رواية اذا انتثر دمع عينك -16

رواية اذا انتثر دمع عينك -16

قوووووم ريانووووه بسك نوم قوووم .. قووم تجهز للجامعة ..

ريان اللي متلفلف بلحافه مايبين إلا وجهه فتح عين وحدة بكسل وناظر ملاك وسكرها : همممم .. شعندك .. ؟؟

ملاك : يلا قوم تجهز للجامعة ..

ريان قلب جسمه للجهة الثانية : انا ماراح اداوم انقلعي وطفي النور وسكري الباب ..

ملاك تهز ريان بدفاشه متعمدة : أجل من راح يوصلني ويوصل سيفووه للمدرسة ..

ريان جلس على سريره بكسل وعصبية : أووووووه .. أبغى أعرف من ملسطك علي اليوم .. ( وناظر ملاك من فوق لتحت وهو شوي وينام وعقد حواجبه ) .. وأنتي ليه متجهزة مبكر .. ليكون طق فيك عرق الدفارة وأنا ما أدري .. ؟؟

ملاك تنفخ حول نفسها : توووف تف تووف فاااال الله ولا فالك .. شكلك نسيت أن اليوم خالي طلال بيستأذن لنا وبيمشينا ..

ريان بفهاوة وتوه يتذكر : أهآآآآآآآآآآآآآآآآآ .. مو لله أجل ..

ملاك تقلد عليه : مو لله أجل .. يلا قوم صحصح ..

ريان يهدد ملاك : الحين وقسم بآيات ربي إن ماذلفتي عن وجهي وخليتيني أقوم براحتي دوري لك غيري يوصلك فاهمة ..

ملاك تتأفف : أووف أوكيك لك عشر دقايق .. انا تحت بالصالة .. ( وطلعت ) ..

ريان قام يحك شعره بكسل وهو يبتسم على حركات اخته وقام تروش على السريع وتجهز ولبس له جينز سماوي فاتح وتي شيرت كحلي مايل للأسود وفيه كتابات انجليزية بالذهبي .. وأخذ نظارته الشمسية وحطها على شعره ورش له عطر ونزل الصالة .. سلم على أمه وابوه ..

ملاك واقفة جنب باب الصالة : يلا ..

ريان : هــي هي أنتي وقفي ..

ملاك لفت على ريان بنفاذ صبـر : هااااه .. ؟؟

ريان : يالخبلة اخذي شنطتك .. ؟؟

ملاك تناظر ريان تستوعب اللي قاله وناظرت يدها ماشافت شنطتها : يووووه .. دقيقة أجيبها ..

سيف لابس شنطته سبايدر مان المفضلة : ويييييووو نست شنطتها وييييوو

ملاك عطت سيف نظره سكتته .. وراحت خذت شنطتها ورجعت .. و وداها ريان للمدرسة و وصل سيف لمدرسته .. وبعدين راح لمشاري على واحد من الكوفيات ..

ومر الوقت وصارت الحصة الثالثة بالنسبة للي في المدارس ..

فارس في سيارته ومعاه يوسف وسامي بعد ما استأذنوا من مدرستهم ..

فارس يتصل على خاله رائد : هلا .. إيه هذا أنا ويوسف وسامي استأذنا إيوا أنا بمر على بيتنا .. أنت أخذ سيارة من سيارات أبوي وأنا أدليك مدرسة البنات .. أوكيك كلها خمس دقايق وانا جايك .. باي ..

يوسف : الله ياحلات هالسبت .. أول مرة أحس أني مستانس بيوم السبت ..

سامي : ههههه .. شكلك مشفوح على الغياب ..

فارس : يعني شنو تبغى ندرس علمي لازم نحاول مانغيب .. مو مثل أدبي الي فالينها ..

يوسف : صدقت والله ماحد فالها غيرهم ..

سامي : يهههههه يالكذابين أنا اشوفكم كل اسبوع لازم تغيبون يومين على الأقل ..

يوسف وفارس : ههههههههههههه ..

وصل فارس بيتهم .. وشاف عمه طلال يركب في سيارة مشاري قدام وركب رائد ورا .. وكان ورا سيارة مشاري سيارة ريان ..

مشاري يقرب السيارة من سيارة فارس ..

رائد: أكشخ ياشيخ كبرت وصار عندك سيارة ..

فارس : أحم تسلم ..

طلال : عقبال يوسف وسامي ..

فارس : سامي ماعنده الله يرزقه .. بس يوسفووه دايم منقع معاي بسيارتي ينقاله ماعنده سياره ..

يوسف الي جالس قدام جنب فارس يسوي نفسه بيطلع من السيارة : خلاص أنا أطلع بكرامتي احسن لي ..

فارس مسكه من أطرف بلوزته من جهه كتفه : أنثبر هنا .. مسوي زعلان .. ليه ماخذت وحدة من سيارات أبوي ؟؟

طلال : بصراحة خالك رائدووه يقول متكيسل يسوق ..

رائد : خخخ .. أقول يلا اتصلوا على مشعل خلوه يطلع من المستشفى يمر على دانيا ودانة بالجامعة ويمر على ياسروه و تريك من بيوتهم لانهم غايبين و رامي يمر على مدرسة البنات عشان يخلي نصهم بسيارته والنص الثاني مع ريان

سامي : خلاص أنا الحين أتصل عليهم ..

واتصل سامي على أخوه رامي الي ماداوم بالجامعة كان بالبيت واتصل على مشعل .. وبعد خمس دقايق طلع رامي من بيتهم الي جنب بيت بوفارس وشغل سيارته وحركها لمن وصل لجهة سيارة ريان ..

رامي : صباح الخيغ ( الخير) ..

ريان ببتسامه : صباح النور ..

في نفس الوقت جا مشعل من المستشفى نزل من سيارته ورفع يده يسلم على الجميع : سلاااام ..

الكل اللي في السيارات : وعليكم السلام ..

مشعل : دقايق أبدل واجي ..

مشاري : بسرعة ..

مشعل يدخل بيتهم : أوكي ..

ومرت تقريبا ثلاث دقايق وطلع مشعل وهو لابس تي شيرت أسود سادة وجينز كحلي غامق وركب سيارته : يلا والله أني أحس أن أحنا بمسيره ..

الكل سمع كلام مشعل : هههههههههههههه ..

مشاري : فارس أنت امش قدام و وراك مشعل دله على جامعة دانيا ودانة وبعدين دله على بيت عمي بو أحمد عشان يمر على ياسر ويمر على تركي ..

فارس : اوكي .. يلا أنا بمشي وأشوفكم بعدين وين ؟؟

رائد : في المجمع نلتقي وبعدين نقرر مع البنات وين نروح بالضبط .. وخذ يامشعل هذا هي التبعيات حقت دانة ودانيا

مشعل : أوكي .. يلا فارس ..

فارس : يلا ..

وحركوا فارس ومشعل واختفوا عن أنظار الكل ..

مشاري : وأنت ياريان خل رامي وراك عشان تمرون على مدرسة البنات وأحنا وراكم عشان رائد وطلال عندهم التبعيات للإستئذان ..

ريان ورامي : أوكي ..

ومشوا الثلاث سيارات متوجهين لمدرسة البنات ..

&&&&&&&&&&&&&&&&&&&&&&&&

في مدرسة البنات ..

في قسم المتوسط .. في فصل روان وسارة ..

عندهم حصة حديث ..

سارة تكلم روان الي قدامها : روانووه مو كأنهم تأخروا شويتين ..

روان توها بترد على سارة إلا يسمعون النداء .. ( مسك محمد الـ .. و ملاك سلطان الـ ورهف عبدالكريم الـ وسمر خالد الـ .. استئذان تعالوا الإدارة .. )

روان لفت على سارة وهي فاتحة حلجها من كثر الإبتسامة : استعدي الحين بينادونا ..

سارة : يلا يلا يلا بسرعة ..

مرت تقريبا ثلاث دقايق وسارة و روان ينتظرون على ناااار ..

شوق صديقة سارة جنبها : شسالفة كلهم البنات من عيلتكم الي مستأذنين من دقايق ..

سارة لفت على صديقتها بحماس وقالت بهمس : بلاك ماتدرين شالخطط اللي مخططينها .. إذا رجعت بكرة بقولك ..

شوق : أوكيك ولا اقولك اتصلي علي اليوم احسن ..

سارة بحماس : ولا يهمك راح اتصـ .

إلا يقطع كلامها النداء مرة ثانية ( سارة محمد الـ . و روان عبدالكريم الـ . استئذان تعالوا الإدارة .. ) ..

روان وسارة ماصدقوا على الله خذوا عباياتهم وشنطهم وطلعوا وهم يسون حركات للبنات بأصابعهم ..

ابله الحديث : سارة روان بلا هالحركات ويلا اطلعوا لاتشتتون البنات عن الشرح ..

روان وسارة ما اختقوا لكلام الأبله اطلعوا بسرعة لانهم يبغون يطلعون من المدرسة أساسا .. وصلوا الإدارة وشافوا مسك وسمر ورهف وملاك يلبسون عباياتهم ..

روان وسارة : هاااااااااااااااي ..

البنات : هايااات ..

ملاك : يلا بسرعة عشان لانتأخر ..

روان وسارة بسرعة قاموا يلبسون عباياتهم وطلعوا كل البنات من المدرسة .. وركبت ملاك قدام في سيارة اخوها ريان و ورا روان وسارة وفي سيارة رامي ركبت سمر قدام جنب رامي ورهف ورا وتوها مسك بتركب جنب رهف إلا خالها رائد يناديها : مســك تعالي هنا جنبي ..

مسك ناظرت خالها رائد كان راكب مع مشاري : لا اخاف أسوي زحمة ..

رائد : أقول بتجين ولا أجي أسحبك لعندي ..

مسك تعرف خالها إذا يبغى شي يسويه : اوكي .. ( وتوجهت لسيارة مشاري وشافت أن مكانها راح يصير ورا كرسي مشاري .. استحت شوي بوم شافت مشاري يناظر قدام بتفكير بدون مايحاول يلتفت لها أو يناظرها س بعدين قالت خلاص بتركب عشان لاترتبك أكثر .. فتحت الباب وركبت : السلام ..

الكل : وعليكم السلام ..

رائد : هلا بمسوك حبيبت قلبي ..

مسك ابتسمت لخالها بدون ماترد ..

وحرك مشاري سيارته ورا سيارة ريان ورامي متوجهين للمجمع ينتظرون مشعل وفارس ..

عند مشعل وفارس .. استأذنوا لدانيا ودانة .. ومروا على ياسر وتركي .. صار تركي قدام جنب مشعل و ورا دانيا ودانة .. أما ياسر ركب جنب سامي ورا في سيارة فارس .. وحركوا على المجمع ..

في الطريق للمجمع في سيارة مشاري ..

رائد : مشاري وقف وقف أبغى اشتري لي كوفي من ذا المحل ..

طلال : ياشيخ انتظر لمن نشتري من المجمع أحسن ..

رائد : كيفي أبغى اجرب الي من هنا وبشتري بعدين من الي بالمجمع ..

مشاري يسفط سيارته على جنب : أوكي .. يلا ..

رائد : يلا طلال انزل معاي نشتري كوفي ..

طلال يساير رائد : يلا ..

مشاري كان بينزل معاهم .. بس رائد يتليعن : لا تنزل يامشاري مايصير نترك مسك بروحها بالسيارة .. أنتظر هنا ..

مسك الود ودها تخنق خالها على حركته .. بس ماتقدر تقول شي ..

مشاري ابتسم بهدوء : أوكي انتظركم ..

رائد وطلال انزلوا من السيارة عشان يشتري رائد كوفي .. وظل مشاري مع مسك بالسيارة .. السيارة يعمها الهدوء مشاري مستانس ومرتبك شوي في نفس الوقت .. ومسك ميته حرج من مشاري .. مشاري تسند بهدوء على الكرسي حقه وقطع الصمت الي مخيم على السيارة بكلمات قصيرة : أخبارك مسك .. ؟؟

مسك تناظر النافذة الرايح والجاي تبغى تلهي نفسها بأي شي وتتجنب مشاري .. ردت بصوت خجول و واطي : الحمدلله . وأنت ( ماتدري كيف طلعت منها ) ..

مشاري ابتسم وناظرها من المراية : انا بخير دامك بخير ..

ورجع الصمت يخيم على السيارة مسك تلعب بتعليقة شنطتها وتفكر .. بس مرة ثانية مشاري قطع الصمت : مسك ..

مسك رفعت عيونها تناظره من المراية .. واهو يناظرها من المراية جات عينه في عينها .. وابتسم ولف عليها : لو أتقدم لك توافقين ..

مسك ماتوقعت هالسؤال يطلع من مشاري .. قامت تناظره بعدم تصديق .. ولسانها مربوط ..

مشاري يبغاها تتكلم : السكوت علامة الرضا ..

مسك : أأأ .. أأ .. شنو قلت ؟؟ ..

مشاري فهمها فابتسم لها : هههه .. يعني موافقة ؟؟

مسك تجرأة شوي : ما ادري .. ( تقصد يعني بتفكر ) ..

مشاري خاف انها تقصد أنها رفضته : يعني رافضتني ..

مسك رفعت عينها له بسرعة : شفيك ؟؟ .. أقصد أنت فاجأتني بسؤالك ..

مشاري : مسك انا راح أسوي المستحيل عشان توافقين ..

مسك نزلت عيونها بارتباك تناظر شطتها .. وفي هاللحظة اركبوا رائد وطلال وحركوا على المجمع على طول .. وطول الوقت رائد ومشاري وطلال يسولفون ومسك ساكته إلا إذا خالها رائد كلمها ترد رد بسيط وتسكت ..

وصل الكل عند المجمع ونزلوا من السيارات وانقسموا لقسمين وادخلوا وجلسوا في أقرب كوفي على طاولتين كبار ..

واطلبوا لهم موكا باردة .. وجلسوا يسولفون ..

ياسر وتركي توهم جالسين يشربون من الموكا .. ياسر بصق الي شربه في نشاف وتركي نفس الشي ..

ياسر : وووووووووووووع إيش هذا .. ياجرسوووون جرسووون ..

جا الجرسون .. : نعم ..

ياسر معصب : من الي قالك حط ملح هاااا .. بس بس رح رح .. ( لف على سارة ) سوييييييييرة

سارة لفت عليه وعلى وجهها علامات الأنتصار : واحد واحد مثل حركتك أنت وتريك في الصرصور ..

مسك : ههه إيوا تستاهل لأني ارتعت معاها ..

ملاك بلقافة : شنو سوو هالمرة ..

سارة قالت لهم القصة والكل فطس من الضحك على حركات ياسر وبعدها جلسوا يسولفون

رائد : ها يابنات ؟؟ شرايكم وين تروحون ؟؟

رهف وملاك و روان وسارة بنفس الوقت : الملاااااااااااهي ..

الكل قاموا يناظرون فيهم وبعدين ابتسموا وأيدوا الفكرة وراحوا أقرب مدينة ملاهي وطبعا الحساب كله صاير على طلال ورائد ..

وجلسوا البنات يلعبون وحتى الشباب ماعدا رامي اللي كان يناظرهم وهو يدخن ويبتسم لهم .. ومشعل الي يقول مايصلح أهو كبر على هالأشياء ودانيا تقول نفس الشي كبرت على هالألعاب ودانة خوافة .. اما باقي يالشباب والبنات فالينها على الأخر ..

دانة لمحت لعبة الرماية إذا صوبت ثلاث كرات في الهدف تقدر تاخذ دبدوب متوسط الحجم ..

دانة : دانيا دانيا ..

دانيا : هلا ..

دانة : شوفي ذيك اللعبة شرايك فيها ..

دانيا : الله من زمان عن هاللعبة يلا خل نجرب حظنا ..

وراحوا ثنتينهم للعبة وجربوها ولا فازوا ..

دانيا : خسااره والله نفسي في الدبدوب ..

: والله مايظل بنفسك اجيبه لك ..

دانيا ودانة لفوا على ورا ..

دانيا : يلا طلال جيب لي الدبدوب ..

طلال مسك كورة : أحم بسم الله

ولعب اللعبة وفعلا فاز في اول رمية .. شافته رهف ..

رهف : أكشخ يلا فووز ..

جاو ملاك وروان وسارة ودخلوا عرض : يلا .. انا عارفة انك راح تفوز .. أنت قدها وقدود .. مافيه أحسن منك في الرمي .. ( جمل متفرقة منهم .. )

ورمى طلال مرة ثانية واصاب الهدف في الرمية الثانية ..

طلال لف على دانيا : ها تبغين الدبدوب ولا خلاص ..

دانيا بحماس : إي أبغيه ..

جاو مسك وسمر وبقية الشباب وتجمعوا على طلال .. طلال رمى الهدف الثالث وصابه .. الشباب والبنات صفقوا لطلال ..

طلال : خلاص هذا هو جا تبغين اي لون ؟؟..

دانيا تأشر : الابيض ..

طلال اخذ الدبدوب الأبيض وعطاه دانيا

دانة : حتى انا أبغى ..

رهف : وأنا بعد ..

روان ومسك : واحنا ..

سارة : حتى أنا .. وسمر بعد ..

سمر ناظرت سارة وأبتسمت .. وسارة ردت لها الإبتسامة ..

رامي قرب من اللعبة عشان يلعب : شوي ..

ياسر : عاد أنت اسمك رامي يعني لازم تفوز ..

تركي : إيوا مو حي الله ..

رامي ابتسم لهم .. طفا زقارته .. ولعب في اللعبة وبسرعة فاز والكل صفق له ..

لف رامي على البنات : من يبغى الهدية ؟؟ ..

البنات كلهم بصوت واحد : أنا ..

الشباب كلهم ضحكوا عليهم : ههههههههه ..

دانيا : لالا دانة أول لانها أهي اللي قالت لي عن هاللعبة ..

رامي لف على دانة : أي لون تبغين ..؟؟

دانة : نفس دانيا الأبيض ..

رامي أخذ الدبدوب الأبيض وعطاه دانة .. وطبعا البنات تحججوا كلهم يبغون دبدوب .. والشباب ماقصروا لعبوا وعطوا كل وحدة دبدوب .. واطلعوا من الملاهي على الظهر وراح الكل على بيته مسانس ..و طلال على العصر راح الحلاق وحلق شعره مثل رائد ..

بعد اسبوع .. رجعوا رائد وطلال لأمريكا والبنات حزنوا وبكوا شوي .. بس طلال ورائد قالوا لهم أن باقي لهم شهر ونص ويرجعون على طول .. و مسك قالت لابوها أنها وافقت على مشاري .. وبوفارس قال لمشاري عن موافقة مسك .. ومشاري طااااااااااااااااااار من الفرحة والدنيا مو سايعته .. وتقدم لمسك رسمي .. وردت لهم مسك رسمي بعد اسبوع مرة ثانية من التفكير بالموافقة والكل فرح من قلب لمسك .. وحددوا موعد الملكة يوم الثلاثاء ..

يوم الاحد في المدرسة ..

نهــــــآآية البارت التــ عشر ــآسع .. ^^

أرائكم وتوقعاتكم تهمني ..^^

&&&&&&&&&&&&&&&&&&&&&&&&&&&&&&

~| البــآرت العـــشرون |~

بعد اسبوع .. رجعوا رائد وطلال لأمريكا والبنات حزنوا وبكوا شوي .. بس طلال ورائد قالوا لهم أن باقي لهم شهر ونص ويرجعون على طول .. و مسك قالت لابوها أنها وافقت على مشاري .. وبوفارس قال لمشاري عن موافقة مسك .. ومشاري طااااااااااااااااااار من الفرحة والدنيا مو سايعته .. وتقدم لمسك رسمي .. وردت لهم مسك رسمي بعد اسبوع مرة ثانية من التفكير بالموافقة والكل فرح من قلب لمسك .. وحددوا موعد الملكة يوم الثلاثاء ..

يوم الاحد في المدرسة ..

عند أماني وشلتها في الفسحة ..

هدى : أموون عندي لك شي راح يساعدك وبقوة على انتقامك ..

أماني بغرور : أوكي قولي مع أني مو محتاجة جهزت الفيديو وبرسله اليوم لوحدة من خواته عشان يعرفون أخوهم عدل ..

هدى : لالالا .. ماتدرين إن مشاري خطب ..

أماني بقوة لفت على هدى وهي متفاجأة : جـــد ( وابتسمت ابتسامة مكر ) .. خلاص نرسله لخطيبته أحسن ..

هدى وهي تهز راسها بطريقة تنرفز وتحرك حواجبها : وانتي تعرفين من خطيبته ..

أماني عقدت حواجبها : يووووه .. من وين نجيب عنوانها الحين ..

هدى حطت يدها على كتف أماني : ياقلبي عنوانها هنا ( وهي تحرك بصبعها السبابة بحركة دائرية بالهوا بمعنى في المدرسة ) ..

أماني : طيب من هي .. بالقطارة تقولين ..

هدى : ههه .. طيب طيب ذيك الي اسمها على ما أعتقد مسك .. أيوا مسك أخت سويرة .. ذيك المغرورة وقالت لك ذاك اليوم عرفي أنا مين وأنتي مين عرفتيها ؟؟؟..

أماني كانت معقدة حواجبها وتناظر هدى بتفكير .. بعدين اتسعت عيونها : إيييييييييييييييييييييه .. عرفتها عرفتها .. هيين يامسييك الحين جا الوقت الي انتقم منك ومن مشاري هيـن ..

&&&&&&&&&&&&&&&&

عند مسك ورنا وخلود في الفصل بعد ما رن جرس انتهاء الفسحة.. بس مبعد تدخل استاذتهم عندهم ..

جلسوا مسك وخلود ورنا على كراسيهم .. طبعا خلود عند الجدار وجنبها مسك وجنب مسك رنا .. ومسك الي كانت جالسة بالوسط شبكت يدها اليمين بيـد رنا ويدها اليسار بيـد خلود ..

مسك ببتسامة عذبة : الله يبارك فيك ياقلبي عقبالك يارب ..

رنا باستهبال : آميييييييييين ..

خلود ومسك : مشفووووووحة على الزواج ..

رنا تتميلح عند مسك : ههه .. أحم .. مسووك ماعندك واحد هنا ولا هناك حلو لي .. يعني اخوك الخوقاقي مثلا

مسك : ههههههه .. ترى بـوصل له الكلام ..

خلود تستهبل مثل رنا : وأنا بعد مافيه واحد لي ..

مسك : ههههه شرايكم أخلي أخوي ياخذكم ثنتينكم مرة وحدة ..

رنا وخلود : هههههههههه ..

مسك دخلت يدها في الدرج حقها عشان تطلع مقلمتها حست أن فيه ورقتين في درجها .. ورقة مسفوطة .. وظرف .. طلعتهم وهي مستغربة : شنو ذا ؟؟ ..

خلود سحبت الورقة المسفوطة والظرف من يد مسك وقامت تقلب فيهم وهي رافعة حاجبها وتبتسم : شكلهم رسايل من معجبات ..

رنا وقفت وهي منحنية لجهة طاولة خلود وسحبت الورقة والظرف منها : أووه مرة ثانية رجعوا المعجبين يرسلون .. أمداهم أنقطعوا اسبوع ..

خلود : إي والله ..

مسك سحبت الورقة والظرف من يد رنا : ههه وأنتي وياها ليه غيرانين مني ها ..

خلود ورنا بنفس الوقت : مالت عليك ..

خلود تكلم رنا : تقول أن احنا غيرانين منها .. أغلبهم من بنات متوسط البزران ..

رنا جلست على كرسيها وحطت رجل على رجل وقالت بطريقة تضحك وهي تحرك شعرها المربوط بطريقة ذيل الحصان بسرعة : صدقتي .. كلهم يسون أنفسهم من الوااااي يعني دلع .. مساكين مايدرون عنها أنها مافيها دلع .. ( طبعا رنا وخلود جالسين يمزحون على مسك مو جد ) ..

مسك تفتح أول شي الظرف وتطلع الورقة الي فيه وهي تنقل نظراتها بين خلود ورنا : ها أخليكم تقرون معاي ولا ..؟؟

رنا وخلود قربوا من مسك عشان يقرون معاها ..

كانت الورقة الي طلعتها من الظرف مزينة بألوان خشبية بلون وردي وفيها ستيكر قلب وردي وطريقة التزين وشكل الخط وتنويع الألوان في كل كلمة تدل على ان البنت من أول متوسط .. والكلام طبعا كلام حب وأنها تبغى تتعرف على مسك وأنها معجبة فيها.. وفي نهاية الرسالة مكتوب اسم المرسلة : مجنونتك .. وبعد الأسم في نهاية الرسالة من الأطرف مكتوب بين قوسين باللون الأخضر ( ملاحظة ممكن اشوفك بعد الحصة الرابعة في الكافتيريا ) ..

رنا : ههههههه والله وصار لك مجانين بعد ههههههههههه ..

خلود : ههههههه .. بس بجد أغلب الي بمتوسط تحسينهم إذا اعجبوا فيك ينعجبون من قلب ورسايل وهدايا وعفايس ..

مسك ابتسمت : شنو علينا الحصة الخامسة ؟؟ ..

خلود طلعت جدولها وهي حاطة صبعها على الحصة الخامسة : إممم علينا فيزياء .. شكلها غايبة لأني اليوم ماشفتها بالطابور .. يعني بتصير انتظار ..

رنا على طول فزت وراحت عند وحدة من البنات وسألتها عن استاذة الفيزياء والبنت راحت غرفة المدرسات تتأكد أن الأبلة حضرت أو لا .. ورجعت البنت وقالت بأعلى صوتها ابلة الفيزياء غايبة والفصل كله قام يصارخ من الوناسة .. بس قطع عليهم وناستهم دخول استاذة الرياضيات وكل وحدة رجعت كرسيها وهي تنتظر تجي الحصة الخامسة ..

&&&&&&&&&&&&&&&&&&&&&&&&&&&

نروح لمكان ثاني في مكان غير .. في الجامعة عند ريان ومشاري ورامي ..في الكلاس حقهم .. الأستاذ يشرح المحاظرة اللي ولا واحد من طلاب الكلاس فاهم عليه ..

ريان جالس يسولف مع مشاري ومو مع الأستاذ أبداً .. ورامي جالس حاط يده على خده بملل وعيونه على الأستاذ وهو فاهم المحاظرة بدون شرح الأستاذ بس جا كتسجيل حضور وطول الوقت عقله مو معاه ..

ريان : أكشخ ياشيخ من قدك .. أثر عيونك على مسك .. وأنا أقول ليه قبل كم اسبوع أنك قررت تترك حركات النص كم .. ( ويغمز له ) ..

مشاري اللي كان ماسك جواله ضرب جبهة ريان فيه بس بالخفيف وابتسم : اولا أكيد ماحد قدي .. ثانيا لوا تجيب اسم زوجتي على لسانك .. قول حرم مشاري وبس .. وثالثا أصلا أنا أنقرفت منهم وكنت أحاول أعلمهم درس أهلهم علموهم إياه بس ما حفظوه .. فهمت ..

ريان يحك جبهته مكان ماضربه مشاري بالجوال : آآح وجع لاتضرب .. ههه ولا بعد صارت حرم مشاري ها .. على كل حال خلاص انت علمتهم والحين راح تنساهم وتتفرغ لـلحلوة مسك ( قالها عشان يغايض مشاري ) ..

مشاري لف على ريان ورفع يده كأنه بيعطي ريان كف بس الأستاذ شافه ..

الأستاذ : مالك يامشاري بتعمل إيه ..

مشاري لف على الاستاذ وهو يأشر له : ولا شي .. لو سمحت كمل كمل ..

الأستاذ : انتبه للشرح .. ( و ناظره بأطرف عينه كان وده يرد عليه بس هو من عايلـه ال المعروفة وعندهم نفوذ في كل مكان تقريبا ..) ..

ريان بصوت واطي : هههه وصرت تعرف تقول لو سمحت ها ..

مشاري ناظره بأطرف عينه بدون مايلف وهو يحاول يفهم على الأستاذ : اسكت ..

ريان فهم ان مشاري يبغى يلقط له كم كلمة من المحاظرة .. وتعدل وصار يسمع للمحاظرة ..

&&&&&&&&&&&&&&&&&&&&&&&&&&&&&&

نرجع لمدرسة الثنوية الي فيها مسك ..

انتهت الحصة الرابعة وجات الحصة الخامسة وكانت عليهم انتظار ..

مسك تقلب الورقة المسفوطة الي كانت جنب الظرف بدرجها وفتحتها ورفعتها وهي تحركها وتناظر خلود ورنا: تعالوا شوفوا فيه ورقة مسفوطة كانت في الدرج جنب الظرف ..

رنا وخلود الي كانو واقفين جنب السبورة راحوا عند مسك وهم مستغربين ..

رنا جلست جنب مسك : اقريها يلا ..

خلود وقفت قبال طاولة مسك : بعد ليكون معجبة ثانية ..

مسك فتحتها وقرتها : هذي وحدة على قولتك معجبة وتبغى تلاقيني بدورة المياه الحصة الخامسة..(وانتوا بكرامة) .. وتقول تبغى تتعرف علي اكثر ..

رنا سحبت الورقة وقامت تحركها بالهوا : إيش ذي كاتبتها بورقة دفتر ولا بالقلم الأزرق وخط رديئ .. الناس لو يبغون يتعرفون على الأقل ترتب الورقة مو كذا ..

مسك ابتسمت : عادي .. يلا أنا بطلع الكافتيريا أشوف البنت الي تقول عن نفسها مجنونتي هههه .. وأمر على دورة المياه مرة وحدة أشوف هذي ..

خلود : يلا روحي بس لاتتأخري وتاخذي الحصة كاملة .. نعرفك مع هالمعجبات ياخذون وقتك ..

مسك ابتسمت : أوكيك ..

وراحت مسك وطلعت وراحت على الكافتيريا وشافت البنت اللي رسلت لها رسالة بالظرف وكانت مثل ماتوقعت من أولى متوسط وكانت البنت يدل شكلها انها حركية ورجة راحت لها مسك وسلمت عليها وجلسوا على وحدة من الطاولات وكانت البنت حبوبة وعفوية وتدخل القلب بسرعة وجلست مسك معاها عشر دقايق ..

البنت الي اسمها إيمان : شكل عندك معجبات غيري صح ؟ ..

مسك ابتسمت لها وهي حاطة رجل على رجل : إيوا .. شنو دراك ؟؟ ..

إيمان : لأني يوم جيت بحط الظرف بدرجك شفت بنت قالت لي حطي هالورقة في درج مسك ..

مسك : ههه .. ماشالله عليك فطنة .. طيب أنا لازم أقوم الحين وأنتي رجعي لفصلك ولاتضيعين حصصك ..

إيمان : طيب .. وحتى انتي حرصي على نفسك وجيبي نسبة حلوة ..

مسك ابتسمت لها : أوكيك .. بايات ..

إيمان قامت : باي .. ( ومشت لفصلها وهي مستانسة أنها تعرفت على مسك الي سمعت عنها كثير من اول مادخلت متوسط ) ..

مسك ناظرت ساعتها وبعدين تذكرت أن البنت الثانية تنتظرها بدورة المياه فراحت لدورة المياه الي بالثنوي ومالقتها .. فكرت أنها بدورة مياه المتوسط وراحت هناك .. اول مادخلت دورة المياه شافتها فاضية فقررت انها ترتب شعرها اللي كانت رافعته بشريطة صفرا ومسويته كيرلي لمن تجي البنت ..

. : هلا والله وغلا بالمغرورة ..

مسك على طول رفعت نظرها للمراية الي قدامها عشان تشوف صاحبة الصوت الي جا من وراها وعقدت حواجبها يوم شافت بنتين يطلعون من نفس دورة المياه و وحدة منهم صارت واقفة ورا مسك وهي نفسها الي كلمتها توها ..

مسك بهدوء : نعـم ..!

البنت الي ورا مسك ابتسمت بسخرية : الله ما أدري كيف نسيتيني بهالسرعة .. انا هدى .. مسرع نسيتي ..

مسك لفت على هدى وناظرتها وناظرت البنت الي شعرها بوي مررة وطويلة وعريضة وتسكر أزرار ياقة مريولها وتغسل يدينها وتبتسم وتكلم هدى : انتي اكثر صديقة مميزة .. وحلوة ( وغمزت لها ) ..

هدى فهمت عليها فابتسمت لها بخبث : وانت أحلى حمودي ..

مسك تتنقل نظراتها بين هدى وبين البنت الي معاها وحست أنهم شذوذ وقررت تطلع ولا تظل بنفس المكان اللي هم فيه .. وقربت عند الباب عشان تطلع إلا هدى بسرعة وقفت عند الباب تمنع مسك انها تطلع ..

هدى : بدري ..

مسك ناظرتها بنظرات استحقار : باعدي عن طريقي ..

هدى ابتسمت ابتسامة استفزازية : وإذا ماباعدت ؟ ..

مسك مسكت هدى عشان تباعدها عن طريقها بقوة : وخررررررري زين ..

هدى واقفة بقوة عند الباب : حمـد امسكها بسرعة ..

طبعا هدى تقصد البنت الي معاها واسمها حميدة بس هم يسموها حمد لانها بوي مرررة وهذي البنت شاذة ومصدقة نفسها أنها ولد ..

حميدة حوطت يدينها بـ مسك وهمست بأذنها : حبيبتي خلاص بلاش لعب بزران .. خلينا نستانس ..

مسك ارتاعت من وقاحة هالبنت وخافت على عمرها وحاولت تفك نفسها من هالبنت .. بس ماقدرت الفرق بين حجم مسك اللي طولها متوسط وضعيفة وحجم حميدة الطويلة والعريضة ..

مسك علت صوتها شوي : تركيني يا وقحة ..

حميدة وهي محوطة مسك بيدينها من ورا وتقرب وجها من وجه مسك : ماعليه مقبولة منك ياحلوة ..

إلا صوت دق باب دورة المياه مرتين وتفتح هدى الباب وتطلع لخمس ثواني وترجع وهي تبتسم ومعاها وحدة رافعة خشمها على البنات وراعية مشاكل الي هي أماني ..

أماني أول مادخلت وشافت شكل مسك الي بين يدين حميدة ابتسمت ..

أماني : ها حمد شرايك فيها ؟؟ تصلح صح ..

حميدة تضغط على مسك بقوة اكثر : أكيد بتعجبني كل هالقمر تجنن بلد ..

مسك تحركت بقوة عشان تتركها حميدة بس ماقدرت ..

أماني شافت مسك وضحكت : هههههه حمد اتركها شوي ..

حميدة تركت مسك ومسك بسرعة بعدت عنها وقربت من الباب عشان تطلع ..بس أماني دفعت مسك بقوة لدرجة أن مسك بغت تطيح بس مسكت بالجدار ..

أماني : تو الناس ياروح ميشو ..

مسك ناظرت اماني بتعجب : نعم ؟؟؟؟ ..

أماني تتصنع الحزن : إيوا حبيبي قلبي ميشو بعد ماوعدني أنه يتزوجني وطلعني كل مكان .. وعطيته اللي يبغاه يتركني عشانك ..

مسك فتحت عيونها على الأخر : كذاااااابة ..

أماني تناظر مسك وفي عيونها دموع التماسيح وتدور حولها و وصلت عند حميدة وشبكت يدينها على رقبة حميدة وهي دافنة راسها في حضن حميدة وحميدة بدورها مسكت خصر أماني : يعني تسوين نفسك بريئة بعد مالعبتي على ميشو حبيب قلبي واخذتيه مني تسوين نفسك ولا سويتي شي هئ هئ ..

حميدة : خلاص حبي ما ابغى اشوف دموعك ..

مسك بثقة تحاول تسيطر على الموقف الي هي فيه وناظرت أماني وحميدة بنظرات اشممئزاز : كذابة انتي بس تبغين تفرقي بيني وبين مشاري ..

أماني لمعت عيونها بمكر وطلعت بطاقة مشاري الشخصية ورمتها على مسك وهي تتصنع العصبية : شوووفي شووفي حتى هو عطاني بطاقته وأرجعها له لمن يجي يخطبني ونكون مع بعض سوا .. ( وقلبت تتصنع الحزن والبكا ) . بس انتي اخذتيه مني ولعبتي بمخه ..

مسك اخذت البطاقة الي تهاوت قدامها وطاحت على الارض وتناظرها بعدم تصديق ويدينها تهتز وهي تشوف صورة مشاري بالبطاقة الشخصية وتقول بنفسها "" هـ هــذا هـ هــووو ككييييف كيييييف "" وصار فكها الأسفل يرتجف .. وتماسكت على آخر مابقى من ثقتها بمشاري : كذااااابة كذاااااااااااااابـة انتي سارقتها أكيد سارقتها ..

أماني تقدمت من مسك بغضب حقيقي وعيونها شوي ويطلع منها شرر : أنتي ماتفهمين .. طيييييييب طيب إذا أنتي مو مصدقتني خذي هذا وعرفي وتأكدي ..

وضربت أماني مسك بقوة من جهة كتفها بشي صغير كان بين يدين أماني وطاح على الأرض ..

أماني تناظر مسك باحتقار : فتحي عيونك عدل وعرفي حقيقة ميشو بعدين تكلمي .. باللي مايحفظك .. حمـد هدى مشينا ..

وطلعوا كلهم من دورة المياه تاركين مسك مصدومة من الي سمعته ..

مسك تناظر باب دورة المياه وهي مصدومة وترتجف وماسكة بيدها اليمين بطاقة مشاري الشخصية ونزلت عيونها ببطئ للشي اللي طاح انحنت بهدوء ومسكت المومري وهي تناظره وفي راسها ألف فكرة وفكرة عن اللي فيه وتحسس أنها بتبكي بس ماسكة نفسها .. وحطت البطاقة والمومري بجيبها وغسلت وجهها وطلعت من دورة المياه متوجها لفصلها وهي ترتجف بالخفيف .. وأول مادخلت الفصل ماتكلمت وطول الحصص سرحانة وعلقها مو معاها ..

رن جرس نهاية الدوام وكل اللي في المدرسة رجعوا بيوتهم .. وجا الليل على الساعة 7 الليل ..

عند رهف و روان في فلتهم ..

رهف ماسكة الخدادية حقت الكنب وتكلم روان الي جالسة تفرفر بالتلفزيون من الطفش : ما أصدق أن مشاري أخيرا راح يتزوج .. ولا بيتزوج من مسوك فديتها .. ودي نجتمع الحين ونفلها قبل الملكة ..

روان بقوة رمت ريموت التلفزيون ونقزت عند أختها واحضنتها : فديييييييييتك جاتني فكرة حلوة من هذرتك .. أخيرا طلعت فايدة من هذرك ..

رهف تبعد روان وتضربها بالخفيف : مالت عليك وأنا اللي قلت أجلس اسولف لك واسليك ..

روان تتلفت يمين وشمال وتركض للتليفون بسرعة : بعد شوي بتشكريني قد شعر راسك ..

رهف باهتمام قربت عند روان وجلست جنبها : على مين تتصلين ؟؟..

روان وهي حاطة سماعة التليفون على اذنها ابتسمت لرهف : راح اتصـــ . الوووووو .. هلا بو الفرس .. ههه عادي اقط الميانة شفيها .. ههههه طيب وين العرووووسة مسوك ولا ساروه .. طيب قولهم يجون بيتنا ضروري مسوين جمعت بنات وشباب يعني حتى أنت تعال وقول ليوسف والباقي أوكيك .. لاتنسا ..بايايت ..

رهف واللقافة ذابحتها : شنو أنتي مسوية جمعه بنات وشباب متى جهزتي ؟؟..

روان الإبتسامة فالعه وجهها : عادي توني سويتها مافيها شي نجلس ونتجمع أحسن من هالجلسة العاطلة ..وعشان مشاري ومسك يستانسون قبل الملكة ..

رهف قامت بسرعة : أجل قومي على الأقل نجهز المسليات على السريع ..

روان قامت : يلا .. بس دقيقة أتصل على ملوك ودانيا ودانة ..

رهف وهي متوجهة للمطبخ : أوكيك ..

وراحت رهف تشوف المسليات وقالت لأمها أن البنات والشباب راح يجون .. وأمها قالت لها حياهم البيت بيتهم .. واتصلت روان على ملاك وملاك ماصدقت على الله قالت أنها بتجي ونفس الشي دانيا ودانة واتصلت على سمر وقالت لها وسمر رفضت بس روان جلست على قلبها لمن اقنعتها .. وصارت الساعة سبع وربع ملاك جاتو سمر وسارة جاو بعد خمس دقايق من وصول ملاك بعد ما اقنعوا مسك لأنها رفضت أنها تروح بحجة أنها مخطوبة لمشاري ومو حلوة يشوفها بس اقنعوها انها تجي معاهم بيت عمهم بومشاري .. وفي نفس الوقت وصلوا دانة ودانيا .. وطبعا جا فارس ويوسف وياسر وتركي وسامي وريان ورامي ومشعل .. وسيف وسالم جاو عشان يجلسون مع عبدالله يلعبون معاه ..

تجمعوا كل الشباب والبنات بالمجلس الي كان فيه طاولة فيها مكسرات وجلكسيات وبطاطسات وكم صحن ورق عنب .. طبعا رهف بسرعة جهزتهم وخلت الشغالة تساعدها ..

روان انقزت على طولها وهي مشبكة يدينها وبطريقة استهباليه قالت : طبعا هذا التجمع على شرف أخوي المعرس أحم ميشو و العرووسة بنت عمو مسوك قبل الملكة ..

الكل انتقلت نظراتهم بين مشاري ومسك وقاموا يصفقون لهم .. ومشاري ماحد قده بالوناسة اما مسك قلبت الوان وقلبها ناغزها على اللي صار اليوم بالمدرسة ولحد الحين مافتخت المومري الي من أماني ..

مشعل : الله يامشاري أنت بتتزوج وأنا لحد الحين عزوبي ..

ياسر وتركي : قصدك معنس ..

يتبع ,,,,

👇👇👇

تعديل المقال