شايفينه ولد مينعاف وحرام يطير من يدهم
نوره المشكله أمي كل دقيقه تحن علي
سحر قولي مبقاه بعد الزواج ميصير بالغصب
دلال هاي بنات
البنات هاي
دلال بنات طفش مدري متى نخلص ونتخرج
نوره2ومن أسمعك الحين أذا خلصتي بتجلسين في البيت لحد ميجي الغبي يخطبك من اهلك
سحر بمزح أي والله اقول نوره وافقي عشان بس تخلصين ألا والغبي يستناك
نوره شالت غرشة الماي وحذفتها عليها .سخيفه
توقف وحده عندهم
سهام كيفكم بنات مبسوطين
البنات الحمد لله
سهام ماعطلكم بس أحنا عاملين بارتي في استراحه للبنات شرايكم تجون
دلال انا مقدر اهلي مايرضون
نوره2بالنيابه عني وعن نوره والله منقدر اهلنا مايرضون كان يذبحونا
سحر عاد أنا شيليني من القائمه كلها ماأحضر حفلات ألا مع اهلي وسألي نوره ونوره
سهام براحتكم بس راح تفوتكم ...ومشت
دلال والله اني ماأحبها انتبهو منها بنات تراها لكم عليها
نوره أكيد عارفينها
سحر اقول صارت الساعه 10علينا محاضره سرينا
في بيت فارس على طاولة الغدا
حصه ان شالله عجبكم الغدا ترا انا طابخته بنفسي
ليلى الله يعطيك العافيه
فارس تسلم الأيادي
خلود ياليت اعرف اطبخ بس مشكلتي ماحبه
سحر حبيبتي خلى الطبخ حق اهله الحمد لله اني اعرف مثل امي وجدتي
فارس كلامك صحيح تسوين البيض عجيب مامره شفت احد سوا مثلك
سحر ايه شمت الأعداء فيني بس ان شالله تجيك وحده متعرف تطبخ قول امين
فارس يناظر سحر وهي حست انها تكلمت في موضوع خالها قافل سيرته نهائي فقيرت الموضوع
سحر تدرون ان صديقتي نوره اهلها بيزوجونها غصب عليها
خلود أي وحده منهم ان شالله نوير سعد
سحر لا نوره اخت صديقك خالي
فارس حاول يبلع الرز الي في فمه وكان يسمع بنتباه
ليلى من وين دريتي
سحر منها أهي بنفسها تقول ان اهلها شايفينه خوش رجال ومينعاف
حصه يمكن اهلها يعرفون مصلحتها اكثر ومع العشره يمكن تحبه
فارس مااعتقد اهلها يغصبونها انا اعرف ماجد وابوه ماراح يضغطون عليها على العموم انا سمحولي شبعت وبروح اريح اشوي ...
صعد لغرفته ومسك جواله وكتب رساله لنوره فارس لازم تعرف اني احبها قبل لا تروح من يدي
نوره كانت تتغدا مع اهلها لما وصلت الرساله
قامت وخذت الجوال من طاولة التلفزيون وقرت الرساله
احبك احبك احبك فارس
نوره بلقت عيونها في الجوال عدل لما شافت الاسم
نوره احم انا الحمد لله شبعت
مريم تعالي ماتغديتي عدل
ماجد تركيها بيفوتها أكلك الا أمي متى بيوصل الوالد
مريم اليوم ان شالله مبقى يخلص دورته
ماجد اقول ليه البيت يلق ونظيف والوالده كاشخه
مريم ماجد عن قلة الأدب ولا تضيع السالفه متى ناوي تفرحني واعرسك
ماجد توا الناس علي مالي خلق حرمه تحن وهات وجب انا بحالي احسن
نوره طول الطريق وهي تقرا الرساله مو معقوله اهو ولا يمكن وحده من البنات نوره2 او مشاعل لأن محد يدري بسالفتها ألا اهم
جالسه في الغرفه وعلى الصمت الي فيه يدق جوالها بنفس رقم الرساله بلعت ريقها وتردد انها ترد وحب الفضول تعرف من صاحب الرساله ردت
نوره نعم
فارس السلام عليكم
نوره صوت رجال .وعليكم السلام
فارس نوره
نوره من معي
فارس انا الي خليتي قلبه ينبض من جديد ويتولع فيك
نوره اقول شكلك غلطان بالرقم
فارس لا مو غلطان يا نوره أنا فارس الحمدان
نوره تبلع ريقها وتتنفس بقوه مو مصدقه
فارس نوره انتي معي نوره ردي
نوره بس كيف عرفت رقمي
فارس ميبقى لها ذكاء
نوره في نفسها اكيد خذه من سحر
فارس نوره أنا انسان جاد في علاقتي معاك حبيتك من قلبي واسهر افكر فيك والي خلاني اكلمك لما عرفت ان في واحد بيخطبك تشجعت وكلمتك وانا ابقاك بالحلال وأذا انتي موافقه
نوره من قلبها بدون صوت موافقه موافقه احبك والله احبك اخاف انا احلم
فارس لاحول نوره ...نوره ردي علي
نوره ينقال ماهي قاطه وجها .عندي اهل تجي تخطبني منهم وغير هالكلام ماعندي ..وسكرت وصارت ترقص من الفرحه وتغني ماهي مصدقه اخيرا حب حياتها يبقاها بالحلال
احبك يانظر عيني غلا يسري بشرايني
احبك بكل مافيني من اشواق والم وجراح
طبعا نوره كلمت صديقت عمرها نوره وخبرتها بكل الي صار ...
مر أسبوع ونوره عايشه الحب على اصوله وكان فارس كل يوم يرسل لها رساله أو اكثر البنت صارت مهمله في دراستها ولا تحضر المحاضرات وكل ماسألت سحر عن السبب تتعذر نوره بأسباب كثيره
وعلى نهاية الاسبوع سوت نوره حفله بمناسبة عيد ميلادها وكل الي اعزمت نوره2ومشاعل وسحر ودلال وكم بنت في بيتها وكيك وهدايا ورقص انتهت الحفله واتفقو البنات يروحون الفيصليه يتمشون يوم الخميس وبعد ماراحو افتحت نوره الهدايا وعلى هدية سحر كانت العلبه كبيره شوي افتحتها وكانت ساعه ماركه وجنبها هديه ثانيه في علبه وسط افتحتها وشافت خاتم الماس في حدود ثلاثة الاف وورقه جنبه مكتوب عليها
كل عام وحبيبتي بألف خير وان شالله السنه الجايه انتي معاي ولا أحد يشاركني فيك فارس
وغلف هديته مع هديت سحر في علبه وحده عشان ماتشوفها سحر
نوره قرت الرساله ولبست الخاتم وصارت في عالم ثاني الحب حلو بس للي يعرف يعيشه واذا صار واحد مثل فارس فأكيد الحلم بيده يصبح حقيقه ....
بعد نهاية الدوام الجامعي
تمشي بثقه وتركب السياره وتحرك السياره
رياض جبتيه
سهام افا عليك اجيبه عشانك بس صدقني تعبت على ماجبت رقمها وأنا مستغربه منك هذي البنت ماهي على مودك شتبقى فيها
رياض اخذي فلوسك الي طلبتيها وعطيني الرقم ولا تسألين كثير
سهام بكيفك مع اني اقدر اظبطك مع بنات احسن منها واحلى
رياض اذا طلبت منك تجيبين نوره تقدرين
سهام غالي والطلب رخيص بس السعر غالي
رياض المبلغ الي تبغينه يوصلك
سهام اوكيه حدد اليوم الي تبغيها وتكون عندك
يوم الخميس في مجمع الفيصليه الساعه 8اليل ادخلو البنات يتمشون
دلال شرايكم نغامر شوي
نوره تبغينا نرقص مثلا قدام الناس
دلال لا تعالو معاي
ادخلو دورة المياه للنساء
دلال عدلت شيلتها وتحجبت وخلت شي بسيط من شعرها يبان ..بنات سوو مثلي
نوره2لاانجنيتي واذا احد عرفنا
دلال محد يجي هنا لا الناس الهاي خلونا نجرب الحريه اشوي بس بحدود الأدب ..
بعد تفكير واصرار دلال البنات سوو مثل دلال وصارو يتمشون في المجمع
في جه من المجمع
سامي فكها شوي يابو الشباب ترا لك كم يوم وحالك مايسر
علي تركه ماصدقت سمع كلامي ورضى يطلع معانا اليوم ..
رياض كلمه زايده وبطلع
وعلى سوالفهم رياض انتبه لشلة بنات كاشفات
سامي واو اعشق بنت البلاد
علي لا تصدق انهم بناتنا يمكن اجنبيات خلهم يتكلمون وبتشوف الغه
رياض ماصدق الي شافه بعيونه نوره مغيرها وجها مرسوم في الذاكره والحين يشوفها كذا قام بسرعه
علي تعال يالخبل لا تفضحنا احنا في مكان عام
سامي متعرفه بنات ولا يرقمهم كان يتعب قلبه
رياض مشى وراهم بدون مايحسون عليه وبكل هدوء يطلع جواله ويصور البنات وهو كان مركز علي نوره اكثر
رجع لربعه وراح وباس راس علي
رياض الله يعطيك العافيه ياعليو لما اصريت اطلع معاك صدت صيده مافي احلى منها وعيونه تتوعد في نوره والي بيصير لنوره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مرت 3 ايام والاوضاع هاديه والاجواء صافيه
ونوره زادت علاقتها بفارس اكثر واكثر صحيح كانو مقضينها رسايل تتكلم عن الحب والعشق وكان فارس اذا حب يعرف عن نوره شي يتعرف عليها اكثر يسألها برساله لحد مازهق وارسلا رساله لنوره
<حبيبتي شرايك نتوسع اكثر ونطلع عن مجال الرسايل ونكلم بعض منها اسمع صوتك وتسمعين صوتي >
نوره لما قرت الرساله ياقلبي عليك تسمع صوتي وبعدين نطلع مع بعض تحلم يافارس صار لازم تجي تخطبني رسمي
فارس انتظر 5 دقايق واتصل وسمع ان الهاتف المطلوب لايمكن الاتصال بها ألان فضلا اعد المحاوله مرة اخرا
فارس حشى قلنا نسمع الصوت وقفلت جوالها اجل اذا نطلع مع بعض يالله لك ربك يافارس
ويدق جواله المتصل رياض
فارس هلا رياض
رياض هلا فارس شخبارك
فارس الحمد لله وانت
رياض تمام ومافيه احسن مني ألالك يومين ماجيت القهوه
فارس مالي خلق وبعدين ماوراكم جمعه عدله
رياض لا بس هالمره عندي لك شي عجيب تعال انتظرك
فارس اكيد شي زي وجهك
رياض انت تعال ومالك الا الي يسرك
فارس اكلم ماجد ونجي
رياض لا من الاحسن مايجي لأن الموضوع يخصه من بعيد
فارس بدا الخوف عليه وش المصيبه الي انت جايبها
رياض شوف بتقضيها رسايل معاي بسكر في وجهك تعال وشوف بنفسك
بعد ساعه وصل فارس وراح للطاوله الي جالس عليها رياض
فارس وهو يجلس قول شعندك
رياض عاد سلم
فارس ماتستاهل مايجي منك الا التعب
رياض بسامحك لأنك صديقي المهم تذكر البنت الي قلت لك عنها
فارس والله اسمح لي بناتك كثير أي وحده منهم
رياض نوره سعد
فارس بعصبيه وبعدين معاك قلت لك وكلامي كان واضح ماعليك منها واهلها ناس محترمين وانا اعرفهم ولا ارضى عليهم
رياض لحظه ..لحظه تقول محترمه صدقني هذي بنت صايعه مع شلتها ولا لو هي متربيه كان ماسوت لي سوته مع ربعها
فارس ماراح يأثر فيني كلامك ولا ابقي اصدقك
رياض طلع جواله وشغل مقطع الفديو لما صور البنات .. خذ طالع
فارس اخذ الجوال بعصبيه وصار يطالع فيه وكانت الصدمه الي ماتوقعها مافيه الا بنت وحده يعرفها عدل نوره حبيبته ماصدق نوره فيها الجرأه هذي حتى لو كان الموضوع عادي عند بعض الناس الي يعرفه ا ن اهل نوره ناس محافظين في هالموضوع حط الجوال على الطاوله ووحس الدنيا ضاقت فيه
رياض بفخر صدقتني الحين لا تقول بنت متربيه او محافظه مع اهلها
فارس خلاص مابقى اسمع ازيد من هالكلام ارسل لي المقطع
رياض اسمع ترا انا حاجز قبلك وبعدين .
فارس يقاطعه ارسل المقطع ولا كلمه زياده
رياض ارسل المقطع لأنه شاف فارس كان جاد ومعصب
فارس طلع من المكان بعد مخذ المقطع للفديو
رياض الحين دورك ياحبي ..دق على نوره
نوره2 منتبهت للرقم ردت نعم
رياض هلا بالقلب الحنون هلا بروحي وحشتيني كثير
نوره 2بلقت عيونها الصوت تعرفه عدل بس كيف عرف رقمها الجديد
رياض ياقلبي قلت لك لو تغيرين رقمك مليون مره أجيبه يعني أجيبه لو كان تحت الحراسه
شرايك فيني اعرف انكت دمي خفيف
نوره 2شتبقى مني
رياض نتسلى مع بعض ياحلو
نوره2أنا مو نوعيتك الصايعه ياحيوان ولا كل بنت مستوره لازم تهدم حياتها
رياض مروق وبستهزاء كثري منها يامستوره
نوره2 شقصدك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك