رواية روح معاه وخلني استمتع بنغمة بكاي -12

رواية روح معاه وخلني استمتع بنغمة بكاي -12

داخل يكرهونها ..فحط ببالك انا اول من بيوقف..بوجهك..

*على وش بتوقف بوجهه

وليد طالع بسعد..ياكرهي..

وليد:ولاشئ نمزح..

سعد نظراته تقهر عيال اخوانه :سلمان..

سلمان طالعه شيبي هذا..

سعد:مو المفروض تكون مع زوجتك..

سلمان تبلعم:هاه الا

سعد:ابعرف متى بتعقلون ..اشوف روح لها..انت صرت متزوج ..

وليد:على مااظن هو كبير وفاهم..

سعد:فاهم..ابي اعرف وش فاهم فيه اذا هو تارك زوجته تعبانه هاه

وليد يطالع بسعد...

سلمان:اصلا انا رحت لها

سعد جلس بينهم وخذا من وليد كوب الشاهي وجلس يشب

وليد انقهر وكان وده يكفخه بس شيسوي هذ عمه صحيح بعمرهم بس مايدانونه

سعد من دون مقدمات:وليد..

وليد طالعه:هلا

سعد:بعد الفجر تعال ابيك بسالفه مهمه..

وليد بستغراب :انا

سعد:اييه انت

وليد:وش معنى

سعد طالعه بذيك النظره :ماتبي"ضرب كتف سلمان"عندي سلمان

وهو اصلا مايبي غير وليد..

وليد:لاخلااص الي تامر فيه

سعد كان جالس بينهم .فسرح في مهند ..كيف بيتقبولنه اخوانه كيف بيكون استقباله غرق بالتفكير بمهند ولا حس بوليد وسلمان

كان يتذكر اخوه وهو يتكلم عن هالكيان عن مهند..دمعت عينه..

سعد بهمس:الله يرحمك..

سلمان شاف سعد استغرب من الدموع اللي متجمعه بعينه

سلمان:سعد شفيك..

سعد:هاه

وليد:شفيم..

سعد طالعهم ورجع سعد اللييعرفونه:وانتوا شعليكم

##########

قامت على الازعاج اللي سببته لينا غسلت وجهها وقعدت معها..

تهاني:ليون شعندك جالسه.

لينا:والله شبعت نوم ..وبنفس الوقت زهقانه

تهاني:انزين..

لينا:اقول تهونه ..شخبار عبدالاله ..يعني من جينا هنا ماطلبك مارحتي معه..

تهاني:يطلبني...

لينا:اممم..انتي تذكرين عبدالله وساره..قلت يعني يمكن عبدالاله وانتي تروحون..

تهاني بسخريه:حبيبتي اذا كان بيتنا ماجاني الا مرتين..ومايكلمني الا في الاسبوع مررره وان كثر ثنتين..تبينه يجلس معي..هههه ..والله انك ضحكتيني

لينا:معقوله للحين

تهاني:هههههه لينا شفيك انا متى قلت لك انه عبدالالع تغير ..تدرين ..احيانه احس انه مايبيني بس..

لينا:تهاني حبيبيتي ..اكيد مشغول بالشغل تعرفين هو طبيب ..ثانيا هو مادخل هالمجال الا عشانك ..هو يحبك

..

تهاني:موهذا اللي مخليني على الاقل هالفتره اسكت نشوف لبعدين..

لينا:الله يعينك ويصبرك..

تهاني:آميييين..

##########

قامت من النوم وتلفتت تتذكر تحاول تتذكر هي وين ماهي قادره ..تتذكر شئ..كانت خايفه قامت من الفارش ..وهي دهمانه ..رجيلها مو شايلتها وتحس بغصه وتبي تصيح..ظلااام..كان بنفس الوقت مرعب..خافت ...وانتفض قلبها ..كانت تمشي ودموعها عل خدها واخيراا فتحت الباب ..لاكنها انصدمت بالظلام الدامس جلست على الارض وصاحت ..وينه اللي يقول انا معك..وينه ليه انا لحالي ويييينه...

في الغرفه اللي جمبها

تهاني تسمع صوت براا ..خافت ..وش هذا الصوت قالت يمكن الفله مسكونه لانه ماجينهامن 4سنين ..طلعت لبراا الغرفه ومعها لينا ..في البدايه خافوا..بس يوم دققوا عرفوا من هي..

ولايف:سلمان ..ونك اكيد تركتني مثل ماتركني ابوي ومهند..انا خايفه..محد معي..

لينا:ولايف حبيبتي ..خلاص حنا معك..

ولايف خافت من هم ذيلين وصارت ترجع على وراا..

لينا:ولايف شفيك..

ولايف:شتبون مني انتوا ..ليه خلااني سلمان..

تهاني عرفت ان البنت خايفه من الظلام والوحده وابوها توها تدري .وتردد سلمان اكيد تبيه ..فطلعت تدق عليه

لينا قربت من ولايف وحضنتها

ولايف تبعدها لانها خايف:من انتي ...شتبين مني..

لينا:انا بنت عمتك خلاص خلاص ولايف يكفي..

ولايف كان الخوف بادي يروح منها..

########

سعد:انابدخل انام

قام سعد ولف وليد على سلمان

وليد:غليظ هالشخص ..الله يعين بسوم عليه..

سلمان يضحك:لوتسمعك بتزعل

دق جوال سلمان تفاجاء انها تهاني ..

سلمان:هلا تهاني

تهاني:سلمان تعال بسرعه داخل..

سلمان:لييه

تهاني:تعاااااااال بسرعه..

سلمان:طيب..

##########

فواز:يوسف ..لييه قمت من فراشك..

يوسف:هاااه..فواز..انت صحيت

فواز طالع فراش ناصر:وينه

يوسف:شكله ماجا..

فواز:ان احسن

يوسف:اممم

فواز قرب منه:يوسف تعال ارتاح..

بطحه على السرير صحيح هو للحين تعبان والمفروض مايتعب حاله

بهذي اللحظه سمعوا صراااخ برااا..فواز راح يركض

وانصدم..

هنا ينتهي البارت الثامن الجزء الاول

ودي

البارت الثامن

"الجزء الثاني"

سعد كان يمشي على رواق وكسل الا يسمع صوت صياح واطي ..وصوت همهمات ..ركض وعجل بالمشي انصدم يوم شاف لينا وولايف..

سعد:لينا

لينا ارتعبت:هلا خالي..تعال..

سعد قرب:شفيها

ولايف عطته ظهرها وصاحت ..ليه مو قادره اسيطر على نفسي...ليه خليت دموعي..سبيل لهم ..ليه صرت ضعيفه ..انكسرت شوكتي ..شئ عظيم انكسر فيني مايتصلح..يابومهند..ياتاج راسي..

سلمان توه داخل:ولايف.."وراح لها"

لفت لعنده وطاحت بحضنه ..هو انصدم شفيها..

لينا دخلت الغرفه وسعد ترن باذنه كلمه بومهند:ولايف امانه"وتهاني تطالع بسلمان اللي كانت ولايف متعلقه فيه وهدت شوي وهو ماحرك ساكن..مصدوم حتى ماحضنها..

ولايف تخبي راسها بصدره:انا خايفه لاتخليني لحالي لاتخليني"رفعت راسها وناظرته ودموعها تسيل"..

سلمان حس على دمه ..وحضنها:خلاص ولايف اهدي

سعد مر من عندهم وراح على غرفته هو وعيال اخوانه ..وتهاني راحت للينا..

بقى سلمان وولايف ..دخلها سلمان الغرفه وهو لازال حاضنها ..واول ماسكر الباب ..

ولايف بعدت عنه خلاص بينت لهم انها ضعيفه في مواضع واجد لازم تقسي روحها..وتقوي قلبها

ولايف ويدها للحين ترجف:انا..انا ..اسفه..سلمان..

قرب سلمان منها وسحب يدها ومسح عليها :وش هذا الكلام ولايف..

ولايف سحبت يدها وطاحت دمعه:اكيد انتي منقهر مني عشانك خذيتني عشان ابوك ..انا نغصت عليك حياتك ودخلت عليها غصب عنك سامحني..

سلمان سحبها وجلسها على السرير :ولايف ..ابيك تعرفين محد مجبور يعيش مع اي شخص وانا مو مجبور اعيش مع اي شخص انا راضي فيك ..وانتي احسن لي من اي شخص كان..

ولايف تطالعه وهي تقول بخاطرها معقوله سلمان بطل يحب ورده وخذني بقناعته..

سلمان:اوعديني..انك ماتخبين علي شئ ولوكان صغير

ولايف هزت راسها..

دق جوال سلمان شاف وليد قام على جنب..

سلمان:هلا وليد..انا..اييه..لاانا مع ولايف ..ههه..احلف.."يستهزئ"اقول خلصني ابي ابسبح وانام..اقول وليدووووه..وليداااااان..ولــــــيد..ولايد..

ان ماسكتت لااجيك بالعصا..استح على وجهك ..ايه عيب عليك هالكلام..انت توك عزابي ..شكلك تبي من يادبك..

سكر سلمان السماعه في وجهه..

ولايف كانت منسدحه على قاعده..وتطالع فيه لين ماغفت..

قرب سلمان منها ..وهو يقول بخاطره..

انشاء الله اقدر اسعدك يابنت عمي..انشاء الله..انا حطيت نفسي بهذا الموقف لازم اتحمل ..واحط في بالي ..انه اللي كنت بااخذها عليك هي نفسها تكون بنت عمك مثل ماهي بنت عمي..وانتي بنت عمي ..اللي عشت لحظاته الاخيره ..والله ماانسى شكله يوم وصى سلطان ..مانسى من هذي اللحظه انا معاك ياولايف..

نام جنبها بثيابه ..كانوا ثنينهم تعبنين من الهموم ناموا نومه ملائكه..

##########

فواز ركض يبعد امه عن ابوه..كان ابوه ثاير بهذي اللحظه..والسبب..مايدري وش..كان ابوه ماسك العقال ..ويضرب ..في امه ..وتوه يلاحظ اماني اللي امه مخبيتها وقف قدامهم ..يحميهم جاه من الضرب وهو يحاول يحميهم..

فواز:خــــــــــــلاااااااااااص

وسحب العقال من ابوه..

هنا بوفواز استشاط غضب وجر اماني..وهو يطلع لبرااا ..وفواز يحاول يخلصها ..لاكن موقادر..

فواز:يبااااااااا ه وين بتوديها بهاليل يباااااااااااااااااااه ..

تسكر الباب حق البيت فتح الباب لاكن شاف سياره ابوه تمشي قدامه..وهو يشوف اماني تضرب في الباب تبي تنزل

ام فواز تصيح:الحق على اختك..يبي يزوجها الحق عليها..

فواز انصدم وراح يركض على السياره مسرع..

###########

بسمه:بس يا..

بوعبدالله:لاتبسبسين لي قولي لها تتحلم تشوفه

بسمه:على ماظن هو اخوها ..واذا طلب هالشئ مومن حقك تمنعه ..بعدين وش السبب اللي يخليكم تمنعونهم انهم يشوفون بعض حراام عليكم..حراام..على بالك الدنيا لعبه هااه سيد..

رفع بوعبدالله يده لاكنها ماهوت على خد بسمه..مسكتها يد ثانيه..

سعد:ماعااااش اللي يرفع يده عليها وانا حي تفهم..

بوعبدالله:اوالله ..والله كبرتوا..ياعيال يوسف وصرتوا تملون علي الاوامر..

سعد:حمدلله توك تشوف من زمان ..وياليت تحفظ الفاظك وبسمه ان تكلمت اوصرخت بوجهها مابسكت عنك..

بوعبدالله:اخر عمري سعيدان يملي اوامره علي..

سعد:سعد..لوسمحت ولااقولك ..المهندس..سعد على الاقل انا مب مثلك متحجر ويمكتن افهم وش سبب رفعك يدك عليها..

بوعبدالله طالعم:مهند مستحيل يجي لهنا ويقابل ولايف مستحيل..

سعد بنظراته اللي تنرفز:وليه انشاء الله..

بسمه:عشانه مغرور..

بوعبدالله جاها بيهجم عليها لاكن سعد وقف بوجهه

سعد:حذرتك بوعبدالله..

سعد بعد فتره هو عارف ليه مايبون مهند لانه رفض لينا وفشلهم قدام جماعتهم..بس هم عارف وش اسباب مهند..

سعد:وسبب رفضك لمهند..

بوعبدالله تبلعم..

سعد:اتمنى عندك جواب "يسوي نفسه تذكر شئ"اووووه ولالاء نحنا صغار بسمه مانفهم..

بسمه تناظر سعد والله لوانا يتكلم معي كذا كان تنرفزت

سعد:بتتكلم بوعبدالله

بوعبد الله طالعه

سعد:خلاص اذا قررت تبرر تكلم..

وسحب بسمه ومشوا وهم عند الباب

سعد:مع السلام سيد سالم.

########

فهد:والله العريس غارق بالعسل

هيثم ضحك:خله يتهنى

فهد:يتهنى يتهنى

هيثم:تدري حنا صاحيين وهو لاء حراام مانزعجه

وليد:هههههه خلاااص هو باماره وحده الحين..

هيثم:بس آه لو انه للحين ينام معنا كان سويت له ابو المقالب ياخي انا ابي استانس على راسه ...ههه فررحااااااااان

فهد:قدامك وقت طويل تو النهار بادي ..بعدين شعندك على الحماس الزايد خمس حبات اليوم..

هيثم بخاطره كله من اختك"وردوه"بس يلللع كلها فتره وتصيرين قدامي

"مايدري ان الكلام انطق على لسانه وبهمس"

فهد:وين يالاخو وين سرحت"وبنص عين"ومنو هذي..

وليد هنا قام طلع لبراا وفقع ضحك على اخوه الدلخ

هيثم:معااك

فهد:معي...الا منهي هذي..

هنا ينتهي البارت الثامن الجزء الثاني

اتمنى انه لاقى استحسانكم

انشاء الله اذا في وقت نزلت لكم البارت الثامن الجزء الثالث

واذا مانزلته اليوم بوكره

ودي

صرخه وفا

ولهانه لشوفته

البارت الثامن

"الجزء الثالث"

هيثم:معااك

فهد:معي...الا منهي هذي..

هيثم انصعق:منهي اللي منهي هذي..

فهد بخاطره اييه عارفك اجل وردوه هاه بس صبرك علي..

فهد:تدري

هيثم تنهد براحه عرف ان فهد يمزح:وش..

فهد:وردوه غاثتني..

هيثم:ليييييييييييه..

فهد بخاطره هين هين..:مدري تبيني اجيب لها من المحطه الي قريبه ..حاجيات..

هيثم:ولييه ماتجيبيه لها..

فهد:تروح بدالي...

هيثم:اروح وانا ولد ابوي..

فهد:وش هالحماس..

هيثم استحى وهو يقول بنفسه اثقل ياولد اثقل

هيثم:لا حماس ولاشئ..

فهد:ياحبني لك ولد عمي..جبه لها قبل العصر..

هيثم:تامر عن اذنك..

وقام هيثم على سيارته..وراح..

هنا فهد فجرها ضحك هستيري على ولد عمه..

##########

سلمان كان جواله يدق اغتاض من هذا اللي يدق ..اكيد وليدان بس والله لاوريه ..رد..

سلمان:خيييييييييييييييير

وليد:وانت من اعرست ماتعرف غيرهالكلمه خيييييييييييييير..."وهويقلده قالها"ياخي وين الحنان والحب اللي كنت غرقان فيه..

سلمان:ولـــــــــــــــــــيدااااااااااااااااان..

وليد:سم..

سلمان:وليدان والله ان مابطلت ازعاج انزلك تحت واعلمك..

وليد:لالاتنزل وتخلي العروس لحالها.ماتقدر على بعدك ياحراااام..

سلمان:وليد

وليد:يالبيه

سلمان:دخيلك ابي انام حرام عليك

وليد:قلت اكسب فيك اجر ..واقومك حرااام ماباقي شئ على الظهر

سلمان:مشكور على هالصاروخ مع السلامه..

وليد:سلمان

سلمان:خييييييييييييييييييييييييييييييييير

وليد:ههههههه الخير بوجهك وضف وجهك..

سكر وليد بوجهه سلمان اللي عصب ..لاكن طالع في اللي جمبه ابتسم..كان بيقومها بس بعدين قال حراااااام ..خلها نايمه ..شكلها تعبانه..مسح على وجهها يتحسس حرارتها ..كانت زينه..احين هذي رابع مره يصحى اليوم يتحسس حرارتها ..قرب منها اكثر وغمض عيونه

كان مصمم مابيقوم اليوم الا وقت الفطور وبكره بيطلع من هنا ..

*سلمان

سلمان فتح نص عين:هممممم

ولايف استحت من قربه منها فقامت:الساعه كم..

سلمان ابتسم والله حيويه:والساعه الي بيدك لشو ياخانم

ولايفابتسمت بس موذيك الابتسامه اللي من قلب

ولايف:نسيت..

سلمان:نامي ولايف ..اليوم كله بنقضيه كله نوم..هههه

ولايف بحيا:لييييه..

سلمان:لاني انا ابي كذا..

ولايف:فيييه ناس تحت..

سلمان:واحنا تونا عرسان :وطالع في السقف"بعدين انا من زمان ماانبطحت كذا بطحه استرخاء ..اصلا كلهم متعودين علي لازم يجي يوم انامه كله ..حتى عيال عمي ينقهرون مني..

ولايف:هههه

سلمان:وانتي عليك من اليوم تصيرين مثلي..

ولايف:واذا ماطعتك..

سلمان:بنام غضبان عليك..وانتي تعرفين وش جزاه اللي ينام زوجها غضبان..

ولايف:لاوالله..

سلمان:نذل ..قولي اللي تقولينه كيفي زوجتي

ولايف طالعت فيه وتذكرت كلام اخوها مهند..

<<<

مهند وولايف كانوا يلعبون ..مهند تعب ولازم ينام..

مهند:يلاولايف خلاص..

ولايف:طيب انت روح نام انا بلعب ..

مهند:مابنام الايوم تروحين غرفتك..

ولايف:مـــــــــــهــــــــــــنــــــد

مهند يقلدها:مـــــــــــهــــــــــــنــــــد..اقول يلااا قدامي..

ولايف:لاوالله ..موبكيفك..

مهند يحط اصبعه على راسه:الا كيفي اختي..

>>>

سلمان سرح بتقاسيم وجهها ولايف جميله ..بس قلبي خطفته ورده ...غمض عيونه يمحي خيال ورده من باله..

ولايف ذكرى اخوها رجعتها لواقعها ..رجعتها لحاضرها اللي تعيشه..ورجعتها لورى للماضي اللي يحاولون يرجعونه ..

سلمان:ولايف..

ويف تغيرت نبره صوتها:نعم

سلمان لف يطالعها:شفيك..

ولايف ماقدرت تنطق الشئ الوحيد اللي صار دمعتها الوحيده اللي كانت تطل بخوف وفكها يرجف

سلمان تعدل:ولايف قولي لي شفيك لييه الدموع ...قلت لك شئ يزعل..

ولايف انخرطت بالصياح

جلس سلمان يهديها لين ماهدت..

##########

وليد:ههههههههههههههههههههاااااااااي

بسمه داخله:شفيك..

وليد يطالعها:فاتك شسويت بسلمان.

وليد قالها السالفه..

بسمه:هههه حسبي الله على ابليسك "وسكتت وطرا على بالها سعد وضحكت"

وليد:شفيك؟؟

بسمه:تخيل سعد مساعه "وقالت السالفه"

وليد:سعيداان!! عليه عمي سالم حركات بعد..

بسمه:بس برد قلبي سعد حبيبتي

وليد بقهر:الا يقهر ياخي هو كله كذاا مع الناس..

بسمه:لاياعمري مو كله كذا..

دخل سعد:بسوم شمجيبك هنا..

بسمه:والله يابوالشباب وليد ناداني..

وليد:والله اني ماناديتك بس كل شئ حطوه فيني

بسمه:هههههه

وليد:ضحكتي بلا سنون انشاء الله..

سعد:هههههههه"طالع بوليد"بعد قولي ضحكت بلا سنون...

وليد :لاانت عمنا اللي اكبر مننا مانغلط

سعد:احلى ياحترام..

وليد:احسن من هالخفسه اللي قاعده جمبك ..خخ

بسمه:وانا شدخلني

سعد يطالع بوليد يمكن اول مره يجلس ويسولفون مع بعض..

وليد:قلت لك ماغلط على سعيدان اغلط عليك انتي بس

سعد:ماشاء الله وش سعيداان بعد هذي

بسمه:هذا اللي يعرف الادب..

وليد:غلطه مطبعيه بنغير الطباعه عمي سعد..

بسمه تطالع بسعد:والله لك هيبه ياسعد..

سعد طالعها وسكت طلع جواله

وليد:سعد زعلت مني

سعد طالع باستغراب:لييه

وليد ينلظر بسمه:يمكن تماديت..

سعد:اقول وليدان

وليد:نعم ياحضره المهندس.."مسوي مودب وبرئ"

سعد ضحك:اشهد انك مخفه المهم ..مشوارنا اللي قلت لك عليه ..بنخليه يوم السبت

وليد:بس انت ماقلت لي الموضوع..

بسمه:شفيكم تتكلمون بالالغاز لاتكونون تخططون تذبحون لكم احد ..او تفجرون لكم شئ

سعد ووليد ضحكوا

وليد:والله انا مدري وش الموضضوع ..فاذا كان كذا الله يحللني لاني مااعرف

سعد بسخريه:تصدق عاد بنروح نفجر بسيارتك

وليد:لاحرااام سيارتي توها جديده فجر بسيارتك..اقدم منها مافي

سعد:ههههههه المفروض تقول فدوه..

وليد:صح عليك ..صح فدوووه بس بعد عشرين سنه..

سعد وبسمه:ههههههههههههههههه

وليد وقف:عن اذنكم

وطع يركض على جواله اللي بالسياره..

########

صحوا الشباب وماباقي غير عبدالاله اللي نايم بغرفه دخل خالد عليه..قرب منه..

خالد:عبدالاله

عبدالاله:همممممممممم

خالد جات فكره في باله ..جلس عند السرير ..وممسح على شعر عبدالاله بحنان..

عبدالاله هنا ابتسم على خفيف

وخالد بخاطره يفجر الضحك اللي فيه ..مسح على خد عبدالاله

عبدالاله راح للجهه الثانيه ونفس الحركه

عبدالاله يبتسم:جوجو خلاص ابي اناااااام..

خالد هنا ماقدر يمسك نفه وفرشها ضحك عليه

وعبد الاله نقز ومن الخرعه ..قام يضرب في خالد..

خالد:هههههههههه خبل والله انك فضيحه

عبدالاله:ههه زين ماخربطت

خالد:زين شنو الزين هااااه

عبدالاله يضرب خالد:بااااااااس اسكت

########

البندري طالعت في البنات ثم توجهت للمطبخ

البندري:ماما انتي اللي بتسوين الفطور

ام خالد:ايووه يمه فيك شئ

البندري:لاء ..بس شرااح تسوين

هنا دخلت ام وليد

ام وليد:ميري

ميري :نعم ماما

ام وليد:روحي هاتي اغراض من بابا براا

طلعت ميري براا وام وليد طالعت في البندري من فوق لتحت

بنظره صدمت البندري نفسها وطالعت بخالتها بعيون خايفه على هالنظره

ام وليد:سلمى حبيبتي

سلمى:هلا خالتي

ام خالد هنا طلعت براا

ام وليد:ميري احين بتجيب اغراض موصيه وليد عليها خذيها حبيبتي هذي مني هديه مختارها وليد على ذوقه

هنا ينتهي البارت الثامن الجزء الثالث

*شعور البندري بعد اللي سمعته؟؟

*مهند واول استقبال له مع اهله كيف بيكون؟؟

*توقعاتكم للبارتات القادمه؟

ودي

صرخه وفا

ولهانه لشوفته

البارت التاسع

"الجزء الاول"

إن جـآك منهو يقول الوقت مآله أمآن

قل البشر للأسف بآعت قلوب وشرت

النآس متغيره ولا ... الزمآن زمآن

وجه الزمن مآ غدرك , الناس فيكـ غدرت !

ام وليد:ميري احين بتجيب اغراض موصيه وليد عليها خذيها حبيبتي هذي مني هديه مختارها وليد على ذوقه

سلمى اللي فرحت ان الاغراض والهديه من اختيار وليد

سلمى:تسلمين خالتي تسلمين الله لايحرمني منك

ميري:ماما بابا وليد مافي براا

ام وليد:ككيف

وخذت جوالها

ام وليد:ولييييييييييييد ..وينك فيه..طيب بسرعه..مالك دخل..بسرعه جيبها ..

سكرت وطالعت بميري...ميري فهمت ووطلعت بسرعه

البندري ماتدري لييه مو قادره تتحرك تطالع فيهم بتوهان..

حست بالباب انفتح مره ثانيه ودخلت ميري وبيدها كيسه سلمتها لام وليد..

ام وليد:هاك تفضلي ..

خذت سلمى الكيس وهي تناظر في البندري..فتحتها كانت بلوزه مرره روعه ..خذتها

سلمى:تسلمين خالتي مرره نايس

البندري هنا طالعتهم مافهمت شئ بس انقرص قلبها وطلعت براا..

يتبع ,,,,

👇👇👇

تعديل المقال