رواية غفلتي دفعتني حياتي -5
عبير: لا والله... صديقتي والد وش أسوي بميتين... قلت لك 500 ريال وما أبي أقل منها
دخل يده بيجيبه وقال: البوك فوق... بروح أجيبهم لك
راح أبو نواف فوق واستغرب لما شاف باب غرفته مفتوح شوي.... دخل وانفجع لما شاف بوكه بيد ولده....
نواف بعد تفكير قرر أنه يسرق.... ما فيه أحسن من ها الحل.... دخل غرفة أبوه وعلى طول عند الأوظة اللي عليها البوك مع المفاتيح.... التفت لما شاف أبوه دخل....
قال بهمس: يبه
قرب أبو نواف وقال: نواف... ايش هذا
نواف ما له وجه يناظر أبوه لأنه عارف اللي سواه غلط.... حط البوك ع الأوظة وطلع من الغرفة.... راح غرفته وقفل الباب وجلس ع السرير معصب.... لأنه خطته فشلت.... وقف وحاول يضبط أعصابه لما سمع حد يطق الباب....
أبو نواف بعد ما طلع ولده استغرب...." وش اللي خلا نواف يسرق.. وكم كان بيأخذ ولايش " والأسئلة تدور براسه وهو يناظر البوك اللي ع الأوظة.... التفت لما سمع صوت رنا....
رنا عند الباب: داااادي... ماما تقول عطني الفلوس
أبو نواف: بتروحين معها
رنا: أكيييد
فتح بوكه وعطاها الفلوس.... طلعت رنا وطلع أبو نواف وراها.... هي نزلت تحت وهو راح لغرفة نواف.... حتى يتفاهم معه لأن مو أسلوبه الضرب.... لكن عبير هي اللي تجبره يضرب ولده.... وصل عند الباب وطقه....
فتح نواف الباب ومبين أنه مقهور.... ناظره أبوه وابتسم بداخلة" يا الله هذي موني معصبة "....
دخل أبو نواف وقال: تعال أبغى أحكي معك
جلس نواف بطرف سريره أما أبوه بالكرسي....
أبو نواف: نواف... أبي أعرف وش ناقصك في شي أنا مقصر معك فيه
ناظر نواف أبوه وقال: أبغى... سيـ..سيارة
مثل ما توقع أبو نواف لأنه شي طبيعي يقلد اللي بعمره.... قال: وليه ما قلت لي... ليه إذا تبي شي ما تقولي... ترا هذي ثاني مرة تسويها
صد نواف" لو أنك سعود الله يرحمه.. كان قلت لك على طول ".... ظل ساكت وما رد....
تنهد أبو نواف: لو إني ما جيت كم كنت بتأخذ
نواف: اللي يطلع معي
أبو نواف: وش بتسوي باللي يطلع معك... بتشتري سيارة
نواف: لا... كنت بستأجر وحده... لأني أستحي كل يوم قاط الوجه للشباب وصلوني البيت
أبو نواف: نواف وش السيارة اللي خاطرك فيها
ناظر نواف أبوه واستغرب: ايش
ابتسم أبو نواف: وش السيارة اللي خاطرك فيها وتبيها
نواف: اكورد
أبو نواف: جب النسبة الزينة وأدخل الجامعة... وما تداوم الا فيها
نواف بدون شعور: ما سوينا شي
ابتسم أبو نواف ورن جواله: هلا
ـ :.........
أبو نواف: جبتها
ـ :...............
أبو نواف: وينك فيه
ـ :.......
أبو نواف: طيب هذا أنا جاي... مع السلامة
سكر أبو نواف الخط وقال: نواف... تعال معي
نواف: وين
وقف أبو نواف: في شي أبيك تشوفه... يللا تعال
وقف نواف وراح مع أبوه للشارع.... شاف رائد ولد عمه واقف عند سيارة.... أخذ أبو نواف مفتاح السيارة من رائد وعطاه لولده....
أبو نواف: هذي لك
استغرب نواف: لي أنا
رائد: أكييد... مبروك نويف
أبو نواف: صحيح مستعملة... لكن جب النسبة الزينة وأدخل الجامعة... ولك السيارة اللي تبيها
ناظر نواف بعيون أبوه وقال: مشكور يبه
خذ المفتاح وراح عند سيارته.... كوريلا سودا صغيرة وشبابية.... مو مثل مايبي لكن هي سيارته حتى لو هي شاحنة هي سيارته.... فتح الباب وركب مكان السايق وأبوه يراقبه وهو مبسوط....
ركب رائد جنبه وقال: يللا خلها تتبارك فيني ووصلني البيت
نواف مو مصدق: أصلا هي تباركت من ركب صاحبها فيها
رائد: هههههههه... يللا وصلني البيت أبغى أجيب أمي من بيت خالتي
شغل نواف السيارة وهو بيطير من الفرحة.... قرب أبو نواف وطل من النافذة.... وقال: يللا الله الله بالطريق... ولا تتاخرون
رائد: اوكيه عموو
أبو نواف: نواف لا تنسى تمشي خواتك فيها
نواف: طيب... مشكور يبه ما قصرت
كان مجرد اتصال خاطئ وبعدها سوالف عادية.... تحولت لصداقة عادية بين ذيب من ذياب الشوارع.... وبين وحدة فاقدة الحب والكلام المعسول.... ضحكت ضحكة شيطانية وهي مبسوطة بخاينتها لأبو نواف....
عبير: يا حياتي يا فراس
فراس: ولو أنتي تستاهلين أكثر... - مسك يدها بجرأه وقال: تعرفين يا عبير لما أكون معك وش نفسي أسوي
عبير بدلع: وش بتسوي
فراس: نفسي أخذك وأطير معك بعيد عن زوجك وأهلك... بعيد الناس كلهم... عالم خاص لنا احنا الأثنين وبس
ذابت عبير مع كلامه المعسول.... صار لهم أكثر من شهر متعرفين على بعض.... وكذا مرة يتقابلون بأماكن عامة.... كل هذا تحت غفلة أبو نواف.... وأصلا لو عرف ما راح يقدر يسوي شي دام معها الورقة.... وهو ما يبي يضيع سنين تعبه....
بعد العشاء طلعوا وعبير تمشي بغنج وكأنها بنت العشرين.... ضبطت اللثمة ولفت العباية اللي كأنها فستان سهرة.... ومشت معه وركبت سيارته.... بعد مشوار وقف فراس سيارته عند عمارة....
حرك أنفه مثل حركة المدمنين وقال: حبيبتي أنا رايح أجيب أوراق من فوق... دقايق وجاي
عبير: أجل بجي معك... ما أحب أجلس لحالي بالسيارة
استغرب فراس بس هذي فرصة ذهبية ومستحيل تضيع منه....
ف الليل....
سكر أبو نواف الخط وقال: فراقك عيد
حط رأسه بالمخدة وأستسلم للنوم.... بما أنه عبير بتنام عند خالتها.... نام بهدوء وينطبق عليه المثل يا غافلين لكم الله....
ف الصباح....
الساعة 9 وقف فراس عند بيت أبو مساعد.... نزلت عبير بعد ما شكرته ع السهرة الحلوة.... دخلت وقالت للسواق يوديها لبيت زوجها....
دخلت البيت الهادي.... أبو نواف بالعمل والعيال بالمدرسة.... راحت غرفتها وتروشت وهي مبسوطة ومر اليوم بكذبة بيضاء.... عاشت حياتها ولا كأنها غلطت بحق نفسها وحق زوجها وبناتها....
يتبع........................
بعد أسبوع....
نواف كان جالس مع ريم ورنا ف البيت.... أما عبير وابو نواف كانوا ببيت عمها.... اللي مسوي عملية بقلبه....
التفت نواف لما رنا تمسح دموعها وقال: وش عندها رنووه تصيح
رنا: ما لك دخل فيني
نواف: ههههههههههه بالطقاق
ريم: ما عليك منها... تراها تصيح على عيال خالي مساعد
نواف: ليه وش فيهم
ريم: راحوا امريكا... لأن خالي عنده ابحاث وراح مع زوجته وعياله
رنا: شفت يا نواف بيعيشون هناك لمدة سنتين.. والله كنهم عشر سنين
نواف: سنتين ومسويه عزا... وش يقولون اللي يروحون بأكثر هاه
ريم: ما عليك منها ... بما أنا أمي وأبوي طالعين وش رأيك نطلع
نواف: وين نروح
ريم: أي مجمع... طفشنا من البيت
رنا ولا كنها تبكي من شوي: صحيح أصلا أنت غريبة جالس بالبيت... من شرا لك أبوي السيارة وأنت مختفي... حتى ما فكرت تمشينا فيها
ريم: إيه والله... خلنا نتمشى
وقف نواف وقال: أنتم جاهزين
وقفت ريم: أكيد... بس ألبس عباتي
ربع ساعة الا وهم بالمجمع.... ريم تمشي مع نواف وهم يسولفون.... رنا كانت مقهوره لأن نواف ما يرضى لها تطلع الا وهي لابسه عباة.... ما خربت على نفسها ولبست عباية ع الكتف وحجابها على كتفها....
ربع نواف شافوه بالمجمع لكن بما أنه مع خواته ما قربوا منه.... ولأنه أساسا ما انتبه لهم....
نواف: خلاص... أنتم روحوا أجلسوا وأنا بروح أجيب العشاء
ريم: اوكيه ننتظرك
مشت ريم مع أختها عشان يجلسون بالطاولات.... وهي رايحه قرب منها ولد صغير وقال: أنتي... الأجنبي اللي يمشي معكم طاح
التفتت ريم ورنا لنواف وشافوه طايح بالأرض.... عرفته من بنطلونه وراحت له.... نواف اللي مشى مسافة وقف وحس بألم بصدره.... ضغط عليه وهو يتألم وفجاة أغمى عليه....
جت ريم وجلست ع الأرض ورنا جنبها....
هزته كم مرة وهي تنادينه: نواف... نواف وش فيك أصحى
رنا تناظر أخوانها وتناظر حولها وهي تصيح.... والناس تجمعت حواليهم ومحد قرب....
ريم مو عارفة كيف تتصرف.... ولأنها ومو مركزة ما جا في بالها تتصل بأبو نواف.... رن جوال نواف وطلعته من جيبه.... ناظرت الشاشة" رائد يتصل بك".... عرفت أنه ولد عم نواف وردت عليه....
رائد: الووو نويف وينك فيه
ريم وهي تصيح: رائد وينك فيه
استغرب رائد: رييم؟؟
ريم شوي وتنهار: رائد وينك فيه... تعال منيب عارفة أتصرف
رائد بخوف: بمجمع { ..... } وش فيك
ريم وهي تصيح: تعال لي… نواف أغمى عليه ومنيب عارفة وش أسوي... الله يخليك تعال
رائد بسرعة: وينكم فيه
ريم: بنفس المجمع بالدور الثاني
رائد: اوكيه أنا جاي باي
ثواني الا ورائد وربعه في الدور الثاني.... شافوا الناس متجمعة وراحوا، ورائد شاف رنا وعرفها.... قربوا وشالوا نواف وطلعوا من المجمع.... رائد بما أنه جاي مع ربعه سحب مفتاح سيارة نواف....
رائد: ريم رنا... تعالوا معي
فضلت ريم أنها تركب معه أحسن من تركب مع ربع أخوها.... شغل السيارة ومشى.... رنا جالسة قدام وتصيح وريم ورا وهي تصيح....
رائد: خلاص يا ريم لا تبكين... إن شاء الله هو بخير
ريم وهي تمسح دموعها: إن شاء الله
وصلوا المستشفى وشافوا نواف بالسرير والممرضات يجرونه.... ومعه ربعه وف الآخر استقروا عند باب الغرفة.... بعد فترة طلع الدكتور وراحوا له....
بندر: وش صار
الدكتور: وين أهل الولد
رائد: مو هنا... ليه وش صار
الدكتور: ضروري يجي أبو الولد أو ولي أمره... دقوا عليه وخلوه يجي مكتبي
ريم طلعت جوالها ودقت على ابو نواف....
بعد نص ساعة جلس أبو نواف وهو يحاول يترجم اللي قاله الدكتور.... ضيق في صمام القلب، كمية دم اقل من الطبيعي، ممنوع يجهد نفسة جسديا أو نفسيا....
ناظر الدكتور وقال: وما فيه علاج
الدكتور: فيه علاج ممكن نسوي له عملية... ونركب له دعامة ويرجع مثل قبل... أو حبوب يأكلها إذا حس بتعب
أبو نواف خاف من كلمة عملية وقال: لازم أسأله عن موضوع العملية... بس الحين أفضل الحبوب
الدكتور: وأنا أقول كذا عشان يكون مستعد نفسيا... - أخذ قلم وبدا يكتب: عموما أنا راح اكتب له الحبوب... بس مثل ما قلت لك لا يتعب نفسه بالركض أو أي شي ثاني... حتى الحزن أو العصبية مو زينة له
أبو نواف: ما تقصر يا دكتور... بس ما قلت لي متى يصحى
الدكتور: بكرة إن شاء الله
صحى نواف وفتح عيونه، النور كان قوي عليه.... رجع غمضهم وفتحهم مرة ثانية ووضحت الصورة.... ناظر حوله وعرف أنه بمستشفى.... أنفجع لما شاف الأسلاك على صدره وجهاز تخطيط دقات القلب جنبه....
التفت أبو نواف لما حس بحركة.... أرتاح لما شاف نواف صحى.... قرب منه وهو مبتسم....
أبو نواف وهو يمسح راسه: سلامتك يا نواف ما تشوف شر
نواف: الله... أحم الله يسلمك
أبو نواف: شلونك الحين أحسن
نواف: الحمد لله... يبه وش فيني كنت ف المجمع مع... - تذكر وقال: ريم ورنا ويـ..
قاطعه أبوه: لا تخاف هم ف البيت ومسوين مناحة عشانك
نواف: يبه وش فيني
جلس أبو نواف على طرف السرير.... وشرح لنواف عن حالته.... استغرب نواف من اللي صابه بس أنه قال: ومتى أطلع من المستشفى
أبو نواف: بعد كم يوم... بس راح تعيش على حبوب
نواف: حبوب أحسن من العملية
أبو نواف: على الأقل ترتاح نفسيتك... وبعدها يحلها ألف حلال
دخلت أم سعود مع رائد....
أم سعود: وينه وليدي وينه... - راحت لنواف وباسته ومسحت شعره: بسم الله عليك يمه... يعورك شي
استغرب نواف وقال: لا... أنا بخير
ناظر أبو نواف لرائد: الله يهديك يا رائد... كيف تجيب أمي هنا
رائد: سوري عموو... بس جدتي غصبتني أجيبها وش أسوي
أبو نواف: وليش تقول لها... ما يسوى عليك إذا خافت وصار لها شي
رائد: مو أنا... هذي زوجتك دقت عليها وقالت لها
أبو نواف: إنا لله وإنا إليه راجعون
توالت الزيارات لنواف من أهله وربعه الين طلع من المستشفى....
دخل أبو نواف المجمع.... دخل المحل واشترى له كم بدلة للعمل.... بعد ما أخذ ساعة يتسوق راح لكوفي حتى يرتاح ويشرب شي منعش.... توه بيجلس سمع صوت ضحكها ملى المكان.... التفت وهو متأكد أنه ضحك عبير....
أنفجع لما شافها جالسة وجنبها رجال.... والظاهر أنها تعرفه من زمان لأنه مسك يدها وباسها.... فار دمه ووقف، أخذ أكياسه وطلع من المجمع.... ركب سيارته وهو يسب ويلعن....
كيف عبير تخونه وتضحك بمكان عام وكـنها في بيتها.... " آآآه كل شي توقعته منك يا عبير.. الا الخيانة ".... راح بيت أبوه ودخل، البيت خالي.... راح فوق غرفته مسك الأوظة بيدينه الثنتين.... ناظر المرايا وصوت ضحك عبير مالي أذنه....
أخذ العطر ورماه ع المرايا وقال: حـ..###، خاينـــة
دقايق والتفت لما فتح الباب وشاف أخوه أبو رائد....
أبو رائد أخذ أمه وأبوه عشان يتعشون عنده.... بعدها أبو سعود قال يبي يروح بيته.... رجع مع أم سعود واللي وصلهم أبو رائد.... دخلوا البيت ثواني وسمعوا صوت شي تكسر.... راح أبو رائد فوق ودخل الغرفة وتفاجاء لما شاف أبو نواف بالغرفة....
أبو رائد: سالم... وش فيك وش تسوي هنا
تحسر أبو نواف على حالة.... بعد ها العمر عبير تخونه، زوجته خاينة.... أبو رائد استغرب من تغير أبو نواف لحزن.... فهم أخوه مقهور والسبب أكيد عبير....
أبو رائد: دقيقه خلني أطمن أمي وأبوي وأجي
راح أبو رائد ونزل كم درجة وقال: يمه
أم سعود: ها يمه من هو فوق
أبو رائد: لا تخافين... بس سالم يدور شي وتكسرت المرايا وهو ما يدري
أم سعود: يللا انزلوا
أبو رائد: دقيقة يمه... بدور مع سالم وننزل
رجع أبو رائد الغرفة وشاف أخوه جلس على طرف السرير وحاط يده على جبهته.... جلس جنبه وقال: سالم وش فيك يخوي
رفع أبو نواف راسه وناظر قدام: عبير... تـ..تخوني
فتح أبو رائد عيونه: ايش
أبو نواف بقهر: الـ.### تخوني... شفتها جالسة مع واحد بكوفي لا والعاشق ماسك يدها
أبو رائد مأثرة فيه الصدمة: متى
أبو نواف: من شوي بالمجمع... وضحكها مالي المكان وكأنها بزر
أبو رائد: أتركها على راحتها
ناظره أبو نواف: شنوو أتركها هذي زوجتي... وسمعتها تاثر على سمعتي
أبو رائد: بس أنت ما بيدك شي... أتركها ربها يجازيها
أبو نواف: يا برد أعصابك... أقولك زوجتي تخوني وتقول أتركها... كيف ما أقدر هذي زوجتي وطبيعي أغار عليها
أبو رائد: لو واحد مكانك على طول طلقها... لكن أنت حالة خاصة لأن ما بيدك شي... ما أبيك تتبهدل عشان وحدة استغفر الله
أبو نواف: إذا زوجتي سيدها قيدها... ايش يكنون بناتها
أبو رائد: ليه أنت مو واثق من تربيتك
أبو نواف: أكيد واثق... لكن هذي نظرة الناس لهم
أبو رائد: لكن نظرة ربك غير... هو عارف أنك مظلوم وإن شاء الله ينتهي كل شي... والحين أنت جمعت أكثر من 4 ملايين
أبو نواف: قصدك 6 ملايين
أبو رائد: سالم من شهر قلت لي 4... معقولة في شهر واحد جمعت مليونين
ابتسم أبو نواف: لا طبعا... بس أم نواف نزلت بالبنك مليونين لي
أبو رائد: اهاا... بارك الله فيها هذي الزوجة اللي تحبها وتغار عليها... مو عبير
أبو نواف: الله يجازيك يا عبير... يا رب
وقف أبو رائد ونزل لتحت السرير.... دخل يده وسحب شنطة....
أبو نواف: ايش هذي
أبو رائد فتح الشنطة وقال: هذي مليونين مني لك
أبو نواف: فواز... ما كان هذا اتفاقنا
أبو رائد: لا يا شيخ... تأخذ فلوس زوجتك وأنا أخوك وما تبي فلوسي
أبو نواف: إيوه لأنهم إن شاء الله بيرجعون لها... وأنا ما أبي أزيد ديوني
أبو رائد: وأنا اقولك المليونين لك وحلال عليك... وأن رجعتهم لي لا أنا أخوك ولا أعرفك
أبو نواف: فواز... شلون كذا ما يصير
أبو رائد: يصير... خلنا الحين بموضوع عبير وش بتسوي لها
أبو نواف: بروح البيت وأكسر راسها
أبو رائد: لا يا سالم... لا تبهدل نفسك عشان وحده ما تستاهل... الحين صار عندك 8 ملايين يعني ما بقى الا الهين... لا تضيع تعبك ع الفاضي
أرتاح أبو نواف نوعا ما: بس باقي رنا بنتي
أبو رائد: خذها المستشفى... وأطلب تحليل لدمها
أبو نواف: هذا رايك
أبو رائد: إيوه...- وقف وقال: يللا ننزل عند أمي وأبوي... حط الشنط مكانها ومثل ما قلت لك أتركها على راحتها... ربها يجازيها
جلس أبو نواف مع أهله.... بس واضح عليه أنه مقهور ويفكر وش يسوي بعبير..... ما قدر يتحمل واستأذن وطلع.... وصل بيته وراح فوق.... دخل غرفته وشاف عبير واقفة عند دولابها....
ناظرته عبير: هذا أنت
أبو نواف: وين كنتي فيه
ناظرت عبير دولابها وهي متأكدة أنه هو اللي كان بالكوفي: ما يخصك
قرب منها ومسك ذراعها: أحاكيك مع مين كنتي
ناظرته عبير بنص عين: ما يخصك... أجلس مع اللي أبي بكيفي... هه حلال عليك أنت وحرام علي أنا
طال النقاش الحاد.... ريم ورنا طلعوا من الغرفة لما سمعوا صوت الصراخ.... طلعت عبير من الغرفة وهي تصرخ: مالك شغل فيني
أبو نواف بعصبية: مو على كيفك يا عبير
عبير بقهر: أنت مالك شغل فيني... وتراك ما تهمني، أنت ولا شي بحياتي
كتف أبو نواف يدينه وقال: صح ولا شي بحياتي... أنتي طالق
عبير وبناتها شهقوا....
عبير بصوت متقطع: طلـ..ـقتـ..ـني
ناظرها أبو نواف من غير ما يرد.... لكن نظرته تكفي....
أنقهرت عبير: طلقتني هاا... هين يا سالم هين
دخلت غرفتها وخذت أغراضها وطلعت.... شافها نواف طلعت مع أغراضها واستغرب.... لما سأل خوات أنبسط بداخلة إنا أبوه طلقها....
ريم ورنا جلسوا بالغرفة وهم خايفيين على أمهم.... أما نواف مو ساعيته الفرحة....
جلس أبو نواف بمكتبه وسند راسه بالكرسي.... وصدره يطلع وينزل، لكن مرتااااح.... راحة فضيعة يحس فيها، كان المفروض من زمان يطلقها.... مبسوط ويحس أنه أول مرة ياخذ حقه من عبير....
بعد يومين....
دخلت عبير البيت معززة مكرمة.... وبسبب موضوع حملها.... ابتسمت برضا وهي تناظر أبو نواف بنصر....
أما أبو نواف أنقهر لما عرف أنها حامل.... كيف وهو شايفها جالسة مع واحد.... ما قدر يسوي شي غير أنه يصلي ويدعي ربه....
بعد كم شهر....
راحت عبير فوق لعند غرفة نواف.... فتحت الباب بدون مقدمات.... نواف كان متمدد على سريره فز لما انفتح الباب....
عبير: نوويف... قم ودنا السوق
نواف بطفش: آآآف ليه ما تروحين مع السواق
عبير: لا المجمع بعيد وما أبغى أروح مع البنات لحالي... يللا بلا هذرة زايدة... ننتظرك تحت
دخل نواف مع عبير وريم ورنا والخدامة للمجمع.... تعمد نواف وريم يضيعون عن عبير ورنا والخدامة....
ريم: نوافوه وين تبينا نروح فيه
نواف: أبغى اشتري لي كم بدلة... وش رأيك تجين معي
ريم متعودة على ها الطلب: يللا
راحوا لمحل ملابس شبابية.... نواف يوريها البدل اللي عاجبته.... وهي مرة تأيده ومرة لا.... اختارت له كم بدلة على ذوقها.... الجزمة والساعة وكم قبعة كانوا يتشاورون فيها.... وآخر شي شراه نواف النظارة السوداء....
دخلوا لخياط الثياب.... عرض لهم الهندي الأقمشة....
نواف: تعالي ناظري... وش رأيك بها القماش
مسكته ريم وقالت: اوكيه... كم ثوب ناوي تفصل لك
نواف: امم ثلاثه لأن عندي من قبل وما لبستهم
ريم: عموما القماش ممتاز
نواف: وش رأيك بهذا
مسكته ريم: لااا... هذا بسرعة يتكسر إذا جلست... ما كأن مرة عليه المكواة... ناظر ها القماش
مسكه نواف: اممم اوكيه
بدا الهندي يأخذ مقاسات نواف وبعدها طلعوا....
انتبهت ريم على محل اكسسوارت وقالت: نواف لحظة... خلنا ندخل ذا المحل
دخلوا وشرت لها ريم كم اكسسوار وشنطة.... وما نست أختها رنا.... طلعوا من المحل، ثواني دق جوال نواف....
نواف: هلااا بو الخل
ـ :........
نواف: أنتم بالمجمع
ـ :............
نواف: خويتي هههههههههه الله ياخذك هذي أختي
ـ :...............
نواف: كل تبن... أسمع أنا بوصل أختي لأهلي وبجي لا تطلعون
ـ :...................
نواف: اوكيه... سلام
ريم: هذول ربعك
نواف: إيه... وشافوني أتمشى معك... قالوا أنك خويتي
ريم: ههههه ما يدرون... عموما إذا بتروح لهم رح... وأنا برجع لأهلي
نواف: أوصلك لهم وبعدها أروح للشباب
ريم: دقيقه
طلعت جوالها ودقت على أمها.... وعرفت مكانهم وسكرت....
ريم: خلاص نواف رح لربعك... ولا ترجع لنا لأن أمي تقول أبوي معهم
نواف: اوكيه... - مد لها الأكياس وقال: خذي أكياسك
ريم: ثانكس
خذت الأكياس ومشت مسافة.... طلعت جوالها وقرت المسج اللي جاها.... وهي تناظر الجوال صدمت برجال في أواخر العشرين.... وما انتبهت إلا وهي بحضنه.... وقف شعر جسمها وقامت بسرعة.... مشت بدون ما تنطق بكلمة ونست أكياسها على الأرض....
مشت بسرعة وهي ترتجف من قربه منها.... شافت أبو نواف واقف برة ينتظر تطلع عبير من المحل.... وراحت له....
ريم: يبه
التفت أبو نواف: ريم؟؟ أجل وين نواف عنك
ريم: راح مع ربعه
أبو نواف: أنا ما أدري متى يكبر ها الولد... كيف يتركك ترجعين لحالك
ريم" يا ليته ما رضى.. يا ليته رجع معي ": أنا قلت له يروح لربعه
عبير طلعت من المحل وأنفجعت لما شافت أبو نواف واقف وجنبه حرمة.... قربت وأرتاحت لما عرفت أنها ريم بنتها....
عبير: سالم تعال حاسب الرجال
دخل أبو نواف معهم ودفع الحساب.... طلعوا من المحل والخدامة تمشى وراهم وهي شايلة الأكياس.... ريم كانت تمشى معهم وهي تفكر.... جات عينهم بعين الرجال اللي صدمت فيه من شوي.... خافت وهي تشوفه يلحقها.... ناظرت بأبو نواف ومالها حد غيره....
ريم: يبه... يبه
التفت أبو نواف: نعم ريما
ريم: يبه... ناظر ها الرجال صار له فترة يلحقني
ناظره أبو نواف وقال: غريبة
ريم: لأني قبل ما أجيكم صدمت به وأنا ما أدري... والحين هو يلحقني... - ناظرت بعيون أبو نواف وقال: أنا خايفة يبه
حط أبو نواف يده على كتفها وقال: لا تخافين... أنا بروح أتفاهم معه
راح أبو نواف له وقال: السلام عليكم
الرجال: وعليكم السلام
أبو نواف: خير يا رجال... تقول بنتي أنك تلاحقها
الرجال: تقصد بنت زوجتك
أبو نواف: شي ما يخصك... وش عندك تلاحقها
ناظر الرجال بعيون أبو نواف: ريم بنت أخوي
أبو نواف بصدمه: ايش؟؟
الرجال: ريم بنت يوسف هي بنت أخوي
أبو نواف: طيب حتى لو هي تقرب لك... مو صح أنك تلحقها أفرض أنها قالت لأمها... وأمها قالت لأخوانها عنك، هذا إذا كنت جد عمها... ترا منت قد أمها وأهلها
الرجال: هذي بنت أخوي... حرام عليك تخيل عيالك يعيشون عند رجال غريب... وأنت ما بيدك شي
تنهد أبو نواف: لو جد أبوها يبيها كان جا لها... لأنها أكيد تبي تشوفه... أما إني أنا بنفسي آخذها لأبوها فأسمح لي... الباب اللي يجي منه ريح سده وأستريح
الرجال: عموما... هذي أكياسها طاحت عليها من شوي
أبو نواف: مشكور... واللي يعافيك لا تقرب منها لأنك مو قد خوالها... ولا راح أقولها أنك عمها... فمان الله
راح أبو نواف لزوجته وعياله....
عبير: من هذا
أبو نواف: هذا ولد واحد من معارفي... - ناظر ريم وهز رأسه يطمنها.... ارتاحت ريم لكن ما زال قربه مأثر فيها....
عبير: خلنا نروح المطعم
راحت عبير مع البنات وجلسوا ع الكراسي حوالين الطاولة.... أما أبو نواف راح للمطعم يطلب لهم عشاء....
ريم: رنا وش فيك
رنا جالسه جنب أمها ومميلة رأسها على ذراع أمها.... قالت بتعب: تعبانه
جا أبو نواف وبيده أكياس المطاعم.... كل واحد خذ وجبته.... فتحت ريم الهامرجر وحطت عليها الكاتشب ومايونيز وكم حبة بطاطس.... وأعطها الخدامة اللي جالسة بطاولة قريبة....
عبير: ليه يا ريم
ريم: ما أبغى شبعانة
ظلت تأكل بطاطس وعصير كوكتيل.... رنا كلت حبيتن بطاطس وما قدرت تكمل.... حست بلوعة ولفت لأمها: ماما أبغى كيس... أبغى كيس
بعد نوبة الإستفراغ رفعت رنا رأسها ووجهها شاحب وأصفر.... مسحت عبير فم بنتها بمنديل.... أبو نواف شرب بنته مويه....
ثواني وناظرت رنا أبوها بتعب: بابا... تعبانة
ناظر أبو نواف لعبير وقال: نمشي
عبير خايفة على بنتها: إيوه... يللا
وقف أبو نواف وشال بنته ومشى والكل يمشي وراه.... وبعد ما خذوا رنا للمستشفى رجعوا البيت....
دخلت ريم غرفتها بعد ما خذت أكياسها.... تروشت وبدلت ملابسها.... جلست ع السرير وبدت تناظر الاكسسوارت اللي شرتها.... انتبهت بورقة صغيرة داخل الكيس....
فتحتها وكانت رقم جوال بدون أي أسم.... شقتها ورمتها مع الاكسسوارت والأكياس بالأرض....
قالت بعصبية: حقيــر... واطي
رمت نفسها ع السرير وبكت الين غالبها النوم ونامت.... صحت لما سمعت صوت باب غرفتها يتسكر.... رفعت الغطا وشافت الرجال جاي لها وبعيونه الشر....
قرب منها وهي ترتجف.... مسك كتوفها وهي تقاومه وتصرخ: يمـه، يبـه، نوااااف
نواف اللي كان جالس ع الكمبيوتر.... خاف لما سمع صوت ريم تصرخ.... قام وراح لغرفتها ودخل.... شافها تصرخ وهي مغمضة عيونها....
قرب منها وهز كتفها: ريم... ريم أصحي أنتي نايمة أصحي
فتحت ريم عيونها وهي معرقة.... ناظرت حولها أختفى الرجال.... وما فيه إلا نواف جنبها....
نواف: بسم الله عليك... هذا حلم شين تعوذي من ابليس
رمت ريم رأسها على صدره وبكت.... تدري أنه مو أخوها ولا يحل لها.... لكن هو الأخ الوحيد اللي عرفته.... نواف عادي عنده أخته الكبيرة خايفة.... مسح شعرها وظهرها وهو يقرا المعوذات ويهديها....
ريم وهي تبكي: يبي يقتلني... يبي يتهجم علي الواطي
نواف يهديها: لا تخافين ريم... هذا كابوس وما فيه أحد يضرك
عطاها المويه وشربته ريم وهي ترتجف مع أنه حار إلا أنها شربت نصه....
ريم بخوف: نواف... لا تطلع إلا إذا نمت
نواف: ما عليك منيب متحرك من هنا
تمددت ريم وغطاها نواف وجلس ع الكرسي قريب منها.... بعد نص ساعه شافها غرقانة بالنوم.... شغل الأباجورة وطفى الأنوار وطلع لغرفته....
الله أكبر الله أكبر الله أكبر... لا إله إلا الله
الله أكبر الله أكبر ولله الحمد
الله أكبر كبيرا... والحمد لله كثيرا... وسبحان الله بكرة وأصيلا... وصلي اللهم على سيدنا محمد... وعلى آله وصحبه وسلم تسليما كثيرا
طلع أبو نواف مع نواف من المسجد.... راحوا للبيت وجلسوا بالصالة.... نزلت ريم ورنا وهم متكشخات للعيد....
قربت ريم من أبو نواف وسلمت عليه وباست رأسه: كل عام وأنت بخير يبه
ابتسم أبو نواف: وأنتي بصحة وسلامة
قربت رنا وسوت مثل أختها: كل عام وأنت بخير داادي
باسها أبو نواف: وأنتي بخير
قربت ريم من نواف ومدت يدها: كل عام وأنت بخير
صافحها نواف: وأنتي بخير... يللا بوسي رأسي
ريم: ههههههههه جد أنك شايب... - قربت رأسها بتبوسه بس نواف قال: لا هونت الحين يطبع الروج بشماغي
ريم: ههههههههه أحسن
قربت رنا من نواف ومدت يدها: كل عام وأنت بخير
طبع نواف بوسة بخدها: وأنتي بخير
رنا: تبيني أبوس رأسك
نواف: شكرا
وزع أبو نواف العيدية عليهم....
ريم: يبه أنا قريب أدخل 22 سنه وأنت للحين تعطيني عيدية
أبو نواف: أحلى ما فيه العيد العيدية... بقولكم سر
رنا: وش هو
أبو نواف: تدرون أنا امي للحين تعطيني عيدية
ريم: هههههههههههههه
نواف: ههههه من جد يبه
أبو نواف: ههههههه أمزح معكم لا تصدقون
رنا: الحين قال لا تصدقون هههههه
نزلت عبير وهي لابسة العباية.... وقالت: يللا يا بنات وش فيكم ما لبستوا العباية بنطلع
دقايق والكل في بيت أبو سعود.... الكل سلم على أم سعود وأبو سعود.... بعد دقايق دخل أبو رائد مع زوجته وعياله.... بعد ساعة مشى أبو نواف مع زوجته وعياله لبيت أهل عبير....
أبو نواف: نواف... ليه غيرت الثوب ولبست بدلة
نواف: رنا وريم قالوا لي ألبس بدلة
رنا: إيوه يبه عشان يصدقون أنه أجنبي
نواف: ما عليك يبه... إذا رجعنا لبست الثوب
دخل أبو نواف مع نواف لبيت أهل عبير.... حاطين كراسي وطاولات برة لأن الجو صاير حلو.... أنفجع نواف من الفسق اللي شافه.... عبير وأخواتها ما يتغطون من أقاربهم.... مشى ورا أبوه وهو يتاحشى يناظر اللي حوله.... سلم على أبو مساعد وأخوان عبير وعيال خوالها وعيال خالاتها....
جلس نواف جنب واحد من عمره.... وأبوه جالس مع الرجال.... قرب ولد صغير من نواف وقال: أنت ليش عيونك زرقا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك