رواية ياخاطفي وين القي عزتي في زمان المذلة -111
فهد يضحك: لآ تضيعين الوقت والبسي
بعد نص سآعه كآنوآ جآهزين وقفت قبال المرايا ولفت عليه : ويش رايك فيني
فهد ابتسم: تهبلين
كآنت لابسه تنوره اسود ميدي وبد يتوب أحمر عليه جآكيت دآنتيل ابيض ولآفه على شعرهآ بندآنه سودآء وعلى جنب حآطه ورده حمرآء .. تعطرت
شوق: يالله ننزل
فهد شال رآكآن بشويش ونزلوآ مع بعض .. شآف أمه جالسه تقرأ مجله أول مآ شافتهم قفلتهآ وأبتسمت: أهلييين
شوق بلباقه: سوري خالتي تأخرنآ عليك
أم فهد : عادي حبيبتي خذوآ راحتكم
فهد : وين ميري؟
ام فهد : برى تجهز الطآولآت وتربتهم
شوق عقدت حواجبهآ بأستغراب: لييش؟
فهد يضحك: بعدين تعرفين
شوق كشرت: لآ بجد ليييش؟
فهد يطالع أمه: عآزم اخواني وأخوآتي بمنآسبة رجعت أمي بالسلامه
شوق بصدمه : وتوك تقووول
فهد يضحك:أفا ليييه مسوي جريمه لآ سمح الله
شوق : لا بس على طول سويت عزيمه يعني لو رتبنا لها مو أحسن
ام فهد: عادي ياحبيبتي مايهمني الا انه يكون معي " ركز بعيونها على فهد" ماقلت لك أتصل على بآسل وخليه يجي ؟
فهد : يوووه نسيت ماهي مشكله أكلمه وقت ثاني
ام فهد بزعل: قول ماتبي يعرف عني شي
فهد كشر: لا والله مو هذا قصدي بس باسل يمر بشوية ظروف
امه بخوف: ظروف أيـــش؟
فهد يطالع شوق : هو مايقدر يمشي زين صار له حآدث من فتره وصعب نتعبه ونخليه يجي إحنا بنروح له
امه بخوف: كيف مايمشي .. فهد طمني اخوك فيه شي ؟
شوق: تطمني ياخالتي والله بخير وعافيه قبل فتره جآء هنا مع هنآدي
ام فهد بأستغراب: هنآدي ؟!.. مين هذي ؟
فهد ابتسم: زوجته يآ أمي ..تصير بنت عم شوق
ام فهد ابتسمت بألم: أتزوج كمآن " تنهدت بحزن" الله يوفقكم ويسعدكم ياررب
فهد وقف: عن أذنكم بروح مكتبي شوي وأجي
شوق : أوكِ حبيبي لآ تتأخر علينآ
فهد يضحك: بيجونكم نآآآس
بآلمدينه
طلع الدكتور من الغرفه بعد مآ أعطآهآ مهدئ ..كآن ينتظر بالمجلس ويضغط على عكآزه بقوه يحاول يفرغ بعض من قلقه .. دخل الدكتور
د: السلام عليكم
الكل :وعليكم السلام
وقف والقلق باين عليه: طمنآ دكتور الله يوفقك زوجتي فيهآ شي ؟
د: إن شاء الله تكون بخير
أبو سامر: خير ويش فيهآ ؟
د: متعرضه لصدمه عصبيه ياليت ترآعون ظروفهآ ومآ تزعلونهآ
باسل بخوف: يعني أيش ؟
د: حاولوآ تطلعونهآ من الجو اللي هي فيه وأبعدوآ عنهآ أي مشآكل " مد لباسل روشته" الادويه اللي مكتوبه لآزم تجيبونهآ وتأخذهآ بوقتهآ
باسل تنهد :إن شاء الله
د: قدآمهآ العافيه أذا احتجتوني رقمي عندكم
باسل: مشكور دكتور
يوسف وقف: عن أذنكم بوصل الدكتور وأرجع
ماجد كآن جالس وعيونه مآفارقت بآسل من أول مآ دخل وشآفه متوآجد بينهم ...عرف من يوسف أن هنآدي تعبت بعد مآ عرفت بخبر وفآة أبوهآ
مسوي نفسه خآيف عليها...مآ شاء الله ممثل ولآ أبرع أقص يدي أذا مآكآن تعبهآ منك يالــ.. استغفر الله العظيم من كل ذنب عظيم ..ياكرهي لك يآ ذآ الأدمي بس أنا الخبل انا اللي خليت رقبتي بيدك وقدرت تضحك علي يآ بآسيل وسلمتك أياهآ على طبق من ذهب ... آآخ بس لو يرجع الزمن لورى وأعدل خطآي ..كآن يمديك تحلم بهآ ولآ تطولهآ ..آآآآه بس من خطآء ندمت عليه أشد الندم
فآق من سرحآنه على صوت رجال دخلوآ المجلس ومن ضمنهم عبدالله
الكل: وعليكم السلآم
عبدالله: أحسن الله عزآكم
مآجد: جزآك الله خير
عبدالله يتلفت يدور صديق عمره: وين أخوك ؟
ماجد: الحين يجي
صدحت نغمة جوال بآسل .. وقف وطلع برى المجلس
باسل: هلآ فهد
فهد: كيف حالك ؟
باسل زفر آه طويله: الحمدلله
فهد بشك: لآلآ فيك شي ..قول ويش فيك ؟
بآسل: كل خير ..ويش تبي متصل ؟
فهد: بشوف دريت عن ابو
باسل قاطعه: أنا الحين بالمدينه
فهد: أهآ .. وكيف ؟
باسل: ويش أقول خلهآ على ربك .. انت متى تجي؟
فهد: مدري انا لسى مآقلت لزوجتي أخاف تنتكس حالتهآ أكثر
باسل: الله يكون بالعون أحسن شي لآتقول لهآ
فهد بأستغراب: ليه؟
بآسل: هنآدي من أول ماوصلنآ أغمى عليهآ وتو الدكتور طالع يقول جآتهآ صدمه عصبيه
فهد: لآحول ولآقوة الا بالله
بآسل: عشآن كذآ لاتقول لزوجتك وهي صحتهآ على قدهآ أختر وقت منآسب
فهد : والله مدري أفكر اني مآ أقول لهآ الحين بس أخاف تدري بالصدفه وتقلب الدنيآ
بآسل شآف مجموعة رجال جايين: فهد أكلمك بعدين في نآس جايين ..مع السلامه
فهد: انتظر اتصالك مع السلامه
:::
:::
:::
بعد يومين كآنت منعزله فيهآ عن الكل .. حآبسه نفسهآ بغرفة أبوهآ ورآفضه الأكل والكلام ..حاولوآ معهآ بشتى الطرق لكن هي رآفضه دخول أي أحد عندها
قربت من الباب ودقت: هنآدي افتحي حبيبتي أبي أتكلم معك
هنادي تبكي: خلوني لحاااالي مابي أكلم أحد
مهآ بترجي: مآيصير اللي تسوينه حبيبتي ..افتحي الباب
هنادي تصارخ: قلت خلوني لحالي خلوووني
جآت رغد وشهد على صوت صراخها
شهد: ويش فيهآ ؟
مها بقلة حيله: ماتبي تفتح الباب
شهد بحده: هنآدي افتحي يالله بلا خبال
هنادي تصرخ: مآني فاتحه
رغد: عشآن خآطر ابوي الله يرحمه أفتحي
ثوآني وأنفتح الباب كآن وجههآ متورم من شدة البكآء وعيونهآ مُحمره
ضمتهآ مهآ وبكت معهآ:حرام اللي تسوينه فينآ .. كآفي اللي فينآ
هنادي تشد مهآ أكثر لنفسهآ: مآني مصدقه ..احس ابوي بيجي والله بيجي
شهد نزلت دموعهآ: أدعي له بدآل البكآء على غير فايده
رغد جلست على السرير وهي تذكر شكل أبوهآ لمآ دخلت تصحيه نزلت دموعهآ بهدوء ...سحبت الشرشف وشمته بألم
رغد بهمس بينها وبين نفسهآ: يارب سكنه الجنه وأجرنآ في مصيبتنآ
جلستهآ مهآ على الأرض ورفعت راسهآ لشهد:جيبي لهآ شي تأكله شوفي وجههآ كيف مصفر
شهد بتعب وآضح عليهآ: أحلين أقول لسمر تجيب لهآ صينيه أكل
هنادي :مالي نفس والله مالي نفس
مهآ : عشآن خاطري لك يومين مآ أكلتي شي حرآم " ولنفسك عليك حق" زوجك كل ساعه يتصل يتطمن عليك يبي يكلمك وأنتي مقفله على نفسك
هنادي مسحت دموعهآ:هو لسى هنآ ؟
مهآ : أيه جالس بالملحق مع بندر يالله كلي وقومي توضي وصلي ركعتين أدعي فيهآ لأبوي وأستغفري ربك مآيجوز الحزن ..الحزن بالقلب
رغد : لو الدموع ترجع اللي مآت كآن قضينآ العمر كله نبكي حتى ترجع أمي ويرجع أبوي لكن هذآ امر الله لازم نصبر ونتصبر
هزت راسهآ ومسحت وجههآ ... دخلت أم هديل ومعهآ الصينيه
ام هديل أبتسمت: هنودتي كيفك اليوم
هنادي تربعت: الحمدلله
ام هديل جلست قابله: بالعافيه على قلبك حبيبتي .. شدي حيلك ماتوقعت تضعفين كذا
هنادي: الله كريم عمتي
مهآ: وين سمر ؟
ام هديل: ياعيني عليها تعبانه ونامت
رغد: وريم وسحر
ام هديل: جالسين مع هديل وخلود وحنين خليهم يغيرون جو
رغد مشت للشبآك ووقفت: أيه خليهم ينسون جو الحزن شوي
ام هديل : هنوده ياويلك لو بقت قطرة عصير فهمتي
هنادي أبتسمت ابتسآمه صفرآويه: بحآآول مآ أوعدك
ام هديل ركزت عيونهآ على مهآ بأهتمآم:مادرت شوق للحين ؟
مهآ اخذت نفس طويل: شكل للحين مآدرت
رغد تفاجئت من اللي تشوفه تحت ركزت أكثر يمكن يتهيأ لهآ شوفته سرحت لبعيد .. كآن يسلم على يوسف وشخص تعرفه أكثر من نفسهآ ... لأول مره تشوفه لآبس الثوب والشمآغ ضنت ولـ لحظة أنه ليس بآلشخص الذي هجم على أفكآرهآ ...رآقبتهم بعيونهآ من خلف الستآر الى أن تأكدت من دخولهم لجوآ
رغد ( ويش جآيبهم هنآ ؟!) لفت على صوت مهآ اللي تنآديهآ وماترد
رغد: هـلآ
مهآ: ساعه عشآن تردين ؟
رغد: مآسمعتك
مهآ وقفت: في حريم جوآ تعالي معي أنآ وعمتي
رغد هزت راسهآ: طيب أسبقوني أنا الحقكم ...بعد مآ طلعوآ
هنآدي :ويش فيه وجهك تغير ؟
رغد حطت يدهآ على بطنهآ:بطني توجعني شوي
هنادي بتنآحه: من ويش ؟
رغد: لآني أخذ مسكنآت بدون مآ أكل
هنادي بحده: مآشآء الله ساعه تعطوني محآضرات عن الأكل وماتشوفين نفسك
رغد ضحكت بألم: يالله عآد لا تفطنينهم علي ترى ماراح يتركوني بحالي .. بروح للصاله
هنادي تسند ظهرهآ على الجدآر: قبل تروحين هاتي جوالي ابيه
رغد تذكرت: على فكره ترى صديقتك روان أتصلت كم مره وسألت عنك
هنادي هزت راسهآ: أوكِ
عطتهآ الجوال وطلعت لبرى .... شآفت شهد وجنبهآ فاتن تبكي قربت منهآ وسلمت
فاتن: شدوآ حيلكم إن شاء الله أخر الأحزان
رغد:اللهم أمين
شهد سكرت جوالهآ: رغد روحي عند الباب يبيك يوسف
رغد : ويش يبي ؟
شهد: مآ سألته روحي شوفيه
فاتن حطت يدهآ على يد شهد: طمنيني عنك كيفك وكيف الحمل معآكِ
شهد: الحمدلله بس الأيام هذي تعبانه حيل
فاتن: طبيعي عشآن نفسيتك ... أنتبهي لنفسك ترآك مسؤله عن اللي جوآتك
شهد اؤمت براسهآ: الله كريم
وقفت جنب الباب وسمعت صوت يوسف وشخص معآه
يوسف: رغد الدكتور وليد حآب يعزيك بنفسه
رغد : طـ...طيييب
د وليد: السلام عليكم
رغد: وعليكم السلآم
د وليد: كيفك رغد ؟
رغد : الحمدلله عايشه
د وليد: أحسن الله عزآك
رغد بكت: جزآك الله خير
د وليد: إن شاء الله أخر الأحزآن
رغد تمسح دموعهآ: الله يسمع منك
د وليد: أخليك الحين
رغد: مآقصرت تعبت نفسك
د وليد: تعبك رآحه .. لآزم نقوم بالوآجب
رغد: مشكور دكتور
د وليد: العفو .. مع السلامه
رغد: الله معك ... سكرت الباب وأستندت على الباب نزلت دموعهآ أكثر
{ رغد }
الحين هذآ د وليد اللي كنت أكرهه جآء بنفسه يعزيني ... من جد أنه طيب وأصيل وأنا اللي كنت مفكرته وآحد مش ولآبد ...بجد النآس موآقف بس كيف عرف بيتنآ الحين انا وين وهو وين
دخلت الصاله وجلست جنب فاتن وتفكيرهآ مستمر بـ " وليد " بآلرغم أن الوقت والمكآن والحال غير منآسب
:::
:::
:::
بهذآ الوقت في الرياض
كآنوآ جآلسين يسولفون مع بعض ومستآنسين .. رجعة أم فهد غيرت روتين حيآتهم وتوآجد رآكآن بينهم أضآف أحسآس جعل حيآتهم أجمل
فهد يضحك:هههههههههه
شوق كشرت: هين يافهد هذآ كله عشآن طحت
فهد ماسك بطنه: انتي ماشفتي شكلك لما طحتي كان تضحكين
شوق بزعل: خالتي شوفي ولدك خليه يسكت
ام فهد ابتسمت: خلاص يافهود اسكت ترى بتزعل وزعل الحرمه يوريك الويل
فهد: لآ اجل اذا كذا بنطم
شوق تصب لنفسها شاي : خالتي تبين ؟
ام فهد: ايوه حبيبتي الشاي مع الجو الحلو مايتعوض
فهد يطالع الجو: الله يسلمك يمه ويش حلو ماتشوفين الحر والكتمه
ام فهد: بالعكس الجو حلو
كآنوآ جالسين بالحديقه بالجلسه الخشبيه
شوق ترمش بعيونها: صادقه خالتي الجو زين
فهد يطالعها بغرور: تقولين كذا عشانك منقهره مني والا الحقيقه غير كذا
شوق تلف عنه وترمش بعيونها: ايوه خالتي سولفيلي
أم فهد نزلت كوبهآ:عن أيش أقولك بالزبط ؟
شوق: عن أيآم زمآن عن اللي بخاطرك تبين تسولفين عنه ؟
ام فهد تحاول تتذكر: والله ماعندي شي ..أنتي حكيني عن أهلك وأخوآتك كيف كآنت حيآتك
شوق ابتسمت: حيآتي كآنت عآديه ناس على قد حالنا توفت أمي وأنآ صغيره وقتهآ كنت بالمتوسط أظن ربتنآ زوجة عمي لأننآ كنآ ساكنين في بيت وآحد
ام فهد بأهتمآم:وكيف علاقتك ببنآت عمك
شوق توسعت أبتسآمتهآ أكثر: قصدك أخوآتي ..كأننآ أخوآت من أم وأب مو بنآت عم
ام فهد : كنت أتمنى عندي أخ وأخت بس يالله جبت ولدين
فهد يضحك: كل واحد كآن في ديره
ام فهد: قول الحمدلله عندك أخ
فهد كشر: مآقلنآ شي
دق جوآل أم فهد وردت بحب: هلآ بعيوني
فهد لف على شوق وعلى وجهه علامة استفهآم
امه: تنورين ياعيوني البيت بيتك مآ يحتآج تتصلي تستأذني ...لا ياعمري سلامتك بس لآ تتأخري مشتاقه لك ..مع السلآمه
فهد أقترنت حوآجبه وطالعهآ بخبث: مين هذي اللي مايحتآج تتصل تستأذن
ام فهد: صفآء
فهد تفاجئ:صفآآآء؟.. ويش تبي ؟
ام فهد تضحك: تبي تجي مشتآقه لحضرتي
فهد عبس: أقول امي أنا نسيت أسئلك عن شي مهم
ام فهد عآرفه اللي يدور برآسه: ألا وهو ؟
فهد: شلون عرفتي صفآء .. ويش علاقتك فيهآ ؟
ام فهد : اللي ماتعرفه ياحبيبي أني متزوجه
فهد وشوق بصدمه: متزوجه ؟!!!!
أم فهد : الحكآيه طويله يافهد مآ قلتها كامله لك ذيك الليله
فهد بعصبيه: شلون مآتقولين لي شي زي هذآ ؟
أم فهد بخوف: شوفني جآيتك بالحكي
فهد ضرب الطاوله: أي حكي
أم فهد بلعت ريقهآ وعيونهآ عليه: أنـآ ..أنــآ
شوق مسكت فهد: فهد أهدى تعوذ من الشيطآن
فهد جلس وتمآلك نفسه: أنآ أسف
أم فهد نزلت رآسهآ: خلآص حصل خير
شوق : خالتي لاتزعلين فهد مآ يقصد تعرفينه يعصب على طول
ام فهد: مآ زعلت بس هو لآزم يعرف أني متزوجه ومن زمآن كمآن
فهد : متزوجه مين هنآ الكلام ؟
ام فهد: متزوجه أبو صفآء
فهد شهق: متزوجه أبو حآزم ؟
ام فهد: أيوه ..الليله اللي أنت كـنـت
فهد حط يده على أذنه: بس .. بـــس
كآنت بتقوم وتخليهم لحآلهم لكن أنفتآح البوآبه الحديديه ودخول سيآرة البآنورآما البيضآء أستوقفتهآ ... نزلت من السياره ومعهآ ولد عمره قرآبة الـ 15 عآم أنتبهت لهم من بعيد ومشت بأتجآه الجلسه الخشبيه
وقفت أم فهد وابتسمت بفرح: أهلين صوفي
صفاء ضمتهآ بقوه: وحشتيني خالتووو
ام فهد: وانتي اكثر
صفاء مدت يدها لفهد: مساء الخير
فهد: مساء النور
سلمت على شوق ووقفت جنبهآ لفت على الولد: تعال ما وحشتك المـآمآ
مشت له وحضنته بقوه: كيفك حبيبي
..:كويس بس زعلان
ام فهد كشرت: زعلان من أيش
..:منك تركتيني لوحدي عند حآزم
ام فهد باسته وضمته بقوه: حقك علي حبيبي ..تعالي معي
شوق همست لفهد: انا بدخل مايجوز يشوفني
صفاء اللي سمعتهآ:عادي حبيبتي ترى يصيرلك يعني لا تستحين
ام فهد: مرآد سلم على فهد
مرآد رفع عيونه وطالع فهد بتفحص وأعجآب ..صفر وميل فمه : ياحركتآت يامامي دحين هدآ هوآ فهد
صفاء بحده: مرآد أتكلم زي الخلق
ام فهد ضحكت: ايوه هذا فهد
مد يده لفهد اللي يطالعه بتعجب من ستايله الكول والسلاسل اللي على صدره وشعره المكدش: مرحبآآ فهووود
فهد صافحه: مرحبتين
مرآد لف على أم فهد: شكلوه جنتل مآآن
فهد بصوت حازم: امي مين هذآ ؟
ام فهد: أخوك
فهد وعيونه بتطلع من مكآنهآ..أشر عليه:هذآ يصير أخوي أنــآ
مرآد بغرور: قصدك أنت تصير أخويآ أنآ
صفاء بحده: مرآآآآآد
مرآد:دحين جايبيني عند هدآ اللي تقولوآ أنو أخويآ عشآن يتكلم معي كدآ
فهد مسكه مع اذنه بقوه: احترم نفسك ياولد لآ أعلمك الأحترام
ام فهد تبعده: لا توجعه بشويش على أخوك
شوق ماسكه نفسهآ لآ تضحك ودخلت تدور لهآ طرحه تستر فيهآ شعرهآ عن مرآد
فهد انقهر: خليه يتعور عشآن يعرف يكلمني بأحترآم
مرآد جلس وحط رجل على رجل: مآمي متى نرجع جده ترى طفشت هنآ
فهد يطالع أمه بعيون فاقده الأمل ( ياليل هذآ اخوي وينك ياباسل تشوف اخر الأحدآث ) جلس بعد ماجلسوآ كلهم وسأل مرآد:كم عمرك ؟
مرآد: 15 سنه
فهد: اي صف؟
مرآد: تالت متوسط
فهد ابتسم : تآآآلــت ...الحين يا أمي هذآ أخوي أخوي يعني ولدك
ام فهد: أيش شايف أنت
صفاء تضحك: مفأجئه صح ؟..ماتوقعت
فهد حط رجل على رجل:من ناحية ماتوقعت فهو مآتوقعت ابدآ يكون عندي أخ بهذا العمر
مرآد همس لصفاء:أووف شآيف نفسو على أيش مآ أدري خسآره انو أخويآ
صفاء بتهديد: أمسك لسآنك هدآ لآ يصير شي مو طيب
مرآد كشر: اوكي ..مآمي مين البنت اللي كآنت وآقفه هنآ
فهد طير عيونه فيه اللي خوفته: وليش تسأل حضرتك ؟
مرآد ارتبك: مجرد سؤال ..خلاص بطلت اعرف مين
صفاء مآسكه ضحكتهآ وشآفت ام فهد تتبسم على مرآد اللي لأول مره يخآف
أم فهد: تصير زوجة أخوك فهد
مرآد: يالله اخيرآ صار عندي أخ متزوج
فهد : ويش رايك تبيني أعنس مثلآ ؟
مرآد عصب:امي انتي جايبه وآحد ثقيل طينه
فهد بحده: هيه أحترم نفسك ولآ تسب لا أطلع لك عيونك فآآآهم
مرآد سكت لأنه خآيف من ومن نظرآته اللي ترعبه
ام فهد وقفت: رآيحه شوي وجآيه
مرآد وقفت: خذوني معآكِ
فهد بنظره قويه: وين وين ؟..زوجتي جوآ اقعد هنآ
ام فهد: ماعليش حبيبي خليك مع أخوآنك
مشت وخلتهم لحآلهم
مرآد جلس بتحطم (أيش دآ الأخو ..فينك ياحآزم وربي أنت أحسن أخ بالدنيآ )
صفاء كتمت ضحكتهآ وطالعة فهد اللي يبتسم ويغمز لهآ
:::
:::
بعد أسبوع مر هآدي وثقيل على أبطآلنآ
{ فهد}
كل يوم يكتشف سر جديد من أسرآر أمه اللي كآن يجهلهآ
{ شوق}
مبسوطه بوجود أم فهد معهم بنفس البيت ومنسجمه معهآ
{ نسرين }
كآن فضولهآ كبير حتى تعرف عن فهد أشياء كثيره أول فرحتهآ بالدنيآ وتحآول تعوضه عن كل الأيام اللي عآشهآ بدونهآ
{ بنآت أبو مهآ}
روتين حيآتهم تغير بعد فقد أبوهم طلبآتهم وأمور حيآتهم تغيرت برحيله .. كل وحده فيهم تحآول تعتمد على نفسهآ وتتخذ قرآرآتهآ بنفسهآ
{ هنآدي }
تغيرت كثير رجعت لشقتهم اللي كآنوآ فيهآ قبل ينقلون لجده ..طلعت من الحمام وانتم بكرامه أثار التعب والأرهاق باينه عليها
باسل: هنادي فيك شي
هنادي تمسكت فيه: احس بتعب
باسل: طيب يالله بوديك المستشفى
هنادي : لا مايحتآج
باسل بأصرار : اقولك بتروحين يعني بتروحين يالله
هنآدي: مافيني حيل احسب دوخه وكسل
باسل سحب يدهآ وأعطآهآ العبايه: يالله عاد ألا صحتك لا تتهآونين فيهآ
هنادي لبست: طيب امري لله
نص سآعه وكآنوآ بالمستشفى
الممرضه : لآزم نسحب لك دم عشان التحليل
هنادي ارتجفت : لا ويش دمه ..خلاص باسل مافيني الا العافيه شوفني طبت
باسل ميت ضحك: تخافين من الدم " جلسها بقوه" يالله مو جايين عشان نرجع بدون مانسوي تحليل
هنادي تمسكت فيه: تكفى قولهم مو لازم دم أخآآآف
الممرضه تسحب يدهآ:أنتي غمضي عيونك ومآراح تحسين بشي
هنادي ضغطت على يد باسل وغمضت عيونهآ حست بيد الممرضه وصرخت: آآآآآآه
الممرضه:ههههههه لسى مآ سحبنآ
تفشلت وسكتت وغمضت عيونهآ بقوه ... بعد نص ساعه
هنادي ماسكه يدهآ: أووف تأخروآ ماصارت
باسل: ليش مستعجله شوي ويجون
هنآدي شآفت الممرضه: جآء الفرج قوم شوف النتيجه
جآت بأتجآههم الممرضه
هنآدي همست: يله كلمهآ شوف ويش النتيجه انا داريه بتقول سليمه بس ساحبين دمي على الفاضي
باسل : بشرينآ
الممرضه:تفضل ...
^^^
^^
أيش الخبر اللي بأنتظآر بآسل & هنآدي ؟
بعد المفآجئآت التي فجرتهآ له أمه .. مآذآ بأنتظآرنآ ؟
شوق متى ستعرف بخبر وفآة عمهآ وبأي حآل ؟
رغد بعد تعزية د.وليد لهآ .. بأي حآل ستتغير ؟
أمـآ البقيه لكم حرية التوقع والتنبؤ لـ نهآيتهم ..~
كل الحب مني لكم أعزآئي
همسه: لكل من يسأل عن روآبط الأجزآء المآضيه موضوعه لكم بأول صفحه
روايتي الثانية : يا خاطفي وين ألقى عزتي في زمان المذلة !
ودي ~
البارت السادس والخمسون
إذا حبيّت .. لا تسْكِت !!
تكلّم !!
قوول !!
قِدَر بعض الكَلآم إنّه .. يعيش أكثَر من أصحَآبَه ..
وَ علِّق للحبيب أكبر ( أحبَّك ) .. بالسِمَآء .. وَ إصبر ..
يجي يُومَه .. وَ يرفع نآظريه ..
وَ يذكر أحبَآبَه
كآنوآ جالسين يفطرون بهدوء والجو رآيق ..أمآ هو منسجم بقراءة أخبار اليوم وأطلآعه على أخر المستجدآت
ام فهد: أيش الجديد اليوم
فهد ميل فمه بتكشيره: عآدي مافي خبر جديد كلهآ متكرره بكل الجرآيد
شوق ابتسمت وهي تشرب كوب الحليب:الله يصلحك تقرأ خمس جرآيد وحده أو ثنتين تكفي وتوفي
فهد نزل الجريده وبانت عيونه الوآسعه بنظرآته الحآده: هذآ من حب الثقافه والأطلاع وكسب المعلومآت
شوق كشرت: باييين مرره
ام فهد تضحك:أووخص عليك يا فهد زعلتهآ عليك
فهد ابتسم يبي يقهر شوق: اللي يزعل مصيره يرضى ..وأنا ماقلت شي يزعل
شوق رفعت عيونها له بقهر ولفت على ليزآ تبي تضييع الموضوع: خلي ميري تغير ملابس رآكآن وتجيبه لي عشآن أرضعه
ليزآ هزآت راسهآ: أوكِ مآمآ الحين في جيب ركوني
حطت قطعة التوست اللي بيدهآ في صحنهآ وبصوتهآ النآعم: مين أختار أسم رآكآن ؟
لف عليهآ وتعلقت عيونه فيهآ ميلت فمهآ بغرور وثقه: أنآ اخترته ..أن شاء الله عجبك خالتي؟
ام فهد رفعت حآجبه: بصراحه ايوه مرره عجبني يعني لأنه أول ولد لكم توقعت فهد يسميه سمير على أسم بابا
فهد ابتسم: مآجآء ببالي هذا الشي ..بعدين راكآن شوق أختارته على أسم أخوهآ
ام فهد بأهتمآم:ماشاء الله عندك أخ اسمو رآكآن ؟
شوق ابتسمت بألم وهي تتذكر الظروف اللي أنولد فيهآ رآكآن ومرض أمهآ:لا توفى بعد ولدته بفتره تقريبا أسبوع ولمآ حملت قلت لفهد اذا كآن ولد ابيه رآكآن لآن أمي كآن حلمها تجيب ولد وتسميه رآكآن بعد 4 بنآت
أم فهد: الحمدلله على كل حال صار في ركون بالعيله
شوق: الحمدلله
دخل مرآد برجه : Good morning mum " لف يده على اكتافهآ وباسهآ على خدهآ وراسهآ
أم فهد: Good morning baby
جلس بالكرسي اللي جنب امه وعدلت شوق طرحتهآ اللي كآنت على اكتافهآ وبمجرد دخوله لفتهآ حتى تستر شعرهآ المتهآلك وتخبي بعض ملامحهآ عنه
فهد طالعه بنظره: في شي يسمونه نحنحه قبل ماتدخل
مرآد عقد حوآجبه وبنبره غريبه: أيش شِكلو ؟
فهد: ايش شٍكلو بلا شَكلوه .. المره الجايه قبل تدخل قول ياولد او أحم أحم على الأقل
مرآد طنشه: مامي خلينآ نرجع جده مشتآق لبابا وحآزم
امه تضيع السالفه: اكيد مانمت صح ؟ ..سكت لانها عارفه طبعه
فهد صرخ عليه: لمآ اكلمك لآ تطنش فآهم وألآ بتشوف شي مآ يعجبك يالدلوع
مرآد انقهر: كلمتك دحين .. لمآ أكلمك وأغلط عليك هدآك الوقت كلمني
فهد عصبيه: وبعد لسآنك طويل .. يبيله قص شف ياولد ابو حآزم لمآ تقعد ببيتي تسمع كلامي وتنفذ اللي اقولك عليه فاهمني ؟
شوق حطت يدها على يد فهد: فهد بعده صغير وجاهل
فهد طالعه بعيون ناريه: طول الجدآر وتقولين صغير لا ماهو صغير خليه يترك حركات البزرنه ويتعلم المرجله
مراد كشر وقال: امي ايش المتوحش هدآ ..متأكده أنو ولدك
شوق وام فهد مكتفين بالابتسامه
فهد بسخريه: هذا اخر العنقود ماقول غير خربت الدنيا
شوق ضيقة عيونها:فـــهـــد
فهد وقف: قوم يالله البس ثوب وشماغ والحقني
مراد بعناد: فين الحقك .. بجلس مع ماما
فهد بصبر ونبرة أمر: امي قولي له يقوم لا اقوم الدنيا فوق راسه
ام فهد مررت يدها على شعره بحنيه: حبيبي اسمع كلام اخوك الكبير ...روح معاه يمكن محتاجك ؟
مراد بزعل: ماعندي توب .. وحتى لو عندي ماراح ألبس
فهد انقهر:زين بس شيل العقارب اللي على صدرك وقفل ازاريرك ويالله معي
نزلها وحطها على الطاوله قفل بلوزته زين ووقف متخصر: مزبوط كدا؟
فهد يأشر على شعره:وهذا السبايكي لاعاد اشوفه سامعني لما تروح جده وتصير ببيت ابوك اسرح وامرح على كيفك..يالله قدامي
ام فهد :انتبهلوه يافهد ولا تخليه يبعد عنك
فهد ابتسم بخبث: لا تخافين برجعه لك ادمي ( هين والله لا اطلع السهر والدلع من عيونك )
شوق حست بتفكير فهد مشت معه لحد الباب وهمست له: ارفق عليه حرام طفشته
فهد يضحك: خليه يستاهل والله لا اربيه
شوق تعدل شماغ فهد:تذكر عندنا ولد بكره مراد يسوي فيه زي ماتسوي فيه
فهد يضحك: يفكر بس عشان اتوطى ببطنه "قرب من خدها وباسها" لاتنسي دواك واذا احتجتي شي كلميني
شوق بحياء: أن شاء الله
قاطعهم صوت مراد: اوووف متى يخلص الفلم الهندي اللي قدآمي
فهد اعطاه نظره حارقه وفتح الباب:قدآآمي ياااااالله ..طلع بسرعه ولبس نظراته
شوق تغمز له :لا تعانده اللي يقولك سوه تسويه
مراد يخنق نفسه: ياربي افتك من صفاء يجي فهد ..باي
شوق ضحكت:باي ... رجعت تكمل فطورها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك