رواية اذا انتثر دمع عينك -11

رواية اذا انتثر دمع عينك -11

مسك : أمي اكيد نايمة بعد امس البنات ماجننوها وأبوي أتوقع أنه بالشركة الحين

سمر : أهآآ .. طيب قلتي لأمك أمس تطبخ غدا إحتياط ..

مسك تركت الملعقة الي تحرك فيها المكرونه وقومت سمر من الكرسي وطلعتها برا المطبخ بمزح : الشرها علي أنا الي مدخلتك معاي عشان تصيرين لي عون .. قلبتي علي فرعون والله ما منك فايدة .. روحي ررحي جلسي البنات احسن وجربي كل اساليبك لأنهم مايقومون بسرعة

سمر : هههههههه طيب طيب ( وراحت فوق تجلس البنات )

&&&&&&&&&&&&&&&&&&&&&&&&&&&&&&&

بنفس الوقت عند الشباب

جلس مشعل من النوم صلى الظهر و تروش على السريع ولبس له ثوب بيتي عادي لونه بيج وطالع شكله بالمراية على السريع .. ورجع شعره الطويل لورا وصار شكله حلو .. طلع من غرفته وجلس بالصالة الي فوق ينتظر الشباب يجلسوا ..

بعد خمس دقايق طلع يوسف من الغرفة ودخل دورة المياه (وانتوا بكرامة)وتوضا وطلع شاف مشعل وابتسم له : صباح الخير

مشعل رد له الإبتسامة : أي صباح الخير ؟ قول ظهر الخير

يوسف ضحك بهدوء لأنه توه جالس من النوم : هههه طيب وين السجادة أبغى أصلي

مشعل ياشر بعيونه : شوفهم في الدرج الي على اليسار تحت .. والقبلة هالجهة

يوسف قام وأخذ سجادة وصلى ورجع السجاد مكانها وجلس جنب مشعل : اقول خلنا نجنن الشباب ونصحيهم ماصارت نوم

مشعل وهو يقوم ويبتسم : يلا .. بس سامي لاتقرب منه ولاتدخل غرفته

يوسف قام مع مشعل ويتجهون للغرفة الي فيها ريان : ليييه ؟؟

مشعل ابتسم وفتح باب الغرفة الي كان يوسف وريان نايمين فيها شاف ريان نايم على بطنه بدون تي شيرت بهدوء وسلام ومو متلحف عدل وقال بهمس : لان سامي لو تنطبق السما على الارض ماراح يجلس كل شي ولا النوم .. واخلاقه تصير تجاريه ويمسحك بالأرض .. فأنا اقولك لاتقرب منه أحسن لك

يوسف يوقف عند راس ريان : ههه زين قلت لي .. كيف نجلس ذا الريان الحين ؟

مشعل حط يده اليمين على ذقنه ويفكر .. ابتسم ابتسامه مكر : ههه انت بعد عنه شوي أنا أوريك كيف ههه

يوسف بعد شوي وتكتف وهو يبتسم : يلا ورني

مشعل جلس على أطرف السرير وحط أطرف اصابعه على ظهر ريان وانحنى لجهة أذنه وقال بهمس وهو ينعم صوته بطريقة مايعة : حبيــبي قوم بسك نوم قوووم

يوسف حط يدينه على فمه وجسمه يهتز من الضحك بس ما طلع صوت

مشعل قام يهز ريان بأطرف اصابعه ويهمس له باذنه : قلبوو يلا قووم تأخرت بالنوم ولا بقوم وأتركك حبيبي

و بعد مشعل عن ريان شوي وقام يأشر على ريان وهو يناظر يوسف ومطلع لسانه وهو يبتسم .. ريان تحرك شوي وقلب على الجهة الثانية

مشعل حط يده على شعر ريان وقام يلعب فيه وهمس وهو ينعم صوته اكثر من قبل ومسوي نفسه زعلان : يعني حبيـــبي أروح وأتركك .. ماتبغاني

ريان مغمض وهو لحد الحين نايم عقد حواجبه ولا بحاس في احد : هممممممم

يوسف يحاول يكبت ضحكته قرب من مشعل وهمس له : ههه شكله مو حاس ههه خلنا نلعب عليه شوي هههه

مشعل بنفس الهمس : خخخ خلنا نشوف يمكن يقول عن نفسه فضايح وهو نايم هههه

&&&&&&&&&&&&&&&&&&&&&

نرجع عند البنات

سمر فتحت باب غرفة البنات بقوة وقام تصارخ وتصفق بيدينها وتغني بأعلى صوتها

بس

.

..

البنات لاحياة لمن تنادي . ولا كأن سمر سوت شي

سمر قامت تناظر البنات كانوا فارشين لهم مفارش على الأرض وحاطين فوق الست مخدات عشان يرتاحون وبطانيات وماخذين مساحة كبيرة من الغرفة لأنهم حركوا السرير الي كان فيها بعيد عنهم وصار المفرش كبيييير يعني لو ينامون فيه 8 أشخاص يكفي

فكرت سمر شوي .. قامت سحبت البطانيات منهم ولا وحدة تحركت منهم ماعدا رهف الي لفت على جهة مكان ما انسحبت البطانية تبغى تاخذها وهي مسكره عيونها .. تعبت وهي تدوره ففتحت عيونها شافت سمر ساحبه البطانيات فابتسمت لها : ممكن البطانية ..

سمر ردت لها الإبتسامة : لا ويلا قومي صلي

رهف على طول قامت تدخل دورة المياه (وأنتوا بكرامة) بكسل وتتمغط عشان تصلي لانها ماتحب تستهون بالصلاة وتأخرها : طيب ..

سمر رجعت تفكر كيف تجلس ملاك وسارة وروان .. شافت مسجل وجنبه كسيتات كثيرة : لقيتها ..

راحت شغلت المسجل وحطت واحد من الكاسيتات الموجودة وعلت الصوت على اخر شي .. بس البنات نفس الشي ماجلسوا ..

طلعت رهف من دورة المياه (وانتوا بكرامة) وراحت عند المسجل وطفته .. والتفت لسمر وبهدوء قالت : أنا بصلي الحين و أعلمك كيف تصحينهم عدل ..

سمر ابتسمت : طيب

صلت رهف وسفطت المصلى و وقفت جنب سمر وابتسمت ابتسامة مكر: الحين تبغين تجلسين مين اول ؟

سمر : هههه إممم خلينا نصحي روان أول ..

رهف جلست قريب من روان : هههه طيب تعالي أوريك كيف نجلسها ..

سمر جلست جنب رهف : يلا وريني

رهف : ههه لا ياقلبي أنا ما راح اجلسها أنا بعلمك وانتي جلسيها لأني لو جلستها بتقوم الدنيا أما إذا انتي ماتقول شي

سمر : ليه ؟ يعني ليه ماراح تقول شي لي ؟

رهف غمرت لسمر : لأنك بنت بريطانيا وتوك جديدة خخخ

سمر : ههههههه يلا علميني

رهف : شوفي أنتي دقي صبعك السبابة بكتفها دقات ورا بعض يعني تنرفزينها وعشان تحس فيك أكثر قولي لها وانتي تدقين كتفها قوووووومي

سمر : هههه أما عليكم طرق عشان تصحون النايمين نذااااالة ..

رهف وهي تاخذ ملابس وبتدخل تتروش : سوي الي قلت لك عليه أنا بتروش الحين ..

سمر : ههههه طيب طيب ..

دخلت رهف تتروش .. بعد ثلث ساعة تقريبا لعت رهف من دورة المياه(وأنتوا بكرامة) .. إلا تجيها ذيك المخدة على وجهها وتتلقف المخدة وترميها بالأرض : ههههههههه

روان : يالـ ولا ماني بقايلة يعني تسلطين علي سمر وأنتي تدرين أني ما راح أسوي لها شي ها ؟

رهف : هههه خلاص أنتي صحيتي قومي صلي احسن لك

روان : أووف ماتخلون الواحد ينام

رهف : اقول روان تخيلي يجي لك ملك الموت بياخذ روحك وانتي ماصليتي بيقول هلا هلا بعد نايمة وجلسوها ولا صلت لحد الحين

روان خافت شوي قامت متوجهه للحمام (وأنتوا بكرامة) ودخلت وقالت وهي تطل من الباب : اصلا انا بقوم اصلي بس انتي ماسكة دورة المياه (وسكرت الباب)

سمر ورهف :هههههههههههه

رهف : هذا الي ينفع معاها ..

سمر : يلا باقي ملاك وسارة كيف نصحيهم ؟؟؟

رهف رافعة اكتافها ومتكتفه ولابسه بيجامة قطنيه نص كم لونها زيتوني فاتح ومرسوم عليها بالأخضر ورقة شجر كبيرة ومكتوب داخل الورقة بالأسود wite you وبرمودا مزموم في نهايته بخيوط : برررد .. ملاك نفس روان أما سارة بعد مانجلس ملاك اقولك ..

سمر : هههه أوكي

سمر تدق باصبعها على كتف ملاك : ملووووووك قووومي ملووك

ملاك وهي لحد الحين مافتحت عيونها بس عقدت حواجبها : الحمااااارة الي تسوي هالحركة توقف ولا لاتشوف شي مايسر بطنها

سمر وقفت ولفت على رهف

رهف : ههه شكل البنت جوعانة .. ماعليك منها سوي الي قلت لك عليه

سمر : لالا والله شكلها تخوف أنتي سوي لها ..

رهف : ههه باعدي يالخوافة .. ملووك ملاااك قومي وصمخ

ملاك : رهيييييييييييف و وجع خليني

طلعت روان من دورة المياه (وانتوا بكرامة) شافتهم يجلسون ملاك : ههه لاتصحون سويرة إلا لمن أخلص صلاة

سمر : ههه ياحبكم للتحرش

رهف تهمس لملاك : ملووك ترا الحين إذا ماقمتي يمكن يجي لك ملك الموت وانتي مبعد تصلين وياخذ روحك وأنتي ماصليتي بتتعذبين في القبر بس عشان هالنومة الي مو راضية تقومين منها ..

راحت روان صلت ورجعت لهم : أنا بتروش مثلكم وهذا أنا أقولكم مرة ثانية لاتصحون سارة إلا لمن اجي معاكم

سمر : لا أنتظري ملاك تدخل تتوضا أول

ملاك فتحت عيونها وقامت وهي تتأفف : اوووف .. استغفر الله ليتني نمت في بيتنا أزين لي (ودخلت دورة المياه )

البنات : هههههههههه

روان : وين مسك عنك ياسمر ؟؟

رهف : إيه صح وينها ؟؟

سمر : لا تخافون تحت ..

طلعت ملاك وراحت تصلي وخلت روان تتروش ..

&&&&&&&&&&&&&&&&&&&&&&&&&&&&&

نرجع للشباب ..

يوسف : يلا خلاص ذا الريان ما اصدق مايشبع نوم خله يصحى

مشعل بهمس : ههه طيب

رجع مشعل وحط يده اليمنى على شعر ريان وقام يحركه بنعومة ويده اليسرى خلى اطراف اصابعه تتحرك بطريقة ناعمه على خد ريان وقام يتكلم بمياعة زايده : ريوون يلا خلاص قم ما صارت نوم

ريان لحد الحين مافتح عيونه ومعقد حواجبه وحط يده على يد مشعل الي على شعره: همممممممممم .. من ؟؟

مشعل قام يهز ريان بقوة وتكلم بصوته العادي : و وجع يلا ريانووه قم ماصارت

ريان لف عليهم وفتح نص عيونه وقام يناظر مشعل ببلاها

يوسف نقع ضحك : هههههههههههههههآآي قم قم شكلك ماصحصحت عدل قم

ريان جلس وهو يرجع شعره لورا بكسل : خير مصحيني من صباح الله خير

يوسف: أي صباح الله يهديك الحين الظهر الساعة 2 ونص قم صل ماصلت أنت

ريان أخذ تي شيرته ولبسه وهو لحد الحين دايخ وقام : طيب طيب .. (ويحك خده بكسل) وين دوره المياه ؟؟

مشعل : قم أهو جنب الغرفة الي مقابل هالغرفة ..

ريان طلع من الغرفة ودخل دورة المياه وتوضا واخذ له سجادة وصلى بعد ماقاله يوسف عن اتجاه القبلة ..

ريان رجع لهم : جوعاااااان حد أم الدعسة على قولت ملاك

مشعل : أوكي بنتغدا بعد شوي بس خلنا نصحي مشاري وفارس أول

يوسف : ورامي ..

ماكمل يوسف كلامه إلا طلع لهم رامي وريحت عطره المركز وريحت الدخان سابقته وشكله توه متروش ولابس لبس سبوور لونه رمادي على أسود : وهذا انا صاحي .. والله انكم غايقين (رايقين) تصحون العالم ..

يوسف : هههه جني أعوذ بالله .. أجل يلا خلونا نروح عند مشاري وفارس نشوف شنو سوو خخخخ ..

ريان : ههههههههه يلا ..

راحوا الشباب عند الغرفة الي نايمين فيها مشاري وفارس ..

فتح رامي الباب بشوي شوي : ههه فاغس يكسغ الخاطغ (فارس يكسر الخاطر) ..

ريان : ههه وانت ماتعرف تقول جملة بدون حرف الراء (ويقلد على رامي) فاغس يكسغ الخاطغ .. والله أنك شي ..

رامي ابتسم لريان بدون مايرد عليه ..

دخلوا الشباب الغرفة وشافوا فارس نايم على بطنه بدون تي شيرت على أطرف السرير ومو متلحف وذراعه اليسرى متدلية من السرير ونايم بهدوء مثل الاطفال .. والي يشوفه يقول عنه بيطيح من السرير .. أما مشاري كان نايم تقريبا بالعرض في السرير ومنسدح على ظهره و مو لابس تي شريت ونفس الشي مو متلحف لأن اللحاف اصلا طايح بالأرض وكم خصلة من شعره جاية على وجهه بطريقة حلوة ..

يوسف : مشاريووه ابن اللذين حتى وهو نايم صاير شكله حلو ..

ريان : ههههه سم بالرحمن لايصير فيه شي الحين ..

مشعل يروح عند التكيف ويطفيه : هالخبلان مشغلين التكيف ثلج ولا لابسين تي شيرتاتهم .. على الأقل يتلحفون عدل بيمرضون كذا ..

يوسف راح عند فارس وقام يهزه بدفاشة : فارسووه قم أصحى .. لاتطيح من السرير ..

فارس توه بيلف إلا طاح من السرير طيحة معتبرة بس فتح عيونه وجلس يفرك فيهم

ريان : يالدفش انت كسرت الولد ..

مشعل : ههههههه فارس قوم كأنك بزر تفرك بعيونك

فارس سحب تي شريته و وقف وقبل لايلبسه لسب يوسف فيه وقال ونص عيونه مغمضه وبصوت كله نوم : أردها لك بعدين يالدفش تكسرت (ولبس التي شيرت حقه)

الشباب : هههههههههه

رامي : أصلا انت نايم بالأطغف(بالأطرف) فـأكيد بتطيح

فارس ناظره وهو بيطلع من الغرفة بيدخل دورة المياه (وأنتوا بكرامة) : كثر منها ..

مشعل : خخخ شكله مبعد يصحصح عدل ..

يوسف توه بيروح عند مشاري عشان يصحيه مثل فارس .. بس قاطعه ريان : أقول بعد عنه لا يعطيك كف معتبر تراه مو مثل فارس يقوم على طول .. شوف كيف الناس العدلة تصحي ..

يوسف : هذا أحنا نشوف ..

ريان جلس متربع على السرير وحط يده على كتف مشاري وهزه بشوي شوي : مشاري قوم أصحى خلاص كل الشباب صحوو إلا انت ..

مشاري لف على جهة اليمين : ريوون خلني شوي

رامي : هههههه بعد مسوي لك دلع خخخ

ريان : هههه مشاري قوم الشباب هنا بالغرفه قووم .. يلا عشان نتغدا ..

مشاري فتح عين وحدة وناظر بالشباب : هممم طيب .. ( ورجع سكر عينه )

يوسف : ههههههههه تلعب علينا قووم

مشاري جلس بعدين انسدح على رجول ريان : ريان يرحم أمك خمس دقايق بس ..

الشباب : ههههههههههه

ريان شال راس مشاري عن رجوله : قووم و وجع أجل يبغالي أسلط عليك يوسف ..

يوسف : خخخ قلت لك .. هالمشاري مسوي يتدلع يعني ..

دخل عليهم فارس وبيده المصلى وقالوا له عن اتجاه القبلة وخلص صلاه ..

فارس : أما مشاريووه ماخذ السرير بالعرض .. ماخذ راحته على الأخر

مشعل راح عند مشاري بعد ماسحبه عشان يعتدل بجلسته ويضربه على خده بالخفيف : خلاص ولا الحين كف معتبر .. قم صل ..

مشاري فتح عيونه بشوي شوي وتمغط وحرك شعره الي جاي على وجهه بطريقة حلوة .. وسحب تي شيرته ولبسه وراح متوجه لدورة المياه (وأنتوا بكرامة) : السالفة فيها كف اقوم أحسن لي ..

مشعل : ناس ماتجي إلا بالقوة ..

يوسف : خخخ يستاهل ..

&&&&&&&&&&&&&&&&&&&&&&&&&&&&&&&&

نرجع عند البنات ..

صلت ملاك ودخلت تتروش بعد روان ..

طلعت ملاك لهم بعد ماتروشت وكانت هي و روان لابسين نفس البيجامة بس ملاك حقتها لونها أسود على أبيض أما روان بيج على أبيض .. ومرسوم عليها بأشكال جنونية بالأحمر وكتابات بالإنجليزي ..

ملاك : يلا باقي سويرة جلسوها مثل ماجلستونا يلا ..

روان : إيه مثل ماقطعتوا علينا أحلامنا يلا صحوها ..

سمر : هههههههه كل هذا حقد .. كيف نصحيها ؟؟

رهف : إممم هذا أنتي سحبتي البطانية وطفينا التكيف .. خلونا نجلس نهز فيها وبتصحى ..

ملاك و روان وسمر ماصدقوا على الله قالت رهف يهزونها : ساااارة اصحي سوويرة قوومي بنطلع ونتركك .. يعني كيف ترا بجيب لك سطل ماي >>> تهديدات متفرقة من البنات خخخ ..

سارة فتح عيونها وناظرتهم نظرة قاتله وسكرت عيونها و خلتهم يسكتون ويتركونها مدة دقيقة ..

سمر : يمـــه تخووف .. مع ان لون عيونها صاير حلو بس طريقة نظرتها تخلي الواحد يخاف ..

ملاك و روان : ههههههه

ملاك : بنت اللذين ملكة النوم ( وترجع تهز سارة ) سوييرة قومي ولا ترا بطردك من الشلة ..

سارة مغمضة عيونها وصاكة على أسنانها وقالت بصوت خلا ملاك تقوم عنها : جاك شلل قولي أمين .. تركيني أنا أصحى بروحي ..

روان : ملووك قومي عنها لاتسوي فيك شي هالمجرمة ..

ملاك : هههه تخوف والله خلونا نجلس نسولف لمن تصحى ..

وجلسوا البنات يسولفون بعد خمس دقايق صحت سارة وعلى طول خذت ملابسها وراحت تتروش .. وطلعت وصلّت ورجعت للبنات وهي لابسه بيجامة لونها رمادي على ذهبي ومرسوم عليها سلاسل وجماجم بطريقة ناعمة .. دخلت عليهم تبتسم : سلام على العرب ..

ملاك : لا والله .. الحين تصيرين مروقة بعد ماكنتي تدعين علي هاا ؟

سمر : والله يوم ناظرتينا حسيتك بتقومين تمسحين فينا الأرض ..

سارة : ههههههه ماعليه انتوا تجون في اوقات غلط بغلط ..

وجلسوا يسالفون ..

&&&&&&&&&&&&&&&&&&&&&&&&&&&&&&&&&&&&&&&&&&&&&

نرجع للشباب ..

يوسف يقوم عن الكنب : والله ما أقدر لازم اروح أصحيه ..

مشاري : وانت شنو حارقك اترك الولد بحاله ..

فارس : يوسف انا بروح معاك نجننه شوي ..

مشعل : شوفوا انا حذرتكم سامي وهو نايم تصير أخلاقه تجاريه يعني إذا سوا فيكم شي لاتقولون ماقلت ..

ريان : أجل حتى انا ببقوم معاكم شوي بشوف شنو يسوي هالسامي خخخ

راحوا يوسف وفارس وريان عند غرفه سامي .. الغرفة ثلـــج وهدووووء ..

فارس فتح باب الغرفة وجاه هوا بارد : هالخبل مكبر التكيف على أخر شي بيمرض ..

يوسف توجهه لسرير سامي شاف سامي نايم بهدوء ومتلحف لمن صدره ولابس بيجامة نوم وفاتح أول زرارين ..

يوسف شغل انوار الغرفة وجلس يهز بسامي : سااامي ساااااااميووه أصحى ..

سامي . لارد ..

رمى فارس نفسه على السرير بطريقة تخلي الفراش يهتز وجلس متربع على السرير : ساميوووه وصمخ قووم ..

سامي . ولا تحرك ولا شي ..

يوسف قام يهز سامي بدفاشة : قوووم بسك نوم

سامي لارد ..

ريان بشك : ليكون فيه شي ..

فارس : هاااه ..؟ سامي اصحى بلا مقالب سخيفة ..

سامي . مافيه إستجابة ..

يوسف خاف شوي : ريان أخاف فيه شي .. روح قول لمشعل ..

ريان راح لمشعل وقاله وعلى طول مشعل جا ركض ..

مشعل راح عند سامي وقال بتوتر واضح: شفيـه ؟؟

فارس : مايرد علينا ولا يتحرك ..

مشعل بسرعة قام فتح احد الدروج الي جنب السرير وطلع بخاخ وتربع على السرير وحط راس سامي على رجوله وحط البخاخ في فمه : يالله .. يالله مايكون صار شي ..

مشاري الي كان جاي مع مشعل : مشعل ؟ شفيه ربو ؟؟

مشعل هز راسه بتوتر : إيه .. شكله جاته نوبة .. الخبل ولا استعمل البخاخ

رامي الي جا معاهم وهو الثاني متوتر : أوغيه (أوريه).. ماياخذ بالكلام ويستهتغ (يستهتر) يظن أنه إذا تغك(ترك) البخاخ بيتعافى ..

الشباب كلهم يناظرون بسامي الي لحد الحين ماتحرك ..

مشعل بتوتر وبصوت اشبه بالهمس : ساميووه بس اصحى ولا تبغاني اوديك للمستشفى ..

بعد تقريبا ثلاث دقايق فتح سامي عيونه وناظر مشعل الي كان يناظره بتوتر وقلق .. ابتسم له .. ومشعل بعد البخاخ عن فم سامي ..

مشعل : طيحت قلبي ياحمار .. مو قلت لك استخدم البخاخ إذا حسيت النوبة تجيك ها .. ؟؟

سامي تعدل بجلسته ويحك شعره بكسل وتعب : خلاص لاتفشلني قدامهم ..

فارس : احمد ربك ان يوسف قال بيجي يصحيك ولا كان رحت فيها ..

سامي قام متوجهه لدورة المياه (وأنتوا بكرامة) : الحمدلله على كل حال ..

وتروش على السريع وصلى ورجع لهم في الصالة الي تحت وهو لابس بنطلون جينز وتي شيرت اسود سادة ..

رامي يرمي لسامي البخاخ : خذ .. ويا ويلك إن جاتك النوبة وما استخدمته فاهم ..

سامي جلس على الكنب يبتسم : والله فاهم خلاااص

أم مشعل طلعت لهم من المطبخ : يلا ياعيال الغدا جاهز من زمان ..

راحوا الشباب في المطبخ عشان يجلسون يتغدون ..

&&&&&&&&&&&&&&&&&&&&&&&&&&&&&&&&&&&&&&&&&&&&&&&

نرجع للبنات ..

سارة : مو كانه مسك مختفيه وينها ؟؟

سمر : ههه توك تحسين أهي تحت تقول بتطبخ ..

البنات كلهم بنفس الوقت : وشووووووو ؟؟

سمر : هههههه شفيكم تقول بتكسر روسكم تقولون عنها ماتعرف تسوي غير سندويش ها ؟؟

سارة تاخذ كاميرتها الرقمية : بنااات أنا بصور الي تطبخه عشان نسجله بتاريخ الأمة خخخخخ ..

ملاك و روان و رهف ماصدقوا على الله .. نفس الشي طلعوا كاميراتهم وراحوا بنزلون تحت ونزلت معاهم سمر تضحك عليهم ..

دخلوا البنات المطبخ ..

سارة : هههههههه مسك وريني شنو تخربطين ..

مسك : سااارووة بلا استهزاء .. شوفي مكرونة حمرا على الطاولة .. توني خلصتها و كنت بجي بناديكم ..

ملاك : احلللللللللللفي عاد .. ولا احلفي بقوة تبغين تسممينا ..

رهف تاخذ ملعقة وتحرك المكرونه الحمرا الي بالصحن : استغفر الله .. مسك شنو مسوية ؟؟

روان تصور : بالله عليك ذي مكرونة أنا اشوف المكرونه لونها ابيض مو حمرا وصاير عليها مثل صلصلة الطماط .. استغفر الله

سارة و رهف وملاك و روان جلسوا يصورون ويعلقون ..

سمر : هههههههه مسك ماعليه بس بقولك انتي خذتي مرتبه الشرف في أسوء طبخ ..

مسك تكتفت ومدت شفايفها شبرين : اووف تحطيم ..

سارة : بنات أنا بروح بيت عمي خالد اتغدى هناك احس بطني يصاصي ..

رهف : يالواثقة أنتي .. ماحسبوك بالغدا ..

روان : أنا بروح معاها بصراحة طبخ مسك يخلي الواحد يكره المكرونه ..

ملاك : حتى انا .. بيت عمي وباكل معاهم حتى لو ماحسبوني ..

سمر : ههه روحوا انتوا الثلاثة واحنا نلحقكم بعد شوي ..

ملاك و روان وسارة رقوا فوق ولبسوا عباياتهم عشان يروحون بيت خالد ( بومشعل) ..

سارة وهي نازلة شافت أسيل عند الدرج تناظرهم وكسرت خاطرها : يمـــه أنا باخذ أسيل معاي بيت عمي اوكييك ..

ام فارس الي كانت جالسة تحت بالصالة ونادت أم مشعل عشان تجي تتقهوى معاها : زين .. توني بقولك اخذيها ..

سارة أخذت أسيل وشالتها ..

ملاك و روان سلموا على ام فارس ..

ملاك : غريبة وين سلووم ؟؟

أم فارس : سالم مع أخوك سيف في بيتكم من امس قال يبغى يروح هناك ..

ملاك : أهآآ

روان و ملاك وسارة : يلا مع السلامة ..

دخلوا بيت بو مشعل وشافوا أم مشعل لابسة عبايتها عشان بتروح عند أم فارس .. و سلموا عليها ..

أم مشعل : هلا والله ببناتي .. تغديتوا ؟؟

ملاك : لا ياخالة ( طبعا البنات يسمون ام مشعل خالة احتراما لها) ..

أم مشعل : زين لاني سويت غدا و بقى منه والعيال جالسين هناك بالمطبخ ياكلون ..

سارة ابتسمت : كأنك حاسة فينا ياخالة مشكورة وماتقصرين ..

روان : إيه والله ..

أم مشعل : أجل يلا أنا بروح عند أم فارس .. وبالعافية عليكم

البنات :الله يعافيك ( وراحوا المطبخ ) ..

ملاك : سلام على العرب ..

روان : صح النوووم ..

سارة نزلت أسيل وخلتها تمشي وهي ماسكة يدها : مرحبا ..

الشباب : وعليكم السلام ..

مشعل : هلا هلا من هذي بعد هالأميرة ( يقصد أسيل)

فارس يشيلها ويحطها بحضنه وباسها على خدها ويجلس على الكرسي عشان ياكل : هذي جميلة العرب أسيــل ..

مشعل يسحبها من حضن فارس ويجلسها في حضنه : يالبـى قلبهـا تجنن .. كم عمرها ؟؟

سارة تفتح الثلاجة وجنبها ملاك : ثلاث سنوات ..

مشاري : هــي انتوا سكروا الثلاجة .. روحوا بيت عمي بو فارس لعبوا بالثلاجة مو هنا ..

ملاك و سارة سكروا الثلاجة ولفوا على مشاري ..

ملاك : يا اخي شفيك أنت .. طبع فينا نحب نفتح الثلاجة حتى لو هي فاضية ..

روان تجلس على واحد من الكراسي : أقول شنو الغدا ؟؟

يوسف : مكرونه باشميل ..

روان : أهآآ .. حلو .. باكل معاكم بصراحة هناك الأكل استغفر الله ..

ريان : شفيه بعد طبخ أم فارس ماعجبكم ؟؟

البنات رموا الكاميرات حقتهم على الطاولة وجلسوا وكل وحدة حطت لها شوي مكورونه ..

سارة : لا ابد بس أختي مسك مسوية نفسها أم العريف وبتطبخ مكرونه حمرا شوف الصور ..

الشباب خذوا الكاميرات وشافوا صور المكرونه الي طبختها مسك ..

رامي : لالا أختك حالتها خطييييغة (خطييييرة) ..

ريان و يوسف : هههههههههههه .. استغفر الله ..

مشاري : هههه تكسر الخاطر ..

مشعل : حمدوا ربكم شكلها سويت كمية قليلة ولا كان توهقتوا بالنعمة ..

يوسف : فارس .. سامي ماتبغون تشوفون ؟؟

فارس : انا عن نفسي ماابغى أشوف إلا بعد الأكل ما ابغى نفسي تنسد ..

سامي : حتى أنا ..

مشعل يبغى يجنن سارة شوي : أقول سارة ..

سارة : هلا ..

مشعل : وين الاغراض الي شريتوهم أمس من السوبر ماركت ؟؟

سارة : يعني وين اكيد في بيتنا ..

مشعل : غريبة ظنيتكم أكلتم منهم الحين ؟

سارة : امس في يالليل اكلنا اما اليوم مبعد في الليل إنشالله نكمل .. لانه مو حلوة أكل شيبسات وهالأشياء وأنا ما أكلت شي صحي ..

مشعل : الله عليك يا ام الصحة ..

سارة عرفت أن مشعل يبغى يجننها فحبت تغير الموضوع : تدري شكلك حلو وانت لابس ثوب بيتي .. فويرس ..

فارس : اسمي فارس لو سمحتي ..

سارة طنشت كلامه : اشتر لك ثوب بيتي مثل الي لابسه مشعل والله حلو ..

فارس : يصير خير ..

مشعل : عيونك الحلوة .. غريبة مو لابسة العدسات ؟؟

سارة : لا بس احس خلاص مليت منهم لي شهر وانا أستخدمهم ..

روان : بصراحة من ناحية رايي كذا احس بكثير .. طالعة احلى ..

سارة ترمش بعيونها بسرعة وهي تناظر روان : عيونك الحلوة ..

ملاك : شووف ترا أختك ذي سمر مانبغاها مرة ثانية تجي ..

روان وسارة : إيه ..

الشباب استغربوا .. مشعل رفع حاجبه مستغرب : لـــيه ؟؟

ملاك : يا اخي أختك تسمع كلام رهييف وتصحينا من النوم بطريقة تنرفز

الشباب : هههههههههههههه

فارس : هذي الي عرفت لكم .. خخخخ

مشعل : حلو أجل بطرشها كل يوم في بيتكم تصحيكم

ملاك و روان وسارة : لااااااااااااا

الشباب : هههههههههههههههه

مشاري : اقول اليوم في عزيمة في الليل في بيت عمي بوفارس صح ؟؟

فارس : إيـه

ملاك : يالله الحين لو تدري دانيا ودانة إن أحنا أمس رحنا السوبر ماركت ولا مريناهم بيذبحونا ..

إلا جوال فارس يدق يقطع عليهم ..

فارس : الطيب عند ذكره .. هلا .. إيه هذا هم قدامي .. طيب ..

فارس يمد جواله ناحية سارة : خذي دانيا تبغاكم ..

روان طلعت لسانها وناظرت سارة وملاك : ول شوفي إيش تبغى ..

ملاك : خخخخ حطي سبيكر نسمع ..

سارة : ههه طيب ( وحطت سبيكر ) .. هلا وغلا ..

دانيا : اسفة ماعندنا وحدة أسمها لا هلا ولا غلا ..

سارة : ها شنو تبغين ..

دانيا : ياعلك الماحي قولي آمين

سارة : ههههه آمين .. بس ليه ؟؟

دانيا : لا والله .. تسون الجريمة وتقولين ليه .. تروحون السوبر ماركت وتعزمين البنات ولا تعزميني ياسارووة ؟؟ ولا اتصل بجوالاتكم ماحد يرد ..

ملاك : ههههههههه هدي اعصابك جوالاتنا في بيت عمي بو فارس ..

دانيا : ملااكوووه .. هين اوريكم اليوم في الليل .. أجل وين انتوا الحين ؟؟

مشعل دخل عرض كعادته : في بيتنا ..

دانيا سكتت تبغى تعرف من الي تكلم ..

سارة : هههه احنا في بيت عمي بو مشعل والي كلمك مشعل ولد عمي وترانا حاطين السبيكر والشباب يسمعون خخخ ..

دانيا : أهآآ تقصدين ذا المشعل ولد خالي خالد ؟

ملاك : إيه ..

دانيا : ياااااعلك الماااحي قولي آمين ..

الشباب والبنات : ههههههههههههههههه ..

روان : شفيك تدعين مثل العجايز أنتي ..

دانيا : بعـد بعد فاتحين السبيكر ومخلين الكل يسمع سكروه ولا اجيكم بالنعال الحين ..

الشباب : ههههههههههههه

روان : أتحدااااك ..

دانيا : هـــين اوريكم الحين .. ( وسكرت السماعة) ..

سارة : ول شكلها بتجي تسويها ..

ملاك : خخخ حياها ..

سارة : أقول شباب .. ترا في نفس اليوم هذا من الأسبوع الجاي كل واحد يجهز هديته حق عيد ميلادي ..

يوسف : بعد غصب هو نجيب هدية يعني ..

سارة : خخ إيه ولا ما تدخل ..

مشعل : عاد شنو يدرينا شنو تبغين ..

سارة : إمممم عادي اي شي حتى لو باكيت دخان (وهي تأشر على رامي الي جالس يدخن بعمق ) ..

مشاري يرمي عليها كرتون الزقاير المخلص الي موجود على الطاولة : بعـد بعد بنات أخر زمن والله ..

روان : ههههه شفيك عادي .. يعني حتى لو بتعطونها دخان ما راح تدخن بتعلقه زينه خخ ..

سارة : تصدق حرام عليك يا رامي تدخن احس تعدم رئتك وتوك شباب ..

رامي يسحب نفس من الزقارة وينفخه : لا عادي ..

بعد ربع ساعة جات دانيا بيت بو مشعل .. بعد ماراحت بيت خالها بوفارس وشرشحت مسك و رهف وسلمت على سمر وام مشعل وام فارس ..

دانيا دخلت المطبخ بهدوووء وأشرت لريان يمسك ملاك وهي صارت ورا سارة و روان ولانهم معطين باب المطبخ ظهرهم ماحسوا فيها .. ومسكت سارة و روان من كتوفهم وريان مسك ملاك ..

دانيا : هذا أنا جيت وتتحدوني بعد ها ؟؟

سارة و روان بعد ما لفوا عليها : توووبة والله تووبة ..

دانيا : طيب سماح هالمرة بعد مسوين عزيمة أمس ولا عزمتوني ولا عزمتوا دانة ..

ملاكووه تعالي تعالي ..

ملاك تحاول تنحاش : هههه ترا والله فكرة السوبر ماركت فكرة روان مو أنا ؟؟

روان تكلمت بسرعة تنقذ روحها : خلاص دنوو احنا كنا بنروح باسكن روبنز بس هونا عشانك وعشان دانة تجون معانا اليوم

دانيا : طيب زين ذكرتوني ومارحتوا ..

ملاك : خلاص ريانووه اتركني ..

ريان يناظر دانيا : أتركها ؟؟

دانيا : إيه خلاص

مشعل يأشر على دانيا : انتي أختهم بالرضاعة صح ؟؟

دانيا : أووه هلا مشعل من زمان عنك غبرت .. إيه أختهم ..

مشعل ابتسم : هلا بك .. أنا لاغبرت ولا شي .. أنتي تغيرتي خخ ..

دانيا : للأفضل ولا للأسوء ..

مشعل : لا أبد بس احس أن لسانك صار شوي طويل خخخ

دانيا : نعم نعــــــم

الشباب : ههههههههههه

مشعل : هههههه الله ينعم بحالك .. ماودك تجلسين .

دانيا : لا بروح بيت خالي بو فارس ..

ملاك : يلا حتى أنا ..

سارة و روان : يلا ..

مشعل : دقيقة خذوا أسيل اخاف تصيح ..

دانيا راحت تاخذ أسيل من حضن مشعل : تعالي أسول ..

أسيل حوطت يدينها الصغار حول رقبة مشعل : ما أبي ..

دانيا : شف .. بنت اللذين خلها عندكم تحب الرجال ..

ملاك : خخخ تعالي معانا بتشوفنا نمشي وبتصيح تبغى تجي ..

وصحيح أول ما قربوا البنات عند باب المطبخ صاحت أسيل : ثاااااارة ..

البنات : ههههه

دانيا : تعالي عند خالة دانيا احسن لك ..

أسيل على طول فكت من عند مشعل ومدت يدينهم لدانيا عشان تشيلها ..

اخذتها دانيا وبالغلط لمست يدها يد مشعل بعفوية .. بس هي ما اهتمت وراحت بيت خالها بوفارس ..

ومر الوقت بسرعة وصارت الساعة 9 الليل ..

وجات هالعوائل الخمس واجتمعوا في بيت بو فارس ( عايلة بومشاري وعايلة بوفيصل وعايلة بويوسف وعايلة بوأحمد وعايلة بو مشعل) ..

يتبع ,,,,

👇👇👇

تعديل المقال