رواية حياتي عذاب -27
حمدان يغمز له: ليش بتتحجى مع الغزال..
رياض يبتسم بخجل: بعدين اقولك "تركه وما تحرك رياض لين ما تأكد من خروج حمدان قبل.. وف بمسافة مو بعيدة عن طاولتهم وحاول يلفت انتباهها ونجح ولما حست انه يبغى يكلمها راحت لعنده"...
رياض بجدية: مطوله..؟؟..
هاجر بغرور: يهمك تعرف...؟؟؟.
رياض: أكيد يهمني لا تنسين انتم بضيافتي هنا و..
هاجر بغرابة: ايش قلت ههههههههههههههههههههه دام اخوي راضي أنت مالك علي كلمة واضح..
رياض بابتسامة جانبية: هذه أنتي يا هاجر طول عمرك ما راح تتغيرين للمعلومية يا بنت خالي اللي قاعدة تشوفينه جزء من اللي بيصير بعد حوالي ساعة...
هاجر تتكتف بتحدي: مبين انك متعود على الحفلات الليلية..
رياض عطاها ظهره: لو متعود كان جلست لحد الحين ولا أعطيك خبر.. وبعدين غريبة أن بنت خالتك ما خبرتك عن نوعية الحفلات اللي تصير هنا.."طلع وتركها كان وده يسأله ليش خليل جاي عندهم ومين الشخص اللي معه ويناظر بهاجر بطريقة غريبة لكنه تراجع لانها متحامله عليه ومستحيل بتقوله عن شئ وزين مني ما قلت شئ عشان ما تفهم على كيفها"...
غدير تتقرب منها: شوي شوي على الريال لتأكلينه بعيونج..
سمر بقهر: وأنتي شنو عليج.. اخوج أو ريلج.. ما تشوفينه وشلون يكلمها..
غدير: أنتي شو عليج منه..
سمر تلف عليها بعصبية: وشلون ش علي..؟؟.. ما تشوفينها تسرقه مني عيني عينج..
غدير: يا سمر حنا نعرف بعض زين وعارفين ما فيه سعودي أو أي كان.. المهم خليجي يأخذ برع بلده افهمي هالشئ زين لو نفرض فرضا انه حبيتوا بعض تتوقعين أهله بيرضون يزوجونه كويتيه.. أو اهلج بيرضون يزوجونتج له.. مستحيل يصير اساسا..
سمر بعصبية: ليش وش فينا حنا نشرف ميت بلد..
غدير: ونعم فيج وفي ديرتج.. بس لو تفكرين بالعقل والمنطق راح تحصلين العادات والتقاليد ترفض هالشئ وأقوى مني ومنك وأنتي اعلم بالأمور....."ما درت عليها"... يا سمر انتي بعدج صغيره على الحب وقدامج طريق طويل لين تحصلين اللي يحبج ويعبرج مو يهملج مثل رياض..
سمر بحزن: طيب هذا أنتي تحبين حسن برغم انكم من بلد مختلف..
غدير: صحيح نحب بعض بس حاطين شئ ببالنا ان هالحب ما راح يدوم راح يي يوم وينتهى كل شئ.. "ماردت عليها"... أتمنى تفكرين باللي قلته وتعرفين زين انه من باب خوفي عليج لان رياض مو من نوعية حسن اللي يرضى باي شئ..
أحلام تتقرب منهم: وش تتساسرون أنتي وهي..؟؟..
سمر بضيق: ولا شئ.."شافوا حسن جاي لعندهم"..
حسن: انتم هنيه..
أحلام: وين راح الصامت..؟؟..
حسن: عنده موعد الصبح عشان كذا راح يرتاح..
أحلام: موعد..!!.. كل ما صارت حفلة هذا عذره..
غدير: وأنتي ليش متحاملة على الريال اعتبريه مثل اخوج اللي توفى.."سكتت أحلام فجاءه لما تذكرت أخوها المتوفي من شهرين واللي كان زعلان عليها لانها سوت اللي براسها وراحت تدرس برا.. حز شئ بداخلها مما خلها تتركهم وهي متضايقة حست بتأنيب الضمير وما تعرف ليش هي متحاملة على رياض بالذات لأنه ولد ديرتها أو لأنه يشبه خطيبها الخاين اللي فسخ الخطبة وأخذ بنت عمها .."..جالسة وحدها تنتظره وصوله وراح يجيب العشى مع ولده.. وهي تغير بمحطات التلفزيون يدق جرس الباب راحت تشوف مين..
أميرة تجره: يله عاد ادخل مو معقولة تجي لحد هنا ولا تشرب شئ على الأقل..
رياض يبتسم: الوقت متأخر حبيت أشوفكم وخاصة دحومي...
أميرة: دحومي نزل مع ابوه راحوا يجيبون العشى وأنت مالك مفر بتسهر معنا اليوم السبت واعتقد بكرة أجازة عندك.. و خلني اتصل على متعب يحسب حسابك..
رياض بغرابة وهو يطالع الساعة: عشى بذي الحزة...
أميرة: ههههههههههههههههههههههه وش أسوي له أصر يأخر العشى شكله حاس انك معزوم عندنا..
رياض يبتسم: عاد تصدقين توني جاي من حفلة تخرج ولا تعشيت هناك..؟؟..
أميرة بغرابة: وليش ما تعشيت؟؟..
رياض يتمدد على الكنب: العشى يكون على الساعة 3 أو 4 وأساسا السهر يتعبني.."التفتوا للباب لما دخلت عليهم هاجر وكانت بقمة الضيق سلمت ودخلت بغرفتها وراحت ورآها أميرة.. تنهد براحه واخذ الريموت يغير بالقنوات"...
أميرة: هاجر..."التفت عليها بعيون حزينة"...إن شاء الله انبسطتي بالحفلة؟؟..
هاجر بحزن: يعنى.."نزلت عيونها"...
أميرة تجلس بجنبها: وشلون يعنى.."استغربت من بكائها المكبوت".. هاجر وش فيك؟؟.."وما حست إلا هي تضمها وطلعت كل اللي بداخلها وانصدمت أميرة باللي تسمعه عن رياض وعنها... هاجر تحب رياض..!! حاولت تهديها وتقرأ عليها المعوذات سمعت طقات الباب.. وقفت بسرعة فتحت الباب وكانت متأكدة انه متعب جاء لهم.. حبت تسبقة قبل ما يكشف بنفسه حقيقة هاجر المنهارة بعد ما بلغها رجعت لها وشافتها استسلمت لنوم.. طلعت وشافتهم يأكلون ورياض حاط دحومي باحضانه وهم يأكلون مع بعض.. ناظرت لزوجها وقالت بنفسها لو تدري يا متعب اللي جالس بجنبك وش يربطه مع أختك كان ما خليته دقيقة وحدة هنا... قطع افكارها صوت متعب يناديها حاولت تكون طبيعيه وجلست بجنب رياض وبدت تأكل وفكرها سارح مع رياض وهاجر"...جايه مسرعة عند امها والفرحه مو سايعتها.. وكانت بغرفتها تلبس اخوها لانهم بيرحون لبيت جدتهم حصة..
رغد بفرح: اليوم بتجي خالتي أميرة ودحومي؟؟..
خوله تلبس ولدها: وش عرفك بجيتهم..
رغد تجلس على السرير: ابوي مساعد توه قالي..
خوله: حبيبتي بس طيارتهم بوقت متأخر يعنى يالله على بكرة نروح ونشوفهم..
رغد: مشتاقة كثير لدحومي...
خوله بتعجب: ما شاء الله عليك يا رغد.. ورائد ما تحبينه كثر ما تحبين دحومي...
رغد تبتسم لاخوها: إلا أحبه بس دحومي يطلع حركات حلوة بوجه..
خوله: قومي حبيبتي شوفي أختك خلصت من لبسها وإذ ما خلصت عاونيها.. واخذي اخوك معك خليني اشوف شغلي..
رغد وقفت: إن شاء الله.."شالت اخوها وراحت ينفس الوقت دخل مساعد عليها وشافها ملتهيه بنفسها"..
مساعد: يله خلصتوا..
خوله تشيل منشفه شعرها: دقايق ونخلص مساعد.. متى طيارتهم؟؟..
مساعد: يعنى الساعة 5 الفجر بتوقيتنا...
خوله بتعجب: الله متأخره مرة..
مساعد وقف: إيه زين لقوا حجز...
خوله تحرك شعرها الناعم بحركة سريعه: ومين بيطلع معك..؟؟..
مساعد وقف عندها: لوحدي تعرفين أخوك ماله نيه يرجع عسكر ببيروت..
خوله: هااااه ليكون تغار لو أنت شاطر سوى مثله؟؟..
مساعد يناظر لها بحب: ومن قال ما سويتها تجهزي على الثلاثاء الجاي بنسافر...
خوله بتعجب توقف عنده: وليش ما بلغتني من بدري ووين تودينا...؟؟..
مساعد: هذاني بلغتك وقدامك 4 أيام بالضبط تتجهزين ولا تنسين هذه المفاجئة اللي قلتها لك تذكرين..
خوله تبتسم بخجل: إيه اذكر.. خلني أشوف البنات خلصوا.."مشت ووقفت على صوته وشافته يمد لها شئ أخذته مستنكرة الظرف"...
مساعد: هذه بطاقة دعوة زواج أخت صديقي ولازم علي إلا نحضر..
خوله فتحت الدعوة: مين نعرفهم؟؟..
مساعد:الدكتورة اللي ولدتك..
خوله بتعجب: ريم..؟؟.."هز رأسه بأيه".. وش المطلوب مني؟؟..
مساعد: تحضرين؟؟..
خوله بقهر: تشوفه مهم حضوري..؟؟..
مساعد يتقرب منها وهو مبتسم: اشتغلت الغيرة.. يا بنت الحلال المرأة بتزوج وأنتي تغارين منها..
خوله بخجل وبزعل نفس الوقت: من حقي ازعل.. ومن حقى اغار.. والا مو من حقي..
مساعد بنظرة حب وحالمية: حقك ونص... خوله نسيت أقولك شئ..
خوله بخجل: وشو؟؟
مساعد بابتسامة خبث: قربي عشان أقوله.."قربت شوي".. بعد قربي.."وقربت شوي..".. اكثر.."صارت قريبة كثير وما حست إلا بوسه على خدها ناظرت له بدهشة استحت وراحت عنه وللحين تحس وجهها يتبخر من حرارة الموقف.."...بالمطار جالسه بحزن منزله رأسها ما تبغى الفراق يكفى عليهم فراقهم من الأول اللي التمست امل بحياتها والحين جاء أصعب شئ فراق النهائي خلاص رياض شالني من رأسه للأبد اجل ليش أفكر فيه دامه ما يبغاني ما حست إلا ولد أخوها وقف عندها ومعه شبس مد لها ابتسمت بحزن وأخذت منه وحست بعيون تراقبهم وعرفت صاحب العيون الجذابة اللي تسحر غصب من يناظر لهن.. واضح من وجهها أنها مرت بحالة تعب أو ارق مبين عليها الحزن معقولة كلاماتي كانت قاسية وما ترحم بس أنا قلت الصدق ليش تزعل منه..
أميرة تطل بوجه: بمين تفكر.. قول اعترف أحسن لك مالك مفر من الهرب..
رياض يبتسم بحزن: شكلك تتوهمين أميرة..
أميرة تناظر لها: وهاجر تتوقع أنها وهم..
رياض بغرابة: وش قاعدة تقولين؟؟..
أميرة بنظرة جدية: قاعدة أقول الصدق اللي أنت خايف تواجه رياض أنت تحب هاجر؟؟.."مارد عليها واكتفى أن يطالعها"... رياض جاوبني؟؟؟..
رياض سرحان فيها: كنت...
أميرة: والحين؟؟
رياض يناظر لاميرة: ما أفكر فيها؟؟..
أميرة بقهر: وش اللي تغير دامك تحبها..؟؟.. ليش الحين ما تفكر فيها؟؟..
رياض بنرفزه: أميرة أنتي ما تشوفين حالتي وين وصلت ما تشوفين..
أميرة قاطعته بنفس نرفزته: لا ما أشوف غير رياض ثاني.. رياض اللي قلبه مليان حب وتفاؤل رياض الطيب اللي عمره ما غلط على احد.. وش اللي تغير فيك الحادث ترى ما أشوف سوى فيك شئ.. بالعكس أحسه اثر على عقلك مو على حبلك الشوكي فكر فيها يا رياض هاجر قالت لي كل شئ عن علاقتكم.. لا تخسرها دامها شاريتك وشاريه حبك ترى صعب بذا الوقت تحصل شخص يبادلك نفس الشعور وانتم تستاهلون بعض...
رياض بضيق: أميرة ما قد خطر ببالك يجي يوم من الأيام هاجر تندم على زواجها مني.. إذ ما خطر ببالك أنا خطر ببالي ميت مرة.. لأني بكل سهوله يا أميرة ما تشوفيني صارت إنسان شبه عاجز شبه كامل معي دسك يا أميرة.. تدرين وش يقولون الأطباء إذ شلت شئ ثقيلة أو سويت شئ يجهدني يأثر على فقرات ظهري ويمكن يسبب لي ارتخى بالربط تدرين يمكن ننحرم من الأطفال وأنا ما أبغى اظلم هاجر معي..
أميرة تمسك يده بعطف: حتى لو تنحرمون من أي نعمة المهم تكونون لبعض وواحد منكم يضحي على حساب الثاني.. هذا كلام هاجر لي مستعدة تسوى أي شئ المهم تكونون لبعض فكر فيها يا رياض فكر بنفسك انتم تحبون بعض وهي تنتظرك كل هالمدة.. مو حرام هالحب يضيع عشان شئ أشوفه يحطم حبكم..
رياض بضيق: أميرة الله يخليك خلاص خليها تتيسر بطريقها وخلوني أشوف حياتي لوحدي وقولي لها كنت ومازالت أحبها.. بس ما أبغى اظلمها معي لا هي ولا غيرها عشان ما أبغى تمر عليها لحظة تتندم أنها أخذت واحد عاجز وياليت تفهمينها هالشئ.."ما ردت عليه لان شافت زوجها جاء لجهتهم ومبين انه خلص اجرائات السفر.. وقبل ما يركبون لطيارة جت لعنده اميرة واعطتها"..
هاجر بغرابة: وش هذا..
أميرة بهمس: راح الهي اخوك باي شئ واعطيها لرياض..
هاجر بعد استيعاب: طيب بفهم وش في الورقة..؟؟..
أميرة تتنهد بتعب: إذا حابه اقريها بس إذا اعطتيها لرياض قولي له انها منك فاهمه.. ما تدرين يمكن هالمكتوب يحرك شئ من مشاعره الميته.."راحت وتركتها مو مصدقة اللي تسمعه .. فتحت الورقة وانصدمت من الكلام المكتوب فيها ما تصورت بيوم اميرة عندها هالاشياء القيمة.."...
لا تدعني يا حبيبي
لا تدعني يا حبيبي لست أرضى عنك حباً..
لا تدع قلبي فإني لا أرى إلاك درباً...
فإذا غبت عني سيموت القلب رعباً...
ويضيق الكون عندي ويراه الناس رحباً...
لا تدع قلبي ليبقى للضنى والحزن نهباً...
مثل قلبي لن تلقى في مجال الحب قلباً...
أتظن الحب هزءاً وتظن العشق لعباً..؟؟
ثم تمضي بعنادٍ تاركاً قلبي صبَّا...
بعد أن كنت رقيقاً قد شمخت اليوم عُِِجباَ..
أنت لن تخرق أرضاً أو يصل رأسك شهباً...
عد سريعاً يا حبيبي قد وجدت الهجر صعباً..
عد فإن الدمع جارٍ عد فإن الروح غضبى..
عد لكي تسقي فؤادي من سلاف الحب عذباً..
بعد ما طلعوا الطلاب فضلت تجلس بمكانها لوحدها سرحانة ما تدري ليش تفكر بكلام غدير ما توقعت أنه يأثر فيها لدرجة هذه.. من بعد الحفلة أنعزلت عن الشلة وحبت تجلس مع نفسها وتراجع تصرفاتهم مع الكل..
خليل: يالسه لوحدج..؟؟..
أحلام تحاول تبتسم: عندك مانع..
خليل جلس بجنبها: وش فيج أحلام مو على بعضج..؟؟.. لج كم يوم متغيره..
أحلام تحاول تكون طبيعيه: سلامتك بس الأهل وحشوني شوي...
خليل يتقرب منها: وأنا ما وحشتج؟؟..
أحلام بغرابة: نعم..!!..
خليل: هههههههههههههههههههههههههه وش فيج تروعتي..
احلام: من كلامك..
خليل: وش فيه كلامي جأنه البخت..
احلام بقهر: وانا اشوفه ماسخ وماله داعي..
خليل بجدية.. صراحة حلومه أبغى اتزوجج ؟؟..
أحلام بصدمة: أنت وش قاعد تقول؟؟..أكيد مو صاحي؟؟..
خليل: لا صاحي من يوم شفتج هنيه وتعرفت عليج وأنتي بعقلي وبقلبي وابغاج لي يا بعد قلبي..
أحلام وقفت بعصبية: لو سمحت احترم نفسك ولا تخليني أغلط عليك...
خليل: ليش عشاني احبج وابغاج لي..
أحلام تبله ريقها بصعوبة: أصلا أنا مو موافقة..
خليل: ليش..؟؟..
أحلام: لان بكل بساطة انخطبت لولد عمي وملكتي الشهر الجاي يعنى لا تتعب نفسك بالمراوغة و حركات اعرفها بلاش تلعبها معي لو سمحت...
خليل بخبث: طيب دامج عارفه ليش تقولين مخطوبة ومن هالحجي اعتقد حنا فاهمين بعض زين..
أحلام لمت أغراضها: أنا صدق مخطوبة وراح ارجع للسعودية بأقرب طيارة واتمنى يا خليل تترك بصمة حلوة لك..عن أذنك..بعد ما رجع من المطار وصورة هاجر معطبوعة بذاكرته وهي تعطيه الورقة والدمع يغطي عيونها الحزينة.. واقف بالسيارة عند بوابه الجامعة.. يتذكر كلام اميرة والرسالة اللي سلمته هاجر.. ما يعرف ليش حرك فيه مشاعر كانت ميتة ومدفونة بداخله وكانه عاشت من جديد... مشاعر حب تتحرك لهاجر اللي جرحها بكلامه وقالها تنسى.. إذ نست أنا مستحيل أنسى.. اخذ جواله ودق على رقمها كان خايف بداخله أنها غيرت رقمها أو جوالها مقفل.. ومن بعد ما رن حس بقلبه بيطلع من مكانه وما هي إلا ثواني ترفعه ومبين أنها نايمه..
هاجر بصوت كله نوم: الوووووووووو...؟؟؟...
رياض بشعور متضارب بين الفرح والحزن: حمد لله على السلامة هاجر...
هاجر طيرت عيونها مو مصدقه اللي تسمعه جلست على حيلها بالسرير: الله يسلمك...
رياض بتوتر: هاجر...عرفتي من معك؟؟...
هاجر تحاول تبتسم: وهل يخفى القمر...!!..
رياض بارتباك: بصراحة مو عارف كيف أبدء أحس كل الكلام اللي كنت بقوله تبخر...
هاجر ماسكه فرحتها: قل اللي بخاطرك...
رياض بتردد: كل اللي بقوله يا هاجر.....أنا...........احبك.. "تبتسم بفرح مو مصدقه أذانها ودها تصرخ وترد مثل ما قال لكن شجاعتها خانتها ما توقعت ان رساله اميرة جابت مفعول وبسرعة هذه... لما طال صمتها ما يدري ليش انه استعجل"... هاجر أنتي معي..
هاجر بخجل ودموع فرح: إيه معك...
رياض: ما سمعت ردك..
هاجر: ردي..!!...بأيش؟؟..
رياض بتوتر: أقولك احبك... ما سمعت ردك...؟؟؟؟....
هاجر بين دموعها وضاغطة على الجوال: وأنا...... ما احبك.."حس انه تافه لما نطقتها".....أنا......أنا يا رياض....
رياض بضيق: خلاص هاجر ما يحتاج اعرف أنتي ايش...
هاجر تبتسم ببن دموعها: اموووووووووووووت فيك.. "ضحك بصوت عالي ما يعرف ليش وطال وهو يضحك"... رياض.."مارد عليها غير صوت ضحكته الهسترية".. الوووووو رياض... رياض رد علي..
رياض يتنهد براحة: الله يقطع إبليسك يا شيخه وقفتي قلبي...
هاجر: ليش...
رياض: كل هذا وما تعرفين ليش..."ماردت عليه كانت ميتة خجل".. هاجر..
هاجر: عيوني..
رياض بهمس: تسلم عيونك يا بعد عيوني.. لو احد قالك انتظري رياض وش بتقولين..؟؟...
هاجر بدلع: اممممممممممممم أكيد بقوله ما راح انتظره لأني مليت وأنا انتظر من سنوات.. إذ يبغاني خله يتحرك وإذ يطالع اللي يحب من غير حركة راح يندم...
رياض: أعتبره تهديد...
هاجر: ايه تهديد.. وبشوف وش بتسوي..
رياض: ابشري خليني أوصل للرياض عالطول بكلم أمي وش رأيك..؟؟.."ماردت عليه".. يقولون السكوت علامات الرضا..صح..
هاجر بقمة الإحراج: صح... بس مو أول ما توصل انتظر الوقت المناسب مو عالطول اخاف يشكون بشئ..
رياض: اوكي حياتي مثل ما تبغين.. أنا بخليك الحين لأني بنزل وراي محاضرة وانتبهي على نفسك زين...
هاجر: إن شاء الله وأنت بعد تحمل على روحك ولا تتعب نفسك وراح انتظرك بشوق وبعد الليالي والنجوم عشان ترجع بسرعة..
رياض بهمس: احبك.. احبك يا هاجر...
هاجر بخجل: مو كثري.. يله لا تروح عليك المحاضرة وتحطها بي الحين..
رياض: تصدقين عاد المحاضرة مو مهمه عندي كثر الصرفية...
هاجر: هههههههههههههههههههههههههههه...
رياض: تضحكين طيب ما راح اعديها بسلام.. توصين شئ..
هاجر: سلامتك ومثل ما وصيتك قبل.."بعد ما قفل منها حس بسعادة والحياة تضحك له من جديد مو مصدق اللي سواه استرجع حبه الضائع أشكرك يا أميرة يوووه ما بقى شئ على المحاضرة يا دوب الحق عليها نزل وكل تفكيره بهاجر وما حس إلا يخبط فيها.. وقبل ما تطيح مسكها بقوة وناظرت فيه وشافت بعيونه غموض مايله للحزن"
أحلام بارتباك من مسكته: ا..... أأ... أأسفه... ما..... شفتك
رياض انحنى يلم كتبها: حصل خيرانا المفروض أقول أسف ما انتبهت عليك..
أحلام بخجل: رياض... اقدر اطلب منك طلب..
رياض: تفضلي أحلام..
أحلام ترفع شعرها بتوتر: سامحني رياض..
رياض بغرابة: أسامحك..!!..على ايش؟؟..
أحلام بين دموعها: سامحني وخلاص..
رياض: أحلام ليش الدموع ترى ما أحب اشوفها عليك.. "ناظرت له بغرابه".. إيه ما أحب اشوفها لأنك مثل أختي فوز..
احلام بتعجب: فوز..!!!!....
رياض: ايه اختي فوز ما ادري ليش كل ما أشوفك أشوفها فيك تصدقين اشتقت لها ولبناتها.."ابتسمت بحزن"..شوفي صورهم أمس اعطتنياهم وطبعتهم بالسكنر لميس عمرها سنتين وود توها جايبتها يعنى لها أسبوعين...
أحلام تمسح دمعة نزلت منها: شكل أختك الوحيدة..؟؟..
رياض: لا عندي نجود الكبيرة ومن بعدها فوز ولمى أصغرنا متزوجة من اخوي..
أحلام بتعجب: أخوك..!!.. وشلون تجي هذه؟؟..
رياض: إيه اخوي من الرضاعة اسمه طلال...
أحلام: بس المفروض تكون أخته بعد... هذا اللي اعرفه..
رياض يبتسم لها: واللي ما تعرفينه انه خالتي اللي هي أمي مرضعتني وبناتها هم أخواتي يعنى عندي 6 أخوات.."نزلت رأسها".. والحين ممكن اعرف وش سبب الدموع؟؟..
أحلام بحزن: اشتقت لأهلي..
رياض: صعب.. صعب الواحد منا يترك اعز ناسه وخلانه ولا يشوفهم لمدة طويلة..
احلام: من زمان ما شفتهم..؟؟..
رياض: من سنتين ما شفتهم ومشتاق لهم كثير..
احلام: ان شالله تشوفهم عن قريب خلاص هانت كلها كم شهر ونرجع لاهالينا.."هز راسه بايه".. عن إذنك عندي محاضرة الحين و سلم على فوز..
رياض: يبلغ.."راحت عنه ما يدري ليش حرك بداخله شوق الأهل مشتاق لامه ولأبوه وأخواته وطلال والكل.."..
مرت الشهور بسرعة على رياض وحنينه لاهله ولهاجر يزيد اكثر.. ضغط على نفسه بالدراسة عشان يضمن النجاح بمرتبة الشرف.. وهذا اللس حصله من غربة 3 سنين والحمد لله حقق اللي يبغاه.. وبقى المهم بحياته هاجر..
الكل فرحان ومبسوط ببيت عزيزة من زود فرحتهم جلسوا بالحوش ينتظرونه والهفه بتطل من عيونهم وحتى الجدة صيته جايتهم من بدري عشان تكون أول الناس تسلم على ولد بنتها اللي انتظروه 3 سنوات بشوق ووله.. اليوم وصول رياض والكل راح يستقبله من المطار من بعد الامتحانات عالطول حجز على أول طيارة لأرض الخير والأمن والحب للرياض...
عزيزة بتوتر: يمه نجود اتصلي على أخوك وإلا أبوك يشوفونه وصل أو لا..
نجود تهديها: الله يهديك يا يمه قبل ربع ساعة متصلة وللحين باقي على هبوطها ساعة إلا شوي..
أم عبد الرحمن تبتسم: عزيزة اللي يشوفك يقول رياض مهاجر من دهر..
عزيزة: يا يمه مو بيدي هذا الغالي أنا الغبية اللي أطاوع إبراهيم واكنسل السفر..
حصة: اصبري يا اختي كل المدة صابرة جت على الحين.."جتهم فوز اللي شايله بنتها معها والثانية تجر بعباية امها"..
فوز: هااااه بشروا وصلوا...
خوله: لا لسه..
لمى بقلق: طيب اتصلوا واسألوا..
نجود: وأنتي ليش ما تتصلين هناك ابوي وسلطان وفوق هذا زوجك وخالك..
لمى بقهر: طلال قال ما اتصل للين هو يدق..
أميرة تضحك: ههههههههههههههههههههه وش فيها هذه ناشبة فيك..
فوز: يقالها مستحية...
نجود: الحين مستحية وهي ما غير تكفخ بعيالنا..
أميرة بتعجب: لميس هالصغنوونه يطلع منها..
نجود: يا حليلك واكثر والله انها تصيح مي ونواف وعيال سلطان اللي اكبر منها..
لمى تتدخل: والله بنتك دلخه على امها ما تعرف تتدافع عن نفسها..
نجود بقهر: دلخة عليك يا حمارة.."ورمت عليها علبة المناديل"..
أميرة: لا تضربين مرت اخوي ترى اقول لطلال يوريك الويل..
نجود بقهر: خوفتوني بطلال..
لمى: ايه عمك الشيخ طلال بن محمد..اجل أبو نواف..
عزيزة بقهر: بنات وبعدين هذا وقته انتي وهي..
نجود: هذه لمى ما تستحي..
لمى بقهر: الحين انا..
عزيزة: بس خلاص قومي جيبي الضيافة..
منيرة: انتظروا لين تجي شماء وبلقيس..
عزيزة: إذا جوا بنجيبها مرة ثانية.."قامت لمى للمطبخ وقامت معها هاجر اللي ميته خوف وقلق على لقاء رياض مع اهله.. ولقائها معه".. التفتوا لجهة الباب تطلعون للشخص اللي دخل عليهم نجود وفوز قفزوا من فرحتهم بشوفته ما صدقوا انه رياض أخوهم من غير سابق إنذار وطارت عزيزة بدموعها تضم ولدها وتبوس فيه من كل جهة وكأنها ما شافته من سنوات طويلة وعالطول جت من وراها حصة وبقية أخواته يتحمدون له بالسلامة بعد ما هدت أمه مشوا للجدة جالسه وكانت هي الثانية تأثرت من اللي شافته مسحت دموعها بشيلتها وجلس رياض عندها ومد يدها وباسها ومحد انتبهى للي جاء مع لمى لما شافت رياض جالس ومبتسم لها لكن عيونه كانت على اللي واقفه وراها واللي استجت من نظراته ورجعت وين ما كانت.. دخل سلطان وجلس بجنب امه اللي من فرحتها لامه ولدها..
سلطان: قرت عينك يا الغالية وحمد لله على سلامه رياض..
عزيزة ماسك بيدينه: الله يسلمكم لي.. "التفت عليه".. وشلونك يمه طمني عنك..؟؟..
رياض يبتسم: بخير طمنيني عنك يالغالية..
عزيزة بين دموعها: أنا بخير دامك بألف خير...
فوز تجلس بجنبه: يمه عاد شوي وبتاكلين رياض خلي لنا نصيب..
عزيزة: نصيبك مع بناتك ورجلك أما أنا فمع وليدي..
لمى: عاد خلاص الحين رياض موجود واكل النصيب كله..
رياض قصد يحرجها: وانتي بعد نصبيك عند طلال للحين ما كله..
لمى اللي بدء وجهها يحمر: اصلا ما اعطيه وجه..
رياض: ههههههههههههههه والله ما عرفنا لك انتي ورجلك.. يقول ما اعطيها وجه وانتي تقولين نفس الشئ..
أميرة: هذولاء هم دايم كذا مو متفقين بشئ..
نجود: عشانهم دلوووخ.."ما ردت عليها وفضلت تسكت"...
أم عبد الرحمن: يمه رياض ليش غديت كذا ما يوكلونكم هناك..
عزيزة بانتباه: إيه والله ليش ناحف حيل وتغيرت كثير...
رياض: لا تغيرت ولا شئ اللهم سويت رجيم قاسي..
لمى بفرح: قصد أمي مو كانك مغمق شوي..
رياض: مسوي لون برونزي.."ضحكوا أخواته وضحك معهم"...
حصة: خلاص يمه رياض تعال كل يوم عندي ارجعك مثل قبل واحسن بعد..
فوز: لا يا خالتي لا تخربين اخوي كذا احسن من قبل بكثير..
سلطان يقطع عليهم: شكل الجلسة عاجبتك هنا الشباب يبغونك هناك..
عزيزة تلمه: ما شبعنا منه..
رياض: راح تشبعين مني يا الغالية..
أم عبد الرحمن قامت مع رياض: اجل بكرة عازمتكم بالمزرعة وراح نقضيها 4 ليالي هناك عشان وليدي رياض يستاهل..
رياض يبوس رأسها: تسلمين يا جدتي عسى الله يخليك لنا..
أم عبد الرحمن: يمه سلطان فيه احد غريب عندكم..
سلطان: لا ما فيه احد كلهم أهلنا..
أم عبد الرحمن تسمك بيده: أجل ودني لهم.."راحت أم عبد الرحمن مع عزيزة رياض للمجلس منها تتحمد لإبراهيم على سلامه ولده ومنها تعزمهم من بكرة.."..
دخلت عليها بالمطبخ وشافتها جالسه سرحانه بافكارها.. مسحت على شعرها بحنان وبتظره كلها نعومة ناظرت فيها وجلست مواجه لها..
أميرة: تفكرين برياض..
هاجر بخجل: اكيد..
أميرة تبتسم: تحبينه..؟؟..
هاجر تتنهد براحة: كثير..
أميرة: الحين هو رجع والوظيفة بإذن الله مضمونة.. أقدر اعرف وش بتكون الخطوة الثانية..
هاجر نزلت راسها بخجل: أسالي رياض..
أميرة: انا اسالك انتي..
هاجر وقفت: مثل خطوة متعب لك وخطوة طلال للمى..
أميرة تبتسم: الله يوفقكم ويسعدكم... تقدرين تطلعين راح لقسم الرجال..
"هزت راسها مبتسمه وطلعت من المطبخ وجت لمىلها"..
لمى: وش تسون..؟؟..
أميرة تجلس: ولا شئ..
لمى: طيب قومي ساعديني بالضيافة سلطان ازعجني بالقهوة..
أميرة تتصنع التعب: والله تعبانة وما اقدر..
لمى بقهر: اللي يسمعك اول مرة..
أميرة تحط يدها بسرعة: اوووووووش لا يسمعك يا دبة..
لمى بتعجب: ما قلتي لا أحد.."هزت راسها بلا".. ولا متعب.."هزت راسها بلا"... وش تنتظرين..؟؟..
أميرة تبتسم: كل شوي بوقته حلو...دخلوا لجناحهم بالفندق كل واحد مو مصدق عيونه وكأنهم يحلمون بحلم جميل وقفت بوسط الغرفة بفتسانها الساري الهندي اللي الكل انبهر من فكرته وأخيرا الحلم أصبح حقيقة..
رياض يلفها عليه بعيون مليانه حب: تدرين هاجر وش نفسي..؟؟..
هاجر منزله رأسها من الحياء: وشو..؟؟...
رياض يرفع رأسها: أطير بالسماء لفوق... لفوق.. لفوق.. لفوق
هاجر تبتسم: وليش عاد...
رياض يقربها له: ما تدرين ليش..؟؟.."هزت رأسها بلا"...عشاني فرحان ونلت اللي ابغاه تدرين يا بعد قلبي وش أبغى الحين...
هاجر: وش قصتك اليوم كل شئ تبغاه لنفسك مو كأنك أناني...
رياض: ههههههههههههههههههههههههه من حقي أكون أناني لحبيبتي دامني أبغى أسعدها وما راح اقصر عليها شئ بس هي تساعدني عشان نبني عشنا بصبر وحب نبادله لبعض من غير أي احد يتجاهل وجود الثاني ويحب الثاني أكثر...
هاجر تناظر له بخجل وبعيون مليانه دموع: وعد مني يا رياض أني أسعدك طول ما أنا معك وراح أكون الزوجة المحبة والمطيعة و الحنونة لك ...
رياض مسح دمعه نزلت: ليش الدموع الحين..؟؟..
هاجر تبتسم: مثل ما ودك تطير من الفرح أنا بعد دموعي نزلت من الفرح..
رياض بهمس: احبك..... والله احبك..."ما قدرت تقاوم كلاماته وعالطول ضمته بقوة تبكي وكان صوتها مسموع على أذانه"..
هاجر بين دموعها: وأنا أموت فيك وما اقدر استغنى عنك دقيقة وحدة أنت نور حياتي اللي كانت مظلمة من بعد ما فرقت وكأن روحي بتطلع مني..
رياض يبتسم: بسم الله عليك خلاص عاد بلاش هالدموع ويا ويلك إذ شفتهم مرة ثانية...
وبكذا انتهت معانة رياض مع هاجر واختموها بحياة سعيدة لهم.. ما تصور بالبداية بيحصل موافقة عالطول من عيال خاله توقع بيحصل العكس كون انه مو مناسب لأخته لكن اللي فاجئه كلام متعب لما قال انه رجال وما يعيبه أي شئ دام هو اللي راح يسعد أخته ومن هنا ابتدأت حياة اللي طواها بيدينه وبغى يرميها ببحر أحزانه ومثل ما قال حسين الجسمي...
ابتدء يا حب وارسم في سماء هالليلة قلبين..
اكتب هاجر بالأول واكتب الثاني رياض..
أو يجي لك رأي وقف..
اكتب الاسمين لكن حطهم في قلب واحد..
يالفرح مريت نساهم وانثر الإحساس ما بين ...
حب وأشواق وتهاني والدون غابوا قصايد..
دام هذا اليوم تاجه عرس ال الذوق والزين..
عرس نسل العز نسل المجد والتاريخ شامل..
يا اله الكون سلم حبهم من شر كل عين ..
بالهنا طول عمرهم وأعمى عنهم كل حاسد..
يحفظ هاجر ورياض مثل ما هم أحلى روحين..
صونهم بالخير واجعل بيتهم بالعز شامخ..
ابتدء يا حب وارسم في سماء هالليلة قلبين..
اكتب هاجر بالأول واكتب الثاني رياض..
"توهم داخلين من القصر ومثل كل مرة جلسوا بالصالة قام من عندهم تعبان وجوعان نوم.. ومن ورآه جدته وما بقى إلا أميرة اللي شايله ولدها النايم وخالتها اللي كانت تبكي على فراق بنتها وأميرة ما قصرت في تهديتها وخلت تأخذ دحومي ينام عندها ما لبسته البجامة وحطته على السرير وسمت عليه.. طلعت فوق وهي ميته تعب ما حبت تفتح النور عليه وتقلق نومه لما وصلت عند غرفة الملابس فجاءه الأنوار انفتحن وكأنها بحلم كان مبين انه مسوي كل شئ ترتيب وابداع وشاعرية اكثر تقربت منه بعيونها المليانه حب..
متعب بهمس: كل سنة وأنتي بألف خير..
أميرة تبتسم بدلع: وش مناسبة هذا كله..؟؟
متعب يناظر للمكان الرومانسي: بالتاريخ هذا ما يذكرك بشئ..؟؟
أميرة تفكر: اممممممم إلا بيوم زواجنا..
متعب يبوس يدينها: وما تشفينها مناسبة حلوة..
أميرة بحنان: أحلى مناسبة...
متعب بنظرة حب: أميرة فيه شئ أبغى أقول لك
أميرة بعيون مليانه دموع الفرح: وشو يا بعد روح أميرة..
]متعب: قد مرة قلت لك أني.....احبك.."استغرب من ضحكتها".. وش فيك تضحكين وكأني قايل نكته...؟؟
أميرة تمسح دموعها: هههههههههههههههههههههههههههههه لأني كل ما تقولها أحسها من قلبك وهالمرة أحسها غير
]متعب بغرابة: وشلون غير..؟؟...
أميرة بخجل: هالمرة أحسها نابعة من أعماق أعماق قلبك ههههههههههههههههههههههههه.."ناظر لها وهي تضحك واستغربت انه ما ضحك معها".. قلت شئ ما يضحك..؟؟..
متعب يتنهد براحة: غمضي عيونك..
اميرة بخبث: عارفه جايب لي هديه صح.."هز رأسه بأيه".. يعنى ما يحتاج أغمض.."ابتسم لها وراح لجهة الدواليب وطلع صورة كبيرة لهم ناظرت لها بانبهار ووقفت عنده ومن غير سابق إنذار ضمته بقوة
متعب: لحظة فيه شئ ثانية بعد
أميرة بعدت باستنكار: وشو..
متعب يهمس بأذنها: هالمرة تغمضين غصب.."امتثلت لأمره وماطلب تفتح شافت طقم من الالماس فيه حروفهم محفوره عليه.."...
أميرة بدهشة: اللللللله يجننننننننننننننننننننننننننننننننننن.."باسته قوية على خده من دون شعور واستحت من نظراته"...
أميرة بخجل: طيب أنا عندي لك هدية ما حصلتش
متعب بغرور: ما اعتقد تكون أحسن من هداياي
أميرة بخجل: طيب غمض وبتشوف
متعب بغرابة: لا ما راح أغمض المرة الأولى ما غمضتي وأنا غمضت أميرة بدلع تتقرب منه: عشاني
متعب بهمس: عشانك كم عندي أميرة الورد
أميرة بدلع: وحدة اللي هي أنا..."غمض وأخذت يده وحطتها ببطنها عالطول فتح عيونه بدهشة وكأنه مو مصدق مكان موضع يدينه"...
متعب بفرح: جد أميرة أنتي..."هزت رأسها بخجل وشالها من الفرحة ودار فيها الغرفة وهي تصارخ"... وتلوميني فيك إذ ما حبيتك...
أميرة بخجل: طيب نزلني
متعب: لا ما راح أنزلك
أميرة: عشاني متعب نزلني.."هز راسه بلا مثل الأطفال"..عشان خاطري وخاطر دحومي
متعب نزلها: عشان خاطركم وخاطر منيرة
أميرة تناظر له بتعجب: أي منيرة..؟؟
متعب: يحط يده ببطنها: بنتي ولا عندك مانع بالاسم..؟؟
أميرة تحضنه: لا ما عندي أي مانع وخالتي تستاهل إذ سمينا عليها...
معقولة هالحب يجي يوم وينتهي..؟؟..أو ينتهي بانتهاء قلوب الناس وافتقارها للحب؟؟
أجمل الحب.. حب ما بعد الزواج....
ما قلت الحب الوحيد..
ولا قلت الحب الحقيقي..
ولكنه.. أجمل الحب.. لأنه اكتشاف مستمر.. وبحث متواصل.. وحب دايم..
كم فكرة غيرت في بالي أميرة .. وكم دقة قلب دقها في قلبي متعب..
وكم موقف غيرنا من هاجر ..
مساعد ونورة... التضحية الكبيرة.. وكره وظلم مساعد لعماته وعيالهم وبالأخير يتحول إلى حب لخوله ولعماته..
رياض وصبره وحزنه كله ولكن بالنهاية وجد هاجر اللي كانت تنتظره بفارغ الصبر.. لكن كل شي بموعده حلو الاستعجال ما كان وارد أبدا
طلال ولمى صبر الحب وشقى القلب وعذاب الغرام كله متجسد معهم في إطار حبهم البريء..
الجدة صيته الحكيمة في اتخاذ القرارات والتي تحاول تلين قلوب الناس اللي تحبهم
محمد حبه لبناته ووقوف معهم حتى لو لمصلحتهم أهم شئ يكونوا على قناعة ورضى تام
حصة حبه للشرف والعدل مما خلاها ترفض أي شئ يكون ضدها أو معها حتى لو على حساب مصلحتها
عزيزة المسالمة واللي تدور على الخير قبل كل شئ....
منيرة الأم الحنون والقلب المليء بالدفئ والحنان وحريصة على تجمعهم بالخير وبقلب واحد
بلقيس صاحب اللسان الذي ينطق بالحق والصدر الرحب في مواجهه أي مشكلة تحصل للإخوان...
خوله القلب والحضن الدافئ للأولاد والحب الجارح اللي يسمى حب طرف واحد لكن بطيبتها قدرت أنها تلبي معجزة انه الطرف الثاني يحبها زي ما تحبه وأكثر
شماء بينت لنا قلبها الكبير وخوفها على أخواتها وحرصها عليهم ..
فوز ومشعل اللي يبين نظرية أن الحوادث التي يصاب بها الشخص مو مهم في إسعاد الزواج وإنما إذ تواجد الحب والتفاهم يحل يكون كفيل وإصلاح كثير من الأمور
the end
انتهت قصتي وإن شاء الله نالت على اعجابكم
وسامحوني على القصور والتاخير
وانتظروا جديد اللي ينولد على قلمي وبين اصابعي
المتواضعه.....
قصة """" في صمتي ألم """"""""
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك