رواية ياخاطفي وين القي عزتي في زمان المذلة -107
لا أنت دريت باللي في قلبي ولآ تركت لي فرصه ابررلك
باسل رفع حاجبه:عجيب والله ..الحين قلبتي كل شي علي
هنادي: أعترف اني زليت لكن والله ماكنت اقصد انت مارضيت تسمع مني لو كلمه
باسل ضحك:تزلين بأسمه ؟..خلي نفسك مكاني أيش بتسوين
هنادي مسكت بلوزته بقوه وبدت تعصب:بزعل يوم يوم أسبوع لكن مو شهرين كيف يجيلك قلب تتركني لحالي وتروح
باسل بلا مبالاه: زي ماجالك قلب وزليتي بأسمه قدامي
هنادي غمضت عيونها بقهر وتنهدت بعدت عنه: من الاخير أيش الحل ؟
باسل: نبقى كذا اريح لي ولك
هنادي بعصبيه: لا بالله ؟..هذا الوضع مو عاجبني
باسل: بس عاجبني انا
هنادي انقهرت من رده : اوك دامه عاجبك ...طلعت من الغرفه وصفقت الباب بقوه وراها أنعزلت بغرفتها وماطلعت ابد
بآلرياض
مرور شهرين غير اعتياديه كان لها دور بالتغيير الجذري للبعض وبقاء حال البعض أختلفت بها الحال والأحوال ...مرت عليها الشهرين وكان لها أثر بتغيير نفسيتهآ للأحسن ونستهآ بعض من ألمهآ رغم أن علتها الوحيده شوفة ولدهآ اللي يتهربون من إجابتها على أسئلتها المتكرره عن سبب أبتعآده ..خلال هذي الشهرين كآن مئوآهآ بيت أبو فهد
أم رياض: يمه شوق مآ أكلتي شي
شوق:مالي نفس ياخالتي شبعانه
أم رياض: ودوآك لآزم تأكلينه يالله الله يرضى عليك يابنتي كُلي لو شوية
شوق برفض تام: خليني على راحتي ياخاله والله نفسي مسدوده
ام رياض :بكيفك بس اذا جاء فهد ماراح أكذب عليه
شوق ابتسمت: اذا جاء انا بقوله مالي نفس
ندى فتحت الباب: مساء الخير
شوق: مساء النور
ندى: كيف قمرنا اليوم
شوق: الحمدلله بخير
ندى جلست ومدت يدها لصحن الحلى: ياحركات شكولاته جات في وقتها
ام رياض :لاتوجدين منها
ندى: الله انتم حاطينها للي يجي هذا انا جيت بأكل واطلع ثم ادخل مره ثانيه واكل
شوق: هههههههههههه تفداك
ام رياض: لسانك هذا يبيله قص
ندى تتمدد بتعب: بمقص وألا ساطور هههههههههههآآآآآي
شوق: هههههههههههه خلاص ياندو لاتزعلين خالتي علينا
ندى تتأمل وجه امهآ المعبس: شكلها زعلانه نزيد الجرعه شوي مافي مشكله
أم رياض وقفت وبنبره حاده: ويش رايك تقومين قدامك للمطبخ ذبحك النوم والكسل
ندى: لا يمه بجلس مع شوق اونسها اكيد طفشانه "غمزت لها "
شوق: خليها عندي خالتي
ندى ابتسمت:شفتي يمه خلاص بقعد أي شوق علومك اخبارك ويش صار ويش ماصار
ام رياض عصبت: الله يزوجك ويفكني منك
ندى وقفت بسرعه ورفعت يديها لفوق: اللهم آآمين يارب اني أمتك أبنت أمتك زوجني عاجلا غير أجل
شوق:ههههههههههههههههههه اجلسي بس
طلعت ام رياض وهي تضحك ..سكرت الباب ولفت عليها شوق
شوق:اقول ندى ماسمعتي كلام من فهد أو عمي عن راكان ؟
ندى: لا اللي اعرفه أنه قريب بيطلعونه من المستشفى اللي هو فيها ولأنك تحسنتي الحمدلله
شوق تنهدت: قلبي مو مرتاح أبد حاسه في شي صاير وفهد ماقالي عليه
ندى فتحت عيونها على الاخير:زي ويش؟
شوق هزت كتفوفهآ :الله اعلم
ندى ابتسمت: ويش رايك نطلع برى نغير جو؟
شوق: لالا اليوم حاسه أني تعبانه شوي برتاح بسريري احسن
ندى وقفت: أجل انا بروح افرفر بالنت على بال يجون ابوي والبقيه
شوق: على راحتك
ندى: ماتبين شي قبل اطلع
شوق ابتسمت لها: سلامتك ياقلبي
ندى : الله يسلمك ...طلعت من الغرفه وتركتها لحالها غيرت ملابسها ورجعت لسريرها حتى تريح بالها
{شوق}
من بعد طلعتي من المستشفى ارتاحت نفسيتي ..ترجاني عمي أجي عندهم فترة علاجي عشان يكون الكل حولي اذا تعبت فجأه ولأن فهد مشغول أغلب أوقاته ..خالتي أم رياض كآنت أكثر من أم لي تحافظ على موآعيد أدويتي ومهتمه بأكلي ..بس في هم شاغلني وهو سبب تعبي كل ما سألت فهد عن راكآن يتهرب من الأجابه ودي أعرف ليه ..أذا صايبه شي مآ راح أعترض على حُكم رب العالمين أو أتسخط عليه لكن نفسي أهدي الخوف اللي سكن قلبي وأتطمن حتى أنام مرتاحه مو قلقانه من بكره واللي بيصير ...آآآخ يافهد بس لو تريحني وتقول اللي مخبيه عني انا لازم ألح عليه بكل الأساليب عشان أعرف والله يكون بعوني
غمضت عيونها وألف ذكرى طرت على بالهآ ..من طفولتهآ الي الثانيه التي تعايشها الأن مآحست بنفسهآ منسجمه داخل عالم الذكريات تنتقل بين محطاتها بحلوها ومرها بدموعها وضحكها بفرحها وحزنها ...حست بلمسه خفيفه على خدها فتحت عيونها على طول
شوق بهمس :فهد
ابتسم لها بصفاء وبعيونه لمعة فرح كانت تشوفها بكل أيامها الماضيه: آسف صحيتك من النوم
شوق : عادي حبيبي اصلا كنت انتظرك وشكلي غفيت وماحسيت
فهد بعد شعرها عن وجهها:ارجعي نامي حبيبتي انا بطلع للصالون عن ابوي وخالتي
شوق مسكت يده: لا خلك معي من زمان ماجلست معي
فهد : أجل ببدل ملابسي عشان نجلس مع بعض
قامت من مكانها وأتجهت للدولاب البعيد
فهد أستغرب: شوق وين رايحه ؟
شوق بدون ماتلف عليه:بطلع لك ملابس عشان تغيير ..قام ولحقها للدولاب وقبل تفتحه مسك يدها
فهد:شوق انا اطلع اغراضي بنفسي مآ أبي اتعبك
شوق بزعل: ليش ماتبي اساعدك خلني امارس حياتي زي قبل تعبت من المرض ومن خوفكم علي انا صرت احسن من اول بكثير وانت ادرى مني
فهد بصوت حنون: ماعليه ياحبي كل شي اسويه عشان راحتك
شوق: وانا ارتاح اذا حسيتا ني طبيعيه
فهد بعد عنها: اجل طلعي لي لبس مريح عشان ارتاح بجلسي
شوق أشرت على عيونها: من عيوني ياعيوني "نقت له بنطلون جينز وتيشرت رمادي بأبيض" ويش رايك
فهد سحبه: دآمه على ذوقك اكيد مافيا حلى منه
شوق :أستناك لا تتاخر
فهد : جايك بس اجلسي انتي ولاتتعبين نفسك
برى جناحهم المصغر
أجتمعوآ على طاولة الأكل ..مانقص ألآ فهد
ابورياض:وين فهد مآ يتغدى معنا ؟
ندى : عند غزآلته
ام رياض بحده: ندى وجع
هزآع: خلوه على راحته يمكن مايبي يترك زوجته لآتضايقونه
ابو رياض: أحنا مانبي ألا راحتهم
ندى وهي تأكل: ويمكن نآم
ام رياض: يمكن يالله سموآ بالله خلونآ نأكل قبل يبرد الأكل
ندى قامت: الحمدلله
الكل التفتوآ لها: وين ؟
ندى: شبعت انا أكلت قبلكم ..بالعافيه عليكم
هزاع: وين رايحه ؟
ندى : غرفتي بنام واصحى المغرب
ام رياض بزعل: كل وقتك نوم الله يعينك على نفسك
ابو رياض: خليها على راحتها
عند شوق وفهد
تشجعت وسألته وهو مركز مع نشرة الأخبار:فهد
فهد: هلآ
شوق: طالعني شوي ..أستغرب كلمتها ركز بعيونه عليها
فهد: تبين تقولين شي؟
شوق هزت راسها وبعد صمت ثواني: راكان وينه ؟
أنقلبت ملامح فهد أنقلاب مفاجئ أكدت لها بعض من شكوكها ..نزلت دمعتها بدون أحساس منهآ:ويش صار بولدي؟
فهد نزل عيونه: كل خير بس انتي لاتفكرين
شوق زآدت دموعهآ وبحده: شلون مآ افكر قولي ولدي ويش فيه ؟تكلم لا تعلقني بين السماء والأرض
فهد: اهدي الحين وأنا بفهمك كل شي لكن أوعديني أنك تتمالكين نفسك
شوق حطت يدها على صدرها وشهقت: مآآآت
فهد بنبره حآده: بسم الله عليه ..لا مآمآت
شوق مسحت دموعها: أجل ويش صار ريحني الله يريحك
بالمدينه
رجعت لبيت أبو مهآ بعد أتصال سحر عليها ...كآنت بطنهآ بارزه ومعالم الحمل متضحه عليها
ضمة مها بقوه :وحشتيني
مهآ: هلا بقطوتنآ ..وربي لك وحشه
شهد ضحكت:ابو الترحيب اللي كذا
مها ابتسمت وسحبتها : اجلسي أعطيني سوالفك وعلومك والله مآحسبت تجي الأجآزه وبندر ياخذ أجازه عشان نرجع على طول
رغد تمددت على الأرض وقربت الصينيه منها:أي والله هذي الأجازه ماجات إلا بطلوع الروح
شهد اخذت نفس طويل: تصدقون أحس هالأجازة بتغير اشياء كثيره
سحر ابتسمت : أولهآ حددوآ موعد زوآجي
الكل شهقوآ بصوت وآحد: ويـــــــــــــــش؟!!!
سحر بحياء: أيه حددوآ موعد زواجي ليشم تفاجئين كذا
رغد تربعت وعيونها بطلع قدآمهآ: متى ..وكيف حددوآ ..وأحنا ليش اخر من يعلم ؟
سحر:متى بعيد الفطر ..كيف اتفقوآ مع عمي ووافق وانا وافقت لي انا ماحبيت اقولكم
مها تقرصهآ: نذله ماتتركين حركاتك
شهد :الف مبروك سحورتي الله يوفقك بحياتك مع زوج الغفله
سحر كشرت: يعني ماتكملين دعوتك الحلوه
شهد ضحكت : ايه لازم نفربكها شوي
رغد شدتها لجهتها وباستها على خدها بقوه:منه المال ومنك العيال الله الله بابو العيال
سحر زآد خجلها: بدري على هذا الكلام
مها تتفحص بتريقها: ياختي على البنت مستحيه ..اقول والله انك بقلبك تقولين الف حمد وشكر ليك يارب مش مسدئه حتقوز ياعالم حتقوز
شهد ورغد :هههههههههههههههههههههههههه
سحر تتخصر: شايفتني مشفوحه على الزواج
مها تخزها بعيونها:علينا ..علينا ياسحير وقصة التنوره والولد ميت عليك ولا قصص ألف ليلة وليله واخرتها ماني مشفوحه هاتي غيرها
شهد ورغد فاطسات ضحك على شكل سحر الخجول الممزوج بالتضجر والعصبيه:هههههههههههههههههههههههههههههههههه
شهد: ايوه كمان يامهاوي كمااان
مها تأشر على عيونها:شوفوآ الكذابه بؤبو عينها مكتوب حتقوز ياهووو
رغد:ههههههههههههههآآآآآآآآآآآي لا عاد مو لهذي الدرجه
سحر عصبت: خير ويش فيك ماسكتني مصخره يالله عاد اهجدي
مها تسد خشمها: أأأف ريحة كفر
رغد تمسح دموعها من شدة الضحك: أأأأأف أأأأأأأأأأأأأأأأأأأأأأأأأف
شهد مسكت بطنها من شدة الضحك :حرام عليك بيموت ولدي وانتي السبب
سحر تشد شعر مها: أنا أوريك ياكريهه
مها: ماعليه سحور خلي روحك رياضيه ماحسبت ارجع واتريق عليكم من زمآن مآ تتريقة
سحر: ياسلام على حساب مشاعري
رغد: تحمليها هي ماتجي الا ايام قليله
مها :اقول صبي قهوه وعن الكلام الفاضي
شهد : وين ريم ماجات
رغد: بتروح بيت اهل زوجها تقول عازمينها على العشاء
مها: ياعيني وحنا جالسين محد يعزمنا
دخلت سمر وقالت: ويش رايكم نتصل على عماتي نعزمهم من زمان عنهم
سحر: والله جبتيها
مها: أوكِ هاتي جوالي بتصل على عماتي أعزمهم
رغد تهمس لشهد: كيفك ياحلو مع الحمل
شهد تطالع بطنها: تمام بس تعرفين تعب وقرف وكله كوم ولما يبكي مشاري كوم ثاني
رغد: امم انتي كشفتي ؟
شهد: ايوه بس قبل شهر
رغد: حاسه بطنك كبير اكيد بالرابع او الخامس
شهد :يمكن ما استبعد
مها دخلت عرض: هيه تتكلم بويش؟
رغد : ايش دخلك كلمي عماتي وعن اللقافه اللي مالها دآعي
مها تميل فمها بقهر: والله عندكم اسرار الله يعلم فيها بس ما اكون مها اذا ماكشفتها
شهد بتشككها اكثر: الله يقويك ..طالعة رغد وانفجروا بالضحك
::
::
طول وقتها حابسه نفسها بغرفتها اللي حفظت تفاصيله عن كثب بجمادآتهآ المختلفه ..تأخر الوقت وهي مآنآمت ..مآفي الا النوم يسليها ..فتحت الدولاب وطلعت لها قميص طويل لبسته وفردت شعرها على طوله ورمت نفسها على السرير وتفكيرها وصل لبعيد ..دق جوالها وردت بفرح
هنادي: هلا وغلا ومية مرحبا
روان: هلا حبي وحشتيني موت
هنادي نست كل اللي فيها: وانتي بعد ماصار لنا كم أسبوع شايفين بعض
روان بنبرة حلوه: والله تقولك بنرجع نشوف بعض
هنادي شهقت: وين ؟
روان بضحكه مآيعه: جــده
هنادي صرخت : مستحيييييل ..احلفي
روان:هههههههههه والله
هنادي ماصدقتها: أكيد تكذبين ؟
روان: والله مآ أكذب وبكره حتشوفين
هنادي: متى وصلتي ؟
روان :من ساعتين وجالسين عند عمي
هنادي بفرح: يالله فرحتيني ..اخير بطلع من البيت
روان بأستغراب: ليش ماتطلعي مع زوجك ؟
هنادي بأرتباك: الا نطلع بس تعرفين طول الوقت مشغول
روان: أها اوك يصير بكره أتصل عليك ونتفق على مكآن
هنادي: لالا..انا ما أعرف ولا مكآن هنآ الله لايهينك تمريني وتأخذيني بنفسك
روان ضحكت: تأمرين أنتي حجيك واحتمال بنت عمي تروح معنآ
هنادي: حلو بتعرف عليها
روان :اوك اذا ماعندهآ شغل بقولها تجي معنا
هنادي: طيب بس اعطيني خبر من بدري
روان: اوك تصبحين على خير نلتقي بكره
هنادي:وانتي بخير
قفلت جوالها وحطته سايلنت عشان مآ يخرب عليها نومتها دخلت بفراشها وطفت الأبجوره وتلحفت ...تنقلت عيونها بالمكان المظلم وتفكيرها مآزال فيه كل همهآ كيف ترضيه ..طردت الأفكار من بالها وغمضت عيونها عشان تنام وماتخرب على نفسها ليلتها
بعد ساعه جفاها فيها النوم سمعت صوت خطوات قريبه من غرفتها أنفتح الباب وغمضت عيونها بتلقائيه لأنهآ عارفه من الشخص ..حست بأقترابه تفاجئ أنها نامت بدري ولف بيرجع لطريقه ..جلست وفتحت الأبجوره
هنادي: تبي شي؟
باسل: أبدا بس جيت أشوف نمتي والا لا
هنادي:حاولت أنام وماقدرت "بعدت الشرشف عنهآ ووقفت تعدت من جنبه وهي تلم شعرها المتناثر بكل أتجآه وفتحت الثلاجه الصغيره بزآوية غرفتها وطلعت علبه مويه" غريبه جايه أكيد عندك شي
باسل: اذا ضايقتك بدخولي عادي ارجع غرفتي
هنادي : لا ابدا ما ضايقتني
باسل: تصبحين على خير
هنادي بلهفه: وين وين ؟
باسل طالعها بنظرات أستغراب:شوفي الساعه كم ..بروح أنام
حطت علبة المويه على الطاوله وقربت منه :بترجع غرفتك؟
باسل : أيوه
هنادي: أيش رايك تنام هنآ
باسل ضحك: وليش أنام هنا ..تعودت أنام لحالي هناك
هنادي: أوكِ اروح معك انا
باسل استغرب وقال بحده: هنادي أيش اللي براسك
هنادي ميلت فمها وضمت يديها لبعض: أنك ترجع لي مايصير اللي نسويه على الأقل ارحم وحدتي وطفشي
باسل كشر: ايش اسوي؟
هنادي رفعت حواجبها: انت تدري ويش تسوي ؟
باسل جلس على الكنبه اللي وراه:لا مآ أدري قوليلي
هنادي جلست جنبه:طيب اقولك .. نوم برى هذي الغرفه مافي ..زعل من بعض مافي ..ترجع حياتنا طبيعيه زي أول وننسى اللي صار
باسل ببرود: بكل سهوله
هنادي عصبت: اعطني حكمك وانا راضيه
باسل يفكر:امممممممم خليني افكر
وقفت ورجعت لفراشه واتغطت: فكر على راحتك ..لوسمحت سكر الباب وراك
طلع من غرفتها ومشى لغرفته حتى ينام بعد مآ قهرته بحركتها
بالرياض
يا"عبرة" يلْعْب بْها الْصمْت والْنـْوْح
وتْخفْي شْفايْف صْمتْها ضْيقْة البـْال
الْي متْى صْمتْك يرْدْك عْن الْبـوْح
و الْي مْتى حزْنْك مع الْصمْت رحاْل
رفضت تطلع من غرفتها واستوحدت بنفسهآ وأنيسها هو دمعهآ وببالها تجتر كلامه ألف مره دون أستيعاب ..قد يكون حلم يباغتهآ وينتهي فجأه أو يكون وآقع تعاني من قسوته الشي الكثير
دخل وشافهآ علىنفس وضعيتها قبل يتركها من ساعتين ..لبس بجآمته وعيونه ماتفارقها أنسدح جنبها ولمس كتفها بشويش
فهد: شوق طالعيني شوي
غمضت عيونها ردت بصوت مبحوح من البكاء: ليش؟
فهد: يكفي بكآء من العصر مآسكتي كذا بتتعبين أكثر
شوق لفت عليه وبان وجهها المتلطخ بالدموع:خلني ابكي يمكن أغسل همومي
فهد مسح دموعها بأطراف اصابعه: أدعي ربك يرده لنا سآلم وأن شاء الله بيصير كل خير
شوق مسكت يد فهد بترجي: فهد أنا أملي بالله ثم فيك والله لو يصير براكان شي بتموت روحي
فهد: بسوي اللي أقدر عليه لكن انتي بعد اسكتي تعورين قلبي لما أشوفك تبكين
شوق: مقدر والله ماهو بيدي احس بروحي غصه
فهد تنهد: ويش أقول أنا ..استهدي بالله يابنت الحلال
شوق أخذت نفسه طويل وحطت راسها على صدره: الله كريم ...مر عليها الوقت وغفت بسبب تعبها ..مرر يده على شعرها بهدوء محتاج يتكلم كابت مشاعره ولا يفصح بها غمض عيونه متجاهل احاسيسه المثقله ونآم
صباح اليوم التالي
صحت بدري لبست أخذت شور بارد ولبست بجآمه وتكشخت ونزلت لغرفة الطعام
هنادي: سوريان الفطور جاهز
سوريان: يس ماما شوي سير جاهز
هنآدي قبل تدخل: باسل مآ صحى
سوريان كشرت: ما يعرف
هنادي تصرفها: طيب طيب روحي جهزي الفطور لاني جوعانه
سحبت لها كرسي وجلست صبت لها حليب حار وقربت صحنها منها وانتظرت سوريان تكمل الطاوله ..سمعت صوت وراها:صباح الخير
هنادي : صباح النور
باسل قبل يجلس : وين المربى ؟
هنادي رفعت راسها:الحين تكمل السفره ماتقدر تصبر
باسل جلس ودخلت سوريان :الحمدلله وصلت ..سوريان المره الجايه لا تتاخرين بالفطور
سوريان: اوكِ أوكِ
بدأو يفطرون بهدوء وكل وآحد فيهم ملتزم الصمت ..بعد فتره طويله كسرت حاجز صمتهم
هنادي : باسل
رفع راسه من الجريده:نعم
هنادي: حبيتا قولك أني بطلع اليوم مع صديقتي
باسل عثد حوآجبه بأستغراب يذكر أن كل صحباتها بالمدينه: أي صاحبه ؟
هنادي: روآن جايه من المدينه وتبي نطلع نتمشى مع بعض
باسل رفع حآجبه بحده: أهآ ..وهذي أي وحده من صديقاتك ؟
هنادي بمكر وخبث: ماتعرفها انت اصلا انت ماتعرف كل صحباتي وهي جايه تقضي الأجازه هنا عند عمها وبنت عمها امس اتصلت علي وقلت أشاورك
باسل: ووين بتروحون؟
هنادي: على حسب يمكن البحر
باسل: اطلعي من الباب الزجاجي تلقين البحر ماله داعي تتمشين بالشوارع وعندك بيت على البحر
هنادي بتأفف: طقت روحي من البيت هذا كأنه بيت أشباح ابي أغير جو وأنت حضرتك ناسيني بين أربع جدران لا طلعه ولا عمله غير الحشره هنا
باسل بعصبيه: أووووف منك مزعجه طول الوقت تنقين
هنادي انقهرت: الحين ويش اقول للبنت اذا اتصلت علي
باسل: خلاص روحي بس لا تتأخرين فهمتي ؟
هنادي: ايه يمكن نروح السوق
باسل يرجع لجريدته:براحتك
هنادي طلت فيه وقبل تتكلم خافت يعصب عليها لكن تشجعت: بس انا مآ أعرف الأماكن بجده
باسل رمى الجريده على الطاوله: عندك السواق يعرف كل الأمآكن شبر شبر قوليله وهو يوصلك
هنادي هزت راسها بالأيجآب ونزلت عيونها بصحنها وكملت فطورهآ ...وقف وقبل يتحرك طلع محفظته وطلع منها ألف ريال
باسل:خوذي هذي يمكن تحتاجينها
هنادي مدت يدها بدون تردد واخذتها : بتتغدى هنا ؟
باسل يطالع ساعته اللي أشارت على الـ 8:لا اليوم عندي شغل كثير
هنادي: طيب
باسل: ارسلي مسج اذا رجعتي البيت
هنادي: طيب
بالمدينه
لبست وتكشخت على الأخير ..أخذت عبايتها ولبستها وطلعت من الغرفه شافت أبوها ومهآ جالسين يفطرون مع بعض
مها:على وين ؟
رغد أبتسمت: أبوي يعرف على وين
ابو مها: أنتبهي لنفسك يابوك ولآتخلين جلالي يسرع بيت شهد ماهو طاير
رغد ضحكت: من عيوني بس يمكن أتأخر للظهر
مهآ كشرت: قولي وين رايحه ؟
رغد:فاتن عازمتنا على الفطور أنا وشهد
مها: زين روحي لا تتأخرون على البنت
رغد: مع السلامه ...تغطت وطلعت مع جلالي لبيت شهد ..وصلوآ لبيتهآ ونزلت تأخذ مشاري
رغد: أزيك ياباشا "باسته بقوه" ياحياتو انت
شهد سكرت الباب بتعب:أووف وربي تعبانه مرره
رغد:لاتقولين ميشو عذبك
شهد: أي والله بس يبكي طلع عيوني
رغد: أستغني عنه وخليه عندنا احنا وسمر تعرفين سمر تموت عليه
شهد بخوف: لالا ما انام وهو مو جنبي
رغد تكش بيدها: مالت مسويه ام على غفله
جلالي:رغد شوف هذا زوج صديق أنت
رغد لفت على يسارها:وينه وينه ؟!
شهد قربت منها: أكيد تركي ..بعدي بشوفه
رغد تضحك: عيب عيب غضي البصر انا يحق لي عزوبيه أنا أنتي محصنه
شهد ضربتها على كتفها: اقول انزلي احسن
رغد تشيل ميشو: تخيلي أقول ليوسف ويش بيسوي
شهد بثقه:بيقول وآثق أني بعيونها أحلى واحد
رغد فتحت الباب:حلالي شوتها هالدربيه حلال فيها شلوتي
جلالي: خلاص انتم صير حرمه كبير اوسك شويه
شهد نزلت: لآزم تفشلينا أدخلي بس وانتي ساكته
دخلوآ العمآره المتوآجده فيها شقة تركي ..ووقفوآ عند الباب قبل يدقوآ أنفتح
رغد بخوف: بسم الله الرحمن الرحيم
فاتن تتخصر:على بالي سحبتوا علي
شهد دخلت وباستها: كيفك حبيبتي
فاتن:بخير حياكم تفضلوا
رغد ضمتها بقوه: وحشتيني
فاتن: مايوحشك غالي ..بنظل وآقفين يالله أدخلوآ
شهد : وأخبارك فتونه
قبل ترد عليها سمعت بكاء بنتها: يالله صحت
رغد:هههههههههههههههههههههههههه
شهد: ويش فيك تضحكين ؟
رغد: مو لايق أنكم أمهآت
شهد وفاتن بنفس الوقت: الله يبلاك
رغد :يمه ما ينكلمون
فاتن: دقايق عن أذنكم ...بجيب بنتي وأجي
شهد: خذي راحتك
بالرياض
فتحت عيونها بشويش حست بغثيان وألم في معدتها ..لمست مكانه الفاضي ونزلت دموعها على وسادتها ..مدت يدها لجوالها القريب منها واتصلت عليه ..ثواني ورد عليها
شوق بهمس يكاد يسمعه: فهد وينك ؟
فهد: موجود ..تبين شي ؟
شوق تكح وبصوت متألم:تعآل أبيك تساعدني
قام بسرعه من على سفرة الفطور وركض لجناحهم المصغر فتح الباب بقوه ودخل
فهد: شـــوق ..ويش فيك؟
حطت يدها على فمها وماقدرت توقف..مسكها وساعدها توقف :ويش تحسين ؟
شوق: بطني تألمني ..حآسه برجع وصلني للحمام
وصلها للحمام وانتم بكرامه ...وساعدهآ دخلت أم رياض خايفه
أم رياض: ياوليدي ويش صار؟
فهد: بطنهآ توجعهآ
ام رياض: أخذت دوآها ؟
شوق: ماجاء وقته
فهد: يالله بوديك المستشفى
شوق جلست على طرف السرير: طيب بغير ملابسي
أم رياض : بروح اخلي هزاع يجهز السياره
فهد: ايه خالتي انا بساعدها تبدل ملابسها ..خلتهم لحالهم
فهد قرب منها وباسها على جبينها:الله يريحك من كل وخزة ألم
لفت يديها على خصره وضمته: آآآمين ..آآآآمين
فهد: هيا بجيبلك ملابس عن القميص هذا
شوق طالعة نفسها وتوها استوعبت: اووه خالتي شافتني كذا
فهد ابتسم: مآ أنتبهت يالله عاد بدلي عشان نروح المستشفى
غيرت ملابسها بمساعدته ولبست عبايتهآ ومشوآ للمستشفى
عند هنآدي
أتصلت على روان :هلا رونا وينك ماجيتي ؟
روان: ما اعرف وين البيت اعطيني العنوان الحين انا بالسياره
هنادي: حي الـ ....
روآن: وآآآآآآو هناك البيت احسبي خمس دقايق وأكون عندك لأني قريبه
هنادي استغربت:شلون قريبه وتوك تقولين ماتعرفين البيت ؟
روان: لأن بيت عمي قريب منك يالله عاد ثواني وأكون عندك
هنادي: يعين أتجهز
روان: ايوه بنطلع على طول
أخذت شنطتهآ وعبايتها ونزلت تنتظرها سمعت صوت دخول سياره لبست نظآرتهآ وتلثمت ..فتحت الباب وشاف روان تأشر لها جوآ السياره مشت لها بسرعه ودخلت متحمسه
هنادي: أشتقتلك
روآن ضمتهآ بقوه: وأنا أكثثثثر
هنادي تضحك:يووه كل هذا شوق بتكسرين ضلوعي
روان شدتها لحضنهآ أكثر:وحشآآني مووووت
هنادي:وانتي بعد وحشتيني
روان بعدت عنها وابتسمت: فين نروح ؟
هنادي: على كيفك انا ما أعرف أي مكان هنا
روان ضحكت: نروح نفطر على الكورنيش وبعدها نتمشى على راحتنا
هنادي: أوك ماعندي مانع بس نمر السوق
روآن تلبس نظآرآتهآ: أوكٍ نروح ليش لا
بعد سآعه
بعد مآ أفطروآ ..مسحت يدهآ بمنديل معطر وعدلت طرحتهآ
هنادي بأرتباك وآضح عليها:الحين قلت الأمآكن المغلقه تجيبيني هنآ
روآن تتلفت: عادي الجو مرره رايق
هنادي: ايه رايق مآ أختلفنا بس توقعت في حوآجز مو مفتوحه على بعضها
روان ابتسمت: أمآآ لاتقولي تستحين
هنادي قطبت حوآجبها:ايه أستحي تحسبين دمي بارد والله لو يدري باسل غير ينحرني
روان توقفت عن الأكل:الله عليك تغيريتي كثير بعد مآتزوجتي
هنادي ابتسمت وتلثمت:صدقيني يارونا بعد الزواج بتتغيرين كثير ..الزواج يغير
روآن ميلت فمهآ: ما أبي اتغير بكون زي مآ أنا
هنادي :هذا الكلام بيروح بس تجربين بيصير تفكيرك بس ببيتك ونفسك وزوجك
روان بعدت النظارات عن عيونها: يعني انتي ذحين تفكيرك بس باللي قلتي؟
هنادي حطت يدها على كف روان: طبعا لا أقصد الأولويه بالتفكير بتكون فيها
روان: فهمت عليك يعني اخر شي تفكيري فيه علاقاتك قبل الزواج
هنادي كشرت: لا ماهو هذا قصدي انتي فهمتيني غلط ..مستحيل أنسى ايامنا
روان بزعل: والله حبيبتي كلامك يدل على كذا
هنادي: والله انتي فهمتيني غلط
روان تهز أكتافها: يمكن فهمتك غلط ..قومي خلينا نمشي من هنا
وقفت وشالت شنطتهآ وطلعوآ مع بعض ..مشوآ على الكورنيش وعيونهم تتأمل البحر ..وأياديهم مشتبكه ببعض
روان:تدري في أشياء كثيره غلط لازم نصححها
هنادي شدت على يدها بقوه:بعض الأشياء ياروان مهما حاولنا نصححها مانقدر
روان: مافي شي مالو حل
هنادي: الحب ...الثقه ..الأحترام هذي الاشياء لو أنكسرت ماتتعدل مهما صار
روان جلست على صخره كبيره:معاكِ حق
جلست هنادي جنبها ونزلت اللثمه عن وجهها:لو بنتكلم الكلام بيطول بدون فايده
روان لفت يدها على خصر هنادي وضمتها لها: شكلك مجروحه وتعاني بس ماتقدري تتكلمي
هنادي ابتسمت بذبول: يمكن
روان رفعت راس هنادي وحطت وركزت بعيونها الدآمعه:تخبي عليا ياهنو ..أحكيلي يمكن أساعدك
هنادي صدت عن وجهها ولحقت دمعتها قبل سيلانها على خدها:ماتقدرين لو تقدرين كنت بقول
روان ضمت كفوفها لبعض ودنقت وعيونها ماتفارق الأموآج الزرقاء الهايجه وعيونها تخبيها خلف عدسات غامقه: تعرفي ياهنادي صح علاقاتنا بدت صدفه ومشت بطريق خطاء بس أحنآ كنا مستمتعين لسبب واحد بس
هنادي: اللي هو ؟!
روان: أنا وأنتي كل وحده شايله بقلبها هم كبيرعشان كذا كنا ننفس عن روحنا بالغلط حتى لو كان شي بسيط أسمه ممنوعه ونفوسنا ترغبه
هنادي(ماكنت أعاني الا بعد مادخل باسل حياتي وقلبها لي وألا قبل كنت مبسوطه بحياتي لو هي بسيطه واحيان انجرح) أثار فضولها كلام روان:ويش الهم اللي بقلبك
روان:لو بقولك مابتصدقي
هنادي: لا قولي انا ولامره سألتك عن خصوصياتك ..حابه أعرف لو شي بسيط
روان:خلي اللي بالقلب بالقلب
هنادي:قومي نروح السوق بدل هالجلسه اللي تقطع العمر
روان ابتسمت ووقفت: يالله أسمه جايين ننبسط
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك