رواية يعشقني من قلبه هو قال -11

رواية يعشقني من قلبه هو قال -11

بدر : خلاص اتصل ع بيتكم اخلي الخدامة تجيب عباتك مع السايق ..

ريماس : بسررعه ..

بدر : اووكي ..

وطلعوو من المستشفى ..

وراحوو لبيت ريمااس ..

.................................................. .................................................. ....................

لما هرب فيصل راح عند ابوه ..

ابوفيصل : انت شسويت الحين ..

فيصل : والله لو انت مهتم روح شوف قليلة الاصل ..

ابو فيصل : هذي بتصير زوجتك ..

فيصل تفاجأ : مستحيل انا ما ابيهاا وع انا اتزوجهاا ..

ابو فيصل : ايه بتززوجها .. ولا ليش اخذتهاا انا من اساس ...

فيصل : زين مني يوم تركتها تولي ..

ابو فيصل : ولت حياتك ... انت من بتقبل فيك ..

فيصل : مالك خص ..

ابو فيصل : اقول خلك عاقل وانتبه معي ..

فيصل : هذا اسمه عقل ..حمد الله والشكر ..

ابوفيصل : فصيل ..لا تخليني اذبحك الحين ..

فيصل : زين زين خلصنا فهمني ياعاقل ..

ابوفيصل : هذي وراهاا فلووس ملايين ..في احد يرمي ثروة لغيره ..

فيصل : تبيني اخذها لفلوسهاا ..؟؟

ابو فيصل : من زينها عاد اخليها عندي ..

فيصل : ولا منت سهل يايبه ..

ابوفيصل : اهي بنت ومن السهل ينلعب عليهاا ..

فيصل ..بخاطره يقول ..والله اذا اخذتها اطلع الفلس من عينهاا واقدر اخذ لي حبوب متى ابي ...

الفلوس الي عندي ..ماتسوي الي عندهاا ..اجيب فيها كرسي امريكاا ..

ابو فيصل : وين رحت ..؟

فيصل : هاا .. ولا شي .. بس كنت افكر ..

ابو فيصل : شقلت ..؟؟

فيصل : مواافق .. بس بشرط ..

ابو فيصل : شنو ها الشرط ..حافي ويتشرط ..عطنا ,,

فيصل : اذا اخذت الي تبيه .. تزوجني غيرهاا ,,

ابو فيصل : اذاا .. يالله خلني اقوم اشوف وينهاا .. وانت خلك هني ..لا تاخذك الشرطة ..

فيصل : ولاعشرة من امثال الشرطة يوصلون لي ولا اف بي آي ..ههااهااي ..

ابو فيصل : ذيب مثل ابوك ماتخااف ..

فيصل : اعجبك ..

.................................................. .................................................. ...........................

بالمستشفى ...

ريم صحت راحت تشوف سالم الي طايح ..

ودخلت الغرفه الي اهو فيهاا .. وما صحى .. ظلت تصيح وتذرف دموع وتلوم نفسهاا ..لحد مادخل الدكتور

عمر وشافها ..

عمر : انتي شجابك هناا ..؟؟

ريم : جاوبني متى يصحى ..؟

عمر : ما ادري حالته مستقره ننتظر يمكن يبقى اسبوع ,شهر .. الله يجازي الي كان السبب ..

ريم بدموع : خلني انتظره لحد ما يصحى .. الله يخليك ..

عمر : آسف ما اقدر ..

ريم : بس ..

قاطعها عمر .,,: قلت لك اطلعي مو زين حق سالم لازم يكون بمكان هادي ومريح ..

ريم : طيب .. وطلعت ودموعهاا سيل تتفجر من محاجرهاا ...

.................................................. .................................................. ..............

لما رجعت ريماس مع بدر .. الى بيت ابو رامي .

بدر : ارتاحي رمووسة خلني اشوف شي لك تاكليه عشان تستقوي ..

ريماس : حبيبي خلي صوفيا تسوي عشا ..

بدر: لا انا الي بطبخ ..

ريماس : من صدقك بتطبخ ..؟؟

بدر وبثقه : ايه بس دليني المطبخ وانا اسوي لك هذيك الطبخه الي مطعم صيني مايسوي مثلهاا ..

ريمااس : هههههههه .. خلاص بجي معك ..

بدر : لا انتي ارتاحي ..

ريماس : بتطبخ لوحدك ..؟

بدر يسوي نفسه معصب : ايه ووانثبري محلك انتي مريضة ولازم ترتاحي ولا شلوون ..

ريمااس : طيب ..بشوف وش راح تسوي ..

بدر : وين المطبخ ..؟؟

ريماس : صوووفيااااا ..

صوفيا : نعم ماما ..

ريماس : روحي دلي بدر ع المطبخ ..

ودخل بدر المطبخ .. واحتار وش يسوي مايعرف شي ..

بدر : انا ما اعرف اسوي شي بس يالله بحاول ..

صوفياا ..

صوفيا : نعم ..بابا ..

بدر : طلعي لي دجاج ..

صوفيا .: طيب ..

بدر : وكتاب الطبخ معاك ...

وجابت له الخدامة الي يبيه .. وظل يحاول يسوي بروستد ..

بدر : وين البيض .. امم وين .. وراح يدور بالثلاجات .. وطلع له كم بيضه عشان يحطهاا ,,

لما جا يكسر .. قعد ع الطاولة الي بالمطبخ ..

ولما جا يكسر طاح البيض عليه ..

بدر : الحمدلله علي ثياب الطبخ بس ريحتي صارت تقرف ..وين الطحين ..وفتح الطحين بالمقلوب

وكب شوي منه ع نفسه وتوصخ بيض وطحين ..

اما ريماس تراقب وتصور بدر وتضحك عليه وشكله الي كان بالمرة بريء وطفولي ..

ولما خلص بدر وحط الدجاج وظل بس عليه يقلي ..

وراح يسوي عصير ..

بدر : صوفيااااا ..

صوفيا : نعم ..

بدر : طلعي برتقال ..امم .. وش كماان .. ليمون ,... امم .. وسكر ..

صوفيا : نعم انا في افهم ...

بدر : تعالي هناا .. نظفي كل ذول ..

صوفيا صارت تناظر المطبخ مو طبيعي .. المواعينن تخرع كثار والبيض والطحين والزيت بكل مكان ..

بدر : شفيك .. اقولك نظفي ..

الا وتدخل ريماس .. بصوت الضحك ..

بدر دار وراه .. وحالته الي تضحك ..

ريماس : ههههههههههههه.. بدر وش سويت حرام عليك ..هههههههههههههههههههه

الخدامة متخرعه من منظر المطبخ ..هههههههههههههههه

بدر : ريماس .. وش جابك ..ياربي .. شوفي حالتي ..

ريماس : هههههههههههههههههههه .. خلاص انا بكمل شغل ..

بدر : لا لا لا ..

ريماس : ههههههههههههههههههههههههههههههه... ليش .ههههههههههههههههههههه

بدر : خلاص اطلعي ..

ريماس : اقول التفت وراك ..

بدر التفتت عطى ظهره لريماس ..فتحت ريماس ربطة المريلة الي عليه ولبستهاا ..

بدر : بس يارماس ..

ريماس : هههههههههههههه .. بدر انت روح سوي عصير ..

بدر : طيب يا مدام ريماس هههههههههههههه ..

وظلت الخدامة تنظف ..

وبدر مشغول بعمل العصير ..

ريماس : بدر حبيبي .. شتبي غير الي سويته انت..

بدر ماسمعها كان يعصر وكان يبي العصير يصير شي مو طبيعي ..ومنشغل ومندمج بالطبخ ..

ريماس راحت لعنده وكان اهو ماسك كاسات العصير .. ..لف بدر ولما شاف ريماس

ما عرف يمسك العصير لان صدم فيهاا .. وطاح العصير من يده ونسكب ع الارض ...

ريمااس بندهاش: بدر وااااااااااااااااااااااااااااي شسويت ..

بدر بصوت طفولي .: اووووف انسكب العصير .. اووه .. والحين تعبت وانا ازين واعصر ..

وجلس ع ركبته يمسح العصير ويلم الزجاج الي تكسر ..

وجلست ريماس معه ع ركبته وهو يلم في الزجاج ..وجت ريماس بتحط يدهاا ع وحده من الزجاج مو منتبهه

بدر حط يده بيسحب الزجاجه ضغطت ريماس بيده وانجرح بدر ..

بدر: آآآآه ..

ريماس رفعت يدهاا .. ياربي شسويت ...

بدر : اي اي اح اخ ...

ونزفت يدر بدر لان قطعة الزجاج كبيرة شوي ..

ريماس اخذت يد بدر وهي تنزف ..

ريماس بخووف : صوفيا هاتي لي شاش و معقم جروح بسرعه ..

وظلت تحاول اول شي تتطلع الزجاجة ..

ريماس : بدر انا اسفه ..ولله مانتبهت حبيبي سامحني ...

بدر : لا مو مهم ..

ريماس : لو ماحطيت انت يدك كان انا الي انجرحت .. وكان احسن فيني ولا فيك ...

بدر : لا انتي تسلمي وانا الي اتأذى ولاتبالغي بخوفك ..

وسحبت ريماس الزجاجه .. وكانت تالم ..

كتم بدر المه شووي ..

وظلت منشغله بجرح بدر وتلف .. وتنظف في الجرح ..

ولما خلصت لفتها زين ..

ريماس : يالله بدر اطلع برا انا راح اجهز العشا ..

بدر : لا بجلس هنا اطلع الصحون ..

ريماس: لا لا..شوف يدك ..

بدر: انتي مريضة ..

ريماس بصوت ناعم : بدووري ..

بدر : وي تسلم لي هالبدووري .. عيديها ..

ريماس بخبث : تبيني اعيدهاا..

بدر:تكفي ...

ريماس : اطلع بالاول ..

بدر : خلاص ما ابيك تعيدينهاا ..

ريماس : بعدين انت لازم تبدل وانا بعد ..

بدر : ومن وين الي الملابس ..

ريماس : دولاب رامي كله تحت امرك ...

بدر : دولاب راميووو ... لا مستحيل ..آخر شخص اخذ منه شي

ريماس : هههه ليش ..

بدر : بيظل يعايرني فيها للأبد ومابسلم من لسانه خليني كذا احسن ..

ريمااس : ههههههههههههه ..حلوة للأبد ..

بدر : انتي احلى ..

ريماس : صوفيا ..

صوفيا : نعم ..

ريماس: نظفي هنا وجهزي العشا ادري تعبتي بس شنسوي ..خخ

صوفيا بمزح : آكر مرة ..<< اخر مرة ...خخخ

وراحت ريماس مع بدر لدولاب رامي ..

بدر : بصراحه انا ابي هالقميص عجبني ..اممم وهذ البنطلون ..

ريماس : هههه وتتشرط ..

بدر: على مرتي عندك مانع ..هههه

ريماس : نوو ..نيفر ,,... بس انا بريح بلبس بيجامه ..

بدر يغمز لريماس: مو مهم وش تلبسين المهم وش اخذ من عند الاخ رامي ..

.................................................. .................................................. ..................

بالمستشفى ..

احمد وراما واقفين مع ريم ..

الا بشوي يدخل عم ريم يدور عليهاا ..

ولقاهاا ..

ابو فيصل : ريم ... بسرعه معاي ..

ريم لما شافته تخرعت وين تخبي نفسهاا ووين تروح ...

وسحبها من يدهاا ..واخذها غصب حاول احمد يمنعه بس عم ريم ضربه ع يده الي مصابه

وتاذى ..

ريم تصيح ومو عارفه شتسوي مابيدها شي ..

ريم : عمي بس لحظة .. شوي بجي معاك ..والله العظيم بس خلني لحظة ..

ابو فيصل : عشان تروحين وتهربين مني .. لا ما اخليك ..

ريم : اوعدك ماراح اروح على محل ..واني موافقه ع الي تبيه ..

وسمح لهاا تظل شوي ...

ريم كانت تبي تكتب رسالة لسالم..

راما كانت معاهاا .. وتشوف وش تكتب ..

راما : ريم انتي من صدقك بتروحين ..

ريم : خلاص ياراما تعبت .. سالم تأذى بسببي ..واذا ظليت اخاف يأذوه اكثر ..

راما : بس كذا انتي تستسلمي ..

ريم : خلاص ياراما لاتحاولين ..انا وعدته ..بس برجع بيوم الى سالم وهو معافى ,.. وزي مافرقنا

قدر بيجمعنا قدر .. وان ما جمعني معاه .. بيظل في قلبي ..

راما شافت وعرفت الحب بعيون ريم وشلون تضحي .. وحست انها في نعمه ان احمد معاها ودعت انها

تظل معاه الى اخر حياتهاا ..

وراحت ريم مع عمها القاسي الي ماتدري ايش راح يصير لها...

.... ياترى وش ينتظر ريم من احداث بحياتهاا ..

.................................................. .................................................. ............................

باليل عند ريماس وبدر ..

ريماس : يااوو شبعت ..

بدر : ههه صحة وعافيه ..

ريماس : على قلبك حياتي ..

بدر : يالله رمووسه اتجهزي جايب لك الدواء ..

ريماس : لا بدوري تكفى ما ابي ادوية ..

بدر: يالله يابزر ..

ريماس : لا ..

بدر : خذي هذي الحبة عشان ماترد ترتفع حرارتك مرة ثانية ..

ريماس : طيب ..

وراحو ع التلفزيون يشاهدو فيلم (بريزن بريك )

ونامت ريماس ع كتف بدر ..

بدر انتبه انها نايمه .. اخذه وحملها مثل مايحمل الاطفال راسها ع كتفه ولف رقبته بأيديهاا ..

وعلى الدرج ..ريماس حست انها تتحرك لما فتحت عينهاا ..

ريماس ضمت بدر بالقوة ..وردت نامت ..زي الأطفال بكل براءة

بدر : انتي صحيتي ..

ريماس ما ردت ..

بدر : ههه...وركبها لغرفتهاا .. وحطها ع السرير .. وغطاها ..

....................بدر : حتى بنومتك تجنيني .. وباسها ع راسهاا ..

وطلع من البيت وكان الوقت متأخر كانت الساعه ..ثنتين ...حمد ربه انه رامي وام رامي وابو رامي مو بالبيت

.................................................. ...........................................

اليوم الثاني..

فيصل سوا فقط خطووبه صارت هي خطوبه وهي عرس..

سكنوو في بيت عاادي جميل..

دخلت ريم بفستانها الابيض داخل بيتها غير مرتاحه القلب عايشة برعب وخووف..

فيصل يناظرها من فوق لتحت:قومي غيري هالفستان الي كنك غبيه به

ريم بداخلها صدمه هذا واني بأول ليله معه يقول اني غبيه ليش ياقدر رميتني على انسان قاسي

فيصل:اظن انك تسمعيني

ريم:عن اذنك ..

فيصل يقلد صوتها :عن اذنك ...وووف ياربي بليتني ببنت بتجيب آخرتي ..

دخلت ريم غرفه الملابس..

سكرت الباب وتسندت عليه دموعها ظلت تذرف على خدهاا..

اول مرة تحس بحراره دموعها ..تصيح والالم بداخلها يكبر ويكبر تتمنى تموت ولاتخوف سالم وهو بأمس الحاجه لها..

راحت عند المرآيه,,ناظرت روحها هالوجه الي كان من ايام يبتسم بعد ايام بصير اتعس يوم ويمكن من اليوم يكون اتعس وجه ..

تقدمت للدولاب الملابس..

لبست لها بيجامه سوداء تعبر عن الحزن الي داخلها ..

طلعت من الغرفه شافها فيصل

تقدم لها :ممكن تقولي لي من هذاك الشاب الي كان بالمطار

ريم:.........

فيصل:جاوبيني انا اكلمك

ريم:ماعندي اي كلام اقوله لك ..

فيصل رفع يده وعطاها كف ..

تناثرت خصلات شعر ريم على وجها..

ريم في داخلها معقوله كف مرة وحده يافيصل انا بنت عمك قبل ماكون زوجتك ماتوقعتك كذا ..

فيصل:حقيره"مشى عنها متوجه لغرفته"

ريم ظلت تبكي تقول في داخلها"ليش يايبه رحت وتركتني ضيعتني وجودك كان مثل العز اليي ماتوقعت يوم انهان بسبب ولد اخوك

ياربي انا من لي غيرك ادعيه ياارب ارجوك شافي سالم ..

قامت متوجها للكنبه انسدحت عليها حطت يدها على خدها الكف كان له اثر نامت نومة بنت بعمرها مليانه هموم واحزان

نامت ولأول مرة تشتاق للموت ..

.................................................. ....................................

في المستشفى..

عمر:احمد والله خايف سالم ماعطانا اي شيء يدل على انه يسمعنا او يحس

احمد:تفائل بالخير ياعمر ادعي ربك يقومه بالسلامه ..

عمر:يارب

الجـــــــــــــــــــــــــــــــــــــــزء 16

في الصباح الساعه 10..

صحى فيصل مالقى ريم جنبه خاف انها هربت او تخبر الشرطه عنه طلع بسرعه

يركض ويركض يحس المسافات بعيده بعدين شافها على الكنب طاحت عيونه على خدها

ماهتم لأثر الكف مشى للمطبخ طلع له ماي شربه رجع غرفته لبس له قميص فاتح ازرار قميصه مطلع صدره وبنطلوون بدل البجامه مستعد للخروج..

فيصل شاب جميل جدا لكن ويش يهم الجمال دام السوء مبتليه..

خذ مفاتيحه من فوق الدولاب ومشى متوجه لباب الشقه فتحه وطلع بهالاثناء صحت ريم قامت من على الكنبه الي جابت

لها الم بظهرها ماكانت مريحه ابد ..وراحت لدورة المياهـ..

ظلت تناظر نفسها بالمرايه ..لمعت عيونها من الدموع الي متجمعه فيها

ريم:لا ياريم استجمعي قواك انتي قويه لاتخلي شيء يسويك ضعيفه انتي قويه

فتحت صنبوور المياه حطت راسها تحته صار وجها كله مااي

تبي تتأكد تبي تقنع نفسها انها تحلم ..

.................................................. ..........................

ام سالم تبكي :ويلي عليييييك ياولدي قووم جاوبني لاتروح عني ترا الفرقه ماتهون قوم ياولدي

عمر:ياخالتي استهدي بالله ..سالم قوووي ولا تشكين بقوة ولدك؟؟

ام سالم :ياعمر اذا خسرته راح اموت افهم كفايه الي خسرته

عمر ماعرف يهديها..

طلع برا وقال لاحمد يتركهم لوحدهم ..

.................................................. ........................

ام ريماس :ريماااااااااااااااااااااااااااااااااس رااااااااااامي

ريماس تركض على الدرج بخوف:نعم يمه ؟؟؟؟

رامي ينزل من الدرج:خير من الصباح شصاير

ام ريماس تبكي:سالم ولد خالتكم دخل بغيبوبه

ريماس شهقت حطت يدها على فمها:شتقولين يايمه متى صار هالكلام

رامي:يمه تتكلمين من جد؟؟

ام ريماس:بسرعه خلونا نرووح بلا اسأله..

رامي:طيب يالله جهزو بوصلكم انا باروح ابدل

ريماس :اووكي "صعدت دارها بدلت ثيابها ولبست عباتها الكتف ونزلت بسرعه "

ام ريماس مشت وهي تردد ويلي عليك ياختي ..

.................................................. ......

علي:تدري بدر

بدر:ويش

علي:نفسي اقوم اطلع

بدر طالعه بنص عين:اقول اقعد مكانك انت جاي تشتغل وبعدين وين تطلع ورجلك منكسره

علي:ووف

بدر يبتسم في داخله ويقول..والله انك ياعلي مو حق شغل ماتبي تشتغل ابدا قال ويش قال انا بجلس ع المكتب ما بقوم ولا شي

بس بشخبط في هالاوراق .."

.................................................. ..

عبدالله..:رزرز

رزان:رزرز؟

عبدالله:هههههههه علي كلا يسميك رزرز

رزان رافعه حواجبها:متى صار هالكلام

عبدالله ببراءة :من الامس لما ركبتيه داره

رزان:ههههههلاتذكرني فيه والله كأنه طفل يصيح لو ماقومته والله كان اليوم تشوف عيونه حمراء من البكي..

عبدالله:هههههههههههه..,رزونه

رزان:هـلا

عبدالله:ابغى اصير طيار

رزان:طيار؟؟؟

عبدالله:انا لما اصير طيار اوديك كل مكان

رزان:على عمري انت والله..,

.................................................. ............................

ريمااس دخلت الغرفه بسرعه ضمت خالتها ام سالم ..

ام سالم:هلا ريماس

ام رامي:هلا اختي شخبارك

ام سالم:والله مو بخير دام سالم كذا

ام رامي:ادعي الله يقومه بالسلاامه ..

ام سالم ياارب..

ام رامي:امشي معي ياخيتي خلي سالم يرتااح

ام سالم :ان شااء الله "راحت عند سالم قبلته بجبينه وقالت :ياولدي قووم بسك نووم

مشت ام رامي لعندها مسكت يدها وطلعت معهاا ..

ريمااس ماتحملت منظر المكان من الخوف طلعت..

احمد وعمر ورامي دخلوو قعدوو معااه شوي ..

بعدين احمد وعمر طلعوو وبقى رامي..

رامي:ياسالم انت قوي قووم ياسالم تمسك في ناس تبيك ..

مسك يده وقال يالله ياولد الخاله خليك قووي ..

..................

طلعت ريمااس براا لقت بنت تكلم الدكتور احمد

راحت لعندها لانها تعرف هالبنت معرفه كبيرة ..

ريمااس:راااااااما

راما التفتت لها ضمت ريمااس

احمد مشى فرح انا احد جا لراما يشيل عنها الضيق لانه هو مو متحمل الضيقه الي فيه فكيف بيحتمل ضيقت شخص ثاني ..

ريماس:شتسوين هنا ياراما ويش تسوين كمان مع الدكتور احمد

راما:الدكتور احمد يكون زوجي

ريماس:صج والله

راما:اي

ريماس:ماقلتي شتسوين هنا

راما:ولا شيء جيت اطمن على شخص بس عنده الاهل فلذالك مادخلت ..انتي شتسوين هنا

ريماس:اني ولد خالتي مريض وجيت ازوره

راما:اهاا ..عن اذنك ريماس

ريماس:طيب بس عندي سؤال

راما :آمري

ريماس:وين ريم ماشوفها معك ؟؟..

راما تجمعت دموعها بعيونها ضمت ريماس وظلت تبكي :ياريماس ريم راحت راحت

ريماس:شلوون كيف راحت

راما:اخذها عمها الباارح

ريماس:ليش

راما:يبي يزوجها من ولده

ريماس :وهي موافقه

راما:لا

ريماس:اجل كيف تزوجته

راما :غصبا عليها

ريماس شهقت:مسكينة ريوومه والله ماتستاهل

راما:عن اذنك اني راايحه..

مشت بخطوات منكسره حائرة وحيده ,,

..................................

فيصل رجع من براا وهو يتغدى..

فيصل:اووووووف مو غذا دا كيف كذا ماتعرفي تطبخين

ريم ماردت

فيصل ترك الملعقه وقام:عيشه تملل الواحد

ريم في داخلها آآآه كل يووم تدور لك على هوشه معي يافيصل ..

فيصل:انا طالع

ريم:طيب...

...............نزل فيصل من على الدرج ناداه ابووه وراح له..

فيصل:نعم خير

ابو فيصل :عدل اسلوبك معي تراني ابووك

فيصل:خلصني شتبي

ابو فيصل :كيف اخبار ريم

فيصل:بذمتك اللحين مناديني عشان اخبارها

ابو فيصل ضغط على يده يمسك اعصابه:شوف يافيصل انا اعرف كيف اسلووبك

وياريت تعدله مع ريم

فيصل ضحك :هههههههههههههههههههههههه ليش طيب انا اخر عمري اعدل اسلوبي لبنت شوارع

ابو فيصل:اليي تتكلم عنها عندها ثروه واذا ماعدلت اسلوبك معها يمكن ماترضى تعطيها حتى ريال واحد

فيصل:شنو افهم من كلامك

ابو فيصل:خلي معاملتك معها عدل اكسبها عشان تقدر تخليها توقع على اوراق تكتب املاكها بسمك

فيصل:امممممممم افكر

ابو فيصل:ياربي منك الله بلاني بولد انحس مافي الدنيا

فيصل :الي تقول عنه نحيس ولدك

ابو فيصل من غير نفس:ادري

فيصل:يالله انا طالع عطلتني

ابو فيصل :اذلف

"طلع فيصل "

ابو فيصل:يااربي من ولدك ذا بجيب اخرتي

ام فيصل:يابو فيصل اذا صار لولدي شيء من بنت اخوك الزفته لاتلوم الا حالك

ابو فيصل:يصير خير انتي الثانيه

ام فيصل:اني حذرتك لاتقول لا .."ومشت عنه"

ابو فيصل:اووووووف عائله تجيب الهم..

فيصل:افتحي حبيبتي

ريم بداخلها فيصل يقول لي حبيبتي انجن هالرجال "راحت فتحت له الباب":مو توك طالع شلي رجعك

فيصل:ياعمري انتي مليتي مني بسرعه؟؟

ريم منصدمه من اسلوبه من شوي يهزأني

فيصل كان ورا ريم مسكها من خصرها :ياقلبي انتي

ريم الي مو مصدقه الي يصير ناظرت يده الي محوطه خصرها

فيصل حط راسه على ضهر ريم :شنو فيك ليش ساكته

ريم بعدت عنه توترت:ولالالا شيء

فيصل:ويش فيك صاير معك شيء

ريم :لالا

فيصل:وووووف شنو ذا

ريم:ايش

فيصل حط يده على خد ريم:هذا مني مو

ريم سكتت

فيصل تقدم لها ضمها :اسف ياعمري والله لاني غرت لانك تعرفين اسمه

ريم تبي تبعده عن حضنها بس هي كانت محتاجه لحضن شخص تلتوي فيه تحس بالاطمئنان

تبي تصده ماتبي تتقرب منه هي عارفه انا فيصل ناوي على شيء بعدت عنه بسرعه وجها احمر لان وجها كان على

صدره

فيصل في داخله وفففف دي مايفيد معها لا طيب ولا ضرب الله بلاني بعله مو بنت عم ..

فيصل:فيك شيء ويش فيك اليوم ؟؟

ريم ماعرفت تناظره ونص صدره طالع حست بخجل ماهي متعوده تطلع كذا..:ممكن تسكر زرارات قميصك..

فيصل فهم انها خجلانه لما ضمها على صدره ..:محتاج دلوعتي تساعدني

ريم في داخلها اوووف يافيصل شفيك مو معقوله طلعت بهيئة ودخلت بهيئة ويش صاير معك؟؟..

فيصل:عن اذنك ياقلبي..

ريم:اذنك معك ...

.................................................. .

علي:بدر

بدر:نعمممممم انت ماتشتغل طول يومك بدر شصاير

علي ببتسامه اطفال:احم احم جوعااااان

بدر:والله حاله تكسرت واحنا ابتلينا

علي:افاا يابدر

بدر:بسك بسك قايم اجيب لك شيء تآآكله

علي:يسلموووووو ياأحلى بدررررررررررررررر ..

.................................................. .

فيصل في داخله اوووف منها كني قاعد مع بنت ماتتكلم ساعه وانا اغازلها ولا عطتني كلمة حلوة

بس الصراحه هي واجد حلووة ,,عجبتني اللعبه والله يابو فيصل ههههههههههه منها نمارس

الغزل لزوجتي الجديدة الجاية ..ضحك بصوت عالي

................................................

بعد اسبوعين..

علي الي مجنن بدر من كثر طلباته..

وفيصل الي طول يومه يحاول يكسب ريم بالغزل وريم تتجنب التقرب منه ماتبي تخون سالم حتى وهي متزوجة..

وراما الي ماخلت بيت مادورت فيه ريم..

.............

سالم :ريم ياريم لاتبعدين ارجووك

ريم:لا ياسالم ماببعد بظل معك

سالم مسك يد ريم ناظرها بعيون حب:لاتتركيني

ريم:اوعدك

سالم ضغط على يد ريم

يتبع ,,,

👇👇👇

تعديل المقال