رواية يآ قلب ارجوك لاعاد ترغمنيِ علىِ حب جديد وفيِه توهمنِي -22
ويرقصون بالسيووف
شوي ولا يشووف محمد يدخل
محمد : قمر قمر اليووم صااير
فهد يسلم عليه : ههههه تسلم
محمد : يلا انشااء الله منك المال ومنها العياال
فهد : هههههه ترى ملجه موالعرس
محمد : ههههه انزين عادي اقولها لك اليوم وبيوم زواجكم
فهد : ههه انشااء الله اقوولك مشعل وينه
محمد : كلمني قبل شوي قال بيروح يغير ملابسه بالبيت وبعدين وبيي
فهد : اهوا يدل البيت يعني قاايله انه ببيت مشاري
محمد : تصدق نسيت
فهد : انزين دق عليه
محمد : اوك
محمد يتصل بمشعل وكاان مشغوول << لانه يكلم ثاامر
بعـــــــــــد ربع سااعه
يدخل ثاامر المجلس ويسلم على الكل
واهوا يبتسم
مشعل يتصل عليه
مشعل : ها شصاار
ثاامر : تم ياا خيي
مشعل : على رااسي والله
ثاامر : افاا مابينا هالشكلياات
مشعل : يلا مع السلامه
ثامر : بحفظ الرحمن
مشعل يتصل على محمد ^^
محمد : وينك
مشعل : يلا انا يااي انتو وينكم
محمد : ببيت مشاري
مشعل : شلي موديك اهناك الحين فهد بيزعل
محمد : مشعل عرس فهد اهني
مشعل : شنوو
محمد : مشعل اشفيك
مشعل بعصبيه : معقوله فهد ...
محمد يحاول يهدي فيه : طول باالك مشعل
مشعل بعصيبه : ما لقى غيرهااا
محمد : مشعل لا يكون الي ببالي صح
مشعل يدووس بالسيااره وبعصبيه يقوول : ما لقى غير حبيبتي يكلمهاا
محمد بصدمه من الي سمعه طااح التلفون من ايده
وصاار يشووف فهد الي يضحك واهوا ما يدري بالي يصير
مشعل صاار يدووس علشاان يوصل بسرعه
مــــــــريم لعبدالله
مريم : عبدالله وخر بشووف
عبدلله بضحك : يعني انا موجود وانتي تشوفين هالفيلم
مريم تمسح دموعها : هئ حراام خليني اشووف شنو صاار للبطل
عبدالله يطفي التلفزون : ماافي مدامج قاعده تبجين
مريم تقوم تفتحه : عبدالله خلني اشوف يرجع لها ولا لا
عبدالله بحنيه يمسك ايدها : ما راح يرجع لحبيبته بس بيظل مع زوجته الي حبها
مريم انصدمت من كلامه : بـ ـ ـ
عبدالله : لا تقولين شيء انا الي اعتذر عن كل الي سويته بحقج يا الغاليه
وصل البيت والشر يتطااير من عيوونه
دخل المجلس وطلعت القصيده الي طلبهاا من ثاامر
ابد ماجيت ابارك لك ولكن جيت ابا أوصيـك
// على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك
// قسم بالله ماتدخل عليهـا لـو علـى رقبتـي
ولكن النصيب اقوى ولا ادري ويش اسوي فيك
// نعم صارت معزبتـك ولاصـارت معزبتـي
كذا صارت لي القسمة بتحرمني لأجل تعطيـك
// كذا لازم عشان تفوز انت انا اخسر بتجربتـي
تراهـا غاليـه جـدا وتكفـى والله يخلـيـك
// تدللها..تدلعها..تنسـيـهـا مصـاحـبـتـي
انا من كثر مااغليها احس اني بديـت اغليـك
// ولا تسـأل بايـة حـق والا وش مناسبـتـي
لانك لو بتسألنـي بتسمـع شـي مايرضيـك
// لـذا ياخـوي لاتسـأل ولاتسمـع لأجوبتـي
ابيك تحطها في داخل عيونـك وبيـن ايديـك
// وهي دلوعه اعتادت علـى كثـرة مداعبتـي
فداعبها شوي شوي حتـى تشتهـي طاريـك
// وشاغبها الين تقـول بطـل مـن مشاغبتـي
واذا هي مالها خلقك ولاتضحـك ولا تسليـك
// تحملهـا واسألهـا ياعمـري ليـه عصبتـي؟
وبالك اسمع انك يوم تضربها وهـي تشكيـك
// مايحتاج اوري لك بفـن الضـرب موهبتـي
صحيح انك بتملكها ومعـاك العقـد بالتمليـك
// وانا عارف حدود الله ومـن حقـك معاقبتـي
ولكن قل لها المجنون وصانـي وهـو يعنيـك
// يقول انـه بينتظـرك ولـو شيـب وشيبتـي
وانا مجنونها الي مانساهـا وانـت مايمديـك
// تغطي ذكرياتي فـي هواهـا ربـع تجربتـي
احس اني تماديت بكلامي والغضـب حاديـك
// لوانك فـي مكانـي ماتفكـر فـي محاسبتـي
كفاك اني تركت الليله اشغالي عشـان اجيـك
// دخلت القاعه برجلي ولاادري ويـش عاقبتـي
وانا ماجيت اخرب عرسـك الليلـه ولاآذيـك
// اناجيتك عشان اخاطبـك واسمـع مخاطبتـي
توصى وانتبه واحـرص عليهـا والله يهنيـك
// ترى كل الكلام الي طلع من ضيقـي وكبتـي
ولكن ماقدرت انـي اقولـه وانـت مايخفيـك
// اخاف اني اذا قلـت تقـوم وتقطـع رقبتـي
مشعل كاان طوول القصيده اهوا يطالع بفهد
والكل منصدم محد قدر يسوي ولا شيء
اول ما خلصت القصيده
مشعل يقرب من فهد والشر يتطاير من عيوونه
فهد مو فاهم الموضوع : مشعل اشفيك
مشعل بهدووء وعيوونه حمر : مبروك عليك حبيبتي
انا اذا مو واعدها اني اكون مثل اخوها جان وريتك نجوم الظهر يا فهد ياا رفيج عمري ياالي تعرف كل قصتي
تخوووني تخوون رفيجتك
محمد كان وااقف ورى مشعل : مشعل تعال معااي
مشعل : لا ما راح ارووح بقعد بقعد بعرس زوجتي اوو اقصد زوجت رفيجتي
فهد بعصبيه : مشعل احترم نفسك
مشعل : ههههههههااي وليش شنو بتسوي
فهد بعصبيه : محمد وخره عني
محمد يمسك مشعل ويكلمه بصوت واطي : اذا كان لي معزه بقلبك تعال معاي
مشعل يطلع من المجلس ويروح للحديقه
وياخذ زيقاره ويدخن بشرااهه
محمد يي وياخذ الزيقاره منه : مشعل هد شوي
مشعل اطلق الحريه للعصبيه بصرااخ : هالحيواان ما لغى غيرها
بس على موتتي هالزواج يصير
محمد : مشعل شهل الكلام خلاص البنت مو من نصيبك صل على النبي
مشعل : انا لازم اشوفها
محمد : تستعبط انت
مشعل : انت مالك شغل جوى ماراح تكوون لهل الخاين
محمد : مشعل ترى فهد ما كان يدري
مشعل : بس
محمد : افهم مايدري لا تقوول بس وتبرر لنفسك
انت الي خليتها انت الي قلت لها خلي حبيبج يي
وانت تدري اهوا اشلون تعرف عليها عن طريق منتدى ونك نيم
شعرفه انها حبيبتك انت طوول عمرك ما قلت لناا انها اخت مشاري بالصدفه عرفت انا شلون تبي فهد يعرف واهوا مو حيل ينخلط بسوالفناا
مشعل يعطي زفير قوي ..
قووه يا حلوين ^^
هذا
البارت الي قبل الاخير ...
يا فراقها توني شعرت بقسوتك في داخلي
يا فراقها توني احس اني بديت احن لأيامٍ مضت واشتاقها
بديت احن لشوفها واشراقها واشواقها
رغم انها اللي روحت
وبكل عمري طوحت
حتى بكفي فراقها ما ودعتني و روحت يا فراقها
في ليله جرحها الحنين
والجرح في قلبي حزين
مرتني الذكرى وانا
احصي تجاعيد السنين
مرتني تسألني بألم
منهو اللي فينا انظلم
منهو قسى
منهو نسى
منهو اللي من الثاني انحرم
يا ذكرى ليتك تسألين هالأسئله لأحساسها
وشلون باعتني وانا اول وآخر ناسه
لــــــيش الدنيا جذي ليش دايما تبعدنا عن الناس الصح بحياتنا
وتقربنا من الناس الغلط بحيااتنا
انا الحين
وقداام الكل
وانتم خليكم شاهدين على كلامي
انا اعتذر
أي اعتذر
اعتذر منج ياا جوى أي لا تستغربون
أي اعتذر من نفسي
لاني دخلت ناس غلط بحياتي
بالمقابل
طلعت ناس كانوا الشيء الصح بحياتي كلها
اعتذر مره ومرتين وثلاث
جــــــــوى
كانت قاعده بالكرسي ومتوتره
واهيا تشوف الكل فرحان بعيونها الطفوليه
ومشاعرها الممزوجه بالفرح والخوف من الي بيصير
صارت تطالع الكل تدور على ويه شخص
تدور على رفيجت عمرها كانت تتمنى تشوفها تلمها
تسلم عليها بس ليس كل ما يتمناه المره يدركه
كانت خايفه ماتدري شنو تسوي
شوي ولا تيي لها فجر
فجر : جوى حبيبتي شفيك
جوى بصوت مخنوق : بطلع من هالمكان بسرعه
فجر : جوى اشفيج
جوى ماسكه نفسها : فجر انقذيني ماراح اقدر امسك دموعي اكثر
فجر : ممم شقول لهم ان طلعتي ما يصير
جوى توقف
الكل صاار يطالع فيها ليش وقفت اشفيها
جوى مو قادره تتحمل اكثر مشت بخطوات سريعه وطلعت من هالمكاان
فجر صارت ترقع : ااا تعبت شوي
ام مشاري : اشفيها
فجر : ها أي تقول بطنها يعورها شوي ومو قادره تتحمل
والكل صار يضحك : هههه ياحليها استحت
<< اخيييه على هالكلمه بس ?
بالمــــــــقابل
جوى كانت قاعده عند الباب الي يطل على الحديقه
ولامه نفسها وتبجي
ماتدري ليش بس تحس الي سوته غلط
شعور يي عند الكل انك تتمنى يصير شيء بحياتك وفجأ لما هالشيء يكون بين ايدينك تحس انه ماله قيمه عنك
وتبدي تسأل نفسك ليش انا كنت ابيه ليش ضيعت ايام وانا احلم فيه
وهذا كان حال جوى كانت تبي فهد وتحبه
بس بنفس الوقت كانت تحس انه فيه شيء بداخلها يقولها لا لا تسوين هالخطوه يا جوى لا تغلطين بحياتج
وصاارت تبجي
شوي ولا تحس بكف ايد يمسك كتوفها
....: انا وعدتج اتركج وتركتج عيل ليش هالدموع
جوى تطالع فيه وصارت تبجي اكثر : هئ هئ هئ هئ
مشعل يطلع كلنكس ويمسح دموعها بس اهوا صار يمسح المكياج معاها فويه جوى اخترب : جوى
جوى تطالعه : هـ ـ ـلا
مشعل بضحك : خربت مكياجج
جوى تضحك : هههههه
مشعل : ايوا جذي ضحكي بس بلييز لا تروحين تشوفين شكلج لانه مسحت عيونج ومادري فيه الاسود الي فوقه نزل تحت عيونج وهذا الي اهني
جوى تقاطعه :ههههه خلاص عرفت ماله داعي تشرح
مشعل : خلج جذي دووم لا تبجين وخلي ببالج اني بكون معاج دايم ودوم ولا بعمري بفكر اني اضرج وبكون طول عمري ناطرج حتى لو شيبت
جوى مو عارفه شنو تقول : مشعل
مشعل بعفويه : عيوونه
جوى نزلت راسها: .......
مشعل : اسفه جوى طلعت من غير ما اقصد
جوى : لا عادي مشعل حصل خير
مشعل : شنو كنتي بتقولين
جوى بشجاعه : اذا طلبت منك شيء تسويه
مشعل : شنو قولي على هالخشم
جوى : ممم انا مابي اتزوج اليوم
مشعل بفرحه : صج
جوى تفرك ايدينها : مادري يعني احس اني احبه بس فيه شيء داخلي يقولي اني ما اتزوجه مشعل انا حيل محتاره مو عارفه شنو اسوي
مشعل يقعد يمها : شوفي كوني مشعل اقوولج لا تتزوجينه وخلج جذي و كوني اخوج اقولج فكري بعقلج هذا زواج مو لعبه
جوى تطالعه وتضحك وبعفويه قالت : وكونك حبيب جوى شنو تقول ..
مشعل بفرح : خلينا ننحاش مع بعض ونتزوج
جوى فصلت ضحك : هههههههههههههه اهبل انت
مشعل : خو انتي سألتي وانا جاوبت
جوى توها تنتبه على الي سألته : ههههه سوري ما انتبهت
مشعل : شدعوه عليج مافي اعتذار بينا
جوى تبتسم
شوي ولا تسمع صوت فجر تناديها
جوى تقووم : انا بروح
مشعل بحزن : ليش خلج
جوى : انا وانت نتمنا شيء بس الزمن سوا لنا شيء ثاني
مشعل يسمك ايدها : شنو تقصدين
جوى تروح : الي فهمته
مشعل بفرح : يعني اهيا تحبني وانا احبها بس الزمن سوا انا شيء ثاني ههههه يعني تحبني ههههه
وعلى طوول رااح للمجلس وقعد عند ابو مشاري
وكلمه: يباا
ابو مشاري : هلا
مشعل : نخيتك
ابو مشاري : قوول يا مشعل وكل الي تبيه تم
مشعل : ابي جوى لي على سنه الله ورسوله
ابو مشاري بصدمه : بس اهيا اليوم خطبتها
مشعل : انا ولد عمها واولها فيها من الغريب
ابو مشاري : بس الجماعه عندنا
مشعل : انا اتصرف بس ابي الموافقه منك بالاول اني ملجتي عليها تكون اليوم
ابو مشاري بحيره : بس ياولدي
مشعل : قلتها ولدك يعني بتردني
ابو مشاري صار بين نارين يعني الناس ومشعل : اوك يا ولدي تم
مشعل قاام
وراح عند محمد وقال له الموضوع
محمد : من صجك انت
مشعل : أي من صجي والحين اهوا لازم ينسحب من حياتها
محمد : بس
مشعل : البنت ما تبيه اهيا قالتلي
محمد : قالتلكم بلسانها
مشعل : لا بصووره غير مباشره بس المهم انها ما تبيه
محمد :بس
مشعل : لا بس ولا شيء هالزواج لازم ينغلي قبل لا يطيح الفاس بالراس
فهد توه يي : وليش يطيح
مشعل بعصبيه : ولك عين تتكلم معاي بعد سواتك
فهد : وليش انا شنو سويت خربطت معاها طعت بشرفها وتركتها
ولا (( قالها بصيغه طنازه )) حبيتها وختها مع الف غيرها
مشعل يمسكه من دشداشته : عدل اسلووبك لا اعدله لك
فهد ينزل ايد مشعل : ليش قلت شيء غلط
محمد يصير بينهم : صلوا على النبي انتو ربع وتتهاوشون على ..
فهد : على وحده ليش سكت ليش ما كملتها يا محمد
محمد مو عارفه شنو يقول يعني صار بين نارين
مشعل بعصبيه : شووف فهد وخر عن طريجها احسلك اهيا ما تبيك تبيني انا رووح يباا شنو ما عنك كرامه
فهد : احترم نفسك هذي بتصير زوجتي وحتى لوو قالت انا مستحيل اخليها فااهم
مشعل بيروح يطقه بس محمد يمسكه : مشعل هد شوي
مشعل بصرااخ : حقييييير وخااين ما تتزوجها لوو على موتي تفهم
مشااري يي من صوت الصرااخ
مشاري : اشفيكم
فهد : يطالع محمد ومشعل
مشاري يروح عند مشعل : مشعل ليش هالصراخ
محمد : لا مافينا شيء كنا نتغشمر شوي
فهد : لا ما نتغشمر الاخ يقوولي اني اخلي زوجتي له
مشاري يلف على مشعل : شنو تقصد بكلامك اختي الحين صاارت بينكم لعبه تتهاوشون عليها
على ما اظن يا مشعل انت خطبها وانت بنفسك تركتها والحين تتحمل الي صار لك
مشعل بعصبيه : اهيا بتصير زوجتي انا قصبن عن راس اكبر واحد فيكم تفهمون
مشاري بدون وعي : طرااااااااااااخ
مشعل يمسك خده ويقرب من مشاري
ويطاالع بعيوونه الي معصبين
ويبوس راسه : يي منك اكثر يا اخوي يا رفيج عمري
وطلع برا المجلس
ورااح سيارته
واهوا معصب حييييييل
صاار يركب ويدوووس بالسيااره
وعيوونه تنزل مسك تلفوونه واتصل على رقم جوى
جوى كانت مع فجر بالغرفه تعدل مكياجها
فجر : بس لا تتحركين خليني اضبطه لج
جوى : اووف ترى مليت
فجر : خلصي بعد شوي بتوقعين على زواجج وبعدين بيدخل عبدالله وبيلبس الشبكه
جوى : اووف
شوي ولا تسمع رنت تلفوونها المميزه
خايف غدر الزمان يطوي الحب الي كان واسمع انك نسيت من عمرك انتهيت
جوى تقووم من مكانها بعفويه وترد : الوو
مشعل وصوته مبحووح : جوى
جوى بخوف : مشعل مشعل اشفيك
مشعل بحزن : جوى والله انا اسف على كل شيء سويته والله اني حبيتج ولحد الحين احبج جوى سامحيني ابي اسمعها منج
جوى بحزن على صوته : ...............
مشعل كاان داايس حيل : جوى ردي علي ردي
جوى توها بترد بس سمعت اصوات غريبه عند مشعل
صوت شغله تتكسر وصوت مشعل يصرخ
وبعدين انقطع الاتصال
جوى بخوف : مشعل مشعل مشعل رد علي
دقت عليه مره ثاانيه وثااثه
ماافي رد ماافي احد يرد
جوى صارت بحاله ذهول صكرت التلفون
وقعدت على السرير
فجر تقرب منها : جوى اشفيج
جوى قعدت على السرير وما تكلمت ولا كلمه
ام مشاري تدخل الغرفه : يلا يما وينكم
فجر : خالتي شوفي جوى شنو تسوي قاعده تخرعني
ام مشاري تقرب يم جوى : جوى يما اشفيج
جوى : .................
ام مشاري : جوى يماا
جوى :.............
ام مشاري : بسم الله عليج يماا اشفيج تكلمي
جوى : ........
ام مشاري صارت تقرا عليها المعوذاات وسوره الكرسي
وجوى ولا كلمه : ...........
ام مشاري : اشفيها ليش صار معاها جذي
فجر تبجي : مادري مادري
ام مشاري : جوى جوى يما تكلمي قولي شيء
جوى : ........
ام مشاري : استغفرا الله يماا تكلمني اشفيج
جوى : ............
فجر ببجي : اخاف صار لها شيء
ام مشاري تحاول تشيل هالافكار : لا يما ما فيها غير العافيه يمكن
بس تتدلع علينا صح يما جوى
جوى : ............
ام مشاري تنوم جوى على السرير : اهيا محتاجه ترتاح شوي من لويه اليوم
جوى فاتحه عيونها وما تحركت ولا عطت أي ردت فعل : ............
بـــــــــــعد ربع ساعه
ام مشاري تحاول تكلم جوى
وجوى نفس الحاله
ام مشاري تطقها على خدودها : جوى جوى يماا ردي تسمعيني
فجر : صارت تبجي هئ هئ جوى
شوي
ولا يسمعوون صووت صرااخ مشااري بالدواانيه
ام مشاري + فجر ينزلون تحت يشوفون شنو هالصراخ
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك