رواية كنت احسبك مني قريب لكن طلعت قريب بشكل ثاني -2
ام خالد:ترا ابو خالد قالي انك كنتي قاعده عند باب غرفة ابوك بالمستشفى ليكون سمعت
وقاطعتهـ ساره:ايه سمعت كل شي
ام خالد:انتبهي تقولين لحد
ساره:طيب بس
وجت مها اللي متعجبه ليه ام خالد وساره جالسين لوحدهم وقبل تكمل ساره كلامها
مها:وش فيكم جالسين هنا
ام خالد وهي تقوم من مكانهـ:لامافيه شي
وراحت ام خالد لـ ام صالح
مها بفضول:وش كانت تقول ام خالد
ساره:ولاشي بس كانت تقول ان الموت حق ومن هالكلام
مها مع انه ماصدقت كلام ساره:اها
بعد مرور خمس ايام
هيفاء خايفه وتبكي وتكلم نفسه:اروح ولا ما اروح
هذي جزاتي عطيته حب وطلع يلعب بمشاعري
هيفاء تبكي:وش اسوي يارب
هيفاء محتاره:خلني اتصل على ياسمين واخذ رايه
هيفاء:هلا
ياسمين:هلابك
هيفاء مجرد انه اسمعت صوت ياسمين انهارت بالبكي
هيفاء وهي تبكي:ياسمين فيصل يقول لي اطلعي معي ولا بفضحك
ياسمين بحده:لاتطلعين معهـ
هيفاء وهي تضرب نفسهـ:اذا ماطلعت راح يفضحني
ياسمين :ترا اذاطلعتي انسي وحده اسمه ياسمين بحياتك
هيفاءخايفهـ :خوفي اذا ماطلعت معه يفضحني
ياسمين خافت:ليه انتي وش سويتي عشان يفضحكـ
هيفاء:ماسويت شي بس يقول بنشر مكالماتك وترجيك لي واسمك ويتبلى علي يعني بيشوه سمعتي
ياسمين:لايهمك واعلى مابخيله يركبه
هيفاء زاد الخوف:اقولك يعرف كل شي عني حتي هو يدري اني بالبيت لوحدي
ياسمين:واذا عرف لايهمك شي
هيفاء وهي تبكي:ياليتني رايحه مع اخوي خالد لـ بيت عمي
ياسمين:لاتطلعين واللي يصير يصير
هيفاء:يعني وش نهاية تهديداته لي
ياسمين:عطيني رقمه وراح ادور لك على حل
هيفاء:طيب سجلي عندك 0.........
ياسمين:طيب باي
هيفاءخايفهـ:ياسمين لاتخليني لوحدي
ياسمين: راح افتح الايميل اكلمك هناك
هيفاء:طيب
وسكرت التفلون
ببيت ابوعبدالمجيد(اخوابوخالد)
مشاعل وعيونه متغيرلونه من البكي:وربي احبهـ ليه يسوي فيني كذا
ريما:انسيه مايستاهل حبك
مشاعل وهي تبكي:وربي حاولت ماقدرت
ريما بعصبيه:والله لا اوريه هالكلب
مشاعل:وش بتسوي فيه ارجوك لاتسوين فيه شي
ريما وهي منقهره:اللحين هو يجرحك ويعذبك ويكرهك وانتي تقولين كذا
مشاعل وهي تنزل راسهـ:مهما سوى اظل احبه
ريما:خلينا منه قهر تنزل دموعك عشانه
مشاعل:ليه احبه وافديه بروحي ومايحس فيني
ريما:هذا انسان ميؤوس منه مايحس تسع سنين وانتي تحبينه وما حس فيك تبينه يحس اللحين
ريما:عساه للموت
مشاعل:لاتدعين عليه
ريما:هذا اللي قاهرني انتي متعذبه عشانه وهو ولا همه
مشاعل وهي تبكي ومنهاره:احبه ليه يسوي كذا
ريما:طيب اهدي وانا بروح اجيب لك مويه
وهي رايحه تجيب مويه شافها خالد ولحقها
وهي تمشي وخالد يلحقها
خالد:احبك ريما احبك
ريما مااردت عليه وكملت مشي
خالد:لاتلعب عليك ذيك وتكرهك فيني
ريماوقف والتفت عليه
ريما وبعصبيهـ وبرحمه على مشاعل:ذيك اللي تقول عنها تسع سنين تحبك وتتعذبت بسببك وانت مو حاس فيها ذيك اللي لوتدور العالم ماتلقى احد يحبك زيها
خالد:بس انا احبك
ريما كانت بتقول وانا مااحبك بس تذكرت كلام مشاعل واسكتت
وكملت مشيها
وخالد راح عند مشاعل
مشاعل كانت تبكي ثمن دخل خالد
خالد:هيه انتي تحسبين اذا خليتي ريما تكرهني بتخليني احبك انا اكرهك تفهمين كيف اكرهك
مشاعل وهي تبكي:حرام عليك انا اسوي كذا وانا اللي اتمنى لك الخير
خالد:مسويه نفسك طيبه وتبكين تحسبين دموعك راح تكسر خاطري
مشاعل وهي تبكي وبصوت عالي :بس اسكت اطلع برى
وطلع خالد
وريما شافت خالدطالع من عند مشاعل وراحت لمها
ولقت مشاعل تبكي
ريما:وش قالك هالكلب
مشاعل وهي تبكي:كل مابغيت اتناسى حبه وانسى انه يكرهني يذكرني
ريما:هالحقير والله لااخليه يندم على كل كلمه قالها لك
ومشت ريما بتروح لخالد
ووقفته مشاعل
مشاعل:لاتسوين فيه شي
ريما:كل ذا وتقولين لاتسوين شي
مشاعل:ارجوك لاتسوين شي
ريما:طيب
وبينه وبين نفسه:والله لاا اعذبك مثل ماعذبت مشاعل
عند عبدالله بـ غرفتهـ
عبدالله: اتصل ولا ما اتصل
واتـ ص ـل
عبدالله:الوو حبيبتي
شوق:هلا حبيبي
عبدالله:قلت انتي مااتصلتي انا اتصل
عبدالله:وينك اشتقت لك
شوق:وانا اكثر بس عندي ظروف
عبدالله:وانا بعد عندي ظروف عمي توفى بس اشتقت لك وماقدرت ما اتصل عليك
شوق بصوت حزين:وانا ابوي مات
عبدالله:الله يرحمه الا من ابوك قليل تكلميني عنه حتى اسمه ما اعرفه
شوق:حتى انا ما اعرف شي عن ابوك ما اعرف الا انه ميت
عبدالله:ابوي اسمه ابراهيم صالح الصالح
شوق منصدمه من التشابه الكبير اللي بينه وبين اسمه
شوق:طيب وش اسم عمك
عبدالله:علي صالح الصالح
شوق انصدمت:هاه
عبدالله:وش فيك
شوق:لامافيني شي
عبدالله:طيب وش اسم ابوك
البارت الثالث
شوق ماتدري وش تقول:عبدالله يلا مع السلامه
عبدالله:وراك مستعجله
شوق تحاول تتهرب:امي تناديني اكلمك وقت ثاني باي
عبدالله:طيب باي
شوق بينه وبين نفسه:معقوله عبدالله يكون ولد عمي!!
معقوله اللي يكلمني عنها تكون مرأة ابوي
وانسدحت على سريره
وجلست تفكر
عند مها ومرام
مهابحزن :وربي احبه ارجوك كلميه قولي له اني احبه
مرام:طيب بكلمه بكرا واشوف وش يقول
مها: كلميه اللحين
مرام:شكله نايم اللحين اكلمه بكرا
مهابصوت حزين:ارجوك كلميه اللحين
مرام:طيب اللحين اكل ـمه
عند ياسمين
داخله الانترنت
قاعده تكلم حبيبهـا بـ الايميل
حبيب ياسمين توبكه
(يسألوني ليه احبك حب ماحبه بشر)
وتوبك ياسمين
(اختلفنامن ي?ـَب آلثآني آ?ثر??
وآ?فقنآ آنآ آ?ثر وآن? آ?ثر..!!)
ــــــــــــــــــــــــــــــــــــــــــــــــــ ـــــــــــــ
يسألوني ليه احبك حب ماحبه بشر
:احبك وربي احبك
ياسمين
وانا احبك بـ ع ـد بس
يسألوني ليه احبك حب ماحبه بشر
بس ايش
ياسمين
بس وش نهاية حبنا
يسألوني ليه احبك حب ماحبه بشر
الزواج اكيد
ياسمين
وش بثبت لي ان النهايه الزواج
لاني اعرف نهاية حب الانترنت دايما مو الزواج
يسألوني ليه احبك حب ماحبه بشر
ليكون شاكه بـ حبي لك
ياسمين
لاوربي مو شاكه بس خايفه نتفرق بعد ماتعلقت بك وصرت اغلى مافي دنيتي(فيس حزين)
يسألوني ليه احبك حب ماحبه بشر
طيب وش تبيني اسوي لو تبيني اجي واخطبك جيت
ياسمين
هاه (فيس تعجب)لا اصبر شوي ابوي ماله مده طويله متوفي اصبر شوي وتعال اخطبني
يسألوني ليه احبك حب ماحبه بشر
طيب
يسألوني ليه احبك حب ماحبه بشر
حبيبتي اشتقت لصوتك ودي اسمعه
ياسمين
امس سامعهـ خلنا ع الايميل احسن
يسألوني ليه احبك حب ماحبه بشر
خلاص تعودت اسمع صوتك كل يوم
ياسمين
طيب بس مو اللحين لان اختي عندي خلها بكرا اليوم مقدر
يسألوني ليه احبك حب ماحبه بشر
طيب وش بيديني غير اني انتظر بكرايجي
بغرفة عبدالله
صوت الباب يطق
عبدالله:ادخل
ادخلت مرام وجلست جنب عبدالله
مرام دخلت بسالفه على طول:لي متى وانت مو متزوج انا عندي لك زوجه كامله والكامل الله وفوق كل ذا تحبك
عبدالله:انا ماودي اتزوج ومن هي اللي تحبني؟!
مرام:ليه ماودك تتزوج
عبدالله:بس ماودي اتزوج ومن اللي تحبني
مرام:مها بنت عمك وتحبك وهي اكثر وحده تناسبك
عبدالله انصدم:مها تحبني؟!
مرام:ايه تحبك وتموت فيك بعد
عبدالله:مقدر اتزوجها لاني ما احبها
مرام:راح تحبها بعد الزواج
عبدالله:انا اعتبر مها مثل اختي وماراح يتعدى حبي لها الحب الاخوي
مرام:انا متأكده انك راح تحبها بعد الزواج
عبدالله:ماودي اظلم نفسي واظلمها اذا تزوجنا
مرام:من قال انك راح تظلمها اذا تزوجتها وكيف تظلمها
عبدالله:انا ما احبها واذا تزوجتها ماراح تكون حياتنا سعيده لانيـ
مرام:لانك وشو
عبدالله:لا خلاص مو شي
مرام شكت :بس حرام عليك مها تحبك
عبدالله:انا مقدرها ومقدر حبها بس مقدر اتزوجها
مرام:طيب وش اقول الـ مها
عبدالله:قولي لها ماوده يتزوجك
مرام:طيب مع اني قلبي مايطاوعني اقولها هالكلام
عبدالله:لازم تقولين لها
مرام:طيب
عبدالله يلابنام تصبحين على خير
مرام:اعتبره طرده يعني
عبدالله:ههههههه اعتبريها اللي تبين
وطلعت مرام وهي محتاره وش تقول لمها
وبنفس الوقت مكسور خاطرها عليها
وكانت مها تنتظر مرام بغرفتها
وجت مرام
مها بلهفه :هاه وش قالك
مرام:يقول ماوده يتزوج
مها وعيونها تملاها الدموع:ماوده يتزوج ولامايبيني
مرام:الصراحه هو قال انك مثل اخته وانه مايقدر يحبك
مها بصوت حزين:بس انا احبه
مرام:راح يحبك اذا تزوجتيه
مهاوهي تبكي: بس هو مو متزوجني
مرام:ما اكون مرام اذا مازوجتكم بس
مها:بس ايش
مرام:خوفي يكون يحب
مها:شلون نعرف انه يحب او لا
مرام:اممم بأخذ جواله وهو مايدري واشوف وش فيه وان شاء الله يفيدنا الجوال
مها:طيب روحي خوذيه اللحين
مرام:اصبري خلي كل اللي باليت ينامون
مها:طيب
عند شوق
للحين تفكر بـ اللي اعرفتهـ
شوق بينه وبين نفسه وعيونه تملاها الدموع:اكيد نهاية حبنا الفراق مستحيل امه توافق اتزوجه بنت ضرته وهو دايم يحكي لي بغلاته وانه يضحي بالعالم كله عشانه مستحيل يتزوجني احسن لي وله نفترق
واخذت شوق جواله واكتبت رسالهـ لـ عبدالله ومع كل كلمه تكتبه دمعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
انا قررت اني راح اترك لان حبنا مستحيل يستمر
وحتى لوظلينا مع بعض راح تواجهنا مشاكل مستحيل تخلينا نستمر
مع بعض واوعدك اني ماراح انساك وان ماتزوجتك ماراح اتزوج غيرك بس هذا قدري وقدرك اننا نفترق مع السلامه
حبيبتك شوق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
وارسلتهـ..
وجلست تبكي
ياسمين توه داخلهـ الغرفـهـ:وش فيك تبكين
شوق وهي تبكي :تفارقنا انا وعبدالله
ياسمين:ليه تفارقتو
شوق بحزن:تدرين عبدالله وش طلع
ياسمين:ليكون يلعب عليك
شوق:لا
ياسمين:اجل وش طلع
شوق وهي تبكي:طلع ولد عمي
ياسمين انصدمت:انتي متأكده من اللي تقولينه
شوق:ايه متأكده
ياسمين:كيف عرفتي انه ولد عمي
شوق:هو قال اسمه وعرفت
ياسمين:اها طيب ليه افترقتو
شوق:لانه مستحيل نستمر ويتزوجني وانا بنت ضرة امه
ياسمين:بس هي مو امه
شوق:ادري بس مثل امه متسحيل تسمر علاقتنا انا وعبداللخ
ياسمين:ليه مستحيل مفروض تسوون المستحيل عشان مايضيع حبكم
شوق:خلاص انتهينا وارسلت له وقلت له انا بطريق وانت بطريق
ياسمين:ليه سويتي كذا انتي كذا غلطتي اكبر غلطه بحياتك
شوق:انتي لوتسمعينه وهو يتكلم عن امه ووش كثرغلاها عنده كن تلوميني
ياسمين: حتى لو يحب امه ماراح يخليك اذا كان يحبك
شوق:طيب وش اسوي
ياسمين ارسلي له وقوليه انسى اللي ارسلته لك وصححي غلطتك
شوق بـ يأس:خلاص انتهى كل شي
ياسمين:لاما انتهى وراك انتي كذا يائسه
شوق:طيب برسل له
وارسلت شوق لـ عبدالله
عبدالله انسى اللي ارسلت لك
وراح افهمك بعدين
ياسمين:هاه ارسلتي له
شوق:ايه
ياسمين وهي تتثاؤب:يالله تصبحين على خير
شوق:وانتي من اهل الخير
عند مها ومرام
مرام راحت لغرفة عبدالله
ومها تنتظرها عند الباب وتنتظر الخبر اللي راح يحدد انه ممكن عبدالله يحب مها او لا بنسبه لها
مرام تمشي شوي خايفهـ يحس فيها عبدالله
واخذت جوال عبدالله وجلست تشوف رسائل الغرام اللي بينه وبين شوق
مرام بينه وبين نفسه:طلعت تحب وانا ماادري
وشافت اخر رسالتين من شوق
وردت عليها
رد مرام
ــــــــــــــــــــــــــــــــــــــــــــــــــ ــــــــــــــــــ
اصلن انا كنت انتظر الوقت اللي تقولين الهكلام مليت منك واصلن جيتي رحتي ماتفرق معي
انا ااعرف بدالك عشر
بس الفرق انه نقصت وحده
اقول يابنت الناس تزوجي وانسى اني لعبت عليك
ولاتردين على الرساله وتقولين حرام عليك ومن الهكلام
انا مو فاضي لك مشغول مع غيرك
ــــــــــــــــــــــــــــــــــــــــــــــــــ ــــــــــــــــــــــــ
وامسحت مرام اخر رسالتين من شوق ورجعت الجوال مكانه وطلعت
مها:هاه عرفتي شي
مرام:لاماعرفت شي
مها:طيب شلون نعرف انه يحب او لا
مرام:مدري يلا امشي قبل محد يحس فينا
مهابـ احباط:يعني مااستفدنا شي
مرام:ايهـ بس انتي لاتخافين راح اخليه يتزوجك
مها:مشكوره يا احلى صديقه
عند شوق كانت للحين تفكر وماقدرت تنام
وماسمعت صوت نغمة الرساله اللي ارسلتها مرام
وكل شوي تتقلب يمين ويسار ماقدرت تنام
وقالت بينه وبين نفسه:خلني اسمع اغنيهـ
واخذت الجوال ولقت رساله وانصدمت لما قرأتها
وجلس تبكي وتتندم
على كل لحظه مرت مع عبدالله
وعلى كلمة احبك اللي قالتها له
وعلى الثقه اللي عطيته اياه بدون تردد
وقامت ياسمين من النوم من صوت بكى شوق
ياسمين:وش فيك
شوق:الحقير الواطي
ياسمين:من؟!
شوق:شوفي عبدالله وش مرسل لي
ياسمين:قامت من سريرها
وقرأت الرساله
ياسمين وهي تقرأ الرساله:الحيوان الحقير
ياسمين:ليكون يعرف عنك اشياء خوفي يفضحك
شوق وهي تبكي:هاه لا انا ماعلمت اشياء مهمه حتى اسمي الكامل مايعرفه
ياسمين:الحمد لله
ياسمين:اللحين روحي نامي ولايهمك واعتبريه ماضي وراح
شوق:طيب
ونامت ياسمين وهي تفكير وتقول بينه وبين نفسه
ياسمين:معقوله حبيبي يطلع زي عبدالله وفيصل
ونامت شوق بعد ساعات من التفكير
بكرا
بـ بيت ابو خالد
بغرفة هيفاء
هيفاء تفكير بسالفتها مع فيصل
وتقول بينه وبين نفسهـ:وش بتسوي ياسمين بـ فيصل وليه اخذت رقمهـ....خلني اتصل عليها واريح نفسيـ....
هيفاء:الووالوو
ياسمين:هلا
هيفاء:وش سويتي
ياسمين:بـ ايش
هيفاء:بسالفتي مع فيصل
ياسمين ماسويت شي
هيفاء:طيب وش بتسوين
ياسمين:بعدين اقولك
هيفاء:ارجوك قولي لي اللحين
ياسمين:بعدين اقولك
هيفاء:طيب
ياسمين:باي
وبعد ماسكرت هيفاء المكالمه رن جوالها
وكان رقم غريب
ومتردده ترد اولا
وردت
هيفاء:مين معي
فيصل:انافيصل شوفي ترا اذا ماجيتيني راح انشر مكالماتك واوزع رقمك
هيفاء انربط السانها ماتدري وش تقول
فيصل:شوفي لك اسبوع واحد اذا ماطلعتي معي اعتبري نفسك مفضوحه
وسكر المكالمه
هيفاء خافت وجلست تبكيـ...
عند شوق
جوال شوق يرن
المتصل عبدالله
شوق بقهر:لك عين تتصل ياحقير
وصكرت التلفون وجلست تبكي
عندعبدالله
عبدالله:ليه ماترد
واتصل عليها مره ثانيه ولقى الجوال مسكر
عبدالله:اوف ليه سكرتي جوالك
عند ياسمين
ياسمين اتصلت على فيصل
ياسمين بدلع وبصوتها الانثوي:الووو
فيصل:ياهلا بـ هالصوت
ياسمين:هلابك
فيصل:هلابك اكثر
ياسمين بدلع:يؤيؤ شكلي غلطانه اسفه ازعجتك
فيصل:لاازعاج ولا شي ياليت كل الناس يزعجون مثلك
ياسمين:طيب سوري ع الازعاج باي
فيصل:بدري ماتعرفنا على بعض
ياسمين:طيب وش اسمك ياقلبي
فيصل:اسمي وائل وانتي يابعد عمري
ياسمين بقهر وبينه وبين نفسه:اجل وائل ياحقير
ياسمين:انا اسمي مي
فيصل:عاشت الاسامي اسمك مره حلو وصاحبة الاسم احلى
ياسمين بدلع :لسانك يقطر عسل
فيصل:والله انتي العسل
ياسمين وده تسكر المكالمه:امي تناديني اكلمك وقت ثاني
فيصل:طيب باي
ياسمين:باي
فيصل:اوه يازين صوتها يدوخ جايبها جايبها
ياسمين بينه وبين نفسه:والله لا اخليك تندم
بعد مرور اسبوع
وبعد المكالمات اللي بين ياسمين وفيصل
وبعد التحذيرات من فيصل لـ هيفاء
وبعد اتصالات لم يتم الرد عليها من عبدالله الـ شوق
بـ بيت ابو خالد
خالد نزل من غرفته وراح لصاله ولقى ابوه وامه
خالد وهومتجه لـ ابوه وامه:صباح الخير
ام خالد وابو خالد:صباح النور
خالد باس راس ابوه وامه وجلس
خالد:يمه يبه ابيكم بموضوع
ابوخالد:هاه قل وش عندك
خالد:انا قررت اتزوج
ام خالد بفرح اخيرا مابغيت تتزوج ودي اشوف اولادك
ابوخالد:بس من هي تعيسه الحظ ههههههه
ام خالد:ليه تعيسه الا محظوظه وداعيه لها امها احد يعاف وليدي خالد
ابوخالد:ههههههههههه
ام خالد:طيب بدور لك بنت تناسبك وتكون بنت حمايل
خالد:بس انا ببالي وحده
ابوخالد:يعني مختار وخالص
خالد:هههه ايه
ام خالد:من هي؟
خالد:ريما بنت عمي
ابوخالد:زين ما اخترت
وجلسو ام خالد وابو خالد خالد ييناقشون عن الزواج
عند ياسمين
تكلم فيصل
فيصل:هاه حبيبتي تطلعين معي
ياسمين:مقدر ياقلبي
فيصل:ليه ماتقدرين ودي اشوفك
ياسمين:طيب بفكر واعلمك
فيصل:طيب
وراحت ياسمين الـ مشعل
وقالت له سالفة هيفاء
مشعل:انتي مجنونه تسوين كذا صحيح هيفاء صديقتك ولازم تساعدينا بس ع الاقل علمتيني من اول
ياسمين:كلامك ماراح يفيد اللحين فكركيف نساعد هيفاء
وبعد دقائق من التفكير
مشعل:لقيتها
ياسمين:وش
مشعل:صح هووده يطلع معك قولي له موافقه وراح اكلم نايف وعمر واخليهم يلبسون عبايات وانتي تقولين لـ فيصل يجي للحديقهـ وتكلمينه ويكون احد الشباب معه جوال كنه يكلمه وانت تكونين معي بسياره وتكلمينه ثمن اذا جاء فيصل
الـ عمر ونايف يمسكونه وينسونه حليب امه
وطلعت ياسمين من غرفة مشعل بعد مااتفقو على كل شي
عند بيت ابو عبدالمجيد ابو
شريفه (ام ريما) بفرح:ترا جوك خطاب
ريما بـ عدم اهتمام:قولو لهم مووافقه
شريفه:انتي تدرين من اللي يبي يخطبك
ريما :مين
شريفه خالد ول عمك
ريما بتعجب:هاه
شريفه من قال هاه سمع
بعد سكوت
ريما:طيب خلوني افكر
شريفه :ذا زواج مو لعبه وانتي خوذي وقتك بتفكير
ريما بفكر ثمن اقرر موافقه او لا
عند ياسمين
جوال ياسمين يرن المتصل هيفاء
هيفاء:الووو
ياسمين:هلا
هيفاء وهي تبكي فيصل يقول اذا ماطلعتي مهي بكرا راح افضحك
ياسمين:لاتخافين راح اوقفه عند حده واليوم بعد
ــــــــــــــــــــــــــــــــــــــــــــــــــ ــــــــــــــــــــــــــــ
انتهى البارت
ياترى عبدالله وشوق يبي يرجعون لبعض وياترى تبي تنكشفت لعبه مرام ولالا
واذا انكشفت وش ردت فعل عبدالله وياترى عبدالله يبي يتزوج مها ولالا؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك