رواية اسمحيلي من النظره الأولى اوصلك احساسي -2
فطوم اخوي رجع من المغرب
حبيبه وليال حمدالله على سلامته
فطوم ألزبده مو هني انا دخلت المجلس
وكان صديقه معاه من الأمارات وشافني
حبيبه امانه لا تقولين شافك وشفتيه
فطوم والله مدري انه موجود شكله
كان في دورة المياه ولما قمت افتح
لكم الباب كان واقف وراي
ويناظر الحمار
ليال لحظه بسوي قصه تعجبينه ويخطبك
وتتزوجون وتروحين الأمارات تعيشين هناك
فطوم مالت عليك يالسخيفه
هذا الي باقي اخذ بو كندوره وع وع
انا ابي سعودي
حبيبه زين انا اخذه نو بربلوم
مها توها داخله عليهم هاي بنات كيفكم
فطوم ماشالله الوجه ينور
يالدبه خليه حق يوم الخميس الجاي
مها هذا وجهي وماراح يتغير
ناقصتكم شوشه وينها
حبيبه للحين ماجات
فطوم زين بنات عن اذنكم خذو راحتكم
ليال اذنكم ولا خشمكم
حبيبه ومها هههههههه
فطوم الي تبين بروح اجيب العده
ليال وين المسجل وبنرقص والأخير
مافيه شي
مها ايه لازم ترقصون لي
ابي حفلة نهاية العزوبيه
فطوم والله مجهزته في المجلس
الحين بخلي نواف يجيبه لي واطلعت
شوشه واقفه برا عند المرايات
تعدل روحها
ونواف توه طالع يجيب جواله من السياره
وشافها بس وقف محله عشان ماتشوفه
ومثل مايقولون نظره لشيطان ونظره لك
ظل يناظرها بدون ماتحس عليه
وكانت شوشه مغيره شكلها
قاصه شعرها كثير مره ومخصلته اشقر
خلها مثل بنات امريكا وتوها
حاطه خزامه لخشمها عشان
تفاجأ البنات تعطرت وادخلت
شوشه هاااااااااي بنات
حبيبه ومها وليال منبهرين فيها
مها منهو الحلوه نعرفك تعرفينا
شوشه بلا سخافه انا شوشانه شفيكم متغيره كثير
ليال ماشالله عليك صايره جنان
أي مشغل سويتي لك كذا
حبيبه شجعتيني اسوي مثلك
تغير شامل ونيو لوك لي
قويه بنت عبدالرحمن غامرتي بروحك
شوشه بنات مايبقى لها شي دخلو
النت وشوفو القصات والصبغات
فيه اشياء حلوه كثير
ادخلت فطوم وامون مع الأغراض
فطوم ماشالله من بنته انتي
شوشه فطوم لا تصيرين لغيزه علي
انا شوشه عمى
امون صايره حلوه انا بسوي مثلك
عطيني اسم المشغل
مها لحظه صبايا الحين انا بتزوج
مو انتو شوشه شجعيني اسوي مثلك
خاطري احط خزامه بس تعور
شوشه لا مافيه ألم عادي
حبيبه سمعو يوم الأثنين نروح كلنا
المشغل ونسوي تعديل لأشكالنا
بس شي واحد ماني مسويته الوشم
الي على كتفك ياشوشه ماراح اسويه
اخاف منه
شوشه هذا الي سويته في لبنان قبل 3
سنين شفت الرسمه واعجبتني كثير
وماعتقد عندنا احد يسويه هنا
فطوم يعني مايروح كلش
شوشه الا باليزر بس انا ابيه
مها طيب واذا زوج المستقبل قال مايبيه
شبتسوين
شوشه مو على كيفه هذا شي في جسمي واحبه
وانا ماراح اتزوج مسؤليه وهذره
حبيبه متى ماصار النصيب بتوافقين
غصب عليك
شوشه متى ماصار الحين جاين ننبسط
قامت فطوم وشغلت المسجل وطولته
ورقص وضحك
بعد 4ساعات من الوناسه
قامت فطوم ترجع الأغراض المطبخ
شوشه خليني اساعدك
فطوم لا ارتاحي امون قومي ساعديني
امون انا تعبت مافيني حيل
وشوشه راعية بيت
شوشه خلاص عادي
شالت كم صحن وراحت المطبخ
الي قبال غرقة الحريم على طول
شوشه اقول فطوم وين خالتي ماهي موجوده
فطوم تدرين كل عصر مع حريم
الفريج وعندهم وحده والد كل يوم عندها
دخل سالم كان جايع بياكل شي
ولما شافها رجع
شوشه ها سلوم كبرت وانا مدري تعال
سالم دخل لا بس كبرت
شوشه ثاني متوسط ورجال مو علي
شلونك وسويت في الأختبارات
سالم الحمدلله وان شالله انجح
شوشه والله وكبرت ياسلم من يذكرك
كنت قزم في ابتدائي
فطوم انا بجيب باقي الأغراض
شوشه شرايك فيني حلوه احسن من قبل
سالم وهو مستحي ايه حلوه
شوشه تقلد صوته ايه حلوه
بس شرايك في استايلي الجديد
سالم صايره مثل بنات امريكا الي يجون في الافلام
شوشه think yoy رفعت معنوياتي
هذا الأخو يمدح اخته
وجاي مسرع وشايل صينية القهوه
بيدخلها واول ماشاف شوشه رجع
وقف برا عند الباب
سالم طلع
نواف انت ماتستحي مقابلها وسوالف معاها
سالم هذي شريفه شفيك نسيتها
نواف وتبن فيك وفيها ماتستحي
رجال طول بعرض وتكلم وحده موحلال عليك
شوشه واقفه تسمع
فطوم جات نعم شعندك انت معاه هنا
نواف جايب معاي الصينيه
فطوم حطها على الأرض وانا بدخلها
ويالله من غير مطرود خلو البنت ترجع
نواف صج بنات صايعات ومشى
شوشه اطلعت فطوم ياليت تعتذرين له عني
وانا مو صايعه ياليت تقولين له
فطوم لا تزعلين نواف اذا عصب
يقول أي شي بس مايقصده
خلينا نرجع للبنات نوسع صدورنا
ارجعو وكانت امون جالسه قريب
من ليال وتسمعها مع حبيبه يمكن تتكلم
عن حبيب القلب بسام
حبيبه تتكلم بشويش من متى يعرفها
ليال مدري بس اهو كلمني قبل اسبوع
عنها وقال يبي يخطبها من اهلها
وانا متأكده ان اهلها ماهم موافقين عليه
امون وهي تسمع كأنه احد يقطع
قلبها بسكين بسام حبيبها يحب وحده ثانيه
ويبي يرتبط فيها اخنقتها العبره وامسكت روحها
وكانت تبي تعرف منهي البنت
حبيبه ماتدرين يمكن لاعبه بعقله
بنت ابليس
ليال لا تظلمينها اهي ماتدري عن اخوي
ان يحبها شافها بالصدفه بحوش
بيت اهلها ومنها وهو يفكر فيها
معطي روحه امل خاصه انه يشتغل
عند اخوها الكبير
حبيبه انتي مسويه شان للبنت منهي
ليال ماتصدقين اذا قلت لك انها
ابدويه لما قال لي اسمها وعيلتها
حبيبه بصوت كبير
بدوووووووووويه
الكل يناظرهم
مها شفيها البدويه قايلين نكته
شوشه صج شفيها
الكل ينتظر جواب من حبيبه وليال
امون من حرة قلبها
اخوها يحب ابدويه
فطوم بسام يحب ابدويه لا تقولين
اظطرت ليال تخبرهم السالفة
من جديد
مها من خبرتي الي اعرفه انهم
مايزوجون البنات الا من جماعتهم
استحاله يعطونها احضري بس
اهم عادي يزوجون ولدهم احضريه
ليال الي يسمعكم الحين صار شي
انا خايفه على اخوي لما يعرف
جوابهم انه مرفوض ماتتصورون
كيف يتكلم فيها كأنه قلبه بيطلع من مكانه
وهو يوصفها
شوشه كسر خاطري الحب من طرف
واحد يوجع القلب خاصه لما تشوف
الي تحبه قدام عيونك ولا تقدر
تعبر له عن مشاعرك شي يوجع والله
كلام شوشه اثر كثير على امون
الي ماتحملت وقامت اطلعت
البنات يناظرون شوشه ؟؟؟؟
حبيبه على كلامك انتي تحبين واحنا مندري
مها صادقه كلامك كلام وحده تحب
ومن زمان
شوشه شفيكم هذا كلام منطقي
يعني لازم احب عشان احسه
واقوله واذا فيه احد انتو اول ناس
تدرون
فطوم ايه اقول سمعو ياويلكم
اذا وحده عندها سر مني مناك ولا نعرفه
ليال على طاري مني مناك خبريهم
على الي صار العصرلك
فطوم ام الول هذا شي ثاني
شوشه لا نبي نعرف صاير
ليال اقول لكم
وعلمتهم واضحكو عليها
كملو سهرتهم وتعشو مع بعض وارجعو بيوتهم
الساعه 9 اليل
فطوم راحت غرفة اختها امون ودخلت
وشافتها تمسح دموعها
فطوم حبيبتي ماهي اخر الدنيا اذا تزوج
وتأكدي لو هو لك لو ربع بتاخذين
الربع الي الله كاتبه لك
وماتدرين يمكن الله بيرزقك واحد احسن منه
امون انا مؤمنه بالله بس شي يوجع
القلب الله يصبرني واقدر انساه
ويرزقني احسن منه
شوشه جالسه في غرفتها على الكرسي
الهزاز وحاضنه دبدوبها
وتتذكر كلام نواف لما قال صايعه
يعني بنت محد يحكمها
وهي بنت احلامها معاه بس
ياخساره يانواف صحيح الحب من
طرف واحد يوجع القلب بحاول انساك
عشان ما اظلم نفسي معاك
....
نواف منسدح على الكنب في المجلس
ماهو قادر ينام ويناظر مطر
كان رايح في سابع نومه
جالس يفكر في شوشه
"والله وكبرتي ياشريفه وتغيرتي اذكر
شفتك مره لما كانت في الثانوي لأنها
ماتتغطى بس الحين صايره غير
بنت جريئه في شكلها كثير
ليه يانواف تفكر فيها الحين البنت جريئه
في لبسها اكيد جريئه في شي ثاني
مو ستايلي انا ابي بنت مؤدبه
وتستحي مابي بنت متفتحه وعينها قويه"
ابتسم وغمض عيونه عشان ينام
.............................
ترقبو الفصل الثاني
مع الأحداث التاليه
حبيبه تصيح منهاره وجاتها حاله هستيريه
ليال اكيد ماني موافقه
فطوم لا ماني مرتبطه
شوشه لحقيني يافطيم لحقيني
مها ماراح تلمسه سامع
الفصل الثاني
يوم الأربعاء اطلعت نتايج البنات وتخرجو ويوم الخميس زواج
عماد ومها
البنات كانو مع مها من الصباح
في المشغل وحوسه معاها
وعلى ماخلصت تحركت مع
شوشه وليال وحبيبه في سيارة سواق
شوشه اما فطوم وامون ظلو
عشان نواف يجي ياخذهم ماكفت
السياره لهم وعلى ماوصل واركبو
نواف الحين انتو تبون تقنعوني
روحتكم من الساعه 10 الصباح
لحد الحين 9ونص ولا خلصتو
قبل بوقت
فطوم انت تدري اليوم الخميس
وفيه زحمه كثير
امون تدري ان اليوم فيه 8عروسات
مع اهلهم وفيه ناس ماخلصو للحين
نواف 8عروسات اليوم ماشالله
والله الشباب من صجهم يتزوجون
فطوم يالله شد حيلك وفرحنا فيك
امون صج نواف تزوج نبي
نسوي لك عرس لا صار ولا ستوا
نواف اذا الله كاتب ولا علي
مابي اسوي حفلة زواج
ودي اسافر
فطوم هذا اذا جاتك وحده
ماتبي حفله ولا اغلب
البنات يبون حفله
امون اكيد من حقها تسوي
حفله لو بسيطه عشان
يشوفونها بفستان الزواج
نواف اقول انتو طلعو منها
وانا اقنعها ماتسوي حفله
فطوم تسويها اخوي واعرفك
نواف لحظه لا حرام
وقفت السياره حاول يشغلها
ولا اشتغلت
فطوم شفيها
نواف شكلي نسيت اعبيها بنزين
وهذا خلص
امون والحل نجلس في نص الطريق
نواف نزل من السياره
وصار يدفها لحد ماوقفها على جنب
فطوم نواف تأخرنا على الصاله
نواف وهو بكيفي صبري
اكلم اتصل على كم واحد
منهم مشغول ومنهم مارد
نواف مالي الا بسام اكلمه
اكيد بيروح الزواج لأنه
صديق عماد
اتصل عليه وعلى مارد
بسام هلا نواف
نواف هلا بسام شلونك
بسام هلا فيك عاش من سمع صوتك
وينك لك غبه عنا
نواف تدري من جيت من
السفر داومت على طول
بسام زين خلنا نشوفك
نواف اكيد بس بقيتك بخدمه
اذا مااكلف عليك
بسام تامر يابو حمد
نواف سيارتي وقفت مافيها
بنزين نسيت ماعبيتها وخواتي
معاي بوصلهم الصاله اذا
تمر علينا
بسام تامر ولا يهمك بس وينك فيه
نواف انا في شارع ال...
بسام خلاص عشر دقايق وانا عندك
*
*
*
*
وصل بسام وسلم على نواف
وركبو فطوم وامون وراى
ونواف قدام
الله يعافيك ماقصرت
بسام لا في الخدمه متى مابقيت
بتلقاني موجود
امون ومادراك ماحدث لها
صوته هيبته دقات قلبها سريعه
تحبه ماهي قادره تنساه حتى
لما اعرفت انه يحب وحده ثانيه
اوصلو ونزلو البنات من جهة
باب العروس الخاص ومعاهم
اكياس فيها اكسسواراتهم بيلبسونها
اذا اوصلو
انزلو وادخلو
بسام الحين اوديك محطة بنزين
وخذ لك وعب سيارتك
نواف تسوي فيني خير
بس مااخرك على صديقك
بسام لا مافيه تأخير ان شالله
عند البنات
حبيبه ليه تأخرتو
فطوم ابد سلامتك بس سيارة
نواف وقفت مافيها بنزين
شوشه وشلون جيتو
فطوم الله يعافي بسام اخو ليال
وصلنا
ليال زين
شوشه بنات خلونا ندخل سمعو
الطقاقه ابي ارقص
امون فطوم جوالي عندك ماهو
موجود في الكيسه
فطوم لحظه ادور
ماهو موجود
امون ياحسره ليكون نسيته
في المشغل
ليال اجل سلمي عليه انسرق
حبيبه دقي من جوال فطوم
وشوفي اذا احد رد
فطوم مسكي كلمي
شوشه انا بروح مافيني صبر
حبيبه يالله نطلع
مها ومن بتظل معاي
البنات ولا وحده ردت
مها صج خايسات ولا وحده
بصير بروحي
حبيبه بنطلع اشوي ونشوف الأجواء
وراجعين لك
ليال وبنطمن على الكوشه
اذا حطينها عدل ولا لأ
شوشه يالله طلعنا
فطوم احد رد
امون لا محد بس بحاول
اطلعو البنات كلهم
وظلت امون تجرب
وهو راجع يسمع صوت
شي يغني المسجل مقفل والصوت
جاي من الكرسي الي ورى
التفت وشاف جوال امسكه
وشاف المتصل شمعة البيت يتصل بك
بسام لمين هذا بعد
بعد تردد رد
نعم
امون خافت لما اسمعت صوت رجال
لو سمحت هذا جوالي
بسام وجوالك حظرته راكب معاي
عشان اوصله مثلا
امون ......
بسام من انتي
امون لو سمحت ابي جوالي
بسام صبرك يارب وانا ادري
انتي وينك عشان اجيبه لك
امون خلاص مابيه منت محلال فيه
ظنت ان وحده خذته من المشغل
وعطته احد
بسام لحظه اختي انا مابيه ومستعد
اجيبه لك لمحلك بس وين
واذا انتي خايفه انا بسام سعود ال..
امون اشوه انه عندك
والله خفت انه انسرق في المشغل
بسام انتي اخت نواف
امون ايه
بسام خلاص الحين انا وصلت
الصاله كيف اعطيك اياه
امون تعال من باب العروس
وانا باخذه
بسام اوكيه يالله مع السلامه
راحت امون بسرعه وادخلت
على مها
مها بشري كل شي تمام
امون ايه كل شي حلو
مها شفيك تلبسين عبايتك
امون باخذ جوالي
مها زين من عنده
امون طلع في سيارة بسام
مها طيب روحي اخذيه
امون اكيد توني شاريته
بس بعد مالبست العبايه
بدت تستوعب شي كيف
بتطلع له ولا مره سوتها في
حياتها بس مافيه احد الحين
حتى اخته ترقص ولا حولها
البست عبايتها وغطت روحها
عدل حتى مابينت عيونها
اطلعت وشافته واقف عند الباب
بسام مد الجوال لها وهي خذته
على طول وادخلت وسكرت الباب
بسام مافيه مشكور يعطيك العافيه بس يالله
ورجع للمعرس الي كان مبسوط حده
...................
الساعه 12 اليل وقت دخلت
مها ادخلت على موسيقه كلاسيكيه
وتمشي بخطوات واثقه ومبتسمه
اوصلت لكوشتها وكان شكلها
سحابه بيضه كبيره وستاير بيضه
ومنتثر ريش ابيض في كل محل
وكرسي طويل أجلست عليه
وظلت مع ربعها ورقص حولها
لحد ماصار دخلت عماد
على زفه من الطقاقه وكانت امه
ماسكته وخواته حوله يكبون عليه
ورد وفلوس لحد ماوصل لمها
وقفت له سلم عليها وباس جبينها
عماد ماشالله ياقلبي صايره
قمر الله يحفظك لي
مها تبتسم
اجلسو على الكرسي
عماد مسك يدها
الله كل هذي حراره شعندك
جالسه على فرن
مها ماردت
عماد انتي مها ولا مبدله بالعاده
اذا قلت شي ماعجبك ماتقصرين فيني
مها حبيبي شفيك والله خايفه ومستحيه
كثير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك