بداية

رواية اسمحيلي من النظره الأولى اوصلك احساسي -7

رواية اسمحيلي من النظره الأولى اوصلك احساسي - غرام

رواية اسمحيلي من النظره الأولى اوصلك احساسي -7

في بيت حبيبه
ام حبيبه هند هلا منى شلونك يمه
منى الحمدلله يمه وانتي بخير اليوم
هند الحمدلله اقول يابنتي ماتقدرين تاخذين
اليوم اجازه من المستشفى
منى ليه يمه خير
هند ابد سلامتك بس خالك ابراهيم
عازمنا اليوم في مزرعته وانتي ماتطلعين
الا متأخر اليوم
منى بروح استأذن بس من بيودينا
هند خالك سعود بسام واحد منهم
منى خلاص برجع العصر ان شالله
سكرت
حبيبه بتطلع
هند ايه بتاخذ اجازه
شهد زين انا معرف شلبس واغلب لبسي
قديم شكلي مو رايحه
هند عشان لبس ماتبين تروحين شدعوه
حبيبه لبسي الي طلعتيه حلو وحد شافه عليك
الا احنا
شهد بس اخاف يعزمون احد
هند العزيمه لنا احنا بس
...........
شوشه في السياره مع السواق جايه
من العثيم وشافت محل ورد فاتح
شوشه يوسف وقف عند هذا المحل
انزلت وادخلت المحل بدت تتفرج
صاحب المحل اهلا وسهلا كيف اقدر اخدمك
شوشه بصراحه ابقي نوع حلو من الورد بس
ماني عارفه كيف اختار
صاحب المحل هذا يعتمد على الشخص
الي بتهدينه رجال ولا بنت
شوشه رجال
صاحب المحل بدا يفرجها على انواع الورد
واختارت ورود بنفسجيه مع بيضاء ولفتها
بشكل حلو
شوشه عفوا انتو توصلونها للمكان الي نبيه
صاحب المحل اكيد وين حبيتي
نوصلها
شوشه طيب بعطيك العنوان وابي
كل يوم توصلون ورد لنفس المكان
وبختار لون حق كل يوم
صاحب المحل طيب هذي بطاقات اذا
حابه تكتبين شي فيها
شوشه لا ماابقى اكتب بس قول حق
الي يوصلها انها حق نواف
صاحب المحل اوكيه اتفقنا
ادفعت الفلوس واطلعت وهي ماتدري ليه
سوت كذا بس جاها احساس تسويه
..............

في المؤسسه

الأستاذ خالد(صاحب المؤسسه ورجال كبير
في السن في الخمسينات)
مجتمع مع الموظفين رجال وحريم مع المدير الجديد
الأستاذ خالد واتمنى اني كنت مدير عند حسن
ظنكم طول السنوات الي راحت وان شالله
المدير الجديد ماراح يقصر معاكم خصوصا
انه ولد صديقي واعرفه كريم ولد كريم
معاكم الأستاذ
بندر سعد ال.......مديركم الجديد
الكل رحب فيه والأسم على ليال مار
عليها بس معقوله مدير اخوها يكون مديرها بعد
بندر بثقه طبعا انا ماراح ازيد كلام على الكلام
الي قاله عمي خالد وان شالله نتعاون مع بعض
مع اني مالي في هالموضوع الي تشتغلون فيه
يعني انا في جهه وهو في جهه وبجرب
شغله جديدة علي وان شالله انجح فيها
وانتو معاي اكيد مثل مامدحكم عمي خالد
وبكره ان شالله بجتمع مع الرؤساء ونتفق
بعد ماخلص قامو الموظفين وراحو لأشغالهم
دخل بندر وخالد المكتب
خالد ان شالله ماراح تخسر فيها وبتشوف
رباحتها كثير وانا والله مافكرت ابيعها
الا لأني خلاص ابي ارتاح واشوف نفسي
اشوي
يبتسم بندر قول ناوي على زواجه ثالثه
وبريح
خالد يضحك يابن الحلال الثنتين
شادين حرب علي بس مسويها وخلاص
الفال لك متى ناوي تفرحنا فيك
بندر متى ماربي كتب بس انا متخوف
كثير من الشغله هذي يعني مالقيت الا حق تجميل وخرابيط ماهي اختصاصي بس
عشانك والله شريتها
خالد فيك العشم يابو سعد وصدقني عندك موظفين شاطرين مثل ماقلت لك عندك
في قسم الرجال عادل ونادر والحريم
ليال وعبير
ليال طيب ممكن تناديهم ابي اتعرف عليهم اكثر
واشوف كيف يمشون الشغل يمكن مايعجني
خالد لا بيعجبك ان شالله كل واحد عنده اسلوب
حلو للأقناع بس عندك ليال ساحره
تخليك تشتري ولا تفكر كم دفعت
بندر والله شوقتني اتعرف عليهم
ارسل خالد في طلبهم وبعد ماوصلو بدا يعرفه
خالد هذا نادر حسن ال..
وعادل فريد ال...
وهذي عبير سالم ال...
وهذي ليال سعود ال....
بندر اول ماسمع الأسم شك فيها بس تأكد
انها اخت بسام لما قرا الأسم كامل
على البطاقه المعلقه عليها
.......................
في بيت فطوم اوصلت الورود وخذتها الشغاله
وادخلت الصاله
ام نواف منهو عند الباب
الشغاله هذا واحد يجيب ورد يقول حق نواف
ام نواف يالبقره يمكن مغلط بالعنوان
الشغاله لا ماما يقول هذا بيت نواف حمد ال..
انا اقول ايه
ام نواف هاتيهم بعد ورود يانوافوه
مايندرى من مين بس الواحد مايشك لحد
مايجي من العمل واشوف
..............
في المؤسسه
بندر على العموم افكاركم حلوه واعجبتني
وان شالله بكره اجتمع معاكم ونشوف اذا عندكم
افكار جديدة
قامو بيطلعون بس بندر طلب من ليال وعبير
يظلون عنده
بندر سمعت من عمي خالد انكم شاطرات في البيع ومن كثر مامدح فيكم حاب اتأكد
اذا ماعندكم مانع
عبي اكيد ماعندنا مانع تفضل شتحب نسوي
بندر ابقاكم بكره ان شالله بعد المغرب
تروحون بيت اهلي وتعرضون منتجاتكم
هناك خاصه ان الوالده عندها جمعة حريم
وهذي فرصه اتأكد اذا كلام العم صحيح ولا
عبير ان شالله مابنقصر بس انا اسمحلي
بكره لازم اروح مع البنات في معرض
الأسره السعيده مع البنات عشان نعرض
منتجاتنا وهذي ليال ماراح تقصر ان شالله
ليال مافيه مشكله اخذ معاي فطوم والهام
بندر حلو كل ماكثر العدد زاد البيع
خالد صدقني بيشترون وهم مقمضين
ليال ماحبت الفكره من الأساس بس انحطت
في موقف ولا قادره تطلع منه
طيب استاذ بندر ممكن تعطي اهلك خبر
ان بكره بجي مع البنات عندهم
بندر ليه على حد علمي انتي شاطره
ولسانك حلو دبري نفسك
ليال واذا ماتقبلونا واطردونا
بندر هااا ساعتها كل الكلاع الي سمعته عنك من خالد مو صحيح
خالد بندر الله يهداك وهي صادقه افرض
اهلك مارحبو فيهم عطهم خبر بجيت البنات
بندر كان ودي بس محد يدري من الأهل اني
شريت المؤسسه واذا اعرفو بيشترون
مجامله لي وانا ماابقى هالشي يصير
ليال عصبت لو سمحت لا تشك في قدراتي
انا واثقه من نفسي واعرف كيف ابيع بضاعتي
بندر بتحدي طيب اعتبريني زبون وعرضي
علي شي اشتريه عشان اصدق بس لا اكثر
خالد اجل البنت راحت فيها انا اعرف كانت
مو أي شي تشتريه ذوقك صعب احد يفهمه
ليال على مااعتقد هذا تخصص قسم
الرجال مو اختصاصي
بندر وانا من حقي اشوف اذا انتي صادقه
ولا لأ خاص هان انتي في منصب اداري
مدري اذا انتي تستحقينه ولا
ليال اقبلت التحدي وراحت داخل وارجعت
معاها سله حلوه ومرتبه بطريقه حلوه وفيها
ثلاث علب زرقا .ورديه.خضرا
حطتهم على الطاوله امسكت الورديه وافتحتها
وخذت شي بسيط منها بالملعقه الخاصه له وامسحت على يد بندر عشان يشمها
ليال هذي اسمها الصيف المنعش خلطة
كريم مواد طبيعيه بريحة الفراوله والكرز
واحسن وقت تحطها في اليل قبل لا تنام
خاصه اذا استحميت وحطيتها عل جسمك
راح تعطيك شعور بالهدوء وراحة عضلات
الجسم وتساعد على الأسترخاء
وافتحت العلبه الخضرا وحطت على يده
وهذي دلل نفسك لوشن للجسم بريحة الغابات
الأستوائيه تستخدمه وقت الأستحمام وتخليه
على جسمك من ربع الى نص ساعه بيساعدك
على راحة جسمك وكل تعب حسية فيه
بيروح وغير كذا بيعطي بشرتك نظاره
وافتحت العلبه الزرقا
وهذي جنتل مان الغرور والثقه خليط ملكي وطبيعي من الأعشاب وتحطه على جسمك خاصه اذا كان رطب فيه نعومه للجلد
وبيعطيك ريحه مميزه يخلي الكل
يتمنى يعرف اسم عطرك
وهذا انسب نوع لك استاذ بندر خاصه
ان حضرتك جنتل مان
الكل كان ساكت على اسلوب ليال
خالد اخذ العلبه الزرقا
اقول ليال جيبي لي وحده مثلها اعجبتني
كثير
بندر خذها من يده وسكرها ورجع عطاها له
خلها لك ماابقاها
ليال انقهرت انه ماعلق ولا قال شي وفي
نفسها يمكن مانعجب بأسلوبها
بندر على العموم بكره بشوف وبحكم
والحين تفضلو
مشت ليال وعبير بس وقفهم صوت
؟؟؟؟؟؟؟؟؟؟؟؟؟؟؟
وللحديث بقيه


الفصل التاسع

مشت ليال وعبير بس وقفهم صوت
بندر انسه ليال ممكن تجيبين لي
كل الأنواع واعتبريها هدية المدير
الجديد
ليال بنصر في عيونها
ان شالله
واطلعت مع عبير
عبير اكشخ من قدك افحمتيه بأسلوبك
ليال لا ماتوقع بس قهرني ماعلق
ولا قال شي على اسلوبي
عبير لو ماعجبه كان ماقال
وهي تقلد صوته
انسه ليال حطي لي من كل الأشكال
واعتبريها هدية المدير الجديد
ها ها ها
اليال انا وين وانتي وين بس نجيتي
ولا كان رحتي معاي غصب بكره
عند اهله
عبير صدقيني انتي قدها وان شالله
بتشرفينا خلك ليال الواثقه من نفسها
مثل مااعرفك
ليال هذا بالذات انا حسية بخوف منه
مدري ليه
عبير اقول بروح اخبر البنات
عن الي صار
.............
في بيت فطوم
نواف داخل الصاله بعد ماجاب امون
من الجامعه
السلام عليكم وحب راس امه
وجلس جنبها
شلونك يالغاليه اليوم
ام نواف بخير دامك بخير
تفضل ومدت له الورود
نواف ليه كلفتي على نفسك يالغاليه
ادري انك تحبيني وحب راسها
ام نواف ياحظي مو مني جايك من برا
نواف مستغرب من برا من جابه
ام نواف مدري يمكن احد من ربعك
نواف لا يمكن غلطان في البيت
ام نواف لا مو غلطان الي جابه
قال هذا بيت نواف حمد ال...
نواف والله مدري من السخيف الي
سوا كذا
امون توها داخله الصاله
السلام عليكم ياسلام ورد من له
خذته من يد نواف
ام نواف راسلينه لخوك نواف
امون اكشخ حركات اخوي منهو المعجب الي راسلها
نواف مدري ولا فيه اورقه عشان اعرف من منهو
امون زين باخذها اذا ماتبقاها شكلها حلو كثير
نواف عاد هامتني اخذيها بالطقاق
وربعي يدرون عني محب الورد
ولا عندي سالفه معاه
ام نواف يمكن احد يمزح معاك
امون صج يدرون انك ماتحبه وارسلوه لك
نواف والله اذا احد منهم لا يلوم الا نفسه
................
في شقة مها
الساعه 3العصر
عماد توه جاي من الشغل وتوه بيدخل
بس فتح باب شقة الجيران
ام محمد السلام عليكم يعطيك العافيه ياولدي
عماد منزل راسه وعليكم السلام بغيتي شي ياخاله


ام محمد الله يعافيك يوم وصلت محمد
المدرسه اليوم كلفت على نفسك
والله السواق دايم يتأخر عليه
عماد لا كلافه ولا شي وانا مستعد
اوصله كل يوم اهو على طريقي
ام محمد اذا مانكلف عليك
عماد لا مافيه انا في خدمتكم
ام محمد اجل كل يوم بخليه ينتظرك
وهذا شي بسيط مداخيل العافيه
مدت له صحن كبير ومغلف
عماد لكان كلفتي على نفسك
ام محمد لا مافيه كلافه وان شالله
اعجبك امس المرقوق الي سويته
عماد مستغرب لأنه امس ماكل
مرقوق ولا قالت له مها
بس عشان مايحرج نفسه
ايه الله يعافيك ماقصرتي
ام محمد يالله اخليك ترتاح
ادخلت شقتها وعماد دخل شقته
حط الصحن على طاولة الأكل
عماد مها مها
مها طالعه من المطبخ
هلا حبيبي تأخرت اليوم ماهي بالعاده
عماد كنت واقف مع ام محمد برا
مها نعم وليه ان شالله واقف معاها
عماد الحرمه تتشكرني لأني
وصلت ولدها المدرسه وعطتني شي
مدري شنهو بس شكله اكل
مها والله انا اعرف اطبخ ماله داعي
كل ساعه راسله لنا
عماد وسالفة المرقوقه امس ترا انحرجت لما اسألتني اذا اعجبتني
مها والله عينها قويه تسأل بعد
وبعدين كانت مالحه ورميتها
عماد يبتسم
مالحه ها قولي غير هالكلام حبيبتي
ودخل يبدل
مها وهذا بعد مالح ولا بتاكل منه
والزباله محله
............
ليال راجعه تعبانه وادخلت
الصاله وشافت بسام مع امها
واول ماشافها قام ولا كأنه يشوفها
وراح غرفته
ليال ازعلت كثير لأنها مشتاقه لأخوها وسوالفه معاها وصار لازم
تكلمه بعد مابدلت راحت غرفته
ودقت الباب
بسام مين
ليال انا
بسام روحي بنام
ليال ادخلت الغرفه وسكرت الباب
بسام كان منسدح على السرير
قلت بنام ولا صرتي صمخه
ليال أجلست على حافة السرير
اخوي لمتى وانت زعلان من اختك
الوحيده بسام احنا اثنين مالنا الا بعض انت اخوي الكبير الي
احتمي فيه والله اني تعبت
كل ماتشوفني تصد عني لو كانت
نصيبك كان خذتها ويمكن ربك
كاتب لك احسن منها
بسام ليال الموضوع نسيته والبنت
تزوجت هذا اذا مو حامل الحين
خلاص
ليال اذا خلص ليه زعلان مني للحين
انا ...انا
ماتحملت وصاحت بقوه
بسام اكسرت خاطره صج
خذها لحضنه ومسح على شعرها
سامحيني ليال ادري اني مصختها
مسح ادموعها
وصدقيني انا كنت في البدايه
زعلان بس الحين فيه موضوع
شاغلني وافكر فيه
ليال خير قول لي ولا نسيت اذا
صادفتك مشكله تجي تعلمني
بسام لا بس محتار عمي ابراهيم
عارض علي اشتغل عنده في الشركه
وبيعطيني منصب حلو وراتب مغري
ليال طيب وين المشكله وافق
بسام وبندر انا اشتغل معاه والرجال
بصراحه مو مقصر معاي ومريحني
وصعب اتركه
ليال شوف بسام كل واحد يدور
مصلحته والوظيفه عند عمي احسن
خاصه ان عمي معروف بالسوق
اما شغلكم في المكتب على حسب
السوق مره زين ومره لا ومافيها
عيب اذا اخترت الي يناسبك
ولا تنسى ان بكرا بتتزوج ولازم
تكون عندك وظيفه تأمن مستقبلك فيها
بسام لا ماني متزوج
ليال وليه ماتتزوج الف وحده تتمناك
بس انت اطلب الزواج
بسام (الي كانت في القلب راحت)
متى مافكرت بقولك زين
والحين من غير مطرود ابي
ارتاح لا تنسين روحتنا مزرعة عمي
اليوم
ليال مشكوره على الطرده نام
احلام سعيده
واطلعت وهي فرحان ان الزعل
طاح بينها وبين اخوها
.................
الساعه 8اليل
ليال تستعد عشان الروحه وجاها
اتصال من مها
ليال هلا بعروستنا شلونك
مها تكفين خلاص راحت علي
عروسه
ليال عروس لحد ماتحملين
مها زين مادريتو عن امون اخت
فطوم
ليال لا شفيها اليوم فطوم معاي ولا
قالت لي
مها لا السالفة صارت العصر
الله يسلمك اتعبت عليهم وبغت
تموت من وجع بطنها
ولما ودوها المستشفى اطلعت
الزايده وسوو لها عمليه
وانا توني زايرتها كلمة حبيبه
جوالها مسكر وكلمة شوشه وراحت لها
ليال لا ياعمري ماتستاهل خلاص
الحين اروح لها
مشكوره يالعروس
مها زين وكلميني اذا خلصت سهرتكم
ليال طيب سكرت
وراحت لأمها وبسام كانو ينتظرونها
تحت وقالت لهم عن سالفة امون
وراحو المستشفى انزلت مع امها
وظل بسام في السياره ينتظرهم
ليال لحظه يمه بشتري لها ورود
ام بسام خلصي لا تأخرينا
ادخلو واختارة باقة ورد حلوه
وجات بتحاسب ماشافت بوكها
وسألت امها بعد اهي ماجابته
كلمة بسام يجي ويحاسب عنها
بسام بعد مدخل المحل
وين الي بتحاسبينه
ليال هذي
بسام روحي مع امي
وانا بجيبه الغرفه لكم
ليال اوكيه غرفه 211
اطلعو وظل بسام يتفرج وشاف
دبدوب صغير وحلو لونه وردي
اعجبه كثير وشراه
وطلع من المحل وراح للغرفه
وكلم ليال تطلع تاخذه
ليال الله يعافيك
بسام وهذا بعد عطيها اياه
ليال يجنن لمين
بسام للمسدوحه داخل خليها
تستانس اكيد غرفتها كلها ورود
ليال يعني اقول هذي من اخوي
بسام سكت اشوي
كيفك تبين تقولين واذا قلتي
تحمدي لها السلامه
ليال اوكيه بتنتظرنا هنا ولا في
السياره
بسام لا بروح السياره لا تتأخرون
ابوي كلم وصل مع عمتي هند
والبنات هناك
ليال أجلست جنب امون
تفضلي يالغاليه
امون كلفتي على نفسك
فطوم ليه كلفتي على نفسك
ليال كلها ورده ماكلفت على نفسي
امون والدبدوب بعد
ليال تبتسم قربت منها
واهمست
الدبدوب من بسام ويقول لك
الحمدلله على سلامتك
امون مصدومه
(بسام الي حاولت تنساه او تتناساه
وتشغل نفسها بجامعتها بس لما قالت
اخته اسمه وانه جايب لها هديه
ويتحمد السلامه لها اختلطت
مشاعرها ماهي عارفه تفرح تصيح)
امون كلف على نفسه وشكريه عني
ليال من العين هذي قبل هذي
وبصراحه ليال كانت منعجبه بأمون
كثير وكانت تتمناها لأخوها
كانت كل ماتشوفها تحس انها قريبه
لها
.................

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -