رواية وش الله مكلفني بحبن تاليه فراق -25
ناصر : لا انا بكلمه بس اطلع من الدوام واشوفه ..
ام ناصر : ياولدي البنت بتروح منك انت ما تطلع الا الساعه 2 والملكه الساعه 3
ناصر : ما اقدر اطلع لو شنو حتى استاذان ماعندي ..
ام ناصر : اذا تحب البنت كلم خالك ....والا والله لكلمه انا ..
ناصر : يما لا تسوين شي بس بسالك هو قال للكل عن الملكه ؟
ام ناصر : ما يحتاج يقول خالك ما يخطب او يملك الا واخوانه عرفين قبلها ..
ناصر بخنقه : طيب طيب خلاص اكلمك بعدين
ويسد الخط وده يبكي هو مهندس مهماري ..شوي شوي ويبعد عن التخطيط والموقع جلس بزاويه مابها احد غيره وهو يشوف العماره الشاهقه اللي بناها .. ويشوف المباني الصغيره اللي
حول المبنه اللي قاعد يبنيه وهو بالدور الثامن ..
جلس ووده يبكي او ينتحر ما يقدر يرد خاله اللي ربه وهو يفكر بينه وبين نفسه يمكن حمدان كان يحبها وانا ما كنت ادري .
. ليه يايمه ما خطبتيها لي قبل لا يتكلمون عليها ليه يايمه وحس بدمعه
تحرق خده وهو يقول : ما اقدر اوقف قبال خوالي واقولهم مطلبي ما اقدر هذا خالي اللي رباني هذا خالي اللي علمني وكانه ابوي الحين اخوانه وقطع فرحته بولده ويمكن جد حمدان يحبها
ولا انا ولا نوفا حاسين بالي اقبالنا ..
لكن نوفا تحبني ايوه تحبني وانا احبها يعني معقوله اخليها له يعني اقطع نصيبها وتدخل واخطبها انا ؟
لكن وش وجهة نظر خوالي فيني يعني ما تربيت خلاص ياناصر انت تاخرت جد تاخرت
مكلم امك وامك ما اسمعت كلمتك وقالت خلي مضاوي تتنخطب واخطبها لك والحين راحت البنت
وش الفايده اذا القلب انكسر خلاص نوفا ماهي لك ياناصر انسااها انسااها جاها نصيبها وبتنساك مع الايام ..
جد يد فيها خالي ويد فيها انتي ولا عارف منو اختار ان اخترتك طحت من عيونهم ومن تربيتهم لي ويمكن يزعلون على امي وعلي وان اختارت خالي رحتي انتِ
وتركتيني غرقان ومحدن بيسعفني غيرك..
يمسك راسه وهو يشوف المنظر هو بين نارين خاله وحبه ..كيف بيواجه خاله بحبه والمساله منتهيه والكل عارف انه ملكتها اليوم وهم بلطخ سمعت البنت وبكون اناني بالنسبه لاخالي
وهو بحسبة ابوي اللي رباني ..
جلست يفكر ويفكر والعمال ينادونه حس بصدع وقال للعمال اني تعبان وبطلع ..
وارسل لامه مسح : انا مسافر اليوم لا تنتظريني "
ناصر : الهروب احسن من اني اشوفها بيد غيري ولا اموت مقهور "
ام ناصر اول ما شفات المسج اتصلت على ولدها بسررعه ولا رد ..
اجلست تبكي وتبكي .. واخذت عبايتها وراحت لابو متعب بالمجلس ..
ابو متعب مع ابو حمد .. انصدمو بام ناصر جايه وعيونها متورمه ..
ابو حمد : عسا ماشر ياوضحى ؟
وضحه وهي تنحني لعبدالله : طلبتك ياخي طلبه قول تم اولدي بيموت جدامي تكفى طلبتك ..
ابو متعب : عسى ماشر ياوضحى وش فيك ومنهو هو اللي بيموت ..
ام ناصر تبكي منهااااره: ناااصر من سمع بخطبة نوفا وهو مرسل لي مسج بسفرته هو له شهرين يقولي اخطبيها واليوم ياخوي انصدمت بالخبر يوم سمعته وولدي
ما حب يكسر فرحتك بولدك وخلا اللي حبها
له تكفى يا عبدالله لا تزوجها الا ناصر وهو يحبها تكفى ما ابغااه يسافر ويتهرب بسبتي انا السبب انا السبب اللي خليته ينتظر انا السبب قلت له ماراح تتزوجها الا يوم جي نصيب اختها مضاوي
انا السبب
وتجلس على رجلين اخوها تبكي ويشيلها ابو حمد منصدم وابو متعب اكثر منها منصدم وياخذ جواله ويتصل على ناصر الا يشوفه يرن ..
ناصر يمسح دموعه بالسياره ويعدل صوته يوم شاف انه المتصل خاله عبدالله : هلا خالي ..
ابو متعب : ابيك بالمجلس بسرعه ..
ناصر : عسى ماشر ياخالي ؟
ابو متعب : ابيك وبس
ناصر : انا مسافر لجده ..
ابو متعب : اقولك رد ابيك ..
ناصر : خالي انا مسافر ..
ابو متعب : طيب ابوك انا ابيك بموضوع ..
ناصر : ما ينفع بالجوال .
ابو متعب : لا ما ينفع ابيك خلال ساعه هنا بالكثير واذا ما شفتك لازعل عليك ولا بيننا سلام يا ولد حماد ..
عرف انه خاله زعل من رده وحب يرد ويشوف السالفه وشهي ..
وام ناصر انرسمت على جبينها فرحه بانه ولدها بيرجع وانشالله بيكون خير ..
-----------------------
الكل عرف بالعرس المفاجاء والكل يرتب له من تجهيز بيت العروسات وتجهيز لبسهم وترتيب البيت على مزنه وهنادي والحريم الكبار ام متعب وام حمد وام مشعل وام ناصر بعد ما تطمنت
انه ولدها راجع بالطريق ..
ووتتصل اماني على المشغل يجهزون لها بدله حلوه للعروسات .ز واحسن انه في مشغال توصل لللبيت خصووصا لملابس السهره ..
وتختار مضاوي واماني وهنادي الملابس .. ومضاوي تختار لها بدله زيتيه على برتقالي كانت خرافيه وتختار لخواتها لولوه فستقي باخضر .. ونوفا عنابي ببنفسجي كان عجيب ..
هنادي : كيف بتعرفين مقاسهم وهم فوق ظاربات انهم ما ينزلون ..
مضاوي : خواتي وعارفه مقاسهم طول عمري معهم ..
ندوش : ياي مو متخيله عرس من غير ثوب ابيض ودخله وقاعه ..
مضاوي : وين نعمل هذا وابوي مريض ومحتاج الدعوه ..
الكل سكت ..
ام متعب : مضاوي اتصلت على البوفيه وقلت له يجي عالساعه 8 ونص ينهي كل شي ..
مضاوي : طيب حلو ياخاله ماقصرتي ..
ام متعب : كنت اتمنى العرس ببيتي لكن انتي عنيده ..
مضاوي : التجهيز كله ببيت العروس ماعليكم الا تاخذون حريمكم ..
ندوش : جد بيسافرون للكويت ..
مضاوي : هذا اللي سمعته ..
ام حمد : ايه بيسفرون فين ؟
عهود : بيروحون لابراج الكويت ..
عواشه : تمنيت اشوفهم ..
مزنه : قريب انشالله تتزوجون وتذلفون لها ..
الكل ضحك ..ههههههههه
مضاوي وكل عمها خواتها والاضراب اللي عاملينه .. وعلى العموم كويس انه الصالونه عندهم تعمل لهم تنظيفات قبل المكياج وكويت انه الصالونه بتجي بعد الساعه وحده والحين الساعه 12 ونص ..
يالله تعدي هالليله على خير وتفرحني فيهم واتطمن ياربي ..
وهي تقوم الا تسالها ام مشعل : وين رايحه يابنتي ارتاحي من الصبح وانتي على رجلينك ..
مضاوي : بروح اشوف العرايس تعرفين ثوبهم هنا والصالونه ثواني وجايه ..
ام مشعل : لا راحتك بس لا تنسين نفسك انك الليله ملكتك ..
مضاوي : هههههه يعني الحمدالله ماهي دخلتي ..
ام مشعل : لو انتي كذا بدخلتك ههههه بمسكك مع شوشتك واربطك واخليك جالسه طول اليوم ..
مضاوي : هع لو ياخاله
وهي تستاذن : عن اذنك ..
اسمحت لها ام مشعل وراحت لغرفتهم ..
واول ما ادخل شافت لولوه ضامه نوفا وتبكي ..
انصدموا الكل ببعضهم وباشكالهم التوام انصدموا بدخول مضاوي ومضاوي انصدمت بالضم بينهم ..
مضاوي : وش فيكم ما خلصتو ..
الا تشوف الصالونه ما لمست شي منهم ..
وهي تصارخ : يعني الى متى ان شاءالله تخلصون ؟ ثواني وجايه حقت الشعر والمكياج وهذا ثوبكم جبته لكم ..خلصوني ..
نوفا : مضاوي انا اكرهك ..
انصدمت مضاوي بجد جتها الصدمه . وكانها شاكه انها نوفا لالا ماهي نوفا هذي لولوه ماهي نوفه اللي تردني وتقول اكرهك ..
وتكمل نوفا واقفه برجولها وتصيح : اكرهك الانك بتحطمين مستقبلي وحبي اللي حبيته انتي كسرتيني يامضاوي ما توقعتك كذا اناانيه كل هذا تبغين العرس قولي من اول انك ميته على الزواج
وخليتينا بحالنا من غير ما انتي ترسمين مستقبلنا الفاشل بيدك ..
انتي حطمتيني بجد حطمتيني خلاص ماراح اسامحك طول عمري كيف يهون عليك قلبك تزوجيني وانا رافضه هالزواج ,
كيف كيف وتجبريني اتزوج من حمدان عمري اللي ماحبيته ؟
انا كنت احب ناصر اسمعي كنت احبه تسمعين واليوم انتي حطمتي هالحب خلاص انا اكرهك تسمعين اكرهك ..
لولوه : مو بس هي اللي انصدمت حتى انا يامضاوي انصدمت اثريك اقنعتيني بزواجي من فهد علشان الستر واني
اعانده اخرتها اكتشف انك انانيه ليه ليه تبغينا ننتزوج بيوم واحد ..
ليه تبغين تتخلصين منا ..؟ ليه ليه يامضاوي ما توقعتك كذا ..
كل هذا خوف لا تكذبين علينا انتي بتشوفين نفسك وبتعيش حياتك مع اللي تحبينه لكن حنا اللي انظلمنا ايه انظلمنا والسبب انتي....
مضاوي وتحس بانه الصداع زاد عن حده ولا تبغى تكون مهزومه جدام خواتها ..واكتفت انها تقول : عارفه بتكرهوني اليوم لكن بكره بتشكروني على اللي سويته لكم ..
نوفا : وش تبغين يامضاوي اكثر حطمتي الحب اللي كان لناصر ..
مضاوي : ناصر لو يحبك جد كان خطبك مثل ما سوا فهد ..
نوفا : مضاوي يكفي انتي وش ناويه علينا انا وش سويت لك علشان تكرهيني
وتزوجيني بسرعه هذي وبسهوله حتى ما اخذتي رايي ولا حتى كلمتيني عنه ليه يامضاوي ليه انا احبك خليتيني اكرهك تسمعيني انا اكرهك
وتبكي على سريرها ..
مضاوي تضغط على نفسها علشان ما تنهار جدامهم عرفت انها انانيه لكن هذا لمصلحتهم تحس انكسرت من خواتها اقرب الناس لها ما توقعت منهم هالرد ودها تصيح ودها تبكي
لكن هذا قرار اعلنته ولازم تتحمله حتى لو كان النتيجه خسران خواتها بس الاهم انهم مستورات كل وحده ببيت زوجها ..
ما تبغاهم يضعون من بعد موتها .. تحس انه الصدااع بيذبحها باي وقت وتطيح من عيونها دمعه تحاول تخفيها ما تبغى كره خواتها هي كل قصدها حمايتهم بس حمايتهم من الدنيا
تخاف بكره القدر يبعدهم عن عمانها وتلقا كل واحد لها سند بهذي الدنيا يحميها ويحفظها من اعيال الحرام ..
ومتعب ماني خايفه عليه عماني مهوب مقصرين بحقه وليلى ساعتها اذا خرجت بالسجن يمكن حالها احسن من خواتي الثانيات ليلى اعقلهم وانا عارفه ماراح اخاف عليها بتجلس عند ابوي وتتابع
متعب ..
لولوه : وليه واقفه ناويه على ذبحنا وتبكين ..
حست مضاوي بدموعها تغرق خدها وتمسحهم بطرف اصابعها : الف مبروووك والله يجمعكم بالحلال .. انا ما ابغى كرهكم الانكم ماراح تفهمون قصدي بالوقت هذا
لكن كل اللي ابغى منكم تجهزون حالكم الليله وكل وحده بتروح الله يهنيها وتلقا السعاده وين ماراحت ..انا مو انانيه يا نوفا انا ابغى مصلحتكم ..
نوفا وهي جالسه ودموعها متورمه : اي مصلحه ياختي الكبيره اي مصلحته تكسرين فيها قلبي ..
مضاوي : القلب بيلقون غيره قلب .. وكل جزء من الجسم بنلقاء له عضو بديل الا العقل يانوفا اذا توقف مات الجسم كله ..!!
لولوه " والحل ؟
مضاوي : مافي حل حتى زوجي انا اللي اقولين عنه مخطط وحب وخرابيط يكون بعلمك اني مافي يوم حبيت الا اخواتي ومن خوفي عليكم وحبي لكم ابغى اتطمن واشوف كل وحده عندها سند
لا انا ولا متعب بيقدر يحميكم طول عمركم ... ابيكم تفكرون بس تفكرون ليه اختكم ليه تسوي كل هذا لكم .. بكره بتعرفون وتدعون لي ..
وتتركم وبقلبها بينفجر من البكاء ماهي عارفه وش تقول غير انه الموت قرب .. وخرجت من غرفت خواتها بعد ما قالت لك وحده تتجهز بسرعه ..
نوفا وهي تشغل غنيه تامر حسني
مش ادره انسى هواك ..
تدخل مضاوي غرفتها بعد ما تاكدت انه كل شي تمام بالبيت .. تبغى تبكي كثير خلاص ما بقى شي .. وخواتها اغلى شي عندها يكرهوونها لكن لازم تضغط على عمرها لسبب واحد ما تبغى الشفقه\
من احد ولا تبغى شخصيتها تنزل وهي كلها امل انها تشفى وتشوف سعادة خواتها لكن هالمرض ماله حل كل اعتقاداتها انها بتموت ..
تمسك شعرها وتشده من قوة الالم ..
تقرب الساعه 4 والجو بدا يزتحم بالبيت .. حطت مكياجها هي بنفسها كان ناعم مره لكن دممووعها عيت توقف كل ماقالت انه السفر قريب وانها بتخسر اهلها وكل من تحب
تبكي .. ودها تشوف ابوها متشافي ودها ترجع اختها ليلى وتحضر هالليله ودها تشوف امها وبيتهم القديم مشتاقه لهيفاء ودي اروح لها اشوفها مهما كانت اسباب الجفا منها ..
ما ودي اخسر احد ما ابغى اودع ناس احبهم بعد ما شفت الاستقرار هنا و وسعادة الكل موجوده حولي انا السبب بتعاستهم .. ورسم مصيرهم على قولتهم .. ليه ياربي يكفي الوجع
اللي براسي يكفي اني احمل المسؤوليه بروحي وربي كل هذا اسويه لهم ما ابغى شي كل هذا خوفي عليهم من المستقبل ...اخاف كل وحده تروح لدرب الخراب اخاف نوفاتتعقد من الفراق ابيها
تحب هالزوج لكن شكلك يا مضاوي غلطي بالحسبه .. وش تسوين الحين هذي نوفا كرهتك الانك فرقتيها وهذي نوفا كرهتك الانك خدعتيها والعامل مشترك اني ابغى اتطمن عليهم
من يصدق من؟ من
يحسبوني احبه لااااا وربي ما حبيت احد ... كل همي مصلحتهم ..
وفجاءه ......!!
تسمع صرخااااااااااااااااات عاليه وصوت صراخ ماهو طبيعي .. خافت دقات قلبها زادت ..
تركت المنديل المبلل بدموعها وكانت لابسه ثوب بنفسجي باحمر قصير ومكياجها متنثر ..
وشعرها طايح على كتفها ...وعيونها خلقه متورما راحت تركض على الدرج اللانه الصوت جاي من تحت .. وتركض الا تشوف الكل متجمع عمتها وخواتها سابقاتها متجمعين على شي
ويلولشون واللي تضحك واللي تبتسم واللي يضمون ..
ولا هي عارفه وش فيهم ؟؟
مضاوي : وش فيكم ؟
ام متعب : الحمدالله على سلامة ليلى ..
مضاوي بصدمه : ليلى ..
تطلع ليلى من بين الحريم وعليها ملفعها الاسود وعبايتها وبيدها اليمين نوفا واليد اليسار لولوه وضامتهم .ز
ليلى : يعني انا اخر المعازيم ولا ادري بعرس خواتي يامضاوي ..
مضاوي تقرب منها وتظمها : وحشتيني وربي نورتي البيت قولي انك برائه ..
ليلى : الحمدالله اليوم محاكمتي وما طولت الانه الاثباتات كلها معي اني بريئه يامضاوي وتبكي بحظن اختها ومضاوي تظمها .. جد ما كان ناقصني الا انتي علشان تكمل الفرحه ..
وتمر ساعه بين الوناسه والفرح ويكملون نوفا ولولوه مكياجهم ولبسهم ..
وتجلس مضاوي على ثوبها والكل موجود ولابس ..
ليلى : وشهو بجلس كذا قوني وريني غرفتي بروح اتحممم والبس من اللي عندك .. لازم انا اخت العرايس هههههههههه
تقوم مضاوي وتاخذها للغرفه وتغفل الباب ..
ليلى : ابغى اعرف وش سر العرس الجماعي ؟؟!! يامضاوي
مضاوي احتارات وش تقول وش تردد الجمله المتكرره الفين مره ..: ..............
ليلى : اكلمك يامضاوي وش السبب ..
مضاوي : روحي تحمممي والبسي واعلمك بالسالفه ..
ليلى : ماني متحركه الا اعرف السالفه وش فيك يامضاوي ؟ انصدم بيوم واحد عرس خواتي ومحدن يخبرني ؟ ليه ماني اختك ولا الاني سجينه .ما تبغين تخبرني ؟؟
مضاوي : ليلى خلاص انا كنت ابغى مستقبلهم ..؟
ليلى : ومستقلبك صح ؟
مضاوي : وش فيك انقلبتي ؟
ليلى : الانه نوفا ولولوه قالوا لي ما يبقون العرس وانتي من جبرتيهم وغير هذا زوجيهم قصبن عنهم علشان تتزوجين انتي ؟
مضاوي وتسك راسها .. ": بس بس بس خلاص تعبت من الكلام ...
ليلى : بجد انصدمت يا مضاوي منك ليه انا اللي دايم افهمك لكن هالمره عجزت افهمك ؟
مضاوي : وماراح تفهميني ياليلى ماراح تفهميني اذا اليوم ملكتي مو شرط اني احبه وابغى اشوف مصير خواتي يتعذبن بعيد عني .. كل همي سعادتهم واني اسندهم على ظهر رجال مو ولد حرام
افهميني ياليلى افهميني ..
ليلى : مشكلتي ابغى افهم لكن للاسف يامضاوي ولا قادره افهم منك شي ..؟
مضاوي : يعني انتي معهم ؟
ليلى : انا ماراح ارضى بانهم يتزوجون بهذي الطريقه وبسهوله وبسرعه هذي .. ما تخافين ربك كل هذا علشان المسؤوليه ؟ ولا ايش ؟
مضاوي : ليلى البسي وجهزي حالك انا مشغوله وكلامي محدن بيفهمه الا لما تفهمون انا وش اقصد ..
ليلى : اكيد ببتزوجين على ما سمعت وبتسافرين شهر العسل وهذا اللي تبغينه الراااحه ولا تبغين تسالين عن خواتك ومصيرهم انا طبعا ما اتكلم عن نفسي اتكلم عن المسكينات نوفا لولوه
مضاوي : ليلى تكفين ارحميني من اسالتك الي مالها دااعي ..
ليلى : اسالتي مصيريه وابغى الحل لها .. لا تقولين خوف يامضاوي انتي عندك شي خاشته ولا تبغين تعلمين حد . قوليه وشهو هو انا عارفتك لكن ما فهمتك لسه وش الللي تبغينه من هالزواج
وبالتحديد زواجك وزواج خواتك نوفا ولولوه بالتحديد ..
ولا ناويه هم تزوجني معم بسرعه هذي .. تكلمي ليه ساكته ؟؟
مضاوي تسمك راسها من الصدااع وعيونها تبكي اكتفت تجلس على الكرسي وحاطه يدينها على الطاوله تمسك راسها من الصدااع ..
ليلى : حرام عليك بتحطمين مستقبلهم بالزواج الفاشل ..؟ كل هذا ما تبغين تخسرين جبروتك عليهم .. اعرفك من عمرك تحبين تتسلطين .او بمعنى اللي تحبينه تخافين عليهم كل هالخوف
حتى بحبهم تتدخلين فيه كفاايه يامضاوي كل شخص يعرف نفسه وين...؟ لا تضيعينهم وتندمين ..!!
مضاوي : خليني بحالي يا ليلى خليني بحالي ..
ليلى : كيف اخليك انا اختك كلامي هذا عتب ماهو زعل يامضاوي ابيك تفتحين عقلك وقلبك بانك انسانه بذاتك وكل انسان له ذات لا تتدخلين فيها ..
مضاوي بصراخ : بسس تكفين بسسس اللي فيني يكفيني يا ليلى خليني بحالي ...
وتاخذ ليلى ملابسها النظيفه وتروح لاخواتها وتخلي مضاوي بغرفتها بروحها ..
وتغفل مضاوي غرفتها بعد ماطلعت ليلى من الغرفه وتتسند على الباب وتصيح وتصيح وتصيح وحست بتعب بتعب .. وراحت تركض لحبوبها تحس الصداع بينفجر اي لحظه ..
اكلت حبتين وجلست على السرير تتالم وتراجع نفسها ..
مرات اربع ساعات .. وجت ساعة الحدث وانزلت مضاوي وشافت مكلمتين من عمها واتصلت عليه ..
مضاوي : اسفه ياعمي كنت ماخذه الدوا ونمت ..
ابو متعب : اسمعيني ولا تقولين اي شي من اللي بقوله لك ..
وتسمع مضاوي وتنصدم بالخبر ..ابتسمت واكتفت انها تقول : خير ان شاءالله ..
وغفلته وراحت شافت خواتها الكل جاهز .. من لبس ومكياج كانهم جميلات روما ..
وجت ساعة الخطر ..
الساعه 8 ..
الكل لابس وكان صوت الديجيه صاخب بالبيت ..
مضاوي لابسه : فستقي برمادي .. ثوبها خيالي ..
ونوفا : بنفسجي باخصر روتانا .. كان يجنن
ولولوه : بصلي ببيجي( اوف وايت ) كانت خياليه ,..
كل عروس نوفا ولولوه جالسات على كرسي وكل وحده ودها تفسخ الثوب وتصرخ من قلبها لولوه اندمت على قرارها والانتقام تحس بانها استعجلت بالحظه الاخيره ..
مضاوي طول الحفل تنتقل من مكان الى مكان تشوف الترتيبات بالبيت ؟. ..
والكل يصر عليها ترتاح ..
لكن جت حقا ساعة الخطر : دخول فهد على عروسته بياخذها وبيسافر معها لاسبوع العسل بالكويت ..
وكانت ساعات حرجه زفوا فهد على الزقاريط الحريم واصواتهم وفرحهم الا لولوه ما حبت ياخذبها بالوضع هذا بالخوف والتسلط اللي بعيونه ..
فهد : الف مبروك يالعرووووس ..
لولوه : ...............
فهد : ياحليلك تعرفين تستحين ولا الفار اكل لسانك ..
لولوه : تعرف تسكت ..؟
فهد : لا تاكدة انك لولوه على بالي نوفا اختك مغيرينها لي ..
لولوه وتلف وجها له بسرعه حست انه الكل شافها ردت لوضعها الطبيعي ..
لولوه : بليز كلامنا بعدين ..
فهد بهمس : اي صح عندنا اشياء كثيره لازم نسفيها اول ..
لولوه وتخزه بعيونها : تادب ..
فهد : حق من حقوقي ..
لولوه تسكت وتزفه ما تعطيه وجه ..
وياشر على امه انها بياخذها وبيمشون الحين .. انصدمت لولوه بهالسرعه وحست بموتها قريب .. كانت اخر نظره لمضاوي تشوفها ولولوه مابعدتت عيونها عن مضاوي ..
وكانها تقول الله يسامحك ...
مضاوي ابتعدت عيونها عنها وتحاول ما تبكي جدامهم ..ودها تروح لاختها وتقول سامحيني انا ماني حبروت ولا متسلطه هذا الوقت اللي جبرني عليكم ..
وتروح لولوه مع فهد على غنيه راشد الماجد : خذها امانه ياحفيظ الامانات ..
وتجي وقت زفت نوفا اللي طول ماراحت اختها وهي تبكي وتبكي وتبكي ..
خلاص بتشوف حمدان وبتكون له كل شي انكتب لها الحين لحمدان وحتى زواجها نوفا وحمدان ..
وانصدمت بانه ام ناصر مبسوطه وتلولوش من قلبها ...
ارفعت راسها وانصدمت هي اللي تشوفه خيال ايه خيال اي خيال ولا الدموع اللي متركزه على عيوني بتكذب علي ..
تكفين يا نوفا اصحي وشوفيه هو ناصر بنفسه لابس شماغ وبشت العرس لاماهو حمدان هذا ناصر ولا قلبي يرسملي صورته ..
اصحي يانوفا اصحي ..هذا ناصر ولا احلم ..
مضاوي تقرب من نوفا : القدر يانوفا جمعك معه هذا ناصر يانوفا ناصر اللي حبيتيه ..
نوفا بهمس : ناصر ..
ناصر وهو يجلس جنبها : ايه ناصر يا نوفا ناصر .. ناصر اللي لبا نداك وجاءك ..
غمرتها فرحه وارسمت ضحكه ماعمر مضاوي شافتها بحياتها ابتسمت مضاوي واضحكت لما طاحت عينها بعين اختها احسن انها مالكه الكون بناصر خلاص
وتشغل ام ناصر اهداء للعروسين ..
والله وتحقق منايا شوفوا حبيبي معايا
ياهل الحسد . سعادة القلب ويااه.... << كملوها مو حافظتها ..
وتنزف ناصر وونوفا الفرحه غامرتهم ..
وتوقف ليلى تعدل ثوب نوفا على الدرج الا يطيح ملفعها وما شافها الا ثامر وانتبه عليها وبسرعه لفت ليلى ملفعها .
. الا تلتفت الا تشوف الوحش السجون ثامر يشوفها بس كان شكله غير غير ..
شماغ ودشداشه بيضه وبسمته تعلى .. اكتفت انها تبادله الابتسامه وراحت تزف اختها ..
والكل راح بعد الزفت ومضاوي اجلست تشرف على الخدامات بالتنظيف ..
وهي تقول الحمدالله انه ملكتها بس بينهم ولا طلب يشوفها واالشغلات هذي ..
الا تنزل ليلى لها بعد ما تحممت ولبست بجامتها ..
ليلى : منتي مغيره ملابسك ..
مضاوي : هذاني رايحه بغير .. وتركب الدرج وتتحممم وتلبس .. وتنزل الا تشوف ام متعب عندها ..
مضاوي : هلا يا خاله ..
ام متعب : ابغى جوازات خواتك االانهم بيسافرون الصبح عالساعه 6 الصبح ..
مضاوي : خلاص بروح اجيبهم ..
وتروح وتجيبهم ..
ام متعب : ماشاءالله عليك ياليلى طلعتي نفسهم بالجمال ..
ليلى : هههه طول عمري حلوه ..
ام متعب : انتي فيك شبه كثيييييييييير من امك ..
ليلى بصدمه: امي ؟
ام متعب : ايوه امك شفتها مرتين يمكن وما نسيت وجها ..
الا ترجع مضاوي وياها الجوازات: سمي ياخاله ..
.. وتعطي ام متعب الجوازات الا ويدها تطيح وحست بدوووووخه وانه الدنيا تغيم بالنسبه لها واخر شي شافته ضحكة ليلى ..واغمى عليها ..
(( وش تتوقعون بالاجـــــزاء القــادمه ؟؟؟ )))
لا يقل عن ست اسطر بليز توقعاتكم ..
مافيني حيل اكتب الردود الاني اعرف ناس ما ترد الا عليهم من غير قرايه هع ..
اذا شفت رد يسلمو وسطرين ما راح احط الروايه الا بعد شهرين ..هههههههههه
عارفه قصير بس احسن من تنتظرون اسبوع الجاي .. هع
الاني بكون مشغوله بالاحتفالات الكويت
21 ... الانتقام
قصتنـــــــــا في "" نهـــــــــــايتها ..,.!!!.
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه
تاابعووونــــاااا
نتواااصل
الــــجــــزء الواحـــــد والعشـــــرون ..21
----------------------------------------
نجوى بصراخ : يعني سوتها سوتها بنت الذينه سوتها وزوجة اختها اخوي .. الحين ابي الفكه منها تغثني باختها ..
اشوف فيك يوم يامضاوي اشوف فيك يام يام السحوره
تزوج خواتها بيوم واحد وش هالسحر اللي ما جلسو 7 اشهر الا وهم متزوجين وانا لي 3 اسنين اركض وراء حمد ما تزوجته ولا عرفت كيف اجيب راسه هي كيف قرت
ياهيا كيف خبريني ..كيف زوجة اختها باخوي مع اني كنت احسبها لحمدان ذي ذيبه ياهيا ذيبه ..
انا ما قدرت اروح للعرس عارفه انها بتغيضني بحركاتها وانها اكسبته ..
بس وين هي ما تعرف اني نجوى بنت حماد .ماتعرف من تلعب معه ..
عفيا عقل اللي زوجة خواتها علشان تتطمن تزوج حالها وتعيش حياتها بطولها ..
من غير ما تتعابهن وغير هذا زوجة نوفا ناصر ليه بعرف ليه يعني تحبه ؟
وهو الخبل اخوك ما صدق بالله يتزوجها من غير فرح حتى ..
هيا : وانا وش ذنبي تصرخين علي ..
نجوى : انتي تسكتين تسمعيني انتي اخر وحده تتكلمين ياهيا ..
هيا : وانا قلت لك روحي لعرس وانتي رفضتي ..
نجوى : طيب انا مقهوره من مضاوي تجيني اختها تتزوج اخوي ليه انا اخر وحده ادري بالاخبار وليه ما خبرتيني اول ما دخلت الزفت نوفا لبيتنا ..؟
هيا : نوفا راحت لنفندق هي وناصر وتقول امي انها بتسافر معه بكره ..
نجوى : وحمد دخل لمضاوي ؟
هيا : لا تطمني ما دخل ولا هو يبغاها شكلها ..
نجوى : الزفت ارسله مسجات ما يرد اتصل معطيني مغلق ؟
هيا : هههه مملك ماراح يعطيك وجهه ..
نجوى : مو انا اللي ما يعطيني وجهه شوفي كيف بجيب راسه مثل ما فضحته بزواجه وبنته بوريك فيه ..
هيا : وش بتسوين بعد فوق اللي سويتي ..
نجوى بستهزاء : بتشوفين بعدك ما شفتي من اختك شي ..
هيا : وبتخلينهم يتزوجون ؟
نجوى : ما تدرين متى العرس ؟
هيا : اللي اعرفه بعد يومين هم مافي عرس ولا طقطقه بس اجلوها على كا اظن لما يرجعون المعاريس من السفر تعرفين ماتعرس الا وخواتها حولها ..
نجوى : ههههههههههه الانهن فقيرات ومايعرفن شي بالعرس تبغين خوالي ينفضحون بسببهم خلوا العرس عائلي هههههههههههههههه ..
هيا : وش عرفك ؟
نجوى : من اختهم لولوه وزواجها القصب وشاعات اللي طالعه عليهم زوجوهم وافتكوا منهم ..
هيا : وراضيه بزواجه بمضاوي ؟
نجوى : انا ماجيت العرس لسببيين ؟
هيا : وش هم السببين ؟
نجوى : الاول ما ابغى اشوفها هالزفت مضاوي ؟
هيا : وثانيا ؟
نجوى بستهزاء : الاني افكر وش بسوي فيها وبشوه مستقبلها مثل ما يبغاني حمد بسبب شرفي انا بسود شرفها هالمضاوي وبنعرف من بيختار بعدها وانا وراء وراء ما بخليه
يعني بفضحني وانا اللي بعلمه انه مافي بنت سليمه الا وهي خربانه ..
هيا : بتعقدينها عليه ..
نجوى : وبخليه يكره بنته بعد ويركض وراي ..
هيا : تعتقدين يسويها ..
نجوى : انا نجوى ماراح ابكي بخسارتي له لكن بعلمه منهي نجوى علشان مايلعب بنار ومو نجوى اللي ماترد عليها وتغفله بوجهي ..
هيا : يعني بتعلمينه درس ..
نجوى : قولي روس ماراح ينساها بحياته ..
هيا : بجد انتي تحبينه ؟
نجوى : هو كسر هالحب من اول مره ولازم اعلمه كيف كسر القلوب جااارح ..
هيا تشوفها بصدمه وبخوف ..ومن الاشياء اللي تشوفها باختها .. وبعدا تشوف نجوى تكمل ..
نجوى : وبعلم ناصر من اخذ وبسود عيشتها هي واختها
هيا : من تقصدين ؟
نجوى : نوفا ماغيرها يعني هن كل ما حبن ياخذن اللي يحبونه لا والف لا والله لعلم نوفا واختها مضاوي درس ماراح ينسنه ..
هيا : وش ذنب نوفا ؟
نجوى: الانها اخت مضاوي والانها اخذت ناصر والعبت بعقله مثل ما سحرت اختها حمد ..وانتي يالخبله ما سالتي نفسك ليه كلهم زواجهم بيوم واحد ؟
هيا : الي اعرفه انها تبغى تتطمن على خواتها قبل زواجها ..
نجوى : بلاك خبله .. ذي حرباء وذيبه وسحاااره واكبر ممثله تخلي نفسها مريضه
وطايحه بالفراش وبعدها تامر خوالي يزوجون خواتها قبل لا تتزوج هي ياللله وش السحر القوي اللي عطتهم
ايااه حتى خوالي صقووها ..
هيا : تتوقعين جد هو سحر ؟يمااا اجل ببتعد عنها ..
نجوى : خلي بالك منها هي واختها ام السحووره ..
هيا : الله يكفينا شرها يارب وانا معك ضد نوفا ..
نجوى بضحكه : خليها تشرف العروس وبعدها نلعب لعبتنا يا هيا ..
هيا : طيب
نجوى بقلبها : هههههه واخيرا بشوف الانتصار لي يصفق بيدينه .لمضاوي وخواتها كلهن الى الجحيم هههههههه..
----------------------
ام متعب : انتي فيك شبه كثيييييييييير من امك ..
ليلى بصدمه: امي ؟
ام متعب : ايوه امك شفتها مرتين يمكن وما نسيت وجها ..
الا ترجع مضاوي وياها الجوازات: سمي ياخاله ..
.. وتعطي ام متعب الجوازات الا ويدها تطيح وحست بدوووووخه وانه الدنيا تغيم بالنسبه لها واخر شي شافته ضحكة ليلى ..واغمى عليها ..
ليلى : مضااااوي وش فيك مضاوي ردي علي يامضاوي
ام متعب وهي تنحني لمضاوي وتسكها براسها :اسم الله عليك مضاوي ري علي مضاوي ..
ليلى تشوف الماي على الطاوله وتركض وتجيبه وترشه عليها .. وتظرب خدوها ..
ليلى بصراخ : مضاوي ما تقوم مضاوي وش فيك مضاوي قووومي ..
ام متعب : بروح اتصل على عبدالله بخليه يجيب السياره وانتي جيبي عبايتها خلينا ناخذها لمستشفى ..
ليلى وهي تظم مضاوي وكانه جسمها بارد ..
وتركض تجيب عبايتها وعباية مضاوي ومضاوي لازالت ممدده على الكنبه بالصاله ...
وابو متعب اول ما سمع بالخبر بالمجلس ركض للبيت ...
ام ومتعب : وين السياره ..
عبدالله بخوف : خليني اشوفها بالاول .. ويدخل البيت ويشوف ليلى تلبس مضاوي عبايتها ..
عبدالله : روحي جيبي دوياتها ..
ليلى : اي دويات انا ماعرفها ..
عبدالله : شوفيها تحت وساتها جنب سريرها بسرعه ياليلى ..
ليلى : خلينا ناخذها لمستشفى
عبدالله : اقولك بسرعه ..
وتركض ليلى وتروح لغرفتها وتفتش بالغرفه واخيرا شافت كيس ادويه بجنب السرير مغطيتهم بالبطانيه معها .. وتاخذهم وتعطيها عمها ..
وام عبدالله جابت الماي وابو متعب يشربها الدواء حبه وراء حبه وكانت عباره عن 6 حبات ..
ليلى : وش فيه مضاوي ياعمي وش فيها ..
ابو متعب يشيلها وياخذها للسياره :
ام متعب : بروح ويااك ياعبدالله ..
عبدالله : ولا شخص يروح ..
ليلي وهي لابسه عبايتها : انا لابسه بروح معك ياعمي ..
عبدالله : بالذات انتي لا ..
ليلى : وهي تعانده وتركب جنب اختها ..
عبدالله بصراخ شديد: انتي ما تسمعين اقولك لا تركبين انا اللي باخذها للمستشفى
ليلى : يعني بتصرخ وتتركها تموت كذا ..
عبدالله بعدم حيله : خلاص اركبي واخذي معنا الدواء ..
ام متعب : انا بروح ..
عبدالله : انتي خليك طبيعيه يام متعب واحرصي على متعب بالبيت على ما اتصل عليك ..
ويركب السياره مع ليلى ويمشي بسرررعه ..
بالطريق ..
ليلى : وش فيها مضاوي وكيف عرفت بمرضها ودوااها ..؟
عبدالله : ليلى حوالي تخيلنها تقوم ,,
ليلى : مارديت على سوالي ؟
عبدالله : ليلى انا وش قلت لك ؟
ليلى : وش فيها مضاوي علمني وش فيها ؟
عبدالله : بنروح المستشفى بس اوعديني ياليلى ما تخبرين خواتك بالسالفه هذا وع مضاوي وانتي االي خلفتيه لي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك