رواية طبع الحياة حزن وفرح وطبع الورود شوك وزهور -16
عبدالعزيز : تخيلي ما أعرفها ولا تعرفني ولا كلمتها ولا كلمتني بس الصدف الصدف ملعوونة
أبرار بحزن : عزوز مصيرك تنسى
عبدالعزيز : شهر كل مارحت مكآن تجمعنا صدفه
عقلي ينسى بس قلبي ماراح ينسى ينبض بأسمها يا أبرار
أبرار تبغى تخفف عليه بإستهبال : وش أسمهاااااا
عبدالعزيز بإبتسامه تذبح : مشاعـل إسمها مشــاعــــل
:
:
:
مخنووقه . . يمه ~
أحس الخنقة هدتني
مكسور . . قلبي ~
وعيني مدري وش فيهآ
و . . دمووعي ~
اللي غصب عن عيني بكتني
مليت . .~ أغمض جفوني لأجل أداريهآ
أم محمد : يارا ياعيوني يالله قومي الساعه 3 ونص العصر
يارا بتعب ووجه اصفر وشاحب : طيب
أم محمد بخوف : يارا أنتي تعبانه ..؟
يارا : لا يا أمي مافيني الا العآفية
هيثم : سلاااام يا أغلى ثنتين بدنيتي
أم محمد : وغيداء ..؟
هيثم : ههههههههههههههههه
يارا : اصبري عليه بمه خليه يتزوج اذا ماينسانا
هيثم : افا وربي أنسى عمري ولآ انساكم
أم محمد : ترا ماعندكم سالفة بأروح اتقهوى مع أبوكم .. ايه وقبل لا أنسى محمد وهند بيجون قبل المغرب
يارا وهيثم : طيب شوي وجايين
هيثم انسدح جنب يارا : يارا ماودك تقولين لي شي ..؟
يارا بخوف : شي مثل أيش ..؟
هيثم يلتفت لها : اطرف شي في قلبك
يارا بحزن : أنا حــــامل
هيثم من الفرحه نقز عالسرير : جــــد يعني بأصير احلى خآل
يارا أبتسمت غصب عنها : أيوه وبعدين ترا مايمدحون الواثقين
هيثم : هههههههههههههههههههه اتركيني اعيش حياتي
يارا : هيثم نسيت إني مطلقه ..؟
هيثم بصدمه : طيب واذا مطلقة وش صآر ..؟
يارا : يعني تخيل كيف راح يكون مصير ولدي أو بنتي
هيثم بجديه : أمعي يا يارا اللي عيشك 19 سنة بيعيش ولدك أو بنت 7 سنوات
يارا بحزن : أنا عارفة أبويه ماراح يقصر بس وش مصير ولدي بعد هالسبع سنوات ..؟
هيثم بجديه أكثر : اللي عيش طلال 28 سنة بيعيش ولدك طول حياته بإذن الله
وبعدين إن عاش هنا ولا هناك أعرفي لا حنا ولا أهل طلال راح يقصرون بحقه
يا يارا عيشي حياتك ولا تفكرين ولا انتي اول وحده ولا اخر وحده تطلق ولا تسبقين الأحداث
وكل شي في وقته حلو خلاص ..؟
يارا ارتاحت شوي : خلاص أن شاء الله
هيثم : وبعدين انتي تعبانه ..؟
يارا : لا مافيني شي
هيثم : ليش وجهك كذا اصفر ومهدود حيلك ..؟
يارا : مدري
هيثم بحنان : طيب قومي البسي وفتحي وجهك بمكياج خفيف وأنزلي علشان نبشر أهلي
يارا وهي ضامه هيثم : الله لا يخليني منك يا أغلى من خلق ربي
هيثم شالها : ولا يخليني منك يا أحلى وأغلى يارا في الدنيا
تركها ونزل .. وهي راحت تاخذ شاور وتصلي اللي فاتها
:
:
:
هـوـو " نــور عيني "
هـوـو بعد كل " رجـــــآل " ..!!
على ترآب الأرض
حطـــــت موآطيه !!
أبرار بصوت كله نوم : الــو
سعود وهو ماسك ضحكته : أحلى ألــو
أبرار مصدومة : ...........
سعود : أبرار وينك ..؟
أبرار يالله تكلمت : هـ هـ هلآ
سعود : هلآ فيك .. كيفك ..؟
أبرار بخجل : تمام
سعود : وأنا تراي بخير
أبرار أستحت : دوم
سعود : آسف أزعجتك ..؟
أبرار : لا عادي
سعود باستهبال : وحتى لو أزعجتك عادي صح ..؟
أبرار : ههههههههههههههههه صح
سعود : تسلملي هالضحكة يآرب
أبرار أستحت : ربي يسلمك
سعود : أبرار متى ترجعون للشمآل ..؟
أبرار : بعد يومين إن شاءالله
سعود : اهــا .. بتوحشيني
أبرار : ...............
سعود : فديت اللي يستحون ياشيخة عالعموم أنا راح اخليك الحين
أبرار : طيب
سعود : في أمان الله يالغلآ وأنتبهي على نفسك
أبرار : مع الف سلآمة ..
:
:
طبع الحياة حزن وفرح .. وطبع الورود شوك وزهور ..~
المغرب
يارا لبست تنوره رمادي وبدي أبيض ماسك على جسمها
لبست صندل أبيض وخلخال ناعم رفعت شعرها ذيل حصان نزلت لها خصله
حطت كحل خفيف وقلوس
نزلت لأهلها
أبو محمد : ياهلآ ببنتي
يارا وهي تسلم على أبوها : هلآ فيك ياعيون بنتك
أبو محمد : كيفك ..؟
يارا : تمام بشرني عنك ..؟
أبو محمد دأمك بخير تأكدي أني بخير
يارا : دووم
هيثم باستعجال : مادريتوووا
ابو محمد وأم محمد : أيــش ..؟؟!!
هيثم يناظر في يارا : أقول ..؟
يارا وربي ماودي : قوول
هيثم بفرح مايوصف : يارا حــــامل
أم محمد دااايركت بكت
أبو محمد طار من الفرحة وقام يسلم على بنته
:
:
الكل وصل لبيت أبو محمد بإستثناء أسيل وعبدالرحمن
في سيارة عبدالرحمن
أسيل : بأعرس وأنت حي ولا وأنت ميت
عبدالرحمن وهو ماسك ضحكته ويمثل الجدية : أقووول أنا قلت كلمتي وبـس
أسيل بقهر : بأعرس يعني بأعرس يعني بأعرس بأعرس
عبدالرحمن : ول ول شوي شوي علي أكلتييني
أسيل : خل أصير قويه علشان أمشي كلمتي
عبدالرحمن : هههههههههههههههههه من خلقتي وأنتي قويه واللي يصير في رساك يصير
وتمشين الكل على كيفك .. بس تعرفين وش نفسي ..؟
أسيل : أحم أحم ايش ..؟
عبدالرحمن : لا تاخذين مقلب عاد نفسي أشوفك تبكين من عمرك 11 سنة ماعاد شفت لك دمعة
أسيل : عبدالرحمن تعرفني مستحيل أبكي قدام مين كان يكون
عبدالرحمن أشتغل عنده حس الفلسفة النفسية هيع : أنتي شخصيتك قوية قدام الغير بس مع نفسك تنهارين بسرعه
أسيل : ايه عندي أنهار مع نفسي ولا مع غيري
عبدالرحمن : طيب اسكتي واللي يرحمك والديك
أسيل : طيب ههههههههههههههههههه
:
:
:
وصلت أسيل وعبدالرحمن وهي مستعجلة تبغى تشوف هند
لآبسة فستان أبيض قصير فيه تطريز بالأبيض
لأبسه إكسسوار فـــوشــي وحآطه روج فوشي وفاكه شعرها ورافعته بوف
كانت كيووت وحلوه وعربجية وكل أبو شي في نفس الوقت << لا توصفين واللي يرحم والديك ثاني مره
دخلت أسيل وسلمت عالكل
لمياء فرحانة : اللي يبغى يسمع أحلى خبر يجي هنــآ
راحوا البنات كلهم للمجلس وجلسوا
لمياء بعباطة : أولا اللي تعرف تزغرط تتجهز
أسيل تسوي نفسها تبغى تشمر : أنا هنا ولا يهمك
أبرار : لا تكفين هدي لا تتحمسين وش تشمرين يالعبيطة
الجوهره تغطي وجهها : أنتبهوا ترا راح تفسخ من الحمآس
أسيل بصوت واطي : على تبن وخل نسمع الخبر الزين
لمياء : عندي 3 أخبار أولا
هـــنونه وصلت تيرارااااان
دخلت هند بفستان أحمر ناعم وماكياج ناعم كانت مره جذابة
الكل أستقبلها بالأحضان وبالمباركة وبالإحراج طبعا ( =
الجدة : لميوه ووجع أخلصي علينا وش الخبر الثاني ..؟
الجوهره : هيع هاع هووع هذا الخبر للأسف يمه مايخص منكم إلا يارا
يارا بإهتمام : وشو
لمياء : غمضي وعدي لـ 3 وبعدها فتحي وشوفي
جا يشوف الحال كيفه بعدماهزه حنينه
وقبل يسألني سألته كيف حالك يالحبيب
قال انا كني غريب مضيع دروب المدينه
قلت انا كني مدينه تنتظر رجعة غريب
يارا : 1 .. 2 .. 3 .. فتحت !!!
حطت يدها على فمها وصرخت وضمت اللي قدامها بإشتياق وجلست تبكي
لمياء : يالله خلاص ترا خلص وقتكم
يارا تمسح دموعها وبإبتسامه : طيب
ندى : أنا راح أقول الخبر الأخير وهو أن أحلى يـــارا حــــــامل !
البنات قاموا يزغرطوون ويصفقون ويارا أنحرجت وفي نفس الوقت حزنت
:
:
:
ماجد : يالله يانويصر بلا دلع وثقاله دم وغن لنا
ناصر يستهبل : ياخي ماتقدر إني تعبان ورجلي مكسووره ..؟
هيثم : هيه ترا يقولون الواحد يغني من فمه مو من يده غن لا أكسر ذا العكاس على راسك والله مايردني احد
لؤي : أنا أغني لكم ترا منتوا في حاجته
طلال : لا تكفى أنت صوتك كذا بدون شي نشاز
محمد : وأنا أشهد
ناصر : ههههههههههههههه طيب شوي وأجي على بال مايحمون ذا الطاقاقين
سعود : طقك عبد الحين أنا صرت طقاق وبعدين اللي يدق عالدربكة يكون أصل
ياسر : هههههههههههههههههههههه بعدين ترا أصلنا من أصلك لأننا مناسبينكم
ناصر : اها بس لا يكثر الحين حاي
عبدالعزيز : لا تحط رجلك
الكل : ههههههههههههههههههههههههههههههههههههه
:
:
:
أسيل وهي في المطبخ
الاء : أنا كييفي أروح مكان ما أبغى
أسيل تصارخ : وربي إن وطوطتي برا لأحش لك رجولك
ألاء بحزن : طيب عمتو أبغى ألعب
أسيل تجلس على مستواها : ياعيون عمتو كلهم يلعبون جوا ما أحد يلعب برا
ألاء : طيب ممكن أروح أجيب الكورة ..؟
أسيل : يالله روحي وأنا أنتظرك هنا
ألاء بخووف : عمتو تعالي معي
أسيل : ليــش ..؟
ألاء : مافي نور
أسيل : هههههههههههههه فديت قلبك يالله
طلعت أسيل مع ألاء
وجلست ألاء تلعب بالكورة وعاندت أسيل
أسيل بصراخ : ألاؤه وربي لو ماتجين بسرعه
ألاء من بعيد : شووي عمتو شوي
أسيل : ألاء ترا إن جيت ما راح يصير لك طيب تعالي بسرعه
............. : اولا لا ترفعين صوتك ثانيا لا تحطين عقلك بعقل بزره ثالثا أنا راح أجلس معها
أسيل تلتفت : ......................
.............. : وبعدين لا تطلعين ثآني مره بلبسك هذا وتعرفين الحديقة مليانة شباب
مّآنِتً بٌطَفِلّ وّ أعَلِمٌكّ كِيِّفٌ تَحُكِيّ .. ~
وّلآ إنَتِ أبُـــــوّيِ
أقُدِرَكّ كِلَ مَآ أخًطِيُتّ ..}
أسيل بصراخ وعصبيه ونست كل شي حولها ونست مين اللي قدامها :
أولا مايخصك كيف أتكلم وكيف أتعامل
ثانيا مو أنت اللي تقول لي متى ووين أطلع وكيف أسوي فآهم
لأنك لو أنت قد كلامك ماسمحت لنفسك توقف معي وأنا على قولتك بعهذا اللبس وتكلمني بهالطريقة وهالأسلوب
........... : لا ترفعين صوتك فآهمه ..؟
أسيل : ترا بإمكاني أرفع صوتي وأشرشحك هنا وأفضحك وأخليك ما تسوا ..........
سكت أسيل يده اللي شدت على فكها بأقوى قوه
أسيل تدفه : ياوقح ياواطي أبعد عني من جد غلطان إللي يعطي مثلك وجه
............ : الا الغلطان اللي يحبك ويخآف عليك
أسيل مصدومة : ........................
قطع صمتهم صراخ سعود
سعود : نااااااااااصر نويصر وينك ..؟!! نصووور
ناصر راح له وترك أسيل وسط حيرتها
:
:
:
طبع الحياة حزن وفرح .. وطبع الورود شوك وزهور ..~
أبو محمد : يا أبو حسين هذي القسمة والنصيب وصحيح كان في البداية بيننا سوء تفاهم بس ربي يشهد كيف أنسرعت غلاتك ومحبتك في قلبي
أبو حسين : يسلم لي راسك يا أبو محمد عزيز وغالي
أبو عبدالرحمن : طيب ليش أنتوا فقدتوا الأمل يارا بنتنا وطلال ولدنا ليش مانحاول نحل المشاكل بأسلوب حلو
أبو حسين : أنا مع أبو عبدالرحمن
أبو محمد : كيف يعني ..؟
أبو عبدالرحمن : يعني أنت تفاهم مع بنتك ونشوف بأيش طلال جرحها وايش سوا لها
وأبو حسين يتفاهم مع ولده ويشوف بنتك بأيش قصرت معه ونحاول نحلها
أبو محمد : رأيك عين العقل
أبو حسين : أجل نتوكل على الله ..؟
أبو محمد وأبو حسين : لا إله الا الله تـم
:
:
أم حسين : لا تشيلين هم يابنيتي وربي أنك أنتي وولدك في عيوننا
الجدة بهيبة : ولا عآش أصلا من ياخذ ولدتس منتس يابنيتي
يارا بحزن : ليش ياجدة لأبوه وعمامة حق مثل مالي ولخوالة فيه حق
الجدة : فديتس وفديت هالعقل اللي تفكرين فيه الله يوفقتس وإن شاء الله إن أحياني ربي ماتولدين إلا مع طلال
يارا بحزن : عن أذنكم
وراحت عند البنات للمجلس الثاني
:
:
الجوهره : لا اكييييد تستهبل أنت ووجهك
ناصر : وربي إنك سامجة عطيني ندوي
الجوهره : ناصر ترا هالحركة مالها داعي
ناصر مقهور : عاد ماراح احد يدري بلا عباطه حتى أنتي
الجوهره : طيب طيب أكلتني
ناصر : يالله مثل ما اتفقنا بــأي
الجوهره : هـلآ
:
:
أبو محمد : هاه وش قلت ..؟
ياسر بفرحه : الله لا يخليني منك ياخوي
أبو محمد : طيب تعال
أبو محمد : طلبتك يا أبو حسين
أبو حسين : ماعاش من يردك
أبو محمد : هذا العشم فيك .. بس باترك ياسر صاحب الموضوع هو اللي يتكلم
أبو حسين : قول ياولدي
ياسر بجديه : تسلم ياعم .. هو المفروض نتكلم في بيتك بس أعذرنا قلنا نأخذ الأمور بأولها
أنا ياعم .. يشرفني قربكم ويشرفني أناسبكم وأطلب يد بنتكم نـدى
أبو عبدالرحمن : ياسر ولد مخلص دراسته برا ومتوظف وصراحة شهادتي فيه مجروحة
أبو حسين : ولو ياسر رجال وماعليه كلمة بس اتركونا ناخذ راي البنت ونرد لكم خبر
ياسر بفرحه : سلمتوا عن إذنكم الحين
:
:
:
يــتــبــــــــــع .. بس بعد الردوود
ناصر وش طلب من الجوهره ..؟
وش راح يكون رد ندى عالموضوع ..؟
أسيل ونــاصر وش مصيرهم ..؟
مين الشخص اللي يارا أنصدمت وفرحت بشوفتة ..؟
أنتظر ردودكم وإنتقاداتكم
ودي ووردي
طبع الحياة حزن وفرح .. وطبع الورود شوك وزهور ..~
ناصر يالله ياشباب وش تبغون أغني لكم ..؟
عبدالعزيز : أنت اللي راح تغني أختار
ناصر يدق على الجوهره : خلاص سعود أنت وياسر يامزعل قلبي أوكي ..؟
سعود وياسر : معآك
:
الجوهره : بناااااااات تعالوا بسرعه أسمعوا أخوي ناصر راح يغني ويقول هالأغنية إهداء لوحده من البنات بس ماذكر إسمها ويقول هي بتعرف نفسها .. شغلت سبيكر وبدأ ناصر يغني وسعود وياسر يدقون
:
ناصر يغني بصوت رووووووووووعه
والله والله والله ما أذل قلبي لو علشان حبي قلبي برضآه يكفي هوآه هالكون كله
والله والله والله ما أقول آسف قلبي اللي عآرف هو اللي جآه وأخذ جزآه مليون عله
رح ياقلبي قله ما أبيه مــره خيره ولا شره يكفي اللي صار عآيش في نآر والشكوى لله
أسيل أنقهرت وطلعت عفاريتها وطق عرق التكرنه عندهآ
وناصر كأنه كان حاس بقهرها مسترسل وهو يغني ومبسووط
:
:
يارا : يوه ياميشو ماتتصورين قد أيش وحشتيني
مشاعل : وربي أنا أكثر سامحيني تمنيت أكون جنبك في اللي صار لك بس الظروف
يارا : وجودك في حياتي يكفيني ياعيوني
مشاعل : الله لا يحرمني منك
يارا : ولا منك واذا جتني بنت راح أسميها مشاعل
مشاعل : هههههههههههههههههه طيب بنشوف
يارا تحط راسها على رجل مشاعل وتحكي لها عن أشياء كثير صارت بغيابها
:
:
سعود : أبرار ممكن أقابلك .. أبغى أقول لك شي ضروري
أبرار منحرجة : كلم حسام أو عبدالعزيز
سعود : ماطلبتي شي شوي وأرد لك خبر
:
سعود : ياخي لا أحتجتك طق عرق النذاله عندك
حسام : هههههههههههههه ياخي زوجتك روح شوفها بس هااه لا تبعدون كثير
سعود : خلاص لا يكثر باي
أبرار كانت لابسه فستان أسود لين تحت الركبة وحاطه بروش ذهبي
ولابسه صندل ذهبي ورافعه قصتها بتاج " طوق " ذهبي
كانت مــلآك
وسعود ماكان أقل منها جمالا كان واقف بطوله وكان مرسم ثوب وشماخ
وسكسوكة زادت من وسامة وجهه ومرسومه عليه إبتسامه تذبح
هو خـق وهي خـقت << هع
سعود : قربي وش فيك ..؟
أبرار تقدم خطوة وتوقف : ...........
سعود بخبث : ترا ماعندي مانع اشيلك
أبرار حطت رجلها لعنده وهي بتموت خجل : لا خلاص وصلت
سعود : مرحبا بك مليووون
أبرار وهي منزلة رأسها : تسلم
سعود يجلسها وبجديه : أبرار أنا راح أقول لك شي وأتمنى ماتزعلين مني
مني وإن شاء الله راح تفهميني وتعرفين إن مشاعري تجاهك صادقه
أبرار بخوف : وش فيه ..؟
سعود بحنيه وهو يرفع راسها : أولا تحبيني ..؟
أبرار أستـــــــــحـــت : ...............
سعود بنفس الهمس والحنان : أبرار تحبيني ..؟
أبرار غطت وجهها بإحراج وحركت راسها بمعنى أيوه
سعود يشيل يدها من وجهها ويضمها بين يديه : فديتك أنــا
أسمعي .. أنا سعود الـ ..... اللي قدامك أنا mr . saud اللي في المنتدى وأنا عبير اللي في المسن
أبرار مصدوووومه : ................
سعود بجديه : أبرار أنا حبيتك يا أبرار صدقيني أسلوبك إحترامك ضحكك جدك
ولو ما مشاعري صادقه كان مادورت عليك وكان ما أنا الحين زوجك
أبرار لا تزعلين مني .. وسوي فيني اللي تبغين وأنا تحت أمرك بس لا تأخذين مني موقف أو فكرة غلط
سكتت سعود دموع أبرار
سعود وهو يلوم نفسه ويمسح دموعها : أبرار ياعيوني تكفين لا تبكين طلبتك
أبرار بصوت كله بكى : ليش كذبت علي ليش ..؟
سعود يجلس عالأرض وهو ماسك يدها : آسف سامحيني قلت لك سوي فيني اللي تبغين
أبرار مقهوره : وش أسوي فيك مثلا ..؟
سعود بخبث : مايبغى لها بووسه مثلا
أبرار أستحت وسكتت
سعود : سامحتيني ..؟
أبرار : لا
سعود قرب منها : والحين ..؟
أبرار بخوف : لا
سعود قرب منها أكثر : والحين ..؟
أبرار مغمضه عيونها : أيوه أيوه والله سامحتك
سعود رحمها أعطاها بوسه وبعد عنها
سعود : اكلمك بالليل مع السلامة
أبرار لسى ما أستوعبت : ..............................
:
:
:
في الليل الكل ودع هند ومحمد قبل لا يتوجهون للمطار
هند ومحمد .. راحوا للمطار يقضون شهر العسل في بريطانيا
أسيل وناصر .. كل واحد بدأ يحمل للثاني كره في قلبه
سعود وأبرار هيثم وغيداء .. يونسون بعض في الليل ع الجوال
يارا وطلال .. كلن عآيش بهمه ويفكر في الثاني
ياسر .. يفكر في نـدى ووش راح يكون ردها
ندى : نآيمه في سابع نومه << خيشه هع
مساعد .. لآهي مع فـهد
الجوهره .. تفكر في مسآعد
أبو حسين وأبو محمد .. يفكرون في حــل لمشكلة يارا وطلال
عبدالعزيز ومشاعل .. مايعلم بحالهم غير ربي
:
:
:
بعـــد مرور شهر من هالأحداث
محمد وهند .. من شهر العسل ولكل كآن فرحان
أسيل وناصر : على حآلهم من كره في كره
سعود وأبرار .. على حآلهم
مساعد .. صآر دائما ينتظر يشوف الجوهره وهي تخرج من القصر
الجوهره .. عآيشة حالة حب
عبدالعزيز .. للحين يدور لمشاعل
مشاعل .. لا زالت تفكر في عبدالعزيز
:
:
ومرت الأحداث عالباقيين مثل مآهي يعني " لآجديد "
أما عن يــارا وطــلال
أقنعوهم يرجعون لبعض طلال ماكان عنده مانع
ويارا وافقت علشان اللي في بطنها لا يضيع من بداية حياته
:
:
طيب وين ندى وياسر وهيثم وغيداء ..؟؟ << يقالها تحمس هيع
يوم الأحد الموافق 27 7 في الريــآض
كآن يوم زواج
يّآسِـرَ & نَـدّىُ
هّيِثـُمَ & غّيَدِآءُ
:
:
يارا .. لآبسه فستآن أسود طويل وآسع من تحت وكان بطنها بآرز شوي بحكم أنها في الشهر الثاني
وتحت الصدر شريطة فضيه كانت فآكه شعرها ومرجعة خصلتها على جهه حآطه ماكياج خفيف مـره
:
:
هند : الله الله في هيثم وياسر
أسيل : الا وصي هيثم وياسر على ذا المخفات
ندى : مخفه بعينك
الجوهره : لا هي آسفه وأنا أختك تقصد مطيورات بس ماعرفت توصل المعنى الصحيح والوافي هيع
غيداء : ايا قليلة أدب ياللي ماتستحين طار بك عبد
الكل : هههههههههههههههههههههههههههههههههه
الكل كان يتريق ويضحك علشان يخفف على ندى وغيداء
بس غيداء في لحظــة سرحت بخيالها بعيد وراحت تفكر في الماضي
وبجسم يرتجف وعيون تدمع .. راح تفكيرها باللي صار لها مع فيصل
غيداء صـــــرخـــت : لاااااااااااااااااااا ابعد عني ابعد ياحقيييير يبه الحق علي
الكل راح لعندها ويحاول يهديها
أم حسين تضمها : يمه يابنتي أنا جنبك غيداء يمه ماعليك لا تخافين
غيداء متعلقه في امها : ما ابغى يمه لا تتركيني تكفين يمه هيثم بيسوي مثل الحقييييير
أم محمد بطيبه : لا ياعيوني أوعدك ماتنامين الا معي في حضني وفي غرفتي لا تخافين
ماعليك ما احد راح يسوي فيك شي
غيداء تبكي بصمت : لا احد يمسكني ما احب الرجال ما ابغاهم كلهم حقيرين
حتى ابوي وأخوي كلهم .. وبصراخ : كللللللللللللللللهم اكرههم
بعد محاولة استمرت نص ساعة من التهدئة والإقناع هدأت غيداء وعدلوا مكياجها وفستانها
كانت طالعه ملكة بإختصار شي ماينوصف
كان لابسه فستان ناعم فيه نفشه وسط فيه تطريز بالأبيض الخفيف
ومن وراء كان ظهره خيوط على شكل ضرب
كان مكياجها بني خفيف على ذهبي روج فاتح كانت مره حلوه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك