رواية اذا انتثر دمع عينك -14

رواية اذا انتثر دمع عينك -14

تتوقعين شنو تبغى في اسم ابوي ؟؟؟

سارة مسكت يد روان عشان تطلع من الفصل : إممم ماعندي فكرة الحين .. خلينا نطلع نتمشى قبل لاتصفر .. باي شوق ..نورة نشوفكم بالحصص ندقها سوالف ..

نورة وشوق : بايات ..

راحو عند الكافتيريا وشروا وجلسوا على وحدة من الطاولات ..

روان تفتح فطيرة الجبن و تناظر علبة عصير المانجو حقها بتركيز : تتوقعين شنو لها بإسم أبوي ؟ ليه ماقالت بنت الـ .. أو روان ليه على طول اسم ابوي ..(وناظرت سارة) ..

سارة تحرك علبة العصير حقتها بأطرف صبعها السبابة وهي تمضغ لقمتها : والله علمي علمك بس أحسها ناوية شر .. شرايك نحاول نعرف السالفة بطريقتنا ..

روان ابتسمت بدهاء : والله جبتيها .. خلينا ناكل ونحاول نعرف ..

سارة ابتسمت .. وكملوا أكل ..

بعد خمس دقايق خلصوا وقاموا وشافوا مسك و سمر و ملاك و رهف و صديقات مسك خلود و رنا جاين جهتهم ..

روان وسارة راحوا لهم وبصوت عالي ومبتسمات : هلاااااااااااااااااا هلاااا ..

وسلموا عليهم كلهم ..

روان تكلم البنات : ترا انا وسارة محتارين بشي ونبغى نعرفه ..

ملاك : شنو ؟

سارة : ما لاحظتوا أن هدى ذي الي من شله أماني تدور على الفصول تناظر قائمة الأسماء ..؟؟

خلود : إي أنا شفتها في قسم الثنوي تناظر القائمة ..

مسك : طيب شنو دخلنا فيهم ..

روان : إلا دخلنا ونص ..

رنا : لـيه ؟؟ ..

روان : وحدة من صديقاتي تقول سمعتها وهي تناظر قائمة اسماء فصلنا تقول اخيرا هذا بنت عبدالكريم .. ليه قالت بنت عبدالكريم يعني تدورني و تدور أختي رهف ..

رهف رفعت حاجبها : طيب ليه ؟؟

سارة : وهذا الي أحنا مانعرفه .. يمكن تخطط لشي ..

رنا ضربت صدرها وهي تبتسم : خلو هالمهمة علي أنا بشوف شنو يخططون ..

مسك تحضن رنا : يابعد قلبي يارنوو ..

ملاك : لالا بنت عمي صارت شاذة ..

البنات : ههههههههههههه ..

رنا تبعد عن مسك : هههه خلاص فشله هنا قدام البنات ..

خلود : يلا أحنا بنجلس على الطاولة ذي وانتي جيبي خططهم خخ ..

رنا : احم طيب انتظروني خمس دقايق ..

البنات جلسوا على الطاولة ..

مسك : أوكي ننتظرك ..

راحت رنا وسوت نفسها تتمشى .. ولحسن حظها شلة أماني توها داخلة الكافتيريا ويسولفون .. جلست رنا على أحد الكراسي وعطت الشلة ظهرها .. والشلة كانوا وراها واقفين يسولفون وخلوا وحدة تشتري لهم الأكل ..

اماني : ها سويتي الي قلت لك عليه ..

هدى عيونها تدور في الكافتيريا : إيه .. روانووه الي بمتوسط هذا ابوها .. وفي وحدة بالثانوي اسمها رهف أخت روانووه ..

أماني ابتسمت ابتسامة مكر ودهاء : حلو .. رهف الي شعرها طويل ..

هدى تأشر بعيونها على الطاولة الي جالسين عليها البنات : إيوا هذا هي جالسة هناك عرفتيها .. ؟؟

اماني هزت راسها إيجاب : إيوا .. خلاص الحين المسألة مسألة وقت لااكثر ..

هدى يلا خلونا نجلس بدل الوقفة

شلة أماني : يلا ..

وجلسوا على وحدة من الطاولات .. أما رنا بعد ماسمعتهم قامت على طول عند البنات ..

رنا جلست جنب مسك : سمعتهم بس مافهمت شنو يقصدون ..

روان انحنت لقدام وحطت ذراعينها على الطاولة : شنو قالوا ؟؟..

رنا قالت للبنات الي سمعته بالضبط .. : ها شنو تتوقعون بيصير ؟؟..

رهف تحرك بيدها بمعنى بالطقاق : مو لازم نعرف تعرفون سخافاتهم .. اخر شي بنعرف ..

مسك : إيوا خلونا نستانس .. بدل مانفكر فيهم ..

وجلسوا يسولفون بعدين قاموا يتمشون .. وكل دقيقتين تجي بنت تسلم على مسك ..

ملاك : ياهووو مسـك أشك أن المدرسة كلها تعرفك ..

روان : صح .. مو حالة كل دقيقة تسلم عليك وحدة ..

خلود ورنا : ههههههههه

خلود : شفيكم عليها .. اصلا مسك معروفة عند بنات ثنوي مرررة ..

رنا : ولا عندها معجبات من متوسط ..

سارة و ملاك و روان لفوا على مسك يتأكدون : جــد .. ؟؟

مسك ابتسمت لهم : ههههه شفيكم .. عادي إذا عندي معجبات مافيها شي ..

سارة تدق ملاك الي جنبها بكوعها بالخفيف وتغمز لها : شفتي الحركات عند أختي معجبات ..

ملاك تغمز لسارة : إييي يا ما تحت السواهي دواهي ..

الكل : ههههههه ..

ومر هاليوم عادي مثل باقي الأيام الدراسية ..

رن الجرس يعلن نهاية الدوام ..

البنات لبسوا عباياتهم وكل وحدة طلعت ..

مسك تكلم سارة وسمر : دقيقة ألبس العباية و أضبط النقاب ..

سارة وسمر وقفوا ينتظرونها ..

برا المدرسة جا فارس ياخذ البنات .. ومالقى مواقف قريبة جنب بوابة المدرسة لأن كلهم زحمة وقف بعيد شوي ..

فارس يكلم سامي الي جالس جنبه : أنا بنزل أوقف جنب بوابة الخروج عشان يدلون السيارة ..

سامي : بنزل وياك ..

فارس : أوكيك ..

ونزلوا من السيارة .. وفارس ماطفا السيارة بس قفل الأبواب وخلى المكيف يشتغل عشان لايصير حر .. وتوجهوا عند بوابة الخروج و وقفوا على جنب يناظرون البنات الي يطلعون عشان إذا شافوا مسك ولا سارة ولا سمر ينادونهم ..

طبعا فارس وسامي صايرة اشكالهم مميزة بالنسبة للأشخاص الي واقفين جنبهم .. فاصخين الشماغات .. وسامي حاط نظارت فارس الشمسية على شعره وصاير شكله كوولز أما فارس صاير خوقاقي مع عيونه الرمادية والشمس تعكس عليهم صايرة أفتح بزيادة .. ظلوا تقريبا خمس دقايق ينتظرون البنات يطلعون ..

فارس يناظر ساعته : أووف لا إله إلا الله .. متى يطلعون ذيلي ..

سامي نزل النظارات الشمسية من على شعره لعيونه : كأن هذي سمر ..

فارس رفع نظره يناظر : إيوا هذا مسك وسارة ..

( وقام فارس يأشر للبنات بيده بمعنى تعالوا )

مسك : بنات هذا فارس يأشر ..

سارة : ههه الله يستر شكله مل وهو ينتظرنا ..

سمر : يلا .. صحيح أحنا تأخرنا ..

وراحوا عند فارس وسامي ..

فارس : يلا امشوا قدامي .. بعد هذا الي باقي متأخرين ..

سارة : ترا أنا وسمر مخلصين من زمان بس مسك الي مأخرتنا ..

فارس : امشوا بس خسنا حر ..

وراحوا على السيارة وركبوا .. وكانت باااردة عن الحر الي برا ..

سارة : الله وين الجنة وين النار ..

فارس يحرك السيارة : حمدوا ربكم اني مامشيت وخليتكم ..

سامي : هههه أعصابك عليهم خلاص ..

فارس يناظر من المراية الي ورا وبالصدفة جات عيونه على عيون سمر المتنقبة الي جالسة بالنص بين سارة الي ورا سامي ومسك الي ورا فارس : أنا قايل لأبوي يأجر لهم باص أحسن ..

مسك : فااااااارس خلاص ماتسوى علينا ..

سارة فاضية تسولف مع سامي : سامي تصدق شكلك حلو بالنظارات .. حتى البنات الي كانوا يطلعون من المدرسة يناظرونك ..

سامي ابتسم : تسلمين عيونك الحلوة ..

فارس : هي انت لاتمون بزيادة ..

سامي : ههههه ..

سمر بعفوية : حتى فارس ..

فارس ناظر سمر من المراية وعلى وجهه شبه ابتسامه جانبية ..

مسك : إي يافارس عيونك مع الشمس صايرة أفتح بزيادة مررة حلوة .. أقولك البس عدسات عشان تغطيهم لاأحد يعطيك عين ..

سامي : عاد ماتوصل لهالدرجة يلبس عدسات ..

سارة : إلا .. هذا أنا جاتني فترة ألبس لأن جاتني فترة ألتهبت عيوني وأمي تقول عين خخخ ..

الكل : هههههه ..

وصلوا البيت وكل واحد راح على بيته وعلى طول كلهم صلوا وناموا للساعة اربع العصر ..

مسك جلست تذاكر وخلصت بعد نص ساعة وراحت لبست عبايتها ولفت شيلتها وفي يدها كيسة ..

سارة الي كانت تحفظ نصوص : ويـــن .. ؟؟

مسك ترفع الكيسة لجهة سارة : بيت عمي بومشعل بعطي سمر الدفاتر تطبعهم بدل ماتكسر يدها وتكتبهم .. باي ..

سارة : أهآآ .. يابات ..

راحت مسك عند سمر وعطتها الدفاتر عشان تطبعهم وجلست معاها تسولف شوي وبعدين رجعت بيتهم ..

&&&&&&&&&&&&&&&&&&&&&&&&&&&&&&&&&&&&&&&&&

بعد كل هذي الأحداث بأسبوع يوم الخميس ..

في بيت بوفارس العصر ..

البنات متجمعات في الصالة ..

روان فاتحة ذراعينها : كل عاااااااااام وانتي بألف ألف ألف خير ياقلبي ..

سارة فتحت ذراعينها وضمت روان : وانتي بالف خير ياحبيبتي .. (وقالت بمزح) ما أبغى الهدايا الحين أبغاهم بعد الساعة 12 الليل ..

البنات : ههههههههههههه ..

ملاك : ههههههههه يالواثقة أنتي ..

مسك : ذبحتنا على الهدايا لو تدرون ..

البنات : هههههههههههههه ..

سارة ترمي علبة المناديل على مسك : ببس فضيحة انتي ..

دانيا : عقبال المليون سنة ..

سارة بفزع مدت يدينها : لالالالالالالالالالالالالالالالااااااااااااا ..

البنات استغربوا منها ..

دانة : شفيك ؟؟..

سارة : ما أبغى اشوف نفسي عجوز ..

البنات انفجروا ضحك على سارة ..

طبعا البنات كلهم اتفقوا أنهم يلبسون جينزات أو برمودا وتي شيرتات حلوة بدل مايلبسوا فساتين ولا تنانير .. بس صايرة أشكالهم روووعة ونعومة ..

ومر الوقت بسرعة والكل اجتمع بيت بوفارس وصارت الساعة 12 إلا خمس دقايق ..

والكيكة الكبيرة والأكل كله مرتب بطاولة بالصالة بطريقة حلوة ..

أم فارس : بنات لبسوا الشباب يبغون يدخلون ..

ملاك التفتت على سارة : بتدخلينهم ؟؟..

سارة ابتسمت : أحم ايه خبرك بسوي مختلط خخخخخ ..

البنات كلهم لبسوا عباياتهم الكتف ولفوا شيلاتهم ..

وأم فارس نادت الشباب يدخلون ..

ودخلوا الشباب وكل واحد هنأ سارة بعيد ميلادها ..

مشعل يحسب الشموع الي مبعد يشغلونها الي على الكيكة ويصفر : كبرتي ياسارة وصرتي بالخمس طعش ..

سارة ابتسمت : أحم خبرك لازم نكبر ..

روان : يلا سارة شغلوا الشموع قبل 12 ..

أم فارس شغلت الشموع وطفت الأنوار .. البنات كلهم واقفين جنب سارة والشباب من الجهة الثانية والأباء والامهات واقفين من اطراف الطاولة الثانية ..

الكل : هبي بيرث دي توو يووو .. هبي بيرث دي توو يووو .. هبي بيرث دي هبي بيرث دي تو يووووووو ساااااارة ..

سارة تناظر هم شخص شخص وكلهم مبتسمين وقلبها يرقص وبغت عيونها تدمع من الفرحة بس مسكتها ..

ياسر : يلا سارة طفي الشموع ..

سارة ناظرت ياسر تبتسم مسوين صلح هي وياه لمدة يوم بمناسبة هاليوم .. وناظرت الساعة الي على الجدار .. وطلعت الساعة صوت يعلن على حدوث منتصف الليل ..

البنات : يلا تمني أمنية صارت 12 ..

سارة ناظرت الشمووع وعيونها تلمع بدموعها .. وغمضت عيونها وحركت شفايفها تقول أمنيتها بدون صوت .. والكل يناظرها .. بعدين فتحت عيونها بسرعة ونفخت على الشمووع والكل صفق وصفر .. وشغلوا الأنوار ..

ريان : ها سارة شنو تمنيتي ؟؟..

سارة ابتسمت وعيونها مغرقين بالدموع : ســـر ( ونزلت دموعها على خدينها ) ..

مسك : ساروة ليه تصيحين ؟؟؟ ..

سارة مسحتى دموعها بسرعة : لا بس أحس أن عمري بدا ينقص .. بس فرحانة ..

مسك ابتسم لأختها وضمتها : ههه خوفتيني يالدووبة ..

سارة لفت على الشباب والبنات وقالت بمزح : يلااا الهدايا ..

الكل : هههههههههههههه ..

وكلهم عطوها الهدايا مغلفين ..

بوفارس عطى سارة لابتوب أخر نوع : هااا إنشالله عجبك ..

سارة : واااااااو ( وتحضن أبوها ) .. مشكوور يا احلى بابا بالدنيا ..

مشاري : إيـه مو لله ..

الكل : هههههههههه ..

سارة لفت على أمها وابتسمت : باقي وحدة ماعطتني هديتي ..

أم فارس ابتسمت لبنتها : أنا هديتي غير عن الكل و راح تفاجأك كثيــر ..

سارة تحمست : يلا يلا وينها ..

ام فارس رفعت جوالها لأذنها : ادخل ..

تحرك مقبض باب الصالة والكل أنتقلت عيونهم من أم فارس للباب .. مافي أحد برا كلهم مجتمعين بالصالة ..

دخل شخص ماتوقعه أحد والكل صايبتهم الصدمة .. ومتعلقة عيونهم فيه مو مصدقين .. شعره كثيف وطويل .. ماغيره هذا هو ..

سارة فتحت فمها وعيونها على الأخر بعدين صرخت ذيك صرخة : أأأأأأأأأأأأأأأأأأأأأأأأأأأأأأأأأ رااااااااااااااااااااااااااااااااااااااااااااائد ..

وركضت واحضنته بأقوى ما عندى وتعلقت برقته : رؤود ما أصدق أنك جيت ..

أم فارس : ها شرايك ..

سراة بدون ماتلف وتناظر عيون رائد مو مصدقة : أحلــى هدية وصلتني بالدنيا ..

رائد الضحكة فالعة وجهه ومن شدة فرحته رفع سارة من الأرض وقام يدور فيها : هههههههههههههه حتى أنا أحلى شي بالدنيا صار لي .. طلووووول أدخل ادخـــل ..

الكل عيونهم راحت عند الباب دخل طلال الي جسمه معضل وحلو ماتغير إلا زاد حلى بس ..

هالمرة مسك الي راحت عند طلال وهي تصرخ وتضمه ..

طلال ماتفرق فرحته عن رائد متشقق من الوناسة ..

مسك : عموو اشتقت لك .. وحشتني مووت ..

طلال : فديت العمو وأهلها حتى أنا .. (ورفع نظره للبنات) وانتوا ماشتقتوا لي ؟؟

البنات بسرعة البرق التموا على طلال وهم مو مصدقين .. أما رائد نزل سارة وحظن مسك ..

رائد يناظر طلال : اكشخ ياشيخ مو مثلي عندك خير أنا بس ثنيتن ..

الكل : ههههههههههههههههه

سارة ابتسمت : ماعليك ياخالوو أنت الخير كلــه ..

&&&&&&&&&&&&&&&&&&&&&&&

طبعا الحين عرفتوا .. أن رائد يصير أخو ام فارس يعني خال مسك وسارة بس .. أما طلال يصير أخو بوفارس يعني عم البنات كلهم ..

&&&&&&&&&&&&&&&&&&&&&&&

وبعدين راحوا الشباب يسلمون على طلال ورائد الي لهم سنتين مانزلوا السعودية لانهم ظاغطين انفسهم للدراسة ..

مشعل : هلا بطلال هلا بأهل امريكا ..

طلال يمزح : طلال كذا حاف انا عمك عمت عيون عدوك ..

الكل : ههههههههههههههه ..

مشعل ابتسم : بعد شسوي ماني متعلم أنادي أحد اصغر مني وأقوله عمي ..

طلال : خخخ خلاص ..

وراحوا كلهم جلسوا على الكنب وطبعا سارة ومسك جالسات جنب خالهم رائد ولاصقين فيه ..

رامي : ساغة (سارة) مسك .. خنقتوا خالكم ..

رائد يقربهم أكثر منه : ماعليك منهم هذيل حبايبي ..

وقصوا الكيكة و وزعوها ..

والبنات يسولفون مع طلال ورائد بحماس ..

مسك : خالوو كم بتجلس معانا ..

رائد ابتسم ابتسامته الي تطيح الطير من السما : بجلس اسبوع .. ياعلني فدا اختي ام فارس جابتني وجابت طلال على حسابها ..

طلال : وين أسيل أبغى أشوفها من زماااااااان اذكر أنها كانت بالمهد وينها ..

رائد نفس طلال يتلفت : صحيح وينها .. ؟؟

اسيل الي كانت بالمطبخ تشرب ماي جات .. وطلال ورائد ناظروها بفرح ..

طلال : اسووووول تعالي عند عموو ..

رائد : لالا تعالي عند خالوو أحسن ..

الكل : هههههههههههههه ..

أسيل ماعرفتهم راحت على طول عند أمها .

.

رائد على طول قام واخذها من عند اخته ام فارس وحظنها ورجع جلس بين سارة ومسك وجلس يبوس خدودها : الله شحلاتها والله تجنن ودي أكلها ..

أسيل تناظره مستغربة بس ماقالت شي لانها تحب الرجال يشيلونها ..

سارة : اسوول هذا خالوو رائد أخو ماما ..

طبعا أسيل مافهمت بس ابتسمت ببلاها يوم شافت سارة متحمسة وتأشر على رائد ..

طلال : رائد عطني بنت أخوي ..

رائد يضم أسيل بعناد وهو يبتسم يغايظ طلال : مافيه بنت أختي ذي عندك بنات شكثرهم حولك ..

طلال عرف أن رائد يستفزه : ههههههههه هين أوريك

ومسك طلال اقرب وحدة له وهي سمر وطوقها بذراعينه وحظنها وجلسها جنبه وملصقها فيه ويناظر رائد ويبتسم : هههه شفت عندي الي ماعندك عندي اكثر منك حتى سارة ومسك الي حلال عليك حلال علي ( ويطلع لسانه ) ..

الكل يضحك على حركات طلال و رائد ..

سمر صارت خدودها طماطم لانها مستحية من عمها طلال نفسه .. لانها من زمان ماشافته ..

رائد يناظر سمر الي مستحية من طلال : بس أترك بنت اخوك شوف صار وجها أحمر .. استح على وجهك روعتها تشوف رجال شكبره اصغر من اخوها على طول يضمها .. وملصقها فيه ارحمها ياشيخ ..

الكل انتبه لسمر : هههههههههههههه ..

طلال ناظر سمر وابتسم وفكها بس مازالت يده على كتفها : هههههه والله بنت أخوي حلوة توني أحس .. ( ويناظر سمر الي تناظر الأرض بخجل ) ..

روان وملاك يتميلحون عند طلال : وأحنا ..

طلال : وانتي وهي وكلكم تجننون ..

مسك توها بتحرك شفايفها بتتكلم إلا تشهق ذيك الشهقة وتحط يدها على فمها .. والكل التفت لها

نهــــــآآية البارت الســ عشر ــآبع .. ^^

أرائكم وتوقعاتكم تهمني ..^^

&&&&&&&&&&&&&&&&&&&&&&&&&&&&&&&&&&&

~| البــآرت الثــ عشر ــآمن |~

طلال ناظر سمر وابتسم وفكها بس مازالت يده على كتفها : هههههه والله بنت أخوي حلوة توني أحس .. ( ويناظر سمر الي تناظر الأرض بخجل ) ..

روان وملاك يتميلحون عند طلال : وأحنا ..

طلال : وانتي وهي وكلكم تجننون ..

مسك توها بتحرك شفايفها بتتكلم إلا تشهق ذيك الشهقة وتحط يدها على فمها .. والكل التفت لها

رائد اللي حاط يدينه على كتوف مسك وسارة التفت على مسك وقال بقلق خفيف : شنو فيك ؟؟ ..

مسك حاطة يدها على فمها وتناظر عيون خالها رائد : نسيت اشغل الكاميرا ..

سارة مدت يدها على علبة المناديل اللي على الطاولة ورمتها على مسك : مالت ثم مالت ثم مالت طيرتي قلبي ..

الكل استوعب سبب شهقة مسك انفجروا ضحك : هههههههههههههه ..

ملاك : بجد سخيفة ..

روان تقلد على مسك وتشهق مثلها وتحط يدها على فمها : إيوا سخيفة ظنينا صار شي صدق تشهق على أي شي مطفوقة ..

فيصل يحرك حواجبه ويبتسم : سمعوا من اللي يقول مطفوقة .. أجل مسك مطفوقة عز الله شنو تطلعون أنتوا ؟؟ ..

الكل فطسوا ضحك على شكل فيصل ..

أم فارس : لاتخافين أنا شغلت الكاميرات شوفيهم في الزاوية ولا أحد يفوت هالذكرى ..

رائد : علني فدا أختي والله أنك فطنة ..

رهف : ليه أنت خروف العيد ..

الكل : ههههههههه ..

رائد يمزح : رهييف استحي تراني عمك مثل طلال ..

طلال : لا ياقلبي أنا عمها مو أنت ..أنت لك سارة ومسك بس غيرهم لاتحلم .. بنات شباب حيلكم فيه .. اسمعوا كلامي وأنا عمكم ..

ملاك ترمش بعينوها بسرعة وبطريقة تضحك : بس انت خالي مو عمي .. وحتى دانة ودانيا ..

طلال يسحب ملاك ويجلسها جنبه بس من الجهة الثانية ويبتسم لها : عاد خالكم عمكم المهم اني اصير لكم كل أبوكم وأمكم ..

الكل ابتسموا ..

فيصل : إلا صحيح يا طلال ويا رائد ماسمعتوا بالخبر ؟؟..

رائد وطلال بنفس الوقت : شنو ؟؟؟؟ ..

فيصل : أحم المدام حامل بالشهر الخامس يعني حوالي أربع شهور وبصير أبـو ..

طلال ورائد : هاااا ..!!

ملاك وسارة و روان ورهف وفارس ويوسف وريان وياسر وتركي بنفس الوقت قالوا : من قال هاا سمع ..

والتفتوا على بعضهم واضحكوا : هههههههههه..

رائد وطلال استوعبوا : مبرووووك الف ألف مبروووك ..

طلال : بس كيف ماحد وصل لنا الأخبار ؟؟..

رائد يناظر طلال وغمز له : خبرك أنا وأنت مقطوعين من الشجرة ..

طلال تدور عيونه بين البنات وشاف ربى ابتسم لها : هالله هالله يامرت ولد أختي بالبيبي ..

رهف : الله طويل الأسم .. مرت ولد أختك .. مسوي فيها الحريص

ربى ابتسمت : أهو خله يطلع أول ..

رائد : عاد شسمه .. مانبغى تجيبون لنا مفاعيص من أشكال عماروه هالدلوع ..

دانة بمزح : ترا يقولون عرق العمام دساس .. عمار يصير أخو فيصل يعني عم البيبي ..

الكل تخيلوا عمار يكون عم البيبي انفجروا ضحك ..

طلال حط ذراعه على كتوف ملاك : إلا اقول ملوك الحين أنتي في اي صف ؟؟ ثالث متوسط ؟؟ ..

ملاك : لااا خبرك قديم .. أنا في أولى ثنوي مع رهووف ..

طلال : لا ماشالله كبرتوا .. و احلويتوا ( ويغمز لها ) ..

ملاك : هههههه لا شدعوة عاد .. تونا صغار وماخذين الحلا كله منك ..

روان بمزح : أقول شنو جبتو هديه لسارة .. تراها من اسبوع ذابحتنا على الهدايا ..

الكل : هههههههههههه ..

سارة رفعت يدينها كأنها تدعي وقالت بطريقة تضحك : يامال ذاك الي شسمه فيك إنشالله ..

الكل ضحك على شكل سارة ..

طلال لف على الشباب : أقول شباب ماعندكم اشغال الحين .. ودي أشوف بنات اخواني وخواتي بثيابهم وكشختهم .. ( ولف على رائد يبتسم يغايظه ) .. وانت معاهم ..

مشاري : شباب ما كأنها طردة ؟؟ ..

يوسف : إذا كذا أنا بجلس عناد .. ( ويمد لسانه ) ..

ياسر : حتى أنا يعني شنو بتسوي بتشيلني بتقطني برا ..

طلال ميل فكه الأسفل وعلى وجهه نص ابتسامه : إيـه إذا استدعى الأمر ..

ياسر يبغى يستفز خاله طلال : الله عليك يالفصحى .. اتحدااااك ..

طلال قام من على الكنب وراح وقف بطوله وعرضه عند الكنبة الي جالس عليها ياسر .. وخلى يدينه ورا ظهره وانحنى شوي على قدام وناظر ياسر وهو رافع حاجبه اليمين : قدها تتحدى خالك .. ؟؟

ياسر حط رجل على رجل وبسط يدينه على جوانب الكنبه وقال بغرور مايناسبه بس عشان يغايض خاله : وقدوود ..

طلال انحنى اكثر ومد يدينه ومسك ياسر وبحركه سريعة شال ياسر في الهوا .. طبعا بالنسبة لجسم طلال القوي المعضل شوي عنده ياسر خفيف : هااا .. الحين أنت قد خالك يالبزر ..؟؟

ياسر من أول ماشاله طلال قام يصارخ : يمـــــــــــــــاااع .. نزلنـي نزلني ..

الكل فاطس ضحك على شكل ياسر الي انعفس وجهه وصراخه وشكل طلال الي يضحك على ولد اخته ..

طلال يمشي على جهة باب الصالة ويسوي نفسه بيطيح ياسر من يدينه : هااا .. تتوب ولا ؟؟ ..

ياسر مسك ياقة قميص طلال بقوة واشوي ينقطع الزرار من القميص : تووبه بس نزلني بتكسرني انت ..

طلال قلب ياسر يعني مسكه من جهه رجوله وخلا راسه لتحت : أول شي قل خالي طلال وتاج راسي ..

الكل : ههههههههههههه ..

أم أحمد : خلاص يا طلال تركه الدم بيتجمع في راسه الحين ..

طلال لف على اخته ام احمد : لالا اول شي خل يقول خالي طلال وتاج راسي .. عشان مايتحداني مرة ثانية ..

ياسر يحاول مايطيح ويصارخ من قمة راسه : خـااااااااااااالي طلااااااال تـــــااااااااااااااااااااااااج راااســي خلااااص نزلني بموووووووت ..

طلال : هههههههههههههه شاطر ..

وقام طلال ينزل ياسر على الأرض بشوي شوي وماسكه عدل من جهة رجوله عشان ما يطيح جد .. لمن صار يياسر على الأرض منسدح .. رجع جلس على نفس الكنبه الي كان جالس عليها من قبل ..

الكل ضحكوا على ياسر المسدوح بالارض

قام ياسر عن الأرض وراح جهة الطاولة يبغى ياكل .. المحطوط في الطاولة الكيك والمشروبات الغازية والورق العنب وغيرهم ..

رائد : تصدقون ياجماااااعة إن . ( إلا معدته تطلع اصوات تدل على جوع رائد الشديد )..

مسك وسارة : هههههههههههههههه ..

رائد : هههه مايحتاج أقول معدتي تكلمت قبلي جوعاااااااااااااااااااان حدي .. أبغى اكل دسم أبغى كبسة رز طبخ عربي .. معدتي تستغيث من أكل أمريكا ..

طلال لايقل حالا عن رائد حط يده على بطنه وسيح نفسه ( يعني صار شبه منسدح ) على الكنب شوي ويطيح بالأرض ورفع رجوله على الطاولة الي قدامه : حتـى أنا .. أحس أني بطيح لو ما أكلت شي .. من شلت ذا الياسر راحت قوتي الباقية ..

ياسر : تستاهل ..

طلال بمزح يسوي نفسه يخوف ياسر : شقـلت ؟؟؟..

ياسر : هاا ماقلت شي ..

طلال لف عن ياسر وناظر أخوه بوفارس : أي حسبت بعد .. ( وبمزح قال ) .. أقول يابوفارس مايصير كذا ماضيفت أخوك ولا عشيته .. أنا ورائد على عصافير بطنا من امس ماتعشينا متأملين بأكل السعودية ..

الشباب والبنات : ههههههههههه ..

مشعل : أجل شرايكم نسوي العشا باربـيكيو ؟؟ ..

تركي : شنو باربـيكيو ؟؟ ..

سامي : ههههههه والله صدق يوسف يوم قال عنك داج بالأنجليزي .. باربـيكيو يعني شوي دجاج في الهوا الطلق فهمت ..

ياسر : طلق ولا ولادة هههآآآي ..

تركي : هههههآآي كفك ..

الشباب والبنات يناظرون تركي وياسر بنظرات سخافة ..

ياسر يحك رقبته ويناظر تركي : ماعجبتهم ..

فارس : خلاص أنا أبغى دجاج مشوي .. الله ولا على الفحم شي موب صاحي ..

رائد : ايـاابااااه .. بس اسكت جوعتني ..

روان : تصدقون حتى انا اليوم مشتهية دجاج مشوي ..

ملاك : إيـه وتاكلنها خاليه ..

مسك : ولا .. ولا أجواء الشوي .. وتعرفون الدجاج الي يسونه أمي وعماتي تاكلون اصابعكم وراه ..

رهف وسارة : إيــه و مع ..

إلا طلال ورائد قاطعوهـم .. مساكين جاعو أكثر : بـــــــــــــس ..

الكل : هههههههههههههه ..

رائد مسك راسه ويسوي نفسه يشد شعره ويناظر اخته أم فارس : يا أختي ياتسكتينهم ولا تجهزون عدة الباربـيكو بالحديقة ..

أم فارس : هههههه خلاص نروح نجهز العدة للشوي أسهل لي من أني اسكتهم ..

بعد خمس دقايق الرجاجيل انسحبوا من الصالة وراحوا المجلس والحريم كلهم راحو المطبخ يطلعون الدجاج ويتبلونه ومن هالقبيل عشان يسون باربـيكيو .. وبقى في الصالة البنات والشباب ..

ريان غمز لمشاري ومشاري فهم له ..

ريان : اقول مشاري ماتذكر غدا ذاك الأسبوع يوم كنا بالمزرعة رهيب صح ؟؟..

مشاري : ايه كبسة عمتي أم فارس لذيذة ومع الليمون والشطة الله .. ماتـنتفوت ..

الشباب والبنات لفوا عليهم : ههههههههههههههههه ..

رائد وطلال ناظروا ريان ومشاري وعلى وجهم نص ابتسامه ..

رائد راح عند الطاولة الي فيها كيك والأشياء الخفيفة .. عشان يصبر نفسه شوي : عادي يعني بتقهرونا ماعليه كلها ساعة ومتعشين أحلى عشا ..

طلال : يلا شباب اطلعوا من غير مطرود أبغى أجلس مع البنات شوي ..

رامي قام من على الكنب بدون مايتكلم وطلع للحديقة .. وشكله يدل أنه قاعد يفكر ..

طلال : شفتوا كيف الناس العدلة (يقصد رامي) مو مثلكم ماتطلعون بكرامتكم ..

الشباب كلهم قاموا و وقفوا عند طلال وقالوا بصوت واحد : نــــــعم ..

طلال سوا نفسه خايف : ها الله ينعم عليكم .. ممكن تطلعون ..

الكل : ههههه ..

مشعل وهو متوجه للباب ويمشى على ورا .. ابتسم لعمه طلال : ترا رامي يوم طلع ما اختق لكلامك .. بس كان يبغى يدخن برا خخخ ..

وطلعوا الشباب كلهم وجلسوا بالحديقة .. لف طلال على رائد الي قاعد يياكل ورق عند بهدوء ..

طلال راح عند رائد ومسك شوكة الورق العنب الي كان رائد بيدخلها في فمه : هـي ياخبل لاتكل أشياء حامضة على معدة فاضية ..

رائد يحك شعره ويرجعه لورا : اوووف نسيييت .. بس أصبر نفسي ..

طلال : وهذا وأنت دكتور .. ماعلي المهم .. اطلع برا بجلس أنا والبنات شوي ..

رائد حط يده اليسار على خصره وابتسم نص ابتسامه : لا والله .. حتى أنا أبغى اشوف مسك وسارة قبل ..

طلال : ههه تـتحـجج بـأي شي عشان تجلس ..

رائد حط صبعه السبابة على راسه وهو يروح عند مسك وسارة : كيــــــــــفي بنات أختي وكيفي ..

ملاك : تراك أذيتنا في بنات اختك ..

رائد : سبحان الله أنتي وخالك مدري عمك نفس الطينة ..

ويفك رائد شيلة مسك وسارة : الله .. والله أنك حلوين مثلي ..

دانيا بمزح : أوف تونا ندري أنك مغرور بنفسك ..

رائد بعفوية : لا ياقلبي هذي يسموها ثقة ..

روان دخلت عرض تبغى تحرج رائد : شقــلت .. قلبك ؟؟..

ملاك نفس روان تبغى تحرجه : أي بنات سمعتوا الي سمعته من الي قاله رائد ؟؟..

طلال بمزح لرائد : شنو قلت يلا ضف بلا مع الشباب ..

رائد بغرور مصطنع يقلد البنات : يااااي شنو اسوي إذا كان لساني عسل ..

رهف : ما اقدر عليك يالـياااي ..

رائد حرك شعره بيده اليسرى ويرمش بعيونه بسرعة : ما ألقى عندكم عروسة حلوة ..

طلال مسك رائد من بلوزته من جهة رقبته من ورا : يلا يلا برا قاعد تتميلح عندهم وأنا هنا .. وبنات أمريكا الي يزحفون تحت رجولك مابغيتهم هاا ..

مسك وسارة فصخوا عباياتهم .. و رائد وطلال صفروا ..

رائد : الله الله .. طلول شوف البنات مو البرص الي بأمريكا الي على قولتك يزحفون تحت رجولي .. شوف الصناعة الأصلية ..

البنات : ههههههههه ..

طلال سحب رائد للباب وطلعه بمزح : إن شفتك موطوط هنا لا أكسر رجولك ( وسكر الباب ) ..

البنات كلهم فصخوا عباياتهم .. و سارة وملاك و روان مسكوا طلال وسحبوه جنب الكنب بس جلسوا على الأرض متربعين .. صارت روان على يمينه و ملاك على يساره و رهف وسارة وسمر قباله و وراه على طول فوق الكنب مسك ودانة ودانيا .. أما ربى جلست قريب من دانيا على الكنب ..

طلال متربع وشابك أصابع يدينه ومبتسم للبنات : اخباركم ياروح عمكم .. (ولف على ملاك وحرك حواجبه) .. وخالكم عشان بعض الناس ماتزعل ..

ملاك ابتسمت وغمزت له : كذا أنت تعجبني ..

رهف : أنا الحمدلله ..

دانة : وأنا بخير من شفتك ..

روان : أنا من شفت خشتك ياعمي كل شي صار تمام التمام ..

طلال : يابعد قلبي والله .. والباقي ؟؟..

مسك : أحد يشوف القمر معاه ولا يصير بخير ..

سارة : إيوا وحشتنا كثيـر ..

دانيا : ليه ماتنزل كل سنة .. أتذكر أخر مرة شفناك فيها قبل سنتين ..

طلال : والله شنو اسوي يابنت أختي أنا ورائد ضاغطين أنفسنا بالسمستر نخاف ننزل ونهون نرجع لأمريكا .. بس تصدقون كلكم تغيرتوا علي بالمرررة ..

روان شبكت ذراعاها بذراع عمها : قول شنو الي تغير عليك من كل وحدة ..

طلال : إممم خليني أبتدي من اليمين لليسار .. طلعا كلكم صرتوا أحلى بكثيير .. روان أحسك طولتي عن أول ..

روان : أحـم الله يطول بعمرك ..

طلال ابتسم : رهف شعرك صار أطول وأنعم ..

رهف الي كانت رابطة شعرها ذيل الحصان حطته على قدام : أحــمتين مو أحم وحدة ..

طلال ابتسم لها ونقل نظراته لسارة : سارة ياسارة .. إممم صرتي احلى بكثيير وعيونك احسهم فتحوا أكثر .. ياحظ الي بياخذك ..

يتبع ,,,

👇👇👇

تعديل المقال