رواية يعرف نقطة ضعفي حبي له -2
ناصر ابتسم:كذا احلى
ريتال اتخبت ورا سحر الي تضحك عليهم:ناصر اطلع
ناصر:عادي النظرة الشرعية
فتون فاطسه ضحك عليهم وهي موطيه راسها وريتال جسمها كله حمر وبعصبية:اطلع برع ناصر
ناصر:آآآآآآآآآآآآه يا لبى قلب الناصر بس
سحر:ايه ولد استح على وجهك واطلع برع
ناصر رسل بوسه لريتال وطلع برع:باااي حبو
>>ناصر(26)سنة اخو سحر وولد عم ريتال وولد خال فتون ويموووت بريتال من وهو صغير ووسييييم حييل......سحر(21)سنة حبوبة وتسحر الكل بجمالها وعفويتها ودايما مع ريتال وفتون و سجى بنت عمتها..>>
-------------------------------------------------------------------------------------------------------
اليــــــــــــــوم الثـــــــــــــاني ....الكــــــــلــــيـــة
ديم:يا هو ابله وحيدة تعالي شاركيني الاكل
سديم:لا والي يعافيك ما نبيها
ديم:حرام على اهلها ليه سموها وحيدة
سديم:هههههههههه عرفوا انها بتكون وحيدة بحياتها ههههههههههههههههههه
ديم:ايه والله شكلهم
جت بسمة و وفاء:هاااي
ديم:وعليكم السلام
وفاء:ديمو مو فاضيه لك
سديم:مالت عليك وعلى اشكالك يااا..الا وش اسمك؟؟؟
وفاء بقهر:وفاء
سديم:ايه اتذكرت
ديم:لا تستهبلين عليها
بسمة:وش معنى وفاؤ
وفاء:لاني غير عند ديموتي
سديم بقرف:وع وش ديموتي
ديم:ما يليق
بسمة:خليها تدلعها
وفاء تحضن ديم:امووت فيك
سديم عصبت من وفاء ووقفت وسحبت بسمة معاها و مشت معاها ومو عارفة وين هي رايحه....ديم بعدت وفاء بعصبية:وش فيك انتي ؟؟
وفاء:ما فيني شي
ديم:تعرفين سديم وزعلها
وفاء:والله اختك دلوعة
ديم:ما يخصك فينا يا ربي وين راحت؟؟
سديم بقهر:اوووف الله ياخذها من بنت
بسمة:هدي
سديم:ما ابي اهدى
بسمة:سدومه والله ما يحتاج عالعصبية تعرفين وفاء
سديم وقفت واتنهدت:مشكلتي اني احب ديم بشكل يطفش ازعل منها من الاشخاص الي يمسكونها وهي مالها دخل فيهم
بسمة ابتسمت:اكيد يا حبيبتي بتحبينها انا امووت بدانا اختي الكبيرة وما افارقها ولا لحظة فكيف وانتي توأمها
سديم:بس هذا مو لصالحي
بسمة:ما عليش بيبي ديم اتحبك واتموت فيك وعارفتك وفاهمتك ووفاء طنشيها هي كذا من السنة الماضية
سديم سمعت صوت الجرس:يلا انروح الصف
بسمة عرفت ان سديم متضايقة من اسلوبها الهادي والمؤدب ومشت وراها وهي ساكته لا تفتك سديم عليها:....
ديم ووفاء واقفات عند الباب ويستنون سديم وبسمة ولمحتهم ديم من بعيد:سدوووووووووم
سديم شافت ديم بس ما قالت شي :....................
ديم قربت منها ومسكت يدها:وين روحتي؟؟؟
سديم :الكافتيريا
ديم:طيب يلا ندخل الصف
دخلوا المحاضرة وديم حاسه بان في شي بسديم من هدوئها...وفاء مقهوره من دلع سديم وما قالت شي....
نــــــــــــهــــــــــايـــــــــــــة البـــــــــــــــــــارت
البــــــــــــ 4 ـــــــــــــارت
المستشفى
مشت مع دكتور عمر وهي خايفه على حالة المريض وما تدري ليه...دخلت الغرفة وشافته جثة هامدة في السرير...الدكتور عمر:دكتورة ليام هذا المريض له 16 سنة بغيبوبة وراح يكمل ال17 سنة
ليام انصدمت:16!!!!
د.عمر:ايه والله ومو عارف وش اسوي فيه
ليام:اكيد اهله متضايقين
د.عمر:ايه والله واايد
ليام شافت المريض وقلبها يدق بسرعة ما تدري ليه اتحس ملامحه مو غريبه عليها اتحس انها تعرفه:...........
دخلت حرمه كبيرة و رجال كبير بالسن:مين انتم؟؟؟
ليام ود.عمر لفوا لهم:.........................................
الحرمه:مين انتم وش سويتوا بعبدالله؟؟
ليام عقدت حواجبها:انا دكتورة ليام
د.عمر:وانا الدكتور عمر
الرجال:وش سويتوا باخوي؟؟؟
ليان:لا تخاف حنا نتطمن عليه بس
الحرمه تبكي:اخوي مسكين له 16 سنة 16 سنة مو قليلة حسبي الله على الي كان السبب فيه
د.عمر همس لليام:خلينا نطلع
ليام هزت راسها بايه وتوها بتطلع الا والحرمه سحبتها لها وظلت تتأمل عيونها:!!!!!!!
الرجال مستغرب من اخته:وش فيك يا سلمى؟؟
سلمى بصدمه:هنادي!!!!
ليام رفعت حاجب مو فاهمه شي:عفوا
سلمى تبكي بحرقة:هنادي انتي هنادي هنادي ما متت هنادي ليه تركت اخوي ليه؟؟؟
د.عمر مو فاهم شي:....!!!!
الرجال سحب سلمى:هنادي مااتت الله يهديك يا سلمى
سلمى تبكي:عبدالرحمن شوفها عيون هنادي عيونها
ليام طلعت من الغرفة وهي اتفكر بكلام هالحرمه الغريبة و بعبدالله وبشببها بهنادي:.....................
عبدالرحمن بعد سلمى عنه:سلمى هنادي مااتت بحادث المصنع
سلمى جلست على الارض:هي هنادي هي هنادي انا اعرف هنادي عيونها غير عن الكل مثل عيون ذي
عبدالرحمن طلع من الغرفة وهو يدور عن ليام بس مالقاها ورجع داخل وعيونه على عبدالله:...................
ليام اتحوس بالورق الي عندها وعقلها مع سلمى وكلامها..فجأة ..اتذكرت ان امها اسمها هنادي وابوها عبدالله.....ماتت...امها ماتت...بسرعة رمت الورق وركضت لغرفة المريض عبدالله ....بسرعة دخلتها وللاسف مالقت عبدالرحمن او سلمى....حست باءحباط كبير وشافت عبدالله.....دمعت عيونها وطلعت من الغرفة وهي اتقول بنفسها((مستحيل يكون في غيبوبة وحنا على بالنا مااات مستحيل ابوي مااات بس هذيك السلمى لازم اشوفها مرة ثانية لازم))
--------------------------------------------------------------------------------------------------------
القــــــــريـــــــة
مزون جالسه تغسل الملابس وتفكيرها اكيد بحياتها المستقبلية هههههه.....الجده:مزون
مزون تركت الملابس وراحت لجدتها:نعم
الجده بتعب:تعبانة
مزون خافت على جدتها وركضت اتجيبلها العباية ويروحون المستشفى بسرعة.....لبست عبايتها وطلعت هي وجدتها مشي لان ما عندهم سيارة .....بالصدفة ليام كانت عابره من القرية >>فاضية تبي اتشوفها هههه>>وشافت مزون والجده وقفت السيارة على جنب وطلعت منها:محتاجين توصيلة؟؟
مزون استحت ووطت راسها لان ليام لابسه لبس بندر المرحوم:....................
الجده بتعب:ابعد يا ولدي ولا راح اخبر الشرطة
ليام حست على نفسها:لا يا جده انا بنت بس لابسه ثوب ولد
مزون رفعت عيونها له بصدمه من جرأتها:...!!!!!
الجده:احلفي
ليام:قسم بربي الكعبة
الجده:اجل يا بنتي وديني المستشفى انا تعبانة حييل
مزون دمعت عيونها:جده
ليام رحمتهم وركبتهم معها وانطلقت للمستشفى الي تشتغل فيها ودخلوها بعد ما فسخت ثوبها ولبست عبايتها ومزون منصدمه من تصرفاتها وبنفس الوقت خايفه على جدتها........دخلت ليام ومزون وهم ساندين الجده عليهم ....واحد من الموظفين:دكتورة ليام خلص دوامك
ليام:جهز غرفة للمريضة بسرعة
الموظف:حاضر
مزون شافت ليام بصدمه وكل دقيقة تزيد صدمتها من هالبنت:....................!!!!!!!!!!!
كشفت ليام على الجده واكتشفت ان فيها تلوث كلوي...الجده دمعت عيونها:لا تخبرين مزون
ليام:بس يا جده...
قاطعتها الجده:ما ابيها تعرف
ليام :لازم عشان اتساعدك
الجده:هي اتسوي كل شي من حالها اصلا
ليام:لازم تعرف عشان اتجيبكم لنا كل اثنين انسوي لك تنظيف كلية
الجده بتعب:ما ابي
ليام بيأس:جده
دخلت مزون بعد ما دقت الباب وشافت جدتها وركضت لها بلهفة وضمتها بقوة:الحمدلله ما فيك شي
ليام عورها قلبها على هذا المنظر:.............................
الجده نزلت دموعها وضمت مزون بقوة:ما فيني شي يا روح جدتك
مزون شافت ليام:تقدر تطلع
ليام شافت الجده:ايه
مزون سندت جدتها وطلعوا من المستشفى ووراهم ليام....مزون لفت لليام بابتسامة:مشكورة
ليام ابتسمت لابتسامة مزون:العفو
الجده:يلا انروح
ليام:انا بوصلكم
مزون استحت:ماله داعي ما نبي نتعبك
ليام:آفا آي تعب الله يهديك بس ياا....وش اسمك؟؟
مزون:مزون خالد ال...........
ليام انصدمت من اسم القبيلة مثل اسم قبيلتها بس ما قالت شي وابتسمت:انا ليام عبدالله ال..........
الجده لفت بسرعة لليام وهي منصدمه وبسرعة:ماله داعي اتوصلينا بناخذ تاكسي
مزون ما اهتمت لاسم القبيلة وباستغراب من جدتها:ليه؟؟
الجده:خلاص ماله داعي يلا يا مزون
ليام استغربت من الجده وما قالت شي وهي مستغربة تهرب الجده منها بعد ما عرفت عن قبيلتها يعني مزون لها دخل فيني هذا الي جا بتفكير ليام......
--------------------------------------------------------------------------------------------------------
طلعوا من الكلية وشافوا سيارة تشبه سيارة ليام وركضوا لها وركبوا قدام:السلام
......انصدم وهو يشوفهم جنبه:.....!!!!!
ديم:آآي ظهري
سديم:ايه والله ما طاعت عبيروه اتخلص الدرس
ديم:صدقتي الا ليومه وش فيك ساكته؟؟
...........:.........!!!!!!!!!!!!!!!!!!!!!!!!!!!
ديم:اوف سديم شوفي اختك ما فيني الف رقبتي اتعورين
سديم لفت للشاب الي يشوفهم بصدمه واتعلقت عيونها بعيونه الرماديه اللامعه:............................!!!!
ديم استغربت من سكوتهم ولفت وشهقت:يماااااااااه مين انت؟؟؟
الشاب انتبه:هاه مين انتم دخلتوا سيارتي لا احم ولا دستور
سديم انتبهت على نفسها:وش احم ودستور بعد في للسيارات دستور
ديم:التطور يا اختي التطور
الشاب:استحي انتي وهي واطلعوا برع
سديم وديم عصبوا من كلمة اطلعي برع وجلسوا عناد فيه:................
الشاب:لا حول ولا قوة الا بالله والحين معكم
سديم:ما يخصنا ليه تقول اطلعوا برع
الشاب:عشان تطلعون
ديم:حتى حنا كنا بنطلع من نفسنا بس الحين ما نبي
سديم:عناااااد فيك
الشاب ابتسم لسديم:نعم
سديم عقدت حواجبها من ابتسامته:ليه توزع ابتسامات؟؟
ديم:فرحان بضروسه
الشاب:هههههههههههههههههههههههههههههههههههههه
سديم وديم مستغربات من ضحكته:....؟؟؟؟؟؟؟؟؟؟!!!!!!
الشاب:هههههههههههههه اختي جايه
ديم:واذا
سديم لفت وشافت اخته وشقهت:سجى!!!!
ديم تدز سديم:اطلعي بسرعة يا ثورة
الشاب يشوف سديم وديم الي طلعوا وشردوا لبعيد وهو يضحك عليهم:ههههههههههههههههههههههههه
ركبت سجى:وش فيك تضحك؟؟
الشاب:ههههههههههههههههههههههههههههههههههههه
سجى:حوووو ريان
ريان :هههههههههههه وشو هههههههههههههه
سجى:شفت مهرج؟؟
ريان:مهرجين
سجى:مين؟؟؟>>مو فاهمه شي
ريان ابتسم:ولا شي
حرك السيارة متجه لبيته وهو يفكر بسديم وبعيونها الي سحرته وجذبته لها وبلا شعوريا ابتسم........
>>ريان(25)سنة وسييم وجذاااب حيييل يشتغل بمستشفى دكتور جراحة ويموووت باخته حنين وهو الي يصرف على امه واخته.........سجى(21)سنة جميلة وحلوة وناعمة حييل ومالها بالهبالها والمسخره ومع سحر وريتال وفتون دااايما بس دخلت هالكلية عشانها قريبه من فلتهم.....
--------------------------------------------------------------------------------------------------------
ليام سادحه بسريرها وسرحانة بالي صار لها اليوم واتحس بان سلمى ومزون والجده لهم اثر كبير بحياتها.....
دخلت ديم وسديم وهم معصبات من ليام وبعصبية:لــــــــــــيــــــــــــــــــــاااااااا اااااااااااااااااااام
ليام ما سمعتهم:................................
دخلت ديم غرفة ليام ونطت فوق بطنها:يا حماره
ليام صفعت ديم كف طيرها تحت السرير وبعصبية:يا كلبه آآآآآآآآآآي بطني
سديم:ليه ما جيتي اتشيلينا من الكلية؟؟
ليام:انا اصلا ما اجي كل يوم
ديم وقفت:حتى المفروض اتدلعينا مثل امس
ليام:روحي زكي
سديم:يا ويلي هذا وانتي دكتورة اتقولين هالالفاض يا خسارة
ديم:هههههههههههههههه من صدق
ليام:مو فاضيتلكم يلا طيروا من قدامي
سديم وديم لاحظوا الجدية بوجهها وطلعوا حاترام لها وراحوا غرفتهم وانخمدوا...................
-------------------------------------------------------------------------------------------------------
ريتال:فتونه يلا
فتون:والله يزيد ما يبي مو انا
ريتال:اوووف اخوك هذا عله
فتون:طلول في الدوام وما عندي غير يزيد
>>نسيت اعرفكم على يزيد(25)سنة اخو فتون وطلال واحلى شي عنده انه يرفع اعصاب فتون وريتال وسحر وسجى ودايما مع ولد عمته ريان>>>
ريتال:اووف اجل بقول لسلمان
فتون استحت:سلمان
ريتال:ههههههههههههه انا ما اعرف ليه اتحبينه
فتون:انطمي
ريتال:خلاص خلاص بسكت هههههههههههههههههه
فتون:يا ريته يحس فيني
ريتال:اوهو اوهو وينك يا سلوم
فتون:ريــــــــــتــــــــــــاااااااااااااااااااا اال
ريتال:ههههههههههههههههههههههههههههههههههههههه
فتون:خلاص ما بخلي يزيد يوصلني لك
ريتال:اصلا مهو موصلك
فتون:حيوانة
ريتال:باي
فتون اتشوف الجوال:الكلبة قفلت بوجهي
ريتال انسدحت على سريرها وهي تضحك على فتون:هههههههههههههه يا حليلها والله هههههههههه
دخل تركي:ريتوله
ريتال نطت من مكانها وضمت تركي:احبك
تركي:ههههههههههههههه اعرف
ريتال:وش تبي؟؟
تركي ضرب راسها بشويش:ناصر الي يبيك مو انا
ريتال استحت:تروووك
تركي:هههههههههه ما يليق عليك
ريتال:جب
تركي طلع الجوال من جيب البنطلون:سمعتها
ريتال شهقت وناصر يضحك:هههههههههههه ايه
تركي طلع من غرفتها:خلاص اذا تبيها تعال اخطبها من سلمان
ناصر:وانت اخوها وش فايدتك
تركي:الثاني مو الاول
ناصر:لا في فرق
محسن بصراخ:نــــــاااصر
ناصر:يلا باي الجبل بنادي
تركي:هههههههههه باي
قفل ناصر من تركي ونزل بسرعة لاخوه محسن ووقف قدامه:سم
محسن:سحر تبي المكتبة وديها انا مشغول
ناصر يشوف سحر الي واقفه جنب محسن:الحين
سحر:ايه
ناصر:روحي البي عبايتك انا بالسيارة
محسن مسح على راس ناصر:شطور
ناصر باس يد محسن:تامر بشي ثاني
محسن:لا
>>محسن(29)سنة اخو ناصر وسحر الكبير وهو الي يصرف عليهم من بعد موت ابوه ويشتغل دكتور جراحة...تركي(25)سنة دايما مع ريان ويزيد ومغازلجي ويمووت باخته ريتال واخوه سلمان وهو يعتبر دلوع سلمان ههههههه.....>>
نــــــــــــــــهـــــــــــــايــــــــــــــة البــــــــــــــــــــــــــارت
البـــــــــــ 5 ـــــــــــــارت
طلعت من غرفتها وشافت التوأم قدامها:انا بتأخر لاحد يستناني على الغدا او العشا
ديم بلقافة:ليه؟؟
ليام:ما يخصك
طلعت من البيت الشعبي القديم وركبت سيارتها واتجهت للمستشفى وهي تتذكر بداية حياتها الجديدة.....عمرها 8 سنوات والتوأم 3 سنوات ...كانوا جالسين مع بعض يستنون اهلهم يرجعون من المصنع بس طولوا....ليام:قوموا انروح لهم
ديم:والله يلا
سديم:حسن عشان نوصل لهم واختار انا الحواواة الي بيجيبلي اياها بنثر
ليام:بندر مو بنثر
ديم:يلايلا
طلعوا ثلاثتهم من القصر الكبير وبدوا يدورون عن المصنع ودخلوا حارة قديمة وفقيرة...ديم بخوف:وين احنا؟؟
ليام:في المصنع
سديم:وين بابا وماما؟؟
ليام اتأشر على البيت الصغير الي قدامها:هنا
دخلوا الثلاث بنات وهم في قمة الخوف وبالذات التوأم اما ليام خايفه داخلها بس قدامهم لا وجلسوا يسنون اهلهم لين ما غلبهم النعاس وناموا...صحت ليام من نومها وشافت شايب قدامها وديم وسديم بحضنه:مين انت؟؟؟
الشايب:انتي مين هذا بيتي
ليام:انا ليام عبدالله ال...........
الشايب:آها انا حسين
ليام اتشوف خواتها:وش بتسوي لنا؟؟
حسين:لا تخافين ما بأذيكم بس ابوك واهلك آآآ
ليام حست ان فيه شي:وشو؟؟؟
حسين قرب منها وبحنان:اسمعي يا بنتي انتي تعرفين وش معنى موت
ليام كأن موي باردة انصبت فوقها:.........................!!!!!!!
ديم:وش يعني موت؟؟
حسين ضم التوأم بحنان:يعني راحوا لله
سديم بفرح:بابا وماما راحوا لله؟؟
حسين:ايه راحوا لله والعيلة كلها بسبب حادث حريق المصنع
ليام نزلت دموعها بس مسحتها بسرعة وشافت الشايب:والحين؟؟
حسين اعجب بشجاعة ليام وقوة قلبها:الحين راح اربيكم لين ما ياخذ الله امانته
ليام هزت راسها بايه وهي اتحاول تمسك نفسها ودموعها عشان خواتها:.........................
بالفعل ربى الشايب البنات بس ما طول معهم وراح وعمر ليام 16 سنة والتوأم11سنة......صحت من ذكرياتها على صوت هرن السيارة ولفت بسرعة على الرصيف واصطدمت بالعامود حق الاضاءة واغمى عليها.....نزل من السيارة وعو معصب وخايف على الي يسوق بنفس الوقت ..فتح الباب وانصدم بالي قدامه...طاحت اللثمة والنظارات من ليام وبان وجهها وصفاءه....بلع ريقه وسحب ليام من السيارة الي يتنفجر وشلها بين ايديه وكأنها ريشه من صغر جسمها وضعفه مقابل جسم الشاب الرياضي والطويل وبعد عن السيارة وبالفعل انفجرت.....دخل ليام سيارته وهو يتحمد ربه على سلامتها وانطلق للمستشفى.......اول ما وصل كان في موضف يستناه وانصدم وهو يشوف ليام بين ايديه:دكتورة ليام؟؟!!
الشاب:دكتورة!!!
الموضف:ايه دكتورة ليام وش صارلها؟؟
الشاب:دخلها بسرعة وانا بلحقك
دخلها الموضف على سرير متحرك ولحقه الشاب بعد ما لبس رداء الاطباء الابيض ودخل عندها وقلبه يدق طبووول من قربه من ليام...مو انسان بين ايديه ملاك...خيط الجرح البسيط الي على راسها وطلع بسرعة وقلبه يدق بسرعة جنونية...الموضف:دكتور محسن
محسن لف للموضف:نعم
الموضف لاحظ الرجوله والهيبه بمحسن:مشكور يا استاذ على الي سويته لدكتورة ليام بس راح اتعصب منك
محسن عقد حواجبه:ليه وش سويت؟؟
الموضف:هي ما اتحب حد يلمسها
محسن ابتسم ابتسامة جانبيه و هذا شي جذبه لليام اكثر:راح اتفاهم معها اخوي ومشكور
الموضف بعد عنه:انا حذرتك دكتور ايه صح بقر واايد دكاترة ما اتعرفت عليهم من امس تبي تتعرف عليهم
محسن:وقت ثاني يلا مع السلامة
-------------------------------------------------------------------------------------------------------
الكـــــــلــــــــيـــــــــــة
ابرار:اوووف سجوي تعبت من كثرة ما اقولك تعالي انشوف اذا في اسم نفس اسم عمك في الاخصائية
سجى دمعت عيونها:ما اقدر ابرار ما اقدر
ابرار:وش فيها يا قلبي انتي رايحه تسألين عن بنات عمك الي بغيبوبة وش فيها؟؟
سجى:ما ادري ما اقدر
ابرار:اوووف كل هذا حيا
سجى استحت اكثر:برو
ابرار شافت ديم وسديم من بعيد:كملت
ديم شافت سجى وابرار:برو
سديم:سوجي هههههههههههه
سجى شافت سديم وديم بكره:نعم
ابرار:وش جاب التوأم الشرير؟؟
ديم:ايه والله حلوة التوام الشرير
سديم شافت سجى وابتسمت لمان اتذكرت ريان:.........................
سجى:خير في شي؟؟
سديم:من حلاتك
ابرار:بلييز بعدوا عنا
ديم وسديم قربوا زيادة:وشو؟؟؟
سجى وقفت:اووف خلينا انروح برو
ابرار نست سالفة بنات عمها:يلا اووف يقهرون
سجى تمشي جنبها:هم يبونا ننقهر اصلا
ديم وسديم ظلوا يضحكون على سجى وابرار ومن بعدها راحوا يفلونها مع الابلوات استخفاف وما اعرف شو...
------------------------------------------------------------------------------------------------------
القــــــريــــــة
ظلت اتشوف مزون وهي تكوي وما ودها اتشوف ليام مرة ثانية اتحسها بتبعد مزون عنها ...ما صدقت بعدت عن اهل زوج بنتها الي ظلموها واهانوها وكانوا السبب بموتها .....دمعت عيونها وهي اتشوف مزون نسخة مروة قدامها....ابتسمت بحب رغم الالم الي داخلها من كليتها بس الم فراق مزون اكبر من هالالم......مزون تكوي الملابس واتفكر بفارس احلامها الي بيجي يشيلها من هالعيشه الزفت على قولتها.......
الكــــلــــــــيــــــــــة 2
ريتال:فتون يلا
فتون:صبري خليني اتذكر وش قال خالي عبدالرحمن
ريتال:ما فيني صبر قولي
فتون بخيبة امل:لسى عاده بغيبوبة
ريتال بحزن:لاااااا
فتون بلعت ريقها:في موضوع اخطر
ريتال:وش هو؟؟
فتون:اول شي لا تقاطعيني وراح اقولك الي قاله خال امس
ريتال:مو مقاطعتك
فتون اخذت نفس:امس خالي قال لي ولامي ولاخواني عن خال جديد اسمه خالد(لاحظت الصدمه بملامح ريتال)ادري ادري بتقول كيف ومن وين طلع بس هو طلع ولد جدي محمد>>ابو امها>>>بس من ام ثانية سوريه اسمها ميس وكان يعيش بسورية بعيد عن اخوالي الباقيين يعني بعيد عن ابوك الله يرحمه وبعيد عن عمي عبدالله الله يشفيه وبعيد عن امي الي ما اعرف وش تستفيد من عمليات التجميل هذي وابوي ميت الله يرحمه وعن خالتي سلمى وعن خالي عبدالرحمن(لاحظت الدموع بعيون ريتال)وبعد خبر كل شباب العايله امس عشان يدورون عن بنته الي محد يعرف وينها بس يعرفون انها بالرياض
ريتال تبكي:وش هالمشاكل؟؟؟
فتون بحزن:خالي يقول ان خالي خالد متوفي وزوجته بعد وبنته اتعيش مع ام زوجته
ريتال بانفعال:خلاص يا ناس البنت مع جدتها وش نبي منها
فتون:هي عارفه هي بنت مين وعارفه اسم القبيلة وكل شي بس مو عارفتنا
ريتال:حتى بنات عمي عبدالله ابوي الله يرحمه قال ان عياله ما يعرفون عنا شي ولمان راح هو وولده ومرته عشان يتسامحون في المصنع مع جدي الي كان متبرى منه صار الي صار
فتون اتنهدت:ان شاءالله انلاقي بنات خالي عبدالله وبنت خالي خالد
ريتال بحزن:هالعايلة كلها الغاز
فتون:والمشكلة الي المفروض يحلونها موتى
ريتال وفتون ظلوا يشوفون بعض وكل وحده حابسه الدموع بعيونها:.....................
------------------------------------------------------------------------------------------------
المستشفى
طلعت من الغرفة وهي معصبه واتدور عن الدكتور محسن وما صدقت شافته من بعيد :هذاك هو؟؟
السستر الي معها بخوف:ايه هو
اتقدمت ليام له:هيه انت
محسن لف لها وهو مستغرب من طريقة كلامها معه:..............
ليام بعصبية وقفت قدامه:ليه تلمسني مين سمح لك؟؟
محسن ببرود:اظن ان هذا هو شغلي
ليام:لا مو شغلك معي شغلك مع الباقيين
محسن ابتسم ببرود:لا والله
ليام اتوترت من ابتسامته بس ما قالت شي:ايه
محسن:هذا جزاتي لاني ساعدتك
ليام ما فهمت شي:نعم
محسن مشى عنها وهو مبتسم بجمود عىل شجاعتها وجرأتها:...................................
ليام مستغربة من محسن ومن بروده معها وجموده وانقهرت زيادة واتوجهت لمكتبها:.......................
نــــــــــهــــــــــايــــــــــــة البـــــــــــــــــــــارت
البـــــــــــــ 6 ـــــــــــــارت
رفعت راسها للموضف بصدمه:شنو؟؟!!!
الموضف:والله العظيم
ليام وطت راسها بيأس وهي نادمة على تهزيئها لمحسن:ؤكي شكرا
طلع الموضف من عندها بعد ما فهمها ان محسن طلعها من حادث سيارة كانت بتنفجر وهي فيها>>طبعا محسن قاله السالفة وهو مو عارف ان ليام ما خبرت حد انها اتسوق والموضف امين وما بيخبر حد بس حب يوصل هالمعلومه لليام>>..........ليام وقفت وراحت لمكتب محسن ودقت الباب:..............
محسن وهو يتفحص الاوراق:اتفضل
دخلت ليام ووجهها بالارض:احم
محسن رفع راسه لها وابتسم ابتسامة جانبيه:يا هلا والله بليام نسيتي اتقولين شي
ليام رفعت راسها :انا آسفة
محسن قلبه بدى يدق بسرعة :على وش؟؟
ليام تلعب بطرف قميصها الطويل:على سوء التفاهم بينا
محسن ابتسم ووقف:ما عليش اختي الي راح مات
ليام شافت محسن وقلبها يدق طبووول وبلا شعوريا حطت يدها على صدرها :..............
محسن عقد حواجبه من حركت ليام:وش فيك؟؟
ليام لفت وجهها عن محسن:تبي شي اخوي
محسن ابتسم:انا مو اخوك
ليام غمضت عيونها بقوة وقلبها يدق بسرعة وتنفسها يزيد:تبي شي دكتور
محسن استغرب منها:فيك شي؟؟
ليام اتهز راسها بلا لانها ما تقدر تتكلم:...................
محسن:لا
ليام طلعت وهي تركض وما قفلت الباب وراها وراسها بالارض...محسن مستغرب من تصرفها بس ابتسم.....
----------------------------------------------------------------------------------------------------
الســــــ5 ــــــــاعة العصر
ديم وسديم يمشون بالشارع متوجهين للمستشفى الي تشتغل فيه ليام...وقفت سيارة جنبهم:يا حلو تبون توصيلة
ديم وهي تمشي ومالفت له:كمل طريقك يا زك
الشاب :ههههههههههه هذا وانا جاي لكم بنفسي
سديم لفت له وانصدمت ووقفت مكانها:.............................
الشاب غمز لسديم وابتسم:حلو صح؟؟
ديم لفت له وبعصبية:اوووف انت
الشاب:ايه انا مو عاجبك؟؟
سديم بصوت عالي اشوي اونها تهمس لديم:خو سجى>>لا يا شيخه محد سمع
الشاب ابتسم:انا ريان
ديم:ريان ولا اخوه وش دخلنا فيك؟؟
ريان يشوف سديم:سديم
سديم قلبها يدق بسرعة وبصدمه:كيف تعرفني؟؟؟!!!
ديم لفت له:كيف تعرفها؟؟؟
ريان برومانسية:من عيونها قريت اسمها بس للاسف هي ما قرت اسمي من عيوني
سديم استحت ولأول مرة:.............................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك