رواية فرسان على جمر الغضى -14
قام الشييخ ولحق قماد لخارج المغاره
التفت ليث لعتاب:ليييه ماودك تاكل شي
عتاب وهو ضايق :ما ودي احس نفسي قالبه علي
ليث:لجل قوووته
عتاب وهو يوقف:لجل الي صاار اليووم اييه اما هي بلا وانتهينا منه
ترك عتاب ليث وطلع من المغاره
التفت ليث للبدور الي كانت متمدده بفراشها وقام وقرب منها
ناظرته بعد ماجلس قريب منها وكان وجهها للجنب الثاني وهو جلس مقابلها
كانت ماسكه الثوب الصغير بيدها وتلعب فييه ابتسم ليث
ليث وهو يقرب صحن الزاد منها:ما ودج تاكلي؟
هزت راسها بلاااا
ليث:ودج اروووح اجييب لج غبوووق
هزت راسها مرتن ثانيه وهي تحس بصوته الي كله حنيه
ليث:زين اجل لزوووم تقومي تاكلي شي
بعدها هزت راسها بالموافقه ..ابتسم لها وصدت بنظرها وهي تحس بشي غريب يزيد دقات قليبها
قام ليث:بعد اشوي ودي يوم اعاااود ما لاااقي شي من الزاااد
قربت ضبيه من شوق:انتي يابنت ماودج تااكلي شي
شوق:انتي من وانا ليييه اهنيا
ناظرتها ضبيه:لييه انتي مهب من هواااج جااايه مع قمااااد
شوق:انتي وش الي قاااعده تهرجي فييه ولييه اجي بهواااي
ضبيه:تجييين لجل المزيوووون قمااااد
شوق:انا ماجيييت برضااااي من انتو وليييه جايبيني اهنيا
ضبيه:اسمعيني زييين امرج ترا بيد قماااد هو الي لزوووم يقول لج ليييه انتي اهنيا
شوق:انتو قطاعيين طرق ...وكاااد ودكم تقايضوني من عند ابووي الشيييخ
ضبيه:وش الهرج الي تقوليييه عيال العطااااوي الي يريدوووه ياخذوووه وماعليهم من حد
انصــــــــــدمت شوووق وهي تفتح عيونها:وش قلتي عياااااااال العطااااااوي
بمجلس الشيخ الي فهاد بديرته قربت هند وجلست قريب من فهاد
هند:وشلووونك يا شييخ فهاااد
فهاد التفت لها وبابتسامه:الحمد لله
هند:وشلووونها المها مع الخيمه الجديده ان شالله انها تكوون مرتاااحه فيها
فهاد:باذن الله تكون مرتااحه
هند:هو انا مدري لييه ماودها تقعد معنا؟
فهاد:المها تستحي وتخاف انها تكون ثقلت عليكم بقعااادها معكم
هند وهي تقرب راسها هااامسه:وكاااد يا شيييخ ان هذا الي ترييييده
فهاد استغرب منها:ليييه وش اتريييد اجل؟؟
هند بخبث:اسمعني يا خوووي يا فهااااد انت ماتدري بكيييد الحريم
ناظرها باستغراااب
هند:الحريم قالن قدامها انك تفاخرت بمجلس ابوي الشيخ بعهدك من بعد الشرط الي قالته وانها ماتسوا عندك شي وهي ودها انك تنكث العهد اقصد انك ماتكوون قد كلمتك وتخل بشروووطها
بالبدايه كان فهاد متضاايق من كلامها عن الشرط وعهده لاكنه تعجب من هرجها
فهاد كان وده يضحك وهو يسمع هرجها:وش الهرج ذا؟؟ماهقوتي ان المها يكون تفكيرها كذا
هند:ليييه وليييه مايكووون كذا؟
فهاد:لجل اخذ بثااار اخوها
هند:ما ودها ...هي الي تشوووفك ماتسال عن ثااار يا فهاااد
فهاد:المها ماهي من الحرييم ذي
هند:وليييه ماتكووون منهم اجل ليييه طلبت انك تبني لها الخيمه
فهاد وبدا يضييق من كلامها:قلتلج ودها تكون لحالها
هند:زييين والحجي الي قالته لي
فهاد ووصلت عنده:وش قاااالت؟
هند:يوم اني قلت لها وشلووون تبيتي معه وانتو بينكم شرط وعهد تدري وش قااالت
ناظرها فهاد منتظر تقول
هند:قالت ....................قالت اني انااام بحضااان فهاد ما يخلي بالشرط ولا العهد
ارتجف فهااد وهو متوكد انها قالت كذا لانه نفس الكلام الي قاله للعمه وما حس بحاله وهو يبتسم ويوقف ماسك سلاحه من بعد ماعرف وش الي يصير للمها
الجزء الثامن عشر
فهاد بخطوات وقليبه يسبقه عندها وده يشوفها وده ووده ووده لاكن خطاويه تباطت وهو يشوف واقعهم الي هم فيييه
وقف وناظر الخيمه"وش الي انت تسويييه يا فهااااد ..انت نسيييت نسيييت الحال الي انتم فييه..للا مانسيييت مير انا مهتويها ومتولع فيها حييييل ومقدر مقدر على فرااااقها ايييه ودي بالموووت ولا يطري على بالي اني بيوم
افارقها ياويييييييلي وش الحااااال ذا يا فهاااااد وش الحاااااال ذا يا فهاااااااد"
سحب فهاد انفاااسه بصعوبه واخذ يسحب خطاويه للخيمه وهو موجووووع حييل
المها كانت جالسه بطرف لفراش وهي كانت تبكي ومايسمع بكاها الا قليبها الي احترق وهي تدري ان فهاد بمجلس الشيخ ومتعلل مع بنت الشيخ وبكت حالها مع فهاد
ارفعت عينها للي دخل وماحط عينه بعينها وقف على طرف الخيمه وبدا ينزع سلاااحه كان ودها تقوم وتصرخ فييه وتعاتبه ليه يتركها الوقت ذا كله لحالها وهو يدري انها تخاف تكون لحالها لاكن شوفته كذا اوجعتها و
خلت لسانها ماينطق بحرف"وش فيييك يا فهاااد لييه اشووفك بالحال ذا وش الي يصير لك؟؟"
حط سلاحه على جنب ورفع طرف اللحاف وانكت فييه من غير مايقول ولا كلمه وهو معطيها ظهره والتزم بالسكوون
سالت دموعها وهي تتخيل ان نفسه معاااد تريدها ولييه تريدها وهو قايل انه من بعد ماياخذبثارها تكون طليقته
ظلت المها جالسه ودموعها مغرقه وجهها
فهاد الي اختنق من كثر ماهو محرووق حيييل"وينج يالمها ..هو بس كان حجي ان فهاد ينام بحضانج يا وييييلي والله اني احترقت
ذاب حينها فهاد وهو يحس بالي تمددت قريب منه وسمع شهقاااتها فز قاعد والتفت ناحيتها
ناظرها :وش فيييج يالمها ؟؟
هزت راسها ودموعها سكاايب وماحست الاوفهاد مطوقها بيديه ولامها لصدره حييييييل
فهاد:الله ياخذها من سااااعه ..لييييت لساااني انقص ولا قلت الي قلته ولاقلت الي قلته ليت القلب يومها كان داري كان قلت اطلبي وتدللي وخلي القلب يحترق واني لجل وصاااالج افني قبيله
ضمها حييييل
المها:فهااااد
ناظرها:فهاااد يحترق يالمها يحترق فهاد ماهو قااادر على بعااادج وماهو قاااادر يشم هو غير هواااج ودي اني اقتل حالي ولا يكون به يوم فراااق بينا
متولع فيييج يالمها حييييل متولع
ارتجفت المها بحضانه وهي تنتحب
.................
وبمكان ثاني كانت هند تحترق وتحترق
هند بحقد وكره وضغينه:والله انها تكووون اخر ليله لك يافهاااد معها اخر لييله ومكون انا هند بنت مخلف ان ماكااانت اخر ليله
..............................................
وقت طويل الي ظلت فييه شوق تناظر ضبيه ماهي مصدقه حجيها وان هذول هم عيال العطاوي
ضبيه:يابنت وش فييج ليييه ساكته
شوق:وكااااد العلم ذا؟
ضبيه:انتي يابنت وش فييج وكاااد وكااااد
قامت ضبيه وتركت شوق وهي بعدها ماهي مصدقه:"زيين والمقهوجي من يكون وش تكون معرفته بعيال العطاوي لالالا وكاد ان الحرمه ذي تقول حجي ماهو صحييح وش الي يجيييبني انا عند عيال العطاوي هذول وكاد قطاعين طرق وذي تحجي حجي من عندها
دخل عتاب ومعه الشيخ وليث من وراهم الي كان يمشي وعيونه عند البدور الي رفعت نظرها ناحيته ورجعت تناظر قدامها
اجتمعو عند النار المشتعله قريب مدخل المغاره وظلو اهنااك يحجون سوا
شوق"عيال العطاااوي تقول عيال العطاوي انا ماخبرت ان عيال العطاوي معهم حريم وكذا حالهم للا للا وكاد انها تحجي حجي ماهو صحييح
قرب عتاب من شوق وهي تناظره
عتاب:تعشيتي؟
شوق:ماودي
التفت عتاب ناحية باب المغاره ورجع ناظرها
شوق:صحييح انتو عيال العطاوي؟
ابتسم عتاب :تعرفين عيال العطاوي
هزت راسها باييه
عتاب:ترانا ماناااذي وماودنا ناذييج
شوق:صحييح؟
هز عتاب راسه باييه
كانت دقات قليبها تزيييد
شوق:جدتي عطاااويه
ابتسم عتاب :وذا الشي مضااايقج
شوق بحماس:للا ماغير رااافعه بكم الراااس وافتخر
انصدم عتاب من ردها:صحيييح؟؟
شوق:علووومكم وشجاااعتكم على كل لسان ومابه قبيله ماتهاااب عيال العطاااوي والله اني سمعت ان شيوخ القبايل تهج من الديره من قبل لاتاصلوها وانكم
شوق انلجم لسانها وهي تشوف الي وقف قريب منها ومن عتاب ويناظرهم باستغراب وهو يشوف ذي الي تتحجى بنفس وااحد
قماد:وش الي قااعد يصييير!!؟
التفت عتاب لقماد وبعدها ابتسامته على شفااه
عتاب:مابه شي يا خوووي
شوق بنظره منصدمه:اخوووك
عتاب:ايييه هذا هو قماد العطاوي الي قاعده تفاخري به جايبك سبيه عنده
انصدمت اكثر وناظرت قماد:انت عطاااوي!!!؟؟
قماد:للا يا عمــــــــــــــــــــه للا انا من يدج ذي ليدج ذي وش اتريييييدي ياعمه انتي الشييييييخه وش عياااال العطااااوي ذي اااامري ياعمه اااامري
ابتسم بعدها بخبث والتفت رايح للي جالسييين عند النار"بعده وقتج ماحااان يابنت الشيييخ
ناظرت شوق الي حست ان قليبها قريب يوقف من الي يصير قدامها لعتاب:هو انا صرت سبيته!!!!؟؟
عتاب ماعرف وش يقول لها والتزم بالسكوت وراح ناحيتهم وظلت شوق تناظرهم مره تصدق انهم عيال العطاوي ومره تكذب ذا الشي وقماد من حينها تجاهلها وهو يسولف عليهم بعلوم كثيره ويضحك كانت منبهره منه وماهي مصدقه بعد انه هو المقهوجي ....مير وش يريد منها؟؟
سوالف قماد ماخلصت والشيخ يضحك معه من قلب ويزييد على سوالفه عتاب حط ايديه تحت راسه وتمدد يناظر لسقف المغاره باله مهو معهم ويحاول انه يسايرهم مير الضيقه الي بصدره تزييد
ليث كل ماالتفت ناحية البدور الي كانت تناظر ناحيته كل حين وتتلاقى عيونهم تصد لجهه ثانيه وهي بعدها ماسكه الثوب الصغير وتقلبه بيديها
ليث"يا وييييييلي من نظرة عيونها انا اشهد ان القلب يرجف منها ولو انها حطت الكحل وكاد انها راح تقتلني"
قام ليث وقرب منها وهي تناظره نزل بجسمه متكي على رجوله وهو يشور عليها:ودج تطلعي للفضاوه شوي تمشي؟
ظلت البدور ساكته وهي تنزل بنظرها لتحت وليث ينتظر جواب
ليث:وش قلتي
ناظرته وهزت راسها باييه ابتسم حينها ومد يده لجل يساعدها توقف معه لاكنها قامت من غير مساعدته وهي وهي تغض بنظرها لتحت
وقف ليث وهو يشير لباب المغاره:زيين
تبعته وهو كل حين يناظرها
عتاب جلس جالس:ليييث
ناظره ليث ونظرات عتاب تستفسر منه لوين ودك ترووح
ليث:اهنيا قريب
التفت حينها ليث وطلع وصرخ قماد بخبث:يا ويلي ويلاااااااااااااه..
ناظره عتاب
قماد:اترك الرجال ياخوووي اتركه خله يونس حاااااله
عتاب بضيقه:يونس حاله مع المووووت
زفر عتاب بعدها وعاود يشبك ايديه ويناظر سقف المغاره
بخارج المغاره كان لابد من البدور انها تقبل مساعدة ليث وهو يمد ايديه لجل تمسك فيهن وهو يصدو الجبل واول ماوصلو لمكان فسيح ونسمات الهوا تشرح الصدر تركت البدور يد ليث وغمضت عيونها وهي تسحب هوا لجوا صدرها ونسمة الهوا تداعب خصايل شعرها
ظل ليث يناظرها بشكلها ذا وكان القمر مكتمل ونوره مضوي المكان اما هي فكانت بعدها متونسه بسحب الهوا لجوات صدرها لاكنها رجفت حييل اول ماحست باصبع من اصابعه تلامس شفايفها
ناظرته ودقات قليبها تزيد ومرتبكه
سحب يده وهو مرتبك من بعد الي سواه واخذ يصرف انظاره بعيد عنها ابتعد عنها خطوتين بعدها عاود وناظرها
ليث:الهوا اهنيا يشرح الصدر
هزت راسها موافقه وناظرت لتحت
ليث:ودج تقعدي؟
بعد هزت راسها موافقه
ليث وهو يشير لها لمكان:تعالي اهنيا
جلست وجلس قريب منها مقابلها وهو يناظرها ومايعرف وش يقووول
..............................
انكمشت شوق على حالها وهي بعدها تناظر الي يسولفون بينما ضبيه والحرمه الي معها خذن مكان بعيد عنهم وحطن روسهن ونامن
التفت قماد بوسط هرجه ناحية شوق وناظرها بنظره ارعبتها وبعدها عاود وناظر ناحية الشيخ يستمع لسوالفه
كان ليث يصرف نظره عنها لكل مكان لين مالمح انها ارتجفت من البرد حولها قام حينها وجلس قريب منها ولف يده حواليها ابتعدت عنه
البدور:ارجاااك خلك بعيد عني
ابعد يده:تحسين بالبرد
هزت راسها باييه
ليث:ودج نعاود لجوا المغاره
البدور:للا
رجع ولف يده على اكتافها:زين وش الي يمنع اني اكون دفا لج
البدور وهي تحاول تبتعد عنه:ارجاااااك
بعد يده عنها وحينها قامت هي وخطت خطوتين ورجعت تلتفت له:انت وعدتني انك تعاود بي عند الشيخ حماد
حينها اشتعل الجمر تحت رجليه وهو يحاول يكبت الي اشتعل جواه:وانا عند وعدي
ظلت ساكته وهي تنظر لتحت وقام هو بعد ماحس ان الهوا انسحب من حوله :خلينا نعااود للمغاره
تبعته وهو يبتعد عنها بخطاويه وحست انها محتاجه لمساعده بالمشي لانحدار الجبل لاكنها ظلت تتبعه لين ماوصلو للمغاره
بالصباح الباكر شهقت شوق وهي تحس بقطرات مي تنسكب على وجهها وكانت نايمه وهي جالسه قماد وهو يجلس مقابلها
قماد:صبحج الله بالخييير ياعمه وش هالصباااح الي مشرق بنووورج اليوووم
شوق وهي تناظره ومتوجسه منه "هو وش يريييد مني"
قماد:والله اني من صباح الله خير قايم ياعمه وقلت لزوووم ازين لقهوه لعمتي
هز الفنجال بيده وسكب لها من لقهوه
قماد وهو يمد الفنجال:تفضلي ياعمه
ظلت شوق تناظره ومتعجبه من الي قاااعد يسويه
قماد:ايييه ياعمه ماودج تشربي لقهوه
شوق:ودي اعاااود لديرتنا
قماد:وش قلتي ياعمه وش ...تراني قلتلج ان سمعي ضعييف تقهوي ياعمه تقهوي
شوق:ماودي
قماد:والله ان مايشرب من الفنجال ذا حد غيرج تفضلي ياعمه تفضلي
زاد الحاح قماد عليها لين مامدت يدها لجل تاخذ الفنجال وحينها وقف قماد وهو متغابي لجل يخلي الدله تسكب من لقهوه على اطراف اصابعها
صرخت شوق وهي تسحب يدها بسرعه وصرخ قماد
قماد:يا ويلي ويلااااااااه وش الي صااارلج ياعمه
ترك الدله قماد على جنب وسحب يدها يناظر ليها
كانت شوق مستوجعه حيييل من الحرق ومانطقت بحرف واحد وذا الي خلا قماد يستغرب رفع راسه لوجهها الي كانت الدموع تنزل فيه من عيونها
قماد:توجعج
شوق:انت لييه تسوي بي كذا تراااك خذيت بثارك مني حينها انت اتحسب اني ماكنت ادري انك تاخذ بثارك بكل مره
وبصوت هامس رد عليها:اييه مير قرصة الوذن ذيييج ماتغني عن الي ودي اسويييه فييج النوبه ذي
انكمشت على حالها وهي تضم ايديها لصدرها والخوف بدا يدب بوصالها
قام قماد وابتعد عنها وهو طالع من المغاره
..........................
كان عتاب جالس على صخره بعيد وهو يحس انه ما اخذ كفايته من النوم والنوم البارحه مجافي عينه
قربت منه عبله الحرمه الي جت مع ضبيه
عبله:صبحك الله بالخيير
التفت عتاب ناحيتها:يزين الله صبااحج
جلست قباله وهي تلعب بطرف شالها
عبله وهي تناظر حواليها:الصباح اليوم غيير
اكتفى عتاب بهز راسه وهو يناظر لمكان بيد
عبله:افطرت
عتاب:للا ماودي
عبله:وش به خااطرك متكدر
عتاب:مابه شي
ظلت عبله مع عتاب وهي تاخذ وتعطي معه بالحجي ومر الوقت من غير مايحسو لين انصدم عتاب بسماع صوت يعرفه حييل
قوت بنظرات شرر:من ذي ياعتاااااب!!!!؟؟؟
التفت بسرعه وهو يوقف متفاجئ انها واقفه وراااه:قووووته
قوته وعيونها تسكر بشويييش:ايييه قوووته نسييييتها يا عتاااااب .وكاااد انك نسييييتها ولادريييت عن ماصاااابها
التفتت عنه وراحت للمغاره وهو وقاف ماهو مصدق انها هي عاودت مره ثانيه مير كيييف وشلوووون
عبله:من ذي؟
التفت لها وبعدها الصدمه فيه:هااه هه هذي قووته
بعدها التفت وراااح ناحية المغاره وين ماتركته وراااحت
عند باب المغاره كان لقى قوته وام صالح ضبيه الي خذن حالهن بالاحضان وفرحه كبيره تغمر قليب قوته من شوفة ام صالح
ضبيه:وشلووونج يا قوته والله ان عيني ماغمضت من البارحه وانا اهوجس فيييج وشلووونج وشلوون قدرتي تعاااودي
ضحكت قوت:ايييه يا ضبيه تراني قلت اني راااح اعاااود وهذا انا عاودت الامر بسيييط معي
كان عتاب واقف وهو يسمعها
قوته:وشلووون هو صاالح؟؟
ضبيه:بخير والحمدلله
عتاب:وشلووون عاودتي وارجال الي كان معج وصاااار علييه
التفتت قوت لعتاب بغيض:ودي اتريح بالاوله
عتاب:ماهو قبل ماتقولي لي وش الي صااار...هو الحااارس وش صااار عليه
قوته بملامح حزينه وليث يقرب منهم:قتلوووه
الكل انصدم مير قوت التفتت للبدور ودها تشوف وش هي راح تكون ردة الفعل عندها
قماد وعيونه تنملى بغضب صرخ فيها:اقتلووووه
قوته بخوف:هاااه للا للا ا ا ا
عتاب:وش الي صااار انتي ماودج تحجي
قوته بهمس:ودي ميير مهب اهنيا وودي تكون انت والليث بس
سحبها حينها عتاب لخارج المغاره وتبعه ليث وقماد وبعيد عن باب المغاره
عتاب:وش الي ودج تهرجي به هذا حنا لحالنا
قوته بتردد:الي الي صااار انه انه ...هو
ليث:تحجي يا قووته وش الي صااار
قوته:الرجال الي كان معي الحااارس الرجال طلع مايذكر شي من الي مضى علييه
عتاب:هذا مهب شيا جديد وش الي صااار
قوته:زين زيين تمهلو علي ترا انا مافهمت السالفه زيين مير الي فهمته ان الحرمه الي بالمغاره معنا مهب حرمة الشيخ حماد
ليث:وش الهرج ذا؟
قوته:ايييه تمهل علي الي كان جااي وجايب الفرس هو الشيخ حماد وطلع على معرفه بالرجال وقاله انه خويه وان هو الي ارسل الحرمه لجل يحميها وارسل معها الفرس لجل يقبل بحمايتها والحرمه كانت حامل من ذاك الرجال مدري هو زوجها ولا عشيقها
عتاب:قوووته الهرج الي تقولينه هرج مايدخل الراس هوو وكاااد
قوته :ويشهد على ربي اني ماجبت شي من عندي انه هو الي صااار قدااامي وان الشيييخ حماااد اخذ الرجال وخلااه عنده بمجلسه معزز ومكرم ...مير حضي انا الي خلاني اطيح بيدين حريم الديره الي ذكرن من انا وعرف الشيخ اني معكم وخلاااني اسيره عندهم لاكن انا قوته قدرت اتحايل على الحرمه واهرب منها واهرب بالفرس الي جييت فيها
ليث كان يناظرها وحجيها بعده ماقدر يتقبله:وش الي مهب حرمة الشييخ حمااااد والولد ولد من؟؟
التفتت قوت لليث:ولد الحااارس الي كاان معنا انا سمعت الشيخ حماد وهو يقوله الولد ولدك
ثارت حينها براكيين بصدر ليث وهو يتركهم ويتوجه للمغاره
فاقت البدور على حالها وهي تنسحب من لفراش واقفه ومقابله ليث الي هزها بالقو
ليث وهو يصرخ بوجهها:العيل من ابووووه يالبدووور؟؟
تفاااجئت وصابتها حاله من الخوووف وشلووون عرف؟
البدور:اتركنييي
هزها بعنف:قلت من ابوووه وشلووون اتكوني مرة الشييخ حماد والعيل يكون لرجااال ثاااني من هو عشيييقج ذا انطقي
البدور:وش الي قاااعد تهرج به اتركني لحااالي
ليث بغضب ونااار تشتعل فييه:لييييه الشييخ يقول للرجال الي كان اهنيا ان العيل ولده
البدور:من يقصد؟؟
ليث وانفاااسه اتزيييد وصدره يرتفع وينزل:رجااااال بعثج مع الفرس وطلب حماية الشيخ لج مقااابل الفرس
البدور اتسعت عيونها:الرجااال مااات
ليث بقهر بدا ياكله:حجيييه كااان صحيييح؟؟
انهااااارت البدور وهي تبكي :اتركني ارجاااااك تتركني انت وش اتررريد مني ان كان العيل ولد من ايكوووون
ليث وهو يشد بحيييل على يدها ويقربها وهو مقهووور:خسيييييييييسه انتي خسيييييسه
دفها بحيل بعيد عنه وطلع من المغاااره
...........................................
هي ليله تقلب فيها فهاد على جمر الغضى بما يكفيه العمر كله والمها نايمه جنبه وشهقاتها قطعت قليبه وهي كل حين تقول ما ودي بفراااقك يافهاااد
سحب حاله بعد ماحس انها غطت بنوم عميق
طلع للفضى ودار بفرسه لين مامل وعاود بعد ساعاات طويله راح للخيمه وماحصل المها فيها وكاد انها راحت لمجلس حرمة الشيخ
توجه حينها لمجلس الشيخ وهناك حصل الشيخ بضيافته رجال تقهوو وعينو من الله خير وبعدها وجه الشيخ حجيه للرجال
الشيخ:ضيف الرحمان ما قلت لنا من انت ومن اي عربا
الضيف:انا يا شيييخ رجال عربي هي ارض الله الواااسعه وكل قبيله هي هلي وقبيلتي
الشيخ:يا حيالله بضيفنا ووش اسمك يا ضيفنا
الضيف:اسمي سدحان السحووومي طاال عمرك
رجفت يد فهاد الي ماسكه الفنجال والاسم يرن بانه
فهاد:وش قلت سدحااان السحووومي قتااااال سعد
الرجال بفخر:اييييه انا سدحاااان السحوووومي وانا الي قتلت سعد ولد وضاااااح
نط فهاد بوسط المجلس وهو يسحب بارودته
فهاد:اجل خذها مني وانا اخو طااااايل ثااار وحق برقبتي
توسطت طلقااات فهاد بصدر الرجال وخر صريع ميت بين ايديهم
نط الشيخ وصرخ على فهاااد:تقتل ضيييفي يا فهااااد
فهاد:ضيفك يا شيييخ العربان كلها حللت دمه وانت يا شيييخ لاتنسى انك اول واااحد حلل دمه
سكت الشيخوهو كااره الي صاار بمجلسه نط فهاااد واقف وهو يرجف بحييييل وصرخ ينااادي المها
فهاد:المهاااا يالمهاااااا ثااااارج يابنت وضااااااااح طاااح
توسطت المها المجلس وبعض الحريم تتبعها وعيونها تزيييد من اتساااعهن وناااظرت حولها
المها:قتلته يا فهاااااد قتلته
فهاد وبغصه تجرح روووحه:وتررراج يالمها طاااالق
التفتت له وكانها تلقت منه طلقااات بصدرها:قتلته يافهاااد قتلته وقتلتني
حينها غااابت المها عن الوعي وهي تطيييح بوسط المجلس
صرخ فهاد وهو رايح لها الا ان هند اعترضت طريقه:اترك الحرمه يا فهااااد تراااها مهب حلااالك
صرخ حينها فهاااد بصرخه وهو يناديها ادوت بكل مكاان وجلس قريب وهو يفرغ الي ببارودته بالسما ليييين مافرغت وهو يحس بقهر ووجع حييييل يقتل روحه
هند الي ارتعبت من الي صااار ماكااانت متخيله ان فهاااد مهتويها لذي الدرجه وهي الي رتبت كل شي مع واحد من الرجال لجل يجيب لها اي رجال يصادفه خارج القبيله ويوعده ان الشيخ حاطط جايزه للي يقتل سعد واعطاه اسم سدحان السحومي يتفاخر فييه كل الي تريده صار لاكن الامر كان مرعب وهو يصير قدامها صحيح
واحد من ربع فهاد قرب منه وحط يده على اكتافه:فهاااد يا خوووي تعوذ من ابليس والحمدلله انك انهيت سالفة الثار ذي
التفت فهاد وهو موجوووع للمكان الي طاحت فيه المها وماشافها لان الحريم خذنها بالسرعه لداخل المجلس الثاني لجل يشوفن وش صاااير عليها هند ومن الي صار قدامها اهتمت كثير بامر المها اما فهاد فطلب من خويه انه يروح لديرتهم ويجييب العمه للمها وهو ترك المجلس وطلع للبريه تاااااايه ومايدري وييين يروووح من بعد مافارقته روووحه
الجزء التاسع عشر
قرب عتاب من ليث الي ابتعد عن المغاره وظل لحاله وحط يده على اكتافه التفت ليث لعتاب
عتاب:مهتويها يا خوووي؟؟
رجع ليث يناظر لقدام وهو ساكت
عتاب:زين لييـــ
ليث:ارجاااك يا عتاااب ماودي احجي بالسالفه ذي ...........حنا لزوم هالحين نرجع المعشوقه ونخلص من السالفه ذي كلها
عتاب:ودك ترجعها للشيخ حماد
ليث:تنقلع للشيخ حماد ولا للي تبيه ..المهم نعاود بالمعشوقه
قوته وهيه جايه من بعيد:ليـــــــــــــــــــــــث ياخوووي ياليييث الحرمه الحرمه مستوجعه كثييير كود انها تالد هالحيييين
التفت لها ليث وصرخ فيها:وش اتريديني اسوي لها تنقلع
قوته:يا خوووي هذا كله من فعايلك رميت الحرمه على الارض واستوجعت كثييير من الرميه
ليث:جعله وجع مايفارقها تنقلع
قوته وهي تلتفت عايده:عووووذه عووذه
ناظر عتاب ليث الي حس به يكتم رجفه بيديه ووجهه
عتاب:وش رااح نسوي؟
ليث:سو الي ترييده ياعتاااب سو الي تريده
بعدها راح ليث وركب فرسه وغااب
بالمغاره كانت شوق مرعوبه من الي يصير حواليها بالاوله صريخ ليث على البدور ورميته لها بالارض ومن ثم ونينها من الوجع الي جاها
ضبيه طردت قماد والشيخ من المغاره وقالت لهم ان الحرمه راح تولد وانقلعو برا حست شوق ان ودها هي بعد تطلع ولا تسمع الونين والبكا الي كانت فيهن البدور قامت ومن غير ماتشعر فيها الحريم طلعت الا ان ايدين قماد لقفتها اول ماطلعت للفضا
قماد:على ويييين يا عمتي الشييييخه؟
شوق وهي تبعد ايدين قماد وتوقف مقابلاه :ماودي اظل بالمغاره الحرمه ودها تولد وانا مقوء على سماااع ونينها
قماد:يا ويلي ويلااااه عمتي الشيييييخه قليبها ارهيف لالالا هذا ماخبرته ياعمه عاودي عاااودي ابرك لج من قبل ماتشوووفي شي مايسرج
شوق:ارجاااك ماودي
بصرخه:قلت عااااودي
بلعت شوق ريقها ورجعت للمغاره
قماد بابتسامه:والله انه دواااج
......................................
على وقت العصر وصلت العمه للديره الي بها فهاد والمها ويوم التقت بفهاد شافت حاله ماتسر
العمه:وش الي صاار يا فهاااد؟
فهاد بوجع:المها صارت طليقتي خذيت بثارها ياعمه
بان الالم بوجه العمه وهي تحط يدها على كتف فهاد:وش راااح اتسوي ياولدي وانت قايل لي انك متولع فيها وماتقدر على فرقاها
فهاد:وش السوااه ياعمه ؟؟مابه شي اسويه
العمه:ترجعها لعصمتك يا ولدي
فهاد:يا عمه يوم ان ابوي قال لي ليلتها اني لزوم اعاود بها لعصمتي حلفت عليه يومها انه ان خذيت بثارها ماتعود لعصمتي ابد...المها طير وطااار من يدي يا عمه
العمه:ودي اشوفها
لقيت العمه المها طريحة لفراش
العمه وهي تكلم ام هند وهند:وش حال ابنيتي؟
ام هند:والله ان حالها صعيبه وابد مافاااقت
العمه:ياجهد البلا ياجهد البلا
..................................
على المسا عااود ليث ولقي الجماعه جالسين قدام المغاره وهم شاعلين النار ناظرهم باستفسار
ليث:وش الي صااار؟
لاكنه ما انتظر حجيهم وهو يسرع بخطاويه للمغاره اول مادخل ناظر لمكانها وشافها جالسه ناظرته بنظرة عتب ورجعت تناظر لتحت
قربت منه قوته وناظرها:صار شي؟
قوته :للا مير الحمدلله جانا يومن عصيب وعدا على خيير توجعت ياحبة عيني كثير والوجع مافارقها الا من قبل كم ساعه
رجع ليث يناظر البدور وبعدها التفت وطلع
ومرت عليهم ثلاثة ايام فيها جافى ليث البدور وماقام يقرب منها ومايسال عنها وانشغل مع عتاب وقماد بيجاد حل للي هم فيه وانشغلو بامور ثانيه كان كل يوم واحد يظل بالمغاره واثنين يغيبون
عتاب مسك قوته بثاني يوم من جيتها وحط راسه على حجرها
قوته:انت وش اتسوي؟
عتاب:ايييه تراني رجلج ياحبة عيني وانتي ماتدرين بالعله الي صابتني من فراااقج
قوته:ماظنتي
عتاب:ليييه يا نظر عييني؟
قوته:ارفع راااسك ياعتااااب وتراني بعدني زعلانه
اعتدل عتاب جالس:وش الي يزعل دقات القلب من القلب
قوته:ماخبرتك ياعتاااب اتحجي كذا وش الي صااار
وناظرت حينها قوته ناحية عبله الي تمشي من بعيد
عتاب:انتي اتحسبين اني انا الي احجي هذا قليبي هو الي يحجي
نزلت قوته راسها لتحت خجلانه وهي ترفع نظرها وترمش بعيونها له
وقام رايح وهو يقول:يا وييييييييييلي
شوق بعد لاحضت نظرات قماد وابتساماته لعبله كل مامرت من قدامه وحست حينها بضيقه
بثالث يوم عزم الشيخ وضبيه على الرحيل ورفضت عبله انها ترافقهم بحجة ان ودها تظل قريبه من البدور
انكتت يومها قوت وهي جالسه قريب من شوق بجلوس عبله
ناظرها عتاب الي دخل عليهم:انتي ياحرمه وش فيييج وش الي قاااعده تقولينه
قوته:الحرمه ذي ليييه ودها تجلس لييه ماودها تفااارق
عتاب:ودها تعاونج انتي والي معج
قوته:للا ماودي اياااها خلها توكل معهم
ابتسم عتاب :وانتي وش عليييج قعدت ولا راااحت
قوته:مهب زييين خلها توكل
عتاب وهو طالع:لييث وده اياها تقعد
ناظرتهم البدور من سمعت طاري ليث ورجعت تناظر الثوب الي بيدها ماتدري لييه حست انها فقدت تواجده جنبها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك