رواية روح معاه وخلني استمتع بنغمة بكاي -111

رواية روح معاه وخلني استمتع بنغمة بكاي -111

ركبه السيارهـ وبطحه وهو يطالعه خاايف هو من شاافه على الكرااسي..وهو قلقاان ..شلي يخلييه يناام بهالبرد في الشارع ..

حمودي:خلووود شفيه عمي عزاااام..

خالد:اللحيين بنرووح المستشفى..ونشووف الله يستر..

""""""""""""""""""""""

يوسف جالس يفطر:يمااااهـ .. ماقلتي لي راايك بالموضووع اللي قلت لك عليييه ..

ام فواز طالعته :اي موضووع ..

يوسف:موضووع زوااجي..

بوفواز رفع راسه:اي زوااج ..

يوسف طالعه وبلع ريقه:هااهـ.."ووقف"..امي تقول لك.."ومشى بيطلع "عن اذنكم ..

بوفواز:تعـــاااااال..

يوسف لف على ابوهـ وقلبه يرجف ..

بوفواز وهو يجلس:زوااج مو اللحيين بعد مااتخلص جاامعتك ..فاااااهم ..

يوسف:ان شاء الله يبهـ..

مشى بخطووات سريعه وطلع براا البيت ..

ندى لفت عليه :ابراااااهييم ..حراام علييك..خوفته ..

بوفواز طالعها:بشنو خوفته..

ندى:ابراهيم انت تعرف ان يوسف مو كذا التعااامل وياااهـ..يوسف اكثروااحد محتااج لك ..حن علييه شووي..

بوفواز:ان شاء الله ..

ندى:انزيين اناا ابي ارووح اليوم لبيت اخووي..

بوفواز:خلاااص حضري نفسك واناا بودييك..

""""""""""""""""""""""""

كان بالسياره جمب فهد..

فهد:خلاااص انا بعد بقوول لعمي ااجل ..العرس مو ضروري اللحيين..

يوسف:لاااء فهد انت لاتربط نفسك فيني ..

فهد :شنو اربط نفسي فييك..بعد هذي..ماعلينا..انا قررت وقراري من قرارك..ياعرسنا مع بعض..يا بلاااهاا..

يوسف:فهيييد عن العند الزااايد ..

فهد:اسكت بس..

يوسف سكت ولف وجهه عن فهد..

""""""""""""""""""""

خالد:طمني دكتوور..شفيه اخووي..

الدكتور:الحمدلله بخيير بس ممكن افهم كييف طااح..

خالد:بصرااحه يادكتور انا لقيته مرمي على الكراسي في البحر..لييه هو شفييه..

الدكتور:فييه التوااء برجله ..بس شكله من فترهـ..ورااسه سوويت له خيااطه بسيطه..

خالد:اقدر اخذه داام مااافييه شئ..

الدكتور:ومن قااالك ماافيه شئ..انا خذت عينه من دمه وودينها يسووي تحليل..

خالد:تحليل..

الدكتور:اييه ..

خالد:شفييه ياادكتور فييه شئ ..تكلم..

الدكتور:هو اول مااصحى طرش..وبعدها جلس يتالم من بطنه ..على العموم بنسووي التحاليل وبنشووف..

خالد:الله يعطييك العاافييه دكتور مااقصرت..

رااح الدكتور دخل خالد لعند عزام ..شاف عزام منسدح وعينه الذبلاانه تطالع بالدريشه ..والهواا يحرك خصلااات شعرهـ..الاشقر..

خالد:عـــزاام حمد لله على سلااامتك..

عزام ابتسم له ابتسمه صفرا:الله يسلمك خالد..

خالد مسح على راسه:شفييك شلي مخلييك تنااام كذا..انت طاايح..

عزام وكانه تذكر:لحظه السياره حقتي خذووها..

خالد مستغرب:السياره اي سياره ومن خذااهاا..

عزام :خااالد انا كنت بالبحر ..جالس على السياره ماحسيت الا باحد ضربني على رااسي..وطحت على الارض ..وشفتهم ركبواا السيااره ورااحواا..

خالد:بسم الله علييك ..خلاااص انت ارتااح ..اللحيين ..

عزام ابتسم له ..

خالد طلع براا ودق على ساره وسالها عن حموودي ..

يووم رجع لقى عزام ناايم ..

جلس عندهـ..

""""""""""""""""""""""""""""""

دخلت بيت اهل جراح ..وبداخله ترجف من الاستقبال اللي ممكن يستقبلونها اييااااهـ..

ميساء :هلا والله ..تو ماانور البيت ..

جراح:هلا ميوووس شخباارك ..

ميساء:بخيييير داامي اشووفك .."وحضنته "

جراح ابتسم لها :امي ويين ..

ميساء :امي بغرفتها ..حياااكم تفضلواا ..

دخلتهم داااخل ..وجلسوا بالصااله ..

ميساء :شخباارك رهف ان شاء الله بخيير ..

رهف طالعتها:انا الحمدلله بخيير ..انتي شخبارك ..

ميساء:بخيير تسلميين حبيبتي ..

قامت ميساء:عن اذنكم اشوف امي ..

قاامت ميساء ..

جراح لف على رهف :رهف ..

رهف رفعت بصرها وطالعته :هممم ..

جراح :اناا احبك ..

نزلت نظرهـ مع صبغه تكتسي وجهها ..

ضغط على ايدها ورفعها وباااسهاا ..ونزل على خدها وبااسه ..

على دخله امه..

ام جراح طالعت بنظرهـ..ثم لفت ..

جراح وقف ووقف رهف معاااهـ..وراح متجهه لامه توهـ بيحب راسها دفته عنهاا ..

ام جراح:جاااايب لي نجاااساات لبيتي يااجراح ..اناا مو قاايله لك مااتدخلها بيتي ..هااااهـ..

رهف اللي الكوون كله تزلزل قدااام عيونها ..وظلت تطالع في الارض وايدها تخترف ايد جراح ..واضافرها تنغرس بكفه..

جراح:يمـــااااهـ شهالكلااام..

ام جراح:قلت لك ماابيها تدخل بيتي ..ابعرف انت اي عقل تشيل ..جايبها تخرب تربيه بناااتي..

جراح اللي امه جالسه تجرح فيه:يماااهـ تكفيين بس ..

ماحس الا برهف اللي فكت ايدها وطلعت لبراا تركض ..

جراح طالع امه بعتب ...ثم لحق رهف ..

جراح:رررهـــــف..

شافها مستنده على السياره وتصييح بحرقه ..اول ماقرب منها مسك ..طاحت على الارض منهااارهـ وهي تصييح ..بشكل مرييع ..

جراح مسكها :رهـــف ..هدي الله يخلييك خلاااص اهدي ...كله مني الله يااخذني ..كله مني ..

مسكها بصعووبه وفتح باب السيارهـ..وراح فتحه وركب ..لف عليها ..

جراح :رهف حبيبتي ردي ..علي كلميني ..هااوشيني سبيني..لاتصيحييين كذاا ..الله يخلييك..

رهف من بين شهقاتها:ودني البيت الله يخلييك..

بلحظات كانواا بالبيت..

رهف اول مادخلت البيت مسحت دمعاتها ولفت علييه:ممكن تتركني..

جراح:لاء مو ممكن ..رهف حبيبتي..

رهف:قلت لك اتركني انت لييه ماتفهم لييه ..

جراح:موتاركك رهف اناا احبك ..حراام اللي تسووينه ..فيني ..

رهف:بس اناا ماانفع لك ..انا وحدهـ مااتصلح لك ..ماتصلح لك "وبكت "..

جراح حضنها:بس حبيبتي ..لييه ..تقوليين هالكلااام ..انتي عاارفه غلاااتك ..

رهف:بس امــ..

جراح حط ايده على فمها:انتي مااعلييك الا مني انا يا جراح..فاهمه حبيبتي ..ماعليك الا مني اناا ..

رهف تهز راسها بلااء:اناااا ماانفع ..اناا اخرب على كل اللي حوولي..انا...

جراح حضنها اكثر:اشششش خلاااص ياارهف..يااحبيبتي خلااااص..

رهف بين شهقااتها:جراااااح انا وحده نجسه خلني ..

جراح حط ايده على فمها يسكتها:رهف بـــــــــــــــس..

رهف وهي تشاهق:امك معااااهااا حق..طلقني..

جراح انصدم وطالعها:رهــــف اعقلي..

""""""""""""""""""""""""

البندري في غرفه امها منبطحه ..تحاااول تضبط نفسها من امس ..

لكن صعب عليها صعب..صعب ..صعب..

البندري "آآآآآآخ يااااربي سااعدني ياااربي ..يااربي اناا عبدتك لاجئه الييييك يااااربي اكتب لي الللي فيه الصلاااح لي ولدنيتي.."

ماحست الا بايد تنحط على كتفها طالعت وردهـ...

ورده:يلاااا قوومي اكلي عشان تاكليين حبتك ..

هزت راسها بانها مااتبي

ورده:اذاا ماكليتي اناا زعلااانه منك ...يلاااااهـ اكلي..

البندري تقدمت وجلست على الارض مع ورده وبدت تاكل بصمت ..كلت كذا لقمه بعدها ..ورده عطتها الحبه وناادت الخادمه تشيل..الاكل..

ورده جلست جمبها :بنو ممكن اطلبك طلب ..

البندري اشرت لها باايه..

ورده:مو اناااا كاتمه اسرارك..

البندري عرفت مقصدها ..تبي تعرف شلي صااير ..سكتت وطالعتها بصمت مو عااارفه شتقوول..

""""""""""""""""""""""""""""

سعد:متعــــــــــــــــــــــب..

متعب نزل الدرجات بسرعه:والله جااي لاتصاارخ ..

سعد:يلاااهـ تعااال تاخرنااا ..

متعب:هذااني خلصت جااي ..

نزل متعب لسعد اللي جااي ياخذه بيتمشوون مع نواف ولد عمهم ..وهم بيطلعوون ..

سعد:في احد بالمجلس..

متعب:اييه في يوسف وفهد ...

سعد:والله

متعب:اييه..يلااااهـ امش اللحيين تحن علي مستعجل مستعجل ..

سعد:يلاااهـ..

ركبوا السياره..

سعد:اييه صح متعب هذا من ابووي"مد له مفاتييح "

متعب طالعه:شنو هذاا ..

سعد:مفاتيح بيتك ..

متعب لف بوجهه :رجعه له مارااح اخذهـ..

سعد:متعب اعقل ..

متعب:سعد خلاااص خلني على رااحتي المفتااح رجعه له لو سمحت..

"""""""""""""""""""""""""""""

وليد جلس جمبها:يمــــااااهـ من جد ترااا محد بيخسرهم غييرك انتي

ام وليد:ابعرف بس من الام انا ولا هم ..

وليد:يماااهـ..

ام وليد منهييه النقاش:ولييد اللي يبيني يجيني هنا ..وخلاااص ..

""""""""""""""""""""""""""""""""""

هنا ينتهي البارت 41 الجزء الاول ..

*ام وليد..وبوعبدالله مالذي تنون علييه؟؟

*فواز قربت عودته لاهله..؟؟

*وليد وبنو هل من امل بتحقيق الحلم..ام سيدمر..الحلم..

*عيال ام وليد واللي دروده عنها"هيثم-وليد"؟؟

*فهد ويوسف زواجهمم بيتقدم..ولا بيكون متاخر..؟؟

*رهف وطلبهاا؟؟؟

ودي صرخه وفا

ولهانه لشوفته

البــــــــارت الثانــــــــــــــــــي والابعـــــــــــوووون...

أ‏حيآن يغني عن التعبير :

( بلعات رريق )

لآ صصصآر في داخلگ …….. زحمة شعور وحگيْ..~

جراح بحزن:اناا السبب ..البنت مو قاادرهـ تووقف بكى ..

ريان:جرااح خلاااص لاتلووم نفسك ..انت كنت تبي تصلح اللي صااير ..بس مااانجحت ..بعديين لاتنسى انه رهف ..عليها ضغووط من كل جهه ..خاصه وان الكل مو عاارف سبب روحتها ورجعتها غيير انها مخطووفه ..والسبب مجهوول لهم ..

جراح طالع ريان:والله مااتمنيت هاشئ يصيير ..رياان اناا احس اني ..وديتها للمكاان اللي رااح تعاافه طوول عمرها ..اناا ..

ريان:اشششش جراح شفييك ..جرااح قوو نفسك ولاتسوي بحااالك كذاا جرااح انت ..مااغلطت لما وديتها ..الغلط بانك ماخبرت امك ..بس ..وبعديين رهف ..صبرت على الاقووى ..

جراح تسند وهو يتنهد:اناا مو هاامني شئ ..ابيها بس ترضى عني ..

ريان :وليييه انت وش مسووي ..انت غلطت بحقها ..

جراح طالعه بسرعه:لاااااء يشهد الله علي ..ريااان بعد اللي صاار طالبه الطلاااق ..رياان انت الوحييد اللي عاارف طبيعه ..علاااقتناا ..رياان انااا صاابر على الرغم من كل الظرووف اللي جااتنا ..اناا صاابر على الرغم من اني محرووم من قربها ..ماابي ينهد كل شئ ..ماابي ..رياان تدري شسووت اللحيين ..ماتبيني معااهاا بنفس المكااان ..كرهتني ..كرهتني ..

ريان:جراح ..رهف ماكرهتك ..بالعكس يمكن تعلقها فييك ..زااد اكثر من اوول والدليل تمسكها فييك ..اول ماارجعت لاتحط انت هالفكررهـ ببالك ..وخلك ..صاافي الذهن ..

جراح:بحااااول ..

ريان :يلاااهـ اللحيين قووم رووح لها اكييد هدت اللحيين ..انت لك زمن تااركها ..رووح شوفهاا ..

جراح :طب شووف لي طريق ابي اطلع ..

""""""""""""""""""""""""""""""""""""

بوخالد بالصاله وجمبه ام خالد اللي جالسه على العربانه ..

يتقهوى ويطالع الاخبار..

دق جواله ..طالع فيه ثم رد..

بوخالد:الوووهـ..هلا وعليكم السلاام..هلا فييك بوعبدالرحمن ..الحمدلله بخيير انت شخباارك..الله يسلمك.."سكت لحظه"..ساندرااااا..تزوجتك"انصدم..انزيين انت اللحيين شتبي..عنوان عزام .."سكت فتره"..ايووه بوعبدالرحمن ..انا معااك..مو عندي..اييه ..يلاااهـ مع السلااامه ..

سكر الجوال ..وظل ساكت..

ام خالد:ولييييييد...

بوخالد لف عليها:هممم هلا سميه .

ام خالد:شصاير فيه شئ..

بوخالد وقف:لاااء مو صااير شئ ..انا ماشئ عندي شغل ..

ام خالد:الله ويااك..

طلع بوخالد من قدامها وهي حاسه انه صااير شئ..

"""""""""""""""""""

دخل الملحق وشافها كانت منسدحه ..وبالصاله نايمه ..كان الجو باارد..وهي ماعليها الا بجامه خفيفه..اتجهه لعندها ..

كانت نايمه ...بهدوء..ومو حاسه باللي حولها ..

شالها بيدينه وقام فيها دخل الغرفه وبطحها على السرير..وحط البطانيه عليها ..

جلس يتاملها وهو يتنهد..

آآآآهـ يارهف لييه حنا اللي يصيير لنا كذاا ..لييه ..

قرب منها وباسها ثم وقف ورااح للحمام ..

"""""""""""""""""""""""""""""""""""

فهد رفع راسها:نـــــسرين..

نسرين:...

فهد:يعني بتظليين طوول الوقت ساكته ..نسرين لاتظليين كذا زعلاانه ..بعد يوم وااحد النااس عيد..وانا ماابي يمر هاليووم وانتي زعلااانه مني ..

نسرين نزلت راسها ..

فهد وقف معصب من جاااء وهو بس يتكلم وهي ساكته ومانطقت بولا حرف حتى..

فهد:سمعـــــــي ..انااا قدمت الزواااج ..

نسرين طالعته ببرود ووقفت:كيفك انا شدخلني ..

ثم مرت من قدامه ..بتطلع لبراا ..المجلس وسط دهشه فهد ,,,توقع انها تعااارض لما يقولها كذااا ..تقول اي شئ موكيفك ..

فهد:نسرينوووهـ..لاترووحيين لما اكلمك ..

نسرين اللي كانت بالممر:ما اظن انك تكلمت يوم جيت بطلع ..

فهد حك شعره:نسرين تعـ..

نسرين:وبعــــــدييين لاتناااديني نسرينوووووووهـ..لو سمحت ..

وراحت لداخل تركض وهي تخفي دمعتها..

فهد لحقها بس وقف عند المدخل ماقدر يتقدم اكثر..

جواله يدق سفهه ورجع جلس بالمجلس يفكر ..

نسرين معقوله تكرهه هالكثر ..لايافهد لاتفكر هالافكاار نسرين مستحييل تكرهك ..مستحيييل انت اللي حبته ..

طب وانت شقدمت لها شقدمت مقاابل حبها وصبرها ..ماقدمت غيير التعب والقهر وخيبه الامل حس بالقهر من نفسه ..وجلس يسب نفسه مليوون مررهـ على اللي يسوويه ,,

وقف ..

"""""""""""""""""""""""""""

في المجلس الاخر ..

كان يوسف مااسك ايد صابرين ..

يوسف :اممم ..

صابرين:يوسف خلاااص ..عاااد..ترى استحي ..

يوسف ابتسم لها وباسها:تستحيين مني اناا ..اناا زوجك المفرووض مااتستحيين مني صح ولا لاء..

صابرين نزلت راسها :يوسف اعقل وجوز عني ..

يوسف:ههههه وانا شسوويت حلاالي مرتي ..

*يــــــــــــــــــــــــــوووووسف..تعاااال ابيك..

يوسف وصابرين استغربوا من طق الباب ومن فهد ..اكثر ..

يوسف وقف :لحظه اشووف شفييه هذاا ..

وقاام يوسف اتجهه للباب حق المجلس فتحه ..وطلع وسكر الباب مااحس الا بيده تنجر..

يوسف جر ايدهـ:خيييير فهد شفييك..

فهد طالعه ومبيين الضيق عليه:تعااال ابيييك..

يوسف :شفييك..؟؟

فهد طالعه متنرفز:بتجي ولا ارووح ..

يوسف:بجي بجي ..بس لحظه بجييب اغرااضي من دااخل انت رووح السياااره اناا جااي ورااك..

فهد رااح عنه ..

ويوسف رجع دخل المجلس ..

صابرين:شفيي شصااير..

يوسف:حبيبتي لازم امشي فهد مبيين انه متضاايق مرررهـ.."باسها"..لاتزعلييين مني انزيين ..لازم اشووف شفييه ..انتظري اتصاالي الليله ..

وطلع مسرع باتجااهـ سيااره فهد..

""""""""""""""""""""""""""

مهند:علي ..

علي طالعه:هااهـ..

مهند:شفييك سرحت لي سااعه اكلمك..

علي:لا بس سرحت شوويه ..

مهند طالعه:علي ..

علي:هلااء..

مهند:تكلم قووول شفييك ..ولا مااعدت تشكيلي مثل قبل ..

علي :ماافي شئ ..

مهند:ماافي شئ وانت من تجلس معااي فكرك مو معااي ..علي تكلم لي اناا صااحبك..قوول شففيييك..

علي طالعه:والله مو عااارف شقوول ييااامهند ..

مهند:قوول شعندك..

علي نزل راسه :مهند ..اناا كنت ابي اخذ اجازه واحج..

مهند:طيب وانا شعلي انت بعد صااحب الحلال ..ولك حق تقرر ..تاخذ اجازه ولا مااتااخذ ..وبعديين هذا من حقك..

علي:كنت اباخذ هالحجه عن نيكوول..الله يرحمهاا ..

مهند طالعه:الله يرحمهاا ..

علي رجع لسرحانه :كننا نااويين نحج هالسنه ..بس الظرووف..ساارت بعكس مانتمنى ..الله يرحمهاا ..

مهند:اميين ياارب..

مهند طالعه:بس علي مو هذاا اللي انت تفكر فيه قوولي انت شفييك..علمني..ريح بااالي ..

علي طالع مهند ثم وقف رااح لاحدى الدرج فتحه وطلع ورقه :اليووم اللي لقييت فيه براءهـ خااالد..مع الورقه اللي كاتبتها نيكول لقييت ورقه ..ورقه كانت مكتوب فيها ..انك.."سكت ماقدر يكمل"..

مهند قام له:علي شفيها الورقه ..

علي بعد عيونه عن مهند ونزلت دمعه وحيده على خده:انا موقاادر اتكلم مهند ..اعذرني.."خذاا الورقه واسرع للمطبخ"..

مهند لحقه مسرع ..شاف علي بيحرق الورقه سحبها منه ..

علي:مهند هاات الورقه ..

مهند:مو قبل مااعرف شساالفه ..

علي:مهند مو لازم تعرف..هاات الورقه ..المره ميته مو لاززم تعرف شئ..خلاااص ..

مهند:انت تقول انها كااتبه عني اناا شكاتبه انزيين ..

علي صرخ:مهــــــــــــــــــــند..خلاااص هاااااات الورقه ..

مهندحط الورقه على الطاوله:علي تكلم ..شصاااااير..

علي طالع مهند:انت تشرب

مهند طالعه مستغرب:انااا ..اشرب ..علي شهالكلااام ..شلوون اشرب علي انت عاارف عني كل شئ مستحييل اشرب..

علي :اجل خلاااص مالها دااعي ..

مهند اللي خلااص عصب :عــــــــــــــــــلي تكــــــــــــــلم..

علي طالع مهند ودموعه تنزل:ماايكل عطاها لك مقطع فيديو وانت سكراان ..وكنت فيه مع نيكول سكران.."نزل عيونه"..اللي بالورقه تهديد من ماايكل بانه ..رااايح يعطيني الفيديوو..

مهند جلس على الكرسي منصدم:ايــــــــــــــــــــــــــش..

علي بلع ريقه :اللي سمعته المقطع..

مهند:علي انت تصدق فيني..اناا اعتبرها مثل اختي ..وبعدين لو مقطع بامريكا ..في كانت عاايشه معي بنفس البيت ..بس عمري مااحتكيت فيها..

علي طالع بمهند:مهند المقطع موجوووووود..ومو قبل الزواااج ..مو قبل الزواااج ..

مهند تزلزلت الارض تحته:كيييف المقطع شنووو..

علي:حراااام علييك ياامهند اناا صاااحبك..اناا صااحبك..

مهند:علي ..

علي:مهند انا حتى حااالي زهدتها بعد اللي قريته ..مهند لييه قصييت علي وقلت لي انها مثل اختك وانت ..تخونني ..معـ..

مهند من قهرهـ عطااااهـ كف..:بــــــــــــــــــــــــــااااااااااس المـــــــــــــرهـ ميته وهذاااااا كلاااامك عنهاااااا علي انااا مهند تصدق فيني ..

علي وخلااص ضايقه فيه الوسيعه:مو لانك مهــــــــــــــــند موقاااااادر استووووعب السااالفه ..انت تخوووني ..مع زوجتي..

مهند وقف :انا مااعمري خنتك ولاعمري شربت تفهم ولا لاء..انت شفت اني سوويت شئ ..علي ..

علي وقف ومسكه :خلاااص اناا اكذب عليييك..بس تعاال وشووف ..بعديين احكم ..

سحبه علي ومهند مثل المخدر ..

ودمعه وحيده تسري على خدهـ..آآخ ياانيكوول..شلي صاار بذااك اليووم شلي صاااار ..اسف مااقدر اخبي هالسر..لازم اقوول لعلي ..انا مو عاارف شلي صاار بس ..اناا برئ ..وانتي بعد بريئه ..هذا اللي اعرفه..نيكووول انتي قلتي لي ان مايكل صورنا وحنا داخليين الشقه ..ويهددك بس هل فيه تصويير ثااني وماقلتي لي عنه ..

وقفه علي عند التلفزيون وعطاهـ الريموت:شووف اذا اناا كنت كااذب..

مهند منزل راسه :علــــي..مالهااا دااعي خلااااص ..

كان خاايف ان يشووف نفسه بمقطع مخل او شئ قووي مع انه متاكد انه برئ..بس شيفهم علي انه برئ شيفهمه وانا داخل بيته بدوون وجوودهـ..

علي جلس على اول كنبه صادفته:لييييه ياامهند ليييييه..

مهند هنا نزل وجلس على الارض ..واسند نفسه على الجدار:علــــي ..ابيييك تعرف شئ وااحد نيكوووول بريئه ..وربي اني مالمستها وربي وربي ..

علي طالعه ودمعاته تجري على خدهـ وقااام بخطوات سريعه دخل الغرفه وسكر الباب واستند علييه ..

ليتني مااتكلمت ..اخخخخ ليتني مااتكلمت ..

اما مهند الدنيا تلف ..فيه وهو يتذكر اللي صاار ..

<<كان بالمستشفى ..جاالس يتاابع حالاااته ..فجاءهـ انفتح الباب ودخلت عليه نيكول منهاارهـ تصييح ..

نيكول :مهند ..ارجووك ..ارجوووك انجدني مهند ارجووك..

مهند خااف عليها ووقف:نيكوول مااذاا هناااك تحدثي مالذي حدث ..

نيكول تبكي بحرقه:مااايكل ..

مهند:مااااااذاا هل عااااد..

نيكول تهز راسها باي ..وهي تصيح وهي جالسه على الارض ..

مهند:ماااااذاااا يريييد..

نيكول :يريد تدميييير علي ..يرسل على البيت ..رسائل ..يشووهـ فيها صورتي مهند..ماااايكل دعى ديفيد..على بيتي البارحه ..وظلوا عند الباب الى ساعه متاخره من الليل ..

مهند طالعها:اخبرتي علي بالامر..

نيكول:لاااهـ..علي لايعلم ..بشئ..

مهند رفع جواله ..بيدق :لازم نخبر علي..

نيكول:لاااااهـ..علي لااريدهـ ان يعلم بشئ...

مهند:لماااذاا ..نيكول علي زوجك الان ..

نيكول:مهند مايكل لايخشى من شئ ..شئ عاادي عندهـ لو دمر حياااتي ماايكل ..كل همه ..وجل همه منصب على تدمير علي ..ماايكل لا يريدني ان اظل مع اي شخص..مايكل يررررريد تدميييير علي ..ارجوووك مهند تحدث معه قل له ان يتركني ..

مهند:لكن علي..

نيكول وقفت وهي تمسح دموعها :لاتريد ان تساعدني..

مهند:لاااء نيكول ..انا فقط..

لحظات واتجهه معها على المكان اللي كاانوا فيه ديفيد ومايكل..وراا العماره اللي ساكنين فيها مايكل وديفيد..

مهند:نيكول لاتنزلي من السياارهـ..اتفهميين ..

نيكول هزت راسها باي:حااضر..

مهند نزل واتجهه لهم طق الدريشه ..

مايكل فتح النافذه وطالعه:نعـــــــم..

مهند:مااايكل ..مالذي تريده من نيكوول..

مايكل طالعه ساخر:وانت مالذي تريدهـ منهاا ..

مهند:لا شئن لك اتفهم ..واذهب من هناا ..

مايكل :مهنـــــد..

مهند ومايكل وديفيد ..تخاانقواا مع بعض خناقه كبيرهـ..لدرجه ان مهند..انضرب ضرب موصااحي من ماايكل..

نيكول ركضت ..لمهند..وجرته من بينهم وهي خايفه علييه ..

باليالله خذته من بينهم وطلعته ..من بين اياديهم ..

مايكل استغل فرصه مسكه نيكول لمهند ..كان مهند مستند عليها ..

وبداا يصوور ..

نيكول طلعت مهند على فووق ويتبعها ماايكل اللي مااشاافته كل همها مهند ..

بطحت مهند على الكنبه ..واسرعت جابت شنطه الاسعافاات ..

رجعت له كان غايب عن الوعي ..

وماايذكر شلي صاار بعدهااا..

اللي يذكرهـ صحى ولقى نفسه بالمجلس ..وبعدها جاته نيكوول ..

نيكول:استيقظت مهند..

مهند تعدل وجلس:مالذي حدث..لااذكر اي شئ..

نيكول جلست على الارض:مايكل ..وديفيد..

مهند وكان كل شئ رجع له:اييه.."طالعها"علي ..وينه..الم ياتي..

نيكول:مهند..علي اخبرني انه سيذهب لبيتك..لديه اورااق لك ..

مهند تعدل :ماايكل وين ..رااح ..

نيكول تنهدت براحه:اجل ..لكني خاائفه منه ..خاصه .وانه يعلم مقر عمل علي ويعلم ارقاام هوااتف المنزل ..

مهند:نيكوول لاتخاافي اي شئ يصيير ..خبريني اناا بتعاامل معااهـ..

وبعدها بكذا يوم اتصلت عليه تقول انه يهددها بالموقف اللي شافه بينها وبينه ..<<

وقف مهند ..واتجهه الغرفه علي ..طق الباب ..

مهند:علي ..افتح البااااب ..

علي لارد منه ..

مهند:علـــــــي تكفى رد علي بوضح لك كل السالفه ..انا وربي مو عااااارف شئ من اللي تتكلم عنه ..علي افتح الباب وبفهمك السالفه ..علــــــي لاتسووووي كذاااا انت والله لما تعرف السالفه بيتضح لك كل شئ..

لكن لارد..

"""""""""""""""""""""

كنت أحسب الــ حُ ــبْ ’’هـمـْ ‘‘

شي .. مبـ هـم ..!!

لا لــه تعريف و مكـ’‘ـآن

في زمـن كلّه .. كِــذب ’’

ليـن جــِيتْ ..

ومادريت إني ’’ أــ ح ِــبْ ..!

يوسف جلس جمبه:نعـــــــــــــــــــم..بتقدم زوااااااجك..

فهد:اففف واناا شقوول لك من قبل هاااهـ..انا مدري شلوون طلعت الكلمه من لسااني مدري ..

يوسف طالعه:طب هي مااقالت شئ معقووله ..

فهد يقلدها:كيفك انا شدخلني ..يااربي اناا شلي سوويته ..

يوسف :طب ماافيها مشكله على الاقل ممكن اللحيين ..انت تتقرب منها اكثر من قبل بعد الزوااج خااصه..

فهد:افففف هالنسررين ..بصراااحه احترت معها ..احترت مدري شسووي معاااها..مدري..

يوسف:انت اهدى..

فهد طالعه:يووووسف اناا مو عاارف شلي يصيير لي ..يووووسف ..نسرين ..حتى ماتبي تقعد معااااي..

يوسف:لييه انت مهتم لجلستها معاااك..

فهد:يعني شهالغبااء..وحده زعلااانه مني ..شلووون ماتبيني اهتم ..

يوسف طالعه:اهممم يعني قصدك انك..مو مهتم لها لشخصها مهتم لان شخص زعلاان منك..

فهد طالعه ثم نزل راسه :يوسف انا رااسي ياالمني ..خلاااص ابي ارووح البيت انااام..

يوسف فتح عيونه:احلف والله ..

فهد طالعه:والله ..يوسف ..خلنى نمشي اناا ماالي خلق اي شئ ..خلاااص لاعت كبدي..

""""""""""""""""""""""""""""

عبير:نسرين هاي شئ زيين في تقدم منه ..

نسرين طالعتها :بس هذي شفقه وانا مابي شفقه انا كنت باالاول اظنه يحبني بس يكابر علشان طريقه زواجنا بس بعد اللي شفته خلااااص ..

عبير:نسرين انتي عارفه شنو يالسه ترمسيين..

نسرين:اييه ..

عبير:خلااص اجل انه ابا اقولج انج انتي الغلطانه وفهد..يحبج وموتوه بعد..فهد يحبج من يوم قراا رسالتج الاولى اللي حطيتيها بسيارته ..

نسرين:لو كان يحبني ماتكلم انه يكرهـ..

"""""""""""""""""""""""""""

يوم السبت ..اللي هو يوم ..عرفه ..

في بيت بوخالد..اللي مانااام يدور على عزام من امس ..كانت الجرايد على الطاوله ..

مد ايدهـ على الجريدهـ..وطاحت تحتها الجريدهـ الرياضيه ..نزل عيونه عليها ..لفت نظرهـ صوره عزام رفع بيشوف شناقليين عنه ..اول ماارفع الجريدهـ لعينه ..انصدم باللي مكتوووب ..

عزاام متعرض لاعتداء ومسروقه سيارته ..وفيه نزله برد..واناااا مدري..

""""""""""""""""""""""""""""""""

خالد طالع في عزام اليوم احسن من امس ..بعد المغذي والمضاد الحيوي..

خالد:عزام..

عزام فتح عيونه وطالع بخالد..

خالد:قووم اكل لك شئ..

عزام تعدل وهو اللي كان جوعاان حدهـ:ليييه وش اكلهم ..

خالد:دجاجه مشويه ..وشوربه..

فتح له الغطاء..

عزام كشر:لاااء مو مشتهي ..

خالد:اكل بس ..بلا مو مشتهي بلاا خرابيط..

عزام :لا لاء ..خلاااص اناا لما اطلع بااكل لي شئ..هذا ماينوكل ..

خالد:بس هذااا الاكل الصحي ..

عزام :اممم ..والله لو اكلته رااح ارجعه ..

انطق الباب..هناا ..

خالد غطى الاكل :تفضل...

دخل بهذي اللحظه عبدالمجيد..

عبدالمجيد:سلاااماااات

عزام:الله يسلمك ..

دخل وسلم عليهم ..

عبدالمجيد:شنو اللي صار ..صدق اللي سمعنااهـ..

عزام طالع بخالد:ليييه وش اللي سمعته ..

يتبع ,,,,

👇👇👇

تعديل المقال