رواية اذا انتثر دمع عينك -12
دانيا : تعالي عند خالة دانيا احسن لك ..
أسيل على طول فكت من عند مشعل ومدت يدينهم لدانيا عشان تشيلها ..
اخذتها دانيا وبالغلط لمست يدها يد مشعل بعفوية .. بس هي ما اهتمت وراحت بيت خالها بوفارس ..
ومر الوقت بسرعة وصارت الساعة 9 الليل ..
وجات هالعوائل الخمس واجتمعوا في بيت بو فارس ( عايلة بومشاري وعايلة بوفيصل وعايلة بويوسف وعايلة بوأحمد وعايلة بو مشعل) ..
طبعا الشباب كل واحد راح بيته يبدل ملابسه ويتروش ..
عند ريان بسياره : هلا مشاري .. هذا انا واقف قدام بيتكم أنتظرك .. هههههه أوكي
طلع مشاري وركب مع ريان السيارة : هلا
ريان : هلا وغلا أشوفك اليوم مشخص هههه حق الحبيبة .. (وغمز له)
مشاري : خخخ حرك حرك اي حبيبة اي خرابيط أهي قالت لي تعال أهلي كلهم مسافرين يعني تبغى تشوفني خخخ
ريان : هههههههه والله بتخق عليك .. طيب وين بيتها ..
مشاري وصف لريان و وصلوا للبيت ..
مشاري اتصل عليها : هلا اماني هلا حبي .. اي انا قدام بيتكم الحين فتحي الباب ..(وسكرالجوال) .. وييييييييييع مايعة وصايعة لوعت كبدي
ريان : هههههههههههههآآآآي ها أنزل معاك ؟؟
مشاري : اكييد تعال يلا ..
ونزلوا ثنينهم وكان ريان واقف جنب الباب عشان ماتشوفه اماني ..
دق مشاري الباب ..
أماني ردت بدلع ومياعة مايليق عليها وهي تدري ان الي يدق الباب مشاري بس تسوي نفسها ماتدري : ميـــن ؟
مشاري : انا زياد افتحي (طبعا مشاري ماخذ له اسم متحرك)
أماني فتحت الباب بجرأه وهي تبتسم ولابسه لها فستان ضيق ومخصر جسمها الي كان عادي بالنسبة لمشاري وحاطة لها مكياج الي يشوفها يقول عنها بتروح عرس .. وقالت بطريقة تتصنع الخجل ومو لايق علهيا أساسا : هلا حبيبي
مشاري في نفسه "" وييييييييع وينك يامسك داويني لوعت كبدي الله يلوع كبدها كانها ساحرة على هالمكياج "" : هلا بك حبي .. بدر ادخل .. (يقصد ريان ) ..
أماني استغربت ليه جايب معاه واحد ثاني .. بس مشاري ابتسم لها : هذا ولد عمي اسمه بدر
اماني ردت والوضع مو عاجبها مع انها استانست يوم شافت ريان لانه حلو نفس مشاري : تشرفنا ..
ريان ماسك كاميرا : زياد يلا متى تبدا تأخرنا ..؟؟
أماني استغربت ولفت على مشاري و توترت شوي : زياد شنو يقصد ؟؟
مشاري قرب منه ومسك يدينها الثنتين وبهدوء أرعبها : يعني معقولة ماتعرفين شو يقصد .. ؟
أماني ببلاها : هاااه ؟؟
ريان : تبغون أصوركم هنا ولا بغرفة النوم ؟؟
أماني لفت بسرعة على ريان وهي مرتاعة : شووو ( ولفت على مشاري وفي عيونها دموع توها تحس شنو يقصدون ) زياد ..؟؟
مشاري قرب منها أكثر وبهدوء وهو من داخله يقول "" قرف قرف يييع "" : يعني افهم أنك ماتبغيني ؟؟
اماني تناظر ريان وتناظر مشاري يعني ودها بس خايفة من الفضيحة وبالذات ان ريان بيصورهم
مشاري فهم عليها بس سوا نفسه مافهمها : شفيك خايفة مني ؟؟
اماني هزت راسها نفي .. وقرب منها مشاري فتح أول زراين من الثوب حقه .. وقرب منها وهي ترجع لورا لمن طاحت على الكنب وهي جالسة وفي عيونها دموع ..
مشاري ابتسم لها ولف على ريان : بدر شغل الكام الحين ..
ريان : تامر آمر انت .. وهذي الكام وشغلناها ..
مشاري ابتسم له ولف على أماني و جلس جنبها ولصق فيها أماني بلحظة قررت تدافع عن نفسها اهي بتنفصح بس على الاقل بيطلع انها تقاوم .. ضربت مشاري على صدره وتوها بتقوم تنحاش إلا مشاري مسك يدها و رماها على الكنب وحط يدينه على كتوفها يثبها على الكنب .. وأماني تصرخ بس مشاري حط يده على فمها واليد الثانية حاطها على كتها عشان ماتهرب ..
مشاري : خايفة مني ؟؟..
أماني هزت راسها بـ إيه ..
مشاري قرب نفسه منها إلا هي ترفسه ذيك الرفسه بس هو مسك يدها على آخر لحظة : آآآآآآآآآآآآآآآآآآآآآآهـ .. ياكلبة اوريك ..
أماني تصارخ وتبكي : اتركنــــــــــــــــي ياحقــير
مشاري تركها وهو متقزز .. وريان يضحك .. اهي استغربت منهم وطالعتهم وعلى راسها علامة تعجب ..
مشاري قام وكلمها بطريقة استفزازية : اسمعي قولي لبابا وماما انتوا ماربيتوني عدل .. دخلت علي واحد البيت وأنتوا مسافرين وحطيتوا ثقتكم فيني وانا كنت بضيعها لولا الله ثم أن هالواحد جاي يعلمني درس عمري ما راح أنساه .. أوكي
ريان طلع المومري و رماه في وجها : خذي الفديو ما نحب نسوي فضايح ..
أماني ميته من الخوف وتناظرهم مستغربة من الي يسونه ..
مشاري لف على ريان : يلا نمشي .. قالت إيش اتركنـي قالت .. على بالها أني ابغاها ووووع ما احب اوسخ نفس بهالأشكال .
ريان : يلا ..
وطلعوا من البيت وركبوا السيارة ومشوا ..
أماني ناظرت نفسها واستوعبت أنهم طلعوا وكانوا يبون يعلمونها درس انها ماتدخل او تتعرف على ناس غرباااااء .. لمحت شي جنب الكنب خذته .. شافت بطاقة شخصية فيها صورة ومكتوب الأسم مشاري بن عبدالكريم ال .. وباقي البيانات ..
شهقت ذيك الشهقة وحطت يدها على فمها وقالت بهمس : هذا يصير للبنات الي معانا بالمدرسة الحقيير ..والله لا أنتقم منه .. ويدفع الثمن غالي ..
&&&&&&&&&&&&&&&&&&&&&&&&&&&&&&&&&&&&&&&&&&
عند ريان ومشاري في السيارة ..
مشاري : أوووف ييييييع قرف قرف هذي اخر وحدة أكلمها بالجوال ..
ريان : ههههههههه أشك أنها راح تصير أخر وحدة ..
مشاري : راح تشوف .. يلا بس قطني بيتنا خمس دقايق ابدل هالثوب ونروح بيت عمي لانتأخر
ريان : يلا ..
&&&&&&&&&&&&&&&&&&&&&&&&&&&&&&&&&&&&&&&&&
}.. نرجع للبلد اللي يسموها بلد الحرية والإستقلال << أمريكــآ >> {
طبعا التوقيت يختلف في امريكا عندهم نهار الحين ..
طلال و رائد يتمشون في الحديقة
طلال : أووووف ابغى اشوف مسك أشوف سارة روان ملاك دانيا دانة رهوف ابغى أشوف الكل .. والله مليت
رائد : هههههههههههه اشوف الأيه انقلبت انت توك قبل اسبوع تقول لي انتظر وانا كنت مثلك خحخخ
طلال : اسكت .. خلنا ندور في الأسواق نضيع الوقت ..
رائد : يلا .. تصدق ما ادري ليه احس أني راح ارجع السعودية بعد كم يوم
طلال : هههههههه لا ما أصدق .. رح نام وأحلم وتشوف نفسك بالسعودية ..
رائد : خخخ هذا طلول الي أعرفه .. وأنا قلت مجرد أحساس بس ..
طلال : طلول في عينك اصغر عيالك انا ..
رائد : لا أنت كبري وأمش وانت ساكت ..
وظلوا يحوسون لمن ملوا ورجعوا الشقة حقتهم يذاكرون هذي آخر سنة وراح يرجعون ويرفعون راس أهلهم ..
نرجع لبيـت بوفارس ..
طبعا الرجاجيل في المقلط والحريم في الصالة
أما البنات جالسين فوق عشان يقدرون ياخذون راحتهم ..
مسك : عاد خلاص دانيا بلا زعل ..
دانيا : ما ابي ..
رهف : دانوو خلاص قلنا لك بنروح اليوم باسكن روبنز وبنتمشى وتكونين معانا ..
ملاك : خلاص تركوها بالطقاق الي يطقها ..
سارة : إيه .. يقولون من تغلا تخلا .. تركوها ..
روان : كيفك احنا قلنا لك وانتي مادة البوز شبرين كيفك ..
دانيا : ما أبي الحين الحين نتطلع ..
سمر : ههههههه إيه ..
دانة : هذا سمر الي تسانع مو مثلكم ..
مسك : طيب بتصل على فارس اسأله ..
&&&&&&&&&&&&&&&&&&&&&&&&&&&&&&&&&&&&&&
عند الرجاجيل و الشباب الي كانوا جالسين بالمقلط ..
الشباب كلهم جالسين يلعبون اونوو ..
مشعل : اجل ألف مبروك منك المال ومنها العيال ..
أحمد : الله يبارك فيك ويهنيك و عقبالك ..
سامي : الله يخليك كثر منها يمكن يتزوج .. عنس عندنا ..
الشباب : هههههههههههههههه
ياسر : سمعت أنكم أمس نايمين بيت خالي بو مشعل صحيح ؟
مشاري وريان : يس ..
تركي : وليه ماعزمتونا ؟؟
فارس : فاضين نعزم بزران ..
تركي : نعم ؟؟
فارس : نعامة ترفسك قول آمين ..
الشباب : ههههههههههه
تركي : يوسف امسك ولد عمك لا أقوم عليه ..
يوسف : هههههههه فارس خلاص ما ارضاها على أخوي ..
فارس : اسكت انت الثاني تراني أكبر منك بسنة عمري 19 مو مثلك 18 ( وقام يعلي صوته بمزح عشان يسمعه أبوه ) مفروض بالجامعة بس أبوووي الله يهديه أخرني سنة خايف علي ..
كل الي بالمقلط قاموا يضحكون : هههههههههههههه
رامي : خخخخ تلحق على الجامعة وتعبها جايك لا تخاف ..
رن جوال فارس ..
فارس : أووف مالي خلق أرد ..
ريان : رد يمكن شي مهم ..
فارس : ماني براد بالطقاق ..
وقف جوال فارس عن الرنين ..
فارس : أشواا ..
إلا يرجع يرن جواله مرة ثانية ..
فارس : لاا حوول ..
مشاري : رد على جوالك ولا أنا الي برد الحين ..
فارس : رد انت ..
مشاري رد على الجوال بدون مايناظر الشاشة : هـلا ..
مسك : ألوو .. وين فارس ؟
مشاري رفع حاجبه : هلا هلا مسك فارس هذا هو جنبي دقيقة .. فارس اختك ..
فارس : قولها ماني براد مالي خلقهم .. يستعطفوني على أي شي ..
مشاري : هههههه .. طيب .. مسك يقول مايبغى يكلمك .. بغيتي شي ؟؟
مسك : ها .. إيـه .. ودنا نروح باسكن روبنز دانيا زعلانة علينا أمس و ودنا نراضيها ..
مشاري يبغى يحرجها قال بطريقة تستفز : أهآآ دانيا الي تبغى تروح ولا ناس ثانين ؟؟
فارس سحب جواله من مشاري : جبه أشوف جازت لك السوالف .. خير مسك شنو بغيتي ؟؟ .. أهآآ طيب اسأل الشباب واعطيكم خبر .. باي
&&&&&&&&&&&&&&&&&&&&&&&&&&&&&&&
عند البنات ..
مسك سكرت من فارس : بنات يقول فارس بيسأل الشباب وبيتصل علينــا
ما امدى مسك قالت هالكلام البنات أهم سمعوا ولا ماسمعوا شافت البنات كلهم يلبسون عباياتهم والي تدور شنطتها والي تدور بوكها ومن هالقبيل .
مسك : أنا قلت بيسأل الشباب مو قال يلا اجهزوا ..
البنات لاحياة لمن تنادي كلهم يلبسون ويتجهزون قامت مسك معاهم تلبس مع الخيل ياشقرا خخخ
&&&&&&&&&&&&&&&&&&&&&&&&&&&&&&&&
عند الشباب ..
فارس : شباااب البنات يبغون يروحون باسكن روبنز مثل ماوعدناهم أمس ..
مشعل ترك الأونو : يلا .. تشوفهم الحين لبسوا وخلصوا ..
يوسف : كأنك صادق هذيل البنات من يسمعوا طاري طلعه انقزوا ..
رامي : خلاص دق عليهم خلهم يطلعون ..
فارس : طيب .. ( واتصل على مسك ) .. هلا .. إيه يلا اطلعوا ..ههههههههههههه يلا يلا قبل لايغيرون الشباب رايهم .. باي ..
سامي : شنو فيهم ؟؟
فارس يقوم : ههههههه تقول من قالت لهم اني بسأل الشباب كل وحدة راحت تلبس عبايتها .. واثقين خخخ..
الشباب : ههههههه .. يلا
مشاري : شرايكم ناخذ باص عمي عبدالرحمن (بويوسف) عشان يكفي البنات ..
تركي : حلو .. دقيقة اجيب المفتاح من أبوي ..
راح تركي وقال لابوه وعطاه المفتاح .. ورجع للشباب : هذ المفتاح من راح يسوق ؟؟؟
مشعل : انا راح أسوق يلا
بوفارس : ياعيال ارجعوا قبل 12 عشان العشا
الشباب : إنشالله ..
طلعوا الشباب شافوا البنات واقفين في الحديقة ينتظرونهم . فقعوا ضحك علي أشكالهم كل البنات لابسين عباية الكتف ولابسين نقاب إلا سارة و روان كاشفين أما دانيا ودانة لابسين عباية على الراس ومتنقبات لانهم كبار مو في الطعشات على قولة ملاك ..(يعني مو تحت العشرين ) ..
مشعل : هههههههههههههههههآآآآآي صدق يوسف يوم قال سلاحف النينجا ههههههههههه
الشباب : هههههههههههههههه ..
روان : أقول لايكثر يلا ..
ركبوا البنات الباص وكان ترتيبهم كذا .. ( في المرتبه الأخيرة الي هي الرابعة سارة جنب النافذة وجنبها روان وملاك و رهف . في المرتبه الي قبل الأخيرة الي هي الثالثة مسك تصير قبال سارة يعني جنب النافذة وجنبها سمر ودانيا ودانة أما في المرتبة الي هي الثانية مشاري يصير قبال مسك وجنبه ريان وفارس ويوسف ..
أما قدام عند السواق الي هو مشعل جنبه سامي ..) أما احمد وياسر وتركي و رامي ركبوا كلهم بسيارة رامي وصاروا ورا الباص ..
&&&&&&&&&&&&&&&&&&&&&&&&&&&&&&
في الباص ..
نهــــــآآية البارت الخــ عشر ــآمس .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&&&&
~| البــآرت الســ عشر ــآدس |~
في الباص ..
عند المرتبه الأخيرة ..
البنات كلهم فاكين النقاب حقهم لان الباص مظلل و طبعا الكل يسولف من سالفة لسالفة ..
سارة تهمس لروان : رووون شوفي شوفي ..
روان بنفس الهمس : شنو ..
سارة : شوفي البلوتوث الي بالباص بسرعة ..
روان بسرعة طلعت جوالها وسوت بحث بلوتوث طلع لها 13 جهاز
طبعا البنات والشباب كلهم فاتحين البلوتوث ..
روان : ول كل الي بالباص فاتحين خخخ..
ملاك شافت روان وسارة : شنو شنو ؟؟
سارة : بحثي بالبلوتوث وشوفي وقولي لرهف خخخخ
ملاك بصوت شبه عالي : ههههه رهووف مسكي جوالك البلوتوث ..
كل الي في الباص من سمعوا بلوتوث كل واحد مسك جواله ماعدا مشعل لأنه يسوق..
روان وسارة ناظروا بعض مبتسمين
سارة : فضيحة هالملاك ..
روان : خخ يلا خلينا نقرا الأسماء ..
سارة : هه يلا ..
ملاك تكلم رهف : هالرقم ********** الي بالبلوتوث مو رقم أخوك مشاريوه ؟؟
روان تدخلت : إيه ..
ملاك علت صوتها عشان يسمعهم مشاري : العن أبو الترقيم ياشيخة ..
مشاري الي كان حاط ذراعه اليمنى ورا رقبة ريان على السيت سمعهم رفع ذراعه اليمنى وكان ماسك فيها الجوال ومدها لورا و ابتسم ولف عليهم وهو ياشر بجواله ناحية ملاك : ههههههه تبغين أغير حقي اغيره بس شنو احط ؟؟
مشاري من مد ذراعه لورا مسك لزقت بالنافذة شوي وسمر انحنت شوي لجهة دانيا ..
دانيا : مشاريووه بعد يدك عشان سمر ومسك يتعدلون بجلستهم ..
مشاري على طول حول نظراته لـ مسك : شرايك شنو أحط بالبلوتوث ؟؟
مسك كانت تناظر في وجهه القريب وتفكر شنو تقول ..
فارس لف لجهة مسك وناظر مشاري : هــي أنت شيل يدك تراك ازعجت أختي وبنت عمي .. خلهم يجلسون عدل..
مشاري سحب ذراعه : زببن هذا سحبت ذراعي ارتحت ؟؟
فارس يغايظه ابتسم : إيــه ..
مشاري : هااا شرايكم شنو احط ؟؟
سامي سمعهم : حط الي تحط ..
ريان : حط أنت المجرم الناعم وانا بحط أمير زماني شرايك ؟؟
مشاري : خخخ أوكي ..
سارة : شوفو هذا أعتقد أنه فارس اسمه معاند زمانه ..
رهف : حلو اللقب ..
طبعا الكل يسمع شنو يقولون ..
فارس : أحم أحم تحلى أيامك ..
رهف : تعالوا تعالووا من ذا مرطب شفايف هااا ..
ملاك وسارة و روان : هاااا ؟؟
دانيا ومسك لفوا عليهم : شنووو ؟
سارة : بناات بس عرفته .. هذا الخبل يوسفووه ..
دانيا ومسك : شنو حاط ؟؟
روان : مرطب شفايف .. شفتي قلت الأدب ..
دانيا : عطوني علبة المناديل الي وراكم ..
ملاك : خذي ..
دانيا خذت علبة المناديل ولفت على قدام ورمت العلبة على راس يوسف ..
يوسف سمعهم : آآآآآآي وجع .. هههههه دانيا تركيني بحالي خخخ ..
سارة : إيــه حيلك فيه .. بعد صياعة وضياعة هذا الي بقى ..
يوسف لف جسمه كله لورى واخذ علبة المناديل الي رمتها دانيا عليه ورماها على سارة بمزح .. بس سارة لصقت في روان وضرب المنديل بالنافذة ..
الكل : هههههههههههههه ..
يوسف : هههههه شنو قلتي بعد .. دانيا كلمتني قلت أوكي أكبر مني بس أنتي لا وألف لا ..
ملاك تصفر وتقول بطريقة بدوية عربجية : اووه الأخ مغازلجي أصلي ..
الكل : هههههههههههههههه ..
روان وسارة بصوت واحد يبغون يستفزون يوسف : بنعلم عليك ابووووك ..
يوسف يسوي نفسه بينقز من السيت عليهم : والله ترا بقوم عليكم الحين خخخ ..
ريان مد يده ومسك يوسف من اطرف تي شيرته ويسحبه على الكرسي : أجلس المرة الجاية بنخلي سامي مكانك ونقطك قدام أحسن ..
فارس : خخخ أي والله ..
يوسف يسوي نفسه خايف ويصغر صوته كأنه طفل صغير : هااا .. لالا توبة عمي ريان شوف هذا أنا جلست ( ويجلس ويتكتف ويلتفت على ريان ويسبل بعيونه بطريقة تضحك ) شفت كيف ؟؟
الكل : ههههههههههههههه ..
ريان : إيه ياولد خلك هادي ..
يوسف يستهبل وبنفس نبرت صوته الي مسوي نفسه صغير : ولد بعينك .. وثانيا أنا يوسف مو هادي ..
الكل بنفس الوقت : ماتضحك ..
يوسف : يمــــــــــــه منكم ..
كلهم ناظروا بعض وضحكوا : ههههههههههههههههههه ..
دانة : من الي حاط ThE eNd ؟؟ .. ( النهاية ThE eNd =)
مسك : يمكن مشعل أو سامي ..
سمر : لا هذا سامي ..
مسك : أهآآ ..
وجلسوا يتراسلون بالبلوتوث ..
خلوني أعطيكم اسماء البلوتوث الي بالباص ..
المجرم الناعم = مشاري
أمير زماني = ريان
معاند زمانه = فارس
مرطب شفايف = يوسف
ThE eNd = سامي
تعب قلبي = مشعل
فراولة = دانه
براءة طفولة = دانيا
اعيش الحياة بحلوها ومرها = مسك
دنيـا ردية = سمر
طنش تعش تنتعش ومعنا فرفش = روان وسارة نفس بعض ..
ألو لبيـه حاظر وش تبي آمر = ملاك
فلها وربك يحلها = رهف
فارس لف على البنات : بنات من هي ألو لبيـه حاظر وش تبي آمر ؟؟؟؟
ملاك ورهف و روان وسارة ومسك بنفس الوقت : مانعلم ..
ريان : يمــه منكم ..
مشاري : هذا أنتوا تعرفون القابنا بالبلوتوث يلا قولوا لنا القابكم ..
ملاك : ماراح نعلمكم غصب هو ..
سارة وكأنها تذكرت : أقول يافلتت زماني ..
روان ابتسمت : خخخ أي ترا احنا عطيناك لقب يامشاري اسمه فلتت زماني ..
مشاري : ياسلام مشكورين خخ ..
خلونا نشوف شنو يسوي سامي قدام
سامي قاعد يتراسل بالبلوتوث الي في الباص جاته ملاحظات بالبلوتوث من
.. الحزن ذباح ..
الحزن ذباح : هاي بالمزاين ممكن نتعرف ؟؟ ..
ThE eNd =سامي رسل لها بالملاحظات : أي بس من أنتي ؟
الحزن ذباح : شنو دراك اني بنت يمكن انا ولد ..
ThE eNd : لا أنتي بنت لاني توني ملتفت ورا والشباب ولا واحد منهم مبين عليه أنه يرسل لي ..
الحزن ذباح : ^^" طيب .. أقولك مرة ثانية ممكن نتعرف ؟
ThE eNd : قلت لك أول من أنتي بعدين نتعرف ؟؟
الحزن ذباح : طيب أنا بقرب لك وأنت اذا عرفتني قولي أوكي ..
ThE eNd : أوكي .. انتظرك ..
الحزن ذباح : أنا عيوني وساع و سودا .. بشرتي سمرا .. ولابسة الحين تي شيرت أبيض .. ها عرفتني ؟؟
سامي تلفت ماشاف أحد لابس تي شيرت ابيض إلا اخوه مشعل الي قاعد يسوق ونفس المواصفات الي قالتها الحزن ذباح مواصفات أخوه مشعل ..
ThE eNd : هــي يالكذابة هذا أخوي مشعل .. أوريك ..
الحزن ذباح : كيفك لاتصدقني ..
سامي ناظر ورا وتكلم بصوت عالي وهو فيه الضحك : لاااااااا .. تعترف الي الحين قاعدة ترسل لي احسن لها .. تلعبين علي هاا ..
الكل على روسهم علامات استفهام كبيــرة ..
مشعل : ههههههههههه شفيك ؟
سامي لحد الحين جالس يناظر ورا ويرفع حاجبه : تعرف نفسها الي ترسل تعترف يلا ..
روان وسارة كاتمين ضحكتهم وسيحوا أعمارهم على الكرسي ( يعني تقريبا انسدحوا إلا شوي ) ..
سامي انتبه لهم و ابتسم : من روان ولا سارة هاا .. ؟؟
سمر لفت على روان وسارة شافتم كل وحدة حاطة يدها على فمها عشان لاتطلع
ضحكتها : هههههههه شنو مسوين ؟؟
روان وسارة ماتحملوا : هههههههههههههههه
سارة تتعدل بجلستها وتناظر سمر وهي تأشر على روان : هههههه ووووالله فكرة روانووه اهي الي قالت لي ..
روان : هههههههههه ..
مسك : شنو مسوين ؟؟..
روان وقفت ضحك : ههه أحم أحم لا بس شوفي اختك قليلة ادب ترسل لسامي تبغى تتعرف عليه ..
الكل لف على سارة يناظرونها يبغون جواب ..
سارة لفت عليها وشهقت وضربت يدها على صدرها : شفيكم صدقتوها .. يالكــذااااابة انتي الي قلتي لي خخخخ .. حتى انتي الي قلتي لي اغير اسمي بالبلوتوث ..
الكل فهم السالفة : ههههههههههههههههههه
وقف مشعل عند الإشارة و وقفت جنب الباص من جهة اليسار سيارة رامي وكانوا مشغلين أغاني بالأنجليزي هادية وحلوة ومعلين الصوت وفاتحين النوافذ ..
روان تناظر من جهة النافذة الي جنب سارة : بنات شوفوا شوفوا مشغلين أغاني ومعلين الصوت ..
ملاك لفت وجها للنافذة : ساروه فتحي النافذة أشوف ..
سارة تفتح النافذة : أوكيك .. فتحتها شوفي ..
مسك ومشاري ومشعل نفس الشي فتحوا النوافذ الي جنبهم من جهة اليسار ..
كان ياسر لاف جسمه كله على جهة النافذة ومتكي عليها بذراعينه الثنتين ولابس نظارة شمسية وطالع شكله كوولزز ..
مشاري يكلم ياسر من النافذة : ههههههههه ادخل ادخل مصدق نفسك لابس نظارة شمسية في الليل ..
ياسر : ههه حرة فيك مانيب شايلها بحطها على شعري ( ويرفع النظارة عن عيونه ويحطها على شعره ) ..
ريان : ههه تصدق شكله حلو يحق لفارس يعين ياسروه ولي العهد بعده في الجمال خخ ..
دانيا تناظر النافذة من جهة مسك : اللـــه رامي كأنه اجنبي ..
رهف : إي والله خوقاقي ماشالله عليه ..
ملاك و روان وسارة : آآآه يازينه ..
روان : ولا يا بنات ولا لتغت الراء حقته..
ملاك و سارة ورهف : آآآآآه ..
ريان لف عليهم : هــي هي أنتي وياها لاتقزون بالرجال عيب ..
ملاك : ريانووه من متى تقول لنا لاتقزون ؟؟؟ .. إذا ماقزينا ولد عمنا من نقز هاا ؟؟
ريان يستهبل : أحم احم أنا موجود خخخ ..
ملاك : ضف وجهك هناك ..
يوسف يلف على البنات : أقول سلاحف النينجا ..
دانة : شكلك مسكت هالكلمة بلسانك ..
دانيا ضربت وجهه يوسف بنقابها لأن الباص مظلل ففاكين النقاب ولانها تمون عليه قالت : استح على وجهك ولا ترا بتشوف شي ماشفته ..
يوسف : هههه طيب شرايكم نصفق ..
ملاك و روان وسارة ورهف ماصدقوا خبر قاموا يصفقون ..
يوسف استهبل معاهم وقام يصفق ويصرخ : أوووه يـس كمووون كمووون أوووه ..
فارس دخل جو معاهم وقام يغني بالأنجليزي بطريقة سريعة وجنونية و حلووة بصوت عالي ..
كل الي في الباص يصفقون ويقولون : كموووووون ..
في سيارة رامي ..
أحمد : رامي شوف هالمهابيل الباص يهتز وأصواتهم لهنا ..
رامي : هههههههههه خلهم الحين بتفتح الإشارة ..
تركي : ياسرووه شرايك بالرجعة نركب الباص معاهم ..
ياسر : أمم والله ما أدري على حسب بس أحس زحمه ..
تركي : ولا تصدق صدقت زحمة شنو لنا بالحشرة ..
نرجع للباص ..
يوسف وفارس لافين على البنات ويغنون ويسون حركات بيدينهم ..
أما ريان ومشاري لافين نص لفه ويصفرون بأصابعهم ..
والبنات متفاعلات مع الجو ..
سارة تصفق : فديييييت أخوي وصوته هووو ..
ملاك تحط صبعها السبابة على خدها : اخوك صوته كذا عذااااااب عذااب ..
فارس يطقطق بأصابعه ومرر يده اليمنى قدام وجه دانة ودانيا وبعدين سمر وهو يحرك جسمه ورقبته بطريقة حلوة وأخر شي مرت يده قبال وجهه أخته مسك وحط اطرف صبعه السبابة تحت ذقن مسك وهو يغني بسرعة ..
مسك ابتسمت له ..
إلا مشعل يصرخ ذيك الصرخة عشان يسمعونه : بااااااااااااااااااااااااااااااس
الباص فجأة صار هدووووووووء وفارس ويوسف جمدوا بمكانهم ..
سامي : ههههههههههههه اعصابك امش فتحت الإشارة ..
مشعل يحرك : ههههههههههههه بس لي ساعة اكلمكم ابغاكم توقفون الباص يهتز حشى موب باص ديسكو على غفلة ..
الكل : هههههههههههههههههه
مشعل : ثانيا هذا احنا وصلنا .. شوفو سيارة رامي وصلت قبلنا بسببكم .. شنو تبغون اشتري ؟؟
يوسف يفتح الباب الي جنبه : خخخخ .. انا بنزل ..
الشباب : حتى أحنا ..
روان وسارة : حتى احنا بننزل نختار لنا ..
مشعل بمزح : أنتوا انطقوا هنا تدخلون كلكم شنو بيقولون مداهمة .. نشتري لكم الايس كريم ونروح نتمشى بمكان ثاني .. أوكي ؟؟
الكل وكأن الفكرة عجبتهم : اووكي ..
مشاري : ها شنو تبغون ؟؟
روان وملاك وسارة ورهف : كالعادة ..
مشعل : شنو يعني كالعادة ؟؟
دانيا : يقصدون بالشوكلاته .. مسك أنتي مثلهم ولا ؟؟
مسك : لالا ودي أغير ابغى بنكهة الفراولة هالمرة ..
دانة : حتى أنا مثل مسك ..
دانيا : وأنتي ياسمر ؟؟
سمر : إممم أبغى أيس كريم أوريـو ..
دانيا : حلو مثلي .. خلاص جيبوا اربع أيس كريم شوكلاته و اثنين فراولة واثنين أيس كريم أوريـو .. الحجم الكبير مو الصغير تقصون علينا ..
ريان : ههههه طماعة .. بس ماعليه أوكي كم دانيا عندي ..
دانيا : أحمد ربك هذي الطلعة بس عشاني .. و أحم بس وحدة ..
مشاري ينزل : خخخ بس بس لاتتمننين علينا ..
ملاك : شوفو الظلم كيف .. أنا أخته من لحمه ودمه ولا يسوي لي مثل الي يسويه مع دانيووه الي اخته بالرضاعة ..
الكل : ههههههههههههههههه ..
سامي : طيب .. من بيجلس مع البنات هنا ؟؟
فارس : خلاص أنتوا نزلوا وأنا بجلس معاهم أنتظركم ..
يوسف : طيب شنو تبغى أشتري لك ..
فارس : اشتر اي شي .. ولا اقولك جيب لي ايس كريم أوريـو ..
يوسف : اوكيك ..
نزلوا الشباب كلهم وظل فارس مع البنات في الباص
عند الشباب في المحل ..
مشاري يسحب النظارة الشمسية من شعر ياسر عشان يغايظه : خخخ مصدق حالك والله ..
ياسر يسحب نظارته من يد مشاري ويحطها على شعره : اقول باعد عني تراني مو فاضي لك .. تركي يلا خلنا نشتري ..
تركي : هههههه .. يلا ..
سامي : ههههههههههه الي يشوفه على حركاته يقول عنه مغرور ..
ريان يفكر شنو يشتري : خخخ ماعليك منه مادامه ولد عبدالهادي ال .. خله من حقه خخخخ ..
أحمد يكلم مشعل : شفيكم تأخرتوا خمس دقايق ؟؟
مشعل واقف ينتظر الأيس كريمات الي يطلبهم : ههه والله فاتك الشباب والبنات مسوين ديسكو بالباص ..
أحمد : هههه والله ماهي بغريبة عليهم مو أول مرة يسونها ..
عند البنات وفارس بالباص ..
فارس انسدح على الكراسي الفاضية وحط رجل على رجل وحط ذراعة اليمنى على عيونه وقاعد يدندن بصوت واطي وحلو ..
مسك متكية على الكراسي الي قدامها وتناظر فارس : فارس لاتتحرك دقيقة بصورك ..
فارس على وضعيته : همممم .. طيب ..
مسك : سارة جبتي الكاميرا ؟
سارة : أفا عليك الكاميرا بنتي كيف انساها خخ .. خذي ..
مسك خذت الكاميرا وضبطت الفلاش وجلست تصور فارس ..
فارس شال ذراعه عن عيونه وابتسم لمسك الي جالسة تصوره ..
مسك : إيوا إيوا .. كذا لاتتحرك ..
فارس ابتسم : مسووك بس ترا الفلاش اقلق عيوني ..
مسك وقفت تصوير : أوكيك .. اسمع تراني برز صورك في المسن حقي يعني إذا جات بنت واحفظت الصورة وانشرتها لاتقول ليه ؟؟
فارس تعدل وجلس وصار شعره شوي حوسه بس صاير شكله خوقاق لأنه كان منسدح ولف على مسك مبتسم نص ابتسامه : عادي أنا ولد مو بنت ..
دانه : اقول فارس غن اغنية هادية الحين ..
رهف : إيه غن ذيك الأغنية الي غنيتها بالمزرعة ..
فارس ماسك خصلة من شعره ويحركها ويناظر سمر يحاول يتذكر : اي وحدة ؟؟..
ملاك : الي يوم أنت وسارة تعزفون بالجيتار ..
فارس نقل نظراته لملاك : إيييييييييييييييييــه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك