رواية ياحلمي اللي طول عمري اتبعك -9
في الشرقية..
حلا:أخيرآ رديتي بغيتي تموتيني من الخوف
سمر:من معاي؟
حلا:مو وقتك يالخبله أنا حلا رنا كويسه فيها شي؟
سمر:حــــــــــــلا! وينك يالدبه
حلا تبكي:سمر تكفين ردي علي رنا حيه ولاماتت؟
سمر:ممم أدعي لها هي طيبه الحين بس بلعت ماء واجد وصل للرئه بيسحبونه وأن شاءالله ماعليها شر لاتخافين
حلا تنفست بأرتياح:أبي أكلمها شلون؟
سمر:برسل لك رقم جوال عزوز أخوها لأن تلفونهم مفصول
حلا بأمتنان:مشكورة سمر وسامحيني لوغلطت عليك
سمر:مسموحه حبيبتي أنتبهي لنفسك ولاتقطعيني
حلا:أن شاء الله ترا لازم تزوريني فبيتي
سمر:ولايهمك اليوم بنزل الشرقيه لأن بيتنا راح فيها بعد المطر خبرك شعبي عاد
حلا:فمان الله
سمر:فمان الكريم
قفلت حلا وعلى طول أتصلت برنا وجلست تكلمها ساعتين
عاتبو فيها بعض وأسترجعو ذكرياتهم وأخذو أخبار بعض
وعرفت حلا أن رنا بتنقل مع أهلها لشقرا
************************************************
في أمريكا..
حان موعد العمليه وبدلو لبس يارا وغطو شعرها سلم أبوها عليها وباس جبينها
وباستها أمها على جبينها وخدودها وأيدها وسالت دمعه وطاحت على خد يارا تواسيها
وتخفف عنها
أخذوها الممرضات على السرير لغرفة العمليات
وقفلو الباب وبدا العد التنازلي لحسم مصير يارا
وناظرو أهلها الباب بقلة حيله بنتهم قطعة قلبهم ونور عيونهم بالعمليات
جلست ياسمين عالكرسي تبكي بقلة حيلة من يوم ماوصلو كانت تتظاهر بالقوة عشان وليد لأن قلبه رهيف
أما وليد ظل رايح راجع قدام غرفة العمليات
مرت ساعه
ساعتين
ثلاث
أربع
خمس
أخيرآ طلعت ممرضة شقرا
طار لها وليد رغم التعب
بعد الترجمه:
وليد:ماذا حدث لأبنتي؟
الممرضه:للأسف هي صغيرة جدا على كل هذا لم تستطع الأحتمال فتوفيت آنا آسفه
وليد بأنفعال:مــــــــــــاذا تقولين أبنتي كانت بخير ماذا فعلتم بها؟
ردت بعصبيه:ليست مشكلتي هذه نتيجة أهمالكم لها
ومشت عنهم وتركتهم
ياسمين:ب ن ت ي ما ا تت
وأغمي عليها
*************************************************
في الشرقيه..
ظلت ساره تروح وترجع بغرفتها وشوي تناظر من الشباك وتقوم وتجلس يعني متــــــــــــوتره عالآخر
ساره:ياربيه أموت وأعرف وش صار على يارا
نادية:حبيبتي هدي مايصير كذا أن شاء الله ماعليها ألا العافيه
ساره:ترا مافي شوفه لين أتطمن عليها
ناديه:كلمت أبوك يأجلها كم يوم بس دخيلك هدي
ساره تجلس عالسرير:
زين سويتو
ناديه:توي أتصلت بخالك يقول دخلوها العمليات وللحين ماطلعت بعد الفطور لازم نروح لهم
ساره:أها بالمره نسلم على خالتو منيره من جت ماشفناها
ناديه:بخلي الشغاله تسوي لي كافي تبين شي؟
ساره:أبي عصير توت وأبيك تروحين عند أبوي مسكين نايم بروحه
نادية:هههههه
زين أوامر تانيه ياصارا هانم؟
ساره:ههههه لأ ياست نديه خخخخخ
***********************************************
ماقدرت تغمض عيونها من القلق رمت اللحاف بعصبيه راحت للثلاجه الصغيره
اللي بغرفتها أخذت لها علبة مويا ونزلت تمشي من الدرج فتحت
باب الحديقه كان وقت الشروق والسماء لونها جنان زي البحر حتى الرطوبه خفيفه
جلست قدام المسبح رفعت بنطلونها ودخلت رجولها بالمويا حست بأنتعاش وجلست تغني:
"أنت معاي ومنت معاي
قدام عيني ومو شايفك
رغم السنين اللي عشنا سوا
أحس كني ماأعرفك"
فصخ نظارته قرب من مصدر الصوت
شاف بنوته عند المسبح شاده حيلها تغني أبتسم
حست عليه ألتفتت وعلى طول وقفت وصرخت بأعلى صوتها
جاء يمشي ناحيتها بيسكتها:أوص أنطمي
راحت تجري وزحلطن لأن رجولها مبلوله
حلا:أنت وش جايبك وش تسوي هنا؟؟
ساعدها تقوم بالمقابل دفته وطاح بالمسبح
فجأه سمعت وراها أصوات ضحك ألتفتت
شافت سمير وعمتها منيره فاطسين ضحك راحت ناحيتهم
حلا:من هذا؟
سمير:زياد خخخخ
حلا ماتت من الأحراج:أنا أنا ماقصدت ..هو صار والله مو قصدي
منيره:ماعليه حبيبتي عادي
طلع زياد معصب وغرقان مويا
حلا:أنا آسفه ما..
دفها زياد ودخل:وين تنصرف ذي
أنجرحت حلا كثير من أسلوبه
*************************************************
ود مع عبدالكريم بأتجاه المستشفى
وصلو ودخلو قسم المختبر تحت أشراف الدكتور ابراهيم المتابع لحالة يارا
بعد نص ساعه ظهرت النتايج
ولا وحدة فيهم متطابقه مع يارا
للأسف..
فجأه رن جوال عبدالكريم
عبدالكريم:هلا أبو ماجد
وعليكم السلام..والله..الحمدلله يارب..خلاص أنا أتصرف بالحجز أوعدك بترقد بأمريكا ههههه..فمان الله
تقدمت حلا لأبوها:بشر
عبدالكريم:أبشركم هدى تطابقت مع يارا
البنات:الحمدلله
سيرين:حسافه طارت علينا سفرة أمريكآ
الكل:هههههه
**********************************
في ينبع..
كان ماجد يحاول يركز بشغله عشان مايفكر بشي يضايقه
سمع أثنين من زملاء يتكلمون
فهد:أقولك هبلا كذبت عليها وقلت لها ترقيت كان تشتري لي جوالN95
سعيد:أما أنا ماأرضى حرمة تصرف علي مهما كان
فهد:لوبتعطيك سيارة آخر موديل بترفض؟
سعيد فك عيونه:مجنون إذا رفضت
فهد:ههههه شفت كيف نبدأ حبه حبه لين ناخذ اللي نبغى
سعيد:آها والله أنك شيطان يافهيد
فهد:هههههه
أستحقرهم ماجد بداخله وأستحقر أسلوب تفكيرهم
تذكر اللي كان يتهرب من ذكراه
"أسيل"
أستحقرها كثير ولسان حاله يقول:
كلهم كذا نتعب عشانهم وغيرنا يتهنى بتعبنا مافيكم ولا وحده تستاهل التضحيه
رمى القلم بقوه من يده وطلع
سعيد:وشفيه هذا؟
فهد:نفسيته سيئه بعد الطلاق
*********************************************
في أمريكا..
وصلت رحلة هدى وأبوها لأرض نيويورك..
وراحو على طول للمستشفى ودخلت هدى العمليات
بعد ساعتين أنتهت عمليتها هي ويارا وطلعوهم من العمليات..
وتمت العمليه بنجاح
فتحت هدى عيونها وأستوعبت نفسها والمكان اللي هي فيه يوم شافت وجه أبوها وأخوها وليد أبتسمت
ناصر:الحمدلله ع السلامه يبه
هدى:الله يسلمك..شلون يارا؟
وليد أبتسم:بخير بفضل الله ثم فضلك ياأختي الغاليه
هدى:الحمدلله
وليد:تحسين بحاجه؟؟
هدى:لأ تصدق ماحس أني سويت عمليه طالع شق صغيرون مره
ناصر:عاد هذا الشق الصغيرون جابنا من جدة لأمريكا
الكل:هههههههه
هدى:يلا بروح أشوف يارا الحين
ناصر:يلا
وقامو يطلعون من الغرفه
هدى:وليــــــــــــد!!
وليد:هلا
هدى:صدق أنك بخيل
وليد:أفا شدعوة؟
هدى:ماسألتني وش أبي وش نفسي فيه لاتنسى أني متبرعه لبنتك
وليد:ههههههه هذي اللي بتذلني والله بس تستاهلين يالغاليه
هدى:أحم أحم
الكل:هههههه
في الشرقيه..
عبدالكريم:أبشركم أن عملية يارا نجحت وهي بخير ولله الحمد
الكل:الحمدلله..
منيرة:متى بيرجعون؟؟
عبدالكريم:عالأسبوع الجاي أن شاء الله..
أم عبدالله:يستاهل سلامتها أبو يارا..الحمدلله يارب
سمير:أنا خاطري أروح البحر ولهت على بحر الشرقيه من يخاويني؟
منيره:أنا والله بعد ولهت عليه تروحين يمه؟
أم عبدالله:بأذن الله..
سمير:حلا مابتروحين؟حلا
حلا:_ _ سرحانه بعالمها تحاول تتناسى وجود زياد لأنه جرحها وماخذها على خاطرها منه
سمير:حــــــــــــلا
مسك أبوها يدها:حلا
شهقت بخوف:نععم
سمير:اللي ماخذ عقلك هههه
عبدالكريم:بتروحين البحر بابا؟
حلا:لأ مابروح..بروح عند ساره شوفتها اليوم
منيره:أيه والله نسينا ياحليلك ياسويره صرتي عروس
أم عبدالله:ههههه أي والله عقبال حلا أن شاء الله
عبدالكريم:لأ بنتي بعدني ماشبعت منها اللي بيتزوجها بيسكن معنا وإلا فلا
الكل:ههههههه
حلا أحترق وجهها وكرهت تعليقاتهم بالذات قدام زياد اللي حط حاجز
بوجهها من أول ماشافته أخذت بعضها وطلعت لغرفتها
*******************************
في جدة..
رجاء:الحمدلله يارب مومصدقه
الأم:أي والله يستاهل الحمد ألف حمد وشكر لك يارب
سعود:آه يابختك ياهدهود ذلفتي لأمريكا
الكل:هههههه
سعود:وأنا صادق كل أجازه طايحين بلندن أو ألمانيا وأمريكا محرمه علينا
رجاء:أنت عارف المشاكل السياسيه هناك بعدين تراها مب ذاك الزود
سعود:أدري بس نفسي أزورها
ورن جواله بنغمة"بتمون لأليسا
وطلع برا يرد
الأم:وش صار على عرسك؟
رجاء:آه عمر موراضي يأجله يبيه الأسبوع الجاي يوم الخميس
الأم:خير البر عاجله يايمه خل نفرح فيك
رجاء:أن شاء الله
رجع سعود من برا
سعود:يمه أنا طالع أبحر مع خوياي تامرين بشي؟
الأم:سلامتك بس لاتأخر يايمه
سعود:تسلمين يالغاليه بروح ابدل لبسي
وبقيت رجاء وأمها وطلبو جاتوة وعصير وجلسو يتابعون فيلم بوحه على روتانا سينما
****
سارة:خايفه ياحلا مدري ليه أحس نغزه بقلبي
حلا:تعوذي من ألشيطان
ساره:أعوذ بالله من أبليس
حلا:لاتخافين أن شاء الله مابتكونين غير راضيه
سارة:أن شاءالله
حلا:إلا هو كيف خطبك يعني يعرفونكم؟
سارة:يقربون لنا من بعيد..مره حضرت ملكة وحدة من صديقاتي وشافتني أمه هناك
حلا:آها
سارة:كملي عصيرك أحسك اليوم موعاجبتني
حلا:شدعوة
سارة:شرودك وسرحانك وأحسك متضايقه
حلا وبطبيعتها الصريحه والعفويه حكت لسارة الموقف الي صار مع زياد
ساره:هههههههه ماطحتي ألا بذا الجامد زياد ههههههههاي آخ يابطني هع هع هع هع
حلا:الحين هو طبعه كذا؟
ساره:هههه ايه هو كذا جلف ودايم ساكت ونفسه شينه ودمه ثقيل ويحب يجلس بروحه يقرا كتب
حلا:آها ههههه تذكرت شكله يوم طاح هو وشماغه بالمسبح
ههههه
ساره:هههه سبحان الله فرق بينه وبين سمير فلاوي روحه حلوه ومايحب أحد يزعل منه بس عيبه يموت بالبنات
حلا:ههههه محد كامل
سارة:صادقه والله..ألا بسألك أحط روج وكحل ولا؟
حلا:حطي مسكرا وقلوس كفاية
سارة:أخاف يخترع ويشرد
حلا:ههههه لاماظن بيسجد سجود الشكر لاشافك
ساره:كثري منها أقول وش رايك وش ألبس له؟
حلا قامت تشوف الخزانه:ممكن؟
ساره وهي تعدل شعرها:شور
طلعت حلا تنوره بيج حرير طويله وبلوزة أورنج ماسكه
سارة:من جدك ألبس كذا أحس أني رايحه للدوام
حلا:ياهبلا لازم تحتشمين قدامه لسه ماصار شي رسمي وبعدين راح يعجب بأحتشامك صدقيني
أبتسمت ساره بأقتناع:حلا تصدقين أحس عقلك أكبر من سنك الله يحفظك
حلا:وياك
***************************************
وعند البحر كانو متجمعين سمرة وسوالف وشاي
سمير:أقولك عندك دكتور أردني بالجامعه حده غثيــــــــــــث وشايف
نفسه ومسوي فاهم حبينا نستهبل عليه عاد دفعتنا دوافير الأغلبيه..
طلع لنا خريطة العالم ويشرح عن دولة ويأشر على الثانيه المهم قال له واحد دكتور أين تقع قناة السويس
قال:هيها"هذي هي بالأردني"
وأشر على طرف الخريطه
سأل ثاني:دكتور وين تقع قناة أستاكيوس؟
قال:هيها هون
هههه كل الدفعه ضحك عليه
اووة مافهمتو قناة أستاكيوس بالأذن ياحلوين
الكل:هههههههه
أم عبدالله:والأذن بعد حطو بها قنوات؟
الكل:ههههههه
منيرة:آه ياعيال خاطري بمشوي سمك روحو أشترو لوازم الشوي وسمك وتعالو
زياد:ماطلبتي كم مناير عندنا
منيره:أحــــــــــــم
سمير:هههههههه
راحو زياد وسمير يشترون أغراض الشوي من بنده جابو فحم وموقد وصلصه سمك وخضار للسلطه وبيبسي وسمك طبعآ وطحينه وبهارات السمك
يم يم يمي
ولعو الفحم وتبلو السمك وشووه وحضرو المقبلات وأكلوها وماعزموني¤_¤>>برا
*******************************
ناديه:هاه سارونه خلصتي؟
ساره بأرتباك واضح:هاه أيه أيه لأ مدري
حلا+ناديه:هههههه
ناديه:يلا العريس وصل وطالب يشوفك
ساره جلست عالكرسي:عريس!!
حلا:ههههه عمه خوذيها وربي مهي داريه أخاف تخربط بينه وبين عمي أبراهيم
ناديه:ههههههه يلا ساره بلا دلع
ومسكت يدها وقومتها
ساره:حلا تعالي معي
حلا:طيب يلا
ونزلو من الدرج وضربات قلب ساره تزيد
لما وصلو تحت دقت ناديه على أبراهيم يجي ياخذ ساره اللي عندت تدخل
أخذها أبوها من أيدها ودخلها المجلس
أبراهيم:وهذي بنتي ساره يابندر
طالع فيها بندر من راسها لرجولها ملامحها الحاده بياض بشرتها مع شعرها الأسود طولها المتناسب مع جسمها
أبتسم أبتسامة رضى
أبراهيم:ساره هذا بندر تفحصيه زين
بندر:هههههه
فز قلب ساره لضحكته وناظرته وطاحت عينه بعينها
كان أبيضاني وأنفه طويل وحاد وعيونه واسعه وعسليه ورموشه وحواجبه كثيفه وشفايفه صغنونه مره وحالق دقنه سكسوكه خفيفه مع عوارض
تخربطت دقات قلب ساره وماقدرت ألا تمتع عيونها فيه
أبراهيم:أحم..أحم..ساره أمك تناديك
قامت ساره بسرعه بتطلع ودعست طرف تنورتها وطاحت على وجهها عالكنب اللي قدامها +هذي مشكلة اللي متعود عالقصير+
ولقطت نفسها بسرعه وطارت لغرفتها ووجهها أحمر ودموعها على خدها
أبراهيم:هاه يابندر وش رايك؟
بندر:خير البر عاجله ياعمي
أبراهيم:الله يبارك لكم
بندر:آميــــــــــــن
*******************************************
دخلت حلا البيت عالساعه 9:30
وماكان فيه ألاأبوها
حلا بأبتسامه:السسلام عليكم
وباست راس أبوها وأيدة
الأب:وعليكم السلام..الله يرضى عليك بابا
حلا:توقعتك طلعت البحر ليه مارحت؟
الأب:كنت أنتظرك
حلا:يعني حرمت نفسك الطلعة عشاني؟
الأب:كنت أحظر لك مفاجأه
حلا بفرح:والله وش هي؟
الأب:لأ تعالي شوفيها بنفسك يارب تعجبك
حلا:أكيد بتعجبني دامها منك بس وش المناسبه؟
الأب:لأن علاماتك كلها كويسه المدرسه أرسلت تقريرك بصراحه ابهرتيني
حلا:يعني كم جبت؟
الاب:97،88
حلا:واو97يعني ممتاز
الأب:هههههه طيب تعالي نطلع فوق
فتح عبدالكريم الأصانصير وطلع هو وحلا
وقفو قدام باب غرفه
:غمضي عيونك وأفتحي وعدي لثلاثه وأفتحيهم
مسكت حلا مقبض الباب:
1...2...3
ومن جد أتفاجأت باللي قدامها كانت غرفتها اللي كان أبوها يزينها له الجدران بتداخلات التركواز والفوشي والتفاحي
مع فراشات كبيره لامعه تزين الجدران وفراشات وقلوب مضيئه تتدلى من السقف
وسرير كبير وردي ومكتب للمذاكره بارفف مثبته بالجدار
ومكتب كمبيوتر وخزانه كبيرة متصله بغرفة تبديل
كل شي كان خيالي دمعت عيونها:كثير يابابا كثير
الاب:مافي شي يغلى على حبيبة أبوها
حلا تمسح عيونها:مشكور يالغالي
وباسته على خده
كان سريرها مليان هدايا
:فكي الهدايا وعطيني رايك
نطت حلا تفتح الهدايا بحماس
لاب توب hp وردي،،بلاك بيري،،مجموعة عطور فخمه،،3ساعات رولكس ألماس،،شنطة مكياج كبيره من مكياجي،،3نظارات شمسيه ديور،،فانسي،،شانيل
وخاتم ألماس
حلا:ســــــــــــوماتش دادي
حضنت أبوها وجلست تبكي
وأبوها كل ماجاب شي يحس نفسه مقصر ولاوده أن بنات طبقتها يكونن أحسن عنها بشي وأذا جت على حلا يحسها أنسانه قنوعه وماتطلب شي غير قربه وحنانه
*******************************************
البـــــــ11ـــــارت
*وياحلات التلاقي*
حطت الطياره في مطار جده قدومآ من أمريكآ
وصلو أبطالنا أرض الوطن الحبيب بآمالهم وأحلامهم محملين بالأشواق
هدى:آه ياحلو جدة وهواء جدة فديــــــــــــتها والله
ناصر:الحمدلله عالسلامه
الكل: الله يسلمك
ودخلو صالة المطار وكان سعود ينتظرهم هناك
هدى شهقت:هئئئئ شوفو سع سع يستقبلنا
يارا:عمي سعود صاير حلووو
كان سعود لابس كاب أصفر وتي شيرت أصفر بكتابات بيضاء وبرمودا جينز سماوي وحالق شعر وجهه كله
شافهم سعود وجلس يأشر لهم
حضن أبوه:الحمدلله على سلامتك يالغالي نورت جده
ناصر:الله يسلمك يبه شلون أمك وأختك
سعود:كلهم ناقصهم شوفتك
هدى:سع سع يالدب مابتسلم؟
سعود:خليني أشبع من الغالي
وسلم على هدى ووليد وأم يارا وشال يارا وطلع يجري وهو شايلها
يارا:عمي بتطيحني
سعود:ههههه لامابطيحك بس بوصلك أول وحده لأني جايب لك هدية كبيــــــــــــره
يارا بفرح:خلاص أسرع بقوه
سعود:ههههههه هذا حنا وصلنا
يارا:الله سيارتك مره حلوه
كان سعود مزين سيارته برسومات بالكلين وورود طبيعيه وشرايط ساتان وكاتب من ورا"الحمدلله عالسلامه"
تحركت السياره حتى وصلت حي الورود وقفت قدام الفيلا الفخمه المتميزه بألوانها الترابيه وتصميمها الجميل
أول مادخلو كانت أم ماجد ورجاء وماجد جالسين بالحديقه عالكراسي وأول ماطاحت عيونهم فبعض تفجر الشوق فيهم وفاض
يارا:جــــــــــــدتي!!
وطارت لحظن جدتها الحضن اللي كبرت فيه
وأستلمو بعض تبويس وسلامات وسؤال عن الأحوال
نفر نفر...
*****************************************
في الشرقية..
أبراهيم:ساره لازم بكرا نروح نسوي التحاليل لأن بندر يبي الملكة بعد أسبوعين
سارة وقفت:أسبــــــــــــوعين!
أبراهيم:أيه
ساره بخجل:بعده يبيني عقب ماطحت قدامه؟؟
ابراهيم:هههههه أيه يبه أصلا مايطيح إلا الشاطر
ساره:ههههههه يؤ يؤ متى يمديني أفصل فستان بأسبوعين؟
أبراهيم:أشتري جاهز
ساره:وع بملكتي ألبس جاهز بطلع أي شي!
أبراهيم:يابابا هذي شكليات أهم شي ربي يوفقكم وتتفاهمون
سارة:آها
أبراهيم:ولك مني هدية زواجك أوديك تصممين فستانك عند زهير مراد وش قلتي؟
ساره:واو بابا من جد؟
أبراهيم:أيه بابا من جد أنتي أول فرحتي
ساره:الله لايحرمني منك ياأحلى بابا
وباست راسه..
ساره:بروح أكلم حلا عالمسن وأخبرها
*******************************************
عبدالكريم:أبيكم بكره تجهزون عالساعه7لأن رحلتنا الساعه8 على جده
أم عبدالله:أن شاء الله
منيرة:حلا قد زرتي جده قبل كذا؟
حلا:لا ماحصلت لي فرصه
سمير:وش المناطق اللي زرتيها؟
حلا:الرياض والشرقيه والقصيم بس
سمير:حركات القصيم من جد رحتي هناك كيف حلوه؟
حلا:كنت صغيره ماذكر كل شي بس كنا نزور أهل جدتي الله يرحمها وكان بيتهم داخل مزرعتهم
سمير:شي جميل والله الواحد يفتح عيونه على مناظر حلوه ولا تغرير العصافير ياسسلام
حلا:من جد شي حلو
زياد:حلو بعيونكم والله..طول اليوم أزعاج صوت البهايم وصوت المكينه من غير الحشرات والناموس وين الحلا فيه أنتم ووجيهكم
أنقهرت حلا ودها تصكه بالأباجوره اللي جمبه
سمير:لأنك ضب ماتجوز لك الصحاري وش دراك عن الطبيعه
ضحكت حلا عشان تقهره وضحك معها الكل فعلا زياد زي الضب ناشف وقديم:ههههههههه
أم عبدالله:والله مافيه أحسن من المزارع أنا أنولدت وعشت بمزرعه سقى الله ذيك الأيام
منيرة:حلا ترى لنا مزارع هنا بس أكيد مازرتيها صح؟
حلا:أيه
منيره:ترى أحلى مزرعه أحم أحم حقت عمتك مناير
حلا:هههههه أنتي الحلا كله
منيره:عيونك الحلوة
حلا:تسلمين
ورن جوال حلا"سارونتي"وأستأذنت وراحت تكلمها فوق بغرفتها
*********************************************
نهى:يممماااه تكفييييين بنروح السوق مع غدير صاحبتنا هي وسواقها
فوزيه:لأ ياأنا معكم أوماتروحون
ندى بحقاره:وين ناخذك معنا بنشتري ولاندفك بصراحه فششله
أنصدمت من بنتها:متفشله مني ياقليلة الأدب صدق ماعرفت أربي
وحذفتها بكاسة الشاهي اللي بيدها وأنكب عليها
ندى:آي شوفي روحه منتي رايحه لوتنقزين والحقينا لوتقدرين
فوزيه بحرقه قلب:الله لايوفقكم الله يوريني فيكم يوم يابنات ال...
وطلعو وتركوها مكسوره..
وتتحسف على تعبها عليهم حلا الي ماذاقت حنانها تكلمها وعينها بالأرض ماتدري الغلط فيها ولا فبناتها
وصلو المجمع مع غدير بنت فري وتجر البنات المحتاجات وراها كانت خبيثه بداخلها مشت بعبايتها الضيقه وصوت كعبها بكل مكان مطلعه قذلتها الشقرا وحاطه عدسات وفل ميك أب وكل شوي تكلم جوال معها 3 جوالات
غدير:ايه وصلت لا هالمره معاي سبايك وأبشرك كتاكيت مره وين طيب سي يا
بنات يلا بنروح الحمام
راحو وراها وجلست تضبط لهم الميك أب وتعطرهم ولثمتهم وكانت عيون نهى تسحر لأن رموشها كثير وحواجبها مرسومه
طلعو وجلسو بستار بكس وطلبو كابتشينو طبعا الحبايب أول مره يشوفونه ويذوقونه
وجلسو يستطعمون فيه
غدير تأشر:فارس فارس هنا
ألتفتو البنات وشاف شاب ابيضاني وشعره ألين رقبته وشكله كيووت
فارس :هاي
غدير:أهلين حياك أرتاح
سحب كرسي وجلس وأنوع السوالف مع غدير وطول الوقت مركز بعيون نهى ويبتسم ألين خقت عنده وجلس يهايط عندنا وعندنا وهو خرطي
*****************************************
في المطار..
عبدالكريم:ها بابا خذيتي كل أغراضك؟
حلا:يس
جاء واحد من بعيد حنطي وشعره أسود ألين كتوفه خشمه طويل وحواجبه كثيفه ورموشه بعد يعني بأختصار خقق لابس تي شيرت أبيض مشخبط بأحمر وجينز باهت خصر واطي نادى:أبوسمــــــــــــره!!
ألتفت سمير:هلاااااا بدوررر
وسلمو على بعض بحراره
سمير:هذا بدر سعود الـ... زميلي بالأمارات..هذا خالي عبدالكريم
عبدالكريم:هلا والله بولد رجل الأعمال هلا والله بولد أخوي
بدر:هلا بك زود عمي أجل تعرف الوالد أنت؟
عبدالكريم:من أيام الثانوي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك