رواية شقائق النعمان -62
محمد: هههههههه حطت عليك..ويخبطها على راسها ..استحي ونزلي يدينك
خالد: ههههههههههههه والله العظيم انتي فله وين كنتي عني من زمان
محمد: ههههه هذى اخرة الي ما يبي العرس انخبل
منى: انت الخبل مهو هو .... بعد من قدامي ابي اروح
خالد: لا.... وش بتسوين يعني اذا ما بعدت
منى: عصبت عليهم : بعدوووو ...وبكيت كله منك انت السبب ....وتكلم محمد ...بعد عني معد احبك قال شبيهي قال
محمد: ههههه انتي الي شبيهتي ومحد قلك تجين بعدي
خالد: منى خلاص روحي البسي وتعالي ماصار شي وترا الي عليك يهبل
منى: قهرها محمد بصدق وبصوت باكي : بعد ايش.. وتجلس بعصبيه .. ما ابي اروح خلاص وانت اطلع لا شوفك بردها لك صدقني
محمد:ههههههههه والله انك قمر خالد اطلع روح المجلس الي برا ما تسمعها تبيك تروح
منى: وشهو انت الي تروح مهو هو
محمد: ههههههه طيب ردتيها وطردتيني
منى: لا بعدي بردها لك
خالد: يجلس عندها ويمسك يدها : ليه العصبيه الحين عشان لبس انا كل يوم بجي اشوفك
محمد: لا والله وش رايك تبات عندنا
خالد: تسوى فيني خير بدل الروحه والجيه
محمد: ريح راسك وخذها معك
منى:تحسست من كلمته ودموعها على خدها : لا والله قول مثل امي بعد هو بيجلس بهواه انا اروح لا
محمد: عينه على خالد ويجلس جنبها وهي تبكي صدق كسرت خاطره : منى كلها اسبوعين وبتروحين معه حاولي تاقلمين نفسك على هـ الوضع من الحين
خالد: محمد مهو وقته هـ الكلام (لانه البارح حس انها مهي متقبله بعد انها بتبعد عن اهلها )
محمد: لا ياخالد خلها تستوعب انها بتخرج من هـ البيت
منى: غطت وجها بيدينها وتبكي : لا ما ابي اروح عن امي هو يجلس عندي
محمد: ياشرله بمعني شفت ما قلت لك: ليه وافقتي تزوجين اذا ما تبين تروحين عن خالتي
منى: امي اقنعتني
خالد:حبيبتي كيف تبين تكملين دراستك برا
منى: تمسح دموعها وتناظر فيه : من قال بروح لوحدي باخذ امي معي
محمد: ههههههههه وشلون بتاخذينها وابوي يجلس لوحده
منى: يروح معنا
خالد: و انا وين بكون
منى: عادي معنا
خالد: هههههههههههههههههههه امرى لله زين انك ما حذفتيني من القائمة وضمتيني معكم
محمد: ههههههههههههههه الله يعينك ويوقف تفاهم معها سلام
خالد: على وين وش عندك
محمد: خذ راحتك معزوم على عشاء عند اهل المدام
خالد: وعمي يبي يروح
محمد: هو معزوم بس مدري
خالد: اذا بيخرج خبرني مني بجالس فلبيت وانتم منتم فيه
محمد: زين وترى ماراح نطول اذا بتجلس وراح بيخرج
خالد: اذا منى بتعزمني على العشاء ما عندي مانع
منى:وترفع راسها : أكيد ولو
خالد: انتي بتطبخينه
منى: وشوووو لا عيوني عشان توجعك بطنك بطلب عشاء من المطعم
خالد: هههههه يعني اعتراف انك ماتعرفين تطبخين
منى: لا من قال اعرف بس وامي معي عشان تشتغل وانا اتفرج
خالد: ههههههههههههههههههه
محمد: لا تعب عمرك اذا بتطبخلك اندومي او تقلي بطاطس ورز ابيض واحيان محروق هههههه
منى: لا والله تتريق حضرتك ومرتك ماتعرف
محمد: وش عليك من المدام انا مابيها تدخل المطبخ انتي رجالك الي يباك تطبخين
خالد: من قال ابيها تدخل المطبخ
منى: تعايب بالسانها لمحمد : كشيمه
خالد: ههههههههههه قسم بالله انك طفله
محمد:ههههههههههه ولا راح تكبر
منى: تخبط خالد بيده : لا تتريق علي معه
محمد وخالد : ههههههههههههههههههه وخرج عنهم محمد ودخل الصاله
ابو محمد: وش فيك تضحك
محمد: عندك وحده مجنونه متي تبي تكبر ما أعرف
ام احمد: الله يعين مدري وش بتسوى لوحدها
ابومحمد: ترجع تعقل
محمد: خالتي استعدي تبي تاخذك معها اذا سافرت
ام احمد: الله يكون بعونا قلتلكم بعدها صغيره على العرس ما سمعتم كلامي وشلون بتفتح بيت وتكون مسؤله عنه
ابومحمد: لا تخافين عليها هي الحين عشان انتي معها بكره تعتمد على نفسها
ام احمد: الله يكون بعونها ...محمد روحو انتم ابوك مهو برايح ماني برايحه
ملاك: ماما حرام عليك كيف تبيني اروح بروحي
ابو محمد : لا بتروح معك ام احمد كيف تردين العزيمه انا لو ماني بتعبان كان رحت
ام احمد: زين اتصلي عليهم وشوفي هي فين اذا فبيت عمتك ماني برايحه
ملاك : اوكي
بيت يزيد:
يزيد: يعدل بشماغه عند التسريحه : ياقلبي يالله تاخرنا ..ويلف ويجلس عند عياله على السرير وهم نايمين
هند: لابسه جلابيه فخمه وخارجه من غرفه الملابس: زين كاني جيت بس البس عباتي .. وش تسوي فيهم ..وتقرب منهم وهم باجمل منظر بعينها ابوهم كاشخ وكانه معرس وجهه مثل البدر وعيالها بلبسهم الابيض وداخل عليه المخمل السماوي باطرافه مطرز وملبستهم قبعات مخمل
يزيد : بضحكه وهو يهمس : ضيعتهم من بعض قلت لك لا تلبسينهم مثل بعض ماعرفهم ..ويبي يفك ملابسه عشان واحد فيهم فيه شامه فبطنه
هند : مسكت يده : حرام عليك خله ينام الي معك مشعل وهذا مشاري
يزيد : وهو يناظرها وبخبث : ابي اعرف وشلون تعرفينهم وشلون
هند : ترد ترتب ملابس مشعل وتبعده عن ابوه : واضح الفرق بينهم بس انت ما تنتبه
يزيد : وين واضح ..سكت يوم شافها مهي معه وجامعه كفوفها
هند : خلصت قراءة المعوذات والاخلاص ثلاث مرات ونفثت بكفها ومسحت على عيالها وعلى زوجها وعلى نفسها
يزيد : سحبها و مسك يدها وهو يبوس باطن كفها : مثل ما وعدتيني ما تنزلينهم لناس وحد يشوفهم
هند : ياعمري الله بيحفظهم بحفظه احنا الي علينا نحصنهم وماراح انزلهم لناس لا تخاف مهو اني خايفه من العين لا خوف عليهم مابعد ردت صحتهم وما راح يتحملون انفاس والعطور..قوم عنهم لو بتجلس عندهم بتصحيهم
يزيد : وهو يوقف ويلف يدينه حولها : لا يكون غيرانه منهم
هند : وهي مبتسمه : حرام عليك بغار مثلك من عيالي شوف وش مسوي بخدودهم وتبيني اخليك
يزيد : ضحك بصوت وهي حطت يدها على فمه تكتم ضحكته بعد يدها وباس خدها : محد قلك تغطين رجولهم عني مهبله فيني رجيلاتهم من صغرها ودي اكلها
هند : وهي تقرص عينها فيه وبضحكه : بردها لك لا تداري عضتك لمشاري شفتها
يزيد : ههههههه ماعضيته بس هو حساس مثل امه مهو مثل مشعل
هند : ايه واضح ... وتبعد عنه وتحطهم بمهدهم المحمول وتلبس عباتها وهم نازلين دق الجرس
يزيد : حط عياله على طاولة السفره ..انتظري اشوف مين
الفصل التاســع و الاربـــ { 49 } ـــــــعــــــــون
" الأخير (1) "
نهآية الغيـث .. ~
يزيد : حط عياله على طاولة السفره ..انتظري اشوف مين وقرب من الباب سمع صوتها ابتسم وهو يفتح الباب : ياهلا بمزعجة عمها غريبه ماسيرتي علينا العصر
عامر : بضحكه بصوته : ايه مهبل فبنتي انت وعيالك... ويناظر فيها الي سكتت وهي مزعجته بصياحها ومهي راضيه تروح قبل تشوف النونو..هي روحي مع عمك ويعطيها عمها ويروح
يزيد : تعال وين مروح خذ بنتك تبيني اوصل وعيالي عيونهم رايحه منها
عامر يلف ويناظره وهو يضحك : تحمل سوات خبالك فيها انت وعيالك وياسواد ليلك لو زعلتها
يزيد : وهو يضحك ويبوسها : الحين انتِ يالنتفه تتحكمين برجال بشنباتهم وتمشينهم على كيفك ..ويلف يدخل وهي تضحك ويناظر هند الي تضحك عليه ..
شروق: تضحك وبصوت تردد وهي تصف : نونو ..نونو
يزيد: يقربها من عياله : ايه النونو حبيه ويدينك لا توصل عيونه ويقربها تسلم وهو ماسك يدينها ويرفعها ..هي هذى وش بيمسكها عنهم فالسياره
هند : تاخذها منه يلبي قلبها الحبيبه مافي مثلها بس انتم تئلفون عليها الحكي صح ياعمري
شروق : ترفع يدينها لعيون هند وبتحط صباعها تمسح الظل ومسكتها
يزيد : هههههههههه هذى الي نئلف عليها بتشيل عيونك بعد وياخذها وهو يضحك بنت عويمر وبعدين معك على عيون عيالي وحرمتي اهلك ماعندهم عيون تلعبين فيها ..وكشرت بوجها
هند : يزيد لا تصيحها هاتها خلها معي ..وبتريقه بنبرتها ..ولا جوك عيالك نسيت وش تقول عنها عيون عمها لحد يزعلها ..يوم شد نظره فيها ..امش خلنا نروح لا نتاخر
يزيد : بضحكه بصوته ويقرص خدود شروق : ايه وبعدها عيون عمها والا محتره منها
هند : بتسمت وترمش بعيونها وهي صدق تغار عليه بس مستحيل تخليه يفرح ويعرف بكثر غيرتها
يزيد : مروق اليوم مستانس على الاخر : يخرب بيت عيونك ياعلياء شو حلوين ..
هند : نقهرت منه بدل مايقول اسمها يجيب اسم غيرها و بدلع : منهي علياء ان شاءالله ؟!
يزيد : يغمز غمزه سريعه وبرفع حواجبه : حرمتى الثانيه
هند : ضحكت بصوت : الحمدلله اشوى تطمنت
يزيد : رد يناظرها ومهو داري وش القصه : على شنو ..؟!
هند : مستقبلي ..! وتغطت عنه يوم لمحته بعده ماستوعب ومشت قبله للباب
يزيد :شال عياله وهو يضحك وبصوت مرتفع فهم قصدها انه ياخذ له وحده داعي عليها بالخراب ماراح تعمر معه تنهد بداخله بحب يعشقها عشق جنوني وصلها و يهمس بحب : يخرب بيت عدوينك على افكارك يالغياره
نوره : تدخل الغرفه : مشاء الله وش هـ الزين وش هـ الحلا
مها : هلا والله وش فيك تأخرتي
نوره : سلمت وهي تدعي لها ربي يوفقها ويسعدها ويستر عليها بعد كل الهم الي صابها : ابد سلامتك اخوك ما رضي يوصلني وبعدين يروح يجيب الورد او يطلب توصيلها للبيت اصر يجيبها بنفسه من فرحته فيك واخذنا معه وهبلوا فينا البنات على الورد وكل وحده خرجت بتشكيله من المحل و زين الي شروق مهي معهم ولا خسرتنا ونتفته
مها: تنهدت بصمت مهقيت عامر فرحان كثر مهو مقهور مني وهو يجامل عشانك بس وما يبي يصغرني قدامك ما ضنيتك ما تعرفين اخوي بس بعد تجامليني مثله ابتسمت بصعوبه وقلبها مثقل من الوجع : ياقلبي عليهم قلت لك مهو بلازم ورد وانتِ اصريتي عليه
نوره : تمسك يدها وتناظر الحناء : يزين نقشها يهبل ...وترفع عيونها تناظرها وبعدين فيه عروس ماتبي ورد معها يكفي ما سوينالك قعده حلوه تقابلين الضيوف فيها
مها :اشاحت بنظرها تنهدت بداخلها ماتبيها تشعر بالحزن الي كل لحظه يزيد من خفقان قلبها وتوترها وهي تتنهد بالم اي عروس ضيعت فرحتى وسمعتي بتهوري جلست وهي ترد عليها : تعبتكم معي وما ابي اقابل احد وين البنات ياحبني لهم ماطلعوا معك
نوره : وشلون ما تبين تقابلين الضيوف بتقابلين اهله وانتِ رافعه راسك و لاتستعجلين على عمرك بناتي الحين يجونك بس جلسوا عند خالتي اسفل يسلمون عليها
مها: تنهدت بتوتر : من جا اسفل
نوره : اهل راشد بس
مها : وبتوتر واضح بنبرتها : كلهم
نوره : حاسه فيها وبكل كلمه تخرج منها واضح المها وحزنها بس ماتبي تبين لها انها فاهمه عليها وتزيد من توترها تبي تكون سند لها وترفع عزمها : وش فيك خايفه بس امه وخواته وثنتين من خالاته اذا بيجي احد ثاني بعد مدري... قومي البسي فستانك الحين تجي المصوره
مها: نزلت راسها آآه ينوره ياليت روحي طلعت قبل اليوم بلبس كفني بيديني وانا مسوده وجه ابوي و اخواني وشلون يشفونه علي شلون بعد سواتي فيهم قلبي بيوقف من كثر همي العروس تكون خايفه من كثر خجلها وانا لبست ثوب الهم بسواتي فهلي ..وراشد على كثر كلامه ودعمه لي قلبي ما كلني منه مدري وش اسوي بعمري ياليت قلبي يوقف ورتاح
نوره : وش فيك تعبانه ؟
مها : تنهدت بداخلها و بصوت مثقل من الهم و التفكير : لا...وبهمس ...الله يهديها مريم قلت لها مابي مصوره وش يفكني من نظراتها الحين ما خلصت من كوفيره تجيني هي
نوره: مها عادي مهو مبين حملك بالعرض و لا تنسين الفستان واسع وبعدين طنشي أي سوال منها لازم تردين عليها ومريم تبي شي تذكرين يومك فيه وتفرجينه عيالك
مها: انتِ ما شفتي الكوفيره طول الوقت تسئل عرس مين ومدري وشهو خجلت منها وابيها بس تسكت عني خبرتها انه فرح اخوي وهذى اول طله لي ابي مكياج عروس وترتني بكثر اسئلتها
نوره: معليك من احد و تكلي على ربك تعالي البسيه ونشوف
بيت ابو محمد
في الصاله
خالد : يسلم على راسه : كيف صحتك عساك بخير (خجل انه يجلس معها لوحده وابوها فيه فطلب منها الخروج عنده اذا لوحده)
ابومحمد: الحمد لله وش اخبارك
خالد : الحمدلله بخير ويجلس بجانبه
منى كانت واقفه فرحت بطلبه يخرج يجلس مع ابوها مهي عارفه كيف تجلس معه لوحده عكس ماكانت تتوعد امامهم : عن اذنكم بروح اجيب الشاهي.... وتروح
ابو محمد: يحط يده على فخذ خالد : كيف منى معك عساكم مرتاحين
خالد: الحمدلله عمي لا تشيل هم
ابومحمد: الحمدلله.... خالد وانا عمك انت عاقل ....وابيك تطول بالك عليها ...هي بعدها صغيره والله لو مهو ثقتنا فيك وعارفينك زين ما كان زوجتها الحين
خالد: ربي يسلمك عمي ...وان شاء الله بكون قد الثقه الي اعطيتني هي .....و بحافظ عليها
ابو محمد: الله يحفظك هذا عشمي فيك
خالد : وبثقه بالغة الحدود : عمي بغيت اطلب منك طلب ويالت ماترد طلبي
ابو محمد: امر يابوك
خالد : ما يامر عليك عدوا ولا ظالم بغيت اكلمك بابتعاث منى ابيها تروح على حساب الدوله محمد بلغني انه انت بتدرسها على حسابك وانا ماني بحاب هالشي
ابو محمد : يابوك مايصير هالشي الخير واجد من فضل ربي اقدر ادرس بنتي وخلي مكان لغيرها هو محتاج يتعلم
خالد : بس ياعمي ماني بحاب هالشي وانا من البدايه مكلم محمد وضنيته انه بلغك والحمدلله نسبتها تاهلها انها تكون مبتعثه الحين امر الابتعاث ميسر مهو مثل قبل وانا ماعزمت على العرس الا و ابي اتحمل كل شي فيه
ابو محمد : وهو رافع راسه فيه وبكل كلمها قالها : والنعم فيك وفهلك يابوك مهو مقصدي اقلل من قدرك وسوي الي تبيه بس ابي منك وعد اذا منقبلت ونظمت للبعثه انا اتحمل كل مصاريف دراستها.... ونفقتها الشخصيه وكسوتها عليك حقك هالشي ماني بمعصيها عليك ومدخل بموركم
خالد : حب راسه : ابشر اوعدك وربي يسهل امورها
منى: دخلت عليهم وستغرب صمتهم حطت الشاهي : يبه تبي شاهي احمر ولا اخضر
ابو محمد: ضيفي رجالك اول
خالد: ولو ياعمي انت الخير والبركه وما يتضيف الولد قبل ابوه ولا انا غلطان
ابو محمد: يبتسم : لا منت غلطان ياولدي
منى: رفعد نظرها لخالد وبتحدي : وييي ليكون بتسحب ابوي بصفك الحين وبتبين انك مطيع وطيب ... يبه لا تخليني اغار منه تراني انا بنتك مهو هو اكيد بيقص عليك
ابو محمد:ضحكته حتى وهي قدام رجالها ما بتعقل : انتي متي بتبطلين هـ الغيره الي ما فيه احد من اخوانك مثلك
خالد: ضحك مايغفل عن شي من تصرفاتها خبله خجلها يبان برمشت عيونها وتغير لون وجها لكن مايهمها تقول الي تفكر فيه ع طول ع لسانها : هههههه اذا بتغار عليك لها حق
منى: اعطتهم الشاهي وصبت لخالد شاهي احمر وقربت منهم المعجنات وهي تقلد جدتها : يعلني فدى راس ابو محمد هو فيه مثله بين الرياجيل ياجعل حسه دوم وصيته بين العرب بكل وقت وحين هو لوفيه منه ميه كان انصلح حالنا .... و تجلس جنب ابوها من الجهه الثانيه
ابو محمد: ما قدر يمسك عمره من خبالها ههههههههههه انتي متي بتعقلين
خالد : يضحك وياشر لها صبرك انا مثله
منى: تهمس لأبوها يبه حرام عليك الحين انا مني بعاقله لا تشمته فيني شوف وشلون يضحك ..وكملت بقلبها ياويل حالي ياليتك مثله يعلني كل يوم اشوف ضروسك وش زينها
ابو محمد : يهمس لها : ياتجلسين عاقله ولا اطلعي عند اختك
خالد : كمل وهو مبتسم : مهقوتي بتعقل ابد
منى : ميلت تشوفه وبقهر : ليه قالوا لك مخبوله ابوي يقول الي يقوله عني هبيله مجنونه انت لا
ابو محمد : بحده وشد نظرته فيها : بنت
خالد: معليك منها ارويها بعدين وشلون لا
منى: وقفت خافت من ابوها وقهرها خالد الي يضحك عليها وبصوت منخفض خايفه من ابوها بس ماتقدر ماترد عليه وتخليها بقلبها : لا والله وش بتسوى يعني وتهدد قدام ابوي بعد يبه سامع وش يقول ..(سكر ضروسك زين هبله الي توني ابي اشوفها وهو بيتحكم فيني على كيفه هو )
ابو محمد:ضحك بداخله بس مابين لها وبحده : قومي وبطلي خبال وروحي خليهم يسون العشاء
خالد: عمي اذا تسمح خل العشاء علي بجيبه
ابو محمد: لا وانا عمك عشاك معنا اليوم ومتى ما حبيت تجينا بعشاك حياك الله ماني برادك
منى: ايه تري مهو أي عشاء تجيبه عشانا سبشل
ابو محمد : ناظرها بحده
خالد:يضحك بقلبه على ربكتها من نظرة ابوها
منى: طلعت مع الدرج وهي خايفه من ابوها ونظرته
ابومحمد: الله يهديها ويصلحها مدري كيف بيكون البيت من غيرها
خالد: الله يطولنا بعمرك ويخليك لنا و بتشوفها عندك كل اجازه ماراح خليها تغيب عنك
في السيارة
محمد: وقف عند الباب :اذا خلصتوا اتصلوا بمشي بعد العشاء
ملاك: ليه ياعمري انت اذا حبيت تمشي اتصل نروح معك شو رأيك ماما
ام احمد: ايه لا تروح وترجع وتعب عمرك ما نبي نطول
محمد: انتم اذا تبون تجلسون معهم جلسوا انا بسمر مع العيال قريب من هنا
ام احمد: لا محنا بمطولين بنسري معك اذا سريت
محمد : زين يالله هذا الباب قدامكم ويمسك يد ملاك الي جالسه فالخلف حطتها على كتفه قبل ما تنزل حبيبتي اذا صار أي شي اتصلي علي(شايل هم عمتها و مشاكلها )
ملاك: من عيوني ياروحي ... وتنزل تلحق امها ودخلوا البيت وستقبلتهم مريم وخلود وعرفتهم على اهل راشد وام راشد خجلت لما شافت ام احمد وفتكرت الموقف الي صار بالعرس وجلست تحاسب نفسها ان الي صار لولدها ومرته عقاب من الله على الي سوه
بهـ المسكينه...
ام احمد : سلمت على ام راشد ولمحت نظرة الاسف بعيونها ..الحمد لله كما ينبغي لجلال وجه وعظيم سلطانه ما ضاع حقي وانا متكله عليك يارب ورديت لي حق بنتي بالدنيا مابي منهم شي بالاخره الله يغفر لهم
بعد ما الكل وصل من خالات راشد وعماته وبناتهم لانه عازم الكل
بعد ما تعشو الرجاجيل
يزيد كلم راشد عشان يدخل
مها: وهي خايفه :مريم امنتك بالله بطني واضح
مريم: مها وش فيك هاذى عاشر مره تسئلين صدقيني مهو ظاهر مع الفستان مهو مبين أي عيب بجسمك (فستانها انبير مشغول تول مع ساتان ومن اسفل تول واسع مع تدخيلات من الساتان ونافش من اسفل بعدة طبقات مهي مبينه انها حامل و الطرحه طويله و مفروده على الشعر )
مها: مريم ما ابي انزل لهم نوره تقول المجلس مليان كل خالاته وعماته فيه
خلود: تدخل : اللهم صلي على محمد... ما شاءالله الله يستر عليك دنيا واخره وتسلم عليها
مريم : وعليه الصلاة والسلام زين انك جيتي خايفه تنزل
خلود: مازالت تشعر بخجل من مريم والتعامل معها غير عن مها حتى بالرغم من طيبة مريم لها رهبه في تعاملها تقبلت مها كبنت لها بس مهي قادره تحتوي مريم مثلها لصغر مها ومشكلتها خلتها تتقرب منها وتحس بألمها وجرحها مع انه مها بالبدايه مهي متقبلتها بس يوم شافت طيبتها حترمتها حتى وان ماوصل للحب نفسه و مريم هي الي كانت متقبله خالتها اكثر لانها كل ماشافت ابوها تشوف بنظرته اعتذار واسف عن زواجه من ثانيه على امهم حتى لو ما نطق لسانه كانه يهمس لها يابوك صبرت كثير ومعد لصبر مكان عليها ودي اعيش مع الي تعزني لا طحت على فراشي ولا تذلني وتكسرني بقسوتها ...
: يزيد توه مكلم بيدخلون الحين بس تعالي بحصنك و انتِ بعد حصني نفسك
مها: الدموع بعينها تمنت تسمع هـ الكلام من امها حضنتها : الله يخليك لنا خالتي
خلود: بعد ما حصنتها : ويخليكم لي انتم بعد يالله حبيبتي لا يدخل ابوك وانتِ ما نزلتي
مها: نزلت ودخلت في الغرفه الي كانت فيها هند يوم ولدت مجهزه لهم بيتصورون فيها بعيد عن المعازيم ولها باب جانبي
دخل ابو عامر معه راشد و يزيد وبعد ما باركوا لهم وصوه عليها خرجوا
مها : الم عظيم اعتصر قلبها وتجرعت مرارته لعد دخول عامر تمنت تشوفه معهم لو لمحه فقط بس تشوف طرف ثوبه مثل ما ناظرت ابوها ويزيد وراسها منكس لا تتحمل رفعه والنظر اليهم دون ان تنهار
راشد: يشعر بشي ناقص لا يعلم ماهو شي فاقده ليس مكتمل الليله حتى ضحكته يضحكها مجامله ونظرات عامر كانت كالسهام له قبل دخوله : باس خدها مبروك حبيبتي الله يجعل ايامنا كلها سعاده وصفاء
مها: مسكت بيده : امين
راشد: ليه هـ الدموع والخوف ياعمري
مها: ما ابي اخرج عندهم برا انت ليه عزمتهم كلهم
راشد: يبوس يدها : ابيهم كلهم يشوفون هـ القمر الي معي وام ولدي
مها: ظاهره بطني مريم تقول مهو بواضح
راشد: يبتلع ريقه بصعوبه ويبتسم وهو يناظر جسمها لا يشعر باي حنان نحو ابنه ولكن يجبر لسنانه ان يقول العكس : يابعد قلبي عليك وعليه ويلف يده على وسطها حرام عليك مهو مبين هـ الصغيرون
مها: بتخرج معي ما ابي اكون لوحدى عندهم
راشد: ويمسح خدها بنعومه : اسف انتِ بتخرجين لهم وانا بنتظرك فالسياره لين تخرجين
مها : وصدرها يرتفع بوضوح مع توترها : شلون ؟! ليه ماخبرتني ليه عازم اهلك كلهم وانت ماتبي تواجهم
راشد : بنبره صارمه : هذا عشاك انتِ عشاي سويته قبل واجهت الرجاجيل والكل وانتِ اعتذرتي عنه
مها : ناظرت فيه ودمعتها بعينها ومهي بفاهمه هو وش يقصد من حركته فيها ..لفت تشوف المصوره الي كلمتها تصورت كم صوره معه وخرج عنها
بيت ابو محمد
مي : جالسه بالصاله الي فوق : وش عندك خالد راح
منى: وهي تتافف : لا
مي: وش فيك ؟
منى : خليه يجلس مع ابوي ماني بنازله يخلي ابوي يعصب علي
مي : ناظرتها وهي مبتسمه : وش مسويه الي يعصب عليك
منى : ماسويت شي..وتضحك وتحرك حواجبها .. بس انا رويه الدب لا اقهره اصبري علي بروح اكشخ وحرق اعصابه
مي : ضحكت : بنت اعقلي كل شي الحين تسوينه محسوب عليك تراه زوجك
منى : ياقلبي يا مي تراني ماني خجلانه مثلك منه بس مدري ليه احب اكايده ورد عليه اذا كنت مع ابوي ومحمد
مي : ياويلي منك هذا ومالك يوم بتهبلين فيه بحركاتك اعقلي ترا عرسك بعد اسبوعين لا يرميك ويقول خلوا بنتكم عندكم لين تعقل
منى : هههههه ياعمري قصدك يهجر اهله ويعيش معنا تشاو بروح اكشخ وترسلها بوسه فالهواء
ملاك :كلمت مريم تبارك لمها بالنيابه عنها لانها بتخرج بس مريم طلبت منها تنتظر ودخلتها بعد خروج راشد وهي خارجه كانت صدمتها كبيره يوم كانت عمتها بوجها عند الباب الخارجي قبل تغطي وجها
ام عامر : بنظرة حقد وقهر :فرحانه بشرفك يابنت انوار وجايه تتشمتين فينا
ام احمد : من خلف بنتها بنبره صارمه و صوت منخفض: مهو بحنا الي نتشمت بحد ..والله يرد كل كيد بنحر الي يريده ..وتسحب بنتها وتخرج
مريم:بصدمه كبيره ابد ماضنت لو واحد بالأميه انه امها تحضر بيت طبينتها حتى يوم شاورها عامر انه يخلونه بفلتهم عندها رفضت وقالت ماتبيها ولا تبي تشوفها هلا يمه حياك وتسلم على راسها
ام عامر : بنظرة قرف للبيت تمنت ان معها نار وتحرقه بهله الي فيه وبحده بنبرة صوتها وهي هامسه : وين اختك ؟
مريم : بعدها بالغرفه حياك يمه ..دخلت معها والصاله ماكان فيها احد
مها: بفرحه يوم لمحتها عند الباب وهمست : امي
نوره : وهي تعدل لها الطرحه قبل ماتخرجها للمجلس : وش فيها عامر يقول مهي بجايه
مها: فرحانه وتضحك :شوفيها امي جات
نوره : تلف وبصدمه صدق عمتها وداخله بكل ثقه بعد : وشهو
ام عامر : بخطوات ثقيله تحس فيها رجولها تنغرس بالارض ومهي قادره ترفعها لكن تبان للي يشوفها انها خطوات ثقه برفعتها لراسها وانفها الشامخ
مها: الدموع بعينها شتاقت لها تبيها تسامحها وتصفح عنها عشان تبدأ حياتها صح وقربت منها وهي تسحب رجلها بثقل تبي تسلم عليها
الكل التفت وبصدمه وعم السكون للحظات الغرفه
ام عامر: تعطيها كف ثاني وتصرخ بقهر يخرج فيحه نتن من بين حروفها هاذي بنتها الي دوم تفتخر فيها بين النسوان هي الي كانت صوره منها وتتمني تشوف فيها الشي الي تمنت هي تحققه وتعيشه من صغرها لكن عكست كل امالها محروق قلبها وزاد حرقه بشوفة انوار وهي خارجه : ولك عين تلبسين فستان وتطلعين بعد ما فشلتينا قدام الناس شوفيهم وشلون جاين يضحكون عليك واولهم بنت خالك وامها الي زيك المفروض تندفن وتموت
نوره ومريم وقفو بينهم و مها مسكت بمريم وتبكي ماتبي تسمع احتقار امها وشتمها
نوره : عمتي بس كافي
ام عامر: انقلعي عن وجهي (وتمسك مها وهي بحضن مريم وتهزها مع كتوفها) يالخسيسه هـ الفستان ماتلبسه الا الي تجيب شرفها وترويه اهلها تدرين لو جدتك ام ابوك الي تفتخرين فيه وفضلتيه علي بعدها حيه كان قطتك لذيابه (ذئاب) ولاكلاب تقطع لحمك وتنهش عظمك
ام راشد:كانت داخله مع خلود تبارك وتشوفها قبل ماتدخل على الكل وصدمتها ام عامر بوجودها كم لها ما تقابلت معها ولا سمعت صوتها تكلمت بهدوء : ام عامر ابعدي عن البنت وتركيها بحالها بلاش فضايح
ام عامر: تلف تناظرها وبضحكة قهر فاح صديده وستهزاء : تبيني الحين اسكت كله بسبتك انتي ولدك الداشر الي معرفتي تربينه
ام راشد : بقهر كبته بداخلها بس اهم شي عندها عمات ولدها وخواتها ما يوصلهم صوت ويدرون وش يصير تبي تغطي فضيحة ولدها وحرمته حتى لو عرفوا بحملها ماعليها بس اهم شي ما يزيدون عليه هرج ثاني الي يجرحها بتربيتها لعيالها وبحده منخفظه بصوتها :ثنيناتهم غلطوا بس منشمت الخلق بعيالنا وخلي البنت بحالها وتتيسر مع رجالها
ام عامر : هو ولدك شايفته رجال بسواته وسفره عنها وتدخل يدها بشعر مها وشدته بقوه نزعت الشعرات من جذورها وبحده بصوتها وصرخه عليت على صرخت مها مستحيل اخليك تتهنين انتي ولدك وتحرقون قلبي عليها عندك وتذلونها ياذبحتها يا اخذتها معي الحين
ام راشد بحده : حسبي الله عليك انتِ ماتخلين احد يفرح خلي بنتك بحالها
خلود : كانت مصدومه يوم شافتها ماقدرت تتحرك وتدخل الغرفه تراجعت للخلف وسكرت الباب خلفها لتبعد صوتها عن الوصول للمعازيم رفعت جوالها المعلق بيدها وهي تتنفس بصعوبه من هول صدمتها : عامر امك هنا....!!
عامر: واقف عند مجلس الرجال الخارجي بجه اخري من البيت ليودع اخر المدعوين من بعض اهلهم وبحده بنبرته :متى جات
خلود:يوم سمعت حده صوته ماخبرته عن الضرب اهتز صوتها : تعال خذ مها بسرعه
عامر:بحده وهو يجتاز المسافه الفاصه : شوفيلي طريق
يزيد: اوقفه وهو شايف مشيته مريبه :وش فيك ؟!
عامر : بحده وهو يكتم غيضه همس وعينه صوب باب المجلس : تعال معي ابوي لا يعرف امي داخل مدري وش مسويه
مها: تصرخ وتبكي
ام عامر: غيض تملكها بجنون ودها تصرخ وتقطع لها شعرها و جها الي ياما حبته وهو بالمكياج الحين ودها تحرقه تضرب فيها وتدف مريم عنها الي تحاول ببعادها
مريم: صرخت بالم متقطع جتها الضربه على بطنها وطاحت على طرف الكرسي
خلود دخلت بتخرج البنات وام راشد ونتفضت بجزع للمنظر الي قدامها مستحيل تكون ام هذى وحش جائع يقتض على فريسته ليشبع جوعه ويملي نظره من تشوه منظرها وتمزقها ونوره تحاول بستماته لتخليصها هي وام راشد ويبعدونها عنها
خلود: صرخت وهي تشوف مها بتموت بين ايدينها وهي متقطعه بكا : ابعدي عنها يالي ماتخافين ربك
ام عامر: ناظرتها بحتقار ونفضت يدها عنها وهي مهي عارفه هي مين
خلود : تراجعت للخلف مع دفعة ام عامر ومسكتها ام راشد لا تسقط على الارض ..وتماسكت وهي تقول تكفين روحي لهلك خليك معهم لا ننفضح اخوها الحين بيدخل وتفتح صندوق بزاويه الغرفه فيه جلال وتغطيها بواحد يوم سمعت صوت عامر يناديها وترمي الثاني لنوره الي ماسكه مريم وخرجت بعد دخول العيال مع ام راشد
ويدخلون الاثنين
وشافو امهم ماسكه مها مع شعرها
عامر: يصرخ : يمــــــــــــــــــــــــــــــــــــــــه...
ملاك : من سحبت امها لها وهي رجولها متصلبه وثقيله وقفت وهي تسئل امها بصوت مهتز وتبتلع ريقها بصعوبه وسط جفاف حلقها : شو تقصد ؟؟..شو تقصد؟؟
ام احمد : وهي تغلي من الداخل وتشعر بهتزاز يد ابنتها التي تضغط عليها وتشدها معها وبصوت صارم :لا اسمع لك حس سامعه واياني وياك اسمع لك صوت عند رجالك عن الهرجه الي سمعتيها فاهمه ولا وصلنا البيت فهمتك
عامر: يبعدها عنها وده يصرخ فيها والصرخه كانت تترد بداخله انتِ ماترحمين ولا تخلين رحمت ربي تنزل ويسحبها بعيد عنها
يزيد: مسك مها وهي تبكي ومهي بقادره توقف
راشد : دخل يجري امه دقت عليه وخبرته عن الي صار ولقربه من الباب مامدها تكمل كلامها الا وهو عندهم : مـــــها (ويروح وياخذها من يد يزيد ويصرخ على عمته )عسي يدينك الكسر الله يشيلك ويريحنا منك
ام عامر: تحاول تفلت من يد عامر : الله يشيلك انت ياوجه المصايب من اخذتها ماشفنا الخير
عامر: بصرخه وحده : بس يمه كافي فضايح ..راشد خلاص اسكت ونقع برا مهو بيتك الي داش بدون اذن وحريمنا هنا..انقهر يوم شاف نوره فردت الجلال وغطت مريم معها
عمه راشد يوم سمعت الاصوات وهي عند المغاسل وشافتها مقبله عليها : وش هـ العائله الي مناسبتها يا ام راشد
ام راشد: وش فيك الحين معد تبينهم وانتي الي شجعتيني اناسبهم
عمه راشد: وش عرفني انهم بهـ الشكل (هي داريه عن حمل مها )
ام راشد: سكتي كل الي صار لهم بسبت ولد اخوك لا تفضحينا كافي الي جانا من مشاكل
مها: تصرخ وتبكي وماسكه راشد من تعبها وخوفها من كل الي يصير من تحت راسها
ام عامر: فك يديني خلني ابرد حرتي فيها الفاجره ولها عين تنزف وهي حامل بعد
ابو عامر يصرخ : عايشــــــــــــــــــــــــــــــــــــــــــــه .......ويروح ويعطيها كف
طااااااااااااااااااااااااالق
يزيد وعامر الصدمه شلتهم وعيونهم ثابته مارمشت من هول الي سمعوه و شافوه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك