رواية حبيبي مغرور واعشقه لحد الجنون -9
زياد انا بروح اشوفها
راح للكفتيريا وكانت معدوده بالناس الموجودين
بس شاف ليال جالسه في طاوله وحاطه راسها
عليها ونايمه
زياد "ماشالله وانا كنت خايف انه صارلك شي
اثرك نايمه "
طلع منديل من جيبه وصار يحركه
في اذن ليال
ليال مفزوعه
..ر. حشره حش.ه
زياد صح النوم
ليال كنت انتظر القهوه تخلص ولا انتبهت و
زياد يقاطعها متى نمتي امس
ليال الساعه 2 باليل
زياد يعني رحتي سهرتك مع اختك
ليال ايه
زياد رجعي لشقتك ونامي
ليال لا خلاص مافيني النوم
زياد قلت رجعي نامي انتهينا
ماراح اسلمك ارواح ناس تتسببين فيهم
ومشى عنها
بعد ماوصلو توجهو للفندق
وكانت رحلتهم طول السفره ساكتين
حجز سويت لهم غرفه وصاله وحمام
الساعه 8المساء
تروشت نوره2والبست بجامه ناعمه ورديه
ورياض تروش ولبس بجامه
ولما شاف نوره "يالله منك مستكثره علي لبس عدل مثل كل متزوجين "
بعد ماتعشو
نوره2 وقفت عند النافذه وشافت المنظر جنان
من انوار العمارات والشوارع والمطر الخفيف
ودقايق وحست بحراره في ظهرها
رياض كان محاوطها ويهمس لها
احبك احبك
نوره2 لفت عليه وصارت تبتعد وهو يقرب
لحد مالصقت في الجدار
وكان اقرب شي يمها سماعة التلفون شالتها
بتضربه فيها
رياض مسك يدها
خلاص شبعت من الضرب من ايدينك مافيه داعي تقاوميني ارضي فيني
طيب ولا غصب
رجع السماعه محلها وقرب منها
ووووووو^ ^
السموحه منكم بس رقابه مشفر
سحر اقول نوره تراك مصختيها
مايسوى على خالي متى ناويه
تردين
نوره يعني ماأفكر هذا زواج مو لعبه
سحر طيب يالظالمه من متى وهو
طالبك كل ذا تفكرين
شوفي نوره عيني عليها بارده
انخطبت في اسبوع وتزوجت
الأسبوع الي وراه ماودك
تصيرين مثلها
عاد خالي غير
نوره وكيف غير
سحر ماراح اعلمك ألا لما توافقين عليه
نوره بنذاله اجل بطول ماني راده بسرعه
سحر لا يمه منك مانتي هينه الله
يعينا عليك
نوره زين وين بتروحين بكره اشوفك
في الجامعه
سحر ياستي خالي والله ماأكذب
انسان طيب ومتفاهم ولازم يراضيك اذا كنتي زعلانه ويكفي انه رومانسي من الدرجه الأولى
نوره بصراحه على هذا الكلام كله
افحمتيني وماعندي شي اقوله
سحر يعني موافقه ابشر خالي
نوره لا ماقلت بس بكره اخبرك
سحر مالت عليك بنت فقر
وماتنعطين وجه ولا لو انا ابوك ولا اخوك
زوجناك غصب عليك
نوره تدرين انا معطتك وجه للحين
يالدبه وبعدين مو نوره فهد يغصبونها
على شي ماتبغيه الا اذا انتي يغصبونك
سحر صج محد ياخذ منك لا حق ولا باطل
الا كلمتي العروس
نوره لا ماقدر اكلمها اخاف مع زوجها الحين
بس انا محرصتها اول ماتشوف فكه تكلمني
سحر ترجع بالسلامه ان شالله زين انا بروح اتغدا حياك معانا
نوره لا فيه العافيه سلمي عليهم بس
سحر واسلم على خالي
نوره انا جبته في الطاري
صدق انتي فاضيه يالله طيري اشوف
سكرت
في الكافي .فارس اقول ماجد والنهايه معاكم
انا لو طالب مليون كان اجهزت في يومين
ماجد والله مدري شقول لك انا منحرج منك
فارس ارفضت
ماجد لا اهي مارفضت ولا وافقت
بس تقول الحين مابقى على الأختبارات ألا اسبوعين وماتبقى شي يشغلها عن
المذاكره لحد ماتخلص
وانا مارضيت بس ابوي
قال ابلغك اذا بتصبر ولا الله يستر على الجميع
فارس بعد الأختبارات انا مدري اختك
نانسي عجرم ولا هيفا ولا برتني
كان قلت انتظر مالت عليك وعليها
ماجد وانا شعلي متى ماصارت عندك
ادبها وطلع حرتك فيها
....
بعد ماعرفت نوره برد فارس
ماهان عليها ارسلت له
<أيه احبك واعترافي لك كفايه ياهوى نفسي
وياغاية منايا >
فارس بعد ماقرا الرساله
ماتونى واتصل عليها
نوره هلا
فارس من الأخر موافقه ولا لأ ماراح
انتظر الرد لنهاية الأختبارات
نوره انت شرايك
فارس للحين ماسمعت الرد
نوره مستحيه موافقه
فارس ماسمعت قوليها عدل
منتي موافقه
نوره قلت موافقه ولا بتصير اصمخ
فارس اخيرا انطقت الجوهره
اجل من بكره اخطبك
نوره لا امانه خلها بعد الأختبارات
فارس انتي مجنونه اخطبك رسمي و الملكه
بعد اختباراتك
نوره لا عشاني خلها بعد الأختبارات
فارس امري لأالله بصبر بس اخر يوم من الأختبارات احنا عندكم
نوره براحتك والحين اخليك
فارس لحظه وين ماصدقت تردين
علي والحين بتروحين
نوره فارس شفيك استحي اكلمك
فارس قلبي الي يستحون الحين
ولما كنا في المستشفى ذاك
اليوم ماستحيتي ماتدرين ان هذا الشى
الي مصبرني كل ماتذكرته
ولا سمع ألا
طوط طوط طوط
ضحك والمهم ارتاح
فتحت عيونها بكسل لأن نور الشمس
صار على وجها
بس شافت روحها
في حضنه وكان محاوطها بيدينه
قامت مفزوعه وسيده
لدورة المياه
رياض كان منتبه لها بس ظل ساكت
يبقى يشوف ردة فعلها
ابتسم
رياض اااه منك بس لازم تتعودين
اخذ جواله واتصل
رياض هلا لول
ليان هلا بالمعرس شخبارك
رياض بخير وليال كيفها
ليان تمام بس المسكينه لو تشوفها اليوم
رياض ليه شفيها ولا اقول لك اذا تقابلنا
قولي لي
ليان متى بعد 7شهور
رياض لا الساعه 9اليل انا عندكم
ليان يعني انت وصرخه قويه
هنااااااااااااااااااااا
رياض وجع فجرتي طبلة اذني
ايه هبال اخترت شهر العسل هنا
منها تشوفون حرمة اخوكم ومنها اتطمن
عليكم
ليان وناسه حدد المكان
رياض اكيد في الشقه عندكم
وبطلعت نوره تنشف شعرها
ولابسه روب الحمام
رياض اوكيه ياحلوه باي
نوره من كنت تكلم
رياض انا محد
نوره كذاب سامعتك بأذوني تقول ياحلوه
رياض نظفي اذانك
نوره وقفت عنده واسحبت الجوال
رياض مافيه ثقه كلش
نوره معاك لا اكيد
كم رقمك السري بسرعه
رياض قام من السرير
خلي جوالي ولبسي ورانا طلعه
نوره ماني طالعه وابقى اشوف
من كنت تكلم الحين
رياض تغارين علي
نوره تخسي اغار عليك انت واحد لك
سوابق بس طالما انا معاك ماراح
اسمح لك تخوني سامع
رياض لمين تخسي
قرب منها ومسك اذنها بقوه
من قوة المسكه
نوره اااااه اتركني عمى بعينك
بتقطع اذني
رياض واحطها في يدك اذا
مو عاجبك ماله داعي الشك فيني
نوره تبيني اصدقك خلني اكلم الي
كنت تكلمها
رياض ترك اذنها وخذ الجوال
واتصل على ليان ومده لها
نوره الو
ليان هلا مين لحظه نوره
هلا بمرت اخوي شلونك
نوره هلا انتي شخبارك
ليان تمام ماتصدقين لما كلمني رياض الحين
وقال ان انتو هنا فرحت لأني بشوفك
نوره تشوفك العافيه
ليان ان شالله رياض مو مقصر معاك
ترا اذا مقصر قوليلي اعرف اتفاهم معاه
نوره تناظر رياض لا مو مقصر ابد
رياض سحب الجوال من يدها
اقول لاحقين على السوالف لا تنسين احنا
معاريس ولا نبقى ازعاج
ليان احلى يامعاريس وسع صدرك
رياض بااااااااااااااااي سكر
ها عرفتي من كنت اكلم
كنت ناوي اسويها لك مفاجأه بس
الشك ماله داعي سامعه
نوره حست على دمها
انا اسفه والمفروض ماتزعل
لأن انت لك سوابق وخفت ان
رياض يقاطعها
خلاص لا تبررين واسفه
مو كفايه عندي
نوره والله كيفك انا تأسفت غير كذا ماعندي
رياض يرمي الجوال على السرير
ألا عندك ويروح ويشيلها
وسيده لدورة المياه
ناوي يسبح معاها
طبعا ماأقول لكم سوت نوره وياه
داخل كل فنون القتال حاولت فيها
ولكن لا حياة لمن تنادي
^_^ ########
ليال حلفي متأكدة وناسه
رياض عندنا
ليان اقولك كلمني وبيجي عندنا 9 اليل
ليال صعبه اجي لأن اليوم في المستشفى
حالات كثيره
ليان وانتي بتفحصينهم ان شالله
ليال فيه تدريب لنا نقيس درجة الحراره
والظغط وكيف نعطي ابره
ليان تصرفي قولي لدكتورك الي مصدق
نفسه انك تعبانه
ليال بشوف والحين خليني اسكر لأنه
صار يطالعني واااااي يخرع
مع عيونه سكرت
أرجعت للمكان الي كانت
فيه وكانت تقيس حرارة ولد صغير
زياد لا كان نمتي وخليتي الجهاز
في فمه
ليال سوري بس مكالمه مهمه
زياد يطالع اوراق في يده
ليال بدلع دكتور زياد
زياد خير
ليال ممكن استأذن اليوم بكير
زياد اذا عذر مقنع ممكن
ليال وتسبل بعيونها
مقنع كثير اخوي رياض
مع زوجته واصلين اليوم وانا
والله ماحضرت له لا خطوبه ولا زواج
وخاطري اشوفه بليز دكتور
زياد رفع عيونه يناظرها"عن جد عيونها حلوه كثير وصوتها وهي
تدلع احلى اشفيني اثقل زياد "
ماعندي مانع روحي
ليال صج ولا تمزح معاي
زياد قلت روحي شفيك
ليال اخاف تبقى تشوف اذا
عقلي خريش
يبتسم زياد من الناحيه هذي ماعندي شك
بس لأنك اليوم التزمتي وجيتي قبل الموعد
وحسيت انك بذلتي مجهود
اقول لك روحي
ليال من الفرحه
عن جد انت دكتور مافي مثلك
وذكرني لما ارجع السعوديه اشتغل وياك
في نفس المستشفى
وراحت ماهي مصدقه
زياد بايع عمري اكون وياك
في نفس المستشفى
وكمل شغله مع الباقي
نوره2 تحط المسات الأخيره
على نفسها وكانت طول الوقت
ساكته وكل مارفعت عيونها شافت رياض
يناظرها ويبتسم
رياض وقف جنبها
جهزتي
نوره تبعد اشوي
ايه خلصت
رياض خليني اطالعك
زين نمشي ومسك يدها
نوره بعدتها بسرعه
رياض يقرص خدها يا حلو الي يستحون والله
نوره كانت لابسه بنطلون ابيض
وبلوزه موف فضفاضه اشوي
ولابسه حجابها مثل الكويتيات
تمشت مع رياض في اماكن كثيره
ولأن رياض يدل فيها أستأجر سياره
يسوقها بنفسه تغدو وانزلو السوق
وشرت لها ملابس كثيره واكسسوارات
وصارت الساعه 8 قررو يروحون
للبنات في الشقه
واول ماشافو البنات رياض
اخوهم راحو له واحضنوه وتبوس فيه
رياض خلاص خلاص
شخليتو لحرمتي
نوره شبت فيها حراره
ليال عاد احنا سلامنا غير
ونوره غير وتغمز لها
نوره "اثر الخوات مثل اخوهم بايعينها "
ابتسمت وسلمو عليها
اجلسو مع بعض وسوالف وضحك
حتى نوره استانست وياهم لحد
ماصارت الساعه 1 اليل
رياض يالله حبيبتي نمشي احس اني
تعبان من صباح الله وانا افتر وياك
ليان تو الناس ماشبعنا
رياض أي تو الناس وبعدين
بكره بنشوفكم خلاص
ليال زين شرايك رياض خل
نوره عندنا تنام هنا وانت رح الفندق
ونام شكلك تعبان
نوره من قلبها
انا موافقه بجلس معاكم توكل رياض
ليان وناسه بنسوي سهرة بنات
رياض يقلد اخته سهرت بنات
وانتي يقلد نوره توكل على الله
اقول قدامي يالله ماعندي حرمه تنام
بعيد عن رجلها
ليال ياأخي اهي عندك طول العمر
ان شالله وبتشوفها كل يوم وكل ساعه
اما احنا لا خلها الله يعافيك
رياض فهمو انا معرس جديد
وماشبعت منها ولازم أعودها تنام في حضني
كل يوم والي يجرب العسل
مالحق يكمل لأن نوره حطت يدها
على فمه عشان مايكمل
نوره خلاص برجع معاك اسكت
الله يعافيك
رياض غصب عنك بترجعين قدامي
نوره باي بنات
ليان وليال باااي
اطلعو
ليال الله يهبلون وناسه الزواج
ابقي يصير لي مثلهم
ليان هذا اذا صار الي بتاخذينه
مثل رياض اخوي غير
في الفندق
نوره جالسه على الكنب وكانت بردانه
ماعملت احسابها ان كندا تصير بارده
وقت اليل لأن وقت دخول الشتاء
وماحطت ملابس ثقيله
ولابسه بجامه خفيفه
رياض كان جالس على السرير بس
كان مغطي نفسه بالبطانيه ويقرا جريده
حبيبتي تعالي هنا تدفي
نوره مشكوره ماأحس بالبرد
"يمه وقف دمي من البرد متى تنام عشان اجي
وادفي نفسي ااااه هذا وقت البطانيه الي شريتها
تصلح في هذا المكان ولا الجاكيت ماتهنيت فيه
العام ماجانا برد "
رياض لا تصيرين عنيده تعالي
نوره مافيني النوم
رياض طيب لاتنامين شرايك اكلمك عن اخواني
نوره "صج انا متعرفت على اهله "
زين قول اسمعك
رياض رفع البطانيه
تعالي رحمي نفسك صرتي زرقه
نوره قامت لأنها بردانه ادخلت في الفراش بس بعيد اشوي عن رياض
رياض ياستي انا الكبير وعمري 30
ونوف اصغر مني 3سنين وبعدها امي
جاها مرض ماتقدر تجيب عيال وكل
دكتور تروحه يقول نفس الكلام
نوره اجل كيف جاو الباقي
رياض بالمراسله تصدقين
نوره هههه ضحكتني ماوراكم مراسله
رياض سافرت مع ابوي تتعالج برا
لأن جدتي من ابوي صارت تحن على ابوي
يتزوج لأنه عنده خير ولازم يصير عنده اعيال
وتعالجت ولا فيه فايده
صار عمري 11 سنه وكل العيله تحن على ابوي خاصه ان المرشحه وحده من بنات عمه
نوره صج انانين لو ولدهم فيه
العيب وهي تركته كان تكلمو فيها ولا عذروها
رياض استغل الفرصه وقرب من نوره
وحط يده ورى ظهرها وكمل
المهم امي اقتنعت ان ابوي يتزوج عليها
وصار الكلام عن خطبه وحددو الموعد
نوره بصدمه لا تقول عندك مرت ابو وان
البنات خواتك من ابوك
رياض ااااه الي الله كاتبه لازم الواحد يشوفه
نوره تكلم طيحت قلبي خلص
رياض يوم ملكة ابوي كنا جاهزين
حتى زوجك كنت بروح احضر ملكة ابوي
نوره حسبي يالله عليك حرقت قلب امك
رياض يبتسم حتى امي كانت بتروح
نوره ماهي مصدقه
رياض بس صار الي محد توقعه
امي اغمى عليها وابوي طارفيها المستشفى
وكان الخبر السعيد حاااااااااامل
نوره الحمدلله اخيرا
رياض وتؤم بعد عاد دوريي ابوي
كنسل كل شي
وبعد ماولدت امي البنات
ظلت 7سنين وحملت بنايف عمره الحين
11 سنه وبعد 4سنين جابت متعب
الحين عمره 7سنين
وهذا خواني
نوره واي كأني اتابع مسلسل
رياض خليجي ولا مصري
نوره ههههه ضحكتني ياشيخ
رياض بهمسه دفيتي يالغاليه
نوره حست فيه ان كان لاصق فيها وحاط يده
وراها توها بتقوم رياض منعها
وين على الله مثل مادفيتك لازم تدفيني ولا شرايك ويسحبها لصدره
نوره واي منك ماتشبع خلاص تعبت منك
رياض عطيني معرس واحد يشبع في
ايامه الأولى
ويطبع بوسه على اذنها
و^_______^ سامحوني بس رقابه تشفير
$$$$$$$$
ثاني يوم
رياض مع نوره جالسين في مطعم
ينتظرون البنات يتغدون معاهم
رياض يناظر نوره
نوره خير شفيك لك ربع ساعه تناظر فيني
رياض معجب
نوره بسألك ممكن
رياض تفضلي ياقلبي
نوره الحين ليان وليال ماشالله عليهم
يتشابهون كثير ماقدرت امس اميز بينهم
انتو كيف تميزونهم
رياض هالثنتين كانو مسوين لنا حفله من
قبل ودايم يسون فينا مقالب وهم صغار
بس لما اكبرو يعني صار عمرهم
6سنين صرنا نميزهم بلون عيونهم
ليال لون عيونها بني وليان رمادي
نوره زين قلت لي عشان ماأنحرج معاهم
رياض ايه بس اوقات يصيرون نذلات
ويلبسون عدسات بلون واحد كيف بتميزينهم
نوره لا تقول طيب انت كيف تميزهم
رياض انا اخوهم وانا الوحيد الي اعرف
من ليان او ليال حتى لو البسو عدسات ولا راح
اعلمك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك