رواية غرام وانتقام -64
نواف عيونه تسرق النظرات بجهة هند يبي يشوفها لكن اخونها مغطين عليه
مشت مسيرة الخريجين وستلمو شهادتهم
وهند جالسه تتكلم مع خالد عن رحلتهم الي بكره الفجر رفعت عيونها
تفاجئت بالي تشوفه فتحت عيونها مصدومه متفاجئة عادل قدامها ماسك المكريفون وبيتكلم خافت يتهور
عادل وعيونه مانزلت على هند
فواز مبقق عيونه مصدوم وهو يشوف صديقه قدامه وماسك المكريفون خايف من تهوره ما يمديه يلحقه ويمنعه حاط يده على قلبه وخايف من المصيبه الي بيقولها
عادل الكل مستغرب وقفتي بعد انتهاء الحف حبيت اعلن خطبتي لهند الفهد واتمنى من الكل يبارك لنا الخطبه
هند فزت كانها مقروصه ووجها ولع احمر من العصبيه شلون هالحقير يتجرء عليها وقدام الكل
انصدم نواف وتوجع على حال صديقه تفاجئ وهو يشوف هند واقفه وواضح عليها الصدمه والعصبيه
طلعت من القاعه وركض وراها اخوها خالد ونواف لحقهم من بعيد خاف ان الموضوع الي جاي علشانه يفشل
سمعها تصراخ بعصبيه شفت الحقير الغثيث وش سوى ليه يحسبها سايبه يجبرني بطريقته اني اوافق عليه والله لوريه لخليه يالعن الساعه الي تطاول علي
خالد وسعي صدرك
هند بعصبيه لانسان هذا لا يطاق غثيث نشبه ما يفهم شكله عقوبه من ربي بسبب ذنوبي
انا احاول اتجنب استخدم العنف معه لكن ثور ما يفهم والله مانام الليله قبل لا ربيه وخليه يلتفت وره وان انذكر اسمي يفز مرعوب
نواف يبتسم مسك حاجبه تذكر عصبيتها معه
نواف في نفسه والله للحين على جمالك وقوتك وقسوتك يحلوها عصبيتك تزيدك جمال والله مالومه جاسم من كانت هند بين يدينه وش يبي بغيرها
عند عادل
بعد مالقى كلمته نزل لصديقه الي انفجر فيه بعصبيه
فواز بعصبية يالمجنون وش سويت فضحت البنت قدام الله وخلقه يويلك منها ويسود ليلك والله ماتسكت عنك زين اذا نمت الليله بفراشك
عادل اهم شي اني مبسوط وش بتسوي اهم شي بردت قلبي وبتنجبر توافق
فواز بعصبيه ههههههههه هند تنجبر يامسكين معرفت مع منو تلعب لا تنسى اني حذرتك وانت ماسمعت
عادل ماقصرت وانا ماسمعت هي وين اختفت ماشوفها
فواز يبتسم ادبر لك مصيبه ماشفت شكلها وهي تسمع هبالك بعمري ماشفتها معصبه هالكثر خفت ليجيني شي من عصبيتها لكن ربك سلم
عند عادل
بعد مالقى كلمته نزل لصديقه الي انفجر فيه بعصبيه
فواز بعصبية يالمجنون وش سويت فضحت البنت قدام الله وخلقه يويلك منها ويسود ليلك والله ماتسكت عنك زين اذا نمت الليله بفراشك
عادل اهم شي اني مبسوط وش بتسوي اهم شي بردت قلبي وبتنجبر توافق
فواز بعصبيه ههههههههه هند تنجبر يامسكين معرفت مع منو تلعب لا تنسى اني حذرتك وانت ماسمعت
عادل ماقصرت وانا ماسمعت هي وين اختفت ماشوفها
فواز يبتسم ادبر لك مصيبه ماشفت شكلها وهي تسمع هبالك بعمري ماشفتها معصبه هالكثر خفت ليجيني شي من عصبيتها لكن ربك سلم
عادل ببرود يعني وش بتسوي بتفجرني حلالها على الاقل اموت ضحيه في سبيل الجمال
وقف فوازبعصبيه لو بجلس معك دقيقه بتجلطني والله ماني بايع عمري
عادل ببرود وين بطس وتخليني
فواز بعصبيه والله لو اني منك حجزت اول طياره وانحشت لرياض
عادل وقف انا طالع لشركتي تجي معي نتكلم بالخطبه
صارو يتكلمون وهم يمشوون
فواز انفجر مجنون وطول عمرك مجنون هند مو لعبة اعجبتك بتحصل عليها هند انسانه روح ودم رفضتك خلاص يوجه استح
عادل ببرود الا صدق عندك رقم خالها بالرياض
فواز حس بصداع شكل عادل رفع ضغطه
فواز بعصبيه خير وش تبي بخالها
عادل ببرود اكيد ابي اخطبها منه
فواز بعصبيه تدري اول مايشوفك يمكن يذبحك تراه معصب من حركاتك الطفوليه
وصلو عند بوابة الجامعه
عادل يله اشوفك على خير
فواز بعصبيه من وين بيجي الخير بعد سواتك
عند هند
هند مستمره بعصبيته وخالد يحاول يهدي فيها
جت عندها اختها غاه وهي مقهوره اكثر منها ووجها كله عصبيه
وفهد لو عادل بين يدينه كان ذبحه
غاده بعصبيه مامتي شفتي السخيف وربي ماسكت عليه
فهد بعصبيه ابي افهم وش قصده يعلن كذبته قدام الكل بنرضخ ونزوجه بعيده عن شواربه
هند بعصبيه مالكم شغل فيه هو تحدى هند الفهد والي يتحدني يستاهل الي يجيه مني
محمد بهدوء ليش العدوانيه هذي واحد مجنون وتكلم طنشوه وش مراح يضركم كلامه
هند بعصبيه اطنشه والله يحلم هو الي فتح النار على نفسه
عند نواف
نواف مستمر بمراقبتها واعجابه بهند يزود اكثر نادر او معدوم وجود بنت مثلها تجمع بين الجمال والقوه بين الانوثه والقسوة
واخيرا شاف غاده الي اخذت قبل صديقه وبعده قلب اخوه تذكر فيصل كان يتمنى انه جاي معه يمكن يقدر يبعد اخوه عنها لكن فيصل متهور يخاف يذبح اخوه وهذا الي خايف منه كم مره سمع فيصل يحلف ويتوعد ان الي يقرب منها بيموته
غاده ابهرته بجمالها ونعومتها ودلعها تاكد انه مستحيل يقدر يشيلها من قلب اخوه
مستحيل يقدم اخوه على صديق عمره الي اسنين مكتوي بنارها يتزوجها اخوه بارده مبرده
نواف في نفسه والله لو اخر وحده بالعالم ماياخذها صلاح وفيني عرق ينبض هو رمى برفضي ورى ظهره لكن انا بتصرف
في الرياض
مكتب عبدالرحمن
انهى المكالمه الي جته وهو يغلي قهر شلون واحد يتجرء ويقهر هند وقدام الكل
كسر فرحتها بتخرج اخونها
عبدالرحمن في نفسه هين ياعادل الكلب ان مربيتك انت تطاول على بنت الفهد قالو ماوراها احد بتغصبها بنتي ماتنغصب
حس بغصه بقلبه ان الي صاير بينهم بسبت انه بيغصبها على جاسم ويقدمها قربان له
ثلاث سنين وهي بعيده عن حضنه كل ليله يتقلب على فراشه كانه مقروص ثلاث سنين وهو يتوجع لوجعها باليوم يكلم كل الي يعرفهم بابريطانيا يسال عنها بطريقه غير مباشره فجر جوال فواز وهو يسال عنها ماقدر على البعد الي هو فارضه عليها وعليه
لمتى ياهند بانحرم من شوفتك والموت كل دقيقه يطق بابي قولي ياروح القلب ماحنيتي على خالك صيري احسن من وصيري راعية الاوله وتعالي اطلبي من خالك القاسي السماح
ارحمي خالك الي ميت يشوفك وحارم نفسه منك مابي اشوفك واضعف وانا طول عمري قوي ارجعي لحضني ياهند ياريحت الغاليه ردي للعين نظرها وللقلب دقاته
في بريطانيا
الساعه 12 الظهر
طلعت هند مع اخوانها من الجامعه راجعين لشقه
وصلو لشقه غاده دخلت لغرفتها تعبانه بتنام
وفهد دخل غرفته مرهق وتعبان نومه مقطع بالليل دخل غرفته ونام
هند جلست بالصاله والي صار بالجامعه ينعاد وهي تغلي قهر منه
لبست حجابها وطلعت لشركتها لازم تعاقبه مستحيل ترتاح وهي معصبه
وصلت لشركه دخلت مكتبها
عند جاسم
بعد الي صار مع امه ترك البيت ونام بالمستشفى ماله خلق يشوف احد تعب منهم مو راضين يريحونه يكفيه الوجع الي فيه تعب من كثر ماتزن عليه بالزواج
عارف انها من حقها تفرح فيه وتشوفه معرس وعنده عيال لكن مايقدر يستجيب لها وهو بدون روح بيظلم بنت الناس معه بيشوفها هند يكفيه الي فيه ليه يكملون عليه
مستحيل يتزوج غير هند لو يبقى طول عمره بدون زواج
في الشركه
الساعه 3
طلبت من السكرتيره تنادي فواز كلمتها السكرتيره قالت انه ماخذ اجازه اضطراري
ارفعت تلفون مكتبها وسوت بعض الاتصالات المهمه
وحست براحه انه لقت الطريقه الي بتربي عدنان فيها
كلمت السكرتيره طلبت لها كاس كبتشينو وفطيره بتموت من الجوع
بعد دقائق وطلبها عندها بدت تاكل الا سمعت
السكرتيره فيه شخص يبي يقابل ضروري
هند رفعت عيونها على السكرتيره قولي له يدخل
بعدت عنها الفطيره تنتظر الضيف يدخل تفاجئت بالي داخل عليها نفس ماهو الزمن ماغيره تذكرت اخر لقاء بينهم
هند وقفت احترام اهلا وسهلا دكتور نواف تفضل
نواف استغرب الترحيب حس براحه
جلس نواف بالكرسي الي مقابلها وهي ارجعت جلست وقدامها كاس الكبتشينو
هند بجديه دكتور نواف وش تشرب
نواف بجديه انا جايك من الرياض متعني ابيك بموضوع مهم
هند بجديه ماترضاها لي تجي مكتبي من غير لضيفك تقهو وبعده تكلم بموضوعه
نواف اجل قهوه ساده
رفعت تلفون مكتبها وطلبت قهوه لنواف بعده نزلت التلفون
هند اطالع بوجه نواف وشافت ضربتها وابتسمت
انسحر نواف على ابتسامتها الي اول مره يشوفها
هند بابتسامه للحين الجرح الي بجبهتك واضح
نواف بابتسامه البركه بايدك عرفت تصيب
هند بجديه وقتها كنت تستاهل الضربه
نواف بعدم صبر جاسم يحبك ياهند
انتفض قلب هند وحست ببروده بجسمها
كمل نواف طول هالسنين تعبان بسبتك والله ياهند حالته ماتسر العدو قبل الصديق
هند بخوف شلون تعبان
نواف بوجع عايش مع الناس وعقله وقلبه معك ارحميه ياهند طالبك ارحميه ارجعي له جاسم تغير بسبتك صحيح انه اشتهر بشغله لكن قلبه مريض بالهوى والهوى ماله دوى
هند كاتمه دموعها وتحس انها تحرقها مع كل كلمه يقولها نواف ينزف قلبها الم ووجع
نواف بحزن موجع يضنك تزوجتي وجبتي عيال كل ليله يتخيلك زوجته ونايمه بحضنه شفتي لوين وصل جاسم احكمي ضميرك وش شفتي من جاسم يوم تعاقبينه كل هالعقاب والله ياهند لو لفيتي الدنيا مثل جاسم ماتلقين
هند ماقدرت تسمع اكثر تحس قلبها بيخنقها الي فيها كافيها يجي نواف ويكمل عليها
دخلت السكرتيره بالقهوه وحطتها قدام نواف
هند بحزن اشرب قهوتك يانواف مصير صديقك بينساني ان طال الزمن ولا قصر
نواف وقف معصب اشربيها انتي قلبك ميت وتستلذين بتعذيب غيرك ذنب جاسم الوحيد انه حبك وللحين يدفع ثمن هالذنب والله ياهند حرام فيك جاسم الطيبون لطيبات
هند بعصبيه جاي مكتبي تهيني ياليت يانوف تطلع من مكتبي والي متعني له ماصار ولا راح يصير
نواف بصراخ قاسيه وطول عمرك قاسيه
بتنبسطين اذا قريتي اسمه من الوفياة تاكدي بيكون بسبتك
كمل بهدوء ياهند ارحمي عزيز قوم انذل ارحميه
جاسم مو جاسم الي قبل لا يعرفك اترجاك ياهند بحياتي ماترجيت احد ارحمي ضعفه
الي مثله متزوجين وفرحاني بعياله وهو عايش على ذكرى وامل مستحيل يتحقق
والله ياهند اني جيتك وانا مكره عشقه بيدمره والله لو لعشقه علاج لدفع كل الي وراي ودوني علشان اعالجه من عشقه المجنون لوحده بلا قلب
هند موجوعه موجوعه منهاره براكين من المشاعر انفجرت بداخلها لكنها تمثل الصلابه والقوة
هند بصوت يرتجف من النار الي اشعلها نواف خلاص صفحة جاسم انطوت
نواف فقد الامل وقف وطلع من غير لا يشرب قهوته
هند رمت نفسها على الكرسي منهاره وصارت تبكي بوجع وقهر
معقوله الي يقوله نواف وجاسم تعبان بسبتها مثل ماهي تعبانه بسبته معقول للحين قلبه يدق لها مثل ماقلبها يدق له معقوله يحبها كل هالحب والعشق وهي منحاشه بسته معقوله فيه امل بسيط انها ترجع لجاسم وتشوفه وتعتذر منه
احساس بالامل انزرع بقلبها لكن لازم هو الي يخطبها كيف وشلون ماتدري تبي لرجعت بيته تكون بقوتها
معاد لها خلق تبقى اكثر بشركه طلعت اركبت سيارتها وصلت لشقه دخلت غرفتها نزلت حجابها وشنطتها دخلت الحمام اخذت شور بارد يبرد نارها
ودخلت السرير حست براحه ماتدري ليش كانها كانت محتاجه لزيارة نواف
عند فيصل
بعد الي صار بينه وبين امه حاول انه يضغط على نفسه ويتعامل معهم طبيعي يكفيهم حال جاسم الي نايم بالمستشفى ماله خلق لهم
كان بغرفته واقف قدام المرايه شاف الجرح الي بجبهته وابتسم
فيصل بابتسامة وجع اخبارك ياغاده اكيد تخرجتي للحين بابريطانيا ولا رجعتي
ااااااااااا مشتاق لك والشوق مل من صبري
اكيد كبرتي وحلويتي للحين شكلك مرسوم بقلبي قبل عقلي
صرت اشوفك بنومي وشوفك وانا صاحي
وكمل بوجع الحين اشوفك تعطيني غترتي وواقفه بالمبخر بتبخريني تدرين اني اعشقك واموت فيك مستحيل بتلاقين وحد يعشق ربع عشقي لك
ياليت تدرين ان شركاتي سميتها باسمك مابي اسمك يغيب عني مثل ماغابت اخبارك
عمرك شفتي عشق مجنون مثل عشقي دخيلك ارجعي وربي لكتب كل الي املكه باسمك يكفيني اني املكك وهذا الي اترجاه واتمنى بالدنيا
عند عادل
العصر
سمع طق الباب شاف سيارة اسعاف وثنين لابسين ابيض خاف مسك جواله واتصل على فواز
عادل بخوف فواز الحق علي شكل بنت الفهد بتوديني مستشفى المجانين السياره واقفه قدام الباب
فواز بسخريه تستاهل ماجاك بعد الي سويته هذا مكانك
عادل بعصبيه ان دخلت مستشفى المجانين طلعت من عندهم مجنون طالبك ياخوي الحق علي وقول لبنت الفهد والله ماقرب من جنبها
الرجالين اخذو الجوال ورموه وكتفو عادل وشالوه بسيارتهم
وصلو لمستشفى الامراض العقليه وحطوه بجناح الحالات المستعصيه
اشكاله تخوف الي شعره منفوش والي ثوبه مقطع وبعضهم مفاسيخ ( الله يثبت علينا العقل والدين )
وتصرفاتهم مرعبه وتخوف اخذ زاويه وجلس وهو يقراء كل الادعيه الي حافظها كل ماقرب منه وحد منهم انتفض
عادل في نفسه توقعت تسوين أي شي ياهند الا انك ترميني مع المجانين ياليتك حابستني اهون من هنا
زين اذا جلست بعقلي من الي يشوفه يارب يسوقك لي يافواز وتلحق صديقك قبل لا يصير مثلهم ويشقق ثيابه ولا يمشي مفسخ يفرحت امك فيك ياعادل وانا متخرج من مستشفى المجاني
قطع عليه افكاره هجوم واحد من المجانين عليه
عادل بخوف ورعب هييه وخر عني ترى اذبحك
المجنون صار يصدر اصوات وحركات مخيفه
عادل بخوووف بحياته ماخافه صار يقراء المعوذات بصوت عالي
قبل لا يكمل مسكه واحد منهم وصار يدور فيه لين داخ راسه وطاح على الارض
عادل بدموع شلون بتصل عليك يافواز وتنقذني يارب انك تسوقه لي ويخلصني
تتبع
عند عبد الرحمن
كان بالبيت جاه اتصال طلع بعيد مايبي نوره تنتبه للمكالمه
بعد ماخلص اتصاله ماقدر يمسك نفسه من الضحك
عبدالرحمن هههههههههههه سويتيها يابنت الفهد بردتي ناري فيه يستاهل ماجاه هههههههه شلون طرت في بالك ودخلينه مع المجانين ههههههههههههههه للحين على قوتك مثل خبري الله يجمع شملنا ويطيح الي براسك
وصلت عنده نوره مستغربه من ضحك زوجها بصوت عالي عو المكان
نوره بابتسامه دوم هالضحكة يارب ضكني معك
عبدالرحمن ابو بسام قال سالفه ضحتني
نوره بحب ياليته كل يوم يكلمك ويضحكك
من زمان ماشفناك تضحك الله يسعده الي خلانا نسمعها
عبدالرحمن يتهرب طالع عند ابو بسام
طلع تاركه من غير لا تتكلم وتساله
عند هند
صحت على صوت جوالها شافت المتصل فواز
هند الو خير فواز وش عندك متصل
فواز بعصبيه وين وديتي عادل
هند بسخريه وديته المكان الي المفروض يكون فيه صديقك مجنون وخطر على العالم ومكانه مستشفى المجانين
فواز بعصبيه مثل مادخلتيه اطلعينه
هند بعصبيه يحلم يطلع بعد سواته اليوم ان ماخليته يصير مجنون رسمي ماكون هند
فواز بترجي بغالات خالك عندك طلعيه
فواز يعرف نقطة ضعف هند ويعرف ان أي احد يطلبها ويدخل خالها بسالفه مستحيل ترده
هند انتفضت بطلعه لكن والله لو تعرض لي لخليه يعيش طول عمره هناك
فواز وانا ضامن لك مستحيل بعد الي شافه بيقرب منك
هند روح لمستشفى وبكلمهم يفكونه لك
سكرت الجوال واجرت اتصال وبعده قامت شافت الساعه 7 المغرب انصدمت من كثر النوم
عند فواز
سكر الجوال وطلع للمستشفى جلس عند المدير وقاله اسم عادل وجابوه له عادل ماصدق رمى نفسه بحضن فواز وهو ينتفض رعب ماصدق يشوف احد ينقذه
فواز يله بطلعك معي واخذت علي هند تعهد انك ماتتعرض لها وان قربت منها بتخيس هنا
عادل لا توبه وش ابي فيها كله ولا نعمة العقل وربي الي شفته داخل بجلس سنين مانسيته لو متاخر علي يوم تشوفني طالع لكم مفسخ ولا مشقق هدومي
فواز ههههههههه رايق تنكت
اخذ صديقه وصله لبيته وطلع لبيته
عند هند
بعد العشاء
بعد ما سكرت الجوال طلعت لصاله لقت اخوانها متجمعين يسولفون
هند بابتسامه السلام
خالد وش هالنوم
قربت وجلست جنبهم مبسوطه ربيت لكم عادل
فهد بصجمه شلون وبسرعه هذي
هند بجديه تعرفوني مانام وبقلبي حره
محمد بخوف وش سويتي
هند بابتسامه دخلته لمكانه الطبيعي مستشفى المجانين
عدنان ههههههههههههه وربي من زمان شاك انه مجنون
غاده ههههههه الرجل المناسب بالمكان المناسب
محمد بعصبيه حرام عليكم الي مايعجبكم تصرفه دمرتوه وش احنا في بغابه
هند بحزن تطمن طلع مابردت قلبي فيه فواز ترجاني باسم الغالي ولا قدرت ارده والحين تلاقيه في بيته
فهد بقهر كان تركتيه يوم كامل يتادب
هند ببرود هذا الي صار
جلسو يسولفون وهي سرحانه وكلام نواف ينعاد براسها
خالد هند وش شاغل تفكيرك
هند انتبهت على نفسها موضوع خاص بالشغل
التفتت لعدنان الي ينعس عدنان روح نام وراك جامعه
قام عدنان ودخل غرفته ونام
هند التفتت لغاده وانتي ليش جالسه قومي نامي او جهزي اغراضك
غاده ماماتي اغراضي جاهزه ابي اسهر معك قبل لا سافر لاحقه على النوم
خالد انا داخل انام ماني قادر افتح عيوني
وقف محمد وانا ماشوف طريقي بنام وراي بكره يوم طويل
عند نواف
بعد ماطلع من شركة هند طلع وهو مقهور ماتوقع بعمره يشوف قسوة مثل قسوة هند
وصل لكوفي شوب جلس فيه يبي يروق منقهر انه مثل ماجاء بيرجع
طلب له قهوه ساده شربها وبعده طلع لشقة اخوه
دخل لقى اخوه بغرفته دخل عليه شافه يجهز شناطه ماله خلق يكلمه بموضوع غاده
طلع برى في الصاله وانسدح على الكنب وهو يغلي قهر من هند
عند هند
هند وغاده بالصاله قامت غاده وجلست جنب اختها ورمت نفسها بحضن هند وصار تبكي بوجع استغربت هند ورفعتها عن صدرها
هند ليش كل هالبكاء والنحيب
غاده تبكي بقهر ووجع ماماتي ابي فيصل رجعيني له طالبتك والله ماقدر اتحمل اكثر ابيه والله ابيه
هند في نفسها وانا ناقصه وجعك ياغاده اليوم شكله عذاب من اوله
هند ................
غاده ماماتي مثل ماخليتين اخلعه رجعيه لي
هند بقوة ماقدر ارجعه لك تحسبين فيصل لعبه اذا مابغيتيها رميتيها واذا بغيتيها اجبتها لك
غاده بوجع وقهر ليش بشر نقدر وبالخير مانقدر ليه دمرناهم وحنا متاكدين انهم يحبونا ويوم كرهونا حبيناهم
هند بعصبيه مدامك من الاساس تبينه ليش جيتيني تبكين وتترجيني اخلصك منه
غاده بحزن ماكشفت حبي له وعشقي الا بعد ماتركته
هند بجديه فيصل سبب رفضك لصلاح
غاده بقوة مثل ماجاسم سبب رفضك لعادل قلبك متعلق بجاسم وتكتوين بنار عشقه مثل ماكتوي بنار عشق فيصل ربي انتقم لهم منا
هند متفاجئة من غاده قالت برتباك كل الي تقولينه ماله اساس ومن راسك عمري ماحبيت ولا راح احب جاسم
غاده بقوه اساسه انك كل ليله تسولفين معه وتنادينه وتترجينه انه يرجع لك
انا اقولها صريحه وبصرخ باعلى صوتي احــــــــب فيصل واموت فيه ولا اتخيل اني اكون زوجه لغيره
هند انصدمت معقوله وصلت معها الحاله انها تهذي باسمه وهي نايمه معقوله هند الفهد بقوتها لنذكر اسمها تهتز لها المجالس خوف منها تضعف وتهذي بنومها أي ضعف ماتوقعت ان قلبها الي شاخ يسكنه جاسم ويستولي عليه زمن المعجزات تحقق
هند بحنان معاد ينفع ياغاده الي انكسر مستحيل يتصلح وجاسم واخوه كسرناهم
ماتدرين فيصل يمكن احب وتزوج ونساك ليه تعذبيني وتعذبين نفسك انتي رفضتيه وخلعتيه وهذي كبيره مايتقبلها أي رجال
غاده صارت تنتفض وتبكي وجع وقهر كل الي تقوله هند متاكده منه لكن قلبها متعلق فيها وتحبه وتعشقه
سحبتها هند وضمتها وهي موجوعه اكثر منها
هند بحب ارجعي الرياض انسيه ياروح امك واشغلي نفسك بعيادتك الي تنتظرك تنورينها كل شي جاهز بينكتب اعلان عن عياتك بكره او الي بعده بتكون بكل الجرائد اثبتي وجودك ابيك احسن دكتورة اسنان بالسعوديه بكبرها
غاده رفعت نفسها من حضن هند موجوعه انه ماقدرت تكتم وجعها في نفسها واوجعت هند فوق اوجاعها
غاده ماماتي تعالي معي
هند بوجع وقهر ماقدر اترك شغلي هنا وارجع لرياض
غاده بحزن لمتى تتهربين من مقابل خالي لمتى كل واحد يتوجع بسبب الثاني
قلبت عليها المواجع وفتحت جروحها وذرة على الجرح ملح
هند بوجع خالي طالب مني المستحيل لو طلب روحي قدمتها له لكن الي طالبه فوق طاقتي خالي يبي لي الاهانه والذل وانا بعيش واموت راسي مرفوعه لو داخلي ميت
غاده بجديه طيب ليش رافضه وانتي تموتين بجاسم
هند بصدق لو خطبني بوافق عليه وانا مبسوطه وبيكون يوم سعدي لكن اني اعزمه على نفسي يمكن يرضى او يرفض والله كبيره على النفس ياغاده
غاده بجديه ماتوقع ان جاسم بيرفضك يمكن بيكون يوم السعد عنده
تذكرت هند كلام نواف لكن مهما كان لكل شي اصول مستحيل تتعداها
هند الاساس الي يبيني اسويه خالي غلط ولي اساسه غلط عمره مايدوم
هند طالعت بساعتها كانت 1 ونص
هند غاده خذتنا السوالف مابقى شي على سفركم
قامت غاده بدخل اخذ شور وانتي مامتي قومي فهد ومحمد وخالد لا يتاخرون
دخلت عند اخونها وصحتهم وقام معهم عدنان بيودعهم
بعد نص ساعه اطلعت غاده لابسه وجاهزه وطلعو كلهم مع بعض للمطار كان نواف سابقهم ينتظرهم اول ماشاف هند وهي واضح ان كلامه ماثر فيها كان وده يركض لها ويضربها لين تطفي حرته منها طالعها بنظرات حقد وكره
هند كانت تضم اخوانها وتودعهم
عدنان يضم غاده بشتاق لك يادبه
غاده بابتسامه ادل طريق كل ماشتقت لي تعال شوفني
تركت عدنان وحضنت هند بقوة ورفعت وجهه الي كله دموع
غاده تبكي ماماتي تعالي معنا ماشتقتي لسعوديه
هند بحزن موجع اذا رضى علي خالي رجعت ولا ببقى طول عمري بابريطانيا نار الغربه ولا نار صده
ودعوها وركبوا لطياره
وهي وعدنان راجعو لشقه ادخلت بتبدل وترجع لشركه بتشغل نفسها عن غيابها الشقه صارت كئيبه بدون اخونها
رمت نفسها على الكنبه وعدنان مقابلها
موجوعه مقهوره هند في نفسها ااااااااااااه من قسوتي وغروري وكرامتي التي خلتني اتوجع ويمكن اجلس طول عمري وحيد بالغربه
غصب عنها بكت ماحست بنفسها الا بعدنان يمسح على ظهرها
عدنان بحزن ليش تبكين
هند بشتاق لهم
عدنان اذا اشتقتي طيارتك تحت امرك توصلك وترجعك بنفس اليوم
وقفت الله يعني قوم لا تتاخر على جامعتك
دخلت الحمام اخذت شور وتوضت وصلت الفجر ودعت من قلبها ان الله يفرج همها
لبست اول لبس لقته بطلون اسود فضفاق وبلوزه سماوي طويله وفوقه بالطو لبست حجابها
هند طلبت من الطباخه تجهز الفطور طلع عدنان افطرو وهم ساكتين
هند بوصلك للجامعه قبل لطلع الشركه
طلعت مع عدنان جلس قدام وسميره ورى وصلته للجامعه وكملت طريقها لشركه
في الشركه
دخلت شركتها متضايفه من سفر اخونها ومن المواجهه الي صارت بينها وبين غاده
فجرت عليها المواجع
سافرت وتركتها وحيده تعاني وجع الوحده ووجع الغربه
طلبت من السكرتيره تجيب لها الاوراق الضروريه
دخلت السكرتير بالاوراق ومن بينهم جريده متعوده هند يوميا تقراها
صارت تتصفح اوراق الجريده ببرود انتبهت لخبر وانصدمت ان الخبر عن جاسم انه سوى عمليه قلب مفتوح لرجل مهم بالدوله وتكللت بالنجاح ومحطوطه صوره وهو بلبس العمليات
دققت بالصوره وتاملتها بعيون عاشقه محرومه ماتذكر ملامحه لان الحقد كان عاميها اخذت الجريده وحطت صورته على قلبها يمكن تخف دقاته
اصدرت تنهيده وجع وقهر وانا ناقصه هالخبر يكمل علي وجعي والحل ياهند
معقوله كلام نواف صدق وانه مجنون بعشقي يمكن نواف يبالغ او يمكن خطه بينهم يبي يكسر راسي مستحيل يحبني ويعشقني كل هالعشق وهو ماشاف مني الا الذل والمهانه
سندت راسها على الكرسي وسمحت لدموعه بالنزول
يتبع
بعد يومين
غاده واخوانها وصلو لرياض واستمرو بحياتهم الطبيعيه
وهند للحين تعاني الوحده والعشق والحرمان من خالها يوجعها
جاسم رجع للبيت وامه تجنبت تجيب سيره الي صار ماصدقت انه يرجع للبيت
في بيت ام جاسم
الجدات كانو بغرفتهم نايمات والجوهره جالسه تتقهو مع امها وفيصل كان نازل وقف وهو يسمعهم يتكلمون عند غاده متاكد لنزل وشافنه بيسكتن وهو ميت يسمع عنها خبر
الجوهره يمه دريتي ان غاده رجعت لرياض
فيصل فز قلبه وبردت مفاصله وجلس على الدرج
ام جاسم من قالك
الجوهره بابتسامه وفاتحه عياده
ام جاسم من وين جتك الاخبار
الجوهره قريت اعلان لعيادة غاده الفهد
ام جاسم اياني وياك يدري اخوك انها جايه مو ناقص
فيصل غصب على نفسه وقف وانتظر دقائق لين غيرو الموضوع ونزل
قرب من امه وباس راسها
ام جاسم اجلس تقهو معنا
فيصل باستعجال طالع عندي شغل ضروري
طلع من البيت مر سوبرماركت كبير شرى كل الجرائد ركب سيارته رايح لشركته
عطى الجرائد لسكرتير
فيصل ابيك اطلع لي اعلان باسم عياده غاده الفهد
السكرتير صار يقلب بالجرائد يبحث عن الاعلان
دخل فيصل مكتبه جالس على نار ينتظر متى يدخل عليه السكرتير
بعد ساعه من انتظار فيصل دخل السكرتير بالجريده بيده فاتحه على صفحة الاعلان
السكرتير طال عمرك هذا هو الاعلان
فيصل اخذ الجريده بلهفه وشوق
فيصل مشكور ارجع لمكتبك
طلع السكرتير وعيون فيصل على الاعلان
معقوله جت بعد كل هالسنين لازم يشوفها مشتاق لها وبيموت من الشوق اخذ عنوان العياده ورجع للبيت لقى فرح تلعب عند امها
شالها بيطلع فيها استوقفه صوت الجوهره
الجوهره بعصبيه فيصل وين ماخذ بنتي
فيصل باخذها مشوار
الجوهره وينه مشوارك
فيصل بطفش للملاهي
الجوهره مستغربه من متى نزلت عليك الحنيه ولا وبعد بتوديها الملاهي
طلع ماله خلقها ركب السياره وباس خد فرح
فيصل بابتسامه لا تفرحين مافي ملاهي ماخذك طعم علشان اصيد فيه غاده
وصل لعيادة غاده وقلبه ينتفض مشتاق لها حتى النخاع وخايف من المقابله بعد كل هالسنين
وصل للاستعلامات وهو شايل فرح
فيصل غاده الفهد موجوده
الموظفه لا دوامها بكره
فيصل حس بخيبة امل طلع مقهور ركب سيارته
فيصل يكلم فرح شكل وجهك نحس علي
وصل للبيت دخل نزل فرح بحضن امها
الجوهره باستغراب ماسرع مارجعتو
فيصل غيرت راي تذكرت اني مواعد رجال بكره جهزيها باخذها حرام اكسر خاطره
الجوهره بصدمه سبحانه يغير ولا يتغير من يصدق فيصل يعطي فرح وجه
فيصل لا تفرحين كثير بس بكره وبعده لو تموت ماطلعتها
طلع راجع لشركه
في بيت عبدالرحمن
الظهر
غاده منسدحه على رجل خالتها وخالتها تلعب بشعرها وحنان جالسه تلاعب الدحمي
غاده بابتسامه خالتو الموديل الي مطلعه خالد صراحه مو شي
نوره ضربتها على جبهتها بابتسامه فديتها الدحمي ماترك من الزين شي
غاده فتحت عيونها على كبرها وتاشر على الدحمي هذا ماترك من الزين شي يكبرها عن ربي كبراه
حنان بابتسامه فديته يجنن ياليت الي اجيبه يطلع بحلاته
غاده بابتسامه ناقصين تكثرون علينا الشيون
نوره بابتسامه اقول لا يسمعك خالد يمكن يذبحك
سمعو صوت خالد وش يسمع خالد
تغطت حنان بطرف جلالها
غاده بابتسامه اعترفت لها بحقيقه مره للاسف مو راضيه تتقبلها
خالد قرب وباس راس امه التفت على حنان
خالد بابتسامه شخبارك حنان
حنان بصوت واطي الحمدلله
خالد فتح ذرعيه وركض له ولده وشاله
خالد وش الحقيقه
غاده بابتسامه ان ولدك الله يديم النعمه ماينبلع من شينه
خالد يبوسه خد بقوه فديته كله رجوله وش نبي بالزين
غاده ترمش بعيونها الي مايطول العنب حامض عنه يقول
خالد بابتسامه ياحمضن عنه يقول ليش مادوامتي بالعياده ولا عاجبك التسدح والنوم على رجل امي
غاده بحب والله النوم على رجل خالتي احسن من الدوام بمليون عياده
نوره رفعت راسها وحضنتها بحب
نوره بحزن الله لا يفرقنا مارجعت روحي الا برجعتك الله يكملها علينا برجعت الغاليه
دخل عبالرحمن على اخر كلمه منهي الغاليه
نوره بقسوه وبدموع الي طاوعك قلبك وهاجرها سنين ولا كلفت على نفسك تسال عن حالها واحوالها
بنتك ياعبدالرحمن موجوعه مو هند الي خبرك يمكن لو شفتها مره وحده يطيح الي براسك كسرتها ياعبدالرحمن وكسرت القوي صعبه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك