رواية روح معاه وخلني استمتع بنغمة بكاي -28

رواية روح معاه وخلني استمتع بنغمة بكاي -28

البارت 15

"الجزء الثاني"

" سُخط "

. عندمآ تضع آلطيبة وَ آلآحترآم لهـم

وَهـم يضعوَنگْ في ( ..

قآئمة آلآنتظآر ., ! )

متى مآ جآءهـم"آلملل" أتوَآليبحثوَآ عنگْ .,"

$$$$$$$$$$$$

عبدالاله لف عليها:قلت جاااااااااااااااااااب..ولا والله..والله..والله ..هذي ثلاث حلفان ان ماسكرتي هالسيرهـ رااح تلقين شئ مايرضيك..

وطلع براا الشقه ..مقهور من حاله كييف يسوي بالانسانه اللي عشقها من صغره كذا..هذي الانسانه اللي يحبها..وذاب في حبها سنين..احين يعتدي عليها ..ولاء هو شسوى خانها..وتزوج غيرها..مو مرهـ..مرتين..خان حبه..لها..خان الميثاقاللي اطلقه لها..قبل مايمكلك عليها..معقوله بس ظمن موافقتها.. يروح يلعب لعبته حس راسه صدع من كثر العتاب اللي ياكل بقلبه..

كان يمشي بسيارته..مايدري لوين بس المهم انه ضايق..ضايق ..

تذكر سالفه قبل مايملك على تهاني..

<<

عبدالاله:شوفي..انا قلت لك من الحين اني احبك بس هااهـ,,بعد ماتصيرين حقي انا موقايل شئ انتي اللي بتقولين..

تهاني:لاوالله..

عبدالاله غمض عيونه:المشكله ماقدر عليك..

تهاني هنا ضحكت..

عبدالاله:الله لايحرمني من هالضحكه..

تهاني:ولايحرمني منك..

<<

$$$$$$$$$$$$

سعد ابتسم لها:قلت لك كم مررهـ..انتي اذا جيت انا تنامين بحضني..

لين:ليييه..

سعد:بس كذاا..

لين:طب وماما..

سعد لف على نجد اللي جالسه..تمشط شعرها..

سعد:حتى ماما..

لين وقفت على السرير:بس مايكفي السرير..

سعد ضحك:الا بيكفي ..ولييه مايكفي..

لين:بس هي صااارت دبااا..

سعد:حلفي..

لين:والله..حتى اوريك..

وراحت تركض لعند نجد وجرتها لسعد..

لين:شوف..

هنا سعد ضحك على لين..

نجد:بعد اضحك..اضحك..شعليك انت...

سعد:وربي انها تحفه هالبنت..جابتها..

نجد:لين ماما..روحي نامي مع ابوك..انا بروح لغرفتك..

سعد:افاا ..زعلتي..

نجد طالعته:ولييه ازعل..هو انت قلت شئ يزعل..

لين:ماقلنا شئ يزعل..

نجد:اييه ماقلتوا شئ يزعل..

سعد جرها هنا:تزعلين مني انا سعودتك..

نجد بغرور بعدة وجهها عنه..

سعد باسها:بلا دلع ويلا..انا بعد يومين مسافر..

لين:ماما..انت حلوهـ..ومودبه..

سعد:شفتي حتى بنتك تقول..

لين:اي..

نجد هنا ضحكت عليهم..

سعد:حلفي والله..

نجد:والله..

$$$$$$$$$$$$

. أبي دنيا مبادئها ." تحرم ." صدمة الأحباب ..

تلاقي الحب ..و الطيبه .. عنآويـن لآرآضيـهـا..

تهاني:لينا..

لينا:عيونها..

تهاني طاحت دمعتها:ماكنت احلم صح..

لينا جلست:تهاني..

تهاني:آآآآآآآآه..قهرني يالينا..قهرني قهرني..حطمني ..ذبحني ..ضيعني..ضيعني ..ضيعني.."شهق بالم"..كان يعرف اني احبه واموت عليه..استغل حبي ..استغل الوله اللي كان يشوفه فيني..وقاااال بتسااامح..ضيعني يالينا..

لينا حضنتها..:خلاااص ..خلاااص..

تهاني:لينا..كنت بمشي..خلاااص بنسااااهـ..وبنسى طاريه..بقتل قلبي..لاكنه ..علقني فيه الحين بفعلته ..قولي لي شسوي ..شسوي.."كانت تضرب بلينا بوهن"..شسوي..شسوي..حسبي الله عليه..حسبي الله عليه الخسيس ..النذل..لينا ضعت..ضعت..

لينا حضنتها اكثر..شتقول ..حتى هي ماتوقعت هالشئ من عبيدااان الخايس..

ضيعوني

ضيعوني عذبوني حسبي الله عليهم حسبي الله

ولعوني وارحلو وعن شعوري ماسألو ما يخافون من الله حسبي الله

افهموني وعلقوني حسبي الله عليهم حسبي الله

شافو بعيوني الوله حب بادي بأوله صعبولي المسأله حسبي الله

ريحوني واتعبوني حسبي الله عليهم حسبي الله

وشبقى فيني شبقى والزمن ما فرقه

ليت ماصار اللقى حسبي الله

تهاني:حتى مافكر يسال..انا مت ..اناحيه..ولاكانه سوى شئ..

$$$$$$$$$$$$$$

في يوم الاربعاء..

بيت الجد..

سعد:يباااهـ..بسوووووم..والله بنتاخر..

الجد:طيب ياولد اصبر..خل اختك تجي..

سعد:انا بصعد..لها هذي بصراحهلازم تنقع الواحد..

الجد:انا بروح على السيارهـ..

$$$$$$$$$

بيت ام فواز..

ام فواز:امـــــــــااااااااااااااني..

اماني وهي نازله وبيدها كيسه..

اماني:هلا يمه جاايه..

ام فواز:شعندك متاخرهـ..يله اخوك برااا..

اماني:طيب ..انا خلصت..

ام فواز:وينه اخوك..

اماني ماعرفت شتقول..

ام فواز:ويـــــــــنه..

اماني:يمه يوسف بعد ماضربه ابوي البارح ..مايبي يروح.."طبعا ضرابه غيرك الكف اللي جااهـ"..

ام فواز تنهدت:روحي للسيارهـ..انا بروح اشوفه..

طلعت لدرجات السلم ودخلت غرفه الاولاد..

ام فواز:يوسف..ماتبي تروح معنا..

يوسف:عندي اختبار..

ام فواز:شنو اختبارهـ..

يوسف:اختباريمه انتوا روحوا..يلا ناصر ..سمعيه ينادي..

طالعته ام فواز:جدك مسوي العزومه لك..

يوسف رفع راسه:وباي وجهه بقابلهم..

ام فواز تنهدت..

يوسف:يمه..انا مافيني اقابل احد وانا كذا..

ام فواز:خلااص انا بعد مو رايحه..

يوسف:يمه..تكفين..خلاااص روحي..

ام فواز:واخليك بروحك معه بالبيت..

يوسف:ومن بيقول له اني معاااهـ..انتي روحي ولاعليك..

ام فواز باسته:يلا..انا بروح..بس هااهـ..يمكن مانطول بكرهـ نرجع..

طلعت ام فواز تاركه وراها ولدها..لولا ان ابوها طالبها ماتترك جمعتهم ولاكان ماخلته..لحاله..

$$$$$$$$$$$$$$$

بيت بوعبدالله..

عبدالله:ســــــــــــــــلــــــــمـــــــــى..يــ ـــــــــــلـــــــــــه..

ساره وهي جاييه:عبدالله..شل هالاغراض ويااك..

عبدالله خذا الاغراض:طب روحي نادي..سلمى وتهاني..مابينوا..

ساره:طيب انا رايحه لهم..

صعدت سارهـ..لغرفه البنات...

ساره:سلمى تهاني يلله..

سلمى:انا خلصت بس تهاني باقي ماخلصت اغراضها بساعدها..

ساره:روحي دخلي اغراضك..وانا بساعدها..

لمت سلمى اغاضها وطلعت براا..

ساره:تهاني..

تهاني طالعت بسارهـ..

ساره:صار شئ بينك وبين عبدالاله..

هنا تهاني توهقت..وطالعت بسارهـ..ثم نزلت راسها على شنطتها..

تهاني:شئ مثل شنو..

ساره:اصل عبدالاله كلمني امس يسال عنك..

هنا تهاني طالعت بسارهـ..توها بتتكلم..الا دخل عليهم عبدالله..

عبدالله:شكلكم مو ناويين تروحووون..

تهاني سكرت شنطتهاسرعه وراحت لعباتها..

تهاني:انا خلصت..

عبدالله:طيب يلا خلونا نتيسر..لانتاخر..

$$$$$$$$$$$$$

الجد:سعد مر على بيت اخوك سامي..

سعد:لييه..يايبه..

الجد:بناخذ معنا..

سعد:والله..

الجد:مابيه يجلس وحداني..

سعد:واخواني..

الجد:اللي مو راضي بيشوف شبيصير له..

بسمه:الله لايحرمنا منك يبه..والله لما تروح لمهند بيفرح..

سعد:اي والله..

بسمه:طب يباااهـ..اتصلت على سلمان يجيب ولايف..

الجد:قلت له..بس قال بيشوف..

$$$$$$$$$$

بوخالد:وعبدالاله وينه...

صالح:يباااهـ عبدالاله للحين دوامه ماخلص..

بوخالد:خلااااص خذ خواتك وروح..

صالح:انا باخذ البندري وورده وبمشي...

بوخالد:وفهد..

صالح:فهد نايم يقول اذا صحى بيمشي..

بوخالد:خلاااص توكلوا..وحنا وراكم..

صالح:يلا انا استاذن.."ورقا لفوق"..وردهــ..البندري..يله..

$$$$$$$$$$$$$

خالد:تغريد..وين حمووودي..

تغريد لفت عليه:انت يوم ناديته نزل لك تحت..

خالد:نزل ..بس محد جاني..

تغريد استغربت:كيييف محد جاااك..

خالد خاف هنا ونزل تحت لبراا..يدورهـ..مالقى احد رااح للبواب..

خالد:بكر ماشفت محمد ولدي..

بكر:الا عم خالد..هو جاهنا يدورك..لاكن انتى ماكنت هنا..

خالد:طب وي رااح...

بكر:مــاادري..

*خلووود..

هنا لف خال على محمد ونزل وحضنه..

خالد:حموووودي ..وين رحت خبصت قلبي..عليك..

محمد هنا ضحك:خلووود..ثوبك كله ايسكريم..

خالد هنا ابتسم:يفداك الثوب..بس حمووودي لاتخرعني ترى موت خفت عليك..

محمد :طيب..

محمد:طييب..

خالد:يلله خلنا نروح لتغريد..

صعدوا درجات السلم..لين مااحوا للشقه..وخالد يحمدالله..

تغريد:هااه خالد..لقيته..

خالد:اييه هذا هو..

محمد دخل لداخل..

تغريد:خالد شنو..هذا..

خالد:هذا محمد الله يهديه..

تغريد مسكته: تعال بدل ثوبك..

$$$$$$$$$$$

سعد:يبااه مهند مو بالبيت هالوقت..

الجد:بنتظرهـ هنااك..

سعد:اللي تشوفه..

$$$$$$$$$$

مهند:ماكلمتيها..اليوم..

لينا:لاء..بس..بنشوفها بالشاليه..

مهند:اي شاليه..

لينا طالعته:لييه ماقالوا لك عن ان نحنا بنروح الشاليه اليوم جدي مسوي عزومه ..للبندري ويوسف..

مهند:لاوالله محد قالي..

لينا:بس..بس كل العايله بتروح..

مهند:ماعلينا الحين قولي لي..تهاني بتروح..

لينا:اي..

مهند:واللي فيها..

لينا:تهاني ..ماتحب تظهر لاحد انها مكسوره ..عشان كذا بتروح لهناك..ولاكان شئ صاير..

مهند:الله يعينها..طمنيني عنها..

لينا:آآآميييييين..وانشاء الله من اشوفها بطمنك..

هنا دق جوالها..

لينا:هذا عمي..يلااا مهند انا برووح..تامرني على شئ..

مهند:مايامر عليك عدو..سلمي لي على خالي..

طلعت لينا ..وظل مهند جالس يفكر..لييه ماقالوا له بس بعدها تجاهل الموضوع..وقاام خلاااص خلص شغل وماعندهـ شئ الحين ..

$$$$$$$$$$$

صحى من النووم..يووه تاخرت..طلع براا الغرفه وجلس..ينادي..

فهد:ياهل البيت ..احد يرد علي..ياهووووهـ..

لاكن ابد ماكو احد..عرف انهم مشوا عنه..

فهد:قلت بغط..وماصدقوا خبر على طول راحوا..

$$$$$$$$$$$

رحاب:قل لك يانواف روح..

نواف:شوفي رحاب طلعه من هنا ماكوا..انا ماخليك هنا لحالك..واروح اونس عمري منيب قليل اصل..

رحاب:الله لايحرمني منك..

نواف:آميييين..

رحاب:الا حسام رجع سافر..

نواف:اييه رجع..

رحاب:طيب اشوي يعني الحين اقدر..اشوف مهند ولدي..

نواف:اي اكيد..

$$$$$$$$$$$$$

بشار وهو يصيح:قصيتي علي وخدعتيني ..خليتيني اعيش بوهم..واصدق نفسي..

نهاد:بشار يمه شنو قصيت عليك فيه..

بشار:جابر مو ابوي..موابوي..موابوي..

نهاد:بــــــشـــــــــااااار..لاتقول كذا...جابر ابوك..انت من قالك انه موابوك..

بشار هنا طالعها:اقولك مو ابـووووووي..فهمني مو ابوي..

$$$$$$$$$$$

مهند:هاااهـ كومار..جبت الاغراض اللي وصيتك عليها..

كومار:نأم..بابا..

مهند نزل طالع بالسيارهـ اللي واقفه على الباب ..

مهند:في احد داخل كومار..

كومار:اي في رجال وهرمه يدخل داخل..

مهند:طيب كومار غسل سيارتي..

دخل مهند لداخل بيشوف من اللي جايبه هالحزهـ..

مهند:روز..روز..

روز جابته تركض..

مهند:مين هنــا؟!..

روز:بابا كبيــر..وباباسأد..وماما بسمه..

مهند جدي هنا شيبي فيني ياربي انا مافيني حييل على مواجهته الحين..لايكون جااي يطالب بحلال ابوي مثل حسام وسالم..

توكل على الله ودخل..

مهند:السلام عليكم..

ردوا عليه السلام..

$$$$$$$$$$$

بعد مالكل وصل ..ماعدا الجد اللي عند مهند وبيت جابر اللي ينتظرون لينا..

صابرين ونسرين مسوين لهم حركه لبسوا نفس اللبس وسووا كل شئ نفس بعض ..حتى انهم لبسوا نظارات مثل بعض.."لان صابرين تلبس نظاراات اما نسرين لاء"..

اماني:انا الحين اعلمكم اي وحده فيهم صبيرهـ واي وحدهـ..نسيرهـ..

صابرين ساكته وتطالعها يعني اتحدااك..

ونسرين تسوي مثل صابرين وهي بتموت من الضحك..

تغريد:الله يعينا عليهم هالمخفات...

نسرين توها تتكلم لاكن مسكت حالها..

اماني:شوفوا تراا انا اموون..واعرف من تكونيين..انتي وياها لوايش سويتوااا..

صابرين ونسرين طالعوا بعض..

اماني جرت شعر وحده منهم ذيك ساكته ماتكلمت..

اماني:انتي عرفناك..

تغريد:وشلون عرفتيها هاااهـ..ليكون خذيتي خصله من شعرها وفحصتي ..جيناتها..

اماني:صبري خليني اشوف الثانيه..يمكن غازي ونحنا ماندري..

تغريد:يوووهـ...صح يمكن ونحنا ماندري.."وسحبت الكنبل عليها"..صح امون ماتشوفينهم مايتكلمون ليكون بس..

اماني:صبري بس صبري علي..

وبحركه سريعه جرت شعر الثانيه..

نسرين:آآآآآآآآآآآآآآآآآآآ..

اماني:هههههههههههههه...نسرينوووووهـ عرفتك..

صابرين تخبط نسرين:يالخنفسانه..لييييـــييـه..

تغريد:هههههههههههه..

نسرين:آآح ح..تالم امووون.."ولفت على صابرين"..بعدين..تعالي انتي اذا انا خنفسانه..انتي شنو هااهـ..مو كانك..معااي بنفس البطن..

اماني:قلت لكم انا اموون..

صابرين:حمدلله والشكر..مصدقه حالها البنت..

اماني:ولييه مااصدق حالي ..مو انا امون اللي تعرف كل ماتخفون..

تغريد:ههههههه..آآآ يابطني..وربي من زمااااان..ماضحكت مثل هالضحك..

هنا دخلت سارهـ عليهم وابتسمت على تغريد اللي تضحك تغيرت مررهـ..صارت تتدخل مع البنات ..اكثر..وتندمج معهم ..مو قبل عازله نفسها..

ساره:بنات ماشفتوا بنو..

اماني:لااااااء..

ساره:غريبه قالت بتدخل تجيب لمعاذ بطانيه عشان احطه ولا رجعت..

صابرين:كاني شفتها دخلت غرفه الحريم.."تقصد غرفه نوم امهاتهم"..

ساره:طيب سوري ..قطعت عنكم ضحكتكم..

$$$$$$$$$$$$$

مهند:اروح معكم..

الجد:ايييه..انت من اهلنا..وولدنا..لازم تحضر جمعاتنا..

مهند:بس..

الجد:لابس ولاحاجه..انت الحين تجهز ثيابك وتمشي معنا..

تو مهند بيتكلم الا الجرس دق..

مهند وقف بيروح يشوف الا روز جاات وفتحت الباب ..

*مهند سامي..اهذا منزله..

مهند لف بصدمه:نـــــــــيــــــــكــــــــــول

$$$$$$$$$$$$

جابر:هاااهـ مابتنزلون..

رهف وطيف:انا بنزل..

جابر ابتسم:وانتي لينا..

لينا كانت نايمه ومو حاسه باللي حولها..

رهف:عمي لينا نايمه..

جابر:طب نزلوا انتوا..يلااا عن نتاخر..

سلاف:جابر..

جابر طالعها:شفيك؟!..

سلاف:مو هذي سيارهـ فهد..

جابر طالعها:الا هي..

نزل جابر..ودخل السوبر ماركت..

جابر:فهد..

فهد:اووهـ..خالي..

رااح سلم عليه..

فهد:مارحتواا..

جابر:نحنا بالطريق..

فهد:زيين..اجل ..عمتي معااك..

جابر:اييه..

$$$$$$$$$$$$$

اول ماشافته راحت عندهـ..وطالعته..عضت على شفايفها وهنا تسحبت دموعها..وهي تطالعه...

نيكول:مهند..

مهند يطالع بوجهها اللي كله ضربات ويدها اللي ملفوفه ..

مهند:نيكول..

هنا نيكول مسكت يدهـ..

نيكول:انا سعيدهـ برؤيتك..

مهند ابتسم لها..

الجد وسعد وقفوا مو فاهمين السالفه وش هاللي دخلت عليهم بلا عبايه..وتتكلم بالفصحى..بعد..

نيكول ماشافتهم:مايكل سيتزوج ..غدا..

مهند طالعها:نيكول..

ارتمت هي بحضنه تصيح..

ومهند انصدم خصوصا انها لاول مررهـ من عرفها تحضنه ..لانه حاط حدود بينهم..

هنا بس انتبه ان جده هنا..لف عليه..وهو يبعد نيكول عنه..

مهند:جدي هذي ..

الجد:زوجتك..

مهند انصدم:لااااااء..شنو زوجتي..

الجد عصب:اجل ..شنو حرمه غريبه في بيت سااااااامي..

مهند:هذي نيكول...

الجد:ادرس سمعتك تناديها ديتول..

سعد وبسمه كتمواا ضحكتهم عى ابوهم اللي ضيع وخربط الاسم..

سعد:يبااهـ افهم السالفه منه..

نيكول حست بانها حطت مهند بموقف لايحسد عليه..

نيكول :انا صديقه مهند في الدراسه..

مهند طالعها:نيكول..استريحي.."ولف على جدهـ"..هذي كانت تدرس معااي براا..

الجد:ولييه جاييه لعندك..

مهند:توها منفصله من خطيبها وجات لهنا..

سعد:ولييه..

مهند:اننا الوحيد اللي مأمنته اسرارها وبس هذي كل السالفه..

نيكول:مهند اذا كان تواجدي سيزعجك..

قاطعها مهند:نيكول ..لاعليك..

الجد:وانشاء الله شنو جاييه تسوي هنا..

مهند:انا مثلكم انا تفاجاءت بجيتها..

نيكول:مهند..انا اتيت..لأن..لأن..لأني..

ماعرفت شتقول ..هي محتااارهـ قرارها اللي اتخذته ماتدري شبيسوي..

مهند:انتي ماذا نيكول..

طالعها بعيونها يحثها على الكلااام..

نيكول :اريد ان اصبح ملكه..

يتبع..

الكل طالعها مستغرب..

مهند:كييف؟

نيكول هنا طاحت دمعتها:المراءهـ..هنا ملكه..هناك..من يحميها..من يحترمها..اما هناك..فانا كالخادمه..اخدم..واكون عرضه لشتى انواع..المعاناه..من تشرد..من اغتصابات ..من اعتداءات..

مهند هنا مسك يدها بخوف وهو يطالع شكلها:كنت عرضه..كنت..كنت..كنت عرضه..لإعتـ..

ماقدرت تكمل اكثر مهند فهمها هنا..حس الدم يفور فيه..

مهند:متى حدث هذا الشئ..

نيكول وهي تحاول ماتبكي:في آخر مرهـ تحدثت فيها اليك..مهند..احميني هنا..

كلمات..تاثروا فيها ..واكثر شخص تاثر فيها..

بسمه..

"صحيح حنا ملكات ..ملكات ومو حاسين بهالنعمه"..

$$$$$$$$

فهد:شخبارك عمتي..

سلاف:بخير الله يسلمك انت شخبارك..

فهد:الحمدلله بخير..يلا عن اذنك انا ماشي..نتلاقى هناك..

وراح فهد..

عند جابر..

جابر:طيف يلا اخلصي حاسبي لانتاخر..خلينا نوصل بدري قبل يذن..

طيف:صبر يبااهـ..خل نشوف شنو ناقصني..

رهف:قشت كل البقاله وبعد تنتظر شئ ينقصها..

جابر هنا ضحك عليهم..

رهف:انا خلصت..

جابر:تعالي وياي..

هنا طيف لفت توها بتتكلم..الا ماشافت احد..مشت مسرعه تدورهم..وآخر شئ لقتهم عند المحاسب..

جابر:وين سلتك..

طيف:انتوا..خرعتوني..وخليتوني انساها..

جابر ضحك عليها:روحي جيبيها..

طيف:لاء تعال معاااي..اخاف بعد تنسوني..

جابر:صبري خليني اخلص..اختك..

دفع جابر حسابها..ورجع مع طيف لسلتها..

طيف شهقت:شف هذا شبيسوي..

جابر:قصري حسك يابنت..

طيف بجزع:بابا مايصير اجمع واحوش كل هالقش ويجي باردهـ..مبردهـ..يضفهم حراام عليه..

$$$$$$$$$

هيثم:صالح وينه اخوك متى بيجي..

صالح:وانا شيدريني ..شوفه دق عليه..

هيثم خذا جواله واتصل..

هيثم:احين ماتقولي يالمصرقع وينك..لييه متاخر..

فهد:بسم الله الرحمن الرحيم..شهالهجوم الكاسح علي..

هيثم:محد ألك تاخر.."وقام عندهم"..تعرف محد حولي يبرد القلب..كلهم يقهرون..

فهد:احم ..احم..احم..احم..

هيثم:لاتصدق عمرك..انا بس ابي واحد..اكفخه..

فهد:ليييه وش شايفني عندك هاااهـ..

هيثم:هههههههه ..لاتعصب تراا مانقدر عليك..

فهد:اييه..كذا تعدل..الا تعال..وصلت كل العوايل..

هيثم:اييه بس باقي جدي وخالي جابر..

فهد:زيــــــن..والله..بيت عمتي ندى جاووكلهم ..

هيثم:صاحبك ماجا..

فهد هنا وقف السيارهـ بسرعه:نــــــــعــــم..

هيثم:بسم الله ..فهود شفيك..

فهد:يوسفـــــووووهـ ماجـــاء ..هاااهـ..

هيثم:اييه..

فهد:طيب بااي..

سكر هيثم وهو مستغرب شفيه فهد..

يتبع ,,,,

👇👇👇

تعديل المقال