رواية يآ قلب ارجوك لاعاد ترغمنيِ علىِ حب جديد وفيِه توهمنِي -18
~ جوى ~
دخلت البيت واهياا تتحلطم وتسب وتلعن بمشعل
: اووف منه شنو هذاا صج يقث مليق
وصل لها مسج بالمسن من فهد
أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة ..
اجبااري عنهاا شفايفهاا ابتسمت
خلت تلفوونها ودخلت الحمام (( تكرمون))
واخذت شور وبدلت ملابسها وحط رااسها وناامت
الســــــــاعهـ 9 بالليل
في بيت ~ ابو مشعل ~
محد قااعد بالصااله غير ام مشعل
مشعل ينزل ويبووس رااس امه
مشعل : قووه يماا
ام مشعل : الله يقويك .. ها اشوفك قاعد بالبيت اليوم.. !!
مشعل : ههههه لاني بفااتحج بموضوع
ام مشعل : خير للهم اجلهم خير
مشعل : والله ماني عارفه شنو اقول بس يما انا حاب اكمل نص ديني
ام مشعل بفرح : بتتزوج ...!!
مشعل ارتااح لانه ردت فعل امه ايجابيه : اي يماا من بعد رضااج انتي وابوي طبعاا
ام مشعل : لا يماا موافقين بس ببالك احد ولا ادورلك ..!!
مشعل : يما انتي عارفه منو ابي وابيج تخطبيلي اياها
ام مشعل بفرحه : اي اي يماا انشااء لله من عيووني بس خليني اقوول لامها بالاول وتشووف راايها بالموضوع
مشعل يبووس رااس امه : فدييتج ياا الغاليه
ام مشعل : الحين تفديتني وبعدين بتفدي زوجتك
مشعل : ههههههه
توقـــــــــــــــــعاتــــــــــــــــــكم :-
• جوى معقوله تواافق على الزواج ...!!
• مشعل معقوله نسى انتقامه ورجع حبها من يديد ..!!
• عبدالله ودلال ... الي متى ...!!
• نورا وكلامها عن شخصيه دلال معقوله صح وانها ما تسامح ...!!
• اشراايكم بالباارت من بعد هالغيبه ...!!
مو عشاني ما تكلّم .. قلت هذا ما يتألّم
ما يحس قلبه حجر .. قمت تتمادى وتظلم
أنا بصراحه منقتل .. وآكل بـ نفسي أكل
أنت تجرح ما تمل .. وأنا منك ما تعلم
مو عشاني ما تكلّم .. قلت هذا ما يتألّم
ما يحس قلبه حجر .. قمت تتمادى وتظلم
---
ليش تحرمني دفاك .. وأنا أتنفس هواك
وما أبي الا رضاك .. ليتك بـ إحساسي تهتم
حبني أكثر شوي .. وخل قلبك بس علي
انت دنياي وهلي .. والله الشاهد ويعلم
مو عشاني ما تكلّم .. قلت هذا ما يتألّم
ما يحس قلبه حجر .. قمت تتمادى وتظلم
\\ مريــــــم \\
كاانت حاطه الهاند فري وتسمع هالاغنيه
ودمووعها تنزل تحس بكل كلمه تقصدهاا هالكلمه
وصاارت تتذكر حياتهم بأنجلتراا اشلون كاانت على الاقل يميل لها كان يسولف معاها يكلمها يحسسها بقيمتهاا
وانهاارت بجي لما تتذكر اشلون شاال دلال بأيده لما طاحت غشيانه رفعت ريوولها لصدرها وحطت راسها بينهم وصاارت تبجي
: ااااااااااااااااااااااااه يااربي انا شنو سويت لا ام لي لا اب اشتكيله ولا حتى زوج يهتم فيني وصاارت تبجي
جلست أفكر هل صدق أهمك
ولا احساسي خاني و قف يمك
,,,
مره احس أنك قريب و أنت عن احساسي بعيد
و مره احس ان غريب و انت عندي أقرب حبيب
\\ جــــــــوى لفهـــــــــــد \\
جووى من اول ما رجعت من المدرسه واهيا تكلم فهد بالمسن
فهد : اقوول حبيبتي
جوى استحت : اسمي جوى
فهد : ههههه ادري بس احب اقوول هالكلماات احب اعبر عن الي في قلبي
جوى : وانا ما احبهم
فهد : خلاص انشااء الله يماا جوى
جوى : اي جذي زين خخخخ
فهد : اي بقوولج شيء
جوى : شنوو ..!!
فهد : انتي ضايفه احد بالمنتدى باإيميلج
جوى : لا طبعاا
فهد : اي اشوا ... انزين إلغي رسائل الزوار والرسائل الخاصه خليهم بس حق الاداريين
جوى : ليش ..!!
فهد : بس ماابي كل شوي واحد ناط لج يقوولج شلونج ومادري شنو ...
جوى : فهد عاادي والله يعني مجرد خوااني
فهد : لا مو اخوانج والحين قداامي تلغينهم
جوى : بس في بناات انا معاهم وابي اكلمهم اشلوون
فهد : اصلن ما راح تفضين تكلمينهم
جوى : لا امبلى بيصير لي وقت
فهد : لا لانه اول ما تردين بتكلميني وبخليج ساعتين تدرسين وبعدين هم بتكلميني يعني كل وقتج لي ماابيج تكلمين احد وانا اكلمج
جوى : شهل الحكم الدكتاتوري الي عندك فيه شيء اسمه راائي انا
فهد : انا الرجاال وانا الي اقوول شنو الي يصير وشنو الي ما يصير
جوى : لا والله
فهد : اي ولله
جوى : بس انا ما احب جذي
فهد : وانا احب جذي
جوى : فهد لا تقول عكس كلاامي
فهد : ههههههههه يلا الحين قوومي إلغيهم
جوى : انزين
بعد دقاايق
فهد : هاا بشري
جوى : كااني لغيتهم استاانست الحين
فهد : اي جذي احس برااحه
جوى : انزين بقولك شيء
فهد استاانس فكر بتقوله كلمه حلوه : امري وانا اسمع
جوى : تدري انك انساان سخيف
فهد ضحك : ههههههههه ليش
جوى : ما احب الي يتحكم فيني
فهد : بس انا من حقي موو ...!!
جوى ويهها قلب الواان : ........
فهد : ولييييه ردت حطت هالنقط
جوى : ههه مادري شقوول علقت
فهد : فدييت الي تستحي مو تعلق
جوى صاارت تضحك
كاانت حدهاا مستاانسه حلوو انه الشخص يلقى شخص يفهمه يلقى كل الي ينقصه فيه
حلو انه يلقى الشخص الي يشوف عيوبه واخطائه بس هم يظل يحبه ويثق فيه
بالمقاابل كان فهد
اسعد منهاا اول حب مر عليه كاان حده طااير من الفرحه حس انا جوى مو بنت حسها طفله بعفويتهاا بخوفهاا بتعابيرها بس كبير بذكائهاا بالاشعاار الي تحطهاا لقى الي الي ينقصه فيها
بس هل بيستمرون ولا بتبقى علاقه خلف شاشه .......
يـــــــــــــــــــــــــــوم جــديد
(( بيت ام مشعل ))
مشعل ينزل بسرعه من السلم والابتساامه شبرين بويهه ويبوس راس امه وابوه : صباح الخير والنور والسرور
ابو مشعل : صباح النور اشفيك اليوم الابتسامه بالويه
ام مشعل : قوول دووم مو بس اليوم
مشعل يرفع ايده للسما : وه اااااااااااامين بوجودها
ابو مشعل عرف الموضوع لانه ام مشعل قالتله واهوا ما عارض بالعكس قاال والنعم البنت الي اختاارها : اي اشووفك من الحين نسيتناا
مشعل يروح يقعد عند ريل ابووه : ههه لا افاا يباا اتغشمر يعني مثل منت عاارفه بصير معرس يديد هههه
دلال : هههههه منو المعرس اليديد ...!!
ام مشعل : اخووج اليوم بنخطب له
دلال بفرح : امااانه ورااحت لمت اخووها
: مبرووووووووووووووووووووووووووك .. بس منو اهياا
مشعل بفرح مو طبيعي : جوى
دلال بصدمه : شنو ..!!
مشعل : جوى
دلال تخفي الصدمه ورا ابتساامه : ااا اي مبرووك يلا انشاء الله منك المال ومنها العيال
دلال : يباا يلا بروح المدرسه قبل لا يطق الجرس
ابو مشعل : يلا ركبي السيااره وانا اغسل ايدي وايي ورااج
دلال : انشااء الله
\\ بيت ابو مشاري \\
حصه : وليييييييه عليج ياا جوى كل يووم نفس المواال
يلا قوومي
جوى تقلب ويهها : يماا سهراانه خليني انااام
حصه : ومنو قاالج تسهرين قوومي خلصي
جوى بقلبهاا مداام فهد شاابك اشلوون اطلع : انشاء الله يماا كااني قااعده
حصه : يلا قداامي اشووفج
جوى تقووم وتفرك عيونها : كاني قاايمه
\\ عـــبدالله \\
كاان ناايم بفندق طوول الوقت
قعد من النووم واهوا تعباان
: انا اعلمج مريمووم
انا وحيد ابووي يمد ايده علي علشاان وحده مثلج
انا اعلمج ياابنت ..... احساابج معااي
قاام من الفرااش واخذ دووش سريع
ولبس دشدااشه وطلع من الفندق
ورااح مدرسه دلال علشاان يشوفها حتى لوو من بعيد ......
الســـــــــاعه 9 الصبح مكالمه ضروريه
ام مشعل : صباح الخير
حصه : صباح النور والسرور
ام مشعل : اشلونج ..
حصه : والله الحمد الله بخير
ام مشعل : اقوول حصه انتي تعرفيني ماالي بالمقدمات واحنا اهل
حصه : قوولي وانا اخيتج يباا هالكلمات مو بينا
ام مشعل : والله احنا ناوين القرب منكم
حصه فهمت شنو تقصد : وه هذي الساعه المبااركه
ام مشعل بفرح : سااعتج ابرك يا الغاليه بس نبي راايها بسرعه لانه الي عندي صدع رااسي كل شوي ناط عندي
حصه بفرح : ههههههه انشااء الله
<< وصاروا يسولفون عن العرس والطقاقه والثوب العرس ووين بيسكنون وولا احد فكر برااي جوى ...
\\ مشــــاري \\
وصل جوى المدرسه وصاار يفتر بالشواارع
وكان حااط على ميرينا اف ام
وكانوا يسولفون عن الحب والتجارب الفاشله واهداءات اغااني وجذي
اخذ تلفوونه ودز مسج
اهدااء الي دانه
على بالي احمد الهرمي
وبعد دقاايق ...
المذيع : عندناا اهدااء من الاخ مشااري لداانه
اغنيه مميزه الصرااحه بالنسه لي
على بالي
على بالي كلام الحب على بالي تفاصيلكـ
على بالي شقاوتنا وامانينا ومشاعرنا
على بالي الليالي اللي سهرناها اغنيلكـ
على بالي غرام اللي عطانا اجناحه وطرنا
وإذا اني قلت انا ناسيكـ ترى كذب على حالي
تظل انتا لي الغالي وخيالي دوم يحكيلكـ
جنونكـ روعتكـ عطفكـ ماهو بيديني انساهم
احد ينسى من ايامه ياروحي اجمل ايامه
كل من جوني من بعدكـ رفض هالقلب يهواهم
محد غيركـ قدر يملي فؤادي ويرسم احلامه
بعد مارحت في دربكـ مكانكـ مثل ماهو كان
ولو طال البعاد ازمان شعوري دوم باقيلكـ
كاان يسمع هالغنيه وعيوونه
تدمع مو عارف وين يرووح ماعندي حلم حلمه الوحيد رااح كان بخااطره ترجع لوو ثوااني بس
بس يضمهاا على صدره كان يتمنى ويتمنى
كان بخاطره يرجع الزمن وما يخليها تروح هالمكان : كله مني يا دانه انا الي رضيت معني كنت حاس انه بيصير لج شيء اااااااااه يااربي يااريتج معااي يااريتج عاايش وحتى لوو متزوج غيري المهم اقدر اشووفج اتنفس الهوا الي تتنفسينه ااااااااه ياا غدرج ياا دنياا بس
ليس كل ما يتمناه المرء يدركه
وصاار يفتر بالشواارع
يمر كل زاويه كاان له ذكرى من داانه كل شاارع يذكره فيها
كل ما يلف ويهه يشووف خياالها ريحه عطرها الي تحبه بسياارته
كل شيء
بنهاايه دوام المدرسه
جوى تدخل البيت وويها احمر من الشمس وتسحب الجنطه ورااها وبإيدها الثاانيه حجاابها وشعرهاا متعفس
جوى بتعب : برووح انام لحد يقعدني ومابي غدا
حصه بفرح : هلا والله يماا لا تنامين بفتح معااج موضووع
جوى : يماا بناام بعدين
حصه : ضرووري يماا
جوى : انزين اتسبح وبعدين نشوف شنو هالموضووع
رااح الغرفه وخذت لها دووش سريع
وفتحت لابها شوي علشان تشووفه مووجود ولا لا
بس ما لقته : اكيد لحد الحين بالمحااضره
نزلت تحت عند امهاا وقعدت
جوى : هلا يماا
حصه بفرح : اشلونج يماا اليوم
جوى بإستغراب : يماا قوولي شنو عندج يعني مقعدتني علشان تعرفين شلووني
حصه : اسلووبج
جوى تبوس راس امها : من تأثير قله النوم
حصه بجديه : اقول جوى تعرفين انا انا وابوج مو دايميلج وسنه الحياة انج تتزوجين ويكون لج بيت وعياال يدورون حولج وتعيشين مع ريال يحبج ويغليج
جوى وعيونها بدت تملي دموع : يما شتقصدين ...!!
حصه بفرح واهياا تلقي القنبله على جوى : يماا ام مشعل اليوم كلمتني وقاالت بتخطبج لمشعل
جوى كاانت بحاله صدمه من الي تسمع حست لساانهاا مو قاادر يتكلم
على طووول قاامت من مكاانها ورااحت غرفتهاا
حصه ضحكت فكرته انها مستحيه : ههه ياحليلها
جوى تدخلت الغرفه وسكرت البااب وقفله
: انــ ـ ـ ا و مشـ ـ عل هئ انا اعلمه
دقت على رقمه
طووط طوووط طووووووط طووووووط
مشعل بفرح : هلا بهل الصووت
جوى : انت انساان حقيير تعرف شنو اكرهك
مشعل بصدمه : جوى اشفيج
جوى بعصبيه : لا تييب طاري اسمي على لساانك
انت ما تفهم اني اكرهك تبيني اتزوجك وتبدي تخوون من جديد وخر عن طريجي لا والله اقوول للكل
عن الي صاار ما تفهم قلتلك ما احب احب غيرك
وماراح اتزوج االا الي احبه وقلبي يبيه وتأكد انه هالشخص مووو انت
وسكرت التلفووون
مشعل الي انصدم من كلاامهاا
وصاارت الناار بقلبه تشعل انا اعلمج منو مشعل انا اعلمج
راااح عند دلال الغرفه وفتح البااب بقووه
دلال بخووف : يماا شوي شوي
مشعل يووقف قباالها بعصبيه : جوى تحب احد ..!!
دلال بخوف : هاا لا مادري ..
مشعل بعصبيه اكثر يقرب منهاا : منووو هالحيواان قوولي
دلال ببجي : والله مادري والله
مشعل بعصبيه : ان عرفت بس انج تعرفين فتأكدي انه اخر يووم بحيااتج تفهمين
دلال بخوف تهز راسها ,,,
مشعل طلع من البيت واهوا يكلم فهد
فهد : هدي مشعل كل شيء بينحل
مشعل : هالحيواان لازم اعرفه مووتت على ايدي
فهد : انزين خلك انا ياايلك الحين
مشعل : بسرعه
مشعل كاان واقف براا واهوا يفكر منوو هالشخص
\\ جوى \\
كاانت قااعده بالارض ولامه ريلهاا على صدرهاا وتبجي
: ااااااااااااااااااه عليك ياا مشعل تأخرت تأخرت بهل الخطوه
رااحت فتحت النت
كاانت محتااجه فهد كاانت تبي تكلمه بس ماا لقته شاابكـ
\\ فهد \\
كاان يكلم محمد بالسيااره ويقوله الموضوع
محمد بصدمه : لا احلف
فهد : والله
محمد : انزين انت رايح له هده واذا عرفوا الولد
خلك معاه لا يسوي فيه شيء
فهد : انا خايف انه يسوي للبنت شيء
محمد : الله يستر بس
فهد : يلا انا وصلت عنده اكلمك بعد شوي
محمد : قولي اذا صاار شيء
فهد : انشاء الله
فهد يوقف السياره ويطق هرن
مشعل بعصبيه يفتح البااب
مشعل : ودني الجابريه
فهد : ليش
مشعل بعصبيه : قلت ودني
فهد : انزين بس هدي شوي
مشعل كان قااعد وريووله يهزهاا وويه احمر
فهد : يمسك كتوفه : هدي كل شيء بينحل
مشعل بعصبيه : اشلون ينحل واهياا تحب ولد الكــ ـ ـ
فهد : مشعل صل على النبي وكل شيء بينحل
مشعل : اللهم صل وسلم عليه
\\ بيت ابو مشاري \\
ام مشعل : هاا بشري شقاالت
حصه : والله استحت ورااحت غرفتهاا
ام مشعل : ويه ياحليهاا يعني السكوت علامه الرضى
حصه : اكيد
\\ فـجر لمحمد \\
كااانت مشتاقه له تعودت عليه
نااطره تشووف سياارته بس ماافي
: اوووف اكيد الحين واقف قباال بيت حبيبته اليديده وجوى تقوولي يحبج
دقت على جوى مره ومرتين
وثاالث مره
فجر : جووجوو شووفي لحد الحين ما يه
جوى ببجي مو طبيعي : فـ ـ ـ ج ـ ـ ر
فجر بخوف : جوى اشفيج
جوى تبجي بشهااق : تعالـ ـ ي البـ ـ يـ ـت ضروري
فجر: انزين مسافه الطريج
فجر تنزل بسرعه عند امهاا
فجر: يمااا يماااااا يماااا
ام فجر : هلا اشفيج
فجر : يماا جوى تعباانه حيل بروح لها ضرووري بلييز
ام فجر بخووف : ليش اشفيها
فجر : مادري بس بروح لها ضرووري
ام فجر : اوكي خلي طلال يوديج
فجر : انزين
ام فجر : الله معاج
فجر ترووح تركض لغرفه طلال
وتفتح الباب
طلال : الناس تطق البااب
فجر بخووف : طلال بلييز ودي بيت جوى بسرعه
طلال : اشفيج
فجر : بليز ضرووري ودي
طلال : اي ليش
فجر : مادري مادري بس ودني
ضرووري
طلال ياخذ سويج السياره : اوكي يلاا
\\ مشعل \\
كاان توه وااصل بيت جوى
فهد يمسك ايده
:على وين
مشعل بعصبيه : بروح لها
فهد : بعقلك واهلهاا
مشعل : محد بيعرف
فهد : مشعل كبر مخك
مشعل بعصبيه يفتح البااب وينزل
اتصل على جوى
مره ومرتي وثلاث بس ما ترد
دز لها مسج انا تحت بالحديقه الي ورا ان ما نزلتي انا بصعد لج قداام الكل فااهمه
جوى تقرى المسج
حيواان حقيرر
لبست عباايتهاا وملفعهاا ونزلت بدون محد يشووفها واهياا ميته خرعه بس تسوي نفسهاا شجااعه
نزلت تحت وشاافته معطيها ظهره
مشت شوي ليه عنده
جوى بخوف بس تمثل الشجاعه : خير
مشعل يلف وويهه احمر وبعصبيه : الخير بويهج
مشعل يهدي بنفسه شوي : منو ..؟؟
جوى : شنو ..
مشعل يقرب منهاا ويأشر على قلبهاا وبعصبيه : منوو هالحيواان الي اخذ شيء من حقي
جوى توخر ايده وترد بعصبيه : ومن قاالك لك حق من حقووقك ...
مشعل بحزن شوي : ليش تسوين جذي ... .؟ اذا كنتي تبين تكسريني علشان خنتج خلاص انتي كسرتيني انا اعترف بغلطتي
جوى بحزن على حاله : خلني ياا ولد الحلال ورووح شوف طريجك انا ماني من نصيبك
مشعل صاار يعصب اكثر : لاانتي من نصيبي وما راح تكونين لغيري تفهمين
جوى بعصبيه : انت ما عنك احسااس ما تفهم
مشعل بعصبيه اكثر : جوى لا تخليني اسوي شيء ما يعجبج
جوى بخووف صاارت ترجع ليه ورى
ومشعل صاار يقرب : انتي ليش ما تحسين فيني
ليش صرتي تجرحين فيني ليش صرتي اناانيه ما يهمج الا نفسج
جوى لصقت بالطووفه واهياا ميته خرعه
وعيوونهاا بدت تدمع : وخـ ـ ـ ـر
مشعل صاار قباال ويهها وعيونه بعيوونه: منو هالحيواان ..!!
جوى صاارت تدزه بأيدهاا ودموعهاا بعيوونها : وخـ ـ ـ ـر عنـ ـ ـي
مشعل يمسك ايدينها : جوى انا احبج ليش تنهين هالحب من قلبج انتي تحبيني انا ادري بس تكابرين
لا تهدمين كل شيء بكلمه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك