رواية وصية حقد -25

رواية وصية حقد -25

هيوف _ رفضته لانه خاطب وما راح اخذ واحد مصيره مفروض يرتبط بوحده غيري (كانت توجه الكلام له)

سلطان _ بس هو يبغاك

هيوف _ هنا المشكله انا ما ابغاه

سلطان _ هيوف

قاطعته لانها خافت _ سلطان ابغاك تساعدني اللي راح اطلبه شي كبير لكن اذا ما قدرت تنفذه لا تغصب نفسك

سلطان كان باين عليه انه حزين من شي _ ايش يا هيوف

هيوف _ ابغيك تديني

سلطان ناظرها وهو متفاجئ

هيوف وهي على حافه البكاء امامه _ انا ما كنت راح اقولك بس جد محتاجه كثير لهالفلوس ما اعرف كيف راح اسددها بس اوعدك ان مكافاتي لك ثلاثه اربعاها ولين اموت وانا راح احوال اسدد الدين

سلطان _ هيوف كم تبغين

هيوف _ المبلغ كبير شوي انا معي منه 12 الف بس الباقي كثير

سلطان _ انا ما سئلتك عن المبلغ اذا هو كبير او لا سئلتك كم هو

هيوف _ 250 الف يا سلطان .انا قلت ان حالتكم الماديه كويسه وكنت

قاطعها _ تبينها بكره

هيوف _ راح اسافر اول ما اطلع وابغاها تكون معي لما اسافر

سلطان ناظرها تقريبا مغمض العينين

هيوف _ اذا ما معك قولي انا راح احوال اتدبر الامر

ضحك _ المبلغ ماهو بكبير كثير لا تخافين

هيوف _ اوعدك راح ارده لك وجميلك ما راح انساه

ناظرها

انتي اللي ابغاها

تقدرين تعطيني نفسك يا هيوف

تقدرين

سلطان _ خلينا من هالكلام راح احجزلك(سكت بعدين ناظرها وقال ) هيوف

هيوف ناظرته كانت تبغى تقاطعه وتغير الموضوع لكن عيونه سكتتها

سلطان _انتي عقابي على اللي سويته ..شكلي راح اسوي نفس الغلط اللي غيري سواه

ياما سمعت هذا الكلام

الغلطه

انا

ماني باكثر من غلطه

لكم يا اولاد العاصي

هيوف كانت فاهمه وش هو قاصد بس بينت له انها ماهي بفاهمه لانه هو نفسه ما هو بعارف انها عارفه

؟؟؟

طلع

وطلعت دموعها بقوه

…………………………………………………………….

وقف عند النهر اللي

كان دايم يجيه لما همومه تكبر

لكن عمره ما ظن ان همه راح يكون الحب

انا احب

يالسخريه القدر

وقف وهو عاقد يدينه

والهوا يلعب بشعره مثل

اللي تعذبه تلعب بمشاعره

تضحك

ارتاح ولا شي في هالدنيا بيضايقني

وتزعل

واكون مثل المجنون احاول ارضيها

وتسكت

واسمع اصوات الغضب بداخلي تصارخ تبغى تعرف وش سبب السكوت

وتتكلم

وتسكت حواسي تبغى تستوعب كل ما تقوله

وتتجاهلني

وانا ما ابغى غيرها يناظرني

وان ناظرتني

بغيت الزمن يوقف واكون

انا مو انا

علمتني وشلون احن ..وشلون احب

علمني كيف … انسى

يا بحر ضايع فيك ……….الشط والمرسى

علمتني وشلون احن

علمني كيف …كيف اقسى

سير علي سير علي

بس امسح دموعي وروح

سير علي سير علي

جبلي معك قلبا وروح

سير علي سيرعلي

اذا تذكرت الجروح

يا طاغي النظره خطى

تجزي بالبخل العطى

وانا اللي اهديتك امن

عين وجفن

هاذي فراش

وذا غطى

يا بحر ضايع فيك الشط والمرسى

علمتني وشلون احن

علمني كيف ..كيف انسى

يا جرح من وين ابتدي

يا جرح من وين ابتدي

وانت معي من مولدي

عيت يدي على وداعك تهتدي

على وداعك تهتدي

بس انت علمني الجفا

علمني الجفا

دامي عجزت

اعلمك كيف

الوفا

كيف الوفا؟؟

يا بحر ضايع فيك الشط والمرسى علمتني وشلون احن وشلون احب

علمني كيف ..كيف اقسى

كيف انسى؟؟؟

………………………………………………………………

ألم يكن اليوم متعبا

هل نام جميع الابطال

لا لم ينم الجميع

اعتقد انكم اصبحتم تعرفون

من الذي سيجافيه النوم

ومن الذي سينام لانه يريد ان يرى ماذا ستهديه الحياه غدا

ماذا ستهديه

من هدايا الالم التي تخبيها بين ثنيات الساعات التي نقضيها في وحده الروح

اعذرني يا الم لم استطع ان احبك

لم استطع الا ان اكرهك ومع تمنياتي الدائمه بان اكون بعيده عنك

…………………………………………………………………

يقال ان الصباح يجلي الهموم

وبه تتوضح الرؤيا

لكن ان كانت الهموم اكبر من ان يجليها الصباح

وان كانت الرؤيا واضحه من الليل

وهي ليست بتلك الرؤيا التي تريد اصلا ان تتوضحها

فهل تريد ان يطل عليك هذا الصباح

ما هو جوابك

ايها القارئ؟؟؟

..............................................

السلام عليكم

يالغاليات ...عموما اليوم نزلت الفصل رغم الشغل اللي على عاتقي والله مالقيت وقت فاضي ....فعشان كذا لا تظنون اني متجاهله رددوكم لانه والله اني اقراها وتعجبني وهي اللي تونس وحدتي ذي الايام عشان الدراسه.....فبلله ما تبخلون بها علي وتخيلوا انكم الشي الوحيد اللي يربطني بالعالم ذي الايام ...فلا تبخلون بها نهائيا ...انتظرها

الفصل الثالث والثلاثون

سأعود ...لك

ٍسأعود ...لكي

طارق .......بعد العوده .....ماالجديد؟

بلدي .......بعد العوده .....هل.الماضي لنفسه سيعيد ؟

هذا وذاك .....ابطال ينتظرونكم

لنبدأ مرة اخرى

.

…………………………………………………………………

يقال ان الصباح يجلي الهموم

وبه تتوضح الرؤيا

لكن ان كانت الهموم اكبر من ان يجليها الصباح

وان كانت الرؤيا واضحه من الليل

وهي ليست بتلك الرؤيا التي تريد اصلا ان تتوضحها

فهل تريد ان يطل عليك هذا الصباح

ما هو جوابك

ايها القارئ؟؟؟

..............................................

ابتسمت وهي تقرا الرسايل

اللي في الورق الصغير المقصوص بعنايه

ضحكت من كلامه ومن عتابه

انت منت بعارف يا عمار وش انا امر فيه والله ما تعرف

اختي واخوي

مشكلتي في اختي واخوي

لفت الورقه وخبتها في الصندوق المهم عندها

.................................................. ................

فارس _ امل وين همايل

امل _ وش ذا الاهتمام وش عليك

فارس ناظرها نظره تخوف _ تكلمي زين وينها

امل سكتت تمنت انه مازال يدرس برا لكن عمار نفذ اللي طلبه منه طارق وجاب فارس للرياض لكن فارس وطبعه اللي دايم متافف من اللي حوله ماهو معجبه وجوده هنا

امل عدتله كلامه معها

فارس تركها وطلع لعمار اللي كان ينتظره

عمار _ وش فيك ماد البوز

فارس _ فيه شي هنا يخلي الواحد يكون راضي هلي معذبين المسكينه مرت طارق وطارق ماهو يقول كلمه

عمار _ ما اعتقد ان طارق بيسكت بيوقفهم عند حدهم

فارس _ لازم يسوي ذا الشي بدري

عمار _ اتركك من ذي السالفه فارس انا ماني بعارف ايش في فًي لا هي ترد على الورق ولا هي اللي تطمني وتسرح للمدرسه

فارس ناظر الدريشه ما يبغى يتكلم عن موضوعها

عمار _ وش اسوي رد علي

فارس _ اتركها

عمار _ ايش

فارس _ اتركها مالك فيها صالح لانك وبعدين وش النهايه يعني

عمار _ انت ما تشوف الامور مثل ما انا اشوفها بعدين بخلي هلي يخطبونها السنه الجايه

فارس وصدره غاص بالم _ توك بزر

عمار _ ما اظن وانا في ثاني جامعه ما ازال بزر

فارس _ غير السالفه السنه الجايه يحلها الف حلال

عمار _ مزاجك اليوم يقهر

فارس _عارف انه يقهر (وكانه يتكلم عن شي ثاني )

.................................................. ............

دخلت البيت اللي كان يعيش فيه شخص تحبه

تحبه بالحيل رغم انه جرحها

وكأن هذا البيت يسجل سابقه بقصصه التي تحمل نفس التفاصيل المهمه

الفتاه تحب شخصا يقوم بتعذيبها

صفى ناظرت عمتها ام طارق سلمت عليها بحراره وناظرت حولها تبغى تشوف همايل

تبغى تشوف اللي من ريحه الغالي

تفكير متطرف غبي

بس ما زالت تحبه

ام طارق _ هاتي اشوف القمر يا قلبي عليها بسم الله عليها مثل امها

صفى ابتسمت وهي تمد ببنتها لدن لعمتها _ يا عمه والله انها صارت نور البيت لي ولابوها

ام طارق _ هم كذا الرجاجيل يحبون بناتهم كثير

صفى _ وينها مرت طارق

ام طارق وامل سودت وجوهم _ عنده هلها

صفى بدافع انها تعتبر نفسها من البيت _ عسى ما شر

امل ؟_ تزورهم

صفى _ تمنيتها هنا بغيت اشوفها

امل _ بتملين من شوفتها

صفى ما اعجبها الكلام وحست همايل غير مرتاحه هنا بطريق او باخرى

راح تساعدها

.................................................. ...........

همايل ناظرت الساعه لقتها اربعه العصر

لازم ترجع

لازم خايفه من طارق يا همايل

لا خايفه ومشتاقه مشتاقه بالحيل

رغم كل اللي سواه ؟؟؟

طلعت تلف اغراضها رغم كل شي بترجع

.................................................. ................

سلطان في السياره

فتح الباب لهيوف اللي دخلت وهي ساكنه كان وجهها ابيض من التعب

العنود دخلت وراها وجلست قدام عند اخيها

في الطريق

سلطان بغموض _ سفرتك اليوم بس شكلي غلطت بعدك تعبانه

هيوف _ لا لا احسن شي كويس انا بخير ما فيني شي

سلطان وهو يناظرها بالمرايه _ كل شي سويته وكل شي جاهز

هيوف فهمت _ شكرا

العنود ناظرت اخيها وهي تتمنى تعرف ايش فيه من امس وهو زعلان ومتضايق حست فيه دايم تشوف سلطان ما يحب يبين مشاعره لكن شكل مشاعره قويه ولا ما كان بانت كذا بسهوله

ناظرها سلطان وابتسمت بس هو ما ابتسم وكان اللي فيه متعبه حتى الابتسامه كبير عليه

حست العنود انه عارف انها عارفه لكنها ما راح تبدا معه ذا الموضوع

سلطان رجع يناظر الطريق وينتبه للسواقه

والعنود رجعت تفكر فيه وتفكر في اللي جالسه ورا اللي كل شوي يسترق سلطان النظرات عشان يناظرها

هي عارفه ان كلام هيوف صحيح هي ما تحب سلطان

على الاقل ما تحبه مثل ما يحبها

اما هيوف فكان التعب هاد حيلها بس فكره رجوعها للسعوديه شاغلتها

شاغلتها جدا

.................................................. .............

طلع من البيت وهو غاضب بقوه

كيف تسوي كذا وانا قلتلها ارجعي

تنازلت عن كبريائي مره وترجيتها انها ترجع

وهي ؟

ما رجعت

ما رجعت !!!

.................................................. .....

هيوف تناظر الغرفه اللي جالسه فيها

عمتها حصه

لزمت عليها تجلس في البيت حقها وبلاها مرمطه مثل ما قالت

الغرفه فخمه بس كيف تبقى هنا

هيوف هنا امن صح

لكن سلطان وبمشاعره الجديده

كيف اكون هنا

ممكن اتاثر ... وانصاع له ... واحبه

ما ابغى ما ابغى

اليوم في الليل بسافر

يعني بكره بكون في السعوديه

رغم كل شي

حست انها بترجع لمكان

ما قدرت تتخطى انتمائها له

.................................................. .

دانه حست فيه اصوات تناديها بدت تفتح عينها

غصبا عينها بغت تنام تحس نفسها بارده من داخل

جاسر بخوف _ دانه انتي بخير

وتحسس جبهتها كانت مسخنه

اصلا خدودها تدل على انها حاره

جاسر _ دانه كلميني انتي معي

دانه قعدت تناظره ثواني

حسته قريب

لا بعيد

دانه _ انا بخير

جاسر _ لا منتي ببخير حرارتك عاليه هذا عشان خروجك الغبي امس لبرا ما راح تطلعين برا مره ثانيه فهمتي

دانه رغم تعبها تحس تبغى تراده تبين له انها قويه او على الاقل تمثل عليه انها قويه _ فرقت يعني حابسني ما تفرق

جاسر ناظرها نظره تخوف

طلع ورجع

جاسر _ تغديتي

دانه سكتت

جاسر _ دانه بلا عناد تغديتي

دانه هزت راسها بالموافقه

جاسر خذا حبه من الحبوب اللي عنده المخفضه للحراره

دانه ناظرت الحبوب بخوف ناظرها جاسر وحس بخوفها

كان الغضب يتسلل بقوه لنفسه

ما صدق انها شاكه فيه

جاسر بصوت مخيف _ ليه تناظرين كذا خفتي اني اعطيك حبه تذبحك .صرتي تشكين فيني

دانه ناظرته غضبه خلاها ترد _ انا ما اعرفك كيف اثق فيك كيف بس إذا

جاسر _ ولا كلمه ولا كلمه يا دانه انتي ما تعرفيني شكلك ما تعرفيني اذا كان الوجه اللي بان لك وجه طيب فتريني مو كذا مو كذا لكن رغم كل شي ماني مثل اخوك ماني بمثله فهمتي

دانه بكت _ ايش بتسوي فيه يعني انت مو مثل اخوي طيب وش بتسوي فيه فهمني

جاسر سكت ورمى الحبوب _ ورقه الدوا داخل الكرتون اقريها واذا وثقتي في نفسك اشربيه

طيع وقفل الباب وراه بقوه

.................................................. ...........

عبدالله الشهال : حياك الله يا طارق تفضل

طارق ناظر البيت ورد بلؤم _ خل بنتك تجي

عبدالله الشهال اللي يحاول ما يتدخل في حياه بنته _ هي راح تجي بس تفضل

طارق ناظره _ لا بغيت ادخل لبيتي بدخله ماني بمحتاج لدعوتك

عبدالله ناظر طارق وهو بدا يعصب_ ماله داعي ذا الكلام يا طارق اللحين صرنا نعرف بعض يكفي يا طارق يكفي

طارق ناظره من فوق لتحت

.................................................. ..................

زهور طلعت لهمايل في غرفتها

زهور _ همايل طارق تحت ينتظرك

همايل بصرخه عاليه _ ايش

زهور _ طارق تحت ليه خايفه

همايل _ دخل البيت

زهور _ اكيد لا ابوك حاول بس هو رفض

همايل بسرعه نزلت وتركت اغراضها كلها شالت نفسها وبس

.................................................. ....

سالم _ ايش تقصدون هيوف بترجع

في _ موزه علمت اختها وهيوف شكلها قالت انها بترجع

سالم رغم فرحته _ احنا ما نبغى احد يعرف بللي صاير لدانه وموزه تقول لاختها

في _ هيوف ما راح تقول لاحد اصلا ما عندها احد تقوله وممكن تساعدنا

سالم _ تساعدنا ليه لا يكون تعرف وين كامل او ممكن انها عندها علاقات تعرف مكان دانه هي وجودها مثل قلته

في _ صح بس بس مع ذلك وجودها كويس على الاقل انحس ان البيت رجع مثل الاول على الاقل

سالم _ البيت ما راح يرجع مثل الاول ما راح يرجع

.................................................. ..................

همايل دخلت السياره

طارق دخل بعدها وبدا يسوق السياره

كان هادي لكن همايل عرفت انه معصب من مسكه الدركسون

همايل حاولت مثل ما دايم تحاول انها تلين قلبها _ سلامه الاسفار

طارق ما رد

همايل _ ليه معصب

طارق _ ممكن تعيدين لي كلامي اللي قلته لك امس

همايل _ تقصد لما كلمتك

طارق _ ايه لما كلمتك

همايل _ قلتلي اني اقدر اروح لهلي

طارق _ وش قلت بعد

همايل _ اني ارجع

طارق _ طيب ؟

همايل _ عمتي عمتي

طارق _ لا لا لا لا تلومين امي اوكيه لا تبدين بالحركه الغبيه حقت الحريم وتدخلين امي

همايل وهي بدت تبكي وتحاول تخبي بكاها _ بس انا صادقه عمتي قالت ارجع بعد يومين

طارق سكت

همايل _ والله اني صادقه والله

طارق ما حبها تحلف _ طيب اذا قالتلك امي هذا الكلام دقي علي اسئليني

همايل _ عمتي كانت مقفله منك فقلت انك انت اللي ممكن قلتلها وخفت بعد اني ارجع و (ما بغت تقول ارجع ويضايقوني )

طارق _ ضايقوك

همايل بكذب _ لا

طارق _ اذا كانوا خايفين انك تقابلين علي

همايل سكتت من الصدمه يعني بغت تحاول ما تسوي مشاكل صارت المشاكل فوق راسها

طارق ناظرها ورجع يسوق وهو يغلي من الغضب ليه ما دافعت عن نفسها

.................................................. ..

هيوف

ناظرت جوالها وقفلته للمره الالف او ما بعد الالف بكم ميه

المتصل زيد

تعبها

وهي ما تبغى تتعبه!!!

ناظرت حولها لقت سلطان يقرب منها هي و العنود

وعطاهم الكوفي

العنود _ سلطان تعرف توني اتذكر ان زواجك قرب وانا وامي من يوم بعدنا عن البيت واحنا ناسين السالفه تصدق ممكن الاسبوع الجاي ننزل لدبي نسوي كم حاجه

سلطان كان متحجر يناظر الكوب والمحتوى

هيوف ناظرته بخفيه عشان لا يلاحظها

العنود_ يا الله يا هيوف لو تشوفين ثوب الزفاف خيالي خيالي بصراحه الجوهره ذوقها لا يعلى عليه

هيوف _ ما شاء الله بس متى موعد الزفاف بالضبط

لقت سلطان يناظرها نزلت نظراتها ورجعت تشرب

قالتلها العنود موعد الزواج لقته بعد ما ترجع باسبوعين

سلطان قام وناظر ساعته _ لازم تقومين اللحين النداء بعد شويه

العنود_ طيب خله على الاقل لين ينادون

سلطان وهو يناظر هيوف اللي وقفت وماسكه شنطتها _ اظنها بعد تبغى تروح بسرعه

هيوف ناظرتهم لما وصلت للمدخل _ مع السلامه انا ابغى (سكتت وناظرتهم كلهم بس حاولت تخرج الكلمه بقوه ) اشكركم

العنود_ انتي زي اختنا يا هيوف المهم ارجعي لا تفرحين بالرجعه وتخليك تهونين نبيك ترجعين

سلطان _ انتبهي لنفسك

هيوف ناظرته نظره امتنان قويه _ شكرا اعذروني اذا غلطت او سويت شي

سلطان ابتسم _ انا عن نفسي اذا غلطتي فراح اخليك تصلحين غلطتك

هيوف ابتسمت وحست ان كلامه يخفي الكثير

دخلت

راجعه للسعوديه

الفصل الاربع والثلاثون

متاهات وشكوك ......متى تنتهي

دخلت للغرفه

همايل _ ابغاك تعتذرلي

طارق وهو متفاجئ _ اعتذر

همايل _ الكلام اللي قلته بخصوص علي كلام يهيني بالدرجه الاولى ويهين علي

طارق ناظرها وفي عيونه غضب يحاول يخفيه _ راح اسئلك سؤال .انتي تهتمين لعلي ؟

همايل ناظرته وقالت بصدق برئ _ اكيد... لكن مثل اخوي علي جدا خلوق معي جدا طيب ومراعيني

طارق _ و ليه تحتاجين رعايته وطيبته معك

همايل بحزن _ لاني مفتقدتها

طارق بغضب _ اذا مفتقدتها تعالي لي واطلبيها

همايل بالم _ ماهي اشياء تنطلب يا طارق لكن معك انت بالذات حتى لو طلبتها ما اظن تعطيني ياها انت تكرهني صح يا طارق تكرهني ماعدت تشوفني مثل اول بس تشوف فيني وسيله صح صح

طارق قرب منها وهو غضبان _ همايل لا تخليني اعصب

همايل بهدوء حزين _ بس انت دايم معصب علي

طارق بغضب _ لاني كاره اللي قاعده تسوينه فيني

تلى كلامه صمت طويل

همايل تناظره

تبغى تفهم

وهو يناظرها عرف انه غلط بس ما دام الكلام طلع خليها تفهم استعد في ذي اللحظه انه يتخلى عن حذره

همايل _ اسفه اني خليتك تتزوج زواجه ما تبغاها الهدف منها الانتقام بس لكن انت قلت انا محطه وغيري محطه ثانيه

طارق ناظر السقف وابتسم بقهر

ناظرها _ فرحانه وانتي تقولين ذا الكلام لي وتبيني انفيه واقول لا يا همايل ما راح يكون فيه غيرك واني ما ابي الا انتي لكن اسمعيني زين انتي صدق محطه (سكت وكانه قرر ما يكمل كلامه )

تركها وطلع بعد ما قفل الباب بقوه

.................................................. ...........

دخلت عليه وهي متردده

وقفت قدام المكتب ما ناظرها وبقى يوقع الاوراق اللي قدامه

دانه _ جاسر

جاسر _ ماني بفاضي

دانه _ اسفه

جاسر ناظرها

دانه _ شربت الدوا خلاص وبعدين السخونه خفت شوي وبعد انا

جاسر قام وانحنى على المكتب _ دانه اطلعي ما راح اقدر امسك نفسي ما ابغى اتحمل ما فيني حيل اتحمل

دانه نبض قلبها بقوه لكلماته _ جاسر سامح سامح بيرتاح قلبك

جاسر _ اسامح ..دانه اطلعي ولا راح اتهور واسوي شي ما راح تسامحيني عليه

دانه _ لا ما راح تسوي شي لانك حنون طيب انا عارفتك

ناظرها لمده طويله _ ما خفتي مني... انتي زوجتي اذا نسيتي هذا الشي واذا ما لمستك للحين فتريه مو عشاني مو قادر لا عشان لا احتقر نفسي لا اكون انا واخوك في خانه وحده

دانه تالمت من كلامه _ او يمكن عشان انك ما تشوفني شي مهم لدرجه انك تسامح عشانه

جاسر _ اذا قلت لا بتطلعين من الغرفه ....دانه اطلعي

دانه تراجعت _ تعرف يا جاسر انا بطلع بس لازم تعرف شي انت وجعتني والله وجعتني

طلعت

.................................................. .............

حست ان قلبها

ينبض بقوه

لا مو بقوه لا الا بسرعه جنونيه

حست ان ودها تسجد وتسوي مثل الافلام صدق الشعور مهيب

رجعت يا السعوديه اشتقتيلي مثل ما اشتقتلت لك ولا .....لا

جلست في الانتظار وهي تناظر حولها زي اللي اول مره تشوف أي شي

كانت تناظر الرجال اللي لابسين الثوب السعودي وابتسمت

النسوان بالعبايه ناظرت عبايتها بعد مرتاحه انا مرتاحه

المطار .........مكان راحه بالنسبه لي لاني في مكان بين كل شي

ناظرت طاقم طيران شكله متوجهه عشان يتولى مهمته في احدى الطائرات

المضيفات جميلات وانيقات ومشيتهم واثقه

حست انها مشدوده لهم

ناظرت المضيفين كيف عايشين حياتهم حريه دائمه لا ارض لا واقع لساعات طويله

كان القروب اللي يمشي متكون من حوالي سبعه اشخاص مضيفتين ثلاثه مضيفين وكابتنين وكلهم شالين معهم شناط سفر صغيره انيقه يجرونها ورائهم باحترافيه

تمنت انها وحده منهم

ناظرت الكابتنين اللي تحسهم قائدين للحريه

ناظرت الكابتن الاول رزانه هل الرزانه من متطلبات الوظيفه او هي ناتج طبيعي دليل على مجال رؤيته .......السماء

لو انا انسانه ....انا انسانه

اقصد لو انا انسانه وتزوجت طيار كان خليته يتقاعد

الغيره

ايه الغيره

كانت تناظر الكابتن وان كانت سرحانه

ناظرها نظره جانبيـــــــــــــه

هيوف نزلت عيونها وحولتها لجهه ثانيه

ورجعت تناظر بعد مده لقتهم خلاص دخلوا وعم في خيالها الهدوء

لكن ........................... قلبها انتهى بداخله الهدوء

يتبع ,,,,

👇👇👇

تعديل المقال