رواية روح معاه وخلني استمتع بنغمة بكاي -32

رواية روح معاه وخلني استمتع بنغمة بكاي -32

البندري:قلت لك ابعدي عني..خلاااااص..

سلمى:لاء..مانيب مبعده..ليين تعتذرين..

البندري:حلفي ومن تكونيين..هاااااااهـ..

سلمى:اعتذري..

البندري:ماغلطت عشان اعتذر..

سلمى:نعم..تركضين وتدفيني..وتطيحين عطري وينكسر وماتبين تعتذرين..

البندري بقوه:طــــــــــــز فيـــــــــك..

ودزتها من قدامها ..ودخلت للغرفه..

وهي تهدي نفسها..وتمعدتها تتلألأ..بعينها..

$$$$$$$$$

هيثم:زعلااااان..

يوسف:....

هيثم:طب روح كلمه..

يوسف:سفهني..

هيثم:تبيني اكلمه..

يوسف:لاء خله شوي واروح له..

هيثم:يوسف تدري انك غالي عنده مرره..

يوسف:وحتى هو والله..

هيثم:اول ماقلت له انك مو هنا عصب وجابك..واليوم يوم تعبت..يغليك وربي..

يوسف:مو عارف شقول..

هيثم:بس ترااه طيب..

يوسف:اكيد وارثها مني.."وابتسم"..

هيثم:اما انك واثق..

هيثم قاام:يلااااه..اخليك ترتاح..

يوسف:ويين اجلس..

هيثم:انت تعبان..

يوسف:انتوا ماسكينها علي تعبان تعبان..تراا دوم كذاا

هيثم:معليه ارتااح..

$$$$$$$$$$$$$

نرجع للبنات في المسبح..

طيف:شنو..شنو..شنو..

نسرين:اقول ..خلونا نخليها معنا..مافيها شئ..

اماني:ههه..وش مناسبه هالقرار انشاء الله..انتي تعرفين اللي بيننا..

نسرين:بس اللي بيننا من يوم كنا صغاراعمارنا 6 و7 سنين..اما احين حنا كبار وغير كذا..محد حولها الحين..

اماني:مدري والله..

طيف:انا مو مقتنعه..يعني انتوا..عارفين عن من نتتكلم..

نسرين:بناات وربي نحنا مو نذلاااااات..لييه نعاملها كذاا..

اماني:مدري..

نسرين:مدري ومدري..شوفوا انا بروح معها..

$$$$$$$$$$

لينا:تهاني..

تهاني:هممممممممممم..

لينا:وين؟

تهاني:حبيبتي من امس ماطلعت محكوره بهالغرفه..

لينا:وين بتروحين رجلي على رجلك..

تهاني:بروح..انكد عليه..

لينا:منهو..عبدالاله..

تهاني:وهو في غيره..في غيره..شوفيه من امس هذا مكانه.."واشرت على النافذه"..

لينا طالعتها:وانا اقول شعندها..اختنا العاشقه من امس مازاحت عن الطريق..وطول وقتها عند النافذه..

تهاني وقفت وهي تعدل شيلتها..

لينا:من جدك...

تهاني :اكيد من جدي..

لينا:تبيني اجي وياااك..

تهاني:تجيين وياي شتسوين..

لينا:يمكن يتطلب الامر..اشمر عن عضلاتي..

تهاني:لاعضلات ولاشئ..وهو كلمتين على الطاير وجاييه...وراح تكون مفعولها اقوى من العضلااات..

لينا:ترااني انفع..

تهاني:ماابي اعورك..كفايه ان وحده فينا مكسره..

لينا:ابعرف انتي شلي جابه على بالك الحين..اقصد شلي هيضك وخلااك تبين تروحين له..

تهاني:لاني صحيت وتذكرت من اكون..انا تهاني بنت سالم..اللي ماترضى شئ لها يمسه الغير..

لينا ابتسمت:يعني افهم من كلامك بترجعين له..

تهاني ضحكت:ههههههه ..شنو ارجع له لاء..تؤ تؤ تؤ تؤ..انا الحين بس بقرصه كم قرصه على الطاير..

لينا:احـــــــــــــــــــلـــــــى..ياخطيرهـ..

تهاني:افااا عليك..

لينا:اييه هذي تهاني اللي اعرفها ..مو اللي قبل كم بوم مكسوره..

تهاني ابتسمت"من كثر مافكرت رجعت لصوابي"..

$$$$$$$$$

رهف:جماااااااااااانه..

ورده:اي جمانه..تخيلي تاخذ جوالي وتدقق عليه..

رهف:اما انها..

ورده:حقيرهـ..

رهف:طب وانتي شدراك..

ورده:صدتها الخايسه..

رهف:طب لييه تسوي كذاا..

ورده:يقال انها تبي تعترف له بحبي..

رهف:تعترف له..وهي شكو..لايكون حاطتها..وصيه عليك...

ةرده:بيني وبينك سالتها مامشت علي يوم السبت بسال صاحبتها..وانتي عارفه انها راعيه شباب وخرابيط..

رهف:تكفين ساليها..جاني فضول زايد..

ورده:بس تدرين عجبني هيثم يوم مارد عليها..

رهف:ههههههههه..طب تعالي هي منين جابت رقمه..

ورده:اي صح منيييين..

رهف:لايكون مسيفته بجوالك..

وره:لاء ماسويتها..ولابسويها..

رهف:اجل كيييف عرفتي انها تتصل من جوالك ..وان هذا رقم هيثم..

ورده:الله يسلك انا يوم شفتها تدق قلت لها على من قالت..محد..وخذت جوالي..ومن منا وتلاطشنا بالكلاام قالت لس انه هيثم..بس انا ماصدقتها ويوم رجعت البيت كنا جالسين ..الا يدق هيثموووه وانا هنا ماعرفت شسوي ..المهم خليت فهد يرد..ويوم رد درى انه هيثم..وانا هنا تاكدت..

رهف:طب تعااالي ...لايكون جمانوووه طايحه لك غرامات مه هيثم..

ورده:هاااهــ

رهف:اييه تسويها..تلقينها حاست وحاست لين ماجابت رقمه ويوم لقته صارت تكلمه من جوالك ..لان زي منتي عارفه هي حرمه متزوجه..وزوجها غيور مرررره على قولتها..

ورده:يعني..

رهف:اذا كذا هيثم يكلمها..وطايحين فيها ..غرام وانتي ياغافلن لكم الله..

ورده :هاااهـ..لاء..رهف هيثم مايسويها..

رهف:والله مايندرى..الله يستر بس...

$$$$$$$$$$$$

*ههه شخبار جوك..

رفع راسه وطالعها مو مصدق هيونه..

تهاني..

جاييه لعنده ..وقف وقرب منها..

عبدالاله:تهاني.."وهو يبلع ريقه"..

تهاني:لاء تصدق جواهر...لاء ولااقولك عيده..

هبدالاله نزل راسه:تـ..

تهاني تمد يدها:لو سمحت اسمي لايجي على لسانك فااااااهم..

عبدالاله:انتي بخير..

"كان يبي يتطمن عليها بعد ذيك الليله"..

تهاني:واحد يسال قتيله هو بخير..ومتهني وهو يموت..

عبدالاله:تها..

تهاني:قلت ماابي اسمع اسمي بلسانك..

عبدالاله طالعها بنظره:الله..ونسيتي اللي بيننا..<<ولليه انت اللي تذكرته..

تهاني عطته ظهرها:هههه..سبحان الله..تسال وتجاوب نفسك كان ياحبيبي ماضي..

عبدالاله لفها له:والحين..

تهاني تطالع يديننه اللي ماسكتها:اقول مو كانك تعديت خطوطك الحمرااء..

عبدالاله نزل يده وهو يطالعها..

تهاني:بس جاييه اقولك..انت ومرتك اللي بديتو..ودستوا لي على طرف..وانت تعرفني ياويله ياسواد ليله من يدو لي طرف..

عبدالاله:انـ..

تهاني:انا مو جاييه اسمع..انا جاييه اسمعك..

ومشت من عنده..

عبدالاله جلس عى التراب ..وهو يناظرها ترووح استحقر نفسه...لوهو ماغلط ماطلعت له هالتهاني الغريبه..لوهو ماغلط كان اللحين طول الوقت معها ..بس هو غلط..وكابر في بدايه غلطه..الين ..ماكسرها..

$$$$$$$$$$$

وليد:وربي حقيره ياهيثم..

هيثم:طب يمكنهم يمزحون..

وليد:اي يمزحون..اقولك تصارخ عليها..وتبغاها تعتذر على عطر انكسر..

هيثم:طب يمكن ان العطر غالي..

وليد:حتى لوغالي..انا شفتها هي اللي طالعه من الشاليه مسرعه وبنو معطيتها ظهرها..

هيثم:والله مدري شقول لك ياخوي..

وليد:وربي لولا الحيا رديت عليها..لاكن انا حاشم اخوها..

هيثم:تدري وليد..انا بقول لك شئ..من فتره ..سمعت البنات يتكلمون انهم مايطيقونها..وبصرااحه مدري لييه..مع انهم مع بعض في المدرسه.."قصده البندري"..

وليد:انا لازم اسالهم...وافهم شنو السالفه..

هيثم:كنت اسمع انهم يعاملونها بطريقه غريبه بس ماتوقعت توصل لكذاا

$$$$$$$

قام من الفراش ..وخذا جواله ..دق على اخوه..لاكن يعطيه مشغول..وجلس يدق..ويدق ويدق..

*على من تدق هالحزه..

يوسف:هلا ناصر..

ناصر:بتكلم احد..

يوسف:كنت بكلم فواز مايرد..

ناصر:طب قووم يله..الفطور بيحطونه وبيذن..ولاتنسى هالطلعه اللي مسوى على شرفك ..عيب ماتجلس معاهم..

يوسف:رووح اسبقني وانا وراك..

ناصر:صار بس مو تتاخر..

يوسف:طيب..

ناصر:عن اذنك..

يوسف:اذنك معك..

طلع ناصر ..ورفع يوسف جواله ودق مرره ثانيه..

فواز:نعم..

يوسف:فواز..

فواز:هلا..

يوسف:شخبارك..

فواز:بخير..

يوسف:شفيك..

فواز:يوسف انا احط الفطور اذا خلصت صلااه بتصل عليك...

وسكر..يوسف مستغرب..شفيه فواز..مو عادته يكلمه بهالطريقه..

$$$$$$$$$$

محمد:تروح معانا..

خالد:ههههههه..اشوفك تمشي وتعزم..

فهد:خله فرحان..

محمد:خلووود..انا اكلم عمي..

فهد هنا ضحك:ههههههههههه..الاحتراام للاعمام طب والابااااء..

خالد تنهد وهو يبتسم..

فهد:اقول حموود..وين تبي توديني..

محمد:بنروح لعند بابا جاسم..

فهد:ومن هذا بابا جاسم..لايكون نفس بابا نويل تبيه يعطيني هديه..

محمد:لااااااااااااااااااا..هذا بابا جاسم..اللي كنت عنده بيوديني خلوود عنهد..

فهد طالع خالد:خالد صحيح بتروح توديه لهم..

خالد:والله للحين اشاور نفسي..

فهد طالع خالد بتفحص:وانت ناوي تحرم محمد منهم.

خالد:لاااااء..

*يلااا شباب..دخلواا دااخل..الفطور بنحطه..

$$$$$$$$$$$$$$

جاسم:احسن ماسويت يافواز..على الاقل ترجع شوي من قيمتك..

فواز:بس يوسف ماسوى لي شئ...بالعكس اصلا مو عارف باللي يصير..

جاسم:ولو ..اسمه عاش الحدث ..ولا دافع عنك..

فواز:مدري ..الي اسويه..عدل ولالاء..

جاسم:تراااه في صالحك..

فواز:اتمنى ..مع اني شاك

جاسم:تشك بفكاري..فواز..اهلك بعد كم يوم بيعرفون قيمتك لاتحاتي..

$$$$$$$$

مريم:خلاااااص ريماس..لاتحاتين انا كلمت عمر قال انه جاااي..

ريماس:آآه على حضنا ياختي...ماعندنا اخوان سنعين نستعين فيهم..

مريم:رموسه حنا شقلنا امس ..لاتحاتين شئ..ولا تفكرين فيهم..

ريماس:اي مااحاتي يامريم..مريم الحين وين بنروح وين عندك مكان يضفنا..

مريم:صحيح ان ماعندي مكان ..لاكن عندنا سياره واحمدي ربك بعد ان ابوك ماباااااع السياره..

ريماس:يعني بنعيش بسياره..مريم:عندك خيار ثاني..

ريماس:وعمر مسكين..

مريم:عمر راضي من وهو صغير متربي معنا..وراضي باي عيشه بنعيشها..

ريماس:بس مابنقدر على معاشه..

مريم:شوفي احنا بقوله..اذا مابغى ..نعطيه معااشه..من العفش اللي انباع..ونعطيه تذكره والله ييسر له..

ريماس:الله يعينا ياربي..

مريم:ربك كريم ياريماس..ومابيضيعنا..قولي الحمدلله عندنا سياره ..تضفنا..

ريماس:المهم انتي الحين خذي الاغراض اللي محتاجينها ..

مريم:منيب محتجه غيير كتبي ومريولي..

*يلااا ماما ريماس..

ريماس:عمر تعال..

عمر:نعم ماما..

ريماس:صديق مال انتى..في يجي يشيل اغراض..

عمر:نعم..يجي بس شويه..يروح انتي بقاله الحين..

ريماس:اييه..

مريم:شتبين من االبقاله..الحين..اكيد مافتحت..الناس يفطرون..

ريماس:بروح بنده في تخفيض على ثلاجه صغيره..تعرفين نحنا الحين ..لاززم كل شئ مصغر..وغير كذا بسلم كم ثوب لاصحابه عل وعسى يجينا شويه فلوس..بعدين على مااوصل بتكون مفتوحه..

$$$$$$$$$

لينا:سلمى وين الفطور..ماكلتي شئ..

سلمى:مالي نفس ابدا..

لينا:وشعندك ..شوفي حتى تهاني..اللي ماتحب تاكل..غارقه بالاكل..

تهاني ووهي تاكل:هههه احس ان لي زمن مو ماكله..

لينا ابتسمت لها :بالعافيه..

سلمى:بعد الفطور بنات جدي يبيكم..

صابرين:وش يبي فينا..

سلمى:وانا شو بيعرفني قال خل يجون..

نسرين:الله يستر..

بسمه:لييه..شوبو ابويه بيجنن..

$$$$$$$$$$$

جابر:قلتي له..

رحاب:اييه قلت له..وحذرته منهم..

جابر:بس شكلهم ناووين يطفشونه..

رحاب:الله يهديهم..حراام..يسووون كذا ..هذا ولد اخوهم..

جابر:لاتحاتين رااح اظل ويااه ..لاخرلحظه..

رحاب:الله لايحرمني منك..

$$$$$$$$$$$$$$$

يوسف:عشاني طولت لساني عليه..

فهد:وعلشانك طولت لسانك ...يضرب كذاا..

يوسف:اييه..ابوي من النوع العصبي والجدي مايحب احد يقوله ثلث الثلاثه كم..

فهد:يوسف انا آسف..

يوسف:ولييه آسف..انت لاتحاتي انا مابيصير لي شئ..بعدين اسفك ماله داعي..

فهد:انا ظني انك تهاوشت مع شله وائل..

يوسف:هههه ولييه تظن كذاا..

فهد:لان وائل تحلف انه بيضاربنا..فعشان كذا ظنيت انه تضارب ويااك انت مو راضي تقولي..

يوسف:حتى لو فكر يضارب..ترني فلته بالتطنيش..

فهد:هههه اما انك بهذي صادق..

يوسف ابتسم:الحين مو زعلااان مني..

فهد :وليييه ازعل..اصلا بس كنت مطرطع شوي وانت عارفني لحظات ..وماتطول طرطعتي..

يوسف:طب اتصل في اختك..حراام مالها ذنب خانقتها..

فهد هنا تذكر..

فهد:يوووووهـ..مسكينه..من جد..انا بروووح لها..عن اذنك...

$$$$$$$$$$

سلاف:هههههههههه..والله يارهف مااقدر عليك..

رهف:ماما حبيبتي الله يخليك..

سلاف:ماقلت لك مااقدر عليك..

رهف:يعني بروح معاهم بالطراد..

سلاف:روحوا..مع اني خايفه من روحتكم..

طيف:مامي ..تخافين من شنو..

سلاف:طيب خلاااص..كلمواا عمكم ويروح معكم..كل عيال عمامكم معهم اخوانهم..

طيف:مو على عين ام لينا على راسي..

$$$$$$$$$$

مهند:لاء وش لي اروح بين البنات..

وليد:تراااك بس بتجلس مع الاولاد..

مهند:لاء مايصي انت بتروح عشان..خواتك..وكل واحد عشان خواته بيروح انا شكو..

وليد:ياولد عااااااااااااااادي..

مهند:اقول..رووح الطراد بيمشي ..وانت معااي اسرع..

وليد:حط ببالك..المره الجاييه بتروح..

مهند:نشوف..

وليد:نشوف..نشوف..

$$$$$$$$$

سعد باس يد وراسه:تامرني على شئ الغالي..

الجد:ابد ياوليدي ..مايامر عليك عدو..ابيك سالم غانم..

سعد:ربي يسلمك..حلللني يايبه..حللني..وسامحني..

الجد:مسموح..روح ياسعد قلبي راضي عنك..

سعد ابتسم وحب يده:مع السلامه..

وسلم على اخوانه..وطلع اول ماوقف عند سيارته..

*عمي سعد..

لف سعد وهو مبتسم..

مهند:تروووح وترجع بالسلامه..لاتطول علينا..

سعد:الله يسلمك..

مهند:يلا عن ااخرك..سلم على مصر واهلها..

سعد ابتسم:انشاء الله..يوصل..

$$$$$$$$$$$$$$$$

كان يدورها بعيونه..لاكن للاسف مالقاها..تحطم ..هو خلى غازي وهيثم ..يجلسون وهو محرم خواته..

عبدالله:هههههههههههههه..والاخ متامل..

وليد:اسكت بس..خسره نفسي جيه..

عبدالله:ههههههههههههههههه..وربي انك تحفه..

وليد:لاتضحك..

عبدالله:هههه..وربي اللي يشوف حالك وانت متحمس قبل دقايق..ماكانك اللي احييين..

وليد:وربي قهرتني لييه ماجااات..

عبدالله:ماتدري شسرها..

وليد بخاطره ياخوفي من موقفها اللي مع سلمى ماتبي تركب..

عبدالله:وليد..

وليد:هلا..

عبدالله:وين سرحت..

$$$$$$$$$$$$

ام خالد:ولييه مارحتي يايمه..

البندري:مالي نفس يمه..

ام خالد:تعبانه..

البندري:لاء..

ام خالد:اجل كل البنات رايحين وانتي هنا..جالسه..

البندري:يمه..ياحبيبتي..انا بس شوي ضايقه..تونا فاطرين مامداه الاكل يتهضم..

هنا دق جوالها..طالعه بالرقم ..ثم نزت الجوال بحضنها..

ام خالد:ميين اللي متصل..

البندري:رقم غريب..

ام خالد:غريب..طب شوفي من يمكن احد تعرفينه..

البندري:خلااص هذا وقف ..

وهنا دق جوال ام خالد..

ام خالد:الو..

فهد:هلا يمه..

ام خالد:هلا فهد..

هنا البندري رفعت راسها لامها..ثم وقفت ومشت ..

فهد:وين بنو..اتصل على جوالها ..ماترد..

ام خالد:هااهـ..توها كانت عندي..وقامت دخلت داخل..

فهد:لييه ماترد..

ام خالد:والله مدري يمه..

فهد:طيب اذا جات خليها تدق علي ضروري..

ام خالد:انشاء الله..

سكرت منه..

ام فواز:اقول ام خالد..لييه البندري ماراحت ويالبنات..

ام خالد تنهدت:والله انتي عارفتها من صغرها عازله نفسها حيرتني هالبنت..

ام فواز:الله يهديها..ويهدي اللي عندنا..

سلاف:آميييييييين..

ام خالد:الا وين ام وليد..

سلاف:طلعت تمشي..

$$$$$$$$$$$

اماني:والله صادقه ..لواطيح من بيفتكر..هههه..بيقولون الا امون..

طيف:افااا عليك شهالكلااام..وانا صقيقتك..ورفقه دربك..مااراح افكر فيك..

نسرين:عليك نظره تشائميه تحطم..

اماني ابتسمت لهم:شفتواا كييف..يمديكم بسرعه تمتلون حبيبتي انا مقتنعه بشئ واحد بحياتي..

صابرين:ووش هالشئ..

اماني:ان الانـــــــــسان محد بينفعه..في هالدنيا..حتى امه وابوه ماارااح ينفعونه..

طيف:اقووول...ترااك نكدتي علينا..شهالكلااام..نحنا راكبين هنا عشان نستانس..مو عشان هالكلااام..

$$$$$$$$$$$$$

مهند:اها..ولما لم تذهبي معهم..

نيكول:اخي لم يذهب ..فلماذا اذهب..

مهند:اخيييك سيذهب بعد ان يعودو..

نيكول:مهند..اريد ان اجلس هنا..فتره اطول ..

مهند:اتقصدين السعوديه..

نيكول:اجل..فانا مرتاحه..هنا..

مهند:حسنا..

نيكول:مهند..جدك انسان رائع..

مهند ابتسم..

نيكول:لقد احببته..

مهند بنص عين:لاكنه رجل مسن..

نيكول:لامهند..احببته كوالد..كاأب..

$$$$$$$$$$$$

بشار:اي بشتغلها..

بوعبيد:بس يابشار...تراا بتضطر تداوم طول النهار تحت الشمس ..تعرف الكراج حقي ..رااح تككون هنااك..

بشار:اهم شئ اعيش ياعم..

بوعبيد:لاتحاتي ياوليدي..عندي ملحق ..كان لسايق لي..بس رااح هالسايق..اسكن فيه الين ماربك ييسر لك..

بشار:مدري لو من غيرك شبسوي ياعم..

بوعبيد:لاتحاتي ياوليدي..انت جهز حالك بكره..وبنمشي للشرقيه بكره..عن اذنك ارتااااح..

بشار الشرقيه يعني عند مهند..لاااااء..ياربي...ماللي خلق..بس بعبرها هاليومين...

$$$$$$$$$$

تغريد وخالد ومحمد جالسين على البحر..

تغريد:حمووووودي..قالك بابا مايقدر يرجع..خلاااص..

محمد:هو اصلا كذااااااااااب..

خالد ساكت..مو عارف شيقول لولده..هوشاف رده فعل جده يوم سلمان رااح..فخاف انه يزعل منه..

تغريد:عيب ياحبيبي هذا بابا..

محمد:هذااا خويلد موبابا..

خالد بحزم:مـــــــــحمـــــــد..

محمد طالعه مبرطم:ودني عند بابا جاسم..

خالد:والله ياحبيبي ..بكره بوديك..

محمد:ماابي اجلس معك..انت ماتحبني..ومحد يحبني بنروح عند ابوي هو اللي يحبني..

خالد:حمووودي حبيبي حتى انا احبك..وكلنا نحبك..بس بابا يوسف ..يبينا عندهـ..شفت يحبك..

محمد هنا صااح:انا بروح..لحالي ..مابيك..ماابـــــــيـــــــك..

وقام يركض..

خالد تنهد:ياربي..شسوي..

تغريد حطت يدها على كتفه:معليه ياخالد..اصبر..

خالد:هذاني صابر..صابر..

تغريد:شوفه ..شوي وبينسى..قول الحمدلله احسن من قبل ماكان يكلمك..الانادر..

خالد:الله يعيين..

$$$$$$$$$$$

اذن العشاء والكل اتجه يصلي..الشباب لانهم..بعد الصلاه ..بيلعبون كورهـ..والبنات طبا بيشجعون..طبعا بعد مابيروحون عند جدهم اللي يبيهم..

ساره:ياعيون امك..ياحبيبي انت..

معاذ اللي كان يصيح بحضن امه..وهي تغيرله ملابسه..

ساره:معوذي حبيبي ..خلاااص بنخلص الحين..

دخلت عليها بسمه ..مسرعه..

بسمه:ساره ماشفتي لينووه..

ساره:لاء في شئ..

بسمه:ولا رهفوووه..

ساؤه:لاء..

بسمه:ولاوردوووه..

ساره:لاء..شساالفه بسوم..

بسمه:افففف..مدري وين راحواا..

ساره:تعالي مسكي معااذ شويه..على ماادخل..الحمام..

بسمه:هاتيه..

خذته منها..وجلست تلاعبه..

هنا دخلت عليها ام خالد..

ام خالد:بسمه انتي هنااا..

بسمه:اي..هلا..في شئ..

ام خالد:البنات كانوا يدورونك..

بسمه:وينهم..

ام خالد:راحوا لابوك بشاليه الرجال طالبهم..

$$$$$$$$$$$$

عبدالله:انا بختار فريقي..

وليد:انا قبلك بختار فريقنا..

مهند:الحين كل واحد انا بختار وبختار طب هم يمكن مايبونكم..

هيثم:اي والله يمكن مانبيكم..

وليد:اقول ..كل واحد يرضى بقضاءهـ..وقدرهـ..ويلااا غوزي رووح ناد عبدالاله..

غازي:مع انك تطاولت على اسمي بس بعديها..

وليد:سمعوااا..انا ابي ..ابي..مهند..

عبدالله:وانا ابي صالح..

وليد:وانا ابي فهود..

فهد:اقوول تبيني اختار لعيبه عدليييين..

وليد:لاتخاف..

عبدالله:وانا غازي..

وليد:ابي.."فهد ياشر له على يوسف"..ابي هيثم..

فهد خزه..ووليد ابتسم..

عبدالله:وانا ابي عبدالاله..

عبدالاله الي جاء:قسمتواا..

وليد:جالسين نقسم..طب انا ابي يوسف..

عبدالله:مابقى غير ناصر..لنا..الا هو وينه..

يوسف:ناصر يكلم براا..

خالد وهو جاي:ماتبون حكم..

عبدالله:صح نسينا..هالسالفه..

خالد:انا..حكمكم..يلااا التمواا ..وسمواا فريقكم...ولبسواا..ولحقوني..برااا..

$$$$$$$$$$$$

الجد:انا اليوم جامعكم عندي..تدرون لييه..

طيف:اكيد وحشناك..

الجد ابتسم لها:هو كذا وفي شغله ثانيه..

البنات طالعوا بعض..

الجد:البندري..

كلهم تلفتوا يدورون عليها...ماكنت بينهم..

الجد:البندري بنت عمكم..

طيف:شفيها جدي..

الجد:لاتتسرعين..الجواب بيجيك ..تكمله كلامي..

طيف طالعت البنات..

"سلمى-لينا-ورده-رهف-تهاني-تغريد-اماني-صابرين-نسرين-بسمه"..

الجد:مو عاجبني..تعاملكم معها..

البنات هنا نزلوا روسهم..

لمى:ولييه هي شكت لك..

الجد:لاء انا شفت وسمعت..وقريت بعين كل وحده منكم الغيره من البندري..

سلمىكومن قال اننا نغار منها...

الجد بحزم:سلمى..

سلمى سكتت على مضض..

الجد:غيرتكم يااابناااات..خلتها مثل الورقه الذابله..هذاا عيال عمكم الاولاد..يوسف سميي ..ماغروا منه..شمعني سميه جدتكم..مو حراام عليكم بنت عمكم تسوون فيها كذااا..

طالعهم وهم منزلين روسهم..

الجد:البندري سميه جدتكم الله يرحمها..وانا اللي مربيها على ايدي..

بسمه:بس يبه..

الجد:بسمه خليني اكمل ..لما كنتواا صغار..قل صغار ولما يكبرون بيتعلمون..لاكن لاسف..زادت غيرتكم اللي مااشوف لها مبرر..

سكت لحظه..

يتبع ,,,,

👇👇👇

تعديل المقال