رواية فرسان على جمر الغضى -16
ليث:انتهيتي وهالحييين ودج تمشي معي بالغصيبه
جرها ورااه وهي تعارض:ماودي ماودي
بخارج المغاره
عتاب:وش الي يصير
ليث:ماودها انجنت براسها ومدري وش هي تفكر فيه
عتاب:يمكن انها ماترييد اتعاود للرجال الي يقول انه ابو ولدها
ليث:مدري عنها
عتاب وهو يلتفت ليها:ليييه ماودج تعاااودي
جلست البدور على الارض:مستوووجعه ....
رجعت بعدها تبكي:وماريييد اعااااود للديره من بعد ماقال الشيخ حماااد اني مهب حرمته
حطت ايدها على وجهها واخذت تبكي
قرب منها ليث وجثى قريب منها:وش سالفتج ومن هو الرجال الثاني هو سباااج ولا
البدور:انت السبب انت السبب الي يصيرلي كله منك
ليث:انا ماجاااج مني الا الي تسببتيبه لحالج
ظلت تبكي ورافضه انها تقووم
عتاب:زييين خلاااص........ قومي ياقوووته وعاااودي بيها للمغاره السالفه وكاد فيها شي
ساعدت شوق البدور توقف وخذتها لجوا المغاره
قماد عاود للي كانو واقفين لجل يستلمو وقال لهم بالي صار وان الحرمه رفضت تعاااود
حينها التفت سعد للشيخ حماد:اقووول ياشيييخ حماد صحيح اني بعدني ماهب ذاكر شي مير انا ودي اوصل للحرمه واشوف وش هي لعلوم الي عندها والمعشوقه مدري ان انته ودك تستغني عنها
الشيخ حماد:المعشوقه معااادلي بها حاجه انته ارسلتها لي لجل احافظ على الامانه وانا ضيعت الامانه ولزوووم تاخذها لجل اترجع اماااااانتك
سعد:زييين اجل انا ودي اخذ الفرس واروووح عند عيال العطاوي هم وكاااد ماراااح يضروني بشي وهم كانو رفاااقه لي
الشيخ حماد:سو الي ودك اياااه
ودع سعد الشيخ حماد واخذ الفرس ولحق قماد الي تفاجئ بالي يسويه سعد واول ماوقف جنبه خبره سعد انه هو الي وده يوصل المعشوقه وياخذ الحرمه ومشي معه للمغاره
................................
فهاد والصقر وصلو للديره الي قتل فهاد ولدهم وتلاقى بالشيخ والولد كان ولد واحد من وجييه القبيله علمهم فهاد بسالفة الثار وكان عندهم علم بيها وقال لهم ان ولدهم هو الي جنى على نفسه وقال انه سدحان السحومي وتفاخر انه قتل سعد
عاهدهم فهاد انه يسلم رقبته لهم اول ماياخذ بثاره وانه مستعد يدفع دية ولدهم شيخ القبيله تفهم الي يصير واعفى فهاد من دم ولدهم وقبل بالديه بعد ماشاف ان الحق لفهاد
بعد ماطلع فهاد والصقر من القبيله راحو لقبيلة ابو هند لجل يشوفو الحال الي صارو فيه من بعد الغزو وهناك تفاجئ فهاد ان الشيخ وولده ماتو وبعض وجيه القبيله لقي هند الي كانت تبكي وتولول وتقول لفهاد ان حالهم ذا كله منك وانها تيتمت وصارت من غير سند والسبب انت
هند:لا اب ولا اخ معاااد لي سند بالحياااه يافهاااااد والسبب انت السبب انت
فهاد:يابنت الاجواد انتي تدري انه انغدر بي والسالفه صارت غصبا عني
هند:وش اسوي انا بعذرك ذا وش اسووووي
وظلت هند تبكي وتدعي وفهاااد مستوجع حييييل من حالها ...عرض صقران نفسه انه يتزوجها ويكون هو سند لها ومارضيت حينها عرض عليها فهاد انه هو يتزوجها وقبلت بيه وملك عليها واخذها معه معاود لديرته بعد مااعطى وعد لاهل القبيله انه يعوضهم عن كل الي خسروووه
استقبل عتاب وليث سعد بالاحضان واستقبلو المعشوقه الي كان اللقاء معها غييير وخبرهم سعد انه بعده مايذكر شي واخبرهم بالقليل الي قاله الشيخ حماد له
صحيح ان ليث كان وده يرسلها لاكنه مايدري وش صااارله من وصلهم سعد وهو يحس بنااار غريبه تنهش بصدره وبعدما قهووه وعين خير طلب انه يشوف البدور حس حينها ليث ان امرها طلع من يده قام وقال انه وده يركب المعشوقه ويجدد معها ذكرياتهم بينما هو كان وده يبعد عنهم وهو منقهر
سعد طلب انه يدخل عند البدور لحاله لجل يفهم منها السالفه كلها وقف قدامها ورفعت نظرها له وتفاااجئت به بدت دموعها تنزل
جلس سعد مقابلها
البدور من بين دموعها:انتــ انت بعدك حي والله اني قلت ان الهرج كله كذب
سعد:انا مذكر شي من الي صااارلي من زمااان ...ودي اياااكي تخبريني بكل شي
البدور علمت سعد عن كل شي لاكنها ماجااابت له ان هم عيال العطاوي الي غزيو ديرتها ولا من هو ابو العيل وحلفته انه مايقول لهم بالسالفه ذي شي وان كل الي اتريده هالحيين انها اتعاااود لديرتها
سعد تفهم الي تريده ووعدها بالي تريده
عاود لهم لخارج المغاره
عتاب:هااه وش الي صااار
سعد:صار بينا حديث مير انا بعدني مذكر شي ومدري وش اسوي
عتاب:تريح يارجال تريح وباااكر باذن الله نشوف الي ودكم اياه وحنا ياخوووي مستعدين للي تريده...والله اننا اشتقنالك واشتغنا لقصيدك وشلاااتك
ابتسم سعد وهو كل الي يذكره بحياته معهم هم وبس
على المساء عااود ليث ولقيهم جالسين قدام النار
قماد وسعد وعتاب وقوته جلس قريب منهم وظلو يسولفون ...بالمغاره كانت البدور متمدده بفراشها وهي صاحيه وعبله جالسه تمشط شعرها اما شوق فكانت نايمه من بعد ماتقلبت بفراشها
قرب عتاب من قوته وحط راسه على رجلها حس بتوترها ورجيفها وهي تبادله الابتسامه
قوت بهمس:مهب اهنيا ياعتاااب
ابتسم ليها:وش الي يمنع؟
قوته بتوتر:اني استحي ياعتااب
عتاب:زين قومي خلينا نروح نتعلل سوء
ابتسمت شبه ابتسامه وهي ماتعرف وش اتقووول:نتعلل سوا؟؟
عتاب رفع يده ومررها على خدها:زين وش الي يمنع بعد؟
قوت:مرتن ثااانيه ياعتاااب انا ودي انااام
عتاب:للا ودج بالاوله تقومي معي ودي اسولف معج لحالنا
قوت وزاااد توترها:ارجاااااك ياعتاااب اني استحي
عتاب:وييييييلي انا من السحا...زين هو هرج بس الي راااح يصير
قوت وهي تحاول تنهي السالفه:زين وش رااح يقولو؟؟
عتاب:اتركيهم يقولو الي يقولوووه
نط عتاب جالس وقام وهو يمد يده لقوت لجل اتقوم تمشي معه قماد كانت عيونه اتراقبهم وهو مبتسم وانصاااعت قوت لعتاااب وهي تتبعه وهو ماسك يدها
ناظر ليث صدره وشاف ان الجرح لزومله تبديل قام وراح لداخل المغاره
شاف عبله الي كانت منتهيه من تمشيط شعرها وتوجه ناحيتها من غير مايلتفت للبدور
عبله وقفت:ترييييد شي
خلع ليث ثوبه:ودي تداوي الجرح
عبله:زيييين تفضل
اعتدلت البدور وهي تناظرهم ولو انه التفت ليها كان عرف انها ناااويه على شر لاكنها ظلت تكتم الغيض الي تملكها وتحاول تصرف حالها باي شي ثاااني
قوته:عتاااب خلنا نعاااود
عتاب بابتساامه:تعااالي وش الي يخليييج خااايفه كذا مانتي مع رجاااال غريب انا رجلج
قوته وهي تناظر المكان الي جابها فيييه عتاب وهو مغاره صغيره من الجبل بمكان ثاني
عتاب:ايييه ودنا نتعلل سوا
كان ماسك بيده شعله حطها على طرف واناارت المكان
جلست قوت وهي متوتره حييييل ...التفت ليها عتاب وهو مبتسم ورجع يتمدد ويحط راسه على رجلها
عتاب:لو اننا نمسي اهنيا كل يوووم مهب احسن
ارتجفت قوت وحاولت توقف لاكنه مسكها
عتاب:تعااالي اهنيا
ناظرته بخوووف...اعتدل جالس وناظرها
عتاب:وش فيييج ياحبة عيييني
قوت بارتباااك:احس بطني ممغوصه ودي اعااااود
عتاب:زيين اهرجي معي اشوي
قوت وهي ماتدري وش اتقووول:الـ.... السلاااح والي معه وييين خذيتوووهن
ناظرها عتاب بنظره غريبه وعاااود مرتن ثانيه يناظرها بهيااام:يا ويييييلي وش اترييييدي بالسلاااح والي معه خلينا بهوااانا
قامت قوت:اقووول يا عتاااب انت وكاااااد نمت وشبعت نوووم مير انا من صباح الله خير وانا واقفه اشوف وش اتريييد الجمااااعه خلنا نعااااود ودي اناااام
عتاب بنظره غريبه:زييين نعاااود نعاااود ونشوووف وش اخرتها
انتهت عبله من تنضيف جرح ليث ولبس ليث ثوبه وشكرها على الي سوته
قام واقف:ما ودج تجي تتعللي معنا عند الناااار
ابتسمت عبله:ايييه ودي
ليث:اجل ياله انا انتظرج
طلعو ليث وعبله وظلت البدور جالسه تحس بناار تلسعها
طلع ليث وعبله وانضمو لهم وجلسو سوا يسولفون ويهرجووون ....بعدها بشوي انضمت لهم البدور الي التفتو كلهم ناحيتها من غير ليث الي لمح انها هي وعااود يناظر النار
قربت البدور الي اتجهت لجل تجلس قريب من سعد..كان يحس بطعووون تطعنه وقرر انه يوقف الا ان عينه جت بعينها وانصدم وهو يحس بالجمر اشتعل
ليث ومن غير مايبعد عينه عنها"متكحله !!!!..............متكحله!!!!......متكحله هي ناااااويه تذبحني وانا بعدني حي لجله هووو متكحله اويلااااااااااه العيووون ذي الي ذبحتني من زماااان اليوم تعاااود لجل تذبحني وش الي ناااويه اتسوييينه بي يالبدور وانتي تدرييين ان نفسي اشوووف العيووون ذي من زمااان "
ظل جالس وهو يناظر لهيب النار
اخذ قماد يقصد بشله وهو يعابل بسلاحه والتفت سعد للبدور يتحجى معها وليث صار مايشوف شي قدامه وهو منقهر
قربت منه عبله ازود واخذت تحجي معه وهو ساكت يناظر النار بعدها بحين قام سعد وترخص منهم لجل يصعد فوق الجبل لانه اشتاااق حيل للمكان الي كان يجلس فييه دوم
قماد:اخلص اسلاحي والحقك يا خوووي
حينها حس ليث براحه وسعد يترك المكان ...عبله بعد تذكرت شي بالمغاره وراحت تجيبه لاكنها انصدمت بونين شوق والي حصلتها محمومه حييييل رجعت ونادت قماد الي لحقها للمغاره وتفاجئ بشوق محمومه ظل يناظرها
قماد:وش فيها وش الي يصير لها
عبله:البنيه محمومه ......والبنت بنت شيوووخ مهي متعوده على الي انت تسويه معها
قماد:زين وش راااح نسوي معها هالحييين
عبله:لزوووم نكمدها بالمي لجل الحمى تنزل عنها
وظل قماد وعبله مشغولين بشوق وليث والبدور لحالهم جالسين عند النار من غير كلام
الا ان الحطب الي بالنار انكسر وبنكساره طارت شرارات على البدور حينها نط ليث ومسك الجمر وابعده عنها بيديه
ليث:انفضي ثووبج بقي شي
البدور:للا ........انت ..الجمر
ناظرها وصارت عيونه قريب حييييل من عيونها
ليث:انا الجمر بصدري قايد من زماااان
نزلت نظرها لتحت
ليث:متكحله له؟؟؟؟
ارتبكت وناظرته وعاودت تناظر لتحت
رفع وجهها بيده بقو ناحيته:لجل تدرييييين انج خسيييييسه
ابعدت يده عنها وهي تلطمها وقامت راجعه للمغاره
وصل عتاب وقوت لليث واخذو يناظرونه
..............................
استقبلت العمه هند وعزتها بمووت ابوها واخوها وتفاااجئت هند بالمها الي طلعت من ورا الشق
المها من بعد ماسلمت على هند:مجبووور ماصااابج يا خيه
هند:انتي وش اتسووويين اهنيا؟؟
ناظرتها المهاباستغراب:وش تقصدييين؟
هند:فهاااد وطلقج ليييه ما رحتي لديرتكم
المها:بعده الثار ماخلص
هند:الثار ماخلص مير انتي تطلقتي انتي ماتستحي تجلسي بالديره من بعد ماتطلقتي وش هووو وجهج
قامت المها غضباانه:حشمي نفسج يا بنت الاجواااد وش الهرج الي انتي قاااعده تقولينه انا وش هووو وجهي ليييه وانتي وش هووو وجهج جااايه لهنيا وتاااركه قبيلتج وربعج
وقفت هند:ربعي وقبيلتي ماعليهم شر مير انا جااايه لديرة رجلي
المها باستغراب:رجلج!!!؟؟.....انتي تزوجتي؟؟؟
هند:اييييه تزوجت شيخ الرجاجيل
المها وهي تحس بوجع يقتلها:تزوجتي من؟؟
هند بغرور وتعاالي:تزوجت الشيخ فهاااااد على سنة الله ورسوله
ظلت المها فاتحه عيونها تناظرها
هند بابتسامه:وش فيييج ...ماتعرفي تقووولي لي مبااارك علييج الجيزه
نزلت المها نظرها لتحت وبصعوبه قدرت تخطي الخطوات لجل تختفي بالشق بعيد عن انظار هند والعمه
هند:هو بيت فهاااد وييين؟
العمه:البيت مسكر وانتي يقول فهااد اجلسي اهنيا لين يوم العرس
هند:ما ودي اجلس اهنيا خبري فهاد اني ودي اجلس ببيتي
العمه:تريحي يابنيتي تريحي وبعدها احجي مع فهاااد
هند:للا مرااح اتريح الا ببيتي
حاولت العمه معها لاكنها رفضت ومن بعدها خذتها لبيت فهاد الي كان قريب من بيتها والي كان هو بيت المها...اخذت هند تناظر فيه والتفتت للعمه
هند:ودي الفرش ذا كله يتبدل
العمه:يابنيتي الصباح رباح تريحي هالحيين وباكر باذن الله يصير كل الي تريدينه
هند:للا ما ودي خليهم يجووون هالحييين ويبدلو كل الفرش ذا
فهاد كان جالس بمجلس ابووه ووجهه اسود من كل الي صااار له
الشيخ ابو طايل:يا ولدي الي صااار قسمه ونصيييب وانت ماتدري بالغيييب ومن باااكر باذن الله نطرش كل الي قلتلي علييه للديرتيين ومايصير خاطرك الاطيب
ظل فهااد ساكت كابت حسرته وضيقته الي كانت مبينه على وجهه
الشيخ طايل:يا ولدي ارجااااااك تسلم امرك لله ولا تضيق بخاااطرك
هز فهاد راسه وقام:ارخصلي يا بوووي
اول ماطلع فهاد والتفت لبيته شاف العمه ومعها ناس تطلع فرش البيت توجه ناحيتها
فهاد:وش الي يصييير ياعمه
العمه:ودنا نغير فرش البيت يافهاااد
فهاد:وش قلتي ولييييه
العمه:لجل حرمتك يا ولدي لزووم تغير فرش البيت لجلها
فهاد:ومن قااال انها راااح اتضل بالبيت ذا ياعمه خليها عندج لين يصير العرس
العمه:البنيه ماودها تجلس عندي وودها ببيتها
فهاد:ذا بيت المها ياعمه وشلووون تريدينها تجلس فيييه
العمه:هي الي طلبت بيتك ولزمت بتبديل الفرش وانا يا ولدي ماني عااارفه اجلس عند من فيهن المها ببيتي وذي لزووم حد يجلس معها
فكر فهاد بالمها انها صارت خلااص ببيت عايض
فهاد:للا يا عمه خليييج عند المها
التفت لبيت اخوه طايل:اخووي طايل بعده ماعاااود
العمه :للا هاقوتي ان شايبهم توفى لجل كذا هم راح يطولو بالمغيب
فهاد:وش السوااه؟؟
العمه:انت تملكت على لبنيه وماهقوتي انها راح ترضى بحفل وابوها واهلها ماتو من قريب توكل يا ولدي وادخل على حرمتك
صرخ فهاد:لـــــــــــــلا...شوفيلها حد من الحريييم تقعد معها اني مهب بحااال يسمحلي اعرس هالحيييين ياعمه تصرفي تصرفي انتي معها
تركها ورااح
..........................
اول مادخلت قوت للمغاره وشافت حال شوق طلبت من عبله تخلع ملابس شوق
قماد ناظرها باستغرااب:وش راااح اتسوووي
قوت:اييه انت اهنيا ياخوووي اتركنا البنيه قريب تموووت من الحمى اطلع يا خوووي ودنا نحممها لجل الحمى تنزل
قام قماد وهو مرتبك وبعده يناظرهن
قوت:انت ماتستحي على وجهك قلت اطلع
قماد:زين زييين
طلع للجبل بالعالي وكل تفكيره عندهم حاول انه يسولف مع سعد لاكنه كل شوي عاود يفكر بالي يصير تحت
اتكى سعد على صخره كان دايم يتكي عليها وماكان يدري ان الصخره ذي حركوها من مكانها الصخره اول ما اتكى عليها سعد انزلقت من مكانها وتدحرجت من فوق الجبل وسعد انزلق وراها الا انه مسك بحافة صخره ثانيه وانخبط راسه بالصخره
مد قماد يده له يسااعده وهو يضحك
قماد:ههههه وش فيييك يا خوووي
جر قماد سعد للمكان الي هم فييه وجلس وهو متوجع من الي صااارله
قماد:مستوجع ياخوووي
سعد:وشلووون صار الي صااار
قماد:حنا ياخووي بالامس حركنا الصخره ذي قلنا يمكن انه يغزينا الشيخ حماد ورتبنا المكان استعداد لاي غزو
سعد وبعد متوجع:ايييه
قماد:وش اتحس بييه
سعد:والله ياخووي احس ان نفسي قاالبه علي واني مهب ابخيير ودي اتمدد
قماد:زين خلك جالس اهنيا وانا نازل اجييب لك فرااش
نزل قماد وهو بعده يذكر الي صار لسعد ووده يضحك
دخل المغاره وشاف شوق الي كانن الحريم محاوطات فيها
قماد وعيونه عليهن:وش صااار؟
قوت:ماصااار شي باذن الله انها تتعافى
قماد:زين اريد فرااش
اعطت عبله قماد لفراش وطلع عنهم
الكل نام بعدها وبالساعاات الاولى من الصباح الكل قام على صريخ البدور
قربت منها قووت:وش فيييج ياخييه
البدور بصرخه ثانيه خلت الي بخارج المغاره يدخلون
عتاب وليث:وش صاااير
حطت البدور ايديها على وجهها وصارت تبكي
جلست قوت جنبها:ودج تولديين ياخيه
عبله:تراها كل يوووم تتوجع ماهقوتي انها راااح تولد
لاكنها سكتت مع صرخة البدور الثانيه والي حس الجميع منها انها مهي مثل وجعها كل يوووم
ناظر ليث عتاب بمعنى وش السوااااه
!! !!
!! !!
!! !!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع ♫ معزوفة حنين ♫..
روآية : فرســــان على جمر الغضى ..
للكــآتبة وديمــة العطـــــــــا ..
[ 3 ]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الواحد والعشرون
قربت قوت من البدور وهي تناظرها
قوت:يا خيه مستوجعه حيل ودج تولدين؟
هزت البدور راسها بمدري وهي تبكي
ناظرت قوت ليث وعتاب:اسمعوووني تراااني معرف شي في امووور الحريم ذي اناترااني اقول من الحين مالي دخل فيها
ووقفت ودها تطلع واعترض طريقها عتاب
عتاب:قوته وش الهرج ذا ؟؟من الي راااح يولد الحرمه
صرخت قوت:يا ويييييلي وانا وش يعرفني لالالا ارجاااااك يا عتاااب خلني اطلع من اهنيا والله ان قليبي زااايغ ارجااااااك
التفت عتاب لعبله الجالسه قريب البدور:وانتي ياخيه تعرفييين؟؟
هزت عبله راسها بلاااا
عتاب:يا جهد البلا
ليث وهو جالس قريب من البدور:انتي صحيييح ودج تولدين هالحييين؟
صرخت البدور وهي تمسك فييه من الطلقه الي جتها وجمد ليث مكانه واول مافكتها الطلقه اخذت البدور تضرب ليث
البدور:كله منك كله منك انت السبب
غمض عيونه ليث:مني انا !!!؟ وش الهرج ذا انتي تسببتي لنفسج بكل الي يجييييج
مسكت فيه وهي تحس بالوجع يعاااود لها مرتن ثانيه ودعست بوجهها بصدره وانذهل هو بالي تسويه ظل قليبه يدق بحيييل لين ما ابتعدت عنه ورجعت تضربه مرتن ثاااانيه ليث تركها تسوي فيه الي تريد وناظر عتاب
عتاب:حنا لزوووم انسوي شي والحريم ذي ماتعرف شي انا رااايح يالييث اقول لسعد عن حااال الحرمه
حينها ليث مد ايديه ليديها وفككهن منه وهو يسحب حاله وهي تمسك فيه بحييييل
البدور مع حضور الوجع مرتن ثااانيه:للا للا لاتتركني لا تتركني ارجاااااك انا مستوجعه حييييل
ورجعت تبكي وهي تمسك فيه حيييل
ليث استوجع حيل من حالها وصرخ على عبله:تعااالي وخلصييييني منها
عبله وهي ترتجف قربت من البدور وسحبتها ناحيتها
البدور وهي تبكي:انت الخسييييس انت الخسيييييس انت السببب انت السبب
قام ليث وطلع وهو يحس انه متوتر حييييل لقيه عتاب بالخارج
عتاب:ليث الرجال تعييب وقماد يقول من البارحه وهو نايم وطواال الليل وهو يهذي
ليث:يهذي بويش ياعتااب؟
عتاب:هقوتي انه تذكر الي مضاله يقول قماد انه جاب علوم كثيره وطاري ناس كثير
ليث:اييييه هو وقته هالحييين والحرمه وش انسوي ليها؟
قربت قوت:لزوووم تجيبو حرمه تعرف بالسوالف ذي
ليث:زييين انا رااايح اجيبها
وبالفعل ليث راح للديره الي كانت قريب منهم وطلب منهم حرمه تولد لان حرمته تركها بنصف الطريق وهي تولد وجاب الحرمه
عتاب جلس قريب من سعد الي صحي واخذ يسال هو وين؟
عتاب:انت تذكرت ياخوووي؟
سعد وهو يحط يده على راسه:وش الي يصييير انا وييين وانتو من؟
قماد:ياخوووي ياسعد انت نسيييتنا يادااافع البلا
سعد وهو يفكر اكثر:للا للا انا اذكر ان اسمك قماد وانت عتاااب انتو عيال العطاااوي
سعد نفسه تفاجئ انهم عيال العطاوي وكيف هو عندهم مسك راسه:وش الي يصيرلي؟؟
عتاب:ياخوووي ياسعد انت كنت ماتذكر ماضيييك انا لقيتك في يوم من الايام اهنيا مصيوب ووطايح من فوق الجبل ومن حينها انت ماتذكر شي
قرب حينها منهم ليث
سعد:ايييه ايييه تذكرت كنت رايح حينها بطريقي لجل اوصل الحرمه عند الشيخ حمااااد
ليث:الحرمه حرمتك؟
سعد:للا للا
بعدها ضغط على راسه يحاول يتذكر
سعد:هذي حرمه لقيتها بيوم عند الغدير وهي لابسه ملابس رجال وضيفتها بمجلس ابوي الشيييخ
قماد:شيييييخ انت ولد الشيوووخ؟؟
سعد وهو يناظره:ايييه انا سعد ولد الشيييخ وضاااااح
الجميع صرخ:انت اخو المهااااا مرت الشييييخ فهااااااد
ناظرهم سعد مستغرب معرفتهم باخته ومن هو الشيخ فهاااد
سعد:المهاااا صاااار لها شي؟
عتاب:للا يا خوووي مير العربان قالت انك مت وان سدحان السحووومي هو الي قتلك
سعد:وش اتقوووول؟؟ سدحان السحووومي كانت الحرمه الي لقيتها عند الغدير
:حرمه!!!!؟؟؟؟
سعد:ايييه حرمه كانت تعيييب كثير وانا ضيفتها ببيتي بلاوله كنت اعتقد انها رجال مير عقب دريت انها حرمه واعطيتها الامان انها تظل ببيتي وماقدرت من عقب اقول لقبيلتي انها حرمه خوف انهم يشكو بشي
وقلت حينها ارسلها للشيخ حماد وارسل الفرس ثمن لجل يحميها الحرمه كانت خايفه من طلابين ثااار لجل انها قتلت واحد من الي غزو ديرتها
مازالت النظرات بين عتاب وليث من الي يسمعونه
سعد:وحنا بالطريق البنيه كانت ماسكه السلاح الي اطلق لحاله وثارت الرصاصه في
ناظر كل من عتاب وليث الثاني مرتن ثانيه
سعد:حينها طلبت منها انها تكمل الطريق وتقول للشيخ حماد اني انا مرسلها والفرس دليل مني واذكر اني حينها غبت من الوعي ويوم صحيت مرتن ثانيه كانت هي قد راااحت مشيييت حينها مساااافه طويله ومذكر عقب وش صاااار
ليث:انت مهب ابو للعيل؟؟
ناظر سعد ليث وتذكر سالفة البدور الي عندهم بالمغاره وتو تذكر هي وش قالت له
سعد:للا ....انا اعطيتها الامااان وانا مهب رجال يخووون العهد
ليث:الشيييخ حماد يقوول انك انت ابو العيل
سعد:وانا احلف لك اني ابد مالمستها
ليث وهو يوقف:اجل من هو ابو العيل؟؟
والتفت ماشي خطوتين:الهرج ذا كله مايدخل الرااااس
قرب منه حينها عتاب وحط يده على كتفه
عتاب:ليييه ماتكووون انت ابو العيل يا لييث؟؟
ارتجف ليييث بقو وهو يلتفت لعتااااب والفكره ذي ابد ماجت على باااله
وحينها جلس على الصخره القريب منه وهو يناظر عتاب ويحاااول انه يستوعب الي يقوله
ليث:انا!!!!؟...انت وش اتقووول؟؟
عتاب جلس جنبه:ايييه انت
ليث:السالفه كااانت من زمااان ووو وشلووون؟؟
عتاب:وكاااد ان الحرمه تحبل لشهووور طويله
التفت عتاب لقماد الي يمكن يكون عنده خبره بفترة حمال الحرمه لان الاثنين منتهين مايعرفون شي
ومن بعد ماسالوه ناظرهم قماد بطرف عينه ومشي عنهم
عتاب:يا خوووي وكاااد انه انت ابوووه تراااها نفس الزمااان الي هربت فيه الحرمه وبعدها بكم يوم انا لقيييت الرجال طايح من فوق الجبل والشيخ حماد يقول انها كانت حامل من قبل لاتجيهم
بدت الرجفه ترجف ليث وهو ماهو متخيل انه يكووون صحيح ابو العيل
عتاب:خلنا نرووح ونسالها
قام عتاب ومشي خطوتين وعاااود والتفت لليث:وش فيييك يا خوووي؟
ليث:احس رجولي مهي قااادره تشيييلني
ظل ليث يفكر بكل الي صااار وببكى البدور منقبل ساعه وهي تطلب منه انه مايتركها وتقول انه هو السبب بالي يصير لها ..تذكر هي وش كثر تكرهه وتخاف منه بنفس الوقت وكلامها الدايم بانه هو السبب بكل الي يصير لها
ليث وهو يناظر لمكان بعيد قدامه:انا ابو العيل !!!انا!!!؟؟
التفت لعتاب:يا اخوووي احس اني ماني قاااادر افكر بشي ماني عااارف وش الي يصير لي
عتاب:متضااايق ياخوووي ان كاااان صحيييح هو ولدك؟
ظل ليث يناظر عتاب من غير مايقول اي كلمه لين ماجتهم قوت
قوت:الحق ياخوووي ياليييث الحرمه العجوز الي جبتها تركت الحرمه مستوجعه وطلعت من الغار ودها تعاااود لبيتها تقول انها ماتقدر تولدها
عتاب:وشلووون يعني؟
قوت وهي ترجف:تقووول ان حالها صعيب ويمكن ان يموووت حد من الاثنين وما ودها تكون سبب بالي يصير
وقف ليث وعيونه طايره بقوت:وش الهرج ذا؟؟
وخلااهم ورااح للغار
ناظر البدور الي كانت تبكي بحضن عبله وهي مستوجعه ورجع طلع من الغار ولحق العجوز
ليث وهو يسرع بخطواته وراها:على وييين ياحرمه
التفتت له العجوز:ودي اعاااود للديره
ليث:والحرمه الي تركتيها وراااج
العجوز:حالها صعيييب وهقوتي يموووت واحد من الاثنين هي او العيل وانا ماودي اكووون سبب بموت واحدن منهم
ليث:وشلووون يعني وش الي يصييير لهم؟
العجوز:تراااها تصييير يا ولدي كثير ومنها يموت العيل ولا امه ذا من رب العالميييين
ليث:عاااودي يا حرمه وساااعدي الحرمه تولد
العجوز:ما اعاااود الا من بعد ماتعطيني الامان وانك ماتاااذيني ان مااات واحدن منهم
حينها نزل ليث بارودته وصوبها ناحيتها:عااااودي يا حرمه ووالله ثم والله ان مااات واحدن منهم ان موووتج يكووون على يدي
العجوز صرخت:يا ااااااا جهد البلااا وش الي قاااعد تقووووله ترا مابيدي شي
ليث بغضب:قلت عااااودي وامشي قدااااااامي
التفتت العجوز تصعد الجبل مرتن ثانيه وهي تولول
ليث:قلت اقطعي الهرج وامشي
بالغصيبه عاود ليث بالحرمه عند البدور وتعهد لها ان مات حد منهم انها تلحقه ودب الخوف والرعب بقليب العجوز ورجعت تحاول
انها تولد البدور طبيعي
كان قريب من باب المغاره ويسمع ونينها وبكاها حس انه مايقدر يحتمل بكاها مع انه دوووم يسمعها تبكي الا انها المره ذي وجعها فتك فيه وهو يحس بحاله يحترق ويحترق
الي يناظر وجهه يلاحظ حبات العرق الي تنزل رغم ان الجو كان عااادي وحمرة عيونه الي كل ماجااها تزيد حمار
حتى ان عتاب ماقدر يقرب منه يكلمه ولا يقول له شي وظلو ينتظرون
طلعت قوت وهي تبكي وناظرت عتاب ومشت مبتعده عن باب المغاره حينها وقف قليب ليث لاكنه عاود يدق وهو بعده يسمع ونينها عتاب لحق قوت يشوووف وش فيها
جلست قووت على صخره بعيد وهي تزيييد في بكاها
قرب منها عتاب :وش فيييج يا قوووته الحرمه زييينه
قوته:ماني قااادره اشوووف الحااال ذا والله ان قليب موجوووع على حااالها
عتاب:يا جهد البلا وهو ذا الي يصير دوووم
قوته:وش يدريييني مير اسمع ترااااني ماراااح اجيييب عيل بحيااااتي كلها
ابتسم عتاااب وماعرف بويييش يرد عليها وظل جالس يناظرها وهي تبكي
قماد وهو يطل على شووق الي كانت متخبيه بين صخرتين بعيد عن باب المغاره
قماد بابتسامه:وش اتسوييين اهنيا؟؟
التفتت له وهي مرعوووبه
شوق:ماودي اعااااود للغاااار
قماد بخبث:للا ودج تعاااودي
شوق:الحرمه تموووت وشلووون ودك اياااني اعااااود؟؟
قماد مد يده لها ومسك ايدها وسحبها ناحيته كان يحس بالحمى من مسكة يده ليدها بعدها فيها
قماد:وشلووون تطلعي من المغاااره وانتي بعدج مرييض
شوق وعيونها بدت تدمع:ارجااااك والله ان ماودي اعااااااود ارجاااك خلها تالد بلاوله ومن عقب اعااااااود
هز قماد راسه بلاااا:للا هالحيييين لزوووم تعااااودي
شوق:مقوء على شوووفها بالحاااله ذي
قماد:ودج تقنعيني ان بج قلب يحس للا ماهقوتي وهالحييين امشي قدااامي للمغاااره ودي اياااج تكوني قريبه منها وتشوووفي وشلووون هو حااالج يوم تكوني بوضعها
ارتعبت شوووق ازود وبدت تبكي:ماودي ماااودي
زجرها وهو يجرها للمغاره:امــــــــــــــــــشي
اول مادخلت شوق المغاره صرفت نظرها عن البدور وخذت لها زاويه بعيد جلست فيها وهي تحط ايديها على وذانها وظلت جالسه تبكي وترتجف كل ماسمعت صرخه من صرخااات البدور
عبله هي الوحيده الي ظلت جالسه قريبه من البدور وماسكه فيها ودموعها تنزل مستوجعه من حالها
..................................
اول ماقام فهاد الي كان نايم بمجلس ابووه الشيخ وقف يناظر الحلال من بيعيد وهو يمشي من امس وهو ملاحظ ان الرعيان عددهم قل
تفاجئ بهند تدخل عليه المجلس من صباح الله خير
فهاد:هنـــــــد وش اتسوييين اهنيا؟؟
هند:صبحك الله بالخيير ياشيييخ فهاااد
فهاد وهو يتلفت حوله:الله يزين صباااحج ماقلتيلي وش جااايبج اهنيا؟؟
هند وهي تمشي لوسط المجلس:ودي اسلم على عمي الشيييخ
فهاااد:الشيخ له مجلس ثاااني غير مجلس الرجال ذا يستقبل فيه العمه والي ترييد تحجي معه
هند:بس انا مهب من حريم الديره انا حرمة ولده وماعلي ان جيييت لمجلسه
فهاد: حنا سلومنا مهي مثل سلومكم المره والرجال سوا بالمجلس
هند بنظره تعالي:ماودك اياااني اجلس بمجلس الشيييخ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك