رواية اذا انتثر دمع عينك -15

رواية اذا انتثر دمع عينك -15

دانيا : ليه ماتنزل كل سنة .. أتذكر أخر مرة شفناك فيها قبل سنتين ..

طلال : والله شنو اسوي يابنت أختي أنا ورائد ضاغطين أنفسنا بالسمستر نخاف ننزل ونهون نرجع لأمريكا .. بس تصدقون كلكم تغيرتوا علي بالمرررة ..

روان شبكت ذراعاها بذراع عمها : قول شنو الي تغير عليك من كل وحدة ..

طلال : إممم خليني أبتدي من اليمين لليسار .. طلعا كلكم صرتوا أحلى بكثيير .. روان أحسك طولتي عن أول ..

روان : أحـم الله يطول بعمرك ..

طلال ابتسم : رهف شعرك صار أطول وأنعم ..

رهف الي كانت رابطة شعرها ذيل الحصان حطته على قدام : أحــمتين مو أحم وحدة ..

طلال ابتسم لها ونقل نظراته لسارة : سارة ياسارة .. إممم صرتي احلى بكثيير وعيونك احسهم فتحوا أكثر .. ياحظ الي بياخذك ..

سارة ترمش بعيونها : كـح .. والله أنك حلو تدري ..

طلال ابتسم : ههه أدري .. سمر صح ؟؟

سمر ابتسمت بخجل : إيـوا ..

طلال : سمر ياسموور يابنت بريطانيا .. والله لي سبع أو ست سنوات ماشفتك يوم نزلنا من أمريكا قبل سنتين كنتوا مو موجودين .. بس يابنت إيش الحلا هذا .. والله أنك نعوومة وهادية .. شكلك رومانسية ..

سمر استحت وابتسمت بدون ماترد ..

البنات كلهم بصوت واحد : أوووووو .. حركااات ..

طلال : وأنتي شكلك اعقل البنات بعد دانة .. نجي لملوك .. ملاك احس أن عيونك زادو حلا عن أول بكثير وملامحك صارت شي خطير ..

مسك : ليه هي قنبله ..

الكل : هههههههه ..

طلال : ههه مسك والله لو أني مو خالك كان تزوجتك .. رزة وكشخة وحركات .. أنا لازم أخلي واحد من عيال أخواني أو خواتي ياخذونك قبل الغريب ..

مسك استحت شوي وحطت يدينها على شعر عمها واعفسته بس طلال شكله حلو : طلووول ..

طلال حط يده اليمنى على شعره : ههه حدك عاد هذا الشعر المقدس .. اللي مطيح بناات أمريكا ..

البنات : ههههههههههه ..

طلال مد يده على وراه على جهة الكنب سحب يد دانه على جهة كتفه : مين دانوووه ؟؟..

دانة : ههه أي دانة ..

طلال لف عليها : اووف أووف دانة أيش هالحركات .. قولي لي لحد الحين كم واحد خطبك ..؟؟

دانة : هههههه ..

طلال ناظر دانيا : وأنتي يادانيا قولي لي أنتي وأختك كم شخص جا خطبكم ؟؟..

دانيا : ههه .. حلوة كم ذي ..

رهف : ياعمي يامكثرهم بس دايم يرفضوهم .. وكلهم مو من العايلة ..

طلال : لالا أنا ناوي اعرسكم كلكم من عيال عيلتنا ياخذونكم أحسن من مايخذونكم ناس ثانين ..

البنات : ههههههههه ..

طلال ناظر ربى : عاد أنتي مانقدر نقول عنك شي بس اكيد انتي من الأشخاص المهمين لان عندك ولدنا الي مبعد يشرف ..

ربى ابتسمت : الله كريم ..

وجلسوا يسولفون .. بعد ربع ساعة طلعوا كلهم في الحديقة يسون باربـيكيو ..

الرجاجيل في المجلس مريحين .. أما الحريم جلسوا داخل في الصالة وكل بين ربع ساعة تطلع أم فارس تشوف الأوضاع بعدين تدخل .. أما الشباب والبنات جالسين يسون الباربـيكيو .. الي يحط قطع الدجاج في الأصياخ والي يحرك الفحم عشان يشتغيل والي يجهز الصحن عشان يحطون فيه الدجاج الي يستوي والي جالس يسولف .. طبعا سالم وسيف وأسيل وعمار وعبدالله كلهم داخل يلعبون بلاي ستيشن .. عشان مايزعجون الشباب والبنات ..

دانة : ملاك وين مرت أخوك ربى ؟؟..

ملاك : داخل تقول ماتقدر على دخان الشوي ..

دانة أهآآ ..

جلسوا دانة و رهف على الطاولة الي جنب المسبح الي جالس عليها رائد و رامي الي يدخن ويسولف مع رائد .. وريان وطلال و سمر ودانيا ومسك جالسين على بساط فارشينه على الحشيش ..

أما عند الفحم سامي وفارس وسارة و روان .. و يوسف ومشعل ومشاري كل دقيقة مخلين تركي وياسر رايحين جاين يجيبوا قطع الدجاج ويرتبونهم عشان لمن يستوي الفحم يحطوه ..

عند رائد ورامي ..

أول ماجاو دانة ورهف رحب فيهم رائد : هلا والله باللي ذبحنا طلالوه عليهم وأحنا بامريكا ..

رهف ودانة : مشكور ..

رهف : أقول رائد الحين أنت كم باقي لك وتخلص دراسة ..

رائد : آآآآآآآآآآه .. والله ياشيخة كلها شهرين ونفتك وجاين مرة ثانية بس بالشهادات ..

دانة : الله يوفقكم .. ( وناظرت رامي الي جالس يدخن ويناظر ماي البركة ) ليـه تدخن ؟؟ ماتحس أنك تخرب جسمك فيها .. ؟؟

رامي لف عليها وتأملها مدة دقيقة تقريبا وأخيرا تكلم : ماتفـغق ( تفرق ) عندي .. ( ورجع يدخن بعمق ومبين أن متعمق بالتفكير .. ) ..

دانة ماعلقت ورهف جلست تسأل رائد عن أمريكا وعن المواقف الي صارت لهم ورائد ماقصر دقها سوالف ..

عند ريان وطلال ..

طلال بمزح : أقول سمور أنا ولد أمريكا وأنتي بنت بريطانيا أحنا بلبل بالأنجليزي أحسن من .. ( وناظر ريان ودانيا ومسك) ..

ريان : أقول دانيا مسك مو كأنه غلط علينا ..

دانيا : إي والله قلنا خالنا وعلى راسنا بس أشوفه تطور ..

مسك : سمييرووه .. بعد اشوفك اتفقتي مع عمي ..

طلال وسمر : هههههههه ..

وجلسوا يسولفون وصحيح سمر كانت ماتتكلم كثير بس بعدين اندمجت معاهم بالسوالف ..

عند فارس وسامي ..

فارس يحك شعره : اووف كيف نشغل الفحم عدل الحين ..

سامي يحرك الكاب حقه بتفكير : ماعندك قطعة كرون أو ورق مقوى ..

روان : والله أنكم تضحكون .. الحين مو عارفين تشغلون فحم ..

سارة : شكلهم يبغون أحد يساعدهم ..

فارس : يلا ورونا شطارتكم ..

سارة تحك خدها بتفكير بعدين ابتسمت ابتسامة شقاوة .. وبحركة خاطفة اخذت الكاب حق سامي ..

فارس : هــي هــي أنتي شنو تسوين ؟؟ ..

سارة تحرك الكاب قدام فارس : مو أنت قلت تبغى نشغل الفحم .. باعد شوي .. ( وتهف على الفحم بالكاب وصحيح ما أخذ دقيقة وهي تهف بسرعة إلا اشتغل عدل ..) ..

روان : والله أنك ذكية يابنت عمي ..

سارة : أحم أعجبك مو مثلهم سودانين مايفكرون ..

سامي : سودانين هاا .. جيبي الكاب حقي بتصير ريحته كله فحم ..

روان : عادي غسله ..

سامي مد يده بياخذه : لا يلا سارة ..

إلا سارة تبعد الكاب عشان ماياخذه سامي : لااا .. اسمع اليوم عيد ميلادي واسوي الي أبغاه .. ( وتطلع لسانها ) ..

سامي يحك ذقنه : أجل حتى أنا إذا صار عيد ميلادي بسوي الي ابغاه ( ويحرك حواجبه) ..

سارة : عاد يلا ننتظر عيد ميلادك بعدين تشرط ..

مشعل و يوسف ومشاري جاو وفي يدهم صحون فيها قطع الدجاج جاهزة بس يبغالها تنحط على الفحم

مشعل : سامي ابعد عن الدخان ..

سامي وكأنه متململ من كلام أخوه مشعل : طيب .. ( وبعد عنهم بعدين رجع ) .. جيبي الكاب ( يكلم سارة ) ..

سارة تتنيذل : نوووو وييي ..

سامي : سااارة ..

سارة : نعـم ..

سامي مد يده بياخذ الكاب إلا سارة ترميه على روان : امسكي ..

روان تحركه بالهوا : ها تبغاه .. ؟؟

سامي : لاحول .. خلاص ما ابغاه خذوه ..( وجلس في الأرض ومسك عود صغير جلس يحركه وهو يفكر) ..

روان رمت الكاب على سارة وراحت عند رهف وملاك على الطاولة : خخ شكله يأس خذيه ..

سارة قربت شوي من عند سامي : سامي زعلت ؟؟ ..

سامي لارد قاعد يلعب بالعود على الأض ..

سارة انحنت شوي ومدت الكاب قدامه : خلاص اخذه ..

سامي نفس الشي لارد ..

سارة مدت الكاب قدام وجهه مباشرة : عااد لاتحقر كذا ..

سامي لارد ..

سارة حطت الكاب على راسه : خلاص هذا رجعته ..

سامي بسرعة مد يده ولبسه عدل وابتسم لسارة : خخخ قصيت عليك .. صدق ينقص عليك بسرعة ( ومد لسانه ) ..

سارة : مالت ثم مالت بس .

إلا سامي يحط يده اليسار على فمه ويكح وتجيه نوبة ربـو قوية شوي ..ويده اليمين على الأرض ماسك الحشيش الي تقطع في يدينه من الألم الي يحس فيه ..

سارة نغزها قلبها شوي قربت أكثر من سامي : فيك شي .. تبغى اجيب لك ماي ..

سامي لا رد بس يكح ومنحني جسمه لقدام بهيئة تدل أنه تعبان وفيه شي ..

رامي انتبه لسامي الي في الارض على طول طفا زقارته الي في يدينه وراح عند سامي وحاول يرفعه عن الأرض شوي : سامي وين البخاخ الي عطيتك إياه ..

سامي مو قادر يتكلم حط يده اليسار على صدره ويده اليمين ماسك تي شيرت رامي من جهة صدره .. ويكح وهو منزل راسه .. وعيونه شوي دمعت ..

الكل تجمع حول سامي ..

سمر من شافت سامي على هذي الحالة ركضت على بيتهم وجابت البخاخ وعطته رامي .. الي على طول سدح سامي على ظهره وحطه في فمه .. وفتح أول زرارين من قميصه .. ومرت دقيقة و وقف عن الكح وراحت النوبة ..

سارة بقلق : فيه ربـو .. ؟؟

مشعل يهزئ سامي لانه خايف عليه كثـير : أنا مو قلت لك اخذ معاك البخاخ كل مكان .. شكلك بتموت يوم من الايام بسبب عنادك ..

سامي متضايق شوي : مشعل خلاص ..

ملاك تبغى تكسر جو التوتر : والله أنك ياسامي طيرت قلوبنا .. ارحمنا ياشيخ ..

رائد لمعت في باله فكرة .. : أقول شباب بنات ..

كلهم لفوا عليه ..

رائد : شرايكم تسحبون على يوم السبت ونتمشى الصباح .. ؟؟

رهف : مستحيل ..

ملاك : مانقدر ..

روان وسارة : غير وارد ..

مسك : للأسف مايصلح ..

طلال : ولـيه ؟؟..

ملاك : لان الأهل مايرضون من كثرة غيابنا ..

رائد : اقول مو لازم تغيبون نسوي أنا وطلال لكم استئذان من الحصة الثانية .. وناخذ التبعيات من أهلكم بكرة عشان نقدر نطلعكم ..

البنات كلهم بصوت واحد : كلك حركات ..

ياسر وتركي : نعنشها ..

الكل : هههههههه..

دانيا : أجل أنا ماراح اداوم مرة وحدة مروني وأنا أطلع البنات من المدرسة معاكم ..

دانة : مي تو ..

ريان ومشاري : أجل احنا ماراح نحضر الكلاس ..

مشاري : إي والله ماراح تفرق داومنا ولا لأ ..

رامي : معاكم ..

يوسف : أجل حتى أنا بستأذن من الحصة الثانية ..

فارس : خلاص وأنا أطلع معاي سامي ..

تركي وياسر : أحنا بنغيب ..

مشعل : أوكي الكل اتفق على يوم السبت .. وأنت ياويلك إن شفتك ماخذت البخاخ ..

سامي ما رد بس ابتسم وراح عن الطاولة الي جنب البركة ورجع الكل على مكانه وجلسوا يسولفون .. واستوا الدجاج وتعشوا واستانسوا ..

الكل دخل داخل ماعدا مسك الي جالسة تاخذ بقية صحون الأكل عشان تدخلهم داخل .. ومشاري الي جالس على البساط قريب من مسك وشكله كان يفكر بعمق ..

مسك انتبهت لمشاري : ماراح تدخل داخل ؟؟ ..

مشاري مانتبه لها قاعد يفكر ..

مسك قربت : ياهووو ..

مشاري توه انتبه لها ورفع عينه وجات في عينها وناظرها بتفكير

مسك تناظر ذراعه : طابت ؟؟

مشاري ناظر ذراعه الي من بعد ما انجرحت من الحادث الي كان بيصير لـ مسك .. : تقريبـا ..

مسك : إذا تبغى أجيب لك معقم ولا دوا عشان تغيرها ..

مشاري في قلبه "" أيه أبغى دوا .. دوا لقلبي .."" : مسـك ..

مسك : هلا ..

مشاري ظل يناظرها مدة دقيقة تقريبا : أأأأأ .. أأ .. لو لووو .. ووولا شي .. ( وقام دخل داخل ) ..

مسك ناظرته مستغربه وفكرت شنو كان يبغى يقول لها .. بعدين دخلت داخل ..

وعلى الساعة ثنتين كل العوائل الي في بيت بوفارس رجعت بيوتهم .. طبعا ماعدا طلال ورائد الي بينامون بالملحق الي في بيت بوفارس ..

في غرفة سارة ..

سارة جالسة على سريرها الي حاطة عليه كل الهدايا وجالسة معاها مسك ..

مسك : يلا شنو بتفتحين اول شي ؟؟..

سارة : إمممم .. بفتح الي من مشيعل اول ..

مسك : هههه عاد سارووة الرجال أكبر من خالي وأنتي تقولين اسمه كانه اصغر عيالك ..

سارة ماردت فتحت الهدية على طول : اكــشخ شوفي جاب لي اسوارة ذهب ابيض ..

مسك : حلوو .. هدية حلوة من دكتور ..

سارة : هدية ابوي لابتوب وفارس جيتار وأمي جابت لي طلال ورائد من أمريكا .. إمم خلينا نشوف هدية تركي وياسر جابو هدية وحدة ..

مسك : خلينا نشوف شنو فكر ياسر يجيب لك ..

سارة بحماس فتحت الهدية : صندوق خشبي حلو ..

وتوها فتحته طلع لها صرصور وصرخت ذيك الصرخة : يمــــــــــــــه ..

وحتى مسك ارتاعت بعدين جلست تهدي سارة : ههه هذا صرصور اصطنااعي ..

سارة عصبت شوي : حتى بالهدايا حاط لي مقالب . هــــين يا ياسروه ويا تريك هــين ..

وفتحت كل الهدايا الي كانو بعضهم اكسسوارات والي جهاز آي بود متطور باللمس والي جاب لها تي شيرت حركات ووووو إلخ .. بس في هدية اللي حستها سارة انها غير .. هدية سيديات من سامي .. شغلت واحد من السيديات وكان عزف جيتار خيااااااااالي ..

مسك : الله .. من مين هالهدية روووووعة روووعة ..

سارة انسدحت على سريرها وغمضت عيونها : من سامي ..

مسك : أتوقع من عزفه ..

سارة شالت السيدي ورجعته بالحافظة : مسووك بقوم انام تبغين شي ؟؟؟..

مسك : لا .. وكل عام وأنتي بخير ..

سارة ابتسمت لأختها ابتسامة حب : وأنتي بخير ..

وطلعت مسك من غرفت سارة الي طفت الأنوار ونامت ..

راحت مسك غرفتها وظلت ربع ساعة تتقلب بفراشها يمين شمال مانامت .. جاها أرق قاعدة تفكر شنو كان مشاري يبغى يقول لها .. كان يناظرها اليوم بتوتر .. فراحت تحت الصالة وشافت ابوها .. استغربت أنه جالس لهالحزة ..

بو فارس شاف بنته ناداها : تعالي مسك ..

مسك راحت وجلست جنب ابوها : هلا يبه ..

بو فارس بحنيه : ليه مانمتي لحد الحين ..

مسك : ماجاني النوم ..

بوفارس : تدرين يامسك ليه مانمت لحد الحين ؟؟ ..

مسك مستغربة شوي : ليـه ؟؟..

بوفارس : عشانك ..

مسك بتعجب عقدت حواجبها : عشااااني ؟؟..

بوفارس يمسح على شعر بنته : أنتي كبيره وبقول لك الموضوع على طول .. مشاري ولد عمك جاني اليوم وكلمني يبغى يخطبك ..

مسك انصدمت ماتوقعتها من مشاري .. انعقد لسانها ..

بوفارس استرسل في كلامه : جاني اليوم والولد شاريك .. بس لحد الحين الموضوع بيني وبينه قال لي أخذ رايك بالأول بعدين يجي رسمي .. شكله يبغاك من زمان .. شرايك ؟؟

مسك وقفت باللي بقى من قوتها الي راحت من الصدمة الي قالها ابوها لها الحين وقالت وفكها الأسف يهتزل بالخفيف : أأأ . أنـا .. أأأأ .. أنـا .

نهــــــآآية البارت الثــ عشر ــآمن .. ^^

أرائكم وتوقعاتكم تهمني ..^^

&&&&&&&&&&&&&&&&&&&&&&&&&&&&&&

~| البــآرت التــ عشر ــآسع |~

بوفارس استرسل في كلامه : جاني اليوم والولد شاريك .. بس لحد الحين الموضوع بيني وبينه قال لي أخذ رايك بالأول بعدين يجي رسمي .. شكله يبغاك من زمان .. شرايك ؟؟

مسك وقفت باللي بقى من قوتها اللي راحت من الصدمة الي قالها ابوها لها الحين وقالت وفكها الأسف يهتزل بالخفيف : أأأ . أنـا .. أأأأ .. أنـا .

بوفارس ناظر بنته بحنيه : مسك قبل لاتقولين شي .. لاتخافين .. تأكدي أن كل قرار راح تقررينه ماراح يأثر بعلاقتي مع مشاري ولد أخوي .. والزواج قسمة ونصيب ..

مسك ارتاحت شوي من كلام أبوها : أأ .. أنـا أأ .. أبغى أخذ وقت أفكر ..

ما أمدى مسك تخلص كلمتها شافت شبح شخص تعرفه زين .. واقف عند باب الصالة ومتكي عليه : كنـت حاس ..

بوفارس لف على جهة الشخص وابتسم : ليه مانمت .. ؟؟

الشخص بادل بوفارس الإبتسامة بأحلى منها بدون مايرد .. وتوجه لمسك وصار قبالها .. مسك نزلت راسها بشوي خجل : سمعت الي قاله أبوي .. ؟؟

الشخص شبك يديه اليسار بيد مسك اليمين وجلس على الكنبه وجلسها جنبيه وحط رجل على رجل بارتياح ولف على مسك ناظر عيونها وهو يلعب بأصابع يدها : كنت حاس بدون ما اسمعكم .. بس الحين تأكدت ..

مسك الي كان أبوها على يسارها والشخص على يمينها .. نزلت عيونها للأرض بشوي حرج .. بوفارس حس على بنته وحب ينهي الموضوع عشان لاتنحرج أكثر : خلاص انتي خذي وقتك وأنتي تفكرين .. وأنت يا رائد ماله داعي تحرج بنتي ( وابتسم )

رائد ضحك بخفة : هههه .. لاتخاف ماراح أقول شي .. (ودق مسك بكوعه بالخفيف) ..

مسك : هههههه ..

بوفارس قام : أنا رايح أنام .. تصبحون على خير ..

رائد ومسك : وأنت من أهله ..

راح بوفارس ينام وبقى رائد ومسك جالسين لوحدهم في الصالة .. رائد قطع الصمت الي بينهم : إممم .. شرايك نتابع فلم أكشن الحين لمن الفجر نصلي ونام ..

مسك ابتسمت : أوكي .. أنا بقوم أجيب بطاطسات وحلويات من المطبخ وأنت شغل التلفزيون ودور فلم حلو ..

رائد قام من على الكنب وشغل التلفيون الي قبالهم ورجع جلس على الكنب وهو رافع رجلينه على الطاولة الصغيرة الي قدامه وماسك الريموت يفرفر بالقنوات .. : أووكيك ..

راحت مسك المطبخ وتوجهت للمخزن الي فيه البطاطسات والأغراض الي شروهم من السوبر ماركت .. شافت باب المخزن مطرف ( يعني مفتوح شوي ) ويتحرك ببطيئ .. خافت شوي ولأن المطبخ مشغلين الإنارة الخافته حست بالخوف اكثر ..

مدت يدها بشوي شوي لمقبض باب المخزن ومسكته بهدوء وقلبها يدق دق ..

وتوها فتحت نص الباب إلا ينقز بوجها شي أسود و وجهه كرييه مررة ومرعب : بوووووووووووووعععع ..

مسك توها بتصرخ ذيك الصرخة إلا تحس بيد تطوق جسمها ويد تنحط على فمها تكتم صرختها .. وهي من شدة الخوف عيونها مدمعة شوي وتبكي ..

الي حاط يده على فمها ومطوقها باليد الثانية همس لها بأذنها : أوووووص ..

والشي الأسود الي نقز من المخزن كان شكله قبيح كان عجوز تخوف بالمرة وكلها سواد بسواد ..

العجوز تقرب من مسك : ههههههههههههههه .. ويييييووو خوفناااهااا وييييووو ..

الي كان ماسك مسك تركها وعلى طول مسك لفت عليه ودموعها بعيونها وقالت بصوت فيه شوي بحة لأنها كانت بتصيح : طلااااال ..

طلال بهدوء : ههههه ليكون خفتي ؟ .. ما اخبرك يامسوك أنك خوافه هههه .. صدقت سارووه يوم قالت أنك بتخافين ..

مسك : يعني العجــ ( وتلف على جهة العجوز ) سويييييرة ..

سارة فصخت القناع والعباية الي كانت لابستهم : هههه تظنين بنام وبتركك تسانسين في هالليلة قومي نروح عند رائد ..

مسك حطت يدها اليسار على قلبها ويدها اليمين فتحت فيها باب المخزن وتناظر الأغراض تفكر شنو تاخذ : نذللله أحد يخوف كذا .. وتعالي من وين لك القناع ؟؟ ( وتلف على سارة ) .. وكيف جيتي للمطبخ وأنتي بغرفتك ولا حسينا فيك ؟؟

سارة : هههه لو تشوفين شكلك تحــفة .. والقناع من يوسف ولد عمي .. شرايك هذي الهدايا ولا بلاش .. وعلى جيتي لهنا أصلا جلسة الصالة تكون معطية الدرج ظهركم يعني انتوا ماتشوفون الي ينزل ويصعد الدرج .. وأنا نزلت بشوي شوي .. ولقيت عمي طلال بالصدفة هنا بالمطبخ شكله دخل من الباب الثاني .. ( لفت على عمها طلال ) .. صح ؟؟

طلال : يــس بالضبط ..

مسك رجعت لفت مرة ثانية للمخزن وقامت تاخذ بطاطسات ليز بجميع النكهات الحجم الكبير وبرينقز وحلويات وجلكسيات : أهآآ .. بس لاتعدينها ياويلك .. الحين أنتي جيبي علب بيبسي وميرندا وإذا تقدرين جيبي صحن مكسرات أنا وخالي رائد في الصالة بنتابع فلم أكشن ..( وراحت الصالة) ..

سارة لفت على عمها طلال : شفت الخونة لو أن أحنا نمنا كان جلسوا واستانسوا .. قم نروح معاهم ..

طلال : صحيح .. يلا يلا نروح وجيبي مكسرات صينية إذا عندكم ..

سارة تفتح الدولاب وتطلع كيس مكسرات صينية : مو لازم صحن ناكل من الكيس على طول ..

طلال : خخخ سودانية ..

سارة تمشي جنب طلال ويطلعون من المطبخ سوا : مالت بس قال إيش قال سودانية .. أمش وأنت ساكت ..

وصلوا طلال وسارة الصالة وكل واحد جلس له على كنبه ..

طلال : هــي تراني عمك لاتنسين ..

رائد : خخخ ذبحت بنت أختي كل دقيقة عمك وعمك ..

مسك مسكة الريموت وتكبر على الصوت : بس بــس بدا الفلم ..

الكل سكت وطبعا الصاله كانت أنوارها مطفية والنور الوحيد الي كان موجود نور شاشة البلازما حقت التلفزيون ونور خافت من النوافذ الي تطل على الحديقة .. والفلم كان دموي اكشن ومرعب في قناة MBC 2 والكل مندمج بالفلم ومتحمسين بالمرة مرت تقريبا ساعة على حالهم وكل فاصل يجي يجلسون يسولفون .. إلا يجي فاصل وهم مندمجين إذا البطل مات ولا لأ ..

الكل : أوووووووووووووووف ..

كلهم ناظروا بعض وانفجروا ضحك : ههههههههههه..

رائد : ههههههه ملاعين هالأمريكان إذا الفلم مدته نص ساعة يخلونه ساعة ونص مع الفواصل ..

مسك : ولا .. في كل لقطة حماسية يقهرون يحطون فاصل ..

سارة : خخ شفتوا كيف عليهم صواريخ موب صاحية ولا البطل يرشونه بالرصاص ولا يموت .. دايم ينحاش منهم .. حشى قطو بو سبع ارواح ..

طلال : هههههه .. عاد الأمريكان ماحد يقدر عليهم بالكذب حتى على الواقع ..

رائد انحنى لقدام ولف على جهة مسك وسارة : إيوا حتى بأمريكا عليهم كذب مو صاحي .. تخيلي تجيني وحدة تبغى تتعرف تجيني تصيح تقول حبيبها تركها وتقول ماتقدر تعيش بدون حبيب ( ويقلد عليهاويسوي نفسه يصيح بس بطريقة تضحك ) ..

الكل : ههههههههههههه ..

سارة بحماس : شنو قلت لها .. ؟؟!

طلال : على طول قلعها ..

رائد : لا واللي يقهر أنها بعدت عني يوم هزئتها راحت لواحد ثاني في الشارع تعيد التمثيلية الي سوتها قدامي خخ ..

مسك : هههههه رخيصات ..

طلال ورائد : مرررررة ..

سارة تاكل بطاطس برنقز بالملح والليمون : شكلكم لعبتوا لعب هناك شقر وبيض ..

طلال : بصراحة أول سنة كنا مسوين فيها محافظين مرررررررة ..

رائد : بس ثاني سنة صرنا فري .. وثالث سنة والي بعدها ملييييينا بشكل مو طبيعي نبغى نرجع بصراحة ملينا من البرص اللي هناك ..

مسك وسارة : هههههههه ..

مسك : بجد تكسرون الخاطر ..

سارة تكلم طلال : أقول ليه ماتقص شعرك .. أحسه طوييل أطول من رائد ..

طلال مسك خصلة من شعره الي يوصل تقريبا لنهاية رقبته وقاصه بطريقة مدرجة : إممم تصدقين حتى انا يوم شفت نفسي بين الشباب اليوم حسيت اني بنت على هالطول .. بكرة بقصه مثل رائدووه الخبل ..

رائد : انا رائدووه الخبل الحين .. هين في أمريكا ماراح اعطيك النوتات حقيني للمحاظرة .. و ورني كيف بتدبر عمرك .. قال رائدوه قال ..

طلال قام وجلس ملاصق لرائد : لالالالالا .. إلا ذي .. خلاص أنت رائد الذكي ..

رائد : حسبت بعد ..

سارة : أووووووص بدى الفلم طولوا الصوت ..

مسك طولت الصوت .. وكلهم مرة ثانية أندمجوا مع الفلم ومتحمسين .. مسك ماسكة جلكسي بيدها وعيونها على شاشة البلازما .. وسارة في يدها اليمين ميرندا برتقال وقدامها طاولة حاطة عليها بطاطسات ليز الحجم الكبير وفاتحتهم ويدها اليسار على حبة بطاطس ليز ومندمجة بالفلم ولا كلتها خخ .. أما رائد ناظر طلال وأشر له وطلال فهم إشارة رائد .. قاموا اثنينهم بدون مايحسون مسك وسارة لانهم مندمجين بالفلم .. وصار طلال ورا مسك ورائد ورا سارة ومسكوهم من كتوفهم بقوة وصرخوا بقوة : بوووووووووووووه ..

طبعا مسك وسارة صرخوا بقوة من الروعة لأنهم مندمجين بالفلم مرة والفلم يخوف بالمرة .. سارة صرخت ورمت علبة الميرندا لورا وقامت من الكنب وهي حاطة يدها على قلبها وتتنفس بسرعة : حمااااااااار ..

مسك من الروعة قامت ترتجف والجلكسي اللي كان بيدها انعفس عفاس : بلا هالحركات صدق بايخين ..

رائد وطلال ميتين ضحك : ههههههههههه ..

رائد يجلس على الكنب وأثار الضحك على وجهه : هه هههه هه .. سويرة معديها لك هالمرة أنك تسبيني ماتلامين لو تشوفين شكلك هههههههه ..

مسك : أقول خلص الفلم وانتهى بحركتكم الي بغت توقف قلبي .. شنو نسوي الحين ؟؟ ..

طلال : هههه ( ويناظر ساعته ) الحين ثلاث ونص الساعة أربع تصير صلاة الفجر خلونا نسهر لمن تصير أربع ونصلي وننام ..

&&&&&&&&&&&&&&&&&&&&&&&&&&&&&&

نروح لشخص عاشق وولهان ..( مشاري) ..

مشاري جالس في غرفته منسدح يفكر في مسك ومو جاي له النوم طول الوقت يتقلب في فراشه .. يكلم نفسه "" يارب يارب .. توافق مسك ياااارب .. وليه ماتوافق .. ياليتك يامسك تحسين فيني شوي أو تفكرين فيني لو جزء من اللي أفكر فيه .. اموت وأعرف شنو تسوين الحين .. صاحية نايمة .. اوووووف وأنا لحد الحين مو عارف انام .. لازم لازم أشوفها بأقرب وقت واللي يصير يصير """ وبعد فترة من الأفكار الي توديه وتجيبه نام وهو يتأمل بموافقة مسك عليه ..

&&&&&&&&&&&&&&&&&&&&&&&&&&&&&&

كلهم أعجبتهم الفكرة .. وأيدوا أنهم يسهرون للفجر .. وطلعوا كلهم برا في الحديقة وكان الجو رايق مررة .. كان هدوووء واضواء الحديقة شبه خافته وصوت الهوا يحرك ماي البركة اللي جنبها الطاولة اللي جلسو عليها ..

مسك جلست على الكرسي بارتياح : اللللله الجوو مرة مرة حلو ..

رائد وقف جنب البركة ومدد يدينه بالهوا يتمدد : صدقتي جوو هادئ ونقي ..

طلال جلس على الطاولة وحط ذراعه اليمنى عليها ودنق ذقنه على يده اليمنى : اسمعووا صوت تحريك الهوا للماي .. عذاااب ..

لحظة صمت مرت عليهم في الحديقة يسمعون صوت الماي يتحرك من الهوا وصوت الحشيش اللي يحركه نفس الشي الهواا ..

سارة وقفت بسرعة : بروح وبرجع ثواني .. ( وراحت تركض وفي اقل من دقيقة رجعت وفي يدها جيتار ) ..

رائد رافع حاجبه اليمين ومبتسم : أكشــــخ عندك جيتار ..

طلال : حلو ولا لونه أسود .. من شراه لك ؟؟..

سارة : فرووس الله يخليه لي ..

مسك : حتى أنا توني قبل ثلاث أيام شريت لي اورغ ..

طلال يناظر رائد : أقول مو كأنهم طيرونا أنا وأنت الي مفروض يكون عندنا ألات موسيقية مثلهم ..

سارة جلست على الكرسي : هههه يلا اسكتوا خلوني أوريكم عزفي تعلمته من فارس ..

رائد وطلال : يلا ..

بدت سارة تعزف بمهارة عزف كلاسيكي هادئ وحلو .. رائد قام يغني بهدوء بكلمات إنجليزية ومعاه طلال يردد معاه وصار العزف والغناء خيااالي ..

مسك تصفق : الللله عليكم الله .. روووعة العزف والغناء رووعة ..

طلال حط يده تحت ذنه بتفكير : أقول بكرة الجمعة يعني لاتنسون تجيبون تبعياتكم وتبعيات البنات عشان نستأذن أنا ورائد لكم ..

مسك : ولا يهمك هذا أهم شي عندنا ..

وجلسوا مرة تعزف سارة ومرة يسولفون لمن مر الوقت بسرعة البرق وصارت صلاة الفجر .. قاموا كلهم من الحديقة ودخلوا داخل وصلوا وكل واحد دخل على غرفته نام .. ماعدا مسك الي جلست تفكر بمشاري وتقول بنفسها "" أوافق ولا ما أوافق .. مشاري مايعيبه شي رجال ولا كل الرجاجيل .. بسس أهو مغازلجي .. أووف وأنا وش لي دخل مغازلجي ولا لأ أكيد عقل وعشان كذا تقدم لي .. يارب ساعدني .."" وبعد فترة نامت وهي محتارة توافق ولا ماتوافق ..

&&&&&&&&&&&&&&&&&&&&&&&&&&&&&&

يوم الجمعة

 .. العصر في بيت بو أحمد ..

ياسر جالس بالصالة وحاط يده على خده وطول الوقت يتأفف : أوووف يعني شلووون .. ملل زهق .. طفـــــــــش ..

هنادي( أم أحمد) الي جالسة تشرب قهوة مع بواحمد : قوم ذاكر بدل هالجلسة ..

ياسر حط يده على وجهه بتأفف : يمــه أقولك زهقان تقولين لي ذاكر .. دانيا ودانة جالسين يسولفون سوالف بنات .. واحمدووه ذالف يتمشى مع خطيبته .. إلا أنا ماعندي شي أســويـ . ( إلا تلمع براسه فكرة بالنسبة له راح تبعد الزهق .. ومن زود الوناسة قام بسرعة وقف ) .. يــــــــــس يس يس يس هذي الافكار الي تجي لي ولا بــلاش ..

بوأحمد لف على ام احمد وفي يده فنجان القهوة وابتسم : شكل الولد استجن ..

ياسر على طول أنقض على التلفون مثل ماينقض الأسد على فريسته واتصل على أرقام حافظها مثل اسمه .. الطرف الثاني رفع التلفون وياسر بدى المكالمة ..

ياسر : ألو ..

: ألو مرحبا خدمة الغرف السلام عليكم .. للعربية اضغط الرقم واحد ..للإنجليزية أضغط الرقم اثنان لإعادة سماع القائمة .. اضغط الرقم ثلاثة طوط طوط طووط ..

ياسر : هههههه سويرة يعني مسوية فيها حركات ها ..

سارة تقلد صوت التلفون : طوط طوووط ..

ياسر : خخ يلا ضغطت الرقم واحد ..

سارة : إذا كنت تريد أبي اضغط الرقم واحد .. إذا كنت تريد امي اضغط الرقم اثنان .. إذا كنت تريد أخي فارس اضغط الرقم ثلاثة إذا كنت تريد أختي مسك اضغط الرقم أربعة .. إذا كنت تريد سارة اضغط الرقم خمسة .. إذا كنت تريد سالم وأسيل أضغط الرقم ستة .. لإعادة سماع القائمة اضغط الرقم سبعة .. طوط طووط طووط ..

ياسر كان قاعد يسمع شنو تقول سارة ومتشقق من الوناسة ورايق حده بس عشان ينرفزها بأي طريقة عشان يضيع الملل : هههههههه الله شطوول هالهذرة ..

سارة : طوط طوووط طووط ..

ياسر : و وجع يعني مسوية ماتردين إلا بالأرقام يلا هذا انا ضغطت رقم الشخص الي أبيه .. يلا أنتظره ..

سارة : قول الرقم وأخلص ..

ياسر : خخخ يلا رقم خمسة ..

سارة : عزيزي العميل نرجوا منك الإنتظار ريثما يتم تنفيذ طلبك .. توت توت .. ( رجعت سارة تسوي نفسها اول مرة ترد على التلفون ) .. هلااا ..

ياسر يتريق عليها : وغلا .. مسرع جيتي ..

سارة : بسرعة شنو تبغى خير .. ؟؟

ياسر يبغى يشوف ردة فعلها : ها شرايك بهديتي أنا وتركي ..

سارة تذكرت : إييييييييييي ياسرووووه هــــين أنت وتريك أوريكم هيــن .. ( إلا يرن جوال سارة ) .. اقول يلا أخلص تبغى شي لاني مو فاضية لأشكالك ..

ياسر تحطم شوي : اووف اوكي باي ..

سارة : بايات ( وسكرت الخط وردت على جوالها ) .. هلااا وغلااا ..

روان : هلا بك .. أقول مين بيمر ياخذ التبعيات حق بكرة السبت ؟؟ ..

سارة : إممم أتوقع أنه فارس الي بنخليه يمر ياخذ التبعيات .. جهزيهم واتصلي على البنات يجهزونهم أوكي ..

روان : أوكي باي ..

سارة : باي ..

مسك : روان ؟

سارة الي كانت جالسة مع مسك في الصالة الفوقية : يــس ..

مسك : اقول قومي نجلس تحت أحسن مع الكل نسولف ..

سارة : يلااا ..

ومر يوم الجمعة بدون اي أحداث مميزة للذكر وجا يوم السبت .. الساعة ست وربع الصبح .. في بيت بو فيصل ..

ملاك جالسة تتكشخ وتغني ومستانسة على غير عادتها : اووووه أووووه ياسعودي أوووه ياسعودي >>>> سعودية بحت خخخ ..

خلصت وتجهزت بس باقي تلبس عبايتها طلعت من غرفتها وهي تدندن والبسمة فالعة وجهها .. مرت على غرفة ريان : أنا لازم أجلسه شنو ينومه ذا في هالحزة .. خلني أزعجه الحين ..

طبعا ملاك فتحت باب غرفة ريان بدون احم ولا دستور وشغلت الانوار وقامت تصفق : يلا يلا قوووووم ريانووووه بسك نوم قوووم .. قووم تجهز للجامعة ..

ريان اللي متلفلف بلحافه مايبين إلا وجهه فتح عين وحدة بكسل وناظر ملاك وسكرها : همممم .. شعندك .. ؟؟

ملاك : يلا قوم تجهز للجامعة ..

ريان قلب جسمه للجهة الثانية : انا ماراح اداوم انقلعي وطفي النور وسكري الباب ..

ملاك تهز ريان بدفاشه متعمدة : أجل من راح يوصلني ويوصل سيفووه للمدرسة ..

ريان جلس على سريره بكسل وعصبية : أووووووه .. أبغى أعرف من ملسطك علي اليوم .. ( وناظر ملاك من فوق لتحت وهو شوي وينام وعقد حواجبه ) .. وأنتي ليه متجهزة مبكر .. ليكون طق فيك عرق الدفارة وأنا ما أدري .. ؟؟

ملاك تنفخ حول نفسها : توووف تف تووف فاااال الله ولا فالك .. شكلك نسيت أن اليوم خالي طلال بيستأذن لنا وبيمشينا ..

يتبع ,,,,

👇👇👇

تعديل المقال