رواية ياحلمي اللي طول عمري اتبعك -1
*ياحلــــــمي الي طول عمري أتـبــعـــك*
للكاتبة:منبع الأنوثة
قد تغرقنا الأحلام حتى الثماله
فنحن نعيش بها ولأجلها..
تجرفنا بتياراتها بلا هواده فننجرف بلا مقاومه..
قد يبتسم لنا الحظ مصادفه
ويحقق لنا أحلامنا
ولكنه لايلبث أن يتحول إلى كابوس مريع ينغص حياتنا
فنتمنى أن نستفيق منه...
ويكون من الأفضل::
¤إن يبقى الحلم حلمآ¤
ولكن...
هناك دووومآ أمــــــل
هذي أول روايه لي وحبيت أخليها ترتكز على العلاقات الأسريه والأجتماعيه
مع قليل من الحب عشان ماتكون
كلها عذاب وتكسر خاطركم
وأقتبست لكم من واقعنا بعض المقتطفات
تمنياتي لكم بقراءه ممتعه
البــــــارت<1>
جالسه بكل ملل تقلب قنوات التلفزيون ببجامتها الورديه
اللي يتوسطها ميكي ماوس ومطلعها شكلها كيوت مررره
خصوصآ مع شعرها الأسود اللي مقسوم نصفين ومربوط بشرايط ورديه
وفجأه رن التليفون وقطع عليها تأففها
قالت:هلاااا رناووي
:هلا بك حلاوي
حلا:أيوا وش ذكرك فيني ياست رنا؟
رنا:ههههه سوري قلبي بس حصلت لي ظروف قطعتني عنك
قالت حلا بقلق وأهتمام:
ظروف أيش عساه خير؟
رنا:أبد ياقلبي جنا وشهد وريما رايحين مع أبوي واخواني
يزورن جدتي بالديره يقولون مريضه وصار الكرف علي لحالي
حلا:الله يشفيها..تصدقين عاد
رنا:أيش؟
حلا:ودي أشوفك وأنتي حايسه ههههه
رنا:هين يالخايســــــه
طووط..طووط
حلا:ههههه ياحبي لهالخبله
ودخلت عليها خالتها سمر:بسم الله علينا وش يضحكك؟
حلا:هذي رنا دقت علي وعصبتها وقفلت بوجهي هههه
سمر:صدق أنكم مهابيل
حلا:هههه لاتلومينا ماعلينا شرهه
سمر:صادقه والله
رمتها حلا بالمخده الصغيره
ورجعت سمر ترميها عليها
وصارو يجرون ورا بعض
وتعالت أصوات ضحكهم وصراخهم الين سمعو الصوت اللي هجدهم:
بــــــس خلااااص
وووجع بقلوبكم ماتستحون أنتم
مليون مره قلت أصواتكم لاتطلع
فضحتونا عند الجيران
كل من مر سمع أصواتكم
وأنتي ياآنسه سمر يالعاقله أشوفك اليوم مستخفه!
ولاعشان جالسه مع هالبزر صرتي مثلها
ردت حلا بقهر:
سعد أحترم نفسك
رد سعد بعصبيه كأنها ينتظرها تنطق عشان يصب جام غضبه عليها:
نــــــعــــــم..!
عيدي ماسمعت وش قلتي ياست حلا
أنت كفو تتكلمين عن الأحترام
أتكلمي سمعيني
فضلت حلا تنسحب لأنها ماعادت تتحمل أكثر تجريح خالها سعد لها
أنسحبت لغرفتها وقفلت على نفسها
وعلى صوتهم جات جدتها مفزوعه:
وش فيها حلا؟
وش في بنتي؟
وحكت سمر التفاصيل لأمها اللي ردت:لاحول ولاقوة إلابالله
وراحت سمر عشان تدق على رنا تجي تهدي حلا لأنها الوحيده القريبه من قلبها
دقايق وكانت رنا عندهم لأنهم ساكنين بنفس الحي دقت باب
غرفة حلا اللي ماترددت تفتح لها وأرتمت بحضنها
رنا:حلا بسم الله عليك وشفيك؟
حلا بصوت باكي:أبي أبوي..أبييه
رنا:حلا حبيبتي تدرين أن هالشي مستحيل ترحمي عليه أحسن
حلا:الله يرحمه..ياليتني مت معاه
ردت رنا باندفاع:تعوذي من أبليس..أستغفري ربك هذا نصيبك ولازم ترضين فيه مهما كان
حلا:أستغفر الله..يارب أفرجها من عندك..ياربي أرحم ضعفي
رنا:أيه أبيك كذا متفاءله
حلا:رنا لوماأنتي بحياتي مدري وش كان صار بي..أوقات كثير يجي فبالي أ
شرد من البيت تعبت من هالعيشه والله تعبت
لاأب ولا أم ولا عم ولا لبس ولاحتى مصروف للمدرسه زي الناس
مافيه إلأ خال معقد صاك الثلاثين شغلته ينكد علي..
رنا:ربك كريم ياقلبي إلا أقول ماتعرفين شي عن أهل أبوك؟
حلا:ياليــــــت!!
ماعندي إلا صوره لأبوي الله يرحمه خبيته بسلسه دايمآ ألبسها
عمري مافكيتها من حلقي أبي أحس بقربه مني طالعي كيف هو حلو
رنا:تصدقين يشبه عيونك
حلا بفرح :والله!!
رنا:أي والله..إلا أمك ماتكلمك عنه ولاتعرف مكان أهلك؟
حلا: وأمي متى أشوفها
بعدين كل ماجيب سيرته تعصب علي حيل تقول ماتبي سيرته أبد ..!!
رنا:آفااا وأنا أخت سلمان
حلا:ههههه حلوه ونعم والله
رنا:ماعليك زود
وهذا كان حال علاقة رنا وحلا فيها المر والحلو..
وكانو صديقات بمعنى الكلمه
عرفو بعضهم بالثانويه
عمر صداقتهم 3 سنوات
أعمارهم ماتجاوزت الـ18
بس عاشو أحزان وهموم
أكبر من سنهم
أولها الفقر ومالها آخر
رنا:يمه والله أوجعني قلبي عليها
الأم:الله يكون بعونها ربك مايضيع أحد..والله أنها دخلت قلبي وحبيتها إلا أمها ليش ماتاخذها؟
رنا: زوجها رافض وجود حلا فبيته
قالت أمها:
يعني تتخلى عن بنتها عشان رجال
والله أنها ظالمه
قالت رنا:
صادقه يمه..حلا تستاهل أحسن أم من هذي فوزوه العله
:مسكينه ياقلبي صارت يتيمه من جت للدنيا
****
:أختي أنا أبي فهد مرزوق الـ..
ندى:دقيقه أناديه لك
راحت تمشي وهي تحسب أنه من ربع أبوها الفاشلين:
يباااه
:خييير وش تبين
ندى:في واحد يبيك برا
:يووووه أكيد ذا فايز يبي أيجار البيت..قولي أبوي مسافر
سمر:طييب
أخوي الوالد مسافر
:ياشباب أدخلو فتشو البيت بسرعه
وبسرعة البرق داهمو عناصر الشرطه البيت
وسط خوف سكانه
وحصلو قارورتين خمر
سحبو فهد للمخفر وسط خوف عياله وصدمة زوجته
وذهول جيرانه
اللي بمجرد ماشافو الدوريات جو يستكشفون الحدث
*************************************************
صحى من نومه مفزوع وهو يتعوذ من أبليس ويسمي بالله
حط يده على جبينه وتنهد:
آآه ياربي وش ذا الأحلام اللي نكدت علي
طيب وش تفسير هالحلم اللي ملازمني من سنين
ومن هذي اللي بالحلم
لاحول ولاقوة إلا بالله
ورفع السماعه قال:
لسلي سوي نسكافيه وحطي بالحديقه
:أوكي مستر
وقفل السماعه وبدل لبسه ونزل لغرفة أمه لكنه مالقاها
لمحها من الشباك جالسه بالحديقه نزل لها وقال:
السلام عليكم
ردت وهو يبوس راسها:
هلا هلا وعليكم السلام
قال:
مساك الله بالخير ياأم عبدالله
جلس وردت أمه:
مساك الله بالرضا والسرور ياوليدي
قال:
وشلونك اليوم يالغاليه؟
ردت:
بخير يامال الخير الحمد لله
قال:
عسى دووم يالغاليه
قالت أمه وهي تدقق بملامحه بقلق واضح:
فيك شي ياعبد الكريم؟
وجهك مهوب عاجبني..
ناظر بكوب النسكافيه اللي حطته الشغاله قدامه وقال:
آآه والله مدري يايمه
تحلمت بحلم غريب ضايقني
قالت أمه:
عساه خير وأنا أمك
وش أنت حالم به؟؟
رد بضيق واضح:
مو متذكره زين بس كل ماأصحى أحس أني فاقد شي كبير أحس أني مضيع حاجه
والمشكله يتكرر علي من سنين
قالت أمه بخوف:
الله يجعله خير وأنا أمك
طيب وراك ماسألت احد هالمشايخ اللي يفسرون الأحلام؟
قال:
خفت منه يمه..
نصه تحقق وقلب حياتي
وخايف من نصه الثاني
الحادث اللي صار لي شفته قبل 18سنه والحلم مازال يتكرر
الأم:
لاحول ولاقوة إلا بالله
أسمع ياعبد الكريم الحين تدق على سلطان ولد خالتك وتاخذ منه رقم مفسر أحلام قلبي مهوب متطمن
طلع عبد الكريم جواله:
تامرين أمر يمه
ودق على سلطان لكنه خيب ظنه ومارد عليه قال:
والله يمه مايرد أكيد بيدق إذا شاف أتصالي
****
:لاحول ولاقوة الا بالله
سعد:أنا قايل لكم من أول أن هالرجال مهوب كفو لاكن أنتم اللي...
قاطعته فوزيه وهي تبكي:
بس خلااااص ذبحتني حرام عليك...يكفي كذا
ردت أمه:
ماعاد ينفع الحين ياسعد طاحت الفاس بالراس
سعد:
بكرا عيالك وش بيكون مصيرهم والناس تعايرهم بأبوهم السكران خريج السجون
هذا كفو تتركين بنتك وهي ماكملت السنتين عشان ترضينه
هذي حوبة حلا..!!
فوزيه:
بــــــس ياسعد!!
حرام عليك
اللي صار صار ماعاد ينفع حكي
فكني من حنتك طول الطريق 400كيلو تحن على راسي
وأنسحبت لغرفة أختها سمر
أما حلا جالسه بذهول من أمها اللي ماعبرتها كالعاده وكلمة خالها ترن بأذانها:
"هذي حوبة حلا"
أنسحبت للمجلس تدق على رنا
حلا:والله العظيم هذا اللي صار
رنا:أحس أني مومصدقه
الله يكون بعونكم على بثارة خواتك وامك شكلهم مطولييين عندكم
حلا:ههههه أي والله صادقه
:ماشاء الله أشوف تضحكين كل ذي شماته بأبوي يعني
حلا:نهى حلي عني مو ناقصتك
رنا:حلاوي الظاهر النكاده بدت يلا باي
حلا:بااااي
مشت حلا وهي تتأفف من أختها نهى17سنه فضلت تروح لغرفتها بدل ماتعلق معها وتتعب نفسها
وراحت تاخذ لها شاور عشان تدوام بكرا وهي نشيطه
بكرا ينتظرها يوم حافل بالمدرسه
****
هالمكان ياما زف لناس أخبار سعيده غيرت حياتهم
وأوقات كثيره حمل أخبار سيئه دمرت حياة الكثير منهم
وقضت على حياة بعضهم
واقف هناك مع أمه بقلق وخوف على أبوه وأول ماشاف الدكتور فز من مكانه
:هاه بشر يادكتور
أخذ الدكتور نفس عميق وقال:
الأعمار بيد الله سبحانه
والبقاء لله وحده
عظم الله أجركم
وشدو حيلكم
كان الدكتور يقذفهم بسهام ملتهبه
طاحت الأم مغشي عليها
فقدت الزوج
فقدت السند
فقدت الأب
أما الأبن خر على ركبتيه منهار ورافض الواقع
أخذو أمه من عنده وماحس بشي من اللي حوله
دق جواله بشكل متواصل بلا مجيب
دقايق وكانو أخوانه سالم وعلي حوله
ومحد قدر يواسي الثاني والمصيبه وحده
:منصور..منصور تعوذ من أبليس وأنا أخوك أدع له بالرحمه والغفران
كان هذا بدر صاحب منصور حاول يواسيه وأقنعه يروح يخبر خواته ويوقف معهم...
وبعد نصف ساعه كانو بالبيت وأول مافتح الباب
:منصور..أبوي وش صار له
مع أن شكله يحمل الأجابه ألا أن ريم فضلت تسأله لعل وعسى تكون فيه ذرة أمل:
مسكة بياقة ثوبه وصرخت:
منصوووور أبوي وش فييييه؟؟
جاوب وهو يحس روحه بتطلع قال بصوت مبحوح وتعبان:
أبوي يطلبكم الحل
تعالت صرخات خواته خوف وألم وضياع
ريم 18سنه
عصام27سنه
غيب الموت والدهم وترك على جبينهم بصمة اليتم..
*********************************************
صحى على رنة جواله
فتح عيونه بكسل ومد أيده ياخذ الجول رد:
آلو
:السلام عليكم
:وعليكم السلام..هلا سلطان
سلطان:هلابك..بعدين تعال وش سلطان؟
:هذا أسمك ماجبت شي من عندي..!
ضحك سلطان بفرح واضح:
الحين صرت أبو عبد الرحمن
قام عبد الكريم بسرعه وقال بفرح:
والله..يعني صرت أب ياسلطان
ضحك سلطان منه:
قلنا لك أبو عبد الرحمن
الحمدلله ربك كريم ياخوي أرزقني بالولد وماخيبني
رد عبد الكريم:
الله يجعله ولدآ صالح
يتربى بعزك إن شاء الله
:آميــــــن..عقبالك ياخوي
وكأنه شق قلب عبد الكريم نصفين..
أبتسم بوجع قال:
ماظنيت ياخوك ماظنيت..
لاحظ سلطان تغير نبرة صوت عبد الكريم ولهجة الحزن الواضحه فيها حب يغير له موده قال:
تفاءل خير ياخوي
بعدين وش يردك لاتعرس رجالن بتطق الخمسين وماتبي عيال بعد
قال بلهجه بارده:
إلا أبي اموت ويصير عندي ولد ولا بنت لكن...ربك كريم يابو عبد الرحمن
قال سلطان:
تعاااال تعااال ياكريم وش عندك داق علي ها؟
وكأنه تذكر شي غاب عنه:
أيه الله يذكرك الشهاده
كنت أبي رقم مفسر أحلام
قال سلطان بقلق:
خير اللهم أجعله خير
قال:
كل خير إن شاء الله
حلم مزعجني له فتره وحاب أفسره
سلطان:
ولايهمك دقيقه وأرسل لك أرقامهم
تبي شي ثاني أبي أروح الاعب عبادي
عبد الكريم:
سلامتك ياخوي بوس لي عبادي وأن شاء الله أمركم بس هاه
سلطان:
سم
عبد الكريم:
لاتخرعه بلحيتك..!!
سلطان:
ههههه الله يصلحك بس..فمان الله
عبد الكريم:
فمان الكريم
وبسرعه وبلهفه دق على رقم أحد المشايخ اللي رد بسرعه قال:
السلام عليكم
مقتدي بسلطان بأسلوبه الأخلاقي
رد الشيخ:
وعليكم السلام ياهلا
قال:
ياشيخ أنا فيه حلم يتكرر علي كثير ودي تفسره لي لوسمحت
رد الشيخ:
خير أن شاء الله ياولدي
أنت متزوج؟
:لا ياشيخ
قال الشيخ:
وين ساكن وكم عمرك؟
:ساكن بالشرقيه
وعمري43
قال الشيخ:
تفضل ياولدي قول حلمك
قال عبد الكريم:
حلمت أني مسافر بطريق طويل وأبي أوقف السياره ماقدرت
وصدمت بشاحنه وأنقلبت السياره فيني
وشفت أهلي طلعوني منها بصعوبه
وكنت أنزف بغزاره من جرح فبطني
ولما لمسحت الجرح طلعت منه بذره خضرا
مسكتها بيدي لكنها طاحت مني بعيد
وجاء عصفور أخذها وطار فيها بعيد
بعدين لقيت نفسي بمكان غريب وأسمع أحد يناديني
وينتهي الحلم عنده
قال الشيخ بعد مادون النقاط المهمه عنده:
خير أن شاء الله ياولدي
دق علي بكره بعد صلاة المغرب أن شاء الله أكون فسرته لك
:على خير أن شاء الله يلا فمان الله
:فمان الكريم
غمض عبد الكريم عيونه وهو يترقب الجاي بخوف
***********************************
حلا:ريم حبيبتي أذكري الله وأدعي له..هو محتاج دعواتك
ريوم بسك عاد هذا يومه وكلنا بنموت بعدين أحمدي ربك شفتيه
وعشتي معه سمعتي صوته..لمستي أيده وبستي راسه..
موأنا ماأعرف من أبوي الله يرحمه ألا أسمه وصورته
شاركت حلا بنت خالتها بكاها
وكل وحده نزلت دمعتها لسبب مختلف
أضطرت تنهي مكالمتها الباكيه لأن أختها نهى نشبت لها تبي التليفون
قالت بخبث وصوت عالي:
أخيــــــرررآ خلصتي
كان جلستي للصبح أحسن بعد
كل ماشفتك تقرقين بالتلفون
وش ذا السوالف اللي ماتخلص
وقال أيش أكلم صديقتي
أنسحبت حلا بكل هدوء بعد مالصقت علكتها بشعر نهى اللي
تستجدي خالها يهاوش حلا لكنه مطنشها وتفكيره أبعد منها
***********************************************
من أمس وهو يفكر ماقدر ينام زي الناس نزل لأمه
كعادته هي بلسم جروحه وفرحة أيامه..
قال:
يالله تصبحها بالخير
أبتسمت له وقفلت مصحفها بعد ماحددت وين وقفت:
صباح النور والسرور
وراك قاعد بدري مهوب العاده حتى اليوم خميس
حط راسه على فخذ أمه وقال:
والله ماغمض لي جفن يمه
قالت أمه بخوف:
عسى ماشر ياوليدي
تشكي من شي
يعورك شي؟
رد بملل:
لاوالله مافيني غير العافيه
قالت أمه بترجي:
ياوليدي خلني أزوجك أنت يبي لك مرة تراعيك وتهتم بك
وتجيب لك عيال راح عمرك ياولدي وأنت لاولد ولاسند..
رفع راسه بسرعه وتأفف بضيق وقال:
ترا اليوم بروح أزور سلطان تجين معي..
قالت:
أن شاء الله..متى تبي تروح؟
قال:بعد صلاة العصر
قالت:
على خير أن شاء الله
أقول ياعبدالكريم
ألتفت لها:
سمي يالغاليه
قالت:
سم الله عدوك
أخوانك بيجتمعون كلهم بأجازة عيد الأضحى عبدالله بيجي وناصر ومنيره وناديه بعد
عبد الكريم:
الله يحييهم يعني عالأسبوع الجاي بيجون
قالت أمه:
بأذن الله
***************************************
البـــ2ـــارت
:أنا أبيك تروحين معي للشرقيه
عند خالتك فايزه
باست راس جدتها وأيدها قالت:
وآنا أقدر على بعدك يالغاليه
أصلآ ماطيق أجلس بمكان أنتي مو فيه
شدت على يد حلا وقالت:
بارك الله فيك يابنتي والله يوفقك ويرزقك أجل جهزي نفسك بنمشي العصر
قالت حلا بفزع:
العصــــــر!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك