رواية شامخة وبنت رجال وجاء من يغلبني -3
شوق وهي نازله الدرج لقت في الصاله اهلها يتقهون
وتقعد :السلام عليكم
أم فيصل وأبو فيصل وشهد:وعليكم السلام
أم فيصل :اصب لك قهوه يا بنيتي
شوق: ايه يمه
ابو فيصل: وش اخبار الجامعه
شوق :الحمد لله كل شي تمام
ابو فيصل: الحمد لله
أم فيصل وهي تعطيها القهوه :خلصتي اغراضك ولا بعد في اشياء ما شريتيها
شوق:باقي شوي واخلص
أم فيصل :الله يعين
شوق:غريبه شهوده قاعده معانا في العاده مقابله الكتب وما نشوفك إلا على العشاء
شهد :وش أسوي قلت حرام احرمكم من طلتي البهيه طول الوقت
شوق:الحمد لله رأفتي بحالنا ورحمتينا ونزلتي
دخل عليهم :السلام عليكم
الكل :وعليكم السلام
شهد:هلا والله بفصفص
فيصل:و سالفتك كل ما شفتيني فصفص و فصفص والله احس نفسي قرقيعان
شهد:هههه ادلعك يا خوي هذا جزاتي
شوق:ههههههه امحق دلع إذا بغيتي تدلعينه دلعيه فوفتي
فيصل:يعني ينقال دلعك أحسن فوفتي شايفتني قدامك كلب
شهد:هههههه الله يعين اسامه مسكين
فيصل ووده يرفع ضغط شوق:ايه والله أكيد بتدلعه دلع زي وجهها
شوق اللي انحرجت:يبه شف عيالك وش يقولون
ابو فيصل:اتركو اختكم في حالها
وقام يريح في غرفته
شهد وهي تغمز لفيصل علشان يرفعون ضغطها زود
فيصل :تلقينها تدلعه اسوم
شهد:ههههههههه هذا دلع ولا اسم وحده من الربع
والله مسكين يكسر خاطري أصلا إذا سمع اسمه وهي تدلعه بيفكرها تقصد وحده من صديقاتها على الاسم
فيصل:ههههه طاح على شوق ولا احد سمى عليه
شهد:يستأهل هجل ما يلقى إلا شويق أم لسان يأخذها
شوق:يا أنذال انا أختكم تقولون عني كذا
فيصل:مسكين هو بياخذك وهو يظن انه مآخذ ملكة جمال ما بعد شاف شكلك إذا قمتي الصبح
شهد:ههه كأنها دراكولا ولا الساحره في قصص الاطفال
شوق بانفعال:مالت عليكم انتو الاثنيين
قامت راحت غرفتها وهي معصبه من اخوانها
أم فيصل:الله يصلحكم وش فيكم على اختكم
شهد:خليها يمه كل مره هي مستلمتنا خليها تذوق اللي تذوقنا إياه
فيصل :ههههه مسكينه طفشناها
شهد وهي تضرب جبهتها:يووووه نسيت أقول لها تأخذني معاها السوق المره الجايه
فيصل:بعد الكلام اللي قلناه اغسلي ايدك ما في آمل تأخذك معها
شهد:والله شكلي بغسلها جد ما ظنتي ترضي بعد المعاير اللي جاها منا
وقعدو يكملون سوالف
********************
قاعد تشوف جوالها انحط كاس العصير قدامها
الجوهره :رجعتي بسر,,,,,,
رفعت عيونها شافته قدامها
الجوهره بعصبيه:انت
حط عصيره وجلس مقابل لها
طلال:اشربي العصير مدامه بارد يكون ألذ
وقفت من مكانها متنرفزه
طلال بلهجة آمر وهو يطالع عصيره:اجلسي
الجوهره:من انت علشان تأمرني
طلال رفع عيونه لها وبصوت هادي:اقولك اجلسي لاجي أجلسك غصب
الجوهره:ماهوب الجوهره اللي تنغصب على شي
خذت شنطتها وجوالها علشان تمشي قام من مكانه بسرعه وسحبها من يدها وجلسها على الكرسي اللي جنب كرسيها وجلس هو على كرسيها وخذا عصيره وحط رجليه على الطاوله
الجوهره:انت تعتقد انك بتثبت شي من حركتك ذي لا والله ما هزيت شعره من راسي
طلال:ومن قالك إني بثبت شي
الجوهره وهي توقف :انا ماني فاضيه لك وخر عن طريقي خلني اروح
طلال:وإذا ما وخرت وش بتسوين
الجوهره:بفضحك وبخلي اللي ما يشتري يتفرج
ضحك بصوت عالي وقام من كرسيه ويده في جيوبه
طلال:ما تسوينها
الجوهره:لا انت ما تعرفني زين اسويها ولا همني احد واسوي اللي اكبر من كذا
طلال وهو يقرب وما بقى بينهم غير مسافه بسيطة وهي في مكانها وما تبغى تبين انها خايفه منه وتحاول تكون قويه
طلال:تدرين ليه انا واثق انك ما تسوينها
تطالعه وتنتظر اجابته
طلال:لانك مستحيل تخلين احد يضر اخوانك حتى لو بشي بسيط وما راح تصرخين وتلمين الناس اللي راحو يظنون انك هنا بإرادتك لان ما في احد يقابل احد غصب في المطعم
وظل يناظرها ويناظر الغضب في عيونها
طلال:صح ولا لا
الجوهره:شفت ناس حقيرين بس أحقر منك ما أظن بشوف
طلال واللي ما عجبه التعليق تقدم لها
الجوهره ما حست على نفسها إلا والجدار وراها
قرب لحد ما بقى بينه مسافه فك لثمتها جات بترفع يدها بس هو اسرع ومسكها ولفها على ظهرها وخلى وجهها مقابله وظل يناظرها ولما جات بتتكلم وبتغلط عليه بيده الثانه حط يده على فمها
طلال:انا لما اتكلم انتي تسكتين وثاني مره لما تتكلمين بغير احترام راح يجيك شي ما يعجبك
هي تطالعه نظرات قهر وحقد
وهو يطالعها كأنه يدور شي في عيونها
طلال وهو يقرب ويهمس في اذنها :الحين بروح ولازم أودعك بس أكيد لنا لقاء ثاني
باسها على خدها ووخر يده عن فمها وراح بسرعه قبل ما ترد
الجوهره:يالحقير ماراح اعديها لك وربي ما اعديها لك يا كلب
تسندت على الطاوله من التعب وجلست على الكرسي ولما شافت العصير اللي جابه لها ضربته لين انكب
وحطت يديها على وجهها:حيوان
بعد لحظات جات دلول معها العصير :الجوهره وش فيك
رفعت يده من وجهها :ما في شي ليه تاخرتي
وهي في نفسها تحمد ربها ان دلول تأخرت
دلولو هي تاشر على العصير المنكب: وش ذا
الجوهره:تاخرتي رحت جبت لنفسي عصير وما انتبهت وكبيته
دلول :أسفه والله تاخرت لاني طلعت من المطعم ادور مكان ما فيه ازعاج وأول ما خلصت رحت جبت عصير وجيت
الجوهره:مو مشكله
دلول وهي تعطيها العصير بدل المنكب:جوجو ترى انا بروح بدري أمي تحن تقول ارجعوا الحين
الجوهره :بدري اقعدو شوي
دلول:والله ان تغسل أمي شراعي
الجوهره:اوكي على راحتك حبيبتي
دلول :خلينا نقوم ندور علوي علشان أروح
الجوهره:يله
وراحو
*****************
خلصو لعب وجاء وقت الطلعه من الملاهي وهم طالعين عبدالمجيد جاء بعد ما كلم تلفون:ماجد انت خل أي احد يوصلكم وانا باخذ السياره
ماجد :ليه
عبدالمجيد وهو ياخذ المفتاح ورايح للسياره مسرع:واحد من ربعي مسوي حادث ورايح له المستشفى
ماجد:طيب بس انتبه وانت تسوق
عبدالمجيد:ان شاء الله وراح
الجوهره:الحين وشلون بروح ناخذ تاكسي
ماجد :ليه تاكسي وحمد موجود
الجوهره:لا لا نركب مع خالد ولا نروح في تاكسي
ماجد وهو يعفس وجهه:مع خالد اموت ولا اركب معه
ريان :حتى انا ماابغى خالد
نوف:ماما ابى انام
نايف :حتى انا
جاء حمد ووقف بسيارته قدامهم وهو يسال:ماجد وش بلاكم وين سيارتكم
ماجد:خذاها عبدالمجيد وراح لخويه مسوي حادث
حمد: خلاص اركبو بوصلكم
الجوهره وهي ما تبغى تبين أي شي من اللي صار هزها ركبت هي وماجد وراء لان طلال كان جنب حمد وحطو ريان بينهم
طلال وهو مستانس انه يقدر يشوفها من المرايه الجانبيه ويبتسم ابتسامات انتصار وتحدي لها وهي تتجاهله وتسوي روحها مو شايفته ومو ملاحظه
نايف:ماما ابغى انام
الجوهره:تعال حبيبي وتخليه ينام في حضنها
ونوف طبعا لازم تقلده:انا بعد
خذاها ماجد:يله نامي اشوف
اما طلال ظل يسولف مع ريان والجوهره منقهره لانه يكلم أخوها هي بروحها تكرهه وما تبغى احد من اخوانها يقرب منه
وصلو البيت نزلو هي شالت نايف وماجد شال نوف وقبل ماتدخل لمحته يطالعها بنظره غريبه لفت وجهها ودخلت وماجد بعد ما شكر حمد لحق اخته
بعد ما تطمنت ان اخوانها في سرايرهم راحت تأخذ شور
طلعت من الحمام وراحت لاخوانها اللي لازم كل يوم تفقدهم قبل ما تنام
دخلت لقتهم نايمين باست كل واحد على راسه وتنهدت وتدعي ربها ما يحرمها منهم وطلعت
---------------------------------
في بيت ثاني رجعو
كل واحد على غرفته إلا خالد وصل خواته وطبعا طلع حق الهياته
أم خالد تدخل بعد بنتها غرفتها:ها وش سويتي
سحر:ما سويت شي
أم خالد:شلون يعني ما سويتي شي
سحر:يعني ما سويت شي
أم خالد بقهر:هجل ليه رايحه دام انك ما سويتي شي
سحر:سلمت عليه رد علي بنفس خايسه ما ادري على شنو عاد
أم خالد:مالت عليك يعني روحتك بدون فايده
سحر:أصلا هالحمد ما دخل مخي ابد ولا هو على هواي
أم خالد:مالت عليك وعلى هوالك وطلعت
ابتسمت سحر وفتحت شنطتها وطلعت الارقام الي جمعتها من الشباب في الملاهي وقالت في نفسها: خلنا نتسلى شوي
ورفعت جوالها على قولتها تتسلى
ماتدري ان يوم لك ويوم عليك أنتي تتسلين اليوم بكره تكونين تسليه لغيرك
اتمنى يعجبكم البارت
وتتوقعون هذي نهايه لقاء طلال والجوهره ولا هذي البداية
ولا تحرموني من تعليقاتكم على البارت
وهذا
البارت السادس
ان شاء الله يعجبكم
صحت قبل الظهر بشوي خذت لها شور يصحصحها ونزلت سمعت صوت أخوها يسولف زي عادته لامها قبل ما تدخل سمعت اسمها
علي:عاد يايمه لو تشوفين وجهها لما نزلنا من اللعبه تقولين طالعه من فلم رعب الوجه اصفر والحاله حاله
أم علي:هووووو ودلول وش لها بها الالعاب دام انها تخاف
علي:اللقافه اللهم يا كافي
أم علي:هذي دلول ما تترك حركاتها
علي:بس يمه شكلها هههههه يموت من الضحك
دخلت عليهم معصبه من أخوها اللي فاضحها ويعيب عليها:من اللي شكله يموت من الضحك
أم علي:أنتي قمتي يا بنيتي
دلول:ايه يمه توني صاحيه ...والتفتت على أخوها :ما قلت لي من اللي شكله يموت من الضحك
علي توهق:ها..اي هذا واحد من الربع مسخره
دلول وهي تهجم عليه:انا واحد من الربع
علي وهو ينحاش:نحشه
دلول:لو انك رجال خلك مكانك
علي:الهروب نص المرجله
ويركض وهي تركض وراه
أم علي :بس ياعيال ياربي كل ما أقول كبرو وعقلو يطلعون أردى من قبل
دلول :تعال والله لاوريك
علي:لو تموتين ما تصيديني
ويدورون حول الطاوله
دلول:يا معفن تفضحني عند أمي
أم علي:وش يفضحك الله يهديك قاعد يقولي عن الروحه
دلول:لا هذا نشر غسيل وبعثرة كرامه
أم علي:وش كرامته ...وتحب يدها وتتحمد:يالله لك الحمد والشكر
علي:يمه ماتدرين ان بنتك عليها قلة عقل
دلول:انا خبله ...وتركض وراه:تعال يا الخايس
علي يفتح باب الفله ويطلع للحديقه:إذا فيكي خير الحقيني
دلول توقف عند الباب وهي تلهث :مصيرك بتجي واوريك ...ورجعت لامها
أم علي :اتركيه عنك بس
دلول:اعلمه انا بعدين ....يمه قولي للخدامة تجيب لي شي أكله بروح اكلم الجوهره وارجع
أم علي:قبل ما تروحين ابغاكي في موضوع تعالي اقعدي جنبي
دلول وهي تقعد:عسى ماشر يالغاليه
أم علي:ماشر بس في ناس متقدمين لك
دلول:يمه أنتي تدرين إني ما ابغى أتزوج
أم علي:ليه يايمه ترى عمرك صار 21 سنه منتي بصغيره
دلول وهي تعرف كيف تغير موقف أمها وتتمسكن:يمه انا ما ابغى ابعد عنك تعرفين إني مالي غيرك
أم علي بحنيه:يا بنتي كل بنت مصيرها الزواج
دلول:يمه انا أصلا ابغى أكمل دراستي وبعدها زوجيني مثل ما تبغين إلا إذا مستعجله على الفكه مني هذا شي ثاني
أم علي:لا والله يا بنتيتي أنتي واخوكي نور عيني اللي أشوف فيها
دلول:خلاص يمه مادام كذا لا عاد احد يجيب ذا الطاري مره ثانيه
أم علي:بس يا بنيتي
دلول تقاطعها:لاحقه على الزواج وعلومه
أم علي:لا حول ولا قوه إلا بالله
دلول وهي تبغى تقلب السالفه على أمها:يمه أنتي ليش ما تعرسين
أم علي:هو هو أعرس بعد ذا العمر
دلول:أي عمر أصلا لما نروح أعراس يفكرونك أختي مو أمي حتى مره من المرات جاتني وحده وسألتني إذا أنتي متزوجه ولا لا علشان تبغى تخطبك لآخوها
أم علي وتسوي روحها معصبه:استحي على وجهك يا بنت
وقمت وراحت المطبخ وصارت دلول تضحك وهي تردد في نفسها :الله لا يحرمني منك يارب
دخل علي وهو يطل برأسه ويبتسم :خلاص دلول ابغى ادخل خست برا
دلول طالعته ولا عطته وجه وراحت عرفتها
دق جوال علي :هلا وغلا والله
ماجد:هلا فيك وش الأحوال عقب فله أمس
علي:ههههه تمام التمام
ماجد:المهم انا داق أقول لك ترى الجمعه اليوم عندنا والشباب كلهم بيجون وأنت والأهل معزومين
علي: بالنسبة لي اوكي بس الوالده و دلول ما ادري اصبر اسأل خلك على الخط
ماجد:طيب
صعد الدرج وراح لغرفتها طق الباب
دلول وهي قاعده على اللاب توب:ادخل يا عليوي
علي يدخل رأسه:يا لبى الحلوين الرايقين
دلول:عطني من الأخر وش عندك
علي:عاد دلول لا تزعلين تدرين إني ما اقدر على زعلك
دلول ابتسمت وهي عارفه أخوها ومزحه وما تقدر على زعله :انا أصلا ما زعلت وآنا اقدر ازعل على علويتي
علي وهو يضحك :فديت قلبك والله
دلول:آمر وش بغيت
علي:ما يأمر عليك عدو بس بسالك أنتي وأمي بتروحون مكان
دلول:أمي ما أظن وآنا بروح مع الجوهره لسوق العصر بس ليش تسال
علي:ابد بس ماجد داق علي ويقول العشاء عندهم
دلول:انا بروح مع الجوهره وبرجع معاها لبيتهم
علي:طيب خلاص ....وقبل ما يطلع:دلول
دلول :نعم
علي:ترى بطلع مع ربعي إذا سئلت عني أمي ولا تنسين تقولين لها عن العزيمه
دلول: طيب حبيبي بس انتبه على نفسك
علي وهو ياشر علي عيونه:من عيوني ..وطلع
رفع السماعه لأذنه وماجد لحد الحين على الخط
علي:الو ...الو
ماجد:لا رد
علي:الو ماجد انت معاي
ماجد:ها..ايه معاك
علي: وين رحت
ماجد:مارحت مكان معاك بتجون
علي:ايه بنجي ان شاء الله
ماجد:طيب توصي بشي
علي:سلامتك
صكر التلفون وراح لربعه
_______________
صحت من النوم علي صوت جوالها يعلن عن مسج قامت ورفعت الجوال شافت المسج
ابتسمت بحب يا الله وش كثر تحبه الله لا يحرمها منه وقعدت تدور على مسج حلو وأرسلت
عبير في نفسها :خلاص طار النوم قامت تأخذ لها شور وتنزل تحت مع ان مافي احد في البيت يجبر الخاطر
&&&&&&&&&&
قامت على صوت رنين الجوال المزعج وردت بدون ما تشوف
الجوهره بصوت كله نوم:الو...
دلول بصوت عالي:جوجو
الجوهره قامت خايفه :وش صاير
دلول:وش احوالك بعد امس
الجوهره تزفر:يادبه خوفتيني على بالي في شي صاير
دلول:افا انا دبه وآنا اللي داقه اتطمن عليك
الجوهره:الحمد لله انا بخير
دلول:الحمد لله.....وتذكرت: أي صح ترى العصر ماره عليك علشان نروح السوق
الجوهره:اوكي
دلول:تدرين أنك حماره
الجوهره:نعم
دلول:ايه حماره وشلون تهملين بنفسك وأنتي عارفه ان بنيتك ضعيفه وأنتي من النوع إذا اهمل اكله يتعب
الجوهره:تكفين دلول بلا محاضرات
دلول:هذا جزاتي خايفه عليك
الجوهره:دلول ترى الحنيه مو راكبه عليك كلششششش
دلول:اوريك تسخرين من مشاعري النبيله
الجوهره:ههههه أقول عن العياره يالمتنبي
دلول:هههه يالله صحصحي وتغدي عدل ما لي خلق إسعافات أوليه في المجمع
الجوهره :اوكي
دلول: تشاو
الجوهره:مع السلامه
قامت تأخذ لها شور وتنزل لان أكيد خالتها موجوده تحت في ذا الوقت
جالس يراجع الاوراق دخل عليه السكرتير الخاص فيه
محمد:طال عمرك
طلال وهو ينفخ السيجاره:نعم وش بغيت يا محمد
محمد:المعلومات اللي طلبتها ..وحط الملف على الطاوله
طلال:اوكي خلاص ..واشر له يروح
طلع محمد ورجع طلال وطالع الملف وهو يبتسم فتح الملف وقعد يطالع لمعلومات باهتمام
وهذي البداية والله يستر من اللي جاي
&&&&&&&&&&
طلع من المحكمه فرحان بس تعود ان تعابير وهه تظل جامده ماتبين بشي مهنته علمته يكون جدي في اغلب الاوقات دخل مكتبه وهو مرهق بس فرحن انه ربح القضيه وقدر ينصر مظلوم وياخذ له حقه رفع السماعه
فيصل:سالم جب لي قهوه
سالم :ان شاء الله بس
فيصل عقد حواجبه:بس ايش
سالم:في بنتين مصرين انهم يقابلونك
فيصل استغرب:بنتين
سالم: ايه
فيصل بعد تفكير:اوكي خلهم يدخلون
انفتح الباب ودخلو اشر لهم يجلسون جلسوا بس لاحظ انهم مو لحالهم كان معاهم طفله عمرها ما يتعدى الثلاث سنين
في مكان ثاني في مكان يدل على الفسق كان نايم عند صديقه صحى وهو ماله خلق احد طلع الصاله قعد مع صديقه
سعد:وش فيك الحاله زفت
خالد:مالي خلقك ترى
سعد:وليش ان شاء الله اشوفك أمس فالها مع الحلوات
خالد: انت أمس شفت اللي انا شفته
سعد:وش شفت
خالد:ميساء
سعد باستغراب:أي ميساء
خالد:ميساء اخر وحده من اللي قلت لهم الاسطوانة المشروخة وبعدها ذبيتها
سعد تذكر:ايه ميساء البنت المزيونه
خالد:قصدك اللي كانت مزيونه الحين ماتنفع بضاعه قديمه
سعد:هههه ليه انت ما دريت ان البنت احترفت هالمجال من بعدك
خالد رفع حاجبه بسخريه:لا والله
وسعد:ايه البنت من حفله لحفله خربتها
خالد: هههههه هي أصلا وحده مختربه من البداية بس بغت من يفتح عيونها على حقيقتها
سعد:انا ما ادري من وين تطيح على هالمزايين
رن جوال خالد:اف وش يبغى الشيبه
سعد :رد شف وش يبغى منك
خالد:هلا
عبدالمحسن(ابو خالد):لا هلا ولا مسهلا وينك طاس فيه يا الهايت
خالد مل من نفس المحاضرة كل يوم بعد التلفون عن اذنه لحد ما يخلص ابوه كلامه ورجع التلفون
:امر
عبدالمحسن:ابغى اشوفك في الشركه بعد 5 دقايق
خالد بدون نفس:طيب ... وبعد ماسكر:بروح اشوف ذا الشيبه وش يبغى
سعد:ههههه روح الله يعينك
وقام ياخذ له شور ويغير ملابسه ويروح لابوه
&&&&&&&
نزلت لأمها اللي تتفرج على التلفزيون سلمت لكن كالعاده ماترد عليها جلست بس مايأست
عبير:يمه ..انا ..انا اليوم معزومه
أم خالد:عند مين ان شاء الله
عبير:عند خالتي أم عبد المجيد
أم خالدلفت لها معصبه:أقول انثبري وان شفتك رايحه حشيت رجولك حش
عبير: بس يمه
أم خالد :انطمي بس خليني اتابع المسلسل ابرك منك ...ايه والله هذا الناقص بعد
عبير قامت لغرفتها وهي متضايقه ليش أمها تعاملها غير عن سحر ليش هي غير كأنها مو بنتها
دق تلفونها حست كأنه داق بوقته كأنه حاس فيها وبضيقتها بس لا ما راح تضايقه
عدلت صوتها
عبير:الو
عبدالمجيد:احلى الو سمعتها في حياتي
عبير:ماردت
عبدالمجيد:اموت على الخجل والله افداه بروحي
عبير:لا رد
عبدالمجيد:بتظلين ساكته مده طويله
عبير:انت السبب
عبدالمجيد بضحكه:انا مالي ذنب
عبير:لا والله وكلامك
عبدالمجيد ببرائه:وش فيه كلامي
عبير:انت عارف
عبدالمجيد:ايه عارف إني ميت فيك وأنتي حياتي وروحي
عبير: سكتت كل مره يغلبها
عبدالمجيد: ليش ساكته عبورتي
عبير:ما اعرف ايش أقول.... وتذكرت امها وتنهدت
عبدالمجيد:عبوره فيك شي
عبير:لا
عبدالمجيد:عبوره انا ادري ان في شي مضايقك قولي لي
عبير:لا تشغل بالك مو كل مره تتصل علي اضايقك
عبدالمجيد بنبره جاده :عبير لو ما قلتي ترى بوقف قدام بيتكم وبفضحك
عبير خافت يسويها خصوصا انه سواها من قبل: لا خلاص بقولك
عبدالمجيد:قولي أسمعك حياتي
وقالت له كل السالفة
عبدالمجيد وهو معصب من معاملة مرة عمه لحبيبته:ما عليكي منهم حياتي ولا ابغاكي تاخذين في خاطرك وان شاء الله لما نتزوج بعوضك عن كل ذا بس أنتي لا تزعلين ولا تتكدرين
عبير:عبدالمجيد
عبدالمجيد:روحه
عبير:احبك
عبدالمجيد:ها وش قلتي
عبير:سكتت
عبدالمجيد فرحان لأنها نادرا ما تعبر عن مشاعرها لأنها خجوله درجه اولى:يا ويل حالي انا
عبير تضحك وكملو سوالف
&&&&&&&&&&&&&
نروح للي مشغول باله
قاعد في غرفته ويتذكر مكالمته لعلي ودلول وطريقتها في الكلام معقوله ذي دلول أم لسان
معقوله اللي سمعتها تكلم علي هي .تذكر مره علي لما قاله ان دلول صق لسان وخبال وقلق بس هي حبوبه وقلبها ابيض وحنونه كل شي جايز بس يالبيها وهي مروقه غير ياحليلها استغرب من نفسه وضحك على عمره معقوله هو يمدح دلول اللي طول عمره ملاسن وياها
رجع للحاضر على صوت إزعاج بوري سياره طل من البلكونه شاف سيارتها ضحك لازم ينزل يطفشها مثل ما تعود يمكن يبغى يمحي فكرة ان دلول حبوبه وما يبغى في عقله غير دلول أم لسان العصبيه
نزل وفتح الباب بصراخ:وش ذا الإزعاج يعني الناس ماتعرف ترتاح
دلول من الدريشه:من جاء يمك أصلا
ماجد:وآنا أقول وش ذا القلق اثاريه أنتي
دلول:والله القلق جاي من وجهك يا ابو وجهه يسد النفس
ماجد:ههههههه أصلا أنتي منقهره مني لاني وسيم وما اعطيكي وجهه
دلول بضحكة سخريه: ههههه احلف بس بموت انا ..وتاشر بيدها :وع
ماجد:ياشين الغيره خصوصا من الناس الجكر
دلول عصبت:والله الجكر ماجاء إلا من وجهك اللي ربي ماعطى حلاه
ماجد يتكتف ويتسند على الباب:من الحره والله
دلول بدلال:انا اموت حره لا حبيبي ان الحلا كله عندي بغينا دلع موجود بغينا جمال موجود بغينا ذرابه موجوده
ماجد يطالعها وفي نفسه :يالبيكي إذا روقتي بس طبعا مستحيل يعترف
ماجد:عاد الذرابه لا واضح
دلول قلبت عيونها :سليم دق بوري (سليم السواق)
سليم:جين ماما
دلول:ماما في عينك يا ثور
ماجد:ههههههههه
الجوهره وطالعه من الباب: غريبه وش عندكم اشوفكم تسولفون ان شاء الله دوم
دلول:وع هذا اللي ناقص أقول اركبي بس خلينا نفتك من لوعة الكبد
ماجد وهو يبغى يقهرها:الصراحه يا الجوهره دلولتي سوالفها عسل ما ينمل منها
دلول طلعت عيونها:مالت عليك وعلى دلعك اللي مثلك اعوج
الجوهره ركبت وهي تبغى تفتك من هواشة كل مره
ماجد وهو يشوف السياره تشتغل علشان تتحرك:دلولتي لاتتاخرين ترى بنشتاق لك
دلول:اشتاق لك الجرب ان شاء الله
ماجد:ههههه بعد عسل
صكت الدريشه وهي مفوره منه والجوهره ساكته لأنها عارفه لو تكلمت بتنفجر فيها
______________________
صحت زي العاده اخر الناس شافت جوالها كله اتصالات ومسجات لمحت بين الاتصالات اسم سماهر
اتصلت على طول:الو
سماهر:اهلين مابغيتي
سحر:اخلصي علي وش عندجديد
سماهر:اليوم حفله وفله
سحر:وين ومن فيها
سماهر:في شارع (...) عمارة(....) شقه رقم 3 واللي فيها من النوع اللي يحبه قلبك
سحر:خلاص عرفت العنوان
سماهر:اوكي بانتظارك الليله
سحر:اوكي وصكت وراحت تأخذ لها شور
(سماهر بنت راعية خرابيط وهي اللي ترتب الحفلات وتتصل على سحر يعني بالمختصر صديقة سوء سوء سوء ومصلحتها فوق كل شي)
&&&&&&&&&&&
دخل الشركه وهو نفسه في خشمه طنش السكرتير اللي ينادي ودخل على ابوه وعمه بدون ما يطق الباب
وقعد:هذاني جيت نعم
عبدالمحسن(ابو خالد):اخيرا شرفت وش ابغى يعني ابغاك تقابل الشغل
خالد بدون نفس ويحك راسه:ان شاء الله
عبد الرحمن (ابو فيصل):يا وليدي قابل الشغل وساعد ابوك ترى الحلال هذا كله لك ولاخوانك
خالد في نفسه:اووووووف اسطوانة كل يوم مايملون هالشيبان
خالد ويبغى يسكته:زين ...زين قام وطلع وأبوه وعمه يهزون رأسهم أسف عليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك