رواية وصية حقد -32

رواية وصية حقد -32

ناظرت العنود كانت جميله

وبدور ايضا كانت مهتمه بنفسها

هيوف وقفت وراهم سلطان قدامهم

دخل عاصي

كان مختلف .....وتعلقت كالعاده عيون هيوف به

لابس بلوزه سوداء رسميه وجاليه اسود كيف اختار ريحه ذا العطر تحس ان في عيونها دموع من الالفه اللي حست بها لما شمت ريحه العطر

تعرفون لما تشمون ريحه عطر وتحسون انكم تعرفونه وانها لشخص غير

هذا بالضبط احساس هيوف !!!

زيد دخل وتعلقت عيونه بهيوف اللي نزلتها وبعدهم بدور كانت جميله هيوف عمرها ما شافت بنات عم سلطان وكذبت مره على زيد وقالتله انها شافت ميار بس هي كانت تبغى تكبرها في عيونه

هيوف ناظرت يد العنود لما مسكت يد عاصي

حست بالم .......صعب

ناظرته لقته يناظرها ويقرب منها

مد يده مدت يدها بارتعاش

خافت ما سلمت في حياتها على رجال عمرها ما لمست رجال

عمرها

بعدت يدها بسرعه بس الاصابع اللي تلاقت

عاصي ناظرها

ليه تحس عيونه عارفه كل شي

ليه تحسه فاهم اللي حوله ...بس ما احد فاهمه

وجا العذاب الثاني زيد

وبارتعاشه مماثله سلمت هيوف على زيد

لاحظت نظرات تشدها

ومابه غيره يشدها بنظراته عاصي كان يناظر سلامها على زيد

عيونه .....فيها لمحه تفكير ؟

سلمت على البدور

ورغم انه كان بس سلام اللي انها مرت بتجربه قاسيه

قاسيه

دخلوا الصاله

وبدوا الحديث هيوف كانت في عالمها الا موجود

ما سمعت شي

عرفت ان عاصي داير دفت الحديث fs

وعازل سلطان عنها

ناظرت سلطان وناظرها

ام سلطان _ لا العنود قررت تكمل دراستها بعد زواجها من غازي

هيوف شدها اسم غازي للواقع

وزي ما توقعت لقت العنود تناظرها وكانها تقول بليز لاحظي تفاعلات عاصي هل هي طبيعيه

عاصي _ ومفروض بعد غازي يكمل دراسته ..ان شاءالله ان العنود تساعده

سلطان _ صح مثل غاده ما ساعدتك

هيوف ..(من غاده )

عاصي ابتسم وناظر هيوف ارتبكت ليه ناظرني قعدت تناظر الكنبه الي هي عليها جالسه

عاصي _ سلطان عزيزي لا تصير بزر

هيوف توقعت أي رد منه على كلام سلطان الا ذا الرد كان واضح مرره

سلطان تملل في مكانه

زيد _ هيوف تبين مساعده في الجامعه عشان موضوع رجوعك

ياالله يا زيد

أي ملاك وضعت انت

بين وحشين

هيوف ابتسمت له رحمه _ لا شكرا يا زيد خلصت اموري

زيد _ اذا تبين شي اطلبيني

هيوف _ باذن الله

نزلت نظراتها تحس نفسها مو هي وش هذا الخجل اللي فيني

ناظرت البنات اللي كانوا جالسين شوي قريبين من بعض

لاقت بدور بنت عمهم تناظرها بكره واضح مخيف

ام سلطان _ اقول يا عاصي مو مفكر تجيب لك ولد ولا بنت يسعدونك بدل ذي السما اللي ما عدت نزلت منها

عاصي ضحك _ على يدك يا عمه دوريلي

العنود ناظرت الهيوف وكأنها تقول هل ذي علامه على شي

ام سلطان قالت وكانها تفجر قنبله _ ايه عندي ما تشوف هنا قمر (واشرت على هيوف )

هيوف ناظرت العنود بسرعه وبدون وعي فتحت فمها من الصدمه

حست ان فيه هدوء عم المكان ممكن انه من تخيلها

سلطان وشكله معصب _ هيوف خليها بحالها يمه

عاصي ناظره بعدين ناظرها وهو لاوي فمه

عاصي وهو يناظر عمته _ بس يا عمه هيوف بترضى بطيار واهب حياته للحريه؟

هيوف ناظرته من جده ذا ولا ايش

ام سلطان _ وليه لا البنت مكانها مع زوجها

هيوف تبغى تسكتهم تبغى تحل كل المشاكل الي بدت تتراكم فيه فكره طرتلها بس وراها عواقب كبيره تقولها ولا لا

اقولها

احسن طريقه

هيوف ابتسمت _ يا عمه فديتك انا مخطوبه

سلطان &زيد ناظروها مفجوعين

عاصي ما ناظرها

ام سلطان بفرحه وعتب _ هيوف ليه يمه ما قلتيلي ليه

هيوف ناظرتهم _ يمه مو وقته بعدين اقصلك كل شي

زيد ناظر عاصي حس انه مخنوق يبغى يروح يطلع من البيت

العنود قامت _ يله يا بنات تعالوا انجهز العشى

................................................

.................................................. .....................

همايل _ يبه خلاص اذا خايف على مصالحك فمالي علاقه

ابو حاتم _ همايل انتي تبينه ذا طارق

همايل _ لا احد يطريلي اسمه

زهور _ همايل صلي على النبي يا بنت الرجال غلط والمشاكل تصير في كل بيت

همايل _ طيب خلاص فهمت بس ما ابغى ارجعله

حاتم _ خلوها براحتها

ابو حاتم _ همايل ارحمي نفسك طارق ما غلط هو ماكان عارف

همايل _ ما احد له علاقه انا خلااص خرجوني من كل صفقاتكم

منها كلها

ورجعت تبكي وهي تمسك بطنها _ ولدي راح وما عدت ابغى شي خلاص

.................................................. ..............

ليه يبتسم

رجعت تناظر صحنها

رفعت نظراتها له لقته يناظرها نزل نظراته

نزلت نظراتها بعد

حست فيه طرف ثالث في لعبه النظرات

التفتت لقته سلطان يناظرهم

رجعت بسرعه تنزل نظراتها

يدي ترتجف بقوه ما اقدر حتى امسك الملعقه صح

كله من ذي المشاعر الكريهه اللي فيني احس اني مخنوقه

ام سلطان _ زيد حبيبي ان شاء الله الزواج بعد كم يوم ها

زيد سكت

عاصي _ بننزل بعد اسبوع

ام سلطان _ واحنا بعد بعد اربعه ايام

زيد بجرأه _ وهيوف وين بتجلس ولا بتروح معكم

هيوف بسرعه _ انا ما راح اروح

ام سلطان _ راح تجلس هنا في البيت

هيوف خافت من فكره جلسوها لحالها في البيت

التفت لسطان اللي كان يناظر صحنه بالم

بس تعرفون وش اللي كان مالمني

لاني فكرت

اذا سافر هذاك اللي ما ابغى انطق اسمه كيف عاد بشوفه مره ثانيه

بعد العشى طلعت العايله للحديقه الخارجيه ما طلعت معهم جلست في المطبخ اسوي نفسي اني احضر قهوه

العنود بقت شوي عندي _ شكرا

هيوف _ ها ليه

العنود _ انا عارفه انك كذبتي وانك مو مخطوبه

هيوف _ هذا احسن لي

العنود_ ما اعرف ليه امي حصه سوت كذا

هيوف _ تبين الصراحه

العنود بخوف _ ايوه

هيوف _ انتي اللحين مخطوبه وخطيبك ولد عمك مثل ماهو ولد عم عاصي يعني انا اشوفها صعبه هاذي الحقيقه

العنود ما تكلمت _ بس عاصي يحبني

هيوف _ لو يحبك ما تركك في المره الاولى ولو على حساب عناده الغريب

العنود_ انتي وش عرفك

هيوف ناظرتها باستغراب _ انا اقول الحقيقه اللي اشوفها لكن لو تبين اقول اللي يعجبك فهو يحبك

العنود _ ما تعرفين شي انتي ما شفتي نظراته لي

هيوف _ العنود ما ناظرك حتى الا كبنت عم عاديه

حست انها بتنقض على العنود عشان تثبت نظريتها

العنود طلعت بكبرياء

عايله ال عاصي كلهم كذا ما يشوفون فيه احد احسن منهم

صوت من وراها

ممكن يكون لي نصيب من قهوتك ___

التفتت له عرفته ايوه عرفته من دون حتى صوته

هيوف _ طيب

عاصي _ انتي تكرهيني ؟

هيوف _ ها

عاصي _ احسك ما تدانين وجودي

هيوف _ لا

عاصي ضحك _ احس لسانك طويل بس اشوف كلامك معي قليل

هيوف ما ردت عليه بس حطت القهوه في الاكواب

مدت يدها له

جلس يناظرها ما ناظرته حتى

مسك الكوب فتلامست اصابعهم

هيوف بدون شعور طيحت الكوب

وطيحت معه كوبها اللي في يدها الثانيه

حست بهبوط ضغطها

عاصي نزل بسرعه للارض عشان يلم اجزاء الاكواب المكسوره وهي بعد

فمسك كتفها يهديها لان شكلها كان مره خايف

بعدت يده بسرعه وقامت ….دموعها رفضت الخضوع ونزلت على خدها تحس ان دمها هابط لتحت

مشت بسرعه

تحت دهشه عاصي اللي مشى وراها لان مشيتها ما كانت بطبيعيه

عاصي بقلق _ هيوف هيوف

طلعت بسرعه اول ثلاث درجات

وطاحت مغمى عليها بس في بين يدينه لان قدر يلحق عليها

سلطان من وراه _ هيوف هيوف

عاصي ناظره بغضب _ بس اسكت روح جيب لي عطر

سلطان والغضب مالي عينه _ انت وش سويت ليه اغمى عليها

عاصي ما رد عليه وشال هيوف وحطها على كنبه

سلطان مسكه من بلوزته _ ايش سويت يا حقير

عاصي دفه بقوه _ احترم نفسك احسن لك ومو وقته البنت مغمى عليها

الاهل التموا من الصوت

ام سلطان بخوف ركضت لهيوف وقعدت تصارخ عليها

اما زيد فمسك يد هيوف وزي المجنون _ هيوف حبيبي هيوف فوقي هيوف

عاصي مشى بسرعه لزيد ورفعه من كتفه _ قوم خلنا نروح

زيد بعد كتفه _ هيوف مغمى عليها

عاصي بعصبيه _ زيد لا تعاندني امش يله البنت بس مغمى عليها بيفوقونها

سلطان بعصبيه مماثله _ وش تظن دخول الحمام زي خروجه وش سويت لهيوف عشان يغمى عليها

عاصي _ ضميتها عندك مانع

سلطان ركض له بس امه وقفت بينهم _ بس اثنينكم انجنيتوا البنت تعبانه وانت يا سلطان انهبلت تصدقه

اما زيد بدا يفوق هيوف من العطر اللي عطته ياه بدور

هيوف فاقت بس ما فتحت عيونها ما تبغى احد يشوف انكسارها

بس

بس

بس

تعبت

يا هم ..متى الفرح وانا جريحه روح

يا الم ..متى الزوال ..والروح كلها جروح

يا انا ..متى بنسى ذكرى براءه دمها مسفوح

.................................................. ...............

انتهى ذاك اليوم

وكأنه شريط

سردته عليكم

همايل

من يلومك

طارق ...تعتذر

وما فائده الاعتذار

اعذرني لست في موضع يسمح لي بالتحكم بعلاقتك مع همايل

لكن ...هل ستصفح عنك همايل

لا أعلم

دانه

تهورتي

وكنتي قاب قوسين او ادني من كشف سر هيوف

كنتي ستكونين شخصا اخر

دانه

مالذي سيحصل معك

سالم

عزيزي الصغير عذرا فالايام لم تكن رحيمه معك

أبدا

هيوف

هل حقا

هناك بطل لك

هل عاصي ....القاسي

هو من وضع القدر قلبك في طريقه

غاليتي

هيوف ....لننتظر

زيد

اتعرف اني بكيت على مشاعرك لما لم اكن رحيمه معك

لم تكن في خطتي يا عزيزي

اسفه

لكن هل القدر سيجعل من صفحات كتابك

مفتوحه من اجل اطلاعي عليها

لا اعلم

سلطان

هل احببت يا سلطان من اسميتها الغبيه

هل وقعت في عشق فتاه

تثير غضبك ويائسك

تعالوا معي سأسرق لحظه من لحظات ظلام الليل

>................................................. .......

فتح الباب وناظرته فابتسمت

لكنه لم يبتسم كان متعب

يريد ان يقول الحقيقه تعب كثيرا

ام سلطان خلتها ينام في حضنها _ ها حبيبي سلطان ايش في قلب امه

سلطان بهدوء _ تعبان يمه

ام سلطان _ سلامه ولدي من التعب وش اللي تعبك يا ولدي

سلطان _ حبيت يمه حبيت

ام سلطان رفعت وجهه _ ايش يا سلطان

سلطان غمض عينه _ حبيتها يمه وما اقدر اجلس في غرفتي وهي قريبه مني يمه صدري ضايق علي

ام سلطان بخوف _ من تقصد

سلطان زفر نفسه _ هيوف…… اجن لما اشوفها ريحتها يمه ريحتها

ناظر امه لقى دموعها طفت على خدها _ ليه يمه دموعك نزلت

ام سلطان بيأس_ سلطان ما ينفع حبيبي ما ينفع

سلطان _ يمه مو عشان الورث ولا عشان عمامي بترك شي ابغاه يمه انا احب يمه انا احب

ام سلطان قعدت تبكي _ سلطان لا يا سلطان تكفى بلاه ذا الحب

سلطان قام _ يمه لا تغصبيني يمه انا متعذب كفايه هي ولا الورث نعبنو الورث يمه نعنبوه ابغاها

طلع وهو متعثر الخطوات

.................................................

لنعود

هل تريدون ايضا

ان تروا من تسلل الى حضن امه او الاصح من تسللت امه اليه

لنرى من ايضا

.................................................. ...

جالس تحت الدريشه

تعبان

نفسيا

وكل شي فيني يبغى يفارق الحياه

كيف ما تحس اني تعبت عشانها كيف ما تحس اني احبها

تظن انها تحبني اكثر مني

تظن انها ضحت عشاني

واللي داخلي

يتعذب لامرت جنبي ولا قلت لها احبك

لا مرت قربي وما حضنتها بقوه

ما قلت لها كل كلمه شوق بداخلي

من اللي يحب اكثر انا والا هي

من اللي ضحك على العالم عشان يصدق كذبه انتقامه من هلها بواسطتها

كله عشان ابغاها قربي

تحت عيوني

اناظرها

تكلمني

تعتب علي

همايل انا اللي احبك اكثر مو انتي

اعذري غيور

تعب من غيرته عليك

اغار عليك يا هواي من نظرات اخوي الصغير ما تبين اغار عليك من خطيبك اللي سويت المستحيل عشان ابعدك عنه

همايل انتي ما تحسين ولا ايش

سمع صوت يشده لعالم الاحياء

طارق حبيبي /////

جلست جنبه بتعبها _ طارق يمه لا تسوي في نفسك كذا

سكت متحجر

ام طارق _ طارق اللي صار مكتوب وانتوا بعدكم شباب وش مستعجلين عليه انا عن نفسي مسامحتكم احفادي خلوهم يجون براحتهم

طارق ناظرها وكانه طفل _ ما تبي ترجع يمه ما تبي تبي تتركني لحالي

ام طارق انصدمت من ولدها _ طارق استهدي بلله طارق خلك قوي

طارق _ كيف يمه لا تقولين عشانها بنت ال شهال لا تهتم يمه هاذي همايل وانتي عارفه وش معناه همايل عندي

ام طارق _ لا ما راح اقولك عشانها بنت ال شهال راح اقولك عشانها فتره وبتعدي خلها لين تهدى

طارق _ يمه هي تقول خلاص انتهت الصفقات ما تبغى تكون لعبه يمه كيف انسيها وكيف انا نفسي انسى

ام طارق تنهدت _ طارق ارحم الناس خلاص انا تعبت بقول اللي بخاطري ما عاد فيني حيل

طارق ناظرها

ام طارق _ تعبت وانا اكبر ابوك في عينك واقول انه ضحيه بس ما دام السالفه فيها انت وعذابك الا بقول وبقول وبقول

طارق _ وش فيه يمه بعد وش مخبيه

ام طارق _ طارق ابوك ما كان ملاك ابوك كان دايم ياخذ الفلوس من عبدالله الشهال لما يوصل صفقاته المشبوهه طارق ابوك ذاك اليوم اللي مسكوه الشرطه كان رايح يحط الفلوس في حساب ابو حاتم عشان بعدين يتفاضون في سعر عمولته هو.... كرهته كثير تعبت منه ياما قلت له انتبه اليوم في بنات الخلق بكره في بنتي وهو لا سامع يسوي اللي يبون ما دام فيها عموله حتى ذاك اليوم اللي دافعت على ابوك ما كنت تعرف ان السالفه فيها غضب منه عشان يزيدون عمولته ماهي معجبته

طارق _ بس يمه

ام طارق _ لا مو بس الصدق ابوك غلطان وعبدالله الشهال غلطان بس ابوك ما يستاهل منك تضيع حبك

طارق غطى وجهه

ناظرته امه بدهشه لا اللي تسمعه مو صدق مو صدق

بسمع ذا الصوت من كلا الا طارق

طارق يبكي

.................................................. ......

أنتهت

وتمت لهذا اليوم

واخيرا كلمتي الاخيره

لا تعلــــــــــيق

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

السلام عليكم

اخباركم

الفصل اللي فات فرحت كثير بتعليقاتكم كلها روعه

وراح ارد عليها بكره باذن المولي عز وجل

واليوم راح انزلكم فصل

ما راح يكون طويل زي ما وعدتكم (بس اكيد مو قصير )

وكان لازم اوقف عند نقطه

راح تفهمون لما تقرون

عموما الفصل هذا مهم وفيه مفاجاءه

اختكم موون

الفصل السابع والاربعون

فصل البدايات

المتوجهه الى طريق النهايه

********

ان يدخلنا هذا العالم وهذه الحياه في متاهات

لا نعلم متى الخروج منها ولا كيفيه النهايه لا هو شئ غير محتمل

ان تدخلنا هذه الحياه في تجربه وكاننا فئران تنتظر مننا انجاح تجربه مصيرها الفشل لاهو شئ محبط

لما لا تفهم الحياه لما لا يفهم الاحياء انفسهم اننا بشر نعيش كي نخطئ ونعيش كي نجد الطريق الى تصويب هذا الخطئ

انتي

انا اعتذر ...فانا بشر

وانتي لا ترضين مني غير الابتعاد وكانني من اخطئ ومن غدر

اعلم مدى خطئي ولكني ايضا اعلم مدى عشقي لكي يا اطهر من ذُكر

اليوم الاول

............................................

اليوم الثاني

...............................................

اليوم الثالث

................................................

..................................................

اليوم الرابع

لا لن تذهب بسهوله فقد حصل بك بعض الاحداث الجديره بالذكر

لا بل قد حدث بك ما يمهد لنهايه القصه

بدايه النهايه

بدأت (,,,,,,,,,,,,,,,,,,,,,,,,,,,,,}

........................................

تمنت انها تملك سرعه الصاروخ كان اتخبت منه

بس للاسف هو عارف انها جالسه هنا

ناظرت حولها بقلق

جلس بهدوء جنبها

قال بصوت حزين فطر قلبها ممكن انه قاصد يخليه كذا عشان يالمها _ انا مسافر بعد اربعه ايام

هيوف _ الله الله وترجع وانت رجل متزوج منت بحولنا اقول

زيد ناظرها وحست الغضب في عينه رسم ملامح _ هيوف لذي الدرجه انا ما اعني لك شي حاولت وحاولت اني ادق عليك وانا متاكد انك شفتي رقمي وعارفه اني ابغى اقنعك ولا رديتي لذي الدرجه هاين عليك اني اخذ وحده وغيرها في بالي

هيوف بجديه _ زيد لا تلومني انا وضحت لك اني ما ابيك انا اشوفك كاخ واعتقد ان هذا اللي كنت انت تبيه اول ما شفتني ليه لازم اكون انا غير الناس واطيح في حبك وادمر حياتك

زيد _ من قال اني بغيتك تشوفيني كاخ انا من اول ما شفتك وعرفت اني راح اتعذب وبتدمرين حياتي ليه من قالك ذا الكلام انتي كلمتي عاصي ولاشي

هيوف يوم طرى عاصي عبست _ لا ما كلمته زيد افهمني انا مو من ثوبك ويني وينك بعدين انا خلاص مخطوبه

زيد_ هذا اللي قهرني ابغى اسئلك سؤال انتي وافقتي على خطوبتك عشان تبعدين عني

هيوف _ لا

زيد قام وهو معصب _ هيوف انا تعبان احبك

هيوف _ لا انت ما تحبني انت تظن بس صدقني والله صدقني اني عندي صفات تخليك تكرهني

زيد ناظرها بالم _ اطلبك طلب

هيوف _ اذا قدرت اسويه بسويه

زيد_ لا تحضرين زواجي

هيوف _ وعد مني ما احضره

مشى بخطوات ثقيله

انكساره

قهرها

من بقى سالم راح

زيد وبيروح

من بقى

دق جوالها

ردت

سلطان _ هيوف وينك

هيوف استغربت من مكالمته لانه له ثلاث ايام من بعد العشى ما عاد شافته كان يطلع كل يوم ولا يرجع الا لما تكون نايمه

هيوف _ انا في الكرسي اللي دايم اجلس عليه في البارك

سلطان _ انتظريني ابغاك بكلام

هيوف قفلت

هيوف عزيزتي ....نظرا لانك سالتيني من بقي.؟

الجواب سيتم توضيحه بعد قليل !!!

.................................................. ..

عدلت لها السرير

وضربتها ابره التثبيت

الممرضه _ مافي قوم ما في تهرك اذا بيروه همام نادي انا تيب هدا في مشكله انتا لازم يجلس مافي قوم مدام

دانه ودمعت عيونها بلا سبب

هاذي حالها لها يومين

تعبت كثير قالت لها الدكتوره ان السبب هزاله جسمها

وعدم اكلها الاكل السليم

والاهم نقص الحديد

والفيتامين في جسمها وهذا واضع صحه الجنين

اللي في الشهر الثاني في خطر

دانه كانت تعيسه رغم كل شي رغم كل شي

ما تبغاه يروح منها

تعودت عليه

امها كانت عندها ترعاها

خافت على بنتها رغم كل شي اقتنعت ان دانه حامل من زوجها

وان ما عليها غلط

امها ناظرتها بقلق _دانه بنتي اسمعيني يمه اذا طاح الجنين لا تحزنين يمه اللي صار قضى ومكتوب

دانه من بين دموعها _ لا يمه انا باكل كل شي يجيوبنه وما راح اقوم

ام كامل وهي تناظر بنتها اللي تعبانه بقوه

وجلست تدعي لها بالم

انفتح الباب ودخل سالم اللي وجهه سمر زياده من الهم

كان معه مناديل ودبه مويه صحيه كبيره

وناظر دانه وابتسم

دانه عرفت انه فيه شي غريب

لان سالم مبتسم ابتسامه راحه

حط الكيسه على الطاوله الصغيره اللي جنب السرير وناظر دانه

سالم _ دندون حبيبتي اوعديني انك ما تجهدين نفسك

دانه _ اوعدك

سالم _ فيه حاجه بتصير وبتفرحين بها بس لا تاخذك الحماسه لبعيد وتقومين وتعبين نفسك

ام كامل بفرحه _ من يا سالم من .؟؟؟

سالم ناظر دانه اللي عواطفها بانت بقوه من خلال وجهها

سالم بصوت عالي يخاطب شخص غير موجود في الغرفه _ ادخل صاروا جاهزين

متابعيني

هل انتم جاهزون ؟!!!!!!!!!

.................................................. .........

ابو حاتم _ ما تبغى تشوفك

طارق _ يا عم حاول معها

حاتم بعقلانيه _ طارق انتظر شويه وقت همايل ما تقبلت فكره انها سقطت

طارق _ بس ابغى افهمها اشياء لازم تعرفها

ابو حاتم _ انا والله اني اتكلم معها ليل نهار بس البنت معنده

حاتم _ تعبانه نفسيتها تعبانه عطوها وقت

طارق ناظر الباب تمنى انه يكسره ويدخل عليها ويفهمها كل شي

ناظر عبدالله الشهال _ ابغاك بكلمه ممكن تدخلني البيت

ابو حاتم _ البيت بيتك يا طارق وزي ما قلتلي مره منت محتاج اذت عشان تدخل

طارق بجمود وجه _ ابغى اذنك عشان ادخل البيت بيتك وانت عارف انه باسم همايل

ابو حاتم _ حياك الله

يتبع ,,,,

👇👇👇

تعديل المقال