رواية يآ قلب ارجوك لاعاد ترغمنيِ علىِ حب جديد وفيِه توهمنِي -20
عبدالله بعصبيه : ما لقيتيها
مريم : مافي دورت بكل مكاان مادري وين رااحت
عبدالله : انتي لوو تشغلين مخج بتلقينها بسرعه
مريم : انشااء الله
مريم تروح عند السرير وتدور تحت المخااد وتحت الفراش
مريم : وين رااحت
شوي ولا تشووف شيء يلمع تحت السرير
تنزل رااسها ولا تشووف البزمه
مريم تروح تحت السرير علشان تاخذ البزمه
عبدالله دخل الغرفه وشاافها اشلون داخله فصل ضحك :ههههههه شمدخلج دااخل
مريم تطلع من تحت السرير : مو الاخ قاالي ادور بزمته
عبدالله ياخذ البزمه : ههههه يعطيج العافيه ما قصرتي وطلع من الغرفه
مريم الي انصدمت : هههههه ياحليله اول مره يقوولي يعطيج العافيه بالعاده كله يزف هههه
مشــــــــعل
كاان حيل انطوائي بهل الفتره يعني ما يحب يخالط احد
: ااااااااه ياا مشعل ليش سويت جذي ليش ما تزوجتها يمكن ترجع تحبك ليش هدمت كل شيء ههه وانا اقص علي نفسي اقولها انها نفس اختي بتصير اشلوون بتحمل ازفها على غيري
اشلون بتحمل يااريتج تحسين وترجعين عن الي بتسوينه بس يااريتج
فـــــــــــــــــهــــــــــد
فهد ينزل عند امه بالصااله
فهد بفرح : يمااا ياا الغااليه
ام فهد : هلا يماا
فهد يقعد عند ريولها : اشلونج يا حلوه اللبن
ام فهد بضحك : اكيد وراك شيء
فهد : مشكلتج انج فاهمتني
ام فهد : هههههههه
فهد : يماا اشراايج يعني جذي يصير عندج احفااد بسرعه
ام فهد : اي والله يما يوم المنى
فهد : عيل خلاص خطبي لي البنت الي ابيها
ام فهد : ما عندي مشكله انت بس ييبلي اسم البنت ورقم اهلها
فهد : يما اسمها جوى محمد ……
ورقم تلفون اهلها ********
ام فهد : اوكي باجر اكلمهم واخذ موعد
فهد :لا يما الحين
ام فهد تشوف الساعه : بس يماا
فهد يقاطعها : يماا الحين
ام فهد بضحك : انشااء الله
تاخذ التلفون وتتصل على الرقم
طووووووووط طووووووووووووط طووووووووووووط طووووووووط
ام مشاري : الوو
ام فهد : الوو السلام عليكم
ام مشاري : وعليكم السلامه والرحمه
ام فهد : معاي ام جوى
ام مشاري : اي اختي بس منو معاي
ام فهد : انا ام فهد والله اختي سمعنا عدكم انكم خوش ناس وسمعتكم حلوه وحبينا القرب منكم يا وخيتي وشرف لنا انا نخطب بنتكم لولدنا
ام مشاري بفرح : اي يا هلا والله الشرف لنا اختي
ام فهد : ومتى تكونون فاضين علشان نشوف ونحدد كل شيء
ام مشاري : اشرايج يوم الخميس
ام فهد : حلو وانشاء الله نصفا على خير وتكون البنت من نصيب ولدي
ام مشاري : الله يقدم الي فيه الخير
ام فهد : انشاء الله
ام مشاري : بحفظ الله
ام فهد : بحفظ الرحمن
فهد : هاا بشري شقاالت
ام فهد : يوم الخميس نشووف شنو يصير
فهد بفرح : صج يماا يعني بتكوون زوجتي
ام فهد : لا يا ولدي اصبر لازم يسألون عنك بالاول وبعدين يحلها الف حلال
ام مشاري
راحت عند محمد وقالت له الموضوع
محمد : اي زين سويتي خلينا نشوف الناس وبعدين قولي حق جوى
حصه : بس اخاف انه ام مشعل تزعل انه بنزوجها
محمد : هذي قصمت ربج ومحد ياخذ اكثر من نصيبه
حصه : الله يقدم الي فيه الخير
محــــــمد
كاان يفتر عند فريج بيت فجر لعل وعسى يشووفها من بعيد
او حتى يلمح طرف ثوبها
بس لا تسير الرياح بما تشتهي السفن
فر اكثر من مره بس ماافي ولا شيء
دز لها مسج
وينكـ يا الغالي ولهت على شوفك
قبل حسك
تعال وشوف معشوقك اندفن بحبك واهوا عايش
فجر قرت المسج واهيا متضايقه
ياالله صبري بس يالله خلي هالقلب يقسى ولا يحن عليه ابد ياا رب
مشـــــــــاري
كان قاعد بالغرفه ومشغل لاب دانه
ويشوف صورها وتصااميمها الي بالمنتدى المشركه فيه
وكل شيء صاار حافظ كل شيء موجود بالاب
شوي ولا يسمع صوت تلفونه يرد
رد وما شاف الرقم
مشاري : الوو
...: الو السلام عليكم
مشاري : وعليكم السلام منو معاي
.....: انـ ـ ـ ـا
مشاري : اي منو انتي
.......: انا رنـ ـ ا
مشاري : ومنو رنا
رنا : انا البنت الي طلعتها من الحادث
مشاري توه يستوعب : اي اي عرفتج هلا والله
رنا بخوف: هلا فيك
مشاري : هلا اختي بقيتي شيء
رنا : اي والله يعني مادري شقول بس
مشاري : امري اختي شنو تبين واذا قدرت اسوي الي تبينه
رنا : انا مادري شقول بس يعني اانت عجبتني شهامتك ووقفتك معاي ويعني انا انجــ
مشاري يقاطعها : لو سمحتي اختي انا انسان مرتبط ومو مال هالسوالف
وسكرب التلفون
مشاري انا ليش قلت جذي لدانه
لا ياا مشاري هذي مو داانه دانه راحـ حس بغصه مو قادر يكمل الكلمه لا هذي مجرد لها صورت دانه بس اهيا ما تشبهها
لا بصوتها الطفولي ولا خجلها وحيائها دانه وحده ومالها شبيه بهل الكون كله دانه لو كان منها اثنين كان الدنيا بخير
رناا : اوووف على غباائي اشلون انزل نفسي لشخص مثله
بس اانا حسيت من عيونه انه يحبني يعني خوفه علي لما طلعني من السيااره والسستر الي تقول انه دايم يسأل عني شنو يدل هذاا
يـــــــــــــــــوم جديد ((يوم الاربعاء ))
اول مره جوى تقووم من النوم بروحها من غير ازعاج
جوى تدخل الحمام (( تكرمون )) وتغير ملابسها وترفع شعرها ذيل حصان وتاخذ جنطتها وحجابها وتنزل
حصه بصدمه : جوى فيج شيء
جوى بفرح : لا ليش
حصه : اشوفج قاعده مبجر
جوى : هههه لا يماا بس ماياني نوم
جوى تروح تسلم على ابوها وتبوس راسه
: صبااح الورد على الحلوين
محمد : هلا والله صباح الخير
جوى تقعد على الطاوله وتصب لها نسكافيه
: اقول يماا بااجر عادي نروح الجاخور حدي مليت من قعد البيت
حصه : لا يما باجر بيوننا ناس
جوى : منو ..!!
حصه : بعدين بتعرفين
جوى ما عطه الموضوع اهميه : يلا بباتي توديني انت ولا السايق
محمد : لا انا يلا قومي
جوى تبوس راس امها : يلا يما ادعيلي
حصه : الله معاج يما
بيت ابو مشـــعل
كان الكل قااعد بالطاوله مشعل وابو مشعل وام مشعل ودلال
دلال : مشعل تبي اصبلك جاي
مشعل كان سرحان : ........
دلال : مشعل مشعل
مشعل : هلا
دلال: وين رحت
مشعل : معاج
دلال : اقولك تبي جاي
مشعل يقوم : لا انا بروح الجامعه
ابو مشعل : بس اليوم ماعليك مواد ليش رايح
مشعل : بقعد مع الربع امس متفقين
ابو مشعل : اشلوون وفهد متصل علي البيت امس يقوول مو شايفك اكثر من يوم
مشعل بقلبه اللهم طولت يا روح : .........
ابو مشعل بعصبيه : انت كل يوم تطلع ولا ترجع الا بنص الليل وين تروح قوول لا يكون متعرف على شباب خرباانين
مشعل : يباا انا ما عدت يااهل علشان تحاسبني على الروحه والييه
ابو مشعل يقووم معصبه : عدل اسلووبك واضبط حالك عرفنا انك تحبها ورحنا وخطبناها لك بس انت الي قلت ما تبيها بعدين
وصرت تعاقب نفسك بهل الاسلوب وتعاقبنا معاك
احنا شنو الي سوينا لك مو كل الي تبيه يباه لك
ياوليدي لا تفكر اني اقول هالكلام علشان اضرك انت ولدي الوحيد ومابيه لك الا الخير
مشعل ينزل راسه ما يحب احد يشوف دموعه : خلووني بحاالي وانا ما راح اضر احد
وطل من البيت
ام مشعل بحزن : الله يهدي باالك بس
دلال بحزن على اخوها ومن قلب قالت : اااااااامين
بالجـــــــامعه
محمد كاان قااعد يشرب قهوه شوي ولا يي فهد
فهد بفرحه : صبااح الخير والنوير
محمد : ههه اشفيها الابتساامه بالويه اليوم
فهد : قل اعوذ برب الفلق لا تحسدنا بعد
محمد : ههههه ليش
فهد : بااجر
محمد : اشفيه بااجر
فهد : باجر بنروح انا وامي نخطبها
محمد بفرح : احلف
فهد : والله
محمد يقووم ويلم فهد : هههه والله كبرنا وبتصير من المتزوجين وبعدين مافي سهر برا البيت ههههههه
فهد : هههههه تسلم هههه مدامها بالبيت ما راح اطلع كلش هههه
محمد : الله يوفقك بس
فهد : ااااااامين
محمد : قلت لمشعل
فهد : دقيت عليه امس بالبيت بس رد علي ابوه يقول نايم
محمد : الله يهديه من بعد اخر موضوع صرنا ما نشوفه
فهد : اهوا ليش ما تزوجها
محمد : والله مادري بس جذي بيوم وليله قال مابيها
فهد : الله يهديه بس يعني مرات احس انا السبب يعني وديته بيت مشاري علشان يشوفها
محمد : انت مالك شغل الموضوع فيه انه ومشعل مو راضي يقول لنا اياه
بالمـــــــــــدرسه
فجر وجوى
فجر تدز ورقه لجوى
امس دزلي رسااله
جوى ترد عليها
شنو قال فيها
فجر تكتب لها الي قاله بالورقه وتحذفها
جوى بصدمه وبصوت :حلفي
الابله : جوى شهل الازعاج الي مسوينه انتي وفجر
جوى : اسفه ابله
الابله: مره ثاانيه لادااره
فجر تطق جوى : ويه عليج فضحتينا
جوى : شسوي انفعلت هههه
فجر : بعد الحصه انكمل لا تطرنا بعد
جوى : اوكي
عنـــــــــــد مشعل
من اول ما طلع من البيت وصاار يفتر بالشوارع
للحينِ آمرر " الشآرع " اللي آنت [ مرٍيته ] !
آجمع بقآيآآآآآآ رٍيحتك . . / و آتمآلك آعصآبي ’ ........ !
كاان حااط اغنيه طمني بس
عبدالله رويشد
كان يحس انه بحلم وبيقوم منه كاان حااس انه اذا غمض عيوونه
بيرجع كل شيء مثل ماكان بيرجعون يهال وماراح يخونها
وبتظل تحبه وبيتزوجها وييب عيال يقولوله يباا
بس كل هذا اوهاام يبتكرها الانسااء علشان يتهرب من الواقع
وهذا الي مشعل يحاول يسويه
اااااااااه عليج ياا جوى طووول عمري كنت خايف انه هالزمن يغدر فينا وما نتزوج وهذا الي صاار
مشعل كان يقوول هالكلام
وعبدالله رويشد رد علي يقوول
خايف غدر الزمان يطوي الحب الي كان واسمع انك نسيت من عمرك انتهيت
نهـــــــــــــايه الدوام
جوى ترد البيت واهيا مستاانسه
ماتدري شنو سبب هالفرحه بس جذي تحس انها فرحاانه
<< دائما ييني هالشعور ههه
دخلت البيت وماشافت احد موجود
رااحت غرفتهاا وشغلت لابها
وصاارت تفصخ ملابسها على ما يشتغل الاب
دخلت على المسن
وشاافته شاابك بس حاط اوي فما كلمته
فهد اول ما شاافها شاابكه
كتب لها
فهد : هلا والله هلا بالزين كله هلا بالعرووسه
جوى استغربت من الكلمه: هلا فيك
فهد : هاا اشلون المدرسه
جوى : بخير وانت
فهد : ممم بخير مثلج
وظل سااكت
جوى اشفيه ساكت مو من عوايده
: اشفيك ساكت
فهد : افكر
جوى : بشنوو
فهد : بشكلج بااجر يعني انا لحد الحين مو شايفج بس اتوقع تكونين حلوه حيل
جوى : ههههه ومن قاال بتشووفني
فهد كان مفكر انها تدري : انا باجر يااي بيتكم بخطبج واكيد بشوفج
جوى : شنوو
فهد : ليش محد قالج
جوى : لا
فهد : خلاص ريلج قالج باجر انا يااي حق زوجتي
جوى توهقت مو عارفه شنو تقول تحس انها فرحاااااااانه خلاص يااه خطبها يعني تأكده انه ما يلعب
جوى على طوول سكرت المسن وطفت الاب
حست انه الدم كله تجمع بوييها مو عارفه شنو تقول او شنو تسوي
حط راسها على المخده وغطت ويهها وحااولت تناام
فهد ههههههه اهم شيء انهاا اذا استحت تطلع من المسن بكبره
مقتطفات من البارت القادم :-
ابد ماجيت ابارك لك ولكن جيت ابا أوصيـك
// على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك
// قسم بالله ماتدخل عليهـا لـو علـى رقبتـي
+
مشعل بعصبيه : معقوله فهد ...
محمد يحاول يهدي فيه : طول باالك مشعل
مشعل بعصيبه : ما لقى غيرهااا
’,
’,
توقعــــــــــــــــــــاتكـــــــــــــــــم :-
• هالمره ابي كل شخص يتوقع ماراح الزمكم بأسألهم
يا دنيـــا لـــيه الحــب فيـه المصالح
محد يحب انسان مره لذاته
يجيني هذا وذاك وبلحظه رايح هذا
وذاك يا دينا ليه الحب ننكر غلاته
يا دنيـــا لـــيه الحــب فيـه المصالح
محد يحب انسان مره لذاته
ياما وقفنا معاه تركنا ونسانا واللي
نسانا اليوم ما ننسى سواته
خله يجرب قصته مع سوانا
يذوق طعم الحب مرره وحلاته
يا دنيـــا لـــيه الحــب فيـه المصالح
محد يحب انسان مره لذاته
الحب صاير كلمه سهله عليهم
ما يعرفون الحب حلوه صفاته
يادنيا صار الحب لعبه بديهم
ينطقها في لحظه لسانه وشفاته
يـــــــــــــــــــــــــــــوم الخمــــــــــــيس
يوم خطــــوبه قلبـــين
عاشـــوا لحظااتهم وكلامهم وافراحهم واحزانهم
عن طريــــــق شااشه كل شخص كان يبني احلامه وطموحه مع نصفه الثااني
فهد ^^
كاان حده حاايس ومو عارفه شنو يسوي
: اوووف الحين شنو اللبس بشت اسود ولا بني
ياالله والله اني محتاار
يااخذ تلفونه ويدق على محمد
محمد بصوت مبين انه نايم : الوو
فهد بتوتر : الوو
محمد : خير اشتبي ما تعرف انا هذا وقت نومي
فهد : اقوول اخلص مو وقتك ابي اسئلك البس بشت اسود ولا بني
يعني مو المفروض الاسود بيوم العرس
محمد : يعني مقعدتي علشان تسألني هالسؤاال اقوول اشرايك ما تطس
فهد : استح ياا ولد الحين المفروض تكون قدامي وتبااركلي مو تقوول هالكلام صج انك رفيج سكه
محمد : ههههههههه الحين انا رفيج سكه ياا فهوود
فهد : فهوود بعينك
محمد : خلاص ياا عمي غلطنا ومنك السمااح الحين كل هالخبه علشان الخطبه ترى يمكن ما يوافقون عليك
فهد : اعووذ بالله لا تفاول
محمد : ههههههههههههههههههههههااي انت شكلك راايح فيها معااها هع هع
فهد : اقوول اقلب ويهك الشرهه علي الي دااق عليك انت
محمد : فــ
فهد : يسكرالتلفوون بويهه
صج انه وااحد فااضي وصاار يطلع الدشدااشه الي موديها المصبغه من اول ما دقوا على ام مشاري وطبعاا رااح الحلاق
وسوا سكسوكه سوده << علشاان جوى تحب جذي
وطبعاا لبس غتره مو شمااغ ودشداشه بيضه وعليهم بشت اسود
وبزمه والقلم وكاان شكله زووووووووووووووقه
بالمقـــــــــابل جوى كاانت حاايسه اكثر منه
بالليل ام مشاري قالت لها عن الموضوع وجوى
وام مشاري قالت نشووف الناس بالاول وبعدين تعطيني راايج
مو عارفه شنو تلبس وشنو ما تلبس حدهاا محتااره
كل شوي تفصخ وتلبس وتحط مكيااج وتمسح
دخلت عليها ام مشاري : ههههه يماا اشفيج
جوى وعيونها بدت تدمع : يماا خايفه
ام مشاري تلمها : يما اشفيج اهوا بس بيشووفج واحنا سألنا عن الولد وقالوا عنه كل خير يماا انتي بس لا تخافين ربج يحلها اذا شفنا اهلهم زينين يماا ليش لا
جوى : خايفه ما اعجبهم يماا
ام مشااري : يماا لا تقولين هالكلام بالعكس له الشرف انه يزوج زينه البناات مابي اسمع هالكلام فااهمه ويلا قوومي لبسي
جوى تهز رااسها وطلعت لها نفنوف احمر بسيط حيل بس ضيج علي جسمها كاان شكلها حيل نااعم وطبيعي
السااعه صاارت تمشي وتمشي
لين صاارت الساعه 7 وبعد اذاان العشاا
وصل المعرس بهيبته ومعاه امه ومعاه كبير عايلته يده
بالمقاابل كان بستقباالهم ابو مشاري
دخلوا الديوانيه << طبعا ام فهد راحت عند الحريم
فهد ويد فهد وابو مشاري كانوا قاعدين
ابو مشاري كان مستاانس لانه لما سأل عن الولد الكل مدح فيه : هلا ولله تو ما نور المجلس
يد فهد : منور فيكم والله
فهد طبعاا الارض مو شايلته من الونااسه
عنــــــد الحريم
ام مشاري : هلا والله
ام فهد : هلا فيج
ام مشاري : ها اشلون الصحه
ام فهد : هه الحمد لله والله بخير
شوي ولا ينزل مشااري بسرعه
مشاري ينزل راسه : السلام
ام مشاري + ام فهد : وعليكم السلام
ام مشاري : اشفيك يماا
مشااري واهوا يطلع برا الصااله : تأخرت بالنوومه يماا وبلحق على المجلس قبل لا ابووي يعصب
ام مشااري تضحك : ههههه
ام فهد : اقوول وين عروستناا ما اشوفها
ام مشاري : الحين تيي
ام فهد واهيا متلهفه تشووفها : أي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك