رواية ياحلمي اللي طول عمري اتبعك -6
سعود:على أمرك يبه
طلع سعود وترك أبوه كسير القلب
وأمه حاسه بمصيبه عالطريق
ورجاء أيدها على قلبها ويارب تستر على لسانها
****
مومعقــــــــــــوووله
ياربي وش قاعد يصير
يعني ظني بمحله
ساره:دكتوره متأكده أنتي؟
:آه طبعآ متأكده دي التحاليل متطابقه مجبتش حاقه من عندي
ساره:ششكرآ
وطلعت من الغرفه
خالها على يمينها
وحلا على يسارها
وهي حلقة الوصل
بس قبل عندها شي لازم تتأكد منه
ساره:خالي
عبدالكريم:نعم
ساره:يلا نرجع البيت
عبدالكريم:يلا مشينا نادي صديقتك
كان عبدالكريم يحس تجاه حلا بأحساس عمره ماحسه موحب
ولا أعجاب ولا أنجذاب
شعور ماقدريفسره
ساره:حلا!!
جت حلا تمشي وهي مستحيه
وهنا تأكدت ساره أنهم مايعرفون بعض
وصلو البيت وطلبت ساره من حلا تجلس بغرفتها وطلعت
تأملت حلا الغرفه كبيره فخمه فيها ثلاجه.. وتلفزيون..دسك كمبيوتر..خزانة ملابس على كبر الجدار كل مافيها ينضح بالفخامه
دخلت ساره عليها ساره وعيونها حمرا من البكي وبيدها سلسله حلا
حلا:س...
دخل بعدها رجال
خافت حلا ودورت شي تستر نفسها فيها
ساره:مايحتاج حلا هذا أبوووك
رفعت حلا راسها:أيــــــــــــش
عبدالكريم:هذي التحاليل تثبت أنك بنتي من لحمي ودمي
أعطتها ساره السلسله ناظرت صورته وناظرت فيه
نفس الملامح
أغمي عليها على طول أللي صار أقوى من أحتمالها
طار لها عبدالكريم بروحه وقلبه وكيانه
بنتــــــــــــه
قطعه من قلبه وآخيرا شافهااا
شالها بين أيديه وضمها لصدره مومصدق
ساره:أنا بتصل بالدكتوره تجي
مارد عبدالكريم كان بعالم حلا
يخاف يكون بحلم ماوده يصحى
ماعندي شي أقوله إلا أشتقت لك
لوثاني تسألني بقول أشتقت لك
لاشفتك انساني وأصير أتأملك
أنت الوحيد اللي يخليني بذهول
ياحلمي اللي طول عمري أتبعك
واللي بغيابك على عيني يطول
أحلم وأطير بدنيتك وإتخيلك
قصه عمر وأنا معك بأحلى الفصول...
ناديه:عبدالكــــــــــــريم كيف تتجرأ؟؟
عبدالكريم ودموعه مغرقته:
بنتي هذي بنتي اللي مضيعها من سنين
ناديه:هاااه أنت وش تقول
بنــــــــــــتك
هز عبدالكريم راسه وأشر لها على أوراق التحليل
قرتها ناديه وأنصعقت
جت ساره تجري ماسكه يد جدتها وسما:هذذي بنت خالي كريم
الكل
مــــــــــــذهول
مصــــــــــــدووم
مصــــــــــــعوق
مفاجأه لاكانت على البال ولا الخاطر
جلست ساره تحكيهم السالفه من أولها لآخرها
وجت الدكتوره وحقنت حلا بمهدئات لأنها بحالة صدمه عصبيه
:أنت وش تقرب للمريضه؟
سعود بغصه:أخوها!!
:بصراحه حالتها حرجه وإذأ كتب الله وعاشت ماراح تتعدى 12ساعه بالكثير
جلس سعود لأن رجوله ماعاد تشيله:وش فيها بالظبط؟
:كسر بالجمجمه أدى لنزيف بالمخ بالأضأفه لنزيف داخلي وكسور طيحتها قويه وأثرت على الرأس مباشره
سعود:شلون صار كل ذا؟
:الحين بيوصل المحقق ويعلمك بكل شي!!
سعود:محقق؟؟
دخل المحقق بعد5دقايق وكل كلمه ينطقها مثل السكين اللي تقطع شرايين سعود
بلاغ من الهيئه
راكبه مع واحد
دعسوا واحد
ضغط راسه بيدينه
كل ذا يطلع من أخته مومصدق
طلع من المكتب يترنح من هول الصدمه كره أخته تمنى لها الموت عشان يمحي عارها
وش أقول لأبوي اللي طاح من طوله من خوفه عليها؟
وش أقول لأمي المسكينه اللي تنافض من خوفها عليها؟
وش أقول لخواتي رجاء وهدى أختكم جابت لنا العار ومحد بياخذكم لأنها شوهت سمعة بيتنا؟
وش أقول لأصدقائي بأي وجه أقابلهم؟
آآآه يارب ساعدني
والمصيبه لما قابله مازن وحكى له سالفة تصويرها لأخته
خــــــــــــلااااص
ضاقت الدنيا بعينه
"يــــــــــــارب خذها وريحنا من عــــــــــــارها"
ماهي إلا ثواني حتى جت الممرضه تجري ونادت الدكتور
دقايق وصله خبر وفاتها
تنهد"الحمد لله"
أستغرب منه الكل خلاص أجراءتها وشهادة الوفاة
وقرر الدفن يكون بعد صلاه الفجر
يعني بعد عشر دقايق
بس كيف يخبر أبوه وجوده ضروري
مأمداه يلتفت ألا ويشوف أبوه
وضعف وانكسر مليون قطعه
طاح بحظنه:ي يبه..الحمدلله..ماتت ماتت بعارها وريحتنا
أبوه كان صامد عكس ماتوقع لأنه تكلم مع المدير والمحقق قبل يجيه بس ماكان يعرفه أنها ماتت تنهد"الحمدلله"وكأن جبل أنزاح من على صدره
"لوماماتت كنت ذبحتها بيدي"
أرتفع صوت آذان الفجر
سعود:بندفنها بعد الصلاه
هز أبوه راسه بدون مايتكلم
واسدل الستار على نهاية أليمه
نسأل الله حسن الختام
أماعهد حمدت ربها ألف مره لأنه أنجاها من خيوط مؤامرة وئام وفواز
*********************************************
أحساس بالخيبه
والقهر والذل والأحباط
حاظنه مخدتها ومغمضه عيونها وتاركه دموعه تعبر عن حالتها
"لهالدرجه محد يبيني"
"ليه"
"وش ذنبي"
"حتى اللي خطبني حسبته يحبني وطلع يحب الفلوس"
"آآآآه ياردى حظك ياريم"
دخلت أمها
:ريم..ريم يمه قوم تغدي
ألتفت لأمها بعتب وماردت
:ريم مو زين لك كذا قومي كولي لو شي خفيف
ريم:أي موزين لي كذا..بس زين تبيعني بفلوس
:ريــــــــــــم حشمي عمرك أحسن كل اللي سويته عشان أضمن حياتك قبل لا..لاأموت من حقي أشتري رأحتك ماضمن حياتي ولاأظمن لك الدنياولا أظمن لك أخــــــــــــوك
ريم فكري بعقلك من يبي واحد مدمن سكير خال لعياله!
ريم:يمه آسفه بس أنصدمت كثير معاك كل الحق سامحيني يالغاليه سامحيني
وأرتمت بحظن أمها تبكي
وبعد ماهدت نوبات البكاء
:حلا تأخرت مو عوايدها
ريم:عندها حفله أكيد بتأخر
******************************************
ماصدقت نتلاقى
أنا ماني مصدقني
حابس فرحتي فيني
أخاف عيوني تخدعني
أحنا مع بعض معقول
المعجز حصل لاتقول
لوهذا حلم
لاسامح الله من يفوقني
جازى الله الصدف
عني وعنك خير
ياسيد البشر ياغير
ليه واقف بعيد أقرب
ماحنيت لأحضاني
لاتعتب ولاأعتب
أنسى نفسك أنساني
وخلينا مكفينا اللي صااار"
فتحت حلا عيونها بشويش ومومتذكره شي تحس بدوار خفيف شافت أبوها نايم مقابلها عالكرسي
يعني ماكانت تحلم
قامت تغسل وجهها عشان تزيل المكياج وتنشط شويه
دخلت الحمام وأنتم بكرامه وعلى صوته قفلة الباب صحى أبوها
ناظر حوله وتلفت عيونه تدور عليها
بعد10دقايق طلعت حلا
أبتسم عبدالكريم ووقف:
حسبتك رحتي وتركتيني
حلا:مستحيل أتركك بعد مالقيتك
ماتعرف شكثر تعذبت بحياتي بدونك
ضمها أبوها وقال:
أنا بعد تعذبت وأوعدك ماعاد فيه عذاب وتعب وأنا حي لك
واللي يفكر يأذيك بمحيه من الوجود
دمعت عيون أم عبدالله وهي تشوفهم:كريم منت مخليني أسلم على بنيتي
ألتفتو لها وعيونهم مدمعه
أرتمت حلا بحضنها تغسل أوجاعها وهمومها
أخيرآ أهل..عائله..عزوة..سند..أحد يحبها ويخاف عليها من النسمه تجرحها
ناديه:ماتبين تسلمين على عمتك يعني
ضحكت حلا وضمت عمتها
اللي لزمت عليهم ينامون عندها لأن الوقت تأخر وبكرآ غداهم عندها بمناسبه أنضمام حلا لعائلتهم
*************************************
عصام:هالزفت هذي للحين ماجت؟؟؟
أم عصام:لأ
عصام:وتقولينها بكل برود بعد
أنتي"يقصد ريم"دقي على خويتها تعطيني العنوان وأنا أروح أسحبها بكشتها
قامت ريم بشين نفس تدق على زهره لأن حلا ماعطت أحد رقم موبايلها
زهره:آلووو
ريم:السلام عليكم
زهره:وعليكم السلام
ريم:ممكن تعطيني عنوان البيت اللي فيه حلا؟
زهرة:مارجعت للحين؟
ريم:يعني لورجعت دقيت عليك
بسسرعه عطيني العنوان
زهرة:آسفه حلا قالت ماعطيه أحد ولاتدقين مره ثانيه
طوووط....
عصام:وينــــــــــــها؟؟
ريم:مارضت تقول لي
عصام:شلون يعني شردت؟
أم عصام:الله لايقوله أمي موصيه عليها قبل تموت
ريم:أووف أنا متأكده أنها عند زهروة
عصام صفق الباب وطلع
محد يدري وش ناوي عليه
فجأه رن التلفون
ريم:آلو
حلا:هلا ريم
ريم:حلا وينك نشف دمنا ندورك
حلا:أنا بخير لاتحاتين عطيني خالتي
ريم:يمه هذي حلا
:حلا يمه وينك
شلون..متى..كيف صار كل هذا
الحمدلله..زين..فمان الله
ريم:وينها؟؟
:عند أبوها
ريم:أبــــــــــــوووها؟
وجلست أمها تعلمها بالتفاصيل كلها وهي فاتحه فمها*=*
**************************************
أنتشر خبر وفاة وئام بين العائله
ورفض أبوماجد أحد يجيه ورفض ياخذ عزاها
رجاء:يبه يلا فديتك كل لوشي خفيف عشان تاخذ دواك
ناصر:آه مالي نفس يابوك حسبي الله عليها
رجاء:طيب عشان خاطري ذوق الشوربه والله تعبانه عليها
بعدين موأنت قلت بنعتبر ولاكن شي صاير
أبتسم ناصر غصب:طيب بنذوقها عشان عروستنا الحلوة
أستحت رجاء:بالعافيه يالغالي
ناصر:يعافيك بس موعد ملكتك ماراح يتغير بعد ثلاث أسابيع
رجاء:اللي تشوفه يبه
..وبغرفة وئام..
هدى كانت تبكي بصمت وغرقانه فبحر الندم لأنها كانت تدري تقريبآ عن حياة أختها المشبوهه ولاعلمت أحد
أما أمها آآه ياقلب الأم وياحرقة قلبها على شباب بنتها اللي ضاع بسوء خاتمه بس تبقى بنتها وتحبها
هدى:بسك يمه أبوي راح يزعل لوشافك كذا
:ماأقدر هذي بنتي قطعة قلبي ماأقدررر
هدى:بس دموعك ماراح تنفع خلنا ننزل أغراضها عشان يوديها سواق جيراننا للجمعيه الخيريه
:نزليهم أنتي صعب علي فرقاهم يايمه هذولا اللي بقى من ريحتها
هدى:أن شاء الله بس روحي تغدي
*********************************
صحت حلا الصبح ناظرت حواليها لقت أبوها نايم عالصوفا أبتسمت بحنان وقامت تتوضأ وصلت الفجر ودعت ربها يخلي لها أبوها ويطول بعمره
طوت سجادتها وراحت تتعدل أوووه ناظرت فستانها ماعندها شي تلبسه
دخلت ساره بصوت واطي:
صباحووو
أبتسمت حلا:صباحك ورد
ساره:جبت لك ملابس أتمنى تناسبك
حلا:آه أنقذتيني
كانت تنوره بيج ميدي واسعه شوي من تحت وبلوزه بنيه جابنيز بفتحه دائريه واسعه
ساره:ها أعجبتك؟؟
حلا:رووعه بس موكن التنوره قصيره
ساره:عاتي ماعندنا أحد غريب وحبيت أقولك أحنا مانغطي عن عيال خوالي أللي هم عمامك
حلا أنصدمت:والله
ساره:أي والله ههههه شفيك خفتي ترا أغلبهم متزوجين ومايجلسون معنا كثير يادوب سلام
حلا:أهاا
ساره:أنا بصحي خالو يصلي وأنتي تجهزي براحتك
حلا:أوكي
وبعد ربع ساعه كانو الكل تحت
نزلت حلا ماسكه أيد أبوها
أبو حلا:السلام عليكم
الجميع:وعليكم السلام
أبو حلا:ها كيف أصبحتو؟
الجميع:بخير ونعمه
أم عبدالله بلهجه حانيه:
وشلونك ياحلا؟
حلا:بخير الحمدلله
أبو حلا:يلا سمو بالله..إلا أبوخليل وينه؟
ناديه:يفطر فوق
أبو حلا:شدعوه؟
ناديه:ماوده يحرجكم يعني ألين تتعود حلا علي أقاربها
أبو حلا بصوت هامس:
بعد الفطور بأخذك لمكان يجنن
أبتسمت حلا وهزت راسها
**********************************************
يابحر فيني من الهم مافيك
من حزن وأوجاع وغرايب..
جالس بكل حزن عالكورنيش يناظر البحر
وأفكاره أبعد من مدى الأفق
هذا حاله من يومين مانام ولاأرتاح ولاأكل بس وقت العطش يشتري من الكشك مويا تبل ريقه
مهمــــــــــــوم
ماوده يرجع البيت وده يكون كابوس ويفتح عينه ويصحى منه
تخيل حال خواته وأنعصر قلبه من بياخذهم؟؟
تذكر أن مالهم غيره أخوانه كلن تزوج وألتهى وأبوه مريض
آآه ياسعوووود
قام من مكانه وأول ماوقف
سودت الدنيا بعينه
تسارعت نبضاته وطاح مغشي عليه بسرعه جو أثنين شباب وشالوه لأقرب مستشفى
**************************************************
البــــــ6ــــــارت
ألا ياوقت لاتقسى على من عاش
في حرماااااان ..
ترى قلبي إنقتل وألحين يعيش
من ثاني ..
أبي إنساااان يبكي حييييل إلى
من قلت له تعبااان ..
وأبيه يقدرني"ويمووووت فيني ويدري إن العمر فاني ..
أبي حضن أرتمي وسطه إلى من طحت وأنا ولهاااان ..
أبي شخص يصير أهلي''ويصير أغلى خلااااااني ..
أبي قلب إذا أحتجته يبين لي
الحيا ا ا ا ا ه .. بأمااان..
أبي كف تلمسني .. وتمسحني إذا دمعي غرقني ..
أبي عين تعزف لي,,أعذب وألطف الألحاااااان ..
أبي خل يعاااهدني ~ ومهما صار مايعااااتبني ..
أبي((إنساااان)) يوله ،، ويخاف على ^قلبي^ من الأحزاااان ..
أبي إلى مني إلتقيته .. أقووول:
٠٠عمر الهم٠٠ ماجاااني٠٠
:طال عمرك وصل المدعي
زياد:دخله بسرعه
دخل رجال أربعيني باين بوجهه علامات الوقار
:السلام عليكم ورحمة الله
زياد:وعليكم السلام والرحمه أسترح يابو...
:أبو بدر
زياد:تفضل يابو بدر قول وش عندك؟
أبو بدر:زاد فضلك أنا قدمت بشكوى قبل 3 شهور على جاري
فهد مرزوق
زياد:آها اللي يسكر
أبو بدر:عليك نور..
زياد:تبي تتنازل؟
أبو بدر:أيه
زياد:طيب ليه؟
أبو بدر:بصراحه زوجته وبناته كل يوم عندنا يترجوني أتنازل وهو أبو بنيات و...
زياد عصب:لاوالله أسمحلي يابوبدر هذي فيها أمن دوله يعني الموضوع مو بيدك بيد القانون يعني بيقضي فتره عقوبته كامله ولاتنسى الممنوعات اللي ضبطنا عنده
واللحين ممكن تتفضل
أبو بدر:بسس
زياد:لا بس ولاشي ولا طمعت بالبنت اللي بتزوجك أم سهى عشان تنازل عن زوجها
أنصعق بو بدر:هاا..ششششلون عرررفتت
زياد يضحك باستهزاء:هههه أنا لي عيون وأذون بكل مكان
والحين أقضب الباب
طلع أبو بدر وهو يرتجف جد زياد شخصيه تربك اللي قدامه غامضه مثل البحر مره هادي وماتوقع هيجانه مفاجئ
*****************************************
أبو حلا:هاه بابا أختاري أللي يعجبك ولوماعجبك نطلب على ذوقك ترا هذا المحل لي
حلا:والله
أبو حلا:ههههه أيه
حلا:مممم أنا طول عمري نفسي تكون غرفتي ملونه يعني فيها كل الألوان اللي أحبها
أبو حلا:زي أيش مثلا
حلا:سرير وردي..ممم تدري مدامه محلك أنا برسم الغرفه اللي فباللي وبكرآ اجيبها لمصمم يطبقها
أبوها أعجب بذكاءها:تامرين أمر يالغاليه
حلا:تسلم يبه
أبو حلا:هااااه
حلا:تسلم
أبوحلا:لا لا الثانيه
حلا:ههههه يباااااه
أبو حلا:آآه توها ردت لي روحي
حلا:ههههه كل يوم بعطيك جرعه منها
أبو حلا:ههههه..زين ياحبيبة بابا خل ندخل هالمحل عنده أشياء حلوة
حلا:واااو(aldo)ياما تمنيت أدخله
أبو حلا:وأنا هنا عشان أحقق أمنياتك
دخلت آلدو..مانجو..جي آر أند آر
لابونيتا..ذا بودي شوب..مكياجي
باريس غاليري..ماخلت بخاطرها شي -_~
حلا:بابا تعبتك معاي
أبو حلا:لاااا تعيدينها مره ثانيه أنا هنا عشانك بحاول أعوضك عن كل دقيقه بعمرك ماعشتها وياك
حلا:الله لايحرمني منك
أبو حلا:ولامنك..خل نطلب لنا كوفي ودونات ونرجع لبيتنا
حلا:أوكيــــــــــه
************************************************
فتح عيونه ببطء ناظر من حوله كل شي أبيض
"وين أنا؟"
لمس أيده وشافها موصله بأنبوب المغذي وقناع الأكسجين على أنفه
أستدرك أنه بالمستشفى
من جابه؟كيف؟متى؟ليش؟
وش صار؟
مايدري بس اللي متأكد منه نوبات الربو اللي تصيبه لاضاق خلقه وغير كذا مايدري؟
دخل عليه الدكتور
:السلام عليكم
سعود:وع..ليكم ال سلام
كان نفسه متقطع وعطشان حيل
:أزيك دلوأتي
سعود:م موو يا
:حاضر حاضر
وجاب له شويه مويا معتدله
تروي عطشه
سعود:من جابني هنا؟؟
:أتنين شباب زيك
سعود:ليش أنا هنا؟؟
:عندك نوبة ربو وكمان ضغطك نازل أوي باين ماكلتش حاقه يجي اكتر من 24ساعه
سعود:أبغى أطلع من هنا
:بكرا حكتب لك على خروج النهاردة مستحيل
سعود بعصبيه:قلت لك اللحين بطلع ماني جالس
:هدي نفسك يا...
زادت عصبية سعود ونزع المغذي من يده بقوه وأنجرح وصار ينزف شال قناع الأكسجين وجاء يقوم لكنه داخ وطاح على طول
************************************************** **
في الطايف..
عمر وياسر يسبحون بالمسبح ويشربوب عصير مروقين
ياسر:وشو شعورك وملكتك بعد أسبوعين؟؟
قام عمر يسبل بعيونه ويتكلم بحالميه:آه يايوسي أحلى شعور تاخذ اللي تحبها تحس نفسك فوووق السحاب
ياسر:هههههه تنصحني أتزوج؟
عمر:أكيد بس بعد ماتلاقي فارسه أحلامك و...
؟؟؟؟
أحمد وماجد كبو سطل طحين على راس ياسر وعمر
عاد تخيلو أشكالهم-_~
نطو من من المسبح والرؤيه شبه ضبابيه خخخخ
ياسر:تعــــــــااالو ياملاعين الخير
عمر:أمسكهم..أمسكهم
>>يسار
<<يمين
عاااشووو ههههه
ياسر:دخلو الديوانيه رح مع الباب الثاني
طاااااااااااااخ
دخلو كل واحد من باب
وكان فيه محمد وزوجته وسعاد وأمه وأبوه
>>أنواع الأحراج
ياسر وعمر تجمع الدم بوجيههم وماشالتهم رجولهم
الكل:ههههههههه
ياسر:أحمم
وسحب عمر ومشو
ياسر:والله لاذبحهم
عمر:أقول أمش لاحد ثاني يشوفنا حتى الخدامات شمتانات فينا
ناظر ياسر بالخدامات ومسك طحين ورشهم فيه
ياسر:عشان تحرمن اللقافه
************************************************** ******
في الشرقيه..
عبدالكريم:يعطيكم العافيه على هالغدا اللذيذ
ناديه:الله يعافيك صحتين على قلبك
ساره:أعجبك غدانا ياحلا؟
حلا:كثير تسلم أيد من سواه
سما:هههههه قصدك يارا
حلا:مين هذي؟
سما:طباختنا اللبنانيه
حلا:نفسها حلو بالأكل
عبدالكريم:وآنا أشهد لها
ناديه:ههههههه وش رايك تتزوجها؟
تغير وجه عبدالكريم بس أسعفته حلا:لأ بابا لي وماسمح لأحد يشاركني فيه
ساره:ماتبين أخوان؟؟
حلا:أنا أكفي صح بابا؟
مسك أبوها يدها وأبتسم:حلا دنياي تكفي عن مليون ولد
قام عبدالكريم يغسل أيديه
وأرسلت أم عبدالله لناديه نظرات عتاب وبادلتها ناديه نظرات ندم وأعتذار
أما حلا ضايعه وبالطوشه
بس اللي فهمته أن أبوها مايبي يتزوج
بس ليـــــــــــــش؟؟
لهذي الدرجه متعقد من أمها
حست بغصه لما ذكرت أمها رغم جفاها إلا أنها تحن لها
عبدالكريم:حلاوي مشينا يابابا
حلا قامت:أن شاءالله
ناديه:وين بدري
عبدالكريم:من عمرك بس أبي أريح لي شوي وأفرج حلا على بيتنا
أم عبدالله:خذني معك يمه
ساره:وييين كلكم بتروحون؟
حلا:عاد أنتم زورونا
سما:أوووه أصلا أحنا هناك كل خميس وجمعه
حلا:حلو
ساره:لا مو حلو...حلا
الكل:ههههههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك