رواية اسمحيلي من النظره الأولى اوصلك احساسي -17

رواية اسمحيلي من النظره الأولى اوصلك احساسي -17

طلال طيب ياعمري ماتأجلينها لبكره

حبيبه الله يخليك طلال والله ماتحمل ابي اشوفها وصارت تصيح

طلال لا خلاص لا تصيحين جهزي وانا جايك وسكر

شوق بعد قول بتروح لها

طلال ايه بروح بتزور صديقتها وراجع لك

شوق يعني هذي ماملت منك احرمتني منك اسبوع كامل ويوم صرت عندي بعد بتاخذك

طلال شوق لا تنسين روحك هذي زوجتي سامعه

شوق وانا زوجتك ولا نسيت

طلال وقف وقرب لها لا مانسيت يالغاليه بس بوديها تزور صديقتها وبرجع لك زين وباسها على خدها

شوق انتظرك حبيبي

.....................

فطوم يالله جوالي خلص شحن ابي اكلم امون

ميثه ليه شفيج

فطوم لا بس لي يومين واحس ان فيه شي صاير ولا احد راضي يقول لي

ميثه تعوذي من ابليس وهاي كلها اوهام

فطوم بروح اشوف مطر عشان اكلم من جواله

قامت واطلعت بر الحديقه يمكن تشوف بزر وترسله ينادي مطر وشافت ولد صغير

فطوم تعال انت شسمك ياحلو

ضافر انا ضافر

فطوم ولد منهو

ضافر ولد سلطان

فطوم اختك ضبيه

ضافر هيه

فطوم طيب ممكن تنادي مطر من عند الرجال

ضافر مطر سار وياه شيخه قبل اشوي وراحو هناك

فطوم شافت المكان يعني ادخلو داخل كثير من الحديقه شكت طيب حبيبي مشكور

ضافر اروح اناديه

فطوم لا خلاص بنتظره روح انت

يعد ما مشى ضافر راحت فطوم تمشي للمكان الي قال عليه ضافر وكانت دقات قلبها تزيد خايفه كثير وظلت تمشي وتمشي لحد ماسمعت

شيخه حرام عليك يامطر انا احبك ليه تسوي فيني جذي

مطر شيخه انا قايل لج من زمان انا مااصلح لج سامعه وبعدين انا متزوج واحب حرمتي

شيخه كذاب انت تزوجتها عشان تقهرني ولا انت تحبني وحضنته بقوه

مطر يمسح على شعرها شيخوه يابنت عمي انا كنت احبج واهتم فيج لما كنتي صغيره بس لما كبرتي وصار عمرج 16 عرفت ان اهتمامج فيني بشكل ثاني وانا والله كنت اعتبرك مثل ..

فطوم مثل شنهو يااستاذ قول يوم انك تحب بنت عمك كان خذتها حرام عليك

مطر بعد شيخه عن حضنه فطيم لا تفهمين غلط بفهمج

فطوم الي شفته فهمني كل شي ياخساره ياخساره ومشت عنهم لحقها مطر ومسك يدها

مطر فطيم حبيبتي والله مابينا شي خليني افهمج

فطوم مابي اسمعك وخر عني ولا تفكر حتى تشرح لي يالخاين

مطر تعالي معاي البيت ونتفاهم هناك

فطوم مابي اروح معاك اذلف عن وجهي وطلقني احسن لك

مطر فطيم انتي متغيظه الحين بس لما تفهمين السالفة والله بتعذريني

فطوم انت لو رجال كان طلقتني بس انت مو رجال ومحسوب غلط عليهم وبعد

ماخلصت طرااااااااااااااااااااااااااخ من مطر

مطر ريال غصب عليج وذلفي عني الحين لحد ماتهدين بتفهمين السالفة

فطوم مشت وتحاول تمسك دموعها عشان ماتشمت احد فيها بس ماقدرت ترجع وتدخل لهم ظلت تمشي بروحها والعبره خانقتها تبي تكلم اهلها ربعها بس ماعندها جوال واسمعت

الجده ضبابه هي يافطيم انتبهي لا تعقين روحج في الماء

فطوم انتبهت لتجمع ماي على الأرض وكانت بدوس عليه بس وقفت

الجده تعالي يابنتي شبلاج ويهج متغيظ حد مزعلنج

فطوم لا محد بس حاسه اني مخنوفه

الجده هي يابنتي معليه يمكن تحسين انج غريبه هنا بس ان شالله بتتعودين علينا تعالي جلسي معاي هني عند البراد احسن من هالمكيفات

فطوم أجلست معاها وكانت تعبانه كثير حاسه ان النفس عندها يضيق

الجده اذكر يوم كانو العيال صغاريه ولما اجيبهم هنا اقول لهم قصص تخوف واشوف من الي يخاف ومن الي يسوي روحه قوي

فطوم مافيه بزر الا ويخاف

الجده هيه كلامج صحيح الا مطر من كان صغير دوم كان قوي ومايخاف ومره تحدوه انه يدخل داخل العزبه قبل لنعدلها ونحط الأنوار في كل مكان وكان بعد المغرب وقبل التحدي ودخل داخل وظل ساعتين هناك ولا عادر رجع خفنه عليه ورحنا ندوره وندوره ونادي عليه ولا يسمعنا وظنو العيال ان بسم الله خذوه عندهم وصارو يصيحون وبعدها نط مطر علينا من فوق الشيره وخلنا ناقز من مكانا ماشالله عليه كان قوي وهذ الحين شغلته نخاف عليه منها بس الله يحفظه

واسمعو صوت جاي لهم

مطر انتي هنا وانا قالب الدنيا عليج

فطوم ماردت

الجده شعندك بتضيع ظاله معايه وكنت اخبرها عنك يوم كنت صغير

مطر اخاف ماتصدقج يدوه

الجده شيف ماتصدقني برمس كذب

فطوم لا مصدقتك جدتي حتى لو تقولين انه من كان صغير وهو راعي سوالف بصدقك

مطر عصب وقام مسك يدها وقومها انتي للحين ماعقلتي سير قدامي بنروح البيت

الجده حيلك يامطر على البنيه ماقالت شي تتغشمر وياك اكيد

مطر حس بفطوم انها اضعفت في وقفتها وكانت بطيح وانتبه لها ان اغمى عليها

يدوه فطيم اغمى عليها

الجده تعال شيلها واسدحها هني على الكرسي الكبير الجده جات لها وتحاول تصحيها ورشت ماي على وجها لحد ماصحت

الجده ها يمي تحسين بشي

فطوم مو عارفه تتكلم

مطر انا بوديها المستشفى يدوه وبعدين بسير البيت قولي لهم اني رجعت

الجده هيه يمي خلها ترتاح وطمني لا تنسى

...........................

في السياره

طلال خلاص حبيبتي من شفتيها وانتي ماوقفتي اصياح

حبيبه انت ماشفتها والله مو مها هذي وحده غير وجها مشوه الله ياخذه

طلال انتي لا تحكمين عليه يمكن في بينهم شي صار وخلاه يفقد اعصابه

حبيبه يعني لو كل رجال بيفقد اعصابه وبيسوي كذا في زوجته من يحمينا اجل

طلال مسك يدها وباسها اهدي عشاني وادعي لها الله يشفيها وشكلك تبين تخربين علي عزيمتي لك على العشا في مطعم

حبيبه والله ياطلال مالي نفس اكل وابي ارجع البيت وبس

طلال لا انا بزعل مثل ما خليتك تتطمنين على خويتك وانتي قومتيني من عند ربعي كانو بيفلونها سهر عشاني بنتعشا مع بعض ونرجع البيت زين

حبيبه هزت راسها موافقه بس قلبها عند مها

.........................

مطر يسدح فطوم على السرير ويجلس جنبها

سمعي الحين بقولج سالفة شيخه ولا اباج تقاطعيني شيخه لما كانت صغيره كنت مهتم فيها بس مثل اخو كبير لأخته كان عمرها 5سنين وانا كان عمري14سنه كانت مريضه بالقلب ولازم عمليه لها بس لأنه جسمها مايساعدها كانو يعطونها ادويه بس تدرين بنت في هالعمر تبي تلعب وتستانس ماكانت حاسه بمرضها وكل مالعبت اتعبت ولازم تتنوم في المستشفى اسبوع على الأقل وهي كانت تحبني وتحترمني شرات اخوها حامد وكانت تسمع كلامي اكثر منه واذا طلبتها ماتلعب تسمع كلامي لحد ماصار عمرها 9سنين سوو لها العمليه والحمد لله انجحت بس كانت تحتاج فترة راحه وانا وحامد دوم عندها ونسليها بس اهي افهمت اهتمامي لها غلط وصارت تحبني ولما صار عمرها 16 خبرتني بحبها لي انا انصدمت لأني كنت مكلم نواف عنج ولما قلت لها اني بخطب وحده وانا احبها ماصدقت صارت تصرخ وتقول انها تحبني وظلت حابسه روحها في غرفتها كم يوم لحد ماشفها دكتور وقال انها تعاني من حاله نفسيه بس اهو اصر علي اني ارفضها وافهمها اني مثل اخوها عشان ماتتعلق فيني اكثر وهي الي بتساعد روحها بس تدرين فترة العلاج بطول والي شفتيه لما كنت معاها في العزبه كنت اقنعها اني مااحبها واحبج انتي بس انتي طلعتي وشفتي الي شفتيه

فطوم واذا صدقتك الحل معاها بظل تلحقك ماراح تمل اذا هي تحبك

مطر لا تخافين هي كانت تبيني ارفض سفرها مع عمي لندن واتزوجها بس انا قلت لها اني اعتبرها مثل اختي خليها تسافر وان شالله تتحسن امورها

فطوم وهي كم بتجلس هناك

مطر على كلام عمي سنه ان شالله

فطوم وانت ان شالله تفكرني كل مابشوفك حاضن وحده بتقول لي لا تفهمين غلط لا والله احمد ربك ماذبحتك وهذي اليد تنكسر الي اضربتني

مطر حضنها وباس رسها اسف على الطراق الي جاك مني بس انتي زودتيها وحده تقول لزوجها انت مو ريال والله عيب وشوفي العصبيه شجاج منها ارتفع ظغطج واغمى عليج

فطوم امسكت يده وتناظر في عيونه مطر انا احبك سلمتك قلبي تركت اهلي وجيت معاك امنت نفسي معاك لا تفكر تخوني في يوم من الأيام بتذبحني سامع

مطر شو هالرمسه الله لا يجيب المشاكل لنا بعد الله كتب لي احب وحده مخبله شراتج وباس عيونها وشفايفها بكل حب ورومانسيه

................................

اوصلت شوشه ونواف والجده امريكا وراحو الفندق الي حاجزين غيه وكان سويت غرفتين نوم ومطبخ وصاله غرفه صارت لشوشه وجدتها وغرفه لنواف الحده بعد ماتروشت نامت على طول من التعب وشوشه ظلت في الصاله بعد ماتروشت والبست بجامه ناعمه وقصيره حاولت تسترخي في الصاله لحد ماحست بيد تلمس يدها وانتبهت

نواف ليه نايمه هنا روحي الغرفه ارتاحي

شوشه مافيني النوم افكر بجدتي خايفه عليها كثير

نواف مالها الا العافيه ان شالله والله يشفيها بعد العمليه

شوشه انت متدري شقد انا متعلقه بجدتي يانواف بعد وفاة امي صارت اهي كل شي في حياتي والله لو صار لها شي بلحقها

نواف تعوذي من ابليس ولا اسمعك تقولين كذا ولازم تعرفين هذا اختبار من ربك ولازم تصبرين وتحمدين ربك على كل شي وان شالله الجده الله بيعافيها قومها من مكانها ومسح على شعرها الحين روحي نامي وارتاحي عشان بكره نروح المستشفى وتكونين قويه عشان جدتك باس راسها

شوشه مع لمست يده وبوسته صحت فيها مشاعرها المدفونه له واحضنته وصارت تصيح على صدره نواف حضنها خاف عليها وحاول يهديها ويمسح دموعها ميدري انه كل ماقرب منها وجع قلبها اكثر كانت تتمنى تكون معاه بس في ظروف غير كذا وداها الغرفه وسدحها على السرير وغطاها وطفى الأنوار وطلع

.....................

ليال نازله من الدرج وادخلت الصاله وسلمت على الموجودين وكان بندر ينتظرها عشان يوديها المستشفى

ام بندر بشريني يابنتي على خويتك ان شالله احسن

ليال والله ياخالتي الحين الحمدلله الدكاتره يقولون ان جسمها يستجيب للعلاج واذا تحسنت يمكن تطلع بعد شهرين ثلاثه

ام بندر الله يساعدها ويصبرها بس يابنتي رجلها كان من قبل يضربها

ليال ابد ولا مره كان العكس كان يموت فيها ويحبها بجنون وفجأه صار كذا متغير عليها

طرفه يمكن احد مسوي لهم عمل وساحرين زوجها

بدور والله في هالزمن كل شي يصير المسكينه ماتستاهل والله انها كانت حبوبه

ام بندر اجل اكيد الرجال فيه بلا ولا واحد يحب حرمته وفجأه يتغير عليها يمكن مسحور

ليال ومن بيسحره مافي احد يكرهه بس لحظه ذكرت مها كم مره قالت لي انها كانت تشم بخور من عند جيرانها خاصه وقت جيت عماد ومنها ياخالتي وهو متغير واذا اهم حسبي الله عليهم الله لا يوفقهم

بندر طيب اذا تعرفين احد من اهله ياليال كلميه وقولي لهم

ليال معرف احد من اهله بس بكلم ام فطوم اهي تعرف مرت عمه

بندر طيب يالله اوديك لها وهم في الممر

بندر سمعي ليال اذا تبقين اجيب شيخ يقرا على عماد عندي واحد ماشالله عليه معروف بس انتي جيبي لي رقم احد من اخوانه وانا بوديه بنفسي لهم

ليال صج بندر بتجيب شيخ عشان عماد بس ليه تسوي كذا

بندر انا الي يريحك ويسعدك بسويه عشانك عشان تعرفين معزتك عندي يالغاليه

ليال ماهي مصدقه طيبت بندر وكبر في عينها وافرحت من داخل قلبها وهي بتمشي معاه لأول مره من زواجهم امسكت يده وراحت معاه لسياره

؟؟؟؟؟؟؟؟؟؟؟؟؟؟؟؟

وللحديث بقيه

الفصل الثالث والعشرون

في غرفة فطوم

فطوم امون قولي الصدق حاسه انكم خاشين شي علي

امون الله يهداك مافيه شي كلنا بخير بس انتي اهتمي بنفسك وبالبيبي زين

فطوم طيب ونواف وشوشه شلونهم كلمتها جوالها مغلق حتى نواف خير فيهم شي

امون لا بس امس اوصلو امريكا واكيد الحين نايمين من التعب كلميهم الساعه عشر وان شالله يردون عليك

فطوم طيب سلمي عليهم كلهم وعلى بسام

امون يوصل وترا من زمان وبسام يناظرني يبيني اسكر

فطوم اجل اعناد فيه ماني مسكره زين

امون والله عادي وانا ماعندي شي مطر مستانس بالبيبي

فطوم اكيد طاير من الفرح

وبسرعه بسام سحب الجوال من امون اقول فطيم اذا رجلك مو حولك كيفه بس انا عند حرمتي وانتي معطلتني ترا يالله ضفي وجهك وسلمي على مطر وسكر

فطوم صج سخيف بس مردوده يابساموه

ميثه الحين تطمنتي عليهم خلاص ريحي بالج

فطوم مدري ياميثه احس بشي ولا اهم قايلين لي

ميثه انتي تبالغين كلهم بخير واذا كملتي شهر روحي زوريهم

فطوم الله يعين وشوشه ودي اتطمن عليها

ميثه كلميها بعدين اكيد تعبانه الحين

وبدخلت مطر الغرفه هاا انتو هني

ميثه هلا حياك عاد الحين انتهى دوري تفضل حرمتك

مطر مشكوره تعبتج معاي يالله وريني عرض اكتافج

ميثه زين هاي عرض اكتافي ومشكوره على الطرده

بعد ماطلعت سكر مطر الباب

هلا بحبي وغلاي شلونج وشلون غيث مبسوط ان شالله وجلس جنب فطوم وباس خدها

فطوم اولدك توه نقطه تسأل عنه اقول عندك سالفه مطر

مطر نعم بالحب

فطوم لا وع وع وخر عني ريحتك خايسه ومعفنه قوم اسبح

مطر انا والله سابح الصبح بس خليتيني اشك بحالي قام ودخل دورة الحمام وتروش وطلع وقف عندها هاا الحين فيه ريحه

فطوم لا مقدر حطت يدها على فمها وراحة سيده دورة المياه واستفرقت كثير

مطر واقف وراها فطيم شفيك تعبانه اوديك المستشفى

فطوم لا بس انت وخر عني ريحتك مش طبيعيه اطلع الله يخليك

مطر هذي اخرتها يافطيم تطرديني وانتي الأول تتحريني اكون معاج افاا بس ماهي الهقوه فيج

فطوم يااخي انا ماعندي سالفه بس اطلع حتى وجهك مابي اشوفه اطللللللللللللللللللللللللللللللللللع

مطر زين يالنذله اوريج ان ماخليتج تترجيني اجلس وياج ماكون مطر وطلع من الغرفه ونزل الصاله وهو معصب وكان موجود أبوه وامه وميثه وجلس وهو في حاله

ابو مطر هيه ياصبي شوبلاك متغيظ

ام مطر تخانقت وياه حرمتك

ميثه متى وانا تاركتهم واسمي عليهم مافي احلى منهم

مطر حضرتها طاردتني من الحجره وتقول ماتبا تشوف ويهي ولا ريحتي معفنه بس معليه اوريها

ابو مطر وام مطر ههههههههههههههههههههههههه

ههههههههههههههههههههههههههههههههههه

ميثه ومطر ؟؟؟؟؟؟؟؟؟؟؟؟؟؟؟؟؟؟؟؟؟

ابو مطر والله ياولدي كما تدين تدان والتاريخ يعيد نفسه

انزلت فطوم عندهم واول ماشافت مطر سدت خشمها واجلست مكان بعيد عنه

مطر هاا شفتو بعيونكم انا الحين فيني ريحه ذمتج امايه ميثه فيني ريحه هب حاله هاي

ام مطر الله يعينك ياولدي انت مافيك ريحه ابد الا مافيه احسن منها بس هذا وحام حرمتك توحمت فيك ياحظي وهاي دعوة ابوك عليك لما ولدتك

مطر وفطوم وميثه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابو مطر هذا يامصحوب السلامه لما امك احملت بك توحمت فيني وصارت ابد مثل حرمتك والعن ماتدانيني ولا تشتهي تشوف ويهي ودوم ريحتي خايسه ودوم تبي تتهاوش معاي بعدها راحت بيت اهلها ثلاث شهور قلنا يمكن يرتفع الوحام بس نفس الشي ولما امك اولدتك اول شي سويته لما حملتك بيديني دعيت عليك وقلت ان شالله حرمتك تسوي فيك مثل ماسويت فيني وشكلها صارت تحمل يابوك

مطر حرام عليك ابويه هاي دعوه تدعيها الحين انا شو بيستوي فيني

فطوم سلامتك مثل ماصار لعمي بيصيرلك ياشاطر تحمل وانا بروح بيت اهلي ثلاث شهور

مطر هذا الي تبينه اصلا بس ماشي روحه بتمين هني

فطوم اجل تحمل ولا اشوف وجهك في الغرفه

ميثه لا فطيم حرام عليج مايستاهل تحمليه

ام مطر معليه ياولدي انت نام بالغرفه الثانيه لحد ماحرمتك ماترتفع عن الوحام

مطر انتو ترمسون عني وكأني موافق انا داري مو طالع منها والي مايباني بزوله

فطوم خلاص انا اروح امري لأالله

مطر قام وجلس عند فطوم اعناد فيها وتوها بتقوم مسكها مطر وجلسها غصب جنبه

فطوم مطر وخر والله ماتحمل برجع وخر

مطر ياأنا ياولدج خليه يتعود علي وعلى ريحتي زين

فطوم ماقدرت تتحمل بس الي سوته

رجعععععععععععععععععععععععععععععععععععععععععععت

على ثوب مطر الي اقدرت عليه

مطر انصدم ومنقرف خسج الله من حرمه شو سويتي فيني كيف اقوم الحين وععععععععععع

اهله ماااااااااااااااااااااااااااااااااااااااتو ضحك عليه وميثه قامت صورته جوال وناويه عليه بنيه قشره

فطوم تستاهل قلت لك وخر مااتحمل وهذا الي جاك

مطر رفع ثوبه وقام وصعد للغرفه عشان يبدل

..............................................

حبيبه يعني ضروريه روحتك الدمام ثلاث ايام

طلال اكيد ياقلبي هذي صفقه مهمه ولازم تخذها وانا متفق مع الجماعه بس اروح ووقع الأوراق وادفع الفلوس وراجع لك انا مستغني عنك

حبيبه لا باين بتتركني ثلاث ايام وانا انتظرك

طلال يحضنها صدقيني انا بكون اكثر منك مشتاق لك بس لازم روحة الدمام ياقلبي واذا علي بكلمك مرتين في اليوم بعد شتبقين

حبيبه مشكوره على كرمك وتروح وتجيب السلامه

؟؟؟؟؟؟؟؟؟؟؟؟؟؟؟؟؟؟؟؟

في امريكا ..بعد مارجعو من المستشفى قرر الدكتور العمليه بكرا الصبح واليله لازم تدخل المستشفى..شوشه داخل تتروش ونواف جالس في الصاله يقرا مجله اطلعت الجده من الغرفه السلام عليكم

نواف وعليكم السلام هلا ياجده حياك

الجده الله يحيك

نواف ان شالله نفسيتك مرتاحه عشان اليله بتروحين المستشفى

الجده الحمد لله ياولدي على كل شي وانا مؤمنه بكتبة ربي بس عندي كلمتين بقولها لك ياولدي قبل لا تجي شريفه

نواف خير ياجده

الجده ياولدي ابقي اوصيك على شريفه ترا مالها احد من بعدي غير الله اهي يتيمه ام وابو ابوها مايدري عنها من تزوج وحرمته حامل الحين يمكن انت تشوفها بنت منفتحه كثير مثل الناس ماتشوفها ولا عندها احد يحاسبها بس والله ياولدي اهي تخاف على نفسها وعمرها ماسوت الغلط وكل الي ابيه انك ماتظلمها ولا تقهرها ولا تتركها من بعد عيني انا بكره مدري اذا بطلع من العمليات ولا لأ

نواف لا تقولين كذا ياجدتي ان شالله بطلعين وانتي بألف عافيه وبتفرحين في شريفه وبتشوفين اعيالها اهي اكبرت في عيني لما شفت اصرارها وانها مستعده تسوي المستحيل عشان الي تحبه عرفت انها انسانه حساسه وقلبها كبير والله يقدرني واسعدها ان شالله

الجده امين ياولدي وجعلها الزوجه الطيبه والوفي هلك

.......................

الساعه 3الفجر ورايح في سابع نومه وبكل هدوء يحس بيد تنحط على راسه وتمسح عليه مسكها بسرعه وظغط عليها

فطوم اااااااااااااااي عورتن يشفيك مطر

مطر شغل الأبجوره الي عند راسه انتي شو تبين في هالوقت

فطوم حلوه شبقى هذي غرفتي على ماعتقد

مطر وانا ريلج الي نسيتيه من يومين ينام بروحه بالدار على ماعتقد

فطوم طيب هذا انا ولهت عليك وجيتك

مطر لا مابي زعلان منج روحي دارج وخلي اولدج ينفعج

فطوم مطور حبيبي والله الي يصير فيني غصب عني تحمل

مطر امري لأالله بعد المثل يقول شحادك على المر غير الأمر منه

فطوم يعني انا الحين مر عندك معليه زعلت

مطر لا فدا الي تزعل انا تعالي جلسي في حضني تراه متولع فيج من زمان بعيده عنه وسحبها لصدره

فطوم لحظه مو مثل كذا والله ماتحمل بعد اشوي

مطر يالله صبرني بس معليه اذا ناويه تسبحيني مره ثانيه عادي تعودت ويحط رأسها على صدره ويمسح على شعرها

فطوم مطور حبيبي والله اشتقت لأهلي وربعي كثير ابقي انزل الحساء

مطر كلميهم بالجوال من ماسكج وبعدين ياقلبي الطياره ماتصلح لج ولا السياره بتتعبين

فطوم لا ماراح اتعب وانا كلمة الدكتوره اليوم وقالت لي اني الحين داخله الشهر الثاني واذا بركب السياره وبروح طريق طويل قالت عادي بس اجلس في السيت الي ورا عشان امدد ارجولي الله يخليك ودني احس انهم خاشين شي عني ولا بيقولون لي

مطر لا هب عذر هاي قولي تبين الفكه مني عشان لايعه كبدج مني ها لا تستحين

فطوم لا والله ياقلبي ولهانه عليهم ومشتاقه لهم وبعدين لا تنسى انت قلت لي وقت الملك هاني متى ماولهت على اهلي بتوديني لهم على طول ولا غيرت كلامك

مطر طيب وان شسوي بروحي الحين مشتاق لج كثير وحضرتج بعيده عني في دار ثانيه حتى الرمسه ماتبين ويوم بغيتي تروحين لأهلج جيتي عندي

فطوم والله مو على كيفي حبيبي غصب عني حتى انا مشتاقه لك بس..

مطر قربها اكثر له بس شو هاا ترا انا مشتاق لج كثير حرام عليج تبعدين عني والحين بتروحين عند اهلج وين يروح مطر وباسها على خدها والخد الثاني ووو^__^

فطوم تحملت قربه لها لحد ماخذ راحته معاها

@#$%%$$$$$$$$$$$$$

ادخلت الجده المستشفى عشان ياخذون منها تحاليل الازمه قبل العمليه

نواف يالله شريفه مالنا لازمه هنا خلاص الجده ادخلت الغرفه

شوشه لا بتم هنا لحد ماتسوي العمليه وتقوم بالسلامه

نواف الله يهداك العمليه بكرا الصباح خلينا نرجع الفندق وبكره نجي مسك يدها وقومها من الكرسي وطلعو من المستشفى

نواف شرايك نغير جو ونتمشى مافيني النوم

شوشه والله مالي خلق قلبي عند جدتي

نواف الجده ماعليها الا العافيه واكيد بتفرح اذا درت انك رحتي وتمشيتي وغيرتي جو ولا ماتبين معاي

شوشه تناظر فيه(معاك يااااه يانواف انا ابي اكون معاك من زمان بس انت ماتدري عني ويوم صرت معاي ماني قادره افرح خايفه على جدتي)

نواف يحرك يده في وجها هااااي نحنو هنا وين سرحتي لهدرجه طلبي ثقيل عليك

شوشه لا بس

نواف مسك يدها تسمحين ياليدي شوشه تسلمين روحك اليوم وان شالله ماراح ترجعين الفندق الا وانتي مستانسه

شوشه واثق من نفسك

نواف احم احم انتي ماعرفتيني انا لما اسافر اسوي العجب ولازم البلد الي اروحه اعرف كل قرنه فيه يالله استعدي

وقف تاكسي وطلب منه يوديهم الأماكن السياحيه عندهم

وقضو احلى وقت مع بعض وطاحت كثي من الحواجز بينهم ونواف اخذ راحته معاها في مسك اليد ويحضنها وهو يصور معاها

......................

حبيبه حمد الله على سلامتك ياقلبي ان شالله توفقت في الصفقه

طلال الحمد لله خلصتها وكان مافيه اسرع منها واسهل بعد

حبيبه طيب بس لو سمحت ممكن وخذت السيجاره من يده والله صارت تخنقني خلاص وطفتها

طلال قام وحضنها مقدر فيك ولا لو احد ثاني خذها مني كان خليته يندم طول عمره وتوه بيبوسها بس حبيبه بعدت عنه

حبيبه اول روح ترو ش ريحتك كلها دخان وبعدين حياك الله

طلال اوكيه ياليت اطلعين لي ملابس ودخل يتروش

حبيبه راحت لشنطته وافتحتها وبدت اطلع ثيابه وتشوف النظيفه والي تحتاج غسيل وشالت ثوب وشمت ريحه قويه لعطر نسائي وفتشت في مخباه وطلعت منديل وفيه اثار روج احمر اشهقت ودموعها تجمعت عي عيونها

ياويلي منك ياطلال للحين على عاداتك القديمه ولا ناوي تتغير

طلع وهو ينشف شعره عطيني البجامه ودي انام وارتاح

حبيبه ليه كذبت علي

طلال بسم الله عليك شفيك على ايش اكذب

حبيبه تفضل شوف مدت الثوب والمنديل له شم ثوبك واضحه ياطلال كنت مع وحده مو حرام عليك ماتخاف من ربك

طلال الي كانت معاي زوجتي مسيار لا يروح فكرك بعيد مو انا الي اروح للحرام

حبيبه يعني ماطلقتها الي كانت عندك ليه كذبت علي وقلت طلقتها عشاني ليه

طلال بكون صريح معاك للاخر الأوليه ماطلقتها المسكينه ترجتني اني اخليها على ذمتي وهي راضيه تكون مسيار وبصراحه مسليتني ليه اطلقها اما الي عندك حق جديدة توني ماخذها وسافرت معاها الدمام هذا الموضوع كله

حبيبه وانا مااملي عينك مو مكفيتك حرام عليك كذبت علي واوهمتني اني كل شي في حياتك والحين تقول عندك ثنتين مسيار انت اكيد مريض ماصدق

طلال عن الغلط ماني مريض بس رجلك يحب الزين ولا تشبعه وحده والشرع حلل لي اربع

حبيبه الشرع الي انت تفسره على كيفك لما حلل لك اربع قال لك لما تكون حرمتك ماهي قايمه بواجبك ونقصت فيه بس انا كل شي اسويه لك وقايمه بواجباتك مثل ماارضي ربي ولا مليت عينك

طلال ليه تزعلين انا عندك هنا يوميا ولا انام الا هنا اما هذيلك بس تسليه اروح لهم بس في النهايه راجع لك

حبيبه تخيل اني انا اروح مع واحد ثاني غيرك شبتسوي

طلال مسكها من فكها بقوه والله اذا قلتي مثل كذا لا تلومين الا نفسك انا رجال وهذا حلله لي ربي اما انتي غصب عليك تصونين نفسك لي وبعدين ليه تزعلين

تركها

حبيبه انا استحاله اجلس معاك خلاص مابيك

طلال فكري ياحبيبتي قبل لا تروحين بيت اهلك انا معيشك هنا معززه ومكرمه وماني مقصر معاك في شي وانتي زوجتي قدام اهلي والناس وام اعيالي ان شالله فكري في عمتي المسكينه لما تشوف بنتها جايه زعلانه شبتقولين لها متزوج علي مسيار

حبيبه وانته الموضوع عادي عندك فيه ثنتين يشاركوني فيك وعادي عندك

طلال انتي الأساس الأوله والأخيره وهذيلك مجرد تسليه شسوي مو بيدي احب الزين ومقدر مااخذه واجربه

حبيبه وانا وحده منهم متى مامليت مني بتتركني

طلال لا والله انتي الأكسجين الي لازم اتنفسه كل يوم قرب منها وحاوطها من خصرها انتي حياتي كلها وانا مستغني عنك يالحبيبه ولا اتخيل حياتي بدونك

حبيبه طيب اذا تحبني صج تسوي الي اقوله لك

طلال لو تطلبين عمري عطيتك

حبيبه طلق حريمك واشوف الأوراق بعيوني

طلال الا هذا الطلب مقدر انفذه هذا شي يخصني انا مو انتي لحد مامل من نفسي بتركهم والحين فكري عدل وعلى راحتك ومتى ماتوصلتي لقرار قوليه لي والحين عن اذنك بروح انام

حبيبه(ماني مستفيده شي اذا رجعت لأهلي اكيد بيغصبوني ارجع له بس ياطلال مثل مانت بتلعب معاي انا بلعب معاك وبشوف ياانا ياانت بس لازم اخططها صح

تناظر فيه وهو نايم اصبر علي ياطلال اذا مافيه احد ياخذ حقي انا باخذه بنفسي)

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وللحديث بقيه

الفصل الرابع والعشرون

ثاني يوم شوشه ونواف راحو المستشفى من الصباح عشان يحضرون العمليه الي خذت وقت طويل لأنها فتح مخ وخاصه لوحده كبيره في السن شوشه كانت طول الوقت عايشه حاله الله يعلم فيها

نواف شوشه جلسي الله يهداك تعبتي من الوقفه

شوشه ليه تأخرو الحين راحت اربع ساعات ولا احد طلع وطمني

نواف قام وجلسها معاه في الكرسي انتي تدرين ان مثل هالعمليات تاخذ وقت بس انتي ادعي ربك يقومها بالسلامه

شوشه ااه يانواف الله يخليها لي وحطت رأسها على كتفه

نواف مسك يدها شرايك نروح الكفتريا ونشرب شي هناك

شوشه لا بجلس هنا يمكن يطلعون في أي وقت

نواف لا ماهم طالعين قومي معاي نشرب شي ونرجع

قومها معاه وراحو الكفتريا

....................

فطوم اوصلت الحساء واعرفت بالي صار لمها وطاحت تهزئ في امون وباقي البنات اما شوشه ماقدرت فيها عشان جدتها بس راحة زارت مها في المستشفى وحالتها الحمد لله للأحسن وراح يطلعونها من المستشفي بعد يومين بس لازم ماتتحرك كثير وتظل منسدحه

................

في امريكا بعد مانتهت العمليه وطمنت شوشه على جدتها ارتاحت بس قالو لها ماتقدر تشوف جدتها الحين لحد بكره عشان يفك البنج منها

نواف الحمد لله على سلامتها ياشريفه

شوشه الله يسلمك والله اني فرحانه جدتي الحمد لله صارت بخير

نواف شكلها وهي فرحان رغم علامات التعب الي باينه في وجها وتحت عيونها الا ان شكلها حلو وابتسامتها زادت حلاتها وكل الي قدر يسويه اخذها بحضنه وباس جبهتها شوشه ارتبكت لأنها حست من حضنه لها

نواف طيب شرايك الحين نطلع ونتمشى وبعدها نتغدا

شوشه انا اليوم بسلم نفسي لك لأني فرحانه كثير وانت عاد وشطارتك ورني

نواف بخبث ترا انا بمسكك من كلمتك سامعه انتي قلتي بسلمين نفسك لي وهذا اولها وباس شفايفها بهدوء

شوشه جمدت مكانها وكأنه احد صب عليها ماي بارد

نواف ههههههه هذا اولها وصرتي كذا اجل لو بطلب شي ثاني

شوشه نواف شفيك شارب شي من هنا

نواف لأماشربت بس وهو يناظر فيها

شوشه اقول خلنا نروح الفندق ونرتاح احسن

نواف وااي كل هذا مستعجله صبري اشوي بعد الغدا

شوشه وجها قلب احمر لأنها افهمت عليه لا انت اليوم فيك شي اجل خلنا نتمشى ابرك

نواف مسك يدها شفيك ترا امزح ابي اسليك بس لا تخافين ترا انا مو متهور في هالمواضيع احب كل شي في وقته لأنه حلو اكيد

شوشه اتركته ومشت عنه لأنها صج استحت كثير

نواف ههههههههههههههههههههههههههههههه

تعالي الله يهداك تحمليني تراني كذا مع ربعي لما اسافر احب اجننهم وامزح معاهم

شوشه وقفت نعم مع ربعك تسوي كذا انت ...

نواف لا وجع لا يروح فكرك بعيد مو انا كذا اعوذ بالله مع ربعي اسوي مقالب ثانيه خاصه مع مطر يعني اكب ماي بارد عليه وهو نايم اطيحه من السرير بس اما انتي

شوشه انا شنهو

نواف تدرين الواحد اذا صار في امريكا يفصخ موليه لا شكلي نسيت روحي تعالي نتمشى واذا رجعنا نشوف شبيصير

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يتبع ,,,,

👇👇👇

تعديل المقال