رواية ياخاطفي وين القي عزتي في زمان المذلة -18
شوق: الله لايسامحك .. الله لا يوفقك يافهد ... تشوفها بنفسك وحالك واولادك .. ان شاء الله تشوفها باختك ... عشان تعرف كيف اعاني !!.. اعاني من اهلي ومن الناس ومن كل شي
؛؛
فهد يسند راسه على السرير : دعوتها .. ربي استجاب دعوتها ..آآآآه منك ياشووق طلعتي بحياتي فجأءه .. بس خليني اخلص من المشاكل اللي جت على راسي صدقيني برد لك الصاع صاعين .." رفع بلوزته وشاف اثار الجروح بعد ماشفت ".. انتي حطيتي راسك براس فهد الجابر واللي يحط راسه براسي خسران يعني خسران وانتي ويش بقى بعد تبين تخسرينه
"غمض عيونه وصورتها بباله ببجامتها الورديه شعرها المنسدل على كتوفها ملامحها الحاده والملائكيه " ..ضحك ضحكه شيطانيه : ههههههههآآآآي .. بتندمين والله بتندمين بس كل شي بوقته حلوو ..اخلص من ليان وندى واسوي اللي براسي ههههههههههههههه
رغم كل اللي يصير له لكن وحشه مستحيل يموت .. وحشه معاه بكل مكان وبكل ظروفه بحلوها وبمرها مهما تضاربت معه الظروف يبقى مثل ماهو ولا يتغير
:::
:::
:::
دانا دخلت تجري للغرفه : الحقوووآآ .. فهد انجن صوت ضحكه واصل للصاله
ليان تمسح دموعها : الله يرحم والديك ماني طايقه نفسي وراسي يعورني وبطني .. كل شي فيني يألمني لا تزيدين علي
ندى وقلبها مليان حقد عليها صرخت عليها : ليش تسوين فيني كذا ياليان ويش ضريتك فيه عشان تضريني .. ماراح اسامحك
ليان : مابي اشرح لك لاني تعبانه ولافيني اتكلم
ندى : لا تتكلمين لكن ربي بينتقم منك
ليان نزلت دموعها : لا تدعين علي اللي فيني كافيني
ندى : انتي مافيك الا الخبث والحقد .. قولي ويش فيك غيرها
ليان ميته من البكاء : انتي ماتدرين عن شي كلكم ما تدرون عن شي لا تظلموني
دانا : انتي ظالمه ... كيف نظلمك
ليان تصارخ علهم : حرام عليكم ارحمووووووووني
:::
:::
:::
ببيت مها ..
تهاني : ماتوقعت اخوي متزوج وحده سنعه زيك
مها : تسلمي ياروحي انتي
ام بندر : الله يوفقكم ويرزقكم من اوسع ابوابه .. واشوف عيالكم ياررب
مها تبوس راسها : امين ياخالتي ..
تهاني : بندر .. بندر .. بــنـــدر
بندر صحى من سرحانه : ويش تبين ياهادمة اللذات
تهاني ميته ضحك : ههههههههه عيونك شوي وتطلع .. ترى بتمل من شوفتها
بندر يضربها على يدها : انطمي ابرك لك
امها : تهانيووه .. اسكتي عن الكلام الماصخ
مها تبتسم وخدودها حمرت من كلام تهاني وتلميحاتها : ماقالت شي ياخالتي ويش فيكم عليها
تهاني : قولي لهم .. اكلوني اكل بسم الله علي
امها : هذي اذا عطيناها وجه تمادت
تهاني : يــــمــــه ويش ذا الكلام ويش اسوي اذا طالعه عليك كلامي واجد
امها رمت عليها الكاسة البلاسيتك : انا هرجي واجد ياللي ماتستحين
بندر ومها : هههههههههههههههههههههههههه
تهاني : مو قصدي بس ابوي كان اطرم ما يتكلم يعني اذا ماطلعت عليه بطلع على مين
مها : خلاص ياتوتو ترى خالتي بتزعل عليك
تهاني : عاد الا زعل ام بندر .. اخق عليها انا مقوى على زعلها
امها : هين ياللي ماتقوين
بندر يبوس راس امه : الله لايحرمنا منك يالغاليه
الكل : امين
مها : والله ياخالتي انك بمقام امي الله يرحمها
ام بندر : الله يرحمها يايمه .. واني معزتك من معزة هناء بنتي
:::
:::
:::
كانت ماسكه ملف المحاضره تقراءه وتراجع معلوماتها .. دخلت شوق بالاب توب حقها ..
شوق : شهد تعالي شوفي هذا الفستان عاجبني
شهد : اشوف .. حلوو بس اللون مرره بايخ .. بس ليش تبينه
شوق : افكر نفصله لريم عشان ملكتها بين الفصلين
رغد : لفي الاب توب بشوفه ... فلت لها شوق الاب
رغد : حلوو الموديل بس لازم اللون يتغير
شوق : اكيد اللون بنغيره .. ورجعت لملفها
شهد : اقولك شوق وريني ويش عندك بالاب بنزل على جوالي
شوق : طيب خذي فرفري فيه بروح اشوف العشاء بالمطبخ
شهد : طيب .. زبطت جلستها وفتحت بلوتوثها وصارت تنزل على جوالها كل شي يعجبها
شغلت ملف Real Player لفتها اسمه .. وتفاجئت وهي تسمع الانشوده
تــوّج صغيــرة وابتديتي تحــبين !!
من علمــك ليل السهــر يا صغيرهـ ؟!
بدري عليك العشــق يا بنت هالحين .!
حرآآم هذأأأ القلب وشهـــو مصيـــرهـ !!
إنتي بريــئهـ في آلهـــوى ليه تشقــين ؟
دروووبه طوآآآل عـــليك وعـــسيــرهـ !!
رحتي بدرب مآآآآآ له اصل عنأأأأوين ..
وانتي مشــآآآويييرك من أول قصيييرهـ
خليـــتي درووسـك ! وصرتي تحــــآآآآتييين !
الدرررس بديييرهـ وانتييي بديـــررررهـ ؟!
وصرررتي بعــد هذأأأ تغـــآآآآرييين ..!
والمشكلللة يا بنــــــــت منتي خــبيرهـ
نصييحتي لكـ كآآآن وددك ترررديــــن !
يم السعاااادة والحيآآآة المثييـــــرهـ
خلك جوآآآ آلعــايلة لااااا تعديــــن ..
ماما و بابا والعجـــــوووز الظـــريــرهـ
رغد انسجمت مع الانشوده تحس انها تحكي عنها وعن حبها ... تذكرت عبدالله وبدون شعور تركت كل اللي بيدها
.. بقلـ?ـوب .. الأطفال .!
وأحلى لو أن " العمر كله { طفوله }..
"مغروره أنا"
من يوم حببتني فيك..
أشوف كل"الناس"بطرف عيني..
{دلعتني} .. {دللتني}
كيف أجازيك.؟!
ماعندي إلآالحبليته يكفي..!!
عجزت أفكر..!!
ودي أعطيك..
وأعطيك" ودي"
..أحبـ؛ـك..
فوق حبي ووصفي..
شهد : وـآآآآآآآو الانشوده تهبل
رغد تغمض عيونها : اي والله تهبل تخليك تعيشين جو ثاني
شهد : ماتوقعت ان الاناشيد احلى من الاغاني
رغد : تصدقي ولا انا ..
شهد : والله شووقه ماهي سهله عندها مجلد كامل كله اناشيد
رغد : نفسي اكون زيها يعني مو ملتزمه مرره او مفرطه مرره
شهد : يابختها والله اغبطها حاولت اصير زيها بس مافي فايده
رغد : الله كريم ماتدرين يمكن نتغير بين يوم وليله
شهد : بس لازم نأخذ بالاسباب
يـــوم الاربعاء بعد المغرب
ببيت لينا ..
ريم : والله ما اكذب عليك
لينا بفرح : يعني بالاجازة الاسبوع عندنا عزومه
سحر تبي تزعلها : ياويلي على قطه الوجه يمكن مانعزمك
لينا تلف عنها : انتي اسكتي اصلا بجي حتى لو ماعزمتوني
سحر : قلت حشريه تحبين تحشرين نفسك
ريم تعرف حركات سحر : ههههههههه لا عاد الا ليونتي اول وحده تنعزم
لينا تقلب عيونها وتطالع بسحر : تعلمي ياحظي وانتي .." تقلدها " .. تحشرين نفسك
سحر ماتت ضحك على شكل لينا : هههههههه انكت معك يادووبه
لينا تضحك : ادري بس انا بحشر نفسي يعني بحشر نفسي
ريم :طيب ويش رايك ايش اشتري فستان
لينا تفكر : مدري .. بس اتوقع الوردي حلوو
سحر : وع كل البنات بالملكه وردي خلاص صار قديم وبايخ
ريم : اجل ويش اختار
سحر : اسود ههههههه
لينا : ايه اسود لانك بتودعين العنوسه
ريم تضربها على يدها : عنوسه بعينك .. اصلا انا بعدي بعمر الزهور
سحر تصفق : ياهووووه قال عمر الزهور
لينا : اقولكم تعالوا بوريكم فستاني بزواج خخالتي يمكن يعجبك
ريم : يالله وريني
سحر : انا بشرب قهوه ومتكسره مافيني اقوم معك
لينا تمد لسانه : احسن توفرين علينا خخخخ
سحر : ابوك يالبخل .. رحوا بس لاتتاخرون ابي اسولف معكم
ريم : طيب بس ضفي رجولك ذي .. تحسبين نفسك هيفاء والا نانسي
سحر : لا سحر هه هه هه يالله بس قولي غيرانه من بياضي
لينا : اقول لوعتي كبدي برجولك استريها بس هههههه
ريم كانت لابسه بنطلون برمودا جينز وبدي ليموني حفر ورافعه شعرها ذيل حصان
اما سحر لابسه تنوره قصيره ساتره نص الفخذ كلها ورود احمر وسماوي وبدي حبل احمر فيه ورده لونها سماوي على جنب ومجعده شعرها
سحر تاخذ صحن المكسرات وتطنشهم : اقول ابي هواء لو سمحتم بروق
لينا : عشنا وشفنا امشي ريومه خلينا نروح الغرفه نخطط
ريم : يالله مشينا ...
تركوا سحر لحالها بالمجلس تتقهوى .. اخذت الجوال حق رغد معاها عشان اذا خلصوا يكلمون جلالي .. جلست تقلب فيه وتشوف الرسايل .. ومصدومه رفعت رجلها على الطاوله عشان تركز بالكلام اللي تقراه وتشوف رسايل حب وغرام ..
سحر ( مين عبودي ؟!. لالا لايروح فكرك بعيد ياسحر اكيد وحده من البنات ومسميتها كذا ..بس الرسايل تدل على انهم يحبون بعض .. ياربي ويش ذا مالي الا اواجهها ايه اواجها عشان تعترف .. بس رغد عاقله ماتسوي ذي الحركات .. والله احترت اووف انــا مالي الا اكلمها واشوف )..
رفعت راسها من الجوال بتأخذ فنجان القهوه وانصدمت وهي تشوف ولد واقف قدامها تعلقت نظراتها فيه تجمدت مكانها نست نفسها من الصدمه ماتدري كم مر من الوقت وهي تطالعه تحس قلبها بيوقف من الاحراج واخيرا رجع لها تفكيرها تذكرت لبسها وسحبت اقرب خداديه وغطت فيها وجهها ..
آمــا عنده اول ماحس على نفسه من حركتها لما غطت وجهها تحرك ورجع غرفته وهو مرتبك مرره خايف من لينا وبنفس الوقت مو مستوعب انه دخل بالغلط .. وقلبها بداخله ينبض بسرعه
معاذ ( وي وي وي ويش اللي شفته هذي بنت والا ملاك .. امووت على ذيك النعومه والبراءه والا الشعر ...آآآه بس ودي اعرف اسمها .. توه يحس بنفسه ويفكر ...بس ويش جابها ببيتنا يمكن صديقة لينا ..لالا ماتوقع الكمخه ذيك تعرف وحده بالجمال هذا .. ياويل حالي بس اروح ملح انا لازم استفسر من لينا واحاول اجيب خبرها )
بالمجلس
كانت مرتبكه وملامحها متغيره .
ريم : سحر ويش فيك ؟
سحر : هاه لا ولا شي
لينا تطالعها بتفحص : يابنت شوفي وجهك كيف متغير تركناك مافيك شي رجعنا وحالك مقلوب
سحر : والله مافيني شي .. ويش فيكم انتم بس بطني توجعني شوي
لينا : بلا دلع وتحملي .. تقولين عندك سوالف سولفي
سحر : وين اسولف وانا... وتداركت نفسها وسكتت
ريم : لالا في شي صاير تكلمي يالله
لينا : والله ماتطلعين من هنا الا وانتي قايله اللي عندك
سحر تفكر يدها ببعض : الحقيقه هي ان في واحد دخل المجلس علي فجأه .. تعلقت عيونها بلينا .. مدري مين ياليوونه خوفني مرره قلبي كان بيوقف من الفجعه
لينا : متذكره شكله ؟.
سحر : نص ونص بس احسه زي السراب لانه جاء فجأه
لينا : لابس ثوب والا بنطلون
سحر : لا بنطلون جينز وبلوزه كت لونها بني او زيتي مو متذكره
لينا جلست تضحك بشكل هستيري : حصل خير .. هذا معاذووه الغبي ترى مايدري انكم بتجون لانه كان نايم ببيت عمي
سحر ودمعتها بعينها : بس شكلي كان يفشل رجل شرق ورجل غرب
ريم تضحك : ههههههه يالله عادي يمكن اغريتيه بشكلك .. لينا روحي شوفي اخوك اخاف خق بآرضه
لينا : بروح اشوفه دقيقه واجي .. طلعت بسرعه وراحت لغرفته وفتحتها بقووه
معاذ يلبس بلوزته : خير خير داخله مثل دراغولا
لينا تحط يدها على خصرها : الحين ماتعرف تدخل تتنحنح كنت بتجلط البنت
معاذ ابتسم وترك بلوزته : تعرفينها
لينا : ويش خصك انت
معاذ : والله يالينا لا اعطيك الاب توب لك بدل هذا الخربان حق امي .. وكل اللي تطلبينه اعطيك هو .. ويش اسمها تكفين
لينا : هي صديقتي وبس غير كذا ماراح اقولك شي
معاذ بسخريه : انتي تعرفين اشكال زي كذا ..ههههههههه تطورات
لينا حمر وجهها من العصبيه : اقول طس عني .. وراحت للمجلس معصبه مرره
ريم : ياساتر ويش فيك بعد ..
سحر تضحك على شكل لينا : امووت على المعصبه
لينا : السخيف انا اوريه
ريم : ليش ويش قال لك
لينا : يقول ليش داخله مثل دراغولا
ريم وسحر : هههههههههههههههـــآآآآآآآي
لينا : لا تبون تضحكون زين اسمعوا ويش يقول ...
محتآج اسولف معاك ..
والله..
.......... والله ..
..................... والله ..
محتاج اسمعك . . !
..................محتآج اضمك حبيبي{
واجمع احلامي{ معك ..
محتآج ..
محتآج ..
محتآج ..
محتآج ..
لو سمحت .. !
بكلمتين} -- عن عذابي والسنين
انا بغيابك اتوه ~
والله ذوبني الحنين ~
انت يالحب الكبير
عن جميع الناس غير . . !
{~ انت يانبضْ..الفؤاد ..
والله مشغلنيْ كثيـرْ . .
والله مشغلنيْ كثيـرْ . .
والله مشغلنيْكثيـرْ . .
والله مشغلنيْ كثيـرْ . .
والله مشغلنيْ كثيـرْ
قفلت دفترها وخانتها دمعتها اللي ذرفتها على ذكرى سنين مرت .. ذكرى كانت تعيشها بفرح وتنتظرها من كانت طفله كانت تعد الايام والسنين حتى تكبر ويتحقق حلمها الوردي .. قبل ان يحكم عليها بالاعدام الحياتي .. تركها وخان حبه لها تركها لجل شي كان مقدر ومكتوب عليها جرحه لها كان تاثيره عليها اكثر من اي شي ثاني.. طعنته لها كان آلمه غير عن كل الآلم اللي ذاقت مرارتها طوال سنينها التي عدت
دفنت وجهها بمخدتها جلست تبكي بحرقه وعذاب صارت تهذي بكلماتها .. بكت الى ان جف دمعها ..بكت الى ان تجرح خدها ..بكت الى ان تصدعت الجمادات حولها .. بكت ولازالت تبكي على حالها
شوق : ليش يا احمد تركتني ليش ... ليش خنت حبنا وطعنته .. آآآآآه ياقلبي ماجرحه كثر جرحك انت .. ماني قادره اطاوع عقلي وانساك .. كيف انسى حب 10 سنوات كيف انسى ايامك ولياليك .. ذبحتني اكثر من فهد .. كل واحد ذبحني من جهه عايشه طول عمري بحسرتي .. آآآه ياقلــه حيلتي ..آآآه ياحزني الابدي ...آآآه وبعدها آآآه وآآآه وآآآه
اشتكت وسادتها من الدموع اشتكت غرفتها من تحمل الهموم .. دفترها امتلى من احزانها وكلماتها العذابيه اصبحت بلا هويه.. تعيش على هوامش الحياه لاتكاد ان تكون كغيرها
ولكن ايمانها يكفي بان يجعل الامل يسري بداخلها مسرى الدم .. ايمانها وثقتها بربها
تجعلها واثقه برحمته ورزقه لها .. وايضا باذن يسعدها بدنياتها وان يساعدها على تربية خواتها وبنات عمها اللي اصبحوا امانه برقبتها ..
ببيت فهد
فهد : يالله بنرجع الرياض ..
ليان والصداع ذابحها : بنرجع الحين
فهد يصد عنها : ايه الحين جهزوا اغراضكم يالله
ندى : بس ماحجزنا
فهد : بنروح بطيارتي الخاصه
دانا : انت عندك طياره خاصه
فهد : ايه وبلا كلام كثير يالله اخلصوا علي عشان نوصل بدري
ليان تطلع الدرج بسرعه وترح الغرفه ركض.. تدور بشنطتها دواها لكن مالقته .. عصبت .. صارت تدور بكل مكان وتبكي ..
ليان : وين راح وين ... لايكون خلص آآآه ياربي ويش اسوي بمووت من الصداع .. لازم ادور لازم
ندى كانت وراها وتسمع كلامها : ويش تدورين ؟؟
ليان : بندول .. ابي بندول الصداع ذابحني ..
ندى : آهـــا .. بروح ادور لك .. جهزي اغراضك
ليان : اغراضي جاهزه بس ابي الصداع يخف شوي
دانا دخلت ترتب شنطتها وتطالع ليان اللي رمت نفسها على السرير وماسكه راسها من الالم
دانا : ليان راسك يوجعك بالحيل ؟؟
ليان بتعب وعصبيه : ايه ايه .. روحي عني اتركيني لحالي
دانا : طيب طيب لا تنافخين ... لفت عنها وهي كارهتها مره
نزلت للصاله وهي تفكر بليان .. جلست قبال فهد
فهد : ليش قالبه خلقتك ..
دانا : ليان تعبانه وراسها يوجعها مــ..... قاطعها صريخ ليان الهستيري
بالغرفه ..
ندى بخوف : مالقيت والله العظيم مالقيت
ليان شبه منهاره : وشلون مالقيتي ... دبري لي بنادول بمووت من راسي بموووت
ندى : ويش اسوي لك طيب تحملي الوجع
ليان ماسكه راسها : آآآآآآآآآآآآآه الالم بيذبحني ماتفهمين روحي دوري لي شي يسكنه لي
دخل فهد ودانا بسرعه .. وهو يشوف حالتها
فهد مسكها بقوه واعطاها كف صدم ندى ودانا فيه .....
ويش بيصير بين فهد وليان ؟. وهل روحتهم للرياض بتعدي بسلآم ؟
شوق .. وكل يوم ينفتح لها جرح جديد .معقوله بتنتهي جروحها وتعيش بسعاده ؟
رغد وعبدالله .. وحبهم الصادق في اي ميناء سترسي سفينتهم ؟
هنادي .. مالها تواجد واضح معقوله يكون هدوئها يسبق عاصفتها ؟
معاذ ؟.. ودوامه جديده من الاحداث بانتظارنا ..
سحر .. ماقدر اقول اي شي عنها بترك لكم التعليق !!.
واحداث جديده ستكون في قائمه الانتظار ومفاجأت ستغير مسرى سفينتنا ...
الـــبــآرت الخــآمــس عشر
رحلت بغربة دياري
أدوربالحياة إنسان
أدور من يفهمني ..
وبجرحي يواسيني
لقيت إني على طبعي ...
وعلى صدقي كثيرأنهان....
تعبت ومالقيت إللي على همي يقاسمني.:::
:::
:::
بــعد اســبوع ..
بــآلمــديــنــه
سحر : ويش رايكم نروح المزرعه نغير جو واليوم الجو غيوم وامطار
شوق : طيب بكلم عمي بقوله بنجيه بالمزرعه
رغد : دقي وقولي لنا بسرعه عشان نجهز
شوق : اوكي حتى عماتي راح اكلمهم يروحون معنا
قبل تفتح جوالها .. دقت ام سامر
شوق : هلا عمتي توي بدق عليك
ام سامر : اخباركم .. ويش مسوين
شوق : بخير الحمدلله ..كيفك انتي والعيال
ام سامر : الحمدلله بخير .. شوقه انا داقه اقولكم اننا بالطريق للمزرعه تعالوا
شوق : ههههههه توي بكلم عمي
ام سامر : خلاص يالله الحقونا قبل يأذن الظهر
شوق : اوكي الحين بقول للبنات يستعجلون ... قفلت من عمتها وبسرعه تجهزوا لان كلهم متحمسين والجو حلو
بالسياره
ريم : بنات شوفوا في مطر عالقزاز
رغد : افتحي الشباك ريحة المطر تجنن
شهد وفيها النوم : تكفوووووون كوايـــت نعسانه مووت
هنادي كانت وراها اخذت علبه المويه ورشتها على شهد ... انطلقت صرخات شهد بالسياره ..
شهد : غــــــــبببيييـــــــــــــه انتي ...
هنادي تضحك : صحصحي معنا بدل الكسل والخمول حقك
شهد تنزل طرحتها اللي مبلوله مويه .. وتلف على المقاعد الخلفيه ..: هين ياهنادي ماراح انسها لك وبردها
هنادي : طيب طيب الله يوفقك .. "اخذت الكيس اللي جابته من السوبر ماركت "..مين تبي سنكرس
سحر لفت عليها : طبعا انا .. اعطيني سفن وسنكرس ..<<بسكوتي ومشروبي المفضل بالكشتات خخ
ريم : جبتي كيندر ؟!
هنادي تدسه عن ريم : لا ماجبته غالي صاير بــ3 ريال
ريم : والله لو بعشره بتجبينه بس اعطيني شفتك حطيتيه بالشنطه
هنادي : شوفي بعطيك واحد بس غيره لاتحلمين فيه
ريم عصبت : هيه انتي .. انا اعطيتك عشره وقلت لك ويش تجيبين لي ولسحر ... يالله هاتي طلباتنا
هنادي رمت العشره بوجهها : خذيها اصلا انا مشتريه كل شي من بنكي الخاص
سمر : قصدك من بنك السرقات اللي تسرقين من فلوسنا طول الشهر
هنادي تفتح بسكوت تويكس وتاكله بلامبالاه : والله مهما تعددوا الاشخاص فالمال واحد .. مال ابوي يعني حلالي ..
سحر فتحت عيونها على كبرها : الحين عرفت كل مافتحت درجي القى فلوسي ناقصه .. اثاريك تسرقين
رغد صرخت عليهم : الله يرجكم الله اللي يقول انكم سيدات اعمال ترى كلها ريال وريالين ومسوين لها قضيه ريم تحط يدها على خصرها : مهما كان اسمها سرقه وهالخبله ذي ماتعرف الحلال والحرام
هنادي : وابشرك بعد بسحب منك لما تاخذين مهرك .. بصفيك على الحديده
شوق : هههههههههههههههههههههههه الله يرجك ياهنادي ماتتركين سوالفك .. ترى تكذب عليكم انا اعطيتها الفلوس
هنادي : انا وانتي واحد صح شوووقتي ؟؟!
شوق : صح ياقلبي .. يالله عاد عن الهوشات شوفوا الجو كيف يجنن
سحر تحط على الشباك وتتنهد : آآآآآآآآآآه ... كلهم لفوا عليها مستغربين من حركتها
شهد : سلامتك من الآه ..
هنادي تطالع بالطريق وعايشه الموقف : آآخ بس لو معي حبيبي .. ونتمشى بذا الجو .. ويمسك يدي ويقول لي احبك ياهنودتي .. وانا خدودي تصير حمراء واضربه على يده اقوله ترى استحي ...
خيم السكوت على البنات .. وبعدها انطلقت ضحكاتهم ..حتى السواق يضحك
الكل : هههههههههههههههههههههههههههههههههههههـــــآآآآآآآآ آآآآي
رغد ميته ضحك : ههههههه لالالا .. فيك شي اليوم ياهنادي
جلالي : هنادي انت لا يحلم انت مايعرف رومنسيه زوج في قول اهبك انت في شوته بعيد
الكل : هههههههههههههههههههههههههههه
شهد تتكلم : اشـــ...ــووف .. وجــ...ـهــ...ك ههههههههههه
هنادي تلف عنهم : بلاكم مستهينين فيني ..
سمر : اشك انك تعرفين الرومنسيه ..
هنادي : اقول اسكتووا بس ويش عرفكم فيني
شوق : ههههههه لاتزعلين بس لو شفتي شكلك وانتي تحلمين .. يضحكـــــك
هنادي : عادي اهم شي واثقه بنفسي
شهد صحت زين : امووت على الواثقين . اقولك لقطي خشتك
رغد تضحك : شوفي خشمها يرقص
هنادي : يرقص .. ليش هو خشم والا خصر
ريم وسحر وسمر : ههههههههههههههههههههههههههههههههههه
شوق : والله عليك كلمات ياهنادي مدي من وين مطلعتها ..
هنادي: ماتشوفين لخبله ذي تقولي خشمك يرقص
شهد : محش يالدلخه
هنادي ترمي عليها شيبس ليز : اقول اكلي وانتي ساكته
شهد : يم يم .. الحين بفرمه من الجوع
ريم : شوق بس عمتي ام سامر اللي راحوا
سمر : ياليت تجي هديل وحنين
هنادي : ايه ياليت تفلها هدووله معي .. مو انتم الله لا يبلنا بس جالسات
شوق : خلاص قربنا اهجدوا
:::
:::
:::
بالرياض ...
فهد : انا مضطر ارجع جده يبه
ابو رياض : ليش ماتستقر هنا وانا ابوك ..
فهد : يبه كم مره تفتح معي هالموضوع قلت لك ماقدر اجي هنا والحياه متعود عليها هناك
ابو رياض : هناك مثل هنا .. لازم ترجع وتكون مع اهلك وجماعتك هنا
فهد : يرد الله خير ... ان شاء الله مايصير الا اللي يرضيك
رياض : متى طيارتك
فهد : المغرب
ام رياض : الحمدلله يعني بتتغدى معنا
فهد ابتسم : ايه ياخالتي بتغدا معكم
ندى وقفت بتطلع غرفتها ..
ابو رياض : على وين ياندوو ؟؟
ندى : بروح غرفتي يبه .. وعيونها على فهد اللي نظراته له حرقتها من اول الجلسه
امها : اجلسي معنا يايمه .. ليش تحبسين روحك بغرفتك انتي صاير لك كم يوم متغيره
ندى : لا متغيره ولاشي يمه .. بس افكر بالاختبارات ناسيه اني ثالث ثانوي ولازم اشد حيلي
الكل : الله يوفقك ياررب
ندى : امين .. الحين بروح غرفتي .. وراحت بسرعه عالغرفه
اول مادخلت كانت عارفه انه بيلحقها قفلت باب غرفتها .. وجلست على مكتبها .. فتحت لاب توبها الفوشي دخلت على المسن ماشافت ليان ولا دانا اللي كانوا 24 ساعه على المسن
ندى : يارربي وين اختفوا من رجعنا مالهم حس حتى جوالاتهم مقفله ... ويش سوى معهم فهد ... آآآآه حتى الطلعه محاسبني عليها .. تذكرت صورها والمقاطع ..مسكت راسها تحس بدوخه وصداع ..
ندى ويدها على راسها : متى اخلص من المشكله ذي .. فهد احس ولاهامه اللي صار معنا لو يدري ابوي والله غير يذبحني والا هزاع آآآآه بـــــس راح اموت من التفكير حتى نوم ماتهنى فيه ... مشت باتجاه سريرها قبل تجلس اندق باب غرفتها ..
ندى : ميـــن ؟!
امها : افتحي ياندى .
ندى : ياربي اكيد بتسالني كالعاده وتزن فوق راسي لين تعرف لكن مستحيل اقول ..
:::
:::
:::
بالمزرعه ..
هنادي : خلونا نلعب غميمه ..
خلود : موافقه ..
ريم : بس بدون غش خص نص هنووده
هنادي تكشر : ياربي ليش دايم يركزون علي بالغش بالمدرسه وبالبيت وبكل مكان .. اووف
سحر تدقها بقوه : هيه لاتكوني ماتدرين ليش
هنادي : لا ماعرف ليش علميني ؟
سحر : لانك اكبر نصابه على سطح الارض
هنادي : طيب طيب خلونا نبدأ بسررعه ..
خلوود : ريم عليك العد .. يالله ابدي
بجــهـه قريبه ماهي بعيده كثير كانت شهد ورغد مع بعض
شهد : احس مستواي رجع حسن من اول
رغد : ايه ملاحظة .. بعد اللي صار تغيرت فيك اشياء كثيره
شهد ترجع شعرها عن وجهها لان الهواء يلعب فيه : اممم زي ويش تغير فيني
رغد : اخلاقك مرره متحسنه حتى مع شوق وانتي تكرهينها
شهد تغير وجهها : لاتقولي تكرهينها يمكن ماحسيت فيها بس مهما صار هي اختي وبتظل اختي
رغد : مشاء الله والله في تحسن ملحوظ بقناعاتك ..
شهد : رغد بلا تطنز ..
رغد : انا ماتطنز على قولتك .. بس تعالي كوثر علامها علينا
شهد باستغراب : علمي علمك .. ماتطيف مني كلمه على طول تشب فيني
رغد : يالله بالمهفي ويش نبي فيها اللي يبينا نبيه غير كذا الله يسهل عليه
شهد : صدقتي ... الا شخبار عبودك يحلووه
رغد : اخـــبـــ...... قاطعهتها نغمه الرسايل
شهد تشوف الساعه ومستغربه : مين اللي يرسل الحين
رغد كمان باستغراب : مدري بشوف الحين .. اول مافتحتها ارتسمت بسمه عذبه على شفاتها وقرات احرف رسالتها اللي اخذتها لدنيا ثانيه
صبآح آلخير" يـ/ آحلى صبأح بدنَيتيَ ،،
صبآح آلنور" يـ/ نور طلَعوآلقلبً حيأ به .."
هلآ بآلحبً يومَ أنهً تغنى وطلتهً "طله) ،،
هلآ بـ\ آلشوقًَ لأ غردَ منَ محيأك وعذآبه ..]
حضؤركَ بهجَة آلجوريً وزهرًألكآديَ:
وفلة حضّوركً بهآ ! رومأنسيهً "
وموسيقى× حيلَ جذآبه×
شهد : ههههههههههه اكيد عبوود
رغد بانت غمازاتها من ابتسامتها : يس افكورس ماي بيبي
شهد تقلدها : ماي بيبي .. هاتي خلينا نشوف حبيبك ويش كاتب لك .. قرأت الرساله
شهد : وـآآآآـو صراحه مرره حلو المسج
رغد تسحب الجوال وتضمه لصدرها : وه بس فديته .. تكفين ياشهد تقولين الصدق بالله مافيه ملح يذوب الواحد ط
شهد : ملح !!.. الله يخلف على عقلك بس
رغد تغمض عيونها وتتذكر شكله : وي وي فديته والله يجنني بكل مافيه بسماره بغترته بسكسوكته بشعره .. آآآآه اروح ملح معه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك