رواية كنت احسبك مني قريب لكن طلعت قريب بشكل ثاني -21
القسم الاول من البارت الثلاثين
عند ريما وخالد
"ريما:بصفتي زوجتكـ..وبصفتي البنت اللي تقول انك تحبها..!!"
التفت خالد لريما بدون اي كلمه مرت ثواني معدودة وكل واحد منهم معلق نظره بالثاني
قال خالد وهو مانزل نظره عن ريما:وش الفايدة لاصرت احب هالبنت وهي ماتحبني..!!
نزلت ريما نظراتها للأرض انخرس لسانها واحتارت وش يكون جوابها وماتكلمت...
قام خالد من مكانه ومشى كم خطوة واستوقفته جملة ريما لما قالت"هي بتحبك...مع الايام راح تحبك.!!
ببيت ام صالح وبغرفة عبدالله
سمع صوت ضرب الباب وقال بصوت هادئ ادخل..
دخلت مرام وهي منزلة رأسها ومشت بخطوات بطيئة...وجلست جنب عبدالله قالت بصوت واطي:عبدالله..اسفة...وتراني كنت ما اقصد الكلام اللي قلته...سامحـ...
قاطعها عبدالله وقال:لاعادي...مسموحة.!!
مرام:مشكور...و..ترا مها ودها تكلمك بخصوص...انكم تسوون فحوصات ماقبل الزواج...
عبدالله:طيب...قولي لها اليوم راح نروح نسوي تحاليل الزواج
بعد عدة ساعات...
وبـ احد ممرات احد المستشفيات
ماسك عبدالله يد مرام اليمنى ومها ماسكة يد مرام اليسرى..بمعنى ان مرام متوسطة عبدالله ومها..ويمشون بخطوات بطيئه..
قبل دقائق انتهوا من عمل كل الفحوصات اللازمة...مها بقمة فرحها لان ايام معدودة وراح تكون زوجة عبدالله...اما عبدالله فهو عكس مها..مايحس انه راح تصبح له زوجة بعد ايام..!!
بعد يوم
ببيت ابوغادة وعند غدير وغادة
قالت غدير لغاده:انتي وش رايك..اوافق على حمد ولالا.!!
قالت غادة وهي حاملة ولدها مشعل:كيفك..القرار راجع لك...صحيح اني شفت الويل من حمد...لكنه طيب وحنون مع اخته دلال..ويمكن سبب معاملته معي لاني زوجة ابوه.!!
قالت غدير وهي تفكر بشرود:انا فكرت واستخرت...والظاهر اني بوافق.!!
سمعو صوت طق الباب وكان اللي يطق الباب دلال اللي سمعت كلامهم واللي جاية عشان تعرف هل غدير موافقة ولالا.!!
ببيت ابوعبدالمجيد
وبغرفة مشاعل وعبدالمجيد اللي رجعو من مكة قبل عدة ساعات..
عبدالمجيد قرر يكمل تعليمه بعد ما اقنعته مشاعل...
ومشاعل عايشة اسعد لحظات حياتها لانها قدرت تبعد خالد عن قلبها وتخلي انسان ثاني يسكن مكانه..!!
بعد عدة ساعات..
وببيت ابوحمد وبغرفة حمد
جالس بالكرسي ودلال جالسة بالكرسي المقابل له...
قال بتساؤل وتوتر:هاه بشري...وافقت؟؟
قالت دلال مازحة:اول اشتري لي...خاتم مرصع بالالماس...
حمد:دلاااااال تكلمي...لاترفعين ضغطي...
قالت دلال ضاحكة:هههههه...مبروك...وافقت..!!
مسك حمد يدين دلال بقوه وقالها بعدم تصديق:احلفي..دلال لاتمزحين...مب وقتك مزحك اللحين..
دلال:هههههههه...والله واففت...والله..!!
ببيت ابو خالد
وبغرفة هيفاء
مقفلة باب الغرفة..ومسكرة جوالها...وتبكي..وتلوم نفسها..خايفه يجيها خالد بأي لحظة..ويسألها..ويقول عطيني جواب..وهي ماعندها جواب..!!
بعد يومين
كانت هاليومين اسعد الايام في حياة ياسمين..!!
صارت...دائمة الابتسام..ووجها وملامحها رجعت لها الروح والحيوية..ماقدرت تخفي فرحتها..!!
اللي لاحظتها ام مشعل اللي اعرفت من فرح ياسمين ان بنتها تبي صالح اليتيم..المجهول الهوية.!!
هي..مثل اي ام ماتبي لبنتها الا ولد عايلة وناس..وانسان يعرف ربه..ومشهور بحسن اخلاقه.!!
لكنها..ماتقدر تقول لا..لانها مثل كل الامهات تبي سعادة اولادها.!!
وسعادة ياسمين بأنها تتزوج صاآآآآلح.!!
اما هيفاء فكانت..عكس ياسمين تماما.!!
هاليومين مرو عليهاوكأنهم دهر..مثقلين..بالاحزان والكئآبة والحيرة..!!
كانت كل هاليومين تبكي..وتفكر..وش تقول لخالد...اللي كانت تتهرب منه هاليومين اللي مضت لانها ماعندها جواب.!!
ببيت ابوحمد وعند حمد
ماسك جوال بيده ويبحث عن رقم مشعل بين الارقام...
لقا الرقم...واتصل...
حمد:السلام عليكم..
مشعل:وعليكم السلام
حمد:ماعرفتني؟؟
مشعل:للأسف...لآ
حمد:انا حمد...ولد زوج غادة؟!!
تفاجئ مشعل وقال:وش تبي؟!!
حمد:ابي...اعتذر لك...واعتذر لاني من الاسباب اللي خلتك انت وغادة ماتجتمعون.!!
تفاجئ مشعل وقال:كيف...وش تقول انت؟؟
حمد:غادةتحبك..وتبيك...لكن انا قلت لها انك مت..ومن بعدها...
قاطعة مشعل بعدم تصديق وقال:وش تقووووووووووووووووول انت؟؟...فهمني
شرح حمد لمشعل كيف قال لغادة انه مات وكيف اقتنعت غادة بكلامه وكيف كانت حياة غاده ببيت ابوحمد واعتذر له..ومشعل تفاجئ وانذهل...وحزن على الحياة اللي كانت غادة عايشة فيها...
حمد:انا اتصلت وقلت هالكلام...عشان اصحح لو جزء بسيط من الغلط اللي سويته..ابيكم ترجعون حبايب..وتتزوجون..
قاطعة مشعل وهو مو بكامل استوعابه:يعني غادة تحسبني ميت...بس شلون نتزوج وغادة..
قاطعة حمد وقال:ابوي توفي...وغادة اللحين بالعدة...اذا انتهت عدتها روح اخطبها..
مشعل:بس انا صرت عقيم بعد الحادث شلون بتوافق تتزوج واحد عقيم
حمد:اللي يحب...يرضا بعيوب حبيبه...واذا كانت غادة تحبك اكيد بتوافق.!!
ببيت ام ريان
وبغرفة ريان
جالس بسريره وساند ظهرة على خشب سريرة
ويفكر بحالة وبحياتة اللي وكأنه عايشها لاجل الانتقام...وبأمة اللي طول هالسنين اللي راحت وهي تكرهة بأبو حمد
وبـ حبيبته اللي بينتقم منها من غير قصد...لانها بنت ابو حمد..!!
عودة للبارت الخامس عشر "لتوضيح"
(ببيت ابوحمد(بغرفة غاده)
غاده منسدحهـ على السسرير وغارقهـ بأفكارها بختها بنفسها بدلال بـ....................حبيبها!!
لين سمعت الباب ينفتح وعلى طول مثلت انها نايمهـ لانها مالها خلق ابوحمد
دخل ابوحـمد فسخ شماغهـ وحطهـ فوق الكنب القريب من السرير حس انهـ مخنوق فتح ازررة ثوبهـ
حس انهـ مرهق بشكل لايوصف ودي يبعد هالـ ارهاق والتعب وماكان شي يقدر يبعد هالتعب الا النوم
الفى بنفسهـ على السرير وماقعد دقايق الا وهو نايم بسبب التعب اللي فيـــــهـ
غاده بعد ماتأكدت انهـ نام ماقدرت تتحمل صوت انفاسهـ وريحتهـ
قامت من السرير بهدوء وطلعت من الغرفهـ
احتارت ماتدري وش تسوي !!
حست بملل لايوصف
قررت تروح لدلال عشان تسلي نفسها
راحت لغرفتة دلال وقبل ماتطق الباب سمعت دلال تقول(حبيبي وش فيكـ تأخرت!!)
وبعد ماسمعت جملة دلال قررت الانسحاب!! )
وطبعا حبيب دلال المجهول هو رياآآن..!!
بـ احد المستشفيات...وبمكتب احد الدكاترة..
جالس عبدالله بالكرسي...والدكتور جالس بالكرسي المقابل له...!!
اجاب الدكتور على تساؤل عبدالله وقال:مافيه تطابق بنتائج الفحوصات...
قاطع عبدالله الدكتور وقال بتساؤل:يعني مانقدر نتزوج؟؟
الدكتور:للأسف...نعم ماتقدرون تتزوجون..!!
حس عبدالله بشعور غريب...مايدري يفرح لانه ماراح يتزوج مها اللي شبه مجبر على الزواج منها ...ولايحزن لان عدم تطابق التحاليل راح يحزن الجميع وبالاخص ام صالح ومها ومرام.!!
بـ احد الدول الاجنبية وبـ احد مستشفياتها...
منسدحة ملاك على السرير...ودموعها مالية عيونها...وقلبها ينبض بسرعة
"خايفة"
قالتها بصوت وضح على الخوف..
قالها ابوها بحنان وبمحاولة انه يطمنها ويبعد الخوف من قلبها:لاتخافين...العملية ان شاء الله انها بسيطة...لاتخافين
ماتكلمت ملاك لكنها حست براحة بعد كلام ابوها..!!
ببيت ابوغادة...
وعند غادة..
رن جوال غادة وكان الرفم بدون اسم(اي مو مسجل عندها)
ردت...وقالت:الوو...
قال حمد:هلـا..غادة لاتسكرين المكالمة اسمعيني قبل..!!
غاده:قول اللي عندك...
حمد:اول شي...اشكرك لانك ماضغطتي على اختك وخليتيها ترفضني...وثاني شي...اعتذر على سوء معاملتي لك و...
قاطعته غادة وقالت بأسلوب جاف:قول وش تبي.!!
حمد:ابي اقولك...اني لما قلت لك ان مشعل..مات..كنت اكذب...مشعل حي..!!
ببيت ام مشعل..
وبصاله...جالسة ياسمين وعلى يمينها اختها شوق وعلى يسارها هيفاء..
خايفة ومتوترة...خايفة يصير شي...ومايجتمعون هي وصالح..!!
دعت ربها من كل قلبها..بأن هالليلة تمر على خير...وتتم خطبتها لصالح..
سمعت صوت رنين الجرس...وزادت سرعة دقات قلبها...اكيد هذي ام صالح...اكيد.!!
ـــــــــــــــــــــــــ
انتهى
وان شاء الله احداث خطبة ياسمين لصالح راح تكون بالبارت القادم لاني حسيت ان هالبارت كشف اشياء واحداث كثيرة..
القسم الثاني من البارت الثلااثين
ــــــــــــــــــــــــــــــــــــــــــــــــــ ــــــــــــ
ببيت عبدالعزيز وبغرفة نورة وعبدالعزيز
جالس عبدالعزيز على الكرسي...وحامل بيدهـ كتاب ويقرآه
سمع صوت فتح الباب رفع نظراته وكان الي دخل نورة ثم رجع نظراته لكتاب...مشت نورةبخطوات بطيئة متجه لـ عبدالعزيز
جلست جنبه...وكانت تبي تتكلم..لكنها ماقدرت.تحركت شفايفها بدون مايطلع اي صوت.!!
كانت بتقول...طلقني...انا ماقدر اتحمل شخص ثاني يشاركني فيك..لكن الكلام عجز يطلع..عجز.!
ببيت ام مشعل
وفي مجلس الحريم..!
"حياك..تفضلي.."
رحبت ام مشعل بـ ام صالح وبمها وبمرام ترحيب رسمي..وبعدها جلست ام صالح وبناتها..
توزعت نظرات ام صالح بالبيت...وقارنت بين بيتها وبيت ام مشعل...وطبعا الكفة مالت لبيت ام صالح..لآنه اكبر وافضل واجمل..!!
اما مها ومرام أشكالهم ونظراتهم توحي الى التعالي والاشمئزار ..!!
وبغرفة ياسمين
دخلت ساره غرفة ياسمين اللي دللتها لها شوق...وقالت بعد ما شافت ياسمين وقربت لها بفرح واضح:مبروووك ياحياتي..
قالت ياسمين ببتسامة مرسومة على فمها:الله يبارك فيك..
وبالدور الارضي...وفي المطبخ...
قالت هيفاء بصوت واطي وضح على الخوف والارتباك الي حاولت اخفائهما:شوق طلبتك...ابيك تخدميني بخدمة ماراح انساه لك طول حياتي..
شوق:انتي ماتطلبين..انتي تأمرين..قولي؟
هيفاء:ابيك ماتروحين تودين الشاهي والقهوة لرجال...ابي انا اللي اوديهم.!
ابتسمت شوق ابتسامة بسيطة وغمزت لهيفاء وقالت:طيييب.
وفي مجلس الرجال
جالس مشعل وبجنبه ابوخالد وخالد...وعبدالله وصالح بجانب بعض..!
صالح مرتبك..وخايف يصير شي وماتتم الخطبة...دقات قلبة تتسارع...واطرافة تهتز هزات خفية.!
بدأ مشعل بالكلام الترحيبي الرسمي...وتكلم بعده ابوخالد....وجت لحظات الصمت سيطر على جو الغرفة لين قطع هالصمت..صوت شوق.!
"مشعل...مشعل...مشعل.."
قام مشعل من مكانه متوجه الى شوق..!!
وترك ابوخالد وخالد وصالح وعبدالله اللي من سمع الصوت قلبه دق..وحس انه يعرف هالصوت.!
وعند هيفاء وشوق..
اعطت شوق هيفاء الصينية..وامسكتها هيفاء بيدين ترتجف..
دخلت هيفاء الغرفة اللي تفصل بين الصاله ومجلس الرجال.!
مرت ثواني وقلبها يدق كالطبول...لين سمعت صوت الباب ينفتح وارفعت عيونها..!!
دخل مشعل...انصدم لما شاف هيفاء ومشى خطوتين وقرب لها...وبعد ثواني..تجرأة هيفاء وتكلمت
قالت هيفاء بصوت وضح عليه الخوف والارتباك:مشعل..ابي اقولك شي..انا..انا..(وامتلت عيونها بالدموع)..اتصلت على ياسمين وقلت لها ودي اتطلق..(والدموع تنزل بغزارة)لاني حسيت اني ظلمتك بـ هالزواجه وان انا ما استاهلك...وكان خالد يتسمع عند الباب...وفجأة وانا اكلم ياسمين طق خالد الباب ودخل..وقال ليه ودك تتطلقين...وانا خفت...وقلت اني احب واحد...وسألني خالد..ليه وافقتي دامك تحبين واحد..ومن هالواحد..وانا ماعرفت وش ارد...واللحين خالد يبي مني جواب.!!
رد مشعل بعد لحظات من الاستوعاب والتفكير:لاتبكين..امسحي دموعك..ولاتخافين..انا بكلم خالد واقنعه.!
هيفاء:شلون تقنعه؟؟
مشعل بألم وحزن مكبوت:انا من بعد الحادث صرت عقيم..وبقوله انك ماتبيني عشاني عقيم..وانك الفتي هالسالفه لانك ماودك تخلين احد يعرف بأني عقيم..!!
انصدمت هيفاءوالدموع مازالت تنزل من عيونها بغزارة:مشعل..
قاطعها مشعل وقال:خلاص انا بكلم خالد...ومد يده واخذ الصينيه من يدين هيفاء ومشى..ولما وصل الباب التفت لهيفاء اللي كانت تمسح دموعها بأطراف اصابعها وقال:هيفاء..انتي..طالق..طالق..طالق..!!
في احد الدول الاجنبية.!
وفي احد البيوت..وفي احد غرف البيت.!
متكوره على نفسهاوتبكي...وجهها متغير...وشعرها منظره مهمل...حزي ـنة وتبكي لانها تذكرت ولدهاوزوجها اوبالاصح طليقها عبدالمجيد..!
ــــــــــــــــــــــــــــــــــــــــــــــــــ ـــــــــــــ
يتبع...
التكملة بيوم آخر
التكملة
ــــــــــــــــــــــــــــــــــــــــ
في بيت ابوحمد...وفي غرفة دلال..جالسة على سريره وسانده ظهرها على خشب السرير..وماسكة بيدها جوال وتكلم حبيبها.!!
دلال:حبيبي...تصدق..صارت لي سالفة غريبة..!
ريان:قولي..وش اللي صار لك؟
دلال:طلع لي اخو فجأة..وقعد يطالب بالورث..وحمد اخوي شك فيه..وقال له سو التحاليل اللازمة وبعدين تعال خذ ورثك.!
انصدم ريان من كلام دلال..شك انه هو اللي تسولف عنه..سألها سؤال عشان يقطع الشك باليقين وقال:دلال..انتي وش اسمك بالكامل..
استغربت دلال من سؤاله المفاجئ وقالت:وش مناسبة هالسؤال؟؟
ريان:ارجوووووك دلال..قولي لي اسمك بالكامل
دلال:ريان..انا سبق وقلت لك..انك ماراح تعرف عني اي شي الا بعد تخطبني
ريان:طيب قولي اسمك..بدون ماتقولون وش اسم عائلتك.!
دلال:اسمي دلال****..****..
واكمل ريان اسم دلال مع اضافة اسم عائلتها:¬¬****..الـ*****.!
قالت دلال متفاجئ ـه من معرفة ريان بأسمهاالكامل:كيف عرفت؟؟
ريان بذهول صاحبه حزن:عرفت لاني..انا اللي تتكلمين عنه...
دلال بـ استغراب:كيف...وش تقول...فهمني؟؟
ريان:انا اخوك اللي طلعت فجأة..انا اللي طالبت بالورث.
قاطعته دلال بصدمه وذهول:يعني انت اخووووووووووووي.!!!!!!!!
ريان:لا انا مو اخوك...انا ادعيت اني اخوك.!!
وسكر ريان المكالمة..وترك دلال منصدمة...وحزينه..!
بعدها..بقهر وحزن رمى الجوال اللي تفكك الى اجزاء بعد ارتطامه بالارض..!
ببيت ام مشعل..وفي مجلس الحريم
دخلت ياسمين..المجلس..وهي حامله في يايدها صينية...متوتره وخايفة..تقدمت بخطوات بطيئه لـ ام صالح..اللي اذا قدر الله وتزوجت صالح راح تكون كـ حماتها...قدمت القهوة لـ ام صالح..اخذت ام صالح الفنجان(الفنجال)..وناظرت بياسمين نظرات حادة تقييمية وتفصيلية...ثم...قدمت ياسمين القهوة لـ مرام اللي امتنعت عن اخذه..ولـ مها اللي اخذته بعد تردد..جلست ياسمين بعد ما انتهت من تقديم القهوه..زاد توترها من نظرات ام صالح التفحيصية...ودقات قلبها ازدادت بعد ما تكلمت ام صالح
ام صالح:اليوم مثل ماتعرفين يا ام مشعل..(وبحزن مكبوت)..ياضرتي..انا جاية اخطب بنتك ياسمين لولدي صالح..وان شاء الله مانطلع من هالبيت الا بعد مانسمع موافقة بنتك اللي بتسر وتفرح ولدي..
وبعدها التفت ام صالح على ياسمين..وسألتها:انتي موافقة على ولدي صالح؟؟
ارتبكت ياسمين وعجز الكلام يطلع من فمها
تكلمت ام مشعل وقالت:موافقة..بنتي موافقة
ام صالح:ابي اسمعها منها..!
ياسمين:مـو موافقة..
التفت الكل على ياسمين ونظراتهم متعلقه فيه...ام مشعل المنصدمة..وام صالح الحزينه السعيدة..ومها ومرام الفرحين
اكملت ياسمين قائلة:مو موافقة اذا كان زواجي من ولدك..شي(ن) مايسرك.!
تفآجأة واعجبت ام صالح بكلام ياسمين وقالت:الشي اللي يسر ولدي يسرني..واللي فهمته من كلامك انك موافقة؟؟
نزلت ياسمين راسها بـ "نعم"
وبعدها امتلا المكان بزغاريد شوق اللي سمعها كل من في البيت.!
في مجلس الرجال
ماسك صالح الفنجان بيده..وفجأة..سمع صوت الزغاريد اللي استنتج منها ان ياسمين وافقت...ابتسم وفرح..وطآآر من الفرحة.!
بعد يوم..وبأحد القهوات..جالس مشعل وخالد جالس بالمقعد المقابل له
تكلم مشعل وقال:انا طلقت..اختك هيفاء.!!
انصدم خالد وقال:وش تقوووووول؟؟..ليكون كلمتك وقالت انها تحب واحد..
قام خالد من مكانه والغضب يتطاير من عيونه...مسك مشعل يده وجعله يجلس..
قال مشعل:هيفاء كذبت عليك وقالت انها تحب واحد..لانها ودها تتطلق..وبنفس الوقت ماودها تقول..انها تبي الطلاق لاني عقيم..انا بعد الحادث صرت عقيم واكيد اختك ماتبي واحد مثلي..!
انذهل خالد من كلام مشعل وقال:وشششش تقول؟؟..انت عقيم؟؟
مشعل بحزن:ايه عقيم؟؟!
ببيت ام صالح وبغرفة عبدالله..
قالت مرام اللي جالسة بجانب عبدالله:هاه..وش بغيت..!
عبدالله:بغيت اقولك..اقول لك..اني الفحوصات والتحاليل ماتطابقت.!!
مرام بصدمه:وش تقول؟؟...يمكن في غلط..
عبدالله:الدكتور اكد لي ان مافيه تطابق..ومايصلح نتزوج
مرام:طيب..سوو التحاليل مره ثانيه..تأكدو
عبدالله:اقولك الدكتور اكد لي...وتقولين تأكدو..انا قلت لك...عشان ابيك تقولين لمها..
مرام:شلون بقولها..احسها صعبه..ما اقدر.!!
بعد يومين
وفي بيت ام صالح
وبغرفة ام صالح
مقفلة باب الغرفة...وتبكي...خطبة صالح وياسمين..رجعت لها حزنها..تذكرت ابو صالح..وماقدرت ماتبكي..مسحت دموعها بأطراف اصابعها..وتذكرت اللي صار بيوم الخطبة..تذكرت لما سألت ام مشعل وهي عند الباب الخارجي قبل ما تروح.!
"ام صالح:شلون خليتي علي يتزوجك...وهو كان يحبني ويموت فيني..ِشلون؟؟
انصدمت ام مشعل من سؤال ام صالح المفاجئ وقالت:علي تزوجني غصب عنه مو برضاه
"
جلست تفكر وهي تمسح دموعها..وش معنى كلام ام مشعل..ووشلون تزوجها غصب عنه..!!
ببيت ابوحمد وعند دلال...ماسكه جوالها وتتصل على ريان اللي صدمها واذهلها...وتركها
وكـ العادة الجوال مسكر مثل الايام اللي مضت..
بعد دقائق..وصلتها رساله من رقم غريب...افتحت الرساله...وقرأتها
"
اعتبري علاقتنا انتهت..لان في حاجز كبير..يمنع اني اكون على علاقة فيك...ريان.!!
ببيت ابو غادة..وفي غرفة غدير..
رن جوال غدير..شافت الرقم(بدون اسم)..فقررت عدم الرد..وبعد تكرار الاتصال بنفس الرقم قررت الرد
المتصلة:السلام عليكم..
غدير:وعليكم السلام..من معي..
المتصلة:معك فاعلة خير..انا لما سمعت ان حمد خطبك..قلت لازم احذر البنت اللي خطبها قبل مايطيح الفاس بالراس..دورت على رقمك لين حصلته..واتصلت عشان احذرك من الانسان اللي ياما لعب على بنات عالم وناس...اللي ياما بنات عاشن حياة كئيبة بسببه..واللي ياما استخدم فلوس ابوه بالحرام من مخدرات وغيرة..و..
قاطعته غدير بصدمة:كل اللي قلتي سواه حمد؟؟
المتصله:واكثر..واللحين انا بسكر المكالمة..وتذكري اني حذرتك وعرفتك على حقيقة خطيبك..واللهم اني بلغت فاللهم اشهد.!
وبعدها سكرت ام ريان المكالمة.!!
ببيت ام صالح..وبغرفة مها..
قالت مرام بتردد وتخوف:مها..عبدالله قالي ان التحاليل ماتطابقت..وانكم..مايصلح تتزوجون.!!
ــــــــــــــــــــــــــــــــــــــــــــــــــ ـــ
واعذروني المفروض التكملة نازلة...لكني ماقدرت ادخل الانترنت لان الاتصال انقطع..واللحين رجع..ونزلته.!
القسم الاول من البارت الواحد والثلاثين
ببيت ام صالح..وبغرفة مها..
قالت مرام بتردد وتخوف:مها..عبدالله قالي ان التحاليل ماتطابقت..وانكم..مايصلح تتزوجون.!!
تغيرت ملامح مهاووضح عليه الصدمه...امتلت عيونها بالدموع ونزلت..!!
عجزت تتكلم...عجزت تصدق...معقولة..حلمها بلحظة انتهى.!
ببيت ابوخالد وبغرفة ريما وخالد
جالس خالد على الكرسي...ويفكر...ساهي وشارد بموضوع اخته هيفاء..مايدري وش يسوي...متردد يروح لابوه ويقوله
جت ريما واجلست بالكرسي المقابل له...وقالت بعد تردد:خالد فيك شي؟؟
خالد بشرود:لالالا...مافيني شي
وبعدها نزلت ريما رأسها وهي يآإسة ان خالد يتجاوب ويأخذ ويعطي معها
"مشعل طلق هيفاء...وانا متردد اقول لابوي..."
ارفعت ريما رأسها وقالت بعد ما استوعبت:مشعل ليه طلق هيفاء؟؟
خالد:هيفاء هي اللي طلبت الطلاق...لان مشعل عقيم..ومشعل طلقها..!!
ريما:خلاص..قول لعمي(ابوخالد)..واكيد بيتفهم بعد ما تشرح له...
ببيت ام ريان
دخل ريان على غرفة امه واتجه لها بخطوات بطيئه متردده..جلس جنب امه وعيونه ممتلئه بالدموع
قال بتردد:يمه...لي متى وحالنا..كذا؟؟
التفت ام ريان على ريان وقالت هي تناظر ريان نظرات حادة:وش فيه حالنا؟؟
نزل ريان رأسه وعلق نظراته بالارض وقال:من اول ما انولدت..وانتي تكرهيني بـ ابوحمد..وتحثيني على الانتقام...واللحين بعد هالسنين بعد مالقينا ابوحمد..او بالاصح عيال ابوحمد...اكتشفت ان كل هالسنين اللي دورين فيها ابوحمد ضاعت لان اكتشفت اني انتقم من نفسي..اكتشفت ان البنت اللي احبها هي بنت ابوحمد...هي اللي بنتقم منها..(وبنبرة حزينه)يمه خلاص..انسي..حرام تضيعين الباقي من عمرك عشان قصة لها اكثر من عشرين سنه...
ام ريان بألم وبـ ابتسامة حزينه:انسى..شلون تبيني انسى قطعه مني...شلون تبي انسى ولدي؟؟
ريان:يمه..ابوحمد مات...وحسابه بيلاقيه عند ربه..عياله مالهم ذنب...يمه..لو انتقمتي من عياله انا متأكد ان نار الانتقام ماراح تنفطي..يمه تكفين..
قاطعته ام ريان وقالت:على الاقل تخف وتقل...وعلى الاقل احسن اني ضيعت هالسنين على شي يستاهل..!!
بعد اسبوع
ببيت ام صالح...وبغرفةساره
جالسه على الكرسي وعبدالله جالس بالكرسي المقابل لها
عبدالله:ساره ابغيك تخدميني بخدمه ماراح انساها لك
ساره:تأمر امر...بس وش بخدمك فيه
عبدالله:لما رحنا نخطب لـ ام صالح..فيه وحدة نادت مشعل...وصوت هالوحده حسيت اني اعرفه..صوتهاذكرني بصوت شوق.!!
وانا ابغي اتأكد ابغيك تتصلين على بيت ام مشعل ودي اسمع الصوت واتأكد..!!
ساره بعدم استوعاب:معقولة شوق حبيبتك..تصير هي شوق بنت ام مشعل.!
عبدالله:مادري...انا من بعد خطبة صالح..وانا بعقلي مليون سؤال مالقيت لهم جواب
التقطت ساره جوال...وبحثت عن رقم ياسمين بين الارقام واتصلت..!
ببيت ابوغادة...وبغرفة غدير
جالسه بسريرها ومدده رجولها وسانده ظهرها على خشب السرير
تفكر بكلام فاعلة الخير..معقوله كلامها يكون صحيح...ووش مصلحتها لما حذرتها..معقولة تكون فاعلة خير مثل ماتدعي..حركت رأسها بـ"لا"...نافية وغير مصدقة لكلام فاعلة الخير..!!
ببيت ابوحمد وبمكتب ابوحمد الموجود في البيت
قال حمد لدلال:هاه لقيتي شي؟؟
دلال:لا مالقيت
كمل حمد ودلال دوراة بأوراق ابوهم عن اي شي يدل على ان لهم اخو
وبعد دقائق..
افتحت دلال ورقة..وقعدت تقرأ فيه...وتحولت ملامحها المترخيه الي ملامح جامدة..ّ!!
كرر حمد سؤال لـ دلال اللي اسأله قبل دقائق:هاه لقيتي شي؟؟
قالت دلال وهي تقرأ الورقه:لالا..مالقيت شي..الظاهر اننا مب واصلين لشي مهم..يكفي دواره..خلنا نطلع..!
وطلع حمد فارغ اليدين..وطلعت دلال وهي ماسكة بيديها الورقه اللي كانت تقرأها
ببيت ام صالح وبغرفة ساره
"بخير الحمدلله...انتي كيفك؟؟"
قالت ساره وهي تناظر بعبدالله وكأنها تسأله هي شوق حبيبتك ولالا:الحمدلله..حالي يسرك
واكملت ساره بعد ثواني من التفكير باحثة عن سبب لمكالمتها:انا اتصلت عشان اعزمك لملكة مرام..!
شوق:مادري احس صعبة نحضر الملكه..لكن..مشكوره على الدعوه..!
ساره:العفو...براحتك...ويالله مع السلامة
شوق:الله يسلمك
وسألت ساره عبدالله ناسيه انها ماسكرت المكالمه:هاه هي حبيبتك شوق؟؟
عبدالله:ايه..هي...هي شوق.!!
وبغرفة مرام
جالسه مرام وجالسة ام صالح بجانبها
قالت ام صالح:قبل شوي اتصلت علي ام عبدالعزيز..وتقول ان ولدها مستعجل ووده يخلي الملكه والزواج بيوم واحد...وانه يبي الزواج يكون عائلي ويصير بعد اسبوعين.!!
مرام:هاه..انا ودي يكون يوم العرس الكل يتكلم ...لكن دام هذي رغبة عبدالعزيز انا موافقه.!!
ببيت ام مشعل وعند ام مشعل
دموعها تنزل من عيونها بغزارة...تنزل لانها حزينه على ولدها اللي الله ماراح يرزقة بأولاد..!
بعد اسبوعين
بـ هـالسبوعين انتشر خبر طلاق هيفاء وعقم مشعل اللي انصدم الكل بعد ما عرفوهـ..
وبـ هالاسبوعين سافر عبدالمجيد ومشاعل لـ احد الدول الاجنبيه..علشان يكمل عبدالجيد دراسته بالخارج..
وبـ هالاسبوعين تمت خطبة حمد وغدير ...وكانت ملكتهم بالامس..وتم تحديد زواجهم بعد شهرين.!
وبـ هالاسبوعين تطورت علاقة ريما وخالد...واقدرو يتقربون لبعض اكثر...
وبـ هالاسبوعين تم تحديد موعد ملكة ياسمين وصالح..اللي راح تكون بعد اسبوع
وبـ هالاسبوعين استعوبت مها ان حلمها بزواجها من عبدالله ضاع..!!
وبـ هالاسبوعين رجعت ملاك من الخارج بعد ما استعادت عذريتها..رجعت انسانة ثانية غير ملاك المغتصبه..!
وهالاسبوعين مرو وكأنهم دهر على نورة اللي للحين متمسكة بأمل ان عبدالعزيز ما يتزوج عليها..
بأحد المجمعات التجارية..وبأحد المحلات الموجوده فيها
ماسكه ملاك يد ابوها وعيونها متوزعة على بضاعة المحل..سمعت صوت تعرفه..ألتفت..شافت سوسن ومعها احد اخوانها.!
تقدمت لسوسن بخطوات متردده..سلمت ومدت يدها...وردت سوسن السلام وصافحتها..!
قالت ملاك بكلام متقطع:انـ ـ ـا مـ ـلـ ـلـ ـاك.!
قالت سوسن بـ استغراب:هلابك...واكملت قائله..أعذريني ما اقدر اتكلم معك اخواني مانعيني اكلم اي بنت من عقب سالفة الصور.!
قالت ملاك بنبرة حزينه وبعيون دامعه لان ضميرها انبها:سوسن سامحيني..كنت طائشه..ودفعت ثمن طيشي.!!
سوسن:مب مسموحة..اللي سويتيه فيني..ماني ناسيته طول عمري...وبعدين وش اللي يخليني اسامحك؟؟
مسكت ملاك يدين سوسن وقالت برجاء حزين:سوسن ارجوك سامحيني..وربي اني دفعت ثمن غلطتي واكثر..موكفايةاني اُغتصبت..وان اخوي انعدم.!!
قالت سوسن بعد ما استوعبت الصدمه :الله يسامحك.!
بأحد الدول الاجنبيه وبأحد الفنادق..وبشقة عبدالمجيد ومشاعل
جالسه مشاعل على الكنب وحامله سلطان..وتنتظر عبدالمجيد اللي راح يجيب عشاء ويرجع..!
سمعت صوت رنين الجرس..حط سلطان بالكنب وقامت من الكنب متجه لباب....افتحت الباب..شافت بنت وضحت عليها الملامح العربيه.!
وقالت مستغربه:عفوا..بغيتي شي.!
قالت البنت:دي موش شئة..عبدالمقيد؟؟(هذي مب شقة عبدالمجيد)
مشاعل:ايه...انا زوجته.!
قالت مريم بحزن:هو تقوز(هو تزوج).!!
مشاعل بـ استغراب:عفوا...اختي من انتي؟؟
مريم:انا مريم طليئته...وام ابنه.!!(انا مريم طليقته وام ولده)
بأحد القاعات الفخمه..!
جالسه مرام وجالسه بجبنها ام صالح..
قالت ام صالح وهي تأشر:وقعي هنا..!
مسكت مرام القلم وجت بتوقع لكن وقفها صوت المرأة اللي تقول بصوت عالي باكي
"لااااااااااا..لااااااااااااااا..توقعين"
ببيت ام مشعل..
قالت ام مشعل لـ ام فلاح اللي تكلمها بالتفلون:بنتك مضاوي..للحين ماتزوجت؟؟
ام فلاح:ايه والله للحين...خبرك محد يبي وحده ماتجيب عيال..
ام مشعل: واللي يقولك اني لقيت لها زوج؟؟
ام فلاح:احلفي..والله انك بتكسبين اجر ببنتي..بس منهو...ومن ولده؟؟
ام مشعل:ولدي مشعل.!!
ــــــــــــــــــــــــــــــــــــــــــــــــــ ـــــــــــ
انتهى...واتمنى ان احداث القسم نالت على رضاكم واعذروني على ألتأخير
السلام عليكم...اعذروني على التأخير..انا كتبت البارت متأخر..وبعد ما انتهيت منه انقطع الاتصال واللحين تصلح...!
القسم الثاني من البارت الواحد والثلاثين
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ببيت ام مشعل
قالت ام مشعل لـ ام فلاح اللي تكلمها بالتفلون:بنتك مضاوي..للحين ماتزوجت؟؟
ام فلاح:ايه والله للحين...خبرك محد يبي وحده ماتجيب عيال..
ام مشعل: واللي يقولك اني لقيت لها زوج؟؟
ام فلاح:احلفي..والله انك بتكسبين اجر ببنتي..بس منهو...ومن ولده؟؟
ام مشعل:ولدي مشعل.!!
استغربت ام فلاح وقالت:هاآ...بس ولدك مشعل...
قاطعتهاام مشعل وقالت بحزن وعدم تقبل لحال ابنها: ولدي حالته مثل حالتك بنتك...ودامه بنتك محد خطبها وولدي محد بيرضى فيه...فليش مانجمع بينهم..!!
انصدمت ام فلاح وقالت مواسيه بصوت معبر:الله يعينك ويعين ولدك...والله يعوضك بياسمين وشوق وتشوفين ضناهم...و..انا بكلم بنتي مضاوي وارد لك.!
قالت ام مشعل وهي تمسح دموعها بأطراف اصابعها بصوت وضحت عليه نبرة الحزن:طيب...انتظر اتصالك...مع السلامة.!
وبأحد القاعات...وبأحد الغرف المنعزلة عن الناس...
"لااااااااااا..لااااااااااااااا..توقعين"
مشت نوره بخطوات سريعة قصيره...وهي تكرر جملتها"لااااااااااا..لااااااااااااااا..توقعين"
الكل ملتفت لها ويناظرها...منصدمين..ومنذهلين من هذي؟؟؟
قامت ام عبد العزيز من مكانها قامت وهي متفآجأةبجيت نوره...قالت بصوت هادي وضح عليه الصدمة:نوره؟؟؟
مشت نوره متجهه لمرام...ووصلتها وقالت بصوت مبحوح وضح عليه الحزن:لاتوقعين...ماراح توقعين الا بعد مايطلقني عبدالعزيز.!!
انصدمو الكل من جملة نورة..خصوصا ام عبدالعزيز...ماتوقعت ان نورة..توصل لدرجة انها تطلب الطلاق.!!
قالت ام عبدالعزيز:نو...
قاطعتها نوره بصرخة باكية:نادو عبدالعزيز نادوه..!!
"اتصلو...على عبدالعزيز وخلوه يجي.!"
التفتو الكل...وانصدمو من كل مرام.!!
قالت ام صالح:مرام..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك