رواية وصية حقد -24

رواية وصية حقد -24

ثوبها الذهبي الذي يحكي قصة جسدها وفصول الحكايه

ومكياجها الحفيف الذي اخبر الكثير عن الجمال ومازال السر يحفظه لصاحبته

ناظرتها امل وام طارق وكانت ام علي موجوده

بسمه غير موجوده لكنها بعد ثواني جات

قربت منهم همايل وهي تحاول الابتسام رغم خوفها منهم

جلست جنبهم

ام طارق _ الحريم بيجون بعد شوي اذا تكلموا عن هلك اختصري الاجابه

همايل سكتت وبلعت العلقم من القهر

امل بقرف _ مرت اخوك وعمتك كانوا ناوين يجون بس ما اعرف ممكن نا عندهم سياره

همايل رغم ان زهره وغدير اخر من راح تفكر فيهم لكنها شافتهم سند رغم كل شي

وبدوا الحريم يجون

وجات

غدير

بغت همايل تضحك غدير ما رجعت لحاتم للحين لكنها ما تغيرت ملابسها المبالغ فيها

وعمتها نفسها

غدير سلمت عليهم وقربت من همايل وابتسمت وبصوت واطي قالت _ اهل زوجك يكرهونك

همايل ناظرتها _ يتهيئلك

امل قربت منهم _ اخلصي وادخلي الصاله (وناظرتهم من فوق لتحت ؟)

غدير ناظرت همايل وكانها تقول شفتي لكنها فاجئت همايل لما قالت _ بس صاحبه البيت هي اللي تقرر متى اومتى ما تدخل

امل باحتقار _ ومن صاحبه البيت

غدير وهي تناظر همايل _ مرت صاحبه البيت

امل _ تخسى

همايل وهي متالمه _ امل بس

امل _ اقول لا يرتفع راسك تريك مازلتي بنظري خدامه

غدير _ غيري نظرتك هاذي لانها زوجه طارق واقع تقبليه

همايل خافت ان شي كبير يصير _ بس خلاص الله يخلي ام طارق هي الخير والبركه

غدير بتمثيل بارع _ كل هذا حب من اول ما شفت طارق وعرفت انه يحبك وانتي تضربين المثل بحبه عقبالك يا امل

امل ناظرتهم منقهره وراحت وتركتهم

غدير وهي تناظر همايل _ لا تفرحين مو عشانك سويت كذا بس عشاني ما حبيت هاذي البنت يله ندخل

.................................................. ........................

فتحت عينها

تحس انها كانت داخل فقاعه ما تنفقع من الكوابيس واخيرا خرجت منها

لكنها فتحت عينها على الواقع

شافت

حولها خيالات كثيره

تعرفهم وتمنت انها قامت وما عرفت احد

تمنت انها تفقد الذاكره

لان ذاكرتها امتلت بالذكريات المؤلمه

وما فقدته

ام سلطان _ هيوف حبيبتي انتي بخير

هيوف انت

العنود_ يمه لا تكلمينها خليها ترتاح

هيوف _ انا بخير وين انا

العنود_ هيوف حبيبتي لا تتكلمين انتي في المستشفى لا تخافين ما فيك شي بس تعبتي شوي وانشاءالله بتصيرين بخير

هيوف ناظرت حولها عرفت انها صدق في المستشفى يالله وش كثر تكره المشافي

ام سلطان باهتمام كبير _ هيوف حبيبتي وش اللي صار فيه مشكله صارت حبيبتي قولي لي خليني اساعدك

هيوف ناظرتهم ممكن هم اللي يقدرون يساعدونها

دخل سلطان هيوف على طول حطت يدها على راسها وعرفت ان الحجاب مو عليها

سلطان نزل راسه ورجع يخرج

العنود _ سميه وهيام دقوا على سلطان وقالوله انه اغمى عليك وما قمتي لهم وخذاك للمستشفى

هيوف _ طيب ابغالي شيله

العنود فصخت شيلتها وعطتها هيوف بابتسامه _ اسفه ما جيتي بشيله

هيوف استوعبت الفكره ان سلطان شافها وانتهى الامر

.................................................. ..........................

محمد يناظر طارق اللي يناظر أوراقه بسرحان

محمد_ استاذ طارق وش رايك

طارق هز راسه بعدم فهم _ رايي

محمد عرف انه ما كان يسمعه _ رايك بقضيه الفساد الاداري لشركه موتنسون

طارق سكت _ محمد ممكن تتركني شوي

محمد قام _ حاضر

طلع

وبقى طارق يناظر الجوال وخذاه

.........................................

همايل ناظرت جوالها لقته يدق وبرقمه

حست يدها ترتعش من الخوف والحب

يبغى يعتذر صح

طلعت من الصالون

ودخلت الصالون الصغير

همايل برجفه _ الو

سكوت _ ليه تاخرتي

همايل _ كنت عند الحريم في الصالون

سكوت اخر _ امي سوتلك الاستقبال اليوم

همايل بابتسامه _ ايوه رغم اني تمنيت شي ثاني بس عادي راضيه بهذا

سكوت اخير _ ما اظن انك وصلتي مرحله تقدرين تتمنين فيها شي وانا اموت عشان احققه

همايل صفعت بقوه في قلبها وفي روحها

وطعن حبها

سكتت وكان الصمت من طرفها

طارق _ ايش فيك سكتي

همايل بالم ما بينته بعد محاوله مضنيه _ ليه دقيت علي

طارق غمض عينه كان داق عليها عشان يعرف جواب هذا السؤال

طارق _ تبغين شي

همايل _ ما اظنك راح تموت عشان تنفذ اللي ابغاه

طارق _ صح

همايل بسرعه قبل لا يقفل _ طارق

طارق _ نعم

همايل _ ابغى اروح لهلي اليوم

طارق سكت

والصمت قتل امل همايل

طارق _ روحي بس …… بس لاتطولين ارجعي

همايل خفوقها فرح حسته ما يبغاها تروح

طارق _ فهمتي

همايل _ ايه فهمت

قفل الخط

ناظرت الجوال وابتسمت بقهر

.................................................. .........

دخل سلطان وقفل الباب وراه عشان لا احد يدخل لان اخته عطت حجابها لهيوف

سلطان وهو ما بعدت نظراته عن هيوف _ سلامات

هيوف _ الله يسلمك

ام سلطان ناظرتهم شوي وشكلها تضايقت _ سلطان ايش قالوا عن هيوف

سلطان _ بس اجهدت نفسها شوي

العنود_ هيوفه قولي وش فيك حبيبتي

هيوف سكتت وناظرتهم حست انهم مهتمين كثير

ناظرت ام سلطان لقتها مهتمه

العنود كذلك

وسلطان ايضا

هيوف وهي شايفه ان الامر ما هو بغلط _ عند اهلي مشاكل شويه

ام سلطان ارتجفت _ هيوف وش فيهم اهلك قولي بسرعه راح نساعدهم

هيوف سكتت وكانت حركاتها مدروسه ما تبغى تقولهم بس تبغاهم يساعدونها كذلك

ام سلطان _ هيوف بالله قولي

هيوف بخنوع غريب _ ما اقدر !!!!!

ام سلطان سكتت

العنود_ يمه انا راح انام عند هيوف اليوم

ام سلطان _ يكون احسن وهيوف اول ما تخرج راح تجي تعيش عندي ما راح اتركها الى لين تكون بخير

هيوف ناظرتها ودها تعرف وش له ذا الاهمتام ودها تعرف

وما كان سلطان بغير عنها كان يناظر امه بعد

.................................................. ...............

ما كان مفروض اسوي اللي سويته

سمحت لضعفي يبان

ممكن تستغله

بس هي ما هي من هالنوع

قفل عينه وتذكر كيف كانت في حضنه ضعيفه محتاجه احد يطمنها فتح عينه يبغى يبعد هاذي الافكار

دانه رغم كل شي

ما اقدر سامح

ما اقدر

بان ضعفي كثير

بس خلاص

مو صح لازم اوقف

………………………………………………………..

دانه ناظرت دريشتها ودموعها تنزل بقوه

ليه يا كامل

انت اعز واحد من اخواني وتالمت منك مو من غيرك

جاسر كيف اقدر اتخيل حياتي من دونه

احبه

كثير

ولا كلمه كثير ما عاده تكفي عندي

بس انا عارفه

شي

يوجع اكثر

اني ما راح انساه

جاسر مو مثل فايز

فايز ومن هو فايز كيف يكون ولو بذره قريب من جاسر

كيف يكون في قلبي مكانته مكانه جاسر كيف بس كيف

كامل راح يجي ليته ما يجي

خايفه عليه

وخايفه على نفسي

بضيع

وانا بعيده

عن جاسر

ليتني ما اعترفت لنفسي

بس يا نفسي انا دايم صريحه معك

صح

صح

ما راح اخلي جاسر يزيد حبه في قلبي كفاه اللي جاه

حبيته بقوه ولازم هالقوه تضعف

حضنه كان دافي

دافي

بعد عني برد الالم اللي عشته

بس الالم ولا حضنه

صح يا نفسي صح

……………………………………………..

خلص الاستقبال

ما احد طرى موضوع ابوها وما احد سئل عنه

همايل راحت لزهور عشان تروح معها لبيت اهلها

همايل _ زهور انتظريني انا بروح معك لهلي

ام طارق وهي تسمعهم _ ومن اللي قالك فيه خرجه سئلتي طارق ووافق

همايل ناظرت ام طارق بهدوء ما تبغى تثير المشاكل _ ايوه وقالي اروح

ام طارق ناظرت امل _ دقيلي على طارق ابغى اسئله

همايل حست نفسها طاحت من مكان عالي

يعني ايش انا كذابه

وقدام الكل ما همها احد

بسمه ابتسمت بهدوء وجلست في الصاله هي ويا امها وامل اللي مسكت جوالها ودقت وهي تبتسم

غدير ناظرت همايل _ راح ننتظرك في السياره

وطلعت هي ويا زهور

قعدت تناظر امل وهي ترتعش ودها تصارخ عليهم كيف قدروا يسون كذا

امل _ الو حبيبي طارق هاك امي

ام طارق _ طارق همايل تبي تروح لاهلها

طارق _ عارف

ام طارق _ انت وافقت

طارق _ قلت انا عارف اذا اكيد انا موافق

ام طارق ابتسمت قدام امل وبسمه عشان لا يبان شي_ بس مو مفروض تسئلني انا بعد

طارق _ وليه مفروض تسئلك يمه ارجوك خلي امور الحريم بعيده شوي عنك عندي شغل مع السلامه

وقفل

ام طارق ناظرت همايل _ قال انه وافق عشان لا تزعجيني بوجودك روحي لا ترجعين الا بعد بكره وممكن ما ترجعين بعد

امل _ فديت طارق ما يبغى يخلي جونا ملوث تفضلي روحي يا همايل يا بنت الحمايل

همايل خافت

ايه خافت

طارق قالها ترجع

كيف قال اللحين تروح ولا ترجع الا بعدين

ما ردت عليهم

عارفه موقفها ضعيف

طارق ما راح يصدقها

طلعت للسياره ومعها شنطه صغيره

غدير _ طلقك

زهور _ غدير بس

غدير _ وش قلت انتي شفتي كيف يعاملونها وكانها خدامتهم حتى قدام الحريم ما دخلوها معهم في السوالف وهي ساكته طول الوقت

همايل _ انتي عارفه ليه

غدير _ بس انا ماني بعارفه ليه طارق خذاك يعني ايش قصص الافلام والقصص سوى مقايضه ما فهمت

همايل _ شي بيني وبينه

غدير _ ليت هاللسان يبان مع اهله لكن معنا فالحه

زهور _ غدير بالله بس

غدير _ خلاص طيب انا وش علي نزلوني عند بيت هلي همايل بالله نسيت تعرفين من سعد خطب

زهور_ غدير بس والله كافي

همايل _ من خطب اكيد غلا

غدير _ ماشاءالله عليك كيف عرفتي ههههههه عموما زواجهم بعد اسبوعين انتوا معزومين

وقفوها عند بيتهم

نزلت _ لا تنسون وسلمولي على حتومي (وضحكت )

همايل مسحت دموعها

زهور _ خليك قويه

همايل رغم كل شي استغربت من زهور اللي قالت _ ابوك يبغاك يشوفك قويه يا همايل

همايل _ ابوي وش همه وش همه هو عارف ان طارق تزوجني عشان مصلحته ووافق كان رفض لو يهمه امري كان على الاقل سئلني هل تبينه

زهور _ بس انتي تبين طارق

همايل _ ايه ابيه بس انا احس اني منهاره مالي سند

زهور _ راح تلقين السعاده في نص الحزن يا همايل

………………………………………………….

((1))

القسم الاول

تجميع ورد الجوري

منتدى غرام اقلام لا تتوقف عن الابداع

وصية الحقد

الكاتبة &new moon&

تجميع ورد الجوري

منتدى غرام اقلام لا تتوقف عن الابداع

((2))

السلام عليكم

طبعا .....كالعاده

الردود رائعه

سارد عليها بلا استثناء .....

قريبا .***

لا تبخلوا بها علي ~}

الفصل الثاني والثلاثون

لمحات من العذاب ..........ورؤيه يغلفها السراب

بدايه ........ونهايه

لهيوف ..فقط ..وضع هذا الفصل .....ماذا حدث.....وكيف حدث

ولماذا ذكر هذا الحدث ؟!!!

.................................................. .....................

هيوف تناظر العنود اللي لبست حجاب جديد وتقرا قصه _ العنود انتي مخطوبه

العنود ارتبكت شوي _ ايه مخطوبه مادام اني من عايله العاصي لازم اول ما اولد اكون مخطوبه

هيوف _ من هو

العنود_ واحد ما تعرفينه ولد عمي راكان اسمه غازي زواجي قريب بعد ما يتزوج سلطان وزيد

هيوف _ انتي كنتي تبين زيد

العنود ضحكت بقوه _ وش هذا الكلام يا هيوف احبلي واحد اصغر مني بس ليه تسئلين

هيوف _ بس لان زيد ارتبك مره لما طريت اسمك

العنود بعد ارتبكت وبدون سابق انذار طاحت دمعه ومسحتها بسرعه

هيوف _ العنود

العنود_ تبين تسمعين سالفتي يا هيوف انا موافقه بس قبل كل شي ابغى اسئلك سؤال جاوبيني عليه بصراحه

انتي بينك وبين سلطان شي

هيوف تنهدت _ لا .................ليه تسئلين

العنود ناظرت هيوف _ بس كنت شاكه............. طيب على الاقل وكوني صريحه معي انتي تحسين سلطان يكنلك شي

هيوف _ ايه عارفه هذا الشي بس انا يالعنود ماني في وضع افكر اني ممكن اتزوج ثانيا ما ابغى اكون سبب في انهيار عايله

العنود_ سلطان بالذات ما لازم يضعف ولازم يتزوج الجوهره لانه وارث نص ثروه جدي وزواجه من اجنبيه راح يخلي في يد عمامي شي ضده اصلا عمامي ماسكين الورث عليه الين يتزوج تخيلي كله حسد رغم ان ثروتهم كبيره وهم اغنياء وجدي عطانا هذا النصيب عشا كنا اقل عايله مرتاحه ماديا بينهم وكل هذا الشي من راس ولد عمي اخو زيد

هيوف _ العنود لا تخافين انا انسانه عواطفي ما تحكمني رغم كل شي ما راح اخلي سلطان في مواجهه مع هله

العنود_ تحبينه يا هيوف تحبين سلطان؟؟ جاوبيني

هيوف _ لا ما احبه بس احترمه كثير وما ابغاله الضر بصراحه تعرفين يا العنود هاذي اول مره في حياتي احس اني صافيه النيه

هيوف بعد الصمت اللي ساد الغرفه قالت _ سؤال يا العنود انتي اخت سلطان من ابوه بس ..

العنود_ ايه اخته من ابوه امي ماتت وابوي تزوج امي حصه تبين تسمعين قصتي

هيوف _ ايوه

العنود_ عايلتنا وعلى راسها جدي عاصي الله يرحمه كانت عايله قويه لها نفوذ كبير واملاك كبيره بعد لكن جدي كانت له قوانين صارمه جدا البنت ما تطلع من عيال عمها والولد ما يتزوج من غير بنات عمه وهكذا جدي له اربعه عيال اللي هم عمامي وتخيلي جدي رفض احد يسمي احد باسمه الا لين شاف ولد عمي فهد الثاني واول ما شافه قال هذا سميي هذا عاصي العاصي عموما جا جيل الاحفاد واحنا كثير مره بس طبعا العيال لهم معزه اكثر عند جدي لكن معزه عاصي السمي وسلطان مامثلها معزه

عاصي نسخه من جدي عنيد لابعد درجه مغرور بذكائه وبطموحه ما يشوف احد مثله ذكي ممكن يقولك اشياء انتي تظنين انك مخبيتها كويس على الناس لكنه يعرفها (هيوف ناظرت العنود وهي تتكلم عن عاصي حستها تحبه وتكنله موده عظيمه)العنود ولثاني مره دمعت عيونها ومسحتها

عاصي اهم خصله فيه انه ما يحب احد يملي عليه تصرفاته نهائيا انا كنت خطيبته اوه خليني اتكلم عن سلطان سلطان كان يغار من عاصي يا هيوف كنت احس بعذابه لان جدي رغم حبه لهم الا ان عاصي عنده غير غير وسلطان كان يعاني بقوه من هذا الشي وممكن عشان سلطان كان يتيم الاب فشاف جدي ابوه الثاني وما بغى ابوه الثاني يحب غيره

نرجع لمقطع عاصي كان خطيبي وكنت فرحانه وموضع الحسد عند البنات بتزوج عاصي اللي كان باقيله سنيتن ويتخرج ويصير كابتن طيران كنت بتزوج خيره عيال العاصي وامي حصه كانت فخوره لكن جا اليوم اللي سلطان خرب كل شي .. انا مالوم سلطان احبه واموت فيه وعارفه ان غيرته عمته والله ما الومه جا سلطان لجدي وقال له ليه عاصي ما يتزوج العنود وياخذها معه لبريطانيا لما يطبق وجدي وافق و لما تجمعت العايله جدي قدام الكل قال

.................................................. .................

ما رايكم ان تحضروا هذا الموقف بأنفسكم

الجد جالس في راس المجلس

قال :..عاصي زواجك راح يكون مدخل الشهر الجاي

عاصي اللي عبس وجهه وتغيرت ملامح ايش بيقول تم يا جد ويسكت كنه حرمه مالها راي _ ولا لقولك لوا يا جد بس الزواج ماهو بوقته

الجد بتحدي يشع من عينيه _ تعاندني

عاصي : ماهو بانا اللي بعاندك ولا بحط راسي براسك بس انا قلت اللي عندي

(رغم العند الواضح منه هو الاخر )

.................................................. ..................

(هيوف فكرت ان العنود تحبه بقوه ولا ليه متذكره المحادثه اللي دارت بينهم )جدي طرده هذاك اليوم وعاصي بعزته سافر وتزوج وحده ثانيه

هيوف انصدمت _ تزوج وحده من برا العايله ذا انجن بدال ما يراضي جده يسوي كذا

العنود_ هيوف عاصي عنيد عنيد مره لكن من اللي كان مستانس من اللي صار سلطان فرح كثير ومن هذاك اليوم وعلاقتنا مع عايله عمي فهد ماهي بلذاك الزود يعني بينا بس سلام

هيوف _ سلطان خرب حياتك وانتي ما زلتي تحبينه (تذكرت دانه)

العنود_ بعض الاحيان نحب ناس لدرجه ان احنا ما نزعل منهم وانا اشوفه قسمه ونصيب وهذا انا خطيبه غازي وتبين تضحكين عاصي طلقها ومازال عندي امل منه انا مجنونه صح يا هيوف

هيوف _ لا مو مجنونه يا رب يكون لك نصيب معه يا عنود

العنود سكتت ودق جوالها وردت

وقعدت تستمع وناظرت هيوف وقالت _ طيب تعال

قامت وقالت لهيوف _ هيوف انا بطلع سلطان يبغاك بكلمه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,

موزه تناظر في اللي حالتها النفسيه زفت

موزه _ في تعالي ابغاك

في ناظرت امها اللي توهم جايين منه وقامت

راحوا للمطبخ

موزه _ دقيت على هيوف اليوم

في شهقت ؟_ من جدك لا يكون علمتيها بدانه

موزه _ ايوه علمتها

في بغضب _ ليه سويتي كذا وش راح نستيفيد انتي انهبلتي

موزه _ راح ترجع ممكن راح ترجع

في حطت يدها على وجهها تبغى تبكي بس ما فيه دموع _ الله يرد دانه والاهم ان ما احد يعرف لو عرفوا الناس بتكون فضيحه فضيحه كبيره

موزه ناظرت في كيف تقولها عن سالم يكون احسن لو ما تقولها

موزه _ تري عمار جا اكثر من مره ورمى ورق كثير

في _ وين الورق

موزه _ في لمتى راح تستمرين بكذا

في _ موزه انا مو خلق نصايحك خليك في حالك انا مو مستوعبه كيف دقيتي على هيوف ما اعرف كيف سويتي ذا الشي

موزه سكتت ما راح ترد

سكتت

وهي تعرف اللي

ما

تعرفه

في

……………………………………………………………

همايل وهي في حضن ابوها ما حست بالحنان

غريبه حضنه مو مثل حضن طارق دافي

عبدالله _ همايل بنتي انتي مرتاحه

ناظرته وابتسمت _ انت عارف ان سعادتي غير مهمه

حاتم كان ساكت كان متغير هدؤه غريب ممكن عشان بعده عن غدير

عبدالله الشهال _ همايل اذا طارق مضايقك اتركيه خليه يسوي اللي يسوي

همايل بتساؤل عارفه جوابه _ صدق يبه

عبدالله بعد ما تغضن وجهه _ صح السجن عذاب وبعد السجن مالنا غير الشارع يلمنا بس مع ذلك انتي مهمه

همايل ابتسمت ايوه هي مهمه بس ماهي باهم _ انا احب طارق ومرتاحه معه يبه

عبدالله ابتسم _ كنت عارف هو يحبك

همايل لا يبه ما هو يحبني

بس ما قالته

سكتت

ناظرت البيت اللي هلها عايشين فيه راقي

طارق اعتنى بهم

غريبه

خلاص انتهى حقده

ما عاد يبغى يسوي شي

انتهى وارتاح

ولا عاده يبغى يسوي شي

…………………………………………………….

وش اصلا باقي عشان اسويه

فكر طارق

يعني ايش يا طارق

فلسته

واهنته

وبعدته عن اصدقائه

وتزوجت بنته

وخلاص

مافيه شي تبغاه

لكن انا سويت كل هذا عشان ابوي

الا

زواجي منها

كان لي ولنفسي

كان عشان ارضي غروري

صح يا طارق

تقدر تعترف

هل انتهت السالفه

ولا اتركها

واحط طلاقي من بنته من سلسله التعذيب

او على الاقل تكون اخر سلسله التعذيب

بس كيف اقدر

هل بقدر

ابعدها …. وابعد نفسي من شي تبغاه لذي الدرجه

………………………………………………………………..

تحسست حرارتها

سخنت

وتحس نفسها منهكه جدا جدا

بس ابغى انام بكره بكون بخير بخير

…………………………………………….

هيوف ناظرت العنود_ خليه يدخل وانتي هنا

العنود _ بس انا ابغى اروح للكافيتريا ابغى اجيب لي قهوه

طلعت قبل هيوف ما تحتج

دخل وناظرها

سلطان تحبني صح

انت تحبني

ليه يا سلطان ………………. ليه

ما فيني شي يغريك او يجذبك

انا قدرت ارفض زيد لكن كيف ارفضك

كيف ارفض واحد مثلك راح يرعاني

بس ياما فيه اشياء

بينا

مصيبتي

ومصيبتك

واخيرا عدم حبي لك.. رغم كل شي حسيت بشي باتجاهك بس ما اظنه الحب

سلطان _ ايش اللي صارلك يا هيوف

هيوف _ ما صارلي شي زي ما قلت هلي عندهم مشكله

سلطان بغضب _ لا تكذبين علي انا عارف ان السالفه فيها زيد هم قالوا انه اخر من كلمك وبعدها ما عاد رحتي للجامعه وقبل ما يغمى كنتي تتكلمين عن واحد وتدعين عليه ايش سوا لك زيد يا هيوف

ابتسمت _ زيد ما سوالي شي .. خطبني رفضت لكن المشكله زي ما قلت عند هلي وراح اسافر لهم لما اطلع

سلطان سكت

وسكت

هيوف ناظرته تبغاه يقول اي شي

سلطان بصوت غير _ رفضتيه ليه ..وليه تبين تسافرين

هيوف _ رفضته لانه خاطب وما راح اخذ واحد مصيره مفروض يرتبط بوحده غيري (كانت توجه الكلام له)

سلطان _ بس هو يبغاك

هيوف _ هنا المشكله انا ما ابغاه

سلطان _ هيوف

قاطعته لانها خافت _ سلطان ابغاك تساعدني اللي راح اطلبه شي كبير لكن اذا ما قدرت تنفذه لا تغصب نفسك

سلطان كان باين عليه انه حزين من شي _ ايش يا هيوف

هيوف _ ابغيك تديني

سلطان ناظرها وهو متفاجئ

يتبع ,,,,

👇👇👇

تعديل المقال