رواية طبع الحياة حزن وفرح وطبع الورود شوك وزهور -15
وقعت أبرار وملكت بس مافي حفلة ولا شي بس زواج
دخلت أبرار للمجلس تمسكت في حسام
حسام : ياحياتي يابرو ماعليك انا معك
أبرار بهمس : لا تتركني تكفى تكفى
حسام : انا باتركك وبيدخل معك غيري
أبرار مستغربه : ميييييين
عبدالعزيز من وراها : انا يعني مين غيري
أبرار : .............................
عبدالعزيز يضمها من ورا : اخبار عيون اخوها ..؟
ابرار طاحت عالارض وجلست تبكي
عبدالعزيز : ياهووو خلاص ترا ان ماسكتي بارجع لكندا
ابرار ضمته بقوووه : لا تروح وتخليني تكفى تكفى
عبدالعزيز : من عيوني ياقلبي بس ترا خربتي كحلك وانتي تبكين
وسعود الحين يقول ليته ماجا وقته غلط
ابرار تضحك وهي تعدل نفسها
دخلت هي وعبدالعزيز عند سعود وشافها وشافتة
وتمت ملكة سعود وأبرار على خير
:
:
الكل عرف وش صار لناصر تقدمت رحلات الكل لأبها
أبو حسين وأم حسين وعيالهم
أبو عبدالعزيز وأم عبدالعزيز وعيالهم
حسين وسارة وعيالهم
أم ماجد وعيالها
أم حسام وعيالها
لؤي وأم سعود وسعود
كانت رحلتهم الساعة 5 ونص المغرب
الكل كان مشغول ويجهز نفسه وأغراضه
:
:
أبومحمد وأم محمد ومحمد
كانوا مستعدين لإستقبال يــارا و هيثم
:
مآيبدلني زمآن ولآ تغيرني قطآعهـ ..
وصلت يارا وهيثم والكل أستقبلهم بالأحضان
يارا وصلت لأبوها ضمتها وجلست تبكي
أبو محمد : أنا آسف يابنتي كل اللي صار لك بسببي
يارا تبكي : لا يا أبويه لا تقول كذا أنت ما كنت راضي بس أنا اللي أصريت لا تلوم نفسك يا أبويه تكفي
راحت يارا مع أسيل ونوال وهند للغرفة وجلسوا سوالف وضحك
نوال : يارا ياعيوني
يارا : نعم
نوال : مين يسوي لك مكياجك في زواج محمد ..؟
أسيل : ماشاء الله تف تف مايحتاج هي عن 100 كوافيرا
هند : ههههههههههههههههههههه
نوال بحزن : أنا اقصد علشان الاثار اللي على وجهك
يارا بحزن بس تتصنع الضحك : ولا يهمك بس أنتي ازهليها
هند تجاريها : كفوو ماعليك
:
:
ياسر : ياخي خلاص قلنا سلامتك وجعله في محمد ولا فيك
الكل : لاااااااااااااااا
ياسر مفجوع : ايه ايه اقصد فيك ولا في المعرس
الكل : ههههههههههههههههههههههههه
ناصر : ياخي انت مسمووح لا عاد تزور
عبدالرحمن : اصلا لا عادت من زيارة
الكل كان يسولف ويضحك الا هيثم اللي كان باله مع يــارا
لأنه هو الوحيد اللي كان يحس فيها وفي تعلقها وشعورها تجاه طلال
:
:
:
طبع الحياة حزن وفرح .. وطبع الورود شوك وزهور ..~
مر الوقت من الظهر للمغرب
واللي فرحان واللي زعلان واللي هموم الدنيا كلها على قلبه
:
في بيت أبو محمد كانت الاجواء مابين ضحك ولعب وحزن وفرح وجد ومزح
:
بينما كانت الأجواء في مطار الملك خالد كئيبة
الساعة 8 ونص
ناداء المطار عالرحلة المتوجهة من مطار الملك خالد لمطار أبــها
في الطيارة
:
أبو حسين وأم حسين وعيالهم
أبو عبدالعزيز وأم عبدالعزيز وعيالهم
حسين وسارة وعيالهم
أم حسام وعيالها
أم ماجد وعيالها
لؤي وأم سعود وسعود
تـُعالِيِ :
بـ انتظُركِ وكُلِ ماًُفًيِنًيْ بًـ يَنْدَه لكْ . . !
تعالَيّ :
بـ انتًهيِكِ وكًلِ ماًفُيْنًيَ تُواِضَعِ ُلًكِ . !
سعود مانزل عيونه من على أبرار وأبرار كانت مره مستحيه
سعود استحي على وجهه والتفت قدام و ماعاد ناظر فيها
:
:
:
الساعة 9 الليل
راحوا عائلة أبو عبدالرحمن للبيت
ومابقى بالبيت غير يارا وأمها وأبوها
أبو محمد : كيفك يابنتي عسى أنبسطتي مع البنات ..؟
يارا : يا أبويه أنا دامني في بيتك وجنبك أنت وأمي أنا أسعد مخلوقه
أم محمد : الله لا يحرمني منك ياعيوني أنتي
أبو محمد : ودك تقومين تنامين ياعيوني وترتاحين .؟؟
يارا : أي والله عن أذنكم
أم محمد وأبو محمد : أذنك معك
:
:
:
طلال بحكم شغله في الشركة ما قدم سفرته وتركها لليوم الثاني
رجع من الشركة وهو تعبان ومتضايق
دخل البيت حس بهدوء موحش
شفت الليالي معلنات الحدادي
أثر الليالي عن غيابك حزينه
مشتاق لك والشوق بالعين بادي
شوق الحزين اللي مفارق ضنينه
ياما رفعت الصوت باسمك انادي
واسمع صدى صوتك فكل المدينه
طلال .. آه يا يارا ماتوقعت أني طحت في حبك
كل مكان يذكرني فيك كل نسمة هواء تهف معها ريحه عطرك
يارا أحـبـــــك .. توك تحس ياطلال وقت ماطارت من بين يدك
لا لا هي ماطارت هي باقي زوجتي يصير أرجعها
بـــــــــس
هي ماتبغاني أنا كرهتها فيني آه ياربي دخيلك
نآم طلال وهو يلوم نفسه
:
:
:
كان المسافة ياصآحبي ترفض إني أشوفك
خل اتصالك غصب عنها يجيني
وكان اتصالك تمنعه ظروفك
يكفي رسايل شوق بينك وبيني
وان كان مالي حظ حتى بحروفك
خلك بعيد ومسكنك وسط عيني
يارا تبكي قهر وألم وتشكي لوسادتها
دق جوال يارا ..
رفيقة عمري
يتصل بك
يارا فزت ولا صدقت وش هي تشووف
يارا بصراخ : هـــلآ وغـــلآ ومرحبا مليوم ياعيون وحياة وقلب يارا
مشاعل تبكي : وحشتيني وحشتيني ياعيوني وياقلبي أنتي
يارا تبكي : ميشو يا حبي لك لا تبكين
مشاعل تضحك : طيب قولي لنفسك أول
يارا : ههههههههههههههه
يارا : كيفك أخبارك ..؟
مشاعل : أنا بخير الحمدلله تونا أمس راجعين من كندا .. شخبارك أنتي ..؟
يارا : دووم ياربي والحمدلله عالسلامه .. أنا بخير
مشاعل حست ان فيه شي : الله يسلمك الا على فكره أنا باقي في الرياض ابغى اقابلك بكره
يارا بحزن : ميشو انا مو في الرياض
مشاعل : اهاااااا نسيت علشان زواج محمد مو ..؟
يارا بحزن : ايوه
مشاعل : يرو وش فيك ..؟
يارا : مافيني شي
مشاعل : يارا أنا عارفتك يارا انا احس فيك يارا تكلمي
يارا تبكي : ميشو تطلقت
مشاعل : ..........................
مشاعل ماصارت تسمع الا شهقات يارا
كلمتها وواستها ووعدتها تكون بكره عندها وقفلت ..
مشاعل .. آه يارا وين كنتي ووين صرتي
كنتي يارا اللي ما للحزن والهم في حياتها باب
وصرتي يارا اللي كل هموم الدنيا على راسها
كنت أبشكي لك عن حالي عن حزني عن فرحي
لكن اللي فيك يكفيك يالغالية .. الله يعينك
:
:
:
قولي : صبآح الخير ،
خليني أرتاح
أبغى أتطمّن ،
وأبتدي بك نهاري
بعض العرب لآغآب ..
تشتاقة أرواح !
وأنتي سألني عنك :
حتى إنتظاري ..
قام طلال من النوم على صوت المنبه
وقام بسرعه صلى وجا يرتب ملآبسة
وأخذ له كم لبس راح للتسريحة يكد شعره
جا يتعطر شاف عطر يارا
شاله وتعطر فيه وتنفس من عطرها وطلع للمطار
وهو مازال يلوم نفسه
:
:
يوم زواج
مــحـمـد ..}? هـــنـد
تجمعوا البنات في فندق ماعدا لمياء والجوري مع هند عند الكوافيرا
وتعالوا أسمعوا صراخ البنات في السويت
.. : تعالي سكري سحابي بسررعه
.. : لا لا تحطين فاتح غمقيه شوي
.. : بناااااات مين شافت صندلي
.. : بنات روجي الأحمر وينه ..؟
.. : ياربي جوعاااانه أبغى أكل
وعلى هالحال لين الساعه 5 ونص المغرب
يارا .. لبست الفستان الأحمر وسوت شعرها ويفي خفيف أخفت الندم اللي في وجهها
حطت كحل خفيف نازل من جفونها حاطه شدو ناعم وروج أحمرررر
طالعه تـــحــفه ملكة جمآل رووعه ماتنوصف .. سبحآن من خلقها
:
أسيل .. لبست فستان باذنجاني على بياضها طالع تحفه توب طويل فيه نفش بسيط مرفوع من الخصر شوي
رافعه شعرها شنيون منزله خصله على وجهها حاطه ماكياج ناعم طالعه مره كيوت
:
غيداء .. لابسه فستان ذهبي حرير قصير توب فوقه طبقة أسود ساتان وعالخصر حزام ذهبي
شعرها كان نازل ورافعه بوف وحاطه ماكياج خفيف طالعه مره جذابه
:
لمياء .. لبست فستان سكري سيور ومن الصدر طايح نااعم طويل لين تحت سوت شعرها ويفي
ورفعت خصلتها بوف حطت مكياج عربي
:
الجوهره .. لبست فستان فوشي قصير ومن تحت الصدر ربطه كان ناعم وفاكه شعرها مسويته غجري
وحاطته على جنب مكياجها كان ناعم ناعم ناااعم كانت مره حلوه وكيوت
:
ندى .. لبست فستان سكري داخل عليه وردي فاتح كان ماسك من عند الرقبة وناعم مره
شعرها كان شنيون ومكياج ناعم
:
:
:
هـــنـــد ..}
كانت لآبسه فستان ابيض توب ناعم ماسك من الصدر لين عند الخصر بعدين نافش
كان شعرها شنيون ومكياجها ذهبي خفيف
ومسكه ناعم واقيه مره وقمة الذوق
:
:
:
طبع الحياة حزن وفرح .. وطبع الورود شوك وزهور ..~
محمد كان طول وعرض و سكسوكه زايده من حلآة
كان لابس بشت أسود وشماغ أبيض وكانت الدنيا مو سايعتة
هيثم .. حسين .. عبدالرحمن .. أحمد .. عبدالعزيز .. حسام .. سعود
لؤي .. ماجد .. عبدالعزيز ولد عم حسين .. ياسر
كانوا شغالين رقص وردح الا ... نــاصر هع هع
:
:
:
أم محمد : ياسر الله لا هينك خذ الجمس وجيب البنات من الفندق
ياسر : على راسي ياخالتي دقايق
أم محمد : يسلم راسك الله يسعدك
ياسر : يالله عن اذنك
راح ياسر ياخذ البنات من الفندق
لمياء : اااااع لعنتوا جدفي كشختي راحت فيهااااااااااااااا
ياسر ماسك ضحكته : يرو عيون عنك خلي وحده منهم تجي هنا جنبك قدام
يارا : ههههههههههههههههه يا صبايا اطرف وحده فيكم تجي معي قدام
الكل : نــــــــــــــــدى
ندى هنا تصفق وجهها ولعنت اليوم اللي فكرت تحضر فيه الزواج
ندى : هاه لا لا فيه مكان هنا ماعليكم
الجوهره تصارخ : هيه بلا عباطه انقشعي قدام بسرعه
يارا نزلت : يالله بسرعه اركبي بلا دلع
ندى : اااا طيب طيب
ركبت يارا وجنبها من جهة الباب ندى
ياسر كان مبسووط وطاير من الفرحة هع
وصلوا البنات للقاعة
وصلوا المعازيم والكل أنبهر بجمالهم وأناقتهم
:
:
قاموا البنات يرقصون ويستهبلون
لين جا وقت زفة هـند
هند : خآيفه
يارا : هههههههههههههه ماعليك ياعيوني
نوال : يالله ياهنو ماعليك
أنزفت هـــند
لو سألني الورد عنك .. علميني وش أقول ..؟!
وإن وصف أول جمآلك كيف يوصل آخر ..؟!
كيــــــف ؟؟
وإنتي روضة من حلآها يا " هــند " كالفصول
رقتك وردة وروحك كالطبيعة السآحرة
:
:
:
قاموا البنات يرقصون لها
وكان في زوايا القاعة بروجيكتر عرض لزواج الرجال بــرا
كان زواج في قمة الترتيب والروعه والفخامة
:
:
دخل محمد وعبدالرحمن وأبو عبدالرحمن وأبو محمد
وصل محمد لعند هند شافها ماقدر يتحرك ولآ يرمش
وانتي تقولين وش بك يا [ محمد ] سرحت .!
باسها محمد على جبهتها وجلسوا شوي سلموا ابوها وعبدالرحمن وأبو محمد عليها وطلعوا
ومحمد أخذها وراحوا يتصورون
خلصوا تصوير ويارا جالة تتريق عليهم وتسوي حركات نذاله
ركضت فجأة للحمامات وقامت تطلع
وهي راجعة تبغى تطلع قابلت لمياء
يارا خايفه : اهلين
لمياء : يارا حامل ..؟
يارا مفجوعة : لا يالمو لا وش هالكلام
لمياء : طيب ليش ليش تهربين من الواقع ..؟
يارا بحزن : لمياء لا تخربين فرحتي في زواج أخويه تكفين
لمياء ضمتها وتركتها تطلع
:
:
راحوا محمد وهند للفندق
والقاعة بدأت تفضى
رجعت يارا البيت
يارا : يمه وين هيثم ..؟
أم محمد وهي مشغولة : وااله مدري دوري له في الملحق او في الغرفة
يارا : طيب
شلت يارا فستانها وركضت لغرفة هيثم ماحصلتة
راحت للملحق وسمعت اصوات
يارا : هيثم بغيت في كلام بس لا احد يدري تكفـ .................
:
:
تكفوون ترا ماكنت باكمل البارت الا بكره بس والله شفت ردودكم وتحمست وكملته ونزلته لعيونكم
توقعاتكم للجزي الـ 21
تحياتي
طبع الحياة حزن وفرح .. وطبع الورود شوك وزهور ..~
الجزء 22
في الفندق
محمد : مبروك ياهند
هند بحيا وخوف : .........
محمد بإبتسامه تذبح : مقبولة منك
هند وهي مستحيه : يبارك بعمرك
محمد : طيب قومي بدلي وتعالي نتعشا
هند : ...........
محمد وهو يمسك يدها ويوصلها للجناح : هذي الغرفة وشنطتك وأغراضك كلها هنا
:
:
:
نوال : أسولة ياعيوني خلاص عيونك راحت من كثر البكى
أسيل ببكى يقطع القلب : بس هند راحت راحت يانوال
عبدالرحمن : ياليلك يا اسيل
نوال : هااااه وين راحت اعرست ترا ماماتت
أسيل وبكاها يزيد : يعني بترجع
عبدالرحمن بعباطة : اذا تطلقت
أسيل بخوف : لا حراااااام
عبدالرحمن ونوال : هههههههههههههههههههههه
عبدالرحمن : بالله اسكتي علشان نزوجك
أسيل تتصنع الحيا : بتبكون علي
عبدالرحمن : اصلا هذا اذا تزوجتي على جثتي
اسيل مبقبقه عيونها : وليش ما اعرس وش ناقصني
عبدالرحمن : لا مت تزوجي ذاك اليوم
نوال : لا بسم الله على قلبك
أسيل : الا واللي يرحم والديك دام فيها عرس الله يرحمك يااخويه ياعزوتي ياحبيبي
نوال بصراخ : وجع بلا وجعتين خلي زوجي لي عمرك ما اعرستي
عبدالرحمن : هههههههههههههههههههههههههههههه تصبحون على خير
اسيل : ايوووه نشبت بيننا وبعدين ضربت الباب
نوال : تصبح على خير انا بأنام مع اسيل
عبدالرحمن بخبث : قومي قومي عالغرفة
نوال تصفق وجهها
أسيل : قومي قومي يالله مو اذا تزوج غيرك تزعلين
نوال : وجع وش فيك من اليوم تتفاولين تفأؤل مثل وجهك
عبدالرحمن : متى ماخلصتوا مطاققه تعالي
نوال راحت مع عبدالرحمن وتركت أسيل تنام
:
:
:
يــآنــَـَـًـًآسْ !!
مـِـِـنْ يـتـشـفـَّـعْ لـِــيّ ؟
عـِـِـنـْدً الـِّذي [خــآطـِري يهـوآهـ]
أَبـْـغــَـَـآهـْ يـــَـَـآنــــَـًآسْ~
يــِـرْجـَـعْ لــِـِـي..
وُ يـفـِـكـْـنــِّـٍـٍـِـيْ
مـِـِـِـنْ { ح ـنـٍــيــن و آآهـ }
..... ماقدر ينزل عيونه من عليها وخاف تضيع منه مع انه ضيعها من زمان
...... حست بحنان وحب رغم كرهها له
انسدل فستان يـآرا من بين كفوفها .. بس باسرع مايكون وقفت بشموخ ورجعت طريقها
طلال " آآآآه يا يارا ليش تعذبيني ليش "
:
:
وصلت يارا لغرفتها حطت يدها على بطنها وجلست تبكي بألم بوجع بقهر
توسدت مخدتها وجلست تتذكر ملامح طلال وإبتسامتة طيبته عصبيته تقلب مزاجه
صرخت بأعلى صوتها " أكـــــرهك أكــــــــرهــــــــــــــك "
قامت بتعب وألم وفصخت فستانها تمنت لو تفصخ معه هموها وتعبها بس للأسف
أخذت شور وراحت انسدحت عالسرير بألم
ومسكت جوالها وجلست تقلب في صور طلال وعلى خدودها تنسدل دمعآت حآره عذبه
:
:
هيثم وهي يكتم غيضة : طلال أنت اللي ضيعت يارا من بين يديك تحمل نتيجة أفعالك
طلال ماتعود أحد يكلمه بهالاسلوب بس تحمل لعيون يارا : مافي أحد معصوم عن الغلط
هيثم : عالعموم أنت جاي تكلم أبويه وأبويه الحين نآيم وبكره خير خير
طلال وهو متضآيق : على خير في امان الله
هيثم : هـلا
:
:
:
هند راحت وبدلت وأخذت شاور لبست بجامه حرير سكري حلوه وناعمة
فكت شعرها طلعت للصاله وهي خآيفه ومستحيه
محمد قرب منها : هنو يالله قومي العشا
قامت هند وجلست عالطاوله ولا قدرت تدخل في فمها ولا لقمه
محمد كان حاس فيها بس ماحب يحرجها وتركها على راحتها
شلت هند نفسها وراحت للغرفة ونامت عالكنبة
شافها محمد شالها حطها عالسرير وغطاها وراح ينام عالكنبه
:
:
:
اليوم الثاني
لؤي : اصلا الشرهه مو عليكم عاللي يعطيكم وجه ويطلع يفطركم على حسابه
ياسر : ياخي منت الله ولا منت خلقه
ناصر وهو يدف لؤي بعكازه : ياخي اللي يسمعك يقول انه مفطح حدك فول وطعميه وعلى تبن
الكل : هههههههههههههههههههه
هيثم : خلاص ترا بنرجع لك فلوسك
لؤي : هيثــــــم أنا خالك ووجع
هيثم : تخلخلت عظامك خلال نعم خلخال
ناصر وهو رافع العكاز على لؤي : آميــن يارب
ياسر : وبعدين ليش أنت بخيل ياخي بلا قعاطه الله يهيدك
سعود : لا عاد اشوفكم طولتوها على خويي
لؤي : خاوتك العفاريت توك تتذكرني
الكل : ههههههههههههههههههههههههههههه
:
:
طلال بيأس : يبه أنا بأرجع للرياض اليوم
أبو حسين : عسى ماشر
طلال : مايجيك بس عندي شوي أشغال في الشركة لازم أخلصها
أبو حسين : لاحق عليها ياولدي وبعدين وليد هناك ماسك مكانك وموب مقصر
طلال : يكثر خيره بس أنا ودي أرجع
أم حسين برجا : ويـــارا ..؟
طلال بصراخ : وش فيها يارا انتوا اللي اجبرتوني اطلقها والحين تبوني ارجعها
لمياء بزلة : بس يارا حامـ .....
الكل مصدووووم : .................................
طلال طلع وتفكيره مشتت وركب سيارته البانوراما وراح يدور بالشوارع مو عآرف يتصرف ) =
:
:
:
فيكـ شيـ .. أحس به ..
لومآحكيتـ ..!
مآإدريـ وشـ فيكـ ..
لــــكنـ .. ( شي فيك ) !
ليش ..؟ لــ أنيـ ليلهـ البآرحـ ..
غفـيـــتـ ~
وقمتـ وأنا أقوولـ
( بسم الله عليكّ ) ~
أبرار : عزوز وش فيك مو على بعضك ..؟
عبدالعزيز يتصنع الفرح : أصغر عيالك أنا ..؟
أبرار : هههههههههههههه آسفه .. بس قول لي وش فيك
عبدالعزيز : لحول وش بيكون فيني مثلآ ..؟
أبرار : عبدالعزيز لا تحآول تخبي عني شي أنا أختك وعارفتك أكثر من ما أنت عارف نفسك
عبدالعزيز بآن على وجهه الحزن وقرر يفضفض : آآآهـ يا أبرار حبيتهآ
أبرار وعلآمات الاستفهام على وجهها : طيب !!؟
عبدالعزيز بنفس الحزن والآه : بس تفارقنا
أبرار : ممكن تقول لي وش السالفه ..؟؟؟؟؟
عبدالعزيز قال لها كل السالفة
عبدالعزيز : تخيلي ما أعرفها ولا تعرفني ولا كلمتها ولا كلمتني بس الصدف الصدف ملعوونة
أبرار بحزن : عزوز مصيرك تنسى
عبدالعزيز : شهر كل مارحت مكآن تجمعنا صدفه
عقلي ينسى بس قلبي ماراح ينسى ينبض بأسمها يا أبرار
أبرار تبغى تخفف عليه بإستهبال : وش أسمهاااااا
عبدالعزيز بإبتسامه تذبح : مشاعـل إسمها مشــاعــــل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك