رواية اسمحيلي من النظره الأولى اوصلك احساسي -5
طلال اعتبرينا ياعمتي اعيالك ولا
يردك الا السانك متى مابقيتينا
بتشوفينا قدامك
ام حبيبه الله يعطيكم العافيه وماتقصرون
طلال عمتي عطيني رقم جوالك
اسجله عندي عشان اذا بقينا نكلمك
ام حبيبه ياولدي انا ماعندي جوال
ويكفي عند البنات انا محتاجه
وليد ليه ماتحتاجينه صار الجوال مهم الحين
طلال يعني اذا بغيت اكلمك واسمع
صوتك على طول شلون لازم
يصير عندك جوال
قام عن اذنكم
وليد وين بتروح
طلال جاي ماني متأخر
وطلع غاب عنهم ساعه ورجع
ومعاه جوال جديد توه شاريه من المحل
طلال وهذا يالسالمه جوالك وفيه رقم جديد لك والحين بسجل رقمي
ورقم وليد وابوي وبعدين حطي
الأرقام الي تبينها
ام حبيبه والله ياولدي ماكان له لزوم
انا محب الجوال
وليد الحين ياعميمه لازم تحبينه
نبي نكلم عمتنا على طول
خلصت طلال عشان نمشي
طلال ايه يالله نمشي
ام حبيبه وين تو الناس جلسو
تغدو معاي
طلال لا خليها مره ثانيه عميمه
والله تعبان ومانمت بس جيت اتطمن
عليك مع وليد وهذا اقولك أي شي
تبينه حتى لو نص اليل كلميني
ولا يردك الا السانك
سلمو عليها واطلعو
.....................
ثاني يوم الساعه 2الظهر
عماد راجع من العمل وداخل مبنى
الشقه وشاف هندي توصيل البقاله
معاه اغراض
عماد ياصديق وين بتروح
الهندي هذا طلب شقه محمد
عماد طيب كم حسابك
الهندي 150ريال
عماد طلع الفلوس وعطاه
خلاص روح انا بودي اغراض
خذهم وصعد الدرج وراح لشقته
بعد مادخل
عماد مها مها وينك
مها طالعه من المطبخ
هلا حبيبي وصلت وشنهو كل الأغراض
عماد ماهم لنا حق جيرانا الشقه اقبالنا
مها نعم واهم طالبين منك
عماد لا بس شفت الهندي جايبهم
حاسبته وخذتهم وانتي الله يعافيك
وديهم لهم
مها وانت من بأمره تحاسب وتاخذهم
كان خليت الهندي يوصلهم
عماد ياقلبي هذولي ايتام وامهم ارمله
وصدقيني انهم مساكين وخالي كان
يعرف ابوهم ووصاني عليهم
لما عرف اني سكنت جنبهم
عاد سوي خير ووصليهم ولا
عليك امر ووعدك اخر مره
مها طيب اخر مره بس
خلني البس عباتي
راحت عندهم ودقت بابهم
فتح ولدهم محمد عمره 10سنين
مها خذ هذا اغراضكم
محمد والحساب من اعطيه
مها رجعه لأمك اندفعو
ام محمد شفيك واقف عند الباب
هلا اختي أي خدمه
مها لا بس اغراضكم من البقاله
زوجي لما شاف الهندي جايبهم
حاسبه واخذهم عنه
ام محمد الله يعافيه تفضلي احسابكم
مها لا مافيه حساب خليها علينا
ام محمد لا والله ماارضى حقكم
مها خلاص زوجي ماراح يرضى
ياخذهم
ام محمد كلف على نفسه
مها مافيه كلافه واحنا جيران
واذا احتجتو شي احنا موجودين
ام محمد خلينا نتعرف شوفي يوم يناسبك وتزورينا
مها ان شالله ولا يهمك مع السلامه
أرجعت الشقه
عماد وصلتيهم
مها ايه صايره توصيل منازل لك
عماد لا تكبرين السالفة كلها بقاله
الله يهداك ولا تضيعين السالفة
وين غداي
مها ثواني واحطه....تصدق تبقى
ازورهم ونتعرف على بعض
عماد حلو تعرفي عليهم وعزميهم
انتي بعد
مها يصير خير
في المؤسسه
فطوم ماشالله مكانكم حلو كثير
ليال ايه صاحب المؤسسه خلى
قسم الحريم هنا قريب عند قسم
الرجال شفتي ذاك الباب
هذا قسمهم اذا بغينا نتعامل معاهم
والحين تعالي اعرفك على البنات
فطوم طيب ليول ينفع اخذ الأسبوع
هذا اجازه
ليال نعم صاحيه توك مداومه وتبين اجازه
فطوم والله مو بكيفي بس اهلي
بيحضرون زواج في الأمارات
وقالت امي عسى مايكون فيه شغل
بعد ماعندنا بنات تعطلنا عن
روحتنا وجيتنا وابي مساعدتك
ليال ومتى بتروحون
فطوم بكره العصر بنمشي
ليال وليه ماقلتي لي قبل
حسبي الله عليك بكلم صاحب المؤسسه اهو طيب بس
بيقول توها مداومه وتبي اجازه
فطوم كلها كم يوم وبس ارجع
بعوضكم في الشغل
.......
العصر الساعه 5 فطوم تستعد
عشان تروح مع ليال محلات
يعرضون المنتجات
يدق جوالها
فطوم هلا شوشانه لك يومين ماكلمتي
شوشه لحقيني يادانه لحقيني
وهي تصيح بقوه
فطوم شوشه شفيك خوفتيني
شوشه ابوي بيزوجني غصب
علي من اخو الخايسه حرمته اليوم
وانا مابيه
فطوم من متى صار الزواج غصب
ماعليك منه رفضي
شوشه انا مالي شغل ابي ارجع
لجدتي الحين
فطوم حبيبتي شوشه اذا الشيخ اسألك
قولي له انك رافضه سامعه
شوشه فطيم اذا محد رجعني
الحسا والله لأشرب فلاش(منظف الأرضيات)واموت نفسي
تعالي الله يخليك ماني عارفه افكر
فطوم طيب سمعي لا تشربين شي
سامعه بجي اخذك متى ابوك بيملك
عليك
شوشه بعد العشا واذا محد جاه
وخذني بموت نفسي وارتاح
فطوم سمعيني الحين تعوذي من ابليس وخلك في الغرفه لحد
مااتصل عليك واقول لك طلعي طيب
شوشه استناك فطوم بربك لا تتخلين عني
بعد ماسكرت كلمت فطوم ليال
وعلمتها السالفة
ليال طيب وشبتسوين الحين
فطوم بروح احاول في نواف
وان شالله يرضى
ليال حاولي الله يخليك وطمنيني سامعه
راحت فطوم لغرفة نواف وادخلت وكان نايم
حاولت تصحيه لحد ماحس وجلس
نواف يتثاوب
خير شفيك مجلستني قبل ساعتي
واجلس اجلس احترق البيت
فطوم لا اعظم من كذا ابيك
توديني الدمام الحين
نواف صاحيه ولا مجنونه وليه الحين
ناسيه بكرا بنروح المطار هناك
عشان سفرتنا للأمارات
فطوم صدقني مسألة حياة او موت
شريفه في مصيبه
نواف وانا شدخلني فيها
والله اضرب خط مرتين
فطوم حرام عليك البنت بتموت روحها اذا مارحت خذتها
نواف خير ليه ناويه تنتحر
فطوم ابوها بيزوجها غصب عنها
وهي رافضه
نواف طيب مافيه مشكله ترفض عند
الشيخ وتنحل قضيتها
فطوم شريفه من النوع الي
اذا صارت لها مشكله ماتفكر
واول حل يجيها تموت نفسها وترتاح
والله قالت بتشرب فلاش
اذا مارحت لها وخذتها
نواف تركيها كلام فاضي كلميها
وقنعيها ترفض الزواج وانتهت السالفة
وخليني ارجع انام
انسدح وغطى روحه بالبطانيه
فطوم نواف حرام عليك ساعدنا
لو واحد من ربعك مكلمك عشان
سيارته تعطلت صرت هبت ريح له
نواف ...............
فطوم والله ماراح اسامحك
اذا صار في شريفه شي
صاحت وقامت بتطلع
نواف؟؟؟؟؟؟؟؟؟؟؟؟؟؟
وللحديث بقيه
بااااااااااااااااااااااي
الفصل السادس
نواف فطيم حسبي يالله عليك وعليها
روحي جهزي حالك بس والله اذا صارت
لي مشكله من تحت راسها لا تلومين الا نفسك
هذي مسؤليه بكره ابوها يشتكي علي
فطوم اوعدك راح اخليها ماتقول منهو
رجعها الحسا بس اكلمها واطمنها اني
بجي لها واخذها
نواف وانتي تدلين وين بيت ابوها هناك
فطوم اهي تدليننا الحين قوم مابقى شي
ويأذن المغرب
......................
في الشقه عند مها
مشكور حبيبي وسلم على امك وقول لها
لا تكلف على نفسها وسكرت باب الشقه
وادخلت الصاله وكانت شايله في يدها
صحن حلى
عماد خير شفيهم جيرانا
مها ابد سلامتك جايبين صحن حلى
حطته على الطاوله
عماد حلو جاه في وقته مع القهوه هاتيه احلي
مها كان قلت تبي حلى جبت لك
بونتي ولا جالكسي احسن
عماد ياحلوه انا احب الحلى الي ينتسوا مو
اكل كاكاو هاتيه خلصي
مها واذا قلت لك مابيك تأكل منه
عماد ليه ان شالله
مها بس كذا مابيك تأكل وبكره اسوي لك
عماد اقول لا تمزحين معاي ومافيه داعي للغيره الي اشوفها في عيونك
كلها صحن حلى جايبينه الجيران
وتعلمي الأسلوب اذا الواحد بيتعرف
على الجيران يرسل لهم شي
مها ماراح تاكله
خذت الصحن وراحت المطبخ عشان ترميه
في الزباله
عماد لحقها ومسك يدها وخذه منها
هي مسألة عند ولا كيف يعني
رجع الصاله وجلس على الكنب
مها جات واجلست جنبه وتلمس شعره
طيب حبيبي لا تأكل الحين انتظرني اشوي
عماد وين بتروحين
مها دقايق وراجعه
راحت غرفة النوم
عماد اقول جيبي معاك ملاعق بسرعه
مها البست بدلة رقص قطعه وحده
لونها اسود ومفتوحه عند البطن وفتحات
عند الفخذ ومابقى خلاخال ومالبسته
واطلعت الصاله
عماد وين الملاع....
فتح فمه لما شافها
مها راحت وطولت على اغنية حسين الجسمي
6الصبح وصارت ترقص قدامه
عماد ضرب شوط عنده وماقدر يتحمل
قام وشالها وباسها بقوه وسيده الغرفه
(^____^)#$%$
.....................
بعد ساعه ونص اوصلو الدمام
فطوم كلمت شوشه عشان توصف البيت لهم
وعلى ماوصلو لها
شوشه اطلعت من البيت بدون محد
يحس عليها واركبت السياره معاهم
فطوم محد شافك
شوشه لا محد شافني والله مدري شكنت
بسوي بدونك
فطوم افااااا احنا ربع وخوات ولازم نساعد
بعض
نواف بعد ماحرك السياره
بس ان شالله ماتعلمين ابوك من جاه وخذك
ماني ناقص سين وجيم بسبتك
شوشه لا تخاف ماراح اتكلم ولا بنسى جميلك معاي
فطوم خلاص حبيبتي ولا يهمك انتي
الحين بخير وبتروحين لجدتك وابوك
تقدرين تفهمينه بعدين
جوال شوشه ماسكت من كثر مايتصل
ابوها
نواف اقول ردي عليه ليبلغ الشرطه
وتصير مشكله لي صج قولي له
انك رجعتي الحسا
شوشه بعد تردد
الو نعم
عبدالرحمن شريفه وينك
شوشه يبه انا قلت لك مابي اتزوج
وانت بتغصبني
عبدالرحمن يابنتي انتي وينك والله
مااغصبك بس قولي عشان اجي واخذك
شوشه يبه انا رجعت الحسا خلاص
عبدالرحمن شلون ومنهو رجعك
شوشه يبه انا مقدر اكلمك الحين مع السلامه
فطوم معليه ياشوشانه اكيد بيخاف
عليك بنته الوحيده والله يهد حرمته
ان شالله
شوشه بدت تصيح وتمسح دموعها بدون صوت
نواف انتبه لها من المرايه
اخذ علبة المناديل الي عنده ومدها لها
شوشه خذتها بس اصابع يدينهم تلامست
وبسرعه اسحبتها
نواف بنوقف عند محطة البنزين
عشان نصلي
فطوم طيب
بعد ماوقفو انزلو البنات لدورة المياه
توضو وصلو
فطوم اقول شوشه سبقيني لسياره
انا بروح دورة المياه
شوشه طيب لا تتأخرين
خذت مفاتيح السياره لأن نواف عطاها فطوم
اذا خلصو يرجعون يركبون
اوصلت شريفه لسياره وافتحت الباب
لسواق واركبت بس خلت رجل برا
واجلست تناظر في الأشرطه الموجوده
لحد ماسمعت صوت
نواف والله عينك قويه بعد جالسه طالعين
الأشرطه بعد الي صار لك
شوشه وهي توقف قباله
يعني تبيني اموت روحي
نواف كنتي ناويه تشربين فلاش
بس نصيحه لك ثاني مره اذا حبيتي
تشربين شي يموت شربي ديتول
احسن بينظف المعده عدل عندك
شوشه افتحت عيونها بقوه لنواف
نواف ظن انها عصبت بس شوشه صرخت
بقوه وصارت تنط من مكانها
شوشه مدري فيه شي تعلق فيني
وتنقز من الخوف
نواف شفيك ووجع
وقفها وفتح ازرار العباه حقتها وشاف
صرصور متعلق عند البنطلون
لما شافته شوشه اصرخت اكثر
وخره عني اخاف منه
وامسكت ايدين نواف خايفه
نواف طيحه على الأرض وبضربه
واحده من رجله انتقل الى رحمة الله
نواف يناظر شوشه الي ماسكه يده
وحس بدفا يدها على يده
شوشه انسانه عندها فوبيا من الحشرات
بأنواعها
ظل يناظر عيونها شافها خايفه
ظغط على يدها بقوه
هديتي الحين تعالي
فتح باب السياره الي وراه وجلسها
وعطاها مويه تشرب
فطوم شفيكم صاير شي
نواف لا ابد بس خويتك تعلق صرصور
فيها واستخفت وتقولين بتشرب
شي يموتها لا تصدقينها ثاني مره
سكر الباب
شوشه عصبت عليه
فطوم اركبت
اقول قولي بسم الله لا يجيك شي في الطريق
طول الطريق كان السكوت اهو سيد الموقف
شوشه رجع احساسها بحب نواف
الي ماقدرت تنساه اصلا خاصه لما
لمست يدينه حركة فيها المشاعر المدفونه
تعلن حبه وبكل قوه
بس الي حزنها انها اعرفت من فطوم ان
امه بدت تخطب له يعني اهو مايفكر فيها
من الأساس تجمعت ادموعها في عيونها
وانزلت اول دمعه وتلاتها الباقي
ارفعت اعيونها وتلاقت مع عيون نواف
الي كان يناظرها من مرايته وكان
مبين انه قلقان عليها نزلت الغطا
على عيونها عشان مايشوف ادموعها
وسندت راسها بس كل ماتشوف المرايه
الي عند نواف تشوفه يناظرها
......................
ثاني يوم سافرو اهل فطوم للأمارات
بالطياره وكان في استقبالهم
مطر واركبو معاه بالسياره
وبعد حلف وحلفان انهم يسكنون عندهم
في البيت بس حمد رفض وقال عشان ياخذون
راحتهم اكثر ووعده ان كل وجبه اهم عندهم
مطر وداهم احسن فندق وحجز لهم وهو
الي دفع الفلوس
وعلى الساعه8اليل اوصلو
بيت مطر وكان كبير كثير
مثل ماقال نواف
(وانتو تخيلو الوصف لأني محب ابالغ فيه)
عند البنات بعد ماتعشو واضحكو وستانسو
فطوم كيف المعنويات ياعروس
ترا بكرا خلاص بتتحولين الى حرمه
جواهر لا فطوم لا تخرعيني والله
ماروم بروحي اليوم متوتره
امون في البدايه كذا بس بتشوفينه عادي
ميثه شرايكم تقومون معاي تشوفون فستاني
امون عاد اخت العروس لازم فستانك غير
ميثه افاا عليج والله صممته برع وماوصل
الا البارح وبعجبج ان شالله
جواهر لا حياتي اول يشوفون فستاني
يالله بنات
ميثه لا والله انا قلت انا قبل
فطوم معليش ميوث ابقي اشوف
فستان العروس وبعدين فستانك
امون ولا يهمك ميثه انا بروح معاك
ميثه فديتج والله يالله سرينا
بعد ماصعدو
جواهر يالله فطوم وهم صاعدين
جواهر لحظه نسيت جوالي في المطبخ
انتي روحي حجرتي اول وحده على اليمين
فطوم طيب بس مافيه ارجال هنا
جواهر لا الريايل كلهم في الميلس خذي راحتك ابويه
اصعدت فطوم وعجبها ديكورات البيت كانت
فخمه بمعنى الكلمه والزخارف على
الجدران غير .ادخلت الغرفه وعجبها اثاثها فخم
وكبير ولون الغرفه مايل للاخضر والأزرق
وشافت طاوله عليها مجلات خذت وحده
تتصفحها واجلست على الكنب الي عندها
وفتح باب الغرفه
ارفعت عيونها وشافت
؟؟؟؟؟؟؟؟؟؟؟؟؟؟؟
؟؟؟؟؟؟؟؟
نكمل في البارت الجاي
الفصل السابع
فطوم تتصفح المجله وانفتح
الباب ارفعت اعيونها
وشافت رجال داخل عليها خافت وغطت نفسها
بسرعه ولما شافته واعرفته عصبت
فطوم انت وبعدين معاك لاحقني لهنا بعد
مطر لو سمحتي خليني افهمج الموضوع
فطوم وقفت تبي تطلع
مدري شتبي تفهمني انت ووجهك
ولا عاجبتك السالفه خلاص
مطر يابنت الأجاويد انتي فاهمه غلط
هاي ...
فطوم شششب ولا كلمه وخر عن طريقي
قليل الأدب
مطر احترمي نفسج وانطبي خليني
افهمج انتي يالسه في حجرتيه
فطوم كذب بعد اختك قالت ان هذي غرفتها
مطر زين لو سمحتي شوفي الملابس
الي معلقه هناك وشوفي صوري في كل مكان
وعندك التسريحه شوفي العطورات كلها رجاليه
واذا قصدج حجرة جواهر على يمينك
اذا طلعتي والي جنبها ميثه
فطوم ماحبت تبين انها انحرجت او تفشلت
واسحبت نفسها واطلعت من الغرفه
مطر يبتسم
غرشوبه وعصبيه
.......
ثاني يوم زواج جواهر وكان حلو ومرتب
وبعد ماخلص الزواج سافرو المعاريس
شهر العسل
الساعه 4 العصر اتفقو يطلعون
كشته في البر الشباب والبنات
بعد ماتعرفو عيال عم مطر على نواف
والبنات على فطوم وامون اطلعو البر
واركبو الدبابات ولعب ووناسه
اخت مطر وبنات عمها مايتغطون
بس فطوم وامون
ميثه ها بنات تركبون دباب
امون انا اخاف بس بركب معاك
ميثه وانتي فطوم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك