رواية يآ قلب ارجوك لاعاد ترغمنيِ علىِ حب جديد وفيِه توهمنِي -6
عنــــــــــــــــــــــــ(( مشاري )) ــــــــــــــــــــــــــد
دكتور فهد : يلا ادخل بس لا تطول
مشاري يهز راسه :.................
دخل كاانت الغرفه باارده
العامل : تفضل اخوي بس لا تطول
مشاري : انشاء الله
كاانت ناايمه ومغطين عليهاا شرشف ابيض ايدي كاانت ترجف وكنت احس ريوولي مااهي قاادره تتحمل ثقل جسمي قعدت على ركبي وحاولت اني ارفع الشرشف من على ويهها بس مااني قاادر
وبالاخير قدر شفت وييهها شعرهاا الاسود عيوونها خشمهاا شفايفها حنجهاا كاان بخاطري اشوف غمازاتهاا لما تضحك كان عندي امل انهاا تقوول وتقوولي ليش طولت يا مشااري ويصير مثل الافلام ويعيش البطل والبطله بحب وسلام بس احنا بوااقع والموت قدر محتوم على كل انساان مسحت على ويهها وشعرهاا
ما قدر اتحمل انفجر بشهااق ظليت ابجي يمكن عند البعض الرياال ما يبجي بس انا فقدت رووحي اشلوون ما ابجي عليها
: داانه حبيبتي ادري انج تسمعيني انا بظل طوول عمري على ذكرااج وجعل قلبي يمووت لوو فكر للحظه انه يدخل سوااج بقلبه
انا وعيت على حبج وبموت على حبج وهالشيء محد يقدر يغيره ويحرم علي اي بنت بالدنيا غيرج احبج ياا رووح مشااري
قطع عليه دخول العامل : اخووي لو سمحت الوقت خلص
مشاري واهوا ما وده يقول : انشاء الله
ودعتهاا بعيووني كنت ابي احفظ لهاا صووره ببالي كنت اتمنى اقدر اخذهاا معااي بس ((لا تسير الرياح بما تشتهي السفن ))
كاانت بحرني وانا السفينه الي امشي درووب حيااتي فيها
بس هالسفينه انكسرت غرقت بحبهاا واندفنت بأعمااقهاا
انتهت قصتي انتهت حيااتي بدوونج يا دانه حيااتي
يــــــــــــــــــــــوم جديـــــــــــد :-
ابو مشااري : اقول حصه
ام مشااري : هلا
ابو مشاري : مشاري وينه قاال انه بيقضي مشوار ويرجع وصاار له من امس وما وصل
ام مشاري: ههه يعني ما تعرف ولدك مواعيده خرابيط اكيد شااف ربعه وطلع معاهم القنص ولا المخيم
ابو مشاري : كل شيء جاايز من هالمشااري
مشعل : السلام عليكم
ابو مشاري : وعليكم السلام هلا بولدي
مشعل : هلا فيك ياا الغالي
ام مشااري: ها يما تغديت
مشعل : ههههه لا تخافين اي تغديت
ام مشاري : بالعافيه
ابو مشاري : يباا مشعل
مشعل : هلا
ابو مشاري : يبا ما تعرف عن مشاري ِشيء ..!!
مشعل : لا انا اخر مره كلمته قبل امس ...... ليش فيه شيء ..!!
ابو مشاري : لا بس هالولد مواعيد غلط واحنا الحين ما نعرف ارضه من سمااه
مشعل : انا اشووفلك ايااه واسئل الربع عنه
ابو مشاري : قواك الله
فــــــــــــــــــــــ انجلترا ـــــــــــــــــــــي
دكتور : سيد عبدالله حالتك صعبه حيل لازم تلقى متبرع بأسرع وقت
عبدالله : بس انا ماابي احد يتبرع لي انا بعيش جذي
دكتور : بس جذي حاله بتسووء واحتمال تصير لك مضاعفاات
عبدالله بعصبيه : خلاص انا حر بعيش جذي عطني مسكن وخلاص
دكتور: بس هذي مسؤوليتي ومستحيل اعرض حياتك للخطر
عبدالله يقوم وبعصبيه : عيل خلاص بروح لغيرك يعرف علاجي بدون تبرع
*****
مريم : ها بشر شنو قال
عبدالله : ولا شيء يديد لازم متبرع ما يفهم هالدكتور اني ما ابي احد يتبرع لي
مريم بضيقه خلق : انزين ليش .... عطني سبب وااحد اقدر افهمه ...؟؟
عبدالله : هههه اعيش لمنوو .... روحي رااحت من بعد دلال خلاص حتى لوو تعالجت مااراح تساامحني وما راح نرجع لبعض خلاص انتهى كل شيء
مريم والدموع بعينهاا بس تمثل القوه : عيل ليش تزوجتني ..؟؟
عبدالله يطالع بعيونها : لاني مجبور ياا مريم
مريم : ..................
عبدالله بدون حتى ما يعبرهاا بكلمه : يلا نمشي
مريم مشت ورااها بدون ولا كلمه بس بقبلهاا كان فيه كلماات وصرااع نفسي بين الاستمراار معااه او انه تخلي حبهاا
عنــــــــــــــــــــــ (( جوى )) ـــــــــــــــــــــــــــــــــد
حبك لا تقول شلون ..
كثر ماتغير احوالي كثر ماجيت في بالــــي
خيالك يرسم البسمه على شفاهـــــــــــــي
وياخذني الى آخر مدى في الكــــــــــــون
وطن عمري غلاك وطرف الســـــــــــاهي
واذا نادتلك ايـــامي احبك لا تقول شلـــون
كاانت قااعده على المنتدى :-
آآآآآآآآه ياا جوى ليه متى بظل جذي مليت
لا لا يا جوى هذي موو طباايعج انتي مو جذي
اهلج ربووج عدل وما قصروا معاج بشيء لا تمشين بهل الطريج
بس انا موو قاعده اسوي شيء غلط
يوووو احس رااسي بينفجر من التفكير
اووووف اووف شفيهاا يعني ياا جوى انا ماا كلمته ولا شيء
مجرد اني اشووف ردووده
اااااااااه احسه متثقه وواعي وعارفه شنو يقول وحاط له هدف بحيااته معقوله يكون متزوج او خاطب اااااخ لوو اعرف
جوى اشفيج انتي مينونه شهل السواالف انا كبرت عليها
صكرت الاب بسرعه وراحت عند المرايا
وكانت تكلم نفسهاا : ليش انا غير ....... ليش الكل يحب وانا لا
شنو الي ناقصني ولا شيء كامله والكامل الله جماال واخلاق ودراسه ونسب انزين لا لا لا ياا جوى خلاص لازم تطلعينه هالشخص من حياتج اصلن ماا في شيء يربطج فيه مجرد ردود بسيطه وعلى مواضيع عاامه اعووذ بالله من الشيطاان
نوال : هيوونه
هيا : هلا
نوال : بقوولج شيء انا حاسه فيه ..
هياا واهيا تعد قعدتهاا : شنوو
نوال بجديه : ماا تحسين انه مشعل يميل لجوى شوي ..؟؟
هيا : اشلون يعني ...!!
نوال : مادري احسه يهتم فيهاا ولما يشووفها عيوونه تلمع يعني جذي
هياا : اي صح بس انا الي اعرفه انه متربين مع بعض
نوال: وشنو الي بيفرق يعني
هياا : يعني بيعتبرها مثل اخته ...!!
نوال : صااحيه انتي الحب موجوده بكل مكاان شنو يعتبرهاا مثل اخته بالعكس جذي يمكن يحبهاا اكثر
هياا واهيا تقووم : والله مادري العلم عند ربج
نوال : على وين رايحه ...؟؟
هياا : بشووف المصيبتين وين رااحوا ..؟
نوال : منوو تقصدين ..؟؟
هياا : يعني منو عنود وساره ..
نوال : هههههههههه الله يعينج عيل
في مكاان ثااني وبعدين على الكل ............
شخصيه يديده ...
.
فهد : هههههههههههههههههه من صجك
مشعل : اي والله اتكلم من صجي
فهد : وانا شدرااني عن مشااري ..!!
مشعل : ترى والله انا سألت ما كفرت
فهد : بس سؤالك موو بمحله يعني مشااري كمخه صاار الحين طوول البااب ولحد الحين تسأل عنه مثل اليهال ...؟
مشعل : هه والله اانا الغلطان الدااق عليك
فهد : هههههه
مشعل : يلا مع السلامه
فهد : مشعلووه من صجك اتغشمر معااك
مشعل : غشمرتك مثل ويهك بااي
فهد وبصووت نعوومي : شعوولي حبيبي اسفه
مشعل ومو قادر يمسك ضحكته : هههههههههه
فهد وبنفس نبره الصوت : رضيت علي ...!!
مشعل : ههههههه اي اي ههههههه
فهد يرجع لصووته الرجوولي الي فيه بحه طبيعيه : عااش عااش مشعل
مشعل : يلا الحين اقلب ويهك
فهد : أي صووب تبيني اقلبه يساار ولا يمين
مشعل : هههه لا ابيه ينكسر
فهد : يعني تبيني امووت .....؟؟
مشعل : يووم المنى الي ادفنك تحت الترااب
فهد : افااا
مشعل : هههههه
فهد : خلاص الحين بنتحر وبااجر بتشوف اسمي بالجريده
مشعل : هههه اتغشمر احناا نقدر نستغنى عن ملح القعده
فهد : كوووح كووح ادري بدووني ما تسوون شيء اصلاا
مشعل : ياا الوااثق
فهد :هههه اكيد بكوون وااثق موو انا فهوودي
مشعل : والله انك مو صاحي
فهد : هههههه توك تدري
مشعل : اي وللاسف
فهد : يلا الحين اقلب ويهك الوااحد صااير ما يعطيك ويه
مشعل : ههههه حساابك بعيد
فهد : يلا مع السلامه
مشعل : بحفظ الله
فهد : بحفظ الرحمن
فهد <<
عمره 20 سنه شااب طموح حيل يدرس علوم اداريه حلوو اسمرااني البشره مجسم متثقف يعني يتعلم حكيم وعصبي بنفس الوقت والشيء الي ما يدخله العقل انه ربعه كلهم مغازلجيين الا اهوا يعني محترم حيييييل << وهذا الشيء لاحضوا انه انقرض هالايام هع هع
كنت اظن ما بقالى من عمر
كنت اشوفك بين كل الناس غير
ما عرفت اختار والدنيا عبر
اعترف انا الخطأ مني كبير
اي ابي انساك لو كنت النظر
صعب اعاشر شخص ما عنده ضمير
دلال : اااااااااااااه ياا عبدالله الحين وين انت وين ارضك من سمااك عاايش ولا ميت مااكل ولا شاارب متزوج ولا لا اااااه لوو اقدر اعرف عنك حتى لوو شيء وااحد والله بمووت من بعدك
معقووله اهوا ما كان يحبي معقوله كان يضحك علي
بس الي بفهمه ليش صاار جذي معااي ليش ,....؟
قطع عليها سرحاانهاا صووت تلفونها :-
دلال رقم خارجي منوو هذاا .......خليني ارد يمكن اهلي وصلوا وبيطمنونا
دلال: الوو
......: ........
دلال : منو معااي ..؟؟
.....: ..........
دلال : انا قااعد اسمع تنفسك ليش ما ترد منو معااي ..؟؟
.......: ...........
دلال : بااي .
طووووط طوووط طوووط طوووط طوووط
عبدالله : ااااااااااااه على هالصوت احس ردت رووحي ياا رووحي
احس صووتها تعباان معقووله بجت علي معقووله اهيا لحد الحين تحبني ربي يوفقك ياا دلال
توقعاتكم :-
1-مشاري ليه متى بيظل جذي ..؟؟
2-عنود وسااره على شنوو مخططين ...؟؟
3- جوى وكلامها عن الشخص الي بالمنتدى حب ولا اعجاب ..؟؟
4- مشعل معقوله يأس من جوى وبينسااها ...؟؟
5- فهد شنوو قصه ..؟؟
>> البارت التااسع <<
مشتاق له ميت عليه وينه بعد عمري ابيه بحكي له عن كل اللي صار عن غيبته ليل ونهار
وبلهفتي بحظن إيديه وينه بعد عمري ابيه ،،، حسيت بغيابه بحزن مريت في اصعب
ظروف ليته يجي ليته يحن وبعينه احوالي .. احوالي .. احوالي يشوف ... من ياخذ
اشواقي إليه وينه بعد عمري ابيه ،، راح اللي بعيونه الهنا غاب الفرح في غيبته
ليله بعد ليله وانا بس انتظرها رجعته واتخيل ايديني بديه وينه بعد عمري ابيه
بعد مروور اسبووعين من الاحدااث :-
عنــــــــــــــ (( مشاري )) ــــــــــــــــــــــد
كاان قاعد بالغرف كاانت ظلمه وباارده وفيها ضوء
الشمس داخل من الدريشه .......
كاان شكله كبيير ووتحت عيوونه سوااد ولحيته كبرت
وملابسه مبهذله كاان انساان غير
كاان منسدح على السرير ومغمض عيوونه حيييييل
اااااااااااه ياا دانه وينج مشتااقلج رحلتي وتركتيني
ما شفت عليج ثووب العرس ماشفت شكلج وانتي فرحاانه بزواجنا
وينج ياا نوور عين مشااري خلاص احس كل الفرح ماات من بعدج اسبوعين جنهم سنين علي مشتااق لصووتج ولزعلج وكل شيء اااااخ لوو يصير ترجعين .........
عنــــــــــــــــــــــ ((جوى )) ــــــــــــــــــــــــد
ااااااااااااه يااا ربي خلاص مااني قاادره اتحمل اكثر من جذي
صاار له اكثر من اسبووعين موو دااخل المنتدى وينه ....
يمكن تعباان لا لا لا اسملا عليه انزين يمكن عنده ظرووف
اوووف جوى اشفيني انا يعني انا ما يربطني فيه غير ردود
بس احس غير وربي غير ملك القلب الي طوول عمري احاول اصكره وما افتح اااااااااه ياا فهد متى بتحس فيني .............
فــــــــــــــــ (( انجلترا )) ــــــــــي
مريم بفرحه موو طبيعي : من صجك تتكلم
عبدالله : أي خلاص انا قررت
مريم : اناا الحين بروح احجز لك موعد عن الطبيب
عبدالله بقلبه : رااجع لج ياا دلال راجع لعيونج ولقلبج رااجع صووتج رد لي الامل بالحيااه كلمه الوو منه خلتني اعيش كل لحظات حيااتي ما رااح اخليج تروحين من ايدي انتي لي موو لغيري
عنـــــــــــــ (( مشعل )) ـــــــــــــــــــد
مشعل : شبااب خلينا نتمشى ملييت
محمد : مليت من القعده بالكوفي ولا من القعده بدون حبيبه ههه
مشعل : ههههههههههه الاثنين بس شنسوي لازم نظل جذي ههه
فهد : والله انك ما تستحي
مشعل : افاا
فهد يعدل قعدته : يعني اشلون تحب رفيجت اختك وتخونها ....؟؟
مشعل يتنهد : لانها مو معطتني ويه كلش يعني انا محتاج الكلمه الحلوو واذا ما حصلتها منها بروح لغيرها
فهد : لا والله يعني هذا حب
مشعل : أي
فهد : عيل مفهووم الحب عندك غلط
مشعل : لا طبعاا بس اذا اهياا كانت ما تعطيني شيء ليش اظل وفي لهاا اذا صاارت زوجتي ماا رااح اخوونها ابد
فهد : بس اذا تعودت ما راح تقدر تترك
مشعل واهوا يقوم : يصير خير ....... مشينا
محمد : يلاا معااك
فهد : رووحوا بروحكم انا بقعد على النت صاارلي مده عنه
مشعل : على رااحتك
فهد يفتح الاب ويدخل المنتدى بأسم
فهوودي ، نرجو أن تكون في تمام الصحة والعافية.السلام عليكم
دخل قسم الشعر وكتب :-
اصحى تزعل لو تفارقنا
وبعدنا وجيت مره عنك اسأل
ما تهون أيام حبك حلوه كانت
ولا مره تبقى انتا في حياتي
احلى حب واحلى عشره
فهد بقلبه : اووو شخبااري والله صاارلي فتره ما دخلت هههه يلا خليني افتر شوي فيه علي ما ييون الشبااب
جوى : وااااي ونااسه دخل دخل الحمد الله يعني بخير اهوا وما فيه شيء والله احس شووفته اون لاين ريح قلبي
>> ظلت تشووف كل رد ينكتب وقبل لا يظل الرد بالموضوع كان يظل بقلبهاا <<
بالمزرعه <<
نوال : هههههههههههههههههههههههه
هياا : احسن تستاهلين
ساره : اشفيكم على البنت اسملا عليج عين ما صلت على النبي
عنود : هئ هئ كله منكم طحت وريلي انكسر
نواال : احسن هذي حوبه جوى
عنود : لاااا هئ هئ
هياا : هههههه اشفيج ...؟؟
عنود : ما اقدر اسوي الي برااسي الي بعد ماا هالزفت ينشاال من ريلي هئ هئ
هياا : احسن
سااره : اقوول انتو الاثنين يلاا براا خلوا البنت ترتااح
عنود : أي يلا براا براا
هياا ونوال : نوومه الظالم عبااده
عنود : انا اعلمكم بس خلووني اصير زينه الحين كل هالزين وتقولون ظالمه صج ما عندكم ذووق
هياا : ههههههه يلا يلا ناامي خلصيناا
عنود : يعني بنطرج مثلاا
هياا بعصبيه : عنوود احترمي
عنود سكتت : انشااء الله عمتي هياا
عنــــــــــــــــــــ(( مشعل ومحمد )) ــــــــــــــــــد
محمد : اقووول مش مش شووف هالزين الي قداام مااشاء الله قمر هذي اكيد موو كويتيه شي عدل الصرااحه
مشعل بسرحاان : ....................
محمد : الووو ياا بوو الشبااب
مشعل : نعم
محمد : شوووف هالصاارووخ
مشعل بقلبه : بس موو احلى منج ياا جوى : رووح لهاا
محمد : افاا عليك دقاايق ورقمهاا عندي
محمد : هلا والله بالزين كله
البنت : ..................
محمد : اموووت على الخجوول ياا نااس
البنت تمشي بسرعه :................
محمد يلحق وراها : افاا ليش التغلى
البنت :...................
محمد بقلبه : شكلهاا بنت نااس بس يلاا بحاول اخر مره
محمد يروح قداامها ويصير بوييها : شدعوه الرقم موو شـ ـ ــ
بس الي وقف محمد عيوونها
ظل متنح عليها كانوا كباار ووساع وعسليه ونظرتهاا فيها غرور وعزه
البنت رااحت ومحمد وااقف بمكاانه
مشعل : الوووو وين رحت
محمد : هااا
مشعل : هه شنوو ما عطتك ويه
محمد : منوو
مشعل : اشفيك تستهبل
محمد : لا ولا شيء خلينا نرجع لفهد تأخرنا عليه
مشعل بدون اهتمام للي صاار : يلاا
عنـــــــــــــــــ (( جوى )) ـــــــــــــــــــــــد
كاانت مندمجه بالمنتدى اندمااج كلي << هههههههه من وين ياايبه هالكلمه انا هع هع
وقطع عليهاا صووت تلفوونهااا
جووى بقلبهاا اووف اووف منوو هذاا
جوى بدون لا تشووف : الووو
فجر : الووو هلا والله
جوى بفرحه : هلا فيج حيااتوو وينج
فجر : انا ويني ولا انتي
جوى : انا هههه لاهيه بالمنتدى
فجر : ليش انتي مشتركه بمنتدى
جوى : أي منتدى .......... تعرفينه ...؟؟
فجر : وااي ونااسه حتى انا فيه انتي شنو نكج ..؟؟
جوى : انا منتهى العشق .. ؟؟
فجر : حلفى ..؟؟
جوى : والله ليش ..؟
فجر : والله حركاات كااتبه معنى اسمج ..؟؟
جوى : هههههههههه أي
فجر : هههههههههههههاااي
جوى : اقوول فجر
فجر : هلا
جوى : تقدرين هاليومين تيين بيتنا ...؟؟
فجر : أي عاادي اشووف امي واعطيج خبر ..؟
ليش فيه شيء .......؟؟
جوى : أي حاابه اقوولج موضوع وانا ناطره منج خبر ..؟؟
فجر : اوكي من عيووني كلي لج اذان صااغيه
جوى : ههههههههههههههههههه
فجر : هههههههه ليش تضحكين ...؟؟
جوى : ذكرتيني بأبله العربي لما تقوولي هالجمله ووبعد شنو الكلمه الثاانيه نسيتهاا ..
فجر تعدل صوتها : واللبيب بالاشاره يفهم
جوى : أي أي صح بس هذي من صجهاا تتكلم جذي يعني حييل تتكلم باللغه العربيه ههههههه
فجر : ههه انا اتوقع لما تكلم زوجها تقووله (( انا احبك يا بعلي ))
هههههههههه
جوى : هههههه اه بطني هههههههههههههه
فجر : واذا ولدهاا اذا قط شيء بالارض تقوله (( عيب عليك يا ولد لماذا ترمي القاذورات في الارض وليس في سله المهملات ))
جوى : هههههههههههههههههههه اه بطني خلاص هههههههههه
فجر : أي والله شنوو هذا ان ولدت ما تصرخ مثلناا تقوول (( النجده انا في حااله صعبه النجده النجده ))
جوى : هههههههههههههههههه خلاص بس بطني ههههههههه
فجر : هههههههه ترى من حرتي عليها اقوول جذي ملعوزتني بالدرجات
جوى : أي والله كلش ما تعطي درجاات
فجر : أي اووف تبط الجبد
جوى : أي والله صااجه
فجر : اقوول جووجوو حيااتي اكلم شوي امي تناديني
جوى : يلا سي يوو
فجر: اسمهاا مع السلامه
جوى : ههههه انشاءالله مع السلامه
فجر : عفياا على الشااطره
جوى : ردت لعاالمهاا وملاحقااتها لردوود شخص حتى شكله ما تعرفه مجرد كلام ينكتب على صفحه نت ...........
عنــــــــــــــــــ(( مشااري )) ـــــــــــــــــــــــــد
نزل من السيااره وريووله موو قادره تشيله اكثر من جذي خلاص حااس انه بيطيح بس ماسك نفسه رااح عند البااب وطقه
طق طق طق
طق طق طق
ميري : باابا مثااري
مشاري : مااما موجوده
ميري : أي في داخل غرفه مال اهوا
مشاري : ناديها لي ..؟؟
ميري : جين بابا
مشااري واهوا يتأمل البيت ويشووف طيف داانه بكل زاويه فيه
ام دانه وعيونها حمره وصوتها مبحوح : هلا ولدي هلا يما
مشاري وحالته مو احسن منها : هلا يماا اشلونج
ام دانه : الحمد لله عايشه يما
مشاري: يماا انا بطلب منج شيء وانشاء الله ما ترديني خايب
ام دانه : امر يماا قوول ...؟؟
مشاري : انا ابي اغراض دانه مالت الزواج ...؟؟
ام دانه بحنيه : يما خلاص اهيا رااحت ولازم نتبرع فيهم
مشاري والدموع صارت تنزل بدون ما يحس : يماا تكفين انا ابيهم كلهم احسبوني فقير وعطووني اغراضها خالتي امنتج بالله
ام دانه بعطف : اصبر خليني اخذ لك درب واخليك تدخل غرفتها وتاخذ الي تبيه
مشاري بفرحه : تسلمين
دخل الغرفه كاانت كبيره وفيها سرير من النص وكاانت حيل طفوليه يعني اللون الفوشي للسرير وكل شيء مشااري ظل يتأمل كل زاويه من الغرفه قرب من السرير اخذ المخده شم الريحه
مشاري : ااااااااااااااه ياا داانه
رااح اخذ جنطه ولم اغرااضهاا ملابسها لابتوبها الاي بود عطرها صورهاا مخدتهاا فوطتها كل شيء يخصهاا
وقبل لا يطلع شااف شيء داخل المخده نزل الاغرااض
وصاار يشووفه
كاان برواز فيه صورته مشااري
ومكتوب من وراها شعر
بتمر السنين وبتمر الليالي
وحبك بيزيد بقلبي
بس هالاياام والاليالي
بتفرقناا ياا حبي الوحيد
صاارت دمووعه تنزل بلا وعي
مسح دموعه ورااح السيااره بسرعه وانفجر دمووعه
كنتي حاسسه اننا ماا رااح نتزوج ياا دانه ...؟؟
عنــــــــــــــــــــــ (( دلال )) ــــــــــــــــــــــــد
كاانت قاعده بالصااله مع امهاا وخالتهاا
ام مشعل : اقوول وجدان
وجدان : هلا
ام مشعل : عبدالله متى بيرجع
دلال اول ما سمعت الاسم صاارت تسمع الكلام عدل بس تسوي نفسها مو منتبه معاهم
وجدان : اهوا رااح يتعالج يعني اكيد بيطول
ام مشعل : ربي يرجعه لامه ساالم
دلال بإنفعاليه : ليش اشفيه ...؟؟
وجدان : الللهم شافيه فيه سلطان بالنخاع
دلال دموعهاا صاارت جوااب لكل اسئلتها قاامت بسرعه لغرفهاا
وجدان : اشفيها ..؟؟
ام مشعل : يعني ما تعرفينها على كل شيء تبجي ..
وجدان : ربي يخليها لج
ام مشعل من قلب : آآآآآآآآآآآآآآآمين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك