رواية اسمحيلي من النظره الأولى اوصلك احساسي -20

رواية اسمحيلي من النظره الأولى اوصلك احساسي -20

ليال امسكت عبرتها وابتسمت وراحت سلمت عليهم وانزلت وسلمت على امها وابوها بوسط دموع اهلها على امل انها تعيش مع زوجها بسعاده

فطوم اوصلت الحسا مع نواف وامها واتعبت من الطريق

وكل الي سوته بعد ماسبحت نامت على طول كأنها وحده مانامت من سنه

حبيبه جالسه في الصاله مع مشاعل وموضي يسالفون

موضي الا حبيبه شكلك تعبان خير يابنتي فيك شي

حبيبه هاا ولا شي بس ارهاق(يارب بدا التعب والحمال يبان الله يستر بس لمتى وانا بخبي عليهم)

مشاعل والله طفش شرايكم نروح نتمشى في المجمعات خاطري اكل ايسكريم شرايكم نطلع

حبيبه ماعندي مانع بس روحي جيبي عبايتي وشنطتي من الغرفه

موضي اجل انا بقوم اصلي وانزل عبايتي ونروح

مشاعل يالله بروح واصعدو وظلت حبيبه في الصاله

وسمعت وليد احم احم ياهل البيت

حبيبه عدلت جلالها وتغطت

وليد السلام عليكم

حبيبه وعليكم السلام

وليد وينهم مافيه احد

حبيبه توهم صاعدين فوق بيصلون ونروح المجمع بعدها

وليد طيب مرت اخوي صار على موضوعي ترا الجامعه ردت علي والسفر بعد اربع شهور وانا قلت نتزوج طلال هالفتره وتجهز نفسها لسفر معاي

حبيبه كسر خاطرها من كثر ماماطلت في سالفته اسمع اليوم بقولك الرد والي فيه الخير يقدمه ربك

وليد ان شالله الله يخليك يامرت اخوي

الا والأعصار طلال داخل عليهم حق منهو يخليها ونظراته تخوف

وليد لنا ان شالله عن اذنكم وصعد غرفته

طلال شعندك معاه بروحكم الحين

حبيبه ولا شي كان يسألني عن شي يبقاه

طلال شنهو الي يبقاه

حبيبه مالك خص فيه

طلال نعم شقلتي مالي خص وقف عندها وسبها من ذراعها ووقفها قباله بتقولين احسن لك ولا بروح اسأله ترا مو عاجبني الوضع بينكم وكثرة الأسرار

حبيبه كان يسأل عن كتب اذا هي عندي عشان تكون معاه لما يسافر

طلال كتب بس متأكده

حبيبه ايه واذا مو مصدق روح سأله عادي وبعدين انت ماقلت انك اليوم بتكون عند الأولى ليه جيت اصلا

طلال لا والله هذا بيتي واجي فيه على كيفي سامعه واعناد فيك اليله عندك يالله تعالي معاي فوق سحبها عشان يصعد الدرج معاها

حبيبه اتركني ماني لعبه على كيفك تجي وعلى كيفك تروح لا ياشاطر انا اصلا خلاص صرت ماشتهيك وانقرف منك احس انك قذر وكبدي لايعه منك

طلال مايهمني اذا تبيني ولا لأ المهم انا متى مابقيتك والحين لعانه انا ابيك الحين وقرب منها وباسها بقوه وصار يزيد

حبيبه وخر استخفيت هنا وبعدين انا ماراح انفعك اليوم لا تفرح

طلال حلفي على كيفك تحددين الموضوع بكيفي انا سامعه

حبيبه والله السموحه منك بس انا ماعلي صلاه اليوم توها شرفت سوري

طلال عصب ودفها بقوه زين الوعد بعدين وطلع وكل شياطينه في وجهه

مشاعل نازله شفيه معصب

حبيبه ماعليك منه يالله خلينا نطلع احسن

نواف حيالله شوشه تو مانور البيت

شوشه منور بأهله بس وين فطوم مشتاقه لها

نواف نايمه تدرين تعبانه من الطريق

شوشه وليه كذبت علي وقلت اهي صاحيه وخليتني اجي حرام عليك شبيقولون اهلك عني الحين

نواف محد بيتكلم لأنه امي بعد نايمه مع فطوم في نفس الغرفه وابوي وسالم طالعين

شوشه ازعلت ووقفت انا الحماره الي صدقتك بمشي

عدلت شيلتها وتوها بتطلع

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طول الطريق كان الصمت هو حوارهم ليال قلبها يدق من الي جاي كيف بندر بيعاملها وكيف اهله بيستقبلونها وكل ماحاولت تناظر فيه لمحه بسيطه وترجع تنزل عيونها ياهي مشتاقه له وودها تصرخ وتقول احببببببببك بس افتح قلبك لي مره ثانيه واوعدك بالسعاده معاي بس كانت تعابير وجه بندر الصلابه ولا كأنه معاه وحده راكبه اصلا الله يساعدك ياليال على الي جاااااااااااااااااااي

نواف مسكها وقربها لحضنه وين بتروحين انا ماصدقت وخليتك تجين

شوشه ثاني مره ماراح اصدقك خلاص ومشكوره على الحركه البايخه الي سويتها فيني

نواف أي حركه تقصدين هذي ولا الحين وبسرعه يبوسها على شفايفها ويقربها اكثر واكثر ولما حست شوشه ان بدا يتمادى وحاول يفتح ازرار بلوزتها

اصرخت بقوه لا مابي حرام عليك وخر عني

نواف سكتي لا تفضحينا مع صوتك وبعدين ليه خايفه الي يصير حلال ولا انا غلطان

شوشه لا مابي مو على كيفك برجع البيت

نواف ماتبيني ياشوشتي انا للحين ماسك نفسي عنك بس بعدين مدري يمكن اتهور معاك

شوشه لا حرام عليك والله بزعل منك نواف ابي ارجع البيت

نواف اااه منك تعبتيني لمتى وياك بس انا بوصلك البيت ولا اسمعك تركبين مع السواق في وقت متأخر سامعه مشينا يابنت عبدالرحمن ضيعتي علوم نواف

والي ماكانو يعرفونه اثنينهم ان ام نواف كانت تتسمع عليهم ولا عجبها الكلام الي اسمعته

؟؟؟؟؟؟؟؟؟؟؟؟؟؟؟؟؟؟

طلال في الغرفه ويدخن سيجارته كالعاده ويفكر

( ليه تغيرتي ياحبيبه ونفسي اصدقك بس انتي واخوي مدري شبينكم احس بنار الغيره وخاطري اعرف وليد في ايش احسن مني) وقطع عليه صوت

شوق الحلو وين سرحان وتلمس شعره

طلال فكيني ماني رايق لك خليني بروحي

شوق افااا وانا الحين لابسه لك الأحمر وطالبه لنا عشى

عشان حبيبي عندي اليوم شنهو تاعبك قول لي

طلال حبيبه متغيره علي ومدري شفيها

شوق بغيره بصراحه انا مدري شتبقى فيها خاصه لما شفتها في حفله للمدرسه عاديه ولا تلوق لك طلقها ياطلال وانا الي بسعدك وماراح اخليك تتكدر ابد بونسك طول منت معاي

طلال اطلقها مره وحده انتي ماتعرفين حبيبه شنهو لي ولا تحطين راسك براسها وتبين الصج انا مليت منك انتي

انتي طاااااااااااااااااااااااااااااالق وبكره اورقتك جايه لك

وطلع وسط فجعة شوق ودموعها وتوسلها له

اوصلت ليال مع بندر بيتهم ودخل السياره في الكراج وصاروا عيال اخوانه ينقزون من الفرح لأنهم عارفين ان ليال بترجع اليوم معاه وراحو يبشرونهم

ليال كانت خايفه من ردة فعلهم وهل راح يستقبلونها ويرحبون فيها بس ارتاحت لما شافت طرفه وبدور واقفين عند الباب ينتظرونها وهم يبتسمون وتوها بتنزل

بندر مساكين مايدرون شسويتي ولا لو كانو يعرفون صدقيني كان ماشفتي احد فكر يناظر وجهك

نزل من السياره ولا انتظر ردها وهي انزلت وراحت لهم وسلمو عليها بحراره بس الي وجع قلبها نظرة بندر لها

حست كأنها احقر وحده في العالم ودخل مجلس الرجال مع اخوانه ونسباه

بدور حيالله ليال نور البيت

طرفه الحين البيت بس نور حياك

ليال الله يحيكم والبيت منور فيكم

ادخلت عند الممر ووقفت مدري خايفه احس ان محد بيستقبلني

بدور اقول الله يهداك انتي ماتدرين انهم ينتظرونك من العصر يالله دخلي

طرفه لا تدلعين علينا هذا بيتك ومحدب يتغير عليك

افصخت عبايتها وعدلت شكلها في المرايه يالله بنات ندخل

بدور وطرفه لا منقدر على هالزين

طرفه لا خطيره ياليال من جد انتي تغيرتي

بدور من قدك يابندر الزين ذه كله لك وتغمز لها

ليال شفيكم احرجتوني ترا اول مره اسوي كذا الله يعافي شوشه ماقصرت معاي

طرفه والله الله يعافيها حلوه يابنت الأيه خلونا ندخل

ادخلو وماقول لكم فيه من فرح بجيت ليال وفيه لأ بس الأكيد الجده لما شافتها احضنها كثير وعاتبتها بس افرحت لما شافتها حتى ابو بندر دخل وسلم عليها وكان مبسوط انها أرجعت اما جميله ونضوه فكانت رجعتها لهم هم كبير خاصه جميله لأنه بندر تزوج اختها العنود وانقهرت مثل اختها لما اعرفت انه بندر بيرجعها وام بندر اكيد عاتبتها حتى وهي ماتعرف السبب كانت تقول لها ان الوحده ماتطلع عن شور رجلها لو يكون شيكون

المهم اجلسو وسالفو وليال حست براحه كبيره صحيح كانت خايفه منهم وكيف بيستقبلونها بس الجده والبنات كانو محسسينها انها ماكأنها غابت عنهم شهور

وبعد ساعتين دخل بندر عليهم وسلم على اهله وجلس عند جدته وكان مسوي روحه ثقيل ولا عبر ليال بنظره بس تدرون اهو من اول مادخل لمحها وماصدق الي شافه مو معقوله ليال صارت احلى من قبل وكل اشوي يرفع اعيونه عشان يناظرها

الجده اليوم نور بيتنا يابنتي من قبل كان اظلم ولا عاد تسوينها مرة ثانيه وتطلعين من البيت واذا زعلك بنيدر تعالي حجرتي

ام بندر الله لا يجيب الزعل ان شالله لهم

بندر ماعلق بس كان منبهر بشكلها الجديد

ادخلت بخطوات الثقه والغرور السلام عليكم

الكل وعليكم السلام

ليال اول ماشافتها بدون محد يقول اعرفتها انه زوجته الثانيه ,طويله وشعرها طويل واسود ناعم وبيضا وملامحها ناعمه ليال هنا بدت تقارن نفسها معاها من الطول ولا قصة شعرها كثير بس في نفسها(لا انا احلى منها واحسن واذا بيضا وشعرها طويل بعد انا سويت مثل الموضه وطلعت حلوه,مدري كيف بتحمل وحده تشاركني فيك)

ام بندر ياليال هذي العنود مرت بندر الثانيه واخت جميله

العنود جات عندها وسلمت على ليال باليد ان شالله نكون زينات مع بعض

وراحت أجلست جنب بندر

ليال هنا؟؟؟؟؟حست بنار الغيره والندم يقطع قلبها انها ضيعت بندر من ايدينها في وقت كان يتمنى رضاها عليه

بعد ماتعشو راحت ليال مع الجده في غرفتها

الجده تعالي يابنتي اجلسي هنا الحين ابقي اعرف سالفتك مع بندر ليه طلقك صار بينكم بندر مارضى يعلم ولا انتي

ليال بصراحه ياجدتي مدري شقول بس فيه مشاكل بين الزوجين تصير ومايتفقون عليها وفي لحظه عصبيه يصير الطلاق صارت بينا تختلاف فب وجهات النظر وعصب ماعجبه ردي ولا الومه لأني انا غلطانه بس والله ندمانه كثير ومابيدي شي الحين

الجده الي صار صار عاد انتي وشطارتك اكسبي رجلك مره ثانيه وخليه يعدل بينك وبين العنود والله يسعدك ان شالله

ليال ان شالله والحين اسمحيلي بروح غرفتي عشان ارتاح

اصعدت غرفتها ومثل ماأهي ماتغيرت بس بندر ماهو فيها ادخلت غرفة النوم وشافت شراشف السرير والطراحات جديدة وريحة الغرفه مبخره بالعود واورقه صغيره على المخده خذتها وقرتها

(حاولنا نغير شي في الغرفه وان شالله يعجبك وشي ثاني روحي لدولابك فيه هديه متواضعه من خواتك ان شالله تعجبك ولازم تلبسينها مع محبتنا طرفه وبدور)

امسحت دمعتها انه ربها عطاها خوات مثلهم

وراحت الولاب عشان تشوف الهديه ولما افتحتها كانت علبه قميص نوم ناعم وحلو

واذا لبسته المشكله ان بندر ماهو موجود ولا اظن انه بيعبرني وراحت لشنطتها وبدت ترتب اغراضها واسمعت تسكيرة باب الصاله لجناحها قلبها صار يدق بقوه لحد ماشافت بندر واقف قدامها كان السكوت بينهم وبندر يناظرها من فوق لتحت

ليال حاولت تكسر حاجز الصمت بينهم ان شالله عجبتك بعد التغير

بندر مو مهم عندي تغيرتي لنفسك انا جاي بس عشان ارجعك لذمتي ولا تفكرين اني بكون عندك هنا نومتي عند العنود سامعه

ليال بنفس مكسوره الي يريحك سواه

بندر ماني مقصر معاك بأي شي ومصروفك بيجيك كل شهر واي شي ثاني تبغينه قوليه

ليال الله يعافيك

بندر وشي ثاني ومهم عندي العنود حامل وماابقاها تشتغل كثير في البيت او تتحرك كثير ياليت تشتغلين بدالها وتساعدينهم تحت وابيك تشوفين طلبات العنود حتى الأكل تجبينه لغرفتها اذا بغت

ليال لا حدك لو سمحت انا ماجيت هنا شغاله ولا ضربتك على يدك عشان ترجعني انا اصلا ماابقاك ونظرتي فيك ماتغيرت واذا وافقت ارجع بس عشان عمي وجدتي والبنات لأني شفت الحب والأحترام لي منهم

بندر هذا ليال الي اعرفها ام السان طويل ظهري على حقيقتك

ليال لوسمحت بندر روح لحرمتك وكف شرك عني انا مابي اتهاوش معاك

بندر كلامي كان واضح جاي ارجعك على ذمتي

ليال وانا الحين مارجعت خلاص هذا انا جيت بيتك

بندر مشكلتك ماتعرفين في الدين بس انا سألت كم شيخ وقالو اني لازم انام معاك عشان ترجعين لي ولا لو علي مافكرة المسك

ليال لا عادي انا مسامحتك من نومتك معاي روح لحبيبتك وشخر وياها الله يهنيكم مع بعض (والله كذابه كانت ميته من الغيره وودها تحضنه وتصيح على صدره لحد مايسامحها )

انا ليه اطولها معاك خلصي تعالي عشان ارجع للعنود

وبلا هذره زايده رواحي طفى انوار الغرفه وراح لسرير

ليال حبت تغيضه اشوي البست قميص النوم الي من خواته وتعطرت

وطلعت من الغرفه وراحت الصاله واجلست على الكنب بعد ماشغلت التي في وكانت خايفه اشوي من ردة فعله

بندر طالع الصاله واول ماشافها( لا هذي الي تبي تخبلني عارفه نقطة ضعفي معاك بس لأ يابندر خلك قوي هذي الي احرمتك من العيال وكانت تكرهك لا تضعف قدامها)

شكلك مافهمتي كلامي صح وناويه افهمك بطريقه ثانيه

سحبها من يدها وصارت قباله

ليال بندر والله اسفه وندمانه على الي سويته وابي ابتدي معاك من جديد وحاوطته من ارقبته وتلمس شعره

بندر عمرك شفتي احد يأمن نفسه مع حيه ذاك اول ياشاطره لما اشوف عيونك تترجاني وانفذ الي تبينه

ليال والله تغيرت وندمانه وان شالله ماراح تشوف مني الا كل حب ورمانسيه وان شالله تكون راضي عني

بندر ههههههه حب ورومانسيه مره وحده بشري الحين اعلمك الرومانسيه كيف تكون

وسحبها للغرفه وكان صادق بوعده خلاها تكره اليوم الي جات فيه معاه من الي شافته ###%$$$

.............................

مطر يكلم فطوم جوال شلونج حبيبتي احسن اليوم

فطوم الحمدلله بس تعب الطريق بان على جسمي

مطر قلت لج تمي عندي اسبوع وبعدين انا اجيبج عند اهلج مارضيتي لازم الوجع الحين

فطوم لا تشغل بالك كم يوم واخف ان شالله بس انت متى بتجي

مطر يوم الخميس ان شالله ياني مشتاق لج ولغيث شلونه حبيب أبوه نايم الحين ولا صاحي

فطوم لا توه نام امس كان يصيح كثير ولا هدا الا قبل اشوي

مطر فطيم اكلم نواف يوديه المستشفى ليكون الولد فيه شي

فطوم لا تخاف امي عندها خبره في هالأمور وبس حطت له في الرضاعه نعناع هدا اشوي

مطر لا لازم اطمن وان شالله لجيت بوديه المستشفى

فطوم شكلك نسيت امه والحين اولدك صار كل شي لك

مطر انا مااستغني عن حبيبتي وام اولدي بس شقول الي بعد بينا المسافات بس انتي هني متربعه بقلبي وانا انتظرك بس ثلاثين يوم وبعدين بجي اخذك

فطوم لا ثلاثين انا يبيلي على الأقل ستين يوم عشان ترجع عافيتي

مطر هاا كم لا هب صاحيه بس الحين بخليج ولما اجي نتفاهم الا وين عمتي بسلم عليها

فطوم اطلعت قالت بتروح مشوار بس ماهي متأخره

مطر اجل سلمي عليها اقول فطيم

فطوم امر ياعيوني وتنعم صوتها

مطر لا دوخيني برمستج هاي وتنعمين صوتج ترا بسرعه اخق عليج واترك كل شي وماتشوفيني الا عندج اليوم ونايم في حضنج

فطوم بدلع اتحداااااااااااااااااااااااااك

مطر وان ولد ابوي تتحديني زين يافطيم اليوم انا عندج

.............................

حبيبه بانت النساه عليها وخايفه يعرفون وهي ماقالت لهم للحين وصارت ماتشتهي الأكل ولما شافت العشا حطوه تعذرت لهم انها شبعانه وراحت لغرفتها وهي داخله اسمعت طلال يكلم جوال

طلال خلاص يانوف مقدر على ازعلك اليله انا عندك ولا يهمك

نوف اجل بنتظرك على العشا

طلال الا شرايك انا عازمك على مطعم خلك جاهزه نص ساعه وانا عندك وسكر

حبيبه لا ماشالله عليك تعرف ربك وتعدل بعد مع حريمك مثل ماعشيتني امس اليوم صار دورها بس ان شالله عدلت مع الأوليه ترا حرام النار حاااااااااااره

طلال حبيبه انتي تعرفيني وانا قايل لك مالها داعي الغيره الزايده انتي تعرفين اهم ايش بالنسبه لي

حبيبه لا معرف انا شنهو بالنسبه لك ولا اهم خلاص تعبت ياطلال منك لمتى وانت على هالحال كل يوم لك حرمه وانا مخليني واجه لك قدام الناس بس الي ماتعرفه انك كل يوم لما اسمعك بتروح مع وحده من حريمك اتعذب والله اتعذب وصارت تصيح من قلبها

طلال حبيبه انتي روحي وقلبي وهم بس مجرد تسليه والله

حبيبه تمسح دموعها تسليه طيب ودني بيت اهلي وبنام عندهم اليوم بعد

طلال لا مافي نوم اذا خلصت مشواري برجع اخذك

حبيبه ياأخي ماتفهم مااشتهيك من عقب وحده ثانيه توك جاي منها يالخايس

طلال والله مافي احد خايس الا انتي وتدرين احسن ذلفي عند اهلك عشان ماأرجع بنام عندها انا احب الوناسه ووساعة الصدر ماحب وحده تنكد علي يالله انتظرك في السياره

........................................

شوشه حيالله خالتي شلونك وشلون فطوم ان شالله احسن اليوم

ام نواف الحمدلله احسن

شوشه نور البيت بقدومك خالتي عن اذنك اشوي

ام نواف تعالي يابنتي انا مبقى شي بس بصراحه عندي كلمتين بقولها وبمشي

شوشه خير خالتي

ام نواف انا مو جايه الف وادور عليك وبصراحه مو عاجبتني طريقتك انتي ونواف اهو ينام في بيت وانتي في بيت الي اعرفه المتزوجين يكونون مع بعض في نفس البيت

شوشه كلامك صحيح ياخالتي بس انا ظروف زواجي من نواف كانت بسبب جدتي الله يرحمها اهو ماقصر معاي ووقف وقفة ارجال وماراح انساها له

ام نواف يعني زواجكم كان لمجرد خدمه وبس بقيتي اولدي عشان يكون معاك في السفر محرم وبس والحين جدتك الله يرحمها واذا انتي مو عاجبك اولدي طلبي الطلاق منه سامحيني ياشريفه بس انا ام وابي افرح في اولدي واشوف اعياله قبل لا موت

شوشه لك طولة العمر خالتي

ام نواف سمعيني يابنتي بصراحه انتي شكلك ماتبينه خلاص طلبي منه يطلق وهذا انتي عندك اخوك وابوك صار عندك احد في البيت يونسك الله يعافيك ياشريفه ابي افرح في اولدي عن قريب وانا للحين خاطري في البنت الي تكلمنا عليها له

شوشه تحاول تكتم عبرتها وحزنها كيف تترك نواف وهو صار كل شي في حياتها لازم تسمع صوته في اليوم اكثر من مره وتشوفه بعد الحين بكل سهوله امه تطلب منها انها تطلب الطلاق

خلاص خالتي ولا يصير خاطرك الا طيب ومثل ماتبين بيصير وان شالله بتفرحين في نواف وتشوفين اعياله

ام نواف سامحيني يابنتي بس لو انتي كنتي تبين نواف كان عجلتي في زواجكم وصرتي عنده الحين بس شكلك

انتي حابه تظلين مع ابوك وخوك سامحيني يابنتي كنت قاسيه معاك بس ابي افرح في اولدي وانتي الله يسعدك

شوشه امين ياخالتي

اطلعت ام نواف واتركت شوشه بقلب مفجوع من طلبها كيف تطلب من حبيبها يتركها وهي الي تعلقت فيه استسلمت لدموعها وحزنها وحسرتها

..............................

ماأصعب الفرااااااااق ولحظااااااااات الودااااااااااااااااااع

وللحديث بقيه

الفصل التاسع والعشرون

مضت الأيام على ابطالنا وكانت فيها قلوب محطمه وقلوب مجروحه وقلوب حزينه

حبيبه لم تعد لبيتها وفضلت البقاء عند أمها بحجة انها تحتاج للعنايه عندما مرضت ولكنها كانت تهرب من مواجهة طلال لم تعد قادره هي تحبه وتعشقه رغم افعاله ولكن لم تعد تتحمل ان هناك نساء في حياته

شوشه هربت من لقاء نواف خلال هذه الأيام حتى امتنعت عن مكالمته كانت خائفه ان تتعلق به اكثر رغم سؤاله المستمر عنها وعن سبب بعدها الا انها فضلت ان تنسحب من حياته لتلبي رغبة امه

مها رغم جروحها وألامها وحزنها على فراق من تحب ورغم محاولات عماد المستميته لكي يقابلها ويتحدث معها ويطلب رضاها الا ان بسمه ابنتها الصغيره جعلت للحياه معنى لها وعاهدت نفسها بأن تكون ألام والاب لأبنتها وتنسى مأساتها

فطوم السعاده تملكها بين يديها فلديها زوج يعشقها ويموت فيها ولديها ابن رائع سيملي حياتها الا ان هناك موضوع يشغل بالها وقد عزمت على تنفيذه ولكن عندما يحين وقته

ليال كانت تقضي كل ليله وهي تحضن وسادة بندر وتبكي على شخص احبها وعشقها والأن ماتت مشاعره لها فقد كانت تشعر بالغيره عندما تراه يخرج مع زوجته او يضحك معاها ويكفي انها تنام بجواره كل يوم ,وهذا لم يمنع العنود من حرق قلبها اكثر من مره عندما تتغنج على بندر امام عينها وتترك انسانه كل يوم تذبل وتتحطم

.......................

شوشه غريبه صارت الساعه 12 وابوي ماجلس للحين بروح اشوفه

اصعدت غرفته ودقت الباب ومارد افتحت الباب وادخلت وشافته للحين على السرير وشكله نايم راحت له وصارت تصحيه لكن عبد الرحمن مايرد شوشه صرخت وبدت تصيح ماهي عارفه شتسوي وكلمت نواف وعلى طول جاه عندها وطلب الأسعاف وشالوه للمستشفى

وكانت شوشه طول الوقت تصيح خايفه تخسر ابوها ونواف يهدي فيها

..............

ليال كانت جالسه مع الجده في الصاله وكانت اهي الي مسليتها كثير لأنه طرفه بعد ماترجع من الجامعه تنام وبدور في هالوقت تحب تقرا في غرفتها بهدوء والبيت فاضي تقريبا لحد مايصير وقت الغدا

الجده اقول ليال وراه يابنتي كل يوم اشوفك تذبلين ووجهك اصفر انتي ماتاكلين

ليال لا اكل الحمدلله

الجده بندر يجي عندك مثل مايجي عند العنود

ليال هاا ايه يجي عندي يوم عندها ويوم عندي

الجده زين الحمدلله انه يعدل

واشوي تدخل العنود وكانت ماسكه ظهرها وتمشي بشويش سلمت واجلست ياربي الحمال تاعبني

الجده بنات هاليومين مثل الريشه ابد ماتبي شي يوجعها ايه على زمان اول الوحده منا حامل وتشتغل عن عشر ارجال

العنود يووووووه ياجده اول غير والحين غير اقول اختي ليال ولا عليك امر بس مشتهيه عصير برتقال طازج ياليت تسوينه لي

الجده وراه ماتطلبينه من الشغاله

العنود لا محب من ايدين الشغاله

ليال لا عادي الحين اسويه لك وقامت المطبخ

الجده يالي ماتستحين على وجهك خدامه هي عندك

العنود جده ليه تكبرين الموضوع عادي طلبت عصير بس

(صبري علي والله أخليك ترجعين مثل ماجيتي)

............................

نواف طمنا يادكتور

شوشه ابوي شفيه يادكتور

الدكتور بصراحه الوالد بعد التحاليل طلع عندوه السكر ولازم ياخذ ابر عليها

شوشه السكر بس ابوي ماكان يشكي من شي

الدكتور ياستي السكر مالوه صديق في أي وقت يجي حتى مع التفكير او الزعل

نواف يعني الحين لازم ابر له

الدكتور ايوه بس انا حتابع معاه واعطيه حبوب وان شالله بعدها ينتظم عنده ومايحتاج الأبر

شوشه طيب دكتور يستدعي يظل هنا

دكتور لا ياقمر ابوكي حيخرج معاكي خلاص انبسطتي

نواف بكل غيره مشكور يادكتور عطلناك وسحب شوشه من يدها ومشى معاها

شوشه نواف شفيك جار خروف معاك

نواف خروف هاا وانتي مبسوطه يقول لك ياقمر لو ماكان دكتور كان عرفت كيف ارد عليه

شوشه نواف انا خايفه على ابوي شفيك

نواف اقول دخلي الغرفه خلينا نطلع مع عمي

............................

مطر شايل غيث ويحب فيه لا صاير هالأسبوع غير ياحلاته

فطوم عليك صاير حلو

مطر احم احم ياحرمه لا تتغزلين فيني هنا ترا اتهور معاج

فطوم انت ماتدري انا شكثر مشتاقه لك

مطر لا السالفة فيها شوق قام وحط غيث على سريره وراح جلس على حافة السرير الي جالسه فيه فطوم وحضنها وباس خدها

يابنت خلاص كفايه حدج نهاية الشهر وترجعين معاي

فطوم لا حرام عليك يبقالي شهر ثاني حتى اسأل امي

مطر لا اسأل امج ادري انها بتقول يبي لها تبي تخليج عندها بعد لا ياحرمه انتي ماتعرفين منقود عند العرب الحرمه تودر ريلها لحاله

فطوم لا الحين صار منقود طيب حبيبي وعيوني وقلبي

فيه طلب بقولك اياه وان شالله ماتكسفني

مطر لا ماروم على هالكلام والله ماروم وباسها في شفايفها واخذ راحته معاها ^______________^

فطوم خلاص مطر لحد يدخل علينا وبعدين لا ضيع السالفة

مطر رمسي اسمعج شو عندج

فطوم انا بتكلم معاك بجد مطر انا ابيك تستقيل من وظيفتك وتشتغل مع عمي

مطر شو استقيل ليه ان شالله

فطوم مطر انت شغلتك خطيره وانت شفت بنفسك شصار فينا ذاك اليوم وانا ماعلمت احد من اهلي ولا كان سوو لك مشكله

مطر فطيم انا مادرست طول السنين الي راحت العب فيها انا حاب وظيفتي ومن كنت اصغير وانا ابي اصير ضابط شو بلاش

فطوم مطر الحين عندنا ولد وماعندي استعداد اخسرك بسبب اعملك ولا افرض اخطفوني مره ثانيه ولا اخطفو اولدي والله بموت لو صار في غيث شي لازم تختار

مطر الله يهداج بس ولا تفكرين وربج يحمينا واذا رجعنا ناوي احط حراسه على البيت وحتى لج انتي اذا طلعتي من البيت بيصير معاج حراس خاصين خلاص

فطوم وبس بنقضي حياتنا بخوف اجل اسمع انا اقول لك من الحين انا واولدك في كفه وشغلتك في كفه ثانيه واذا اخترت شغلتك ماني راجعه معاك سامع ماني بايعه عمري ولا عمر اولدي

مطر الظاهر انتي متغيظه الحين اخليج وباليل اجيك

فطوم الكلام الي عندي قلته واختار و بلغني باليل

مطر مو انتي الي تقررين حياتي انا مادرست طول اليالي الا عشان اصير مثل ماابي تعوذي من ابليس وانوي خير والي كاتبه ربج بيصير

فطوم اجل يامطر ماني راجعه معاك بظل هنا ومتى ماولهت علينا تعال زورنا

مطر قام وهو معصب الكلام معاج ضايع انا برجع الأمارت ولما ارجع هنا لي كلام ثاني سامعه

طلع وكان معصب ركب سيارته ومشي للأمارت

.........................

في بيت مها

عماد والله ياعمي ماكنت في وعي تنقطع يديني الي ضربتها انا اضرب روحي وقلبي مستحيل

ابو مها والله ياولدي الي صار لمها ماهو هين ولا سهل انت ماشفتها اول ماضربتها توقعنا نخسرها الله يطول بعمرها والحين صعب ترضى ترجع لك

عماد طيب انا ابي اقابلها واكلمها الله يطول في عمرك عمي اقنعها تجي

ابو مها صعب كثير البنت رافضه تشوفك وتبي الطلاق وبنتك متى ماحبيت تشوفها تعال حياك الله

عماد طيب ياعمي انا بعطيها كم شهر تفكر يمكن ترجع عن قرارها واذا اصرت على الطلاق بسوي الي تبيه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في بيت بندر في المطبخ

جميله اقول ليال ولا عليك امر كملي الغدا عني بروح اريح

ليال طيب مافي مشكله

جميله ايه ولا تنسين تسوين السلطه اذا ممكن وعندك الصحون غسليها لأني باخذ الشغاله معي تنظف غرفتي

ليال(مدري اشتغل عندك ولا عند ابوك ااااه كل هذا عشانك يابندر) خلاص انا بسوي كل شي

جميله(سويه وبتشوفين الي جايك منا) ابتسمت لها واطلعت وخذت الشغاله

وتركت ليال وسط عبرتها وألمها وبدت تكمل شغلها

طرفه جايه من الجامعه والبيت كان فاضي الكل في غرفته

وراحت المطبخ بس شافت ليال واقفه تغسل الصحون وتمسح دموعها

طرفه ليال ليه تغسلين الصحون وين الشغاله

ليال تمسح دموعها بسرعه هاا الشغاله مشغوله مع جميله وانا بكمل الشغل عنها

طرفه اقول اتركي من يدك كل شي وخليه للشغاله اذا جات

ليال لا عادي انا بكمل شغلي اصلا مسليني

طرفه امسكت ليال من يدها وطلعتها من المطبخ

وجميله مقبله عليهم

طرفه لو سمحتي يامرت اخوي على ماعتقد عندنا شغاله تغسل وتنظف ماله داعي ليال تسوي

جميله يوووووووه ياطرفه علامك كلها قلنا تكمل الغدا وتغسل كم صحن عادي

ليال خلاص طرفه انا عادي عندي

طرفه لا مو عادي

وصوت توه داخل عليهم على ايش مو عادي

طرفه يرضيك ياخوي ان حرمتك يصير كل الشغل على راسها والله عيب علينا ماخذنا بنت الناس عشان تشتغل عندنا

جميله الله يهداك ياطرفه كبرتي الموضوع وليال عادي عندها تبي تساعدنا

بندر خليها تشتغل على الأقل تحلل جلستها هنا في البيت

طرفه بندر شفيك مو لهدرجه

بندر اقول انتي روحي غرفتك ولا تهذرين زياده وانتي يقصد ليال انا طالع غرفتي عند العنود جيبي غدانا هناك سامعه وصعد لغرفته

ليال وهي تشوف شماتت جميله وطرفه تواسيها انزلت دمعتها غصب عليها( انا الي استاهل جيت وذليت نفسي بس عشان ارضيك انا ليال الي كنت ناجحه في عملي وكان ينتظرني مستقبل ناجح ذليت نفسي لك ولغيرك) راحت اصعدت غرفتها وقفلت الباب عليها

طرفه لا هذي حاله ماينسكت عنها وراحت غرفة جدتها وشافت ابوها هناك مع امه جالسين يسالفون واول مادخلت صاحت عندهم

ابو بندر طروف حبيبتي من زعلك قولي

الجده يابنت تهاوشتي في جامعتك تكلمي

بدور توها داخله عليهم سلمت واستغربت صياح طرفه خير طروف ليه تبكي

ابو بندر مدري ماهي قايله طروف بنتي تكلمي

بدور طروف من ضايقك قولي وشوفي شبسوي له

الجده تكلمي فطرتي قلوبنا يامال الصمخ

طرفه وهي تمسح دموعها يبه انت ترضى احد ينظلم في بيتك

ابو بندر ظلم في بيتي اعوذ بالله ومن المظلوم

طرفه مرت اولدك ليال ليه بندر يقهرها وليه جميله تقهرها بعد

الجده شلون فهمينا

طرفه قالت الي شافته قدام عيونها وكان قلبها يتقطع على حال ليال

ابو بندر افااا جايب بنت الناس عشان يذلها ماهي الهقوه يابندر

بدور اجل سمعو الي انا كنت اشوفه كم مره اشوف العنود تطلب منها تجيب لها اكل ولا تسوي لها عصير ولا تنزل عنها صينية الأكل وهي ماتتكلم ولا تعترض

الجده اااه من عنيده انا اوريها بس لما اشوفها وليال الله يهداها ليه ماتتفاهم مع بندر لي صارو بروحهم

بدور ومن قال ان ولدكم اصلا يجلس عندها في الغرفه ولا ينام ولدكم من جابها ولا يدري عنها وانا تأكدت من نفسي لما سمعت العنود تقول لأختها انه جميله انه كله عندها وهي ماكأنه يشوفها وشفته صج كل يوم يروح غرفة العنود وليال مايدري عنها

الجده ياويلي على المسكينه وانا لما سألتها قالت انه يعدل بينهم بس اوريك يابنيدر

ابو بندر هذا اخرتها انا يصير عندي احد في بيتي ينذل وينهان وينظلم ياليت قلتو لي من قبل كان عرفت احط حد للمهزله هذي

طرفه يبه انت ماتحب احد ينقهر في بيتك وليال ماشفنا منها الا كل خير ولازم توقفهم عند حدهم مسوينها شغاله لهم والله حرام

ابو بندر يصير خير قام وطلع

بندر اخذ الغدا من الشغاله وقالت له ان ليال راحت غرفتها ولا حطته وان ماما جميله اهي يحط غدا لهم بعد مادخل الغدا طلع وراح لغرفة ليال وشاف الباب مسكر

بندر لويل فتحي الباب.... فتحي لكسره على راسك

ليال تستجمع قوتها وتفتح الباب

بندر دفها لداخل وسكر الباب وراه ليه ماجبتي الغدا لنا على ماعتقد مرت اخوي مو شغاله لنا عشان تحط غداي

ليال وانا مو شغاله لكم عشان تذلوني وعلى ماعتقد عندك حرمه ثانيه خلها اهي تحط غداك وتجيبه لغرفتك

بندر وليه اتعبها وهي حامل وانتي ماعندك شي فاضيه حللي لقمتك عندي

ليال من الأخر طلقني انا ماجيت عشان انهان وانقهر هنا انا بنت ابوي عمري محد غلط علي

بندر ترا الي اسويه فيك اشوي انتي لو تدرين لو كانو يعرفون حقيقتك وسويتي لي كان مافكرو حتى يناظرون وجهك

ليال انت ماعندك الا هالسالفه ماسكها علي يعني اذا اعرفو اهلك بطلقني وتريحني من مقابل وجهك ووجه حرمتك خلاص انا بريحك وبقول لأهلك الحين سبب زعلك مني وبعدها ياليت اطلقني

واطلعت من الغرفه وراحت غرفة الجده واستأذنت الدخول وشافت الجده وبدور وطرفه وام بندر كانو يعلمونها بالي صار واول مادخلت سلمت عليهم

الجده تعالي يابنتي انا زعلانه عليك كذبتي علي

ام بندر الله يهداك يابنيتي يوم ان شفتيهم تمادو كان حكيتي لنا احنا مانرضى لحد ينهان عندنا وانتي حرمة ولدنا

ليال معليه تسمعوني اشوي واتمنى ماتقاطعوني احم

انا جيت والكلام الي بقوله يمكن يزعلكم مني بس الي لازم تعرفونه والله غصب عني سويته وكنت خايفه مكنت ادري كيف بتكون حياتي مع بندر الي صار انه انا رحت المستشفى وطلبت من الدكتوره ..

يدخل بندر عليهم واسكتت ليال انتي هنا وانا ادورك

ليال ابقي اريحك واريح روحي ومابيك تلتزم معاي

ام بندر حد يفهمنا السالفة

الجده وراكم ساكتين

البنات طرفه وبدور يبقون يعرفون بعد

ليال السالفة اني يقاطعها بندر

يتبع ,,,,

👇👇👇

تعديل المقال